დიპლომისშემდგომი სამედიცინო განათლების პროგრამის დამტკიცების შესახებ

სახელმწიფო სარეგისტრაციო კოდი 470.010.000.22.035.010.183

საქართველოს შრომის, ჯანმრთელობისა და სოციალური დაცვის მინისტრის

ბრძანება №129/ნ

2007 წლის 10 აპრილი

ქ. თბილისი

დიპლომისშემდგომი სამედიცინო განათლების პროგრამის დამტკიცების შესახებ

„საქართველოს 2007 წლის სახელმწიფო ბიეჯეტის შესახებ“ საქართველოს კანონის 52-ე მუხლის მე-2 პუნქტისა და „საქართველოს შრომის. ჯანმრთელობისა და სოციალური დაცვის სამინისტროს დებულების დამტკიცების შესახებ“ საქართველოს მთავრობის 2005 წლის 31 დეკემბრის № 249 დადგ ე ნილებით დამტკიცებული დებულების მე-2, მე-3 და მე-5 მუხლების საფუძველზე, ვბრძანებ:

1. დამტკიცდეს თანდართული „დიპლომისშემდგომი სამედიცინო განათლების პროგრამა“.

2. ბრძანება ამოქმედდეს გამოქვეყნების დღიდან.

ლ. ჭიპაშვილი

დანართი

დიპლომისშემდგომი სამედიცინო განათლების პროგრამა (წინა წლებში ნაკისრი ვალდებულებების დაფინანსება)

თავი I

    მუხლი 1. პროგრამის ზოგადი დახასიათება

დიპლომისშემდგომი სამედიცინო განათლების სახელმწიფო პროგრამა (წინა წლებში ნაკისრი ვალდებულებების დაფინანსება) ითვალისწინებს წინა წლებში სახელმწიფო დაკვეთით მიღებული რეზიდენტების მზადებას.

    მუხლი 2. პროგრამის დაფინანსება

პროგრამის დაფინანსების წყაროს წარმოადგენს სახელმწიფო ბიუჯეტი და ამ მიზნით 2007 წელს გათვალისწინებულია 394 100 (სამას ოთხმოცდათოთხმეტი ათას ასი) ლარი:

 

ღ ო ნ ი ს ძ ი ე ბ ა	ბიუჯეტი (ლარებში) 2007 წელი
2007 წლამდე სახელმწიფო დაკვეთით მიღებული რეზიდენტების მზადება	394 100

 

    მუხლი 3. პროგრამის განხორციელება, მართვა და მონიტორინგი

პროგრამას ახორციელებს, მართავს და მონიტორინგს აწარმოებს საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირი – საქართველოს ჯანმრთელობისა და სოციალური დაცვის პროექტების განმახორციელებელი ცენტრი.

თავი II

    მუხლი 4. აქტუალობის დასაბუთება

ექიმის სპეციალისტად ჩამოყალიბების პროცესის უმნიშვნელოვანეს ეტაპს წარმოადგენს დიპლომისშემდგომი განათლება და სარეზიდენტო მზადება, ხოლო ექიმის, როგორც სპეციალისტის პროფესიული კომპეტენციის სრულყოფა მისი პრაქტიკული საქმიანობის მთელ პერიოდში გრძელდება უწყვეტი პროფესიული განვითარების სისტემაში მონაწილეობის გზით. რეზიდენტურის დამთავრების შედეგად საექიმო საქმიანობის მაძიებელი იძენს იმ თეორიულ ცოდნასა და პრაქტიკულ უნარ- ჩვევებს, რაც აუცილებელია დამოუკიდებელი საექიმო საქმიანობის განსახორციელებლად. აღნიშნული პროცესის უზრუნველყოფისა და საკადრო პოლიტიკის ხელშეწყობის მიზნით, სახელმწიფო ფინანსურად უზრუნველყოფს სარეზიდენტო მზადების ადმინისტრირებას.

