საქართველოს ფინანსთა სამინისტროს შემოსავლების სამსახურის თელავის რეგიონალური ცენტრის (საგადასახადო ინსპექციის) დებულების დამტკიცების თაობაზე

სახელმწიფო სარეგისტრაციო კოდი 190.040.000.22.033.010.897

საქართველოს ფინანსთა

მინისტრის ბრძანება №1097

2007 წლის 28 სექტემბერი

ქ. თბილისი

საქართველოს ფინანსთა სამინისტროს შემოსავლების სამსახურის თელავის რეგიონალური ცენტრის (საგადასახადო ინსპექციის) დებულების დამტკიცების თაობაზე

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 26-ე მუხლის მე-4 პუნქტისა და საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების მე-4 მუხლის მე-3 პუნქტის „ი“ ქვეპუნქტის საფუძველზე, ვბრძანებ:

1. საქართველოს ფინანსთა სამინისტროს შემოსავლების სამსახურის თელავის საგადასახადო ინსპექციის და რეგიონალური საბაჟო „აღმოსავლეთის“ რეორგანიზაციის შედეგად, თელავის საგადასახადო ინსპექციის ბაზაზე ჩამოყალიბდეს საქართველოს ფინანსთა სამინისტროს შემოსავლების სამსახურის თელავის რეგიონალური ცენტრი (საგადასახადო ინსპექცია).

2. დამტკიცდეს „საქართველოს