    მუხლი 5. პროგრამის მიზანი

პროგრამის მიზანია თანამედროვე სტანდარტებისა და საერთაშორისო რეკომენდაციების (WFME – სამედიცინო განათლების მსოფლიო ფედერაცია) შესაბამისი დონის ექიმი-სპეციალისტების მომზადების გზით საბაზისო სამედიცინო განათლების მქონე პირის კონკურენტუნარიან სპეციალისტად ჩამოყალიბება, საქართველოს მოსახლეობის ჯანმრთელობის ინტერესების გათვალისწინებით.

    მუხლი 6. პროგრამის ამოცანები

პროგრამის ამოცანებია:

ა) სახელმწიფო პროგრამის ფარგლებში დამტკიცებული სტანდარტებისა და შესრულებული სამუშაოს ყოველთვიური ანგარიშის საფუძველზე დადგენილი წესით დაფინანსების უზრუნველყოფა;

ბ) უმაღლესი საგანმანათლებლო დაწესებულების კურსდამთავრებული (დიპლომის მქონე) პირის დახელოვნება შესაბამის საექიმო სპეციალობაში და კვალიფიციური სპეციალისტის მომზადება შესაბამისი პროფილის კლინიკაში (როგორც სტაციონარულ, ასევე ამბულატორიულ) რეზიდენტის პრაქტიკული მუშაობის გზით;

გ) რეზიდენტურაში მზადების პერიოდში რეზიდენტის მიერ წარმოებული პრაქტიკული საქმიანობის მეთვალყურეობის უზრუნველყოფა სათანადო კვალიფიკაციის დამოუკიდებელი საექიმო საქმიანობის უფლების მქონე პირის მიერ და ანგარიშების მომზადება.

    მუხლი 7. განხორციელების გეგმა

ა) სარეზიდენტო მზადების პროგრამის დირექტორებთან შეთანხმებით რეზიდენტთა მზადების ინდივიდუალური გეგმა-გრაფიკების (როტაციების გრაფიკი) მომზადების უზრუნველყოფა;

ბ) მზადების შუალედური შეფასების უზრუნველყოფა;

გ) კურსდამთავრებული რეზიდენტების მომზადების დონის საბოლოო შეფასების უზრუნველყოფა;

დ) რეზიდენტთა მზადების მონიტორინგი და შეფასება.

    მუხლი 8. განხორციელების ვადები

პროგრამა ხორციელდება 2007 წლის 1 იანვრიდან 2007 წლის 31 დეკემბრის ჩათვლით „შრომის, ჯანმრთელობისა და სოციალური დაცვის იმ სახელმწიფო პროგრამების (კომპონენტების), მათი ღონისძიებებისა და დაფინანსების წყაროების განსაზღვრის შესახებ, რომელთა უწყვეტი განხორციელებაც აუცილებელია სახელმწიფო ს მიერ 2006 წლის შრომის, ჯანმრთელობისა და სოციალური დაცვის პროგრამებით ნაკისრი ვალდებულებების შესასრულებლად 2007 წლის სახელმწიფო პროგრამების დამტკიცებამდე და „სახელმწიფო შესყიდვების შესახებ“ საქართველოს კანონის მოთხოვნათა შესრულებამდე საქართველოს შრომის, ჯანმრთელობისა და სოციალური დაცვის მინისტრის 2007 წლის 9 თებერვლის №42/ნ ბრძანებისა და ამ პროგრამით განსაზღვრული ნორმების შესაბამისად.

    მუხლი 9. მოსალოდნელი შედეგი

2007 წლის განმავლობაში სახელმწიფო დაკვეთით სარეზიდენტო მზადებას დაასრულებს 34 რეზიდენტი, ხოლო სარეზიდენტო მზადებას გააგრძელებს 135 რეზიდენტი.

    მუხლი 10. სახელმწიფი შესყიდვის განხორციელების წესი

პროგრამით გათვალისწინებული ღონისძიებების ჩასატარებლად სახელმწიფო შესყიდვა განხორციელდება „სახელმწიფო შესყიდვების შესახებ“ საქართველოს კანონის შესაბამისად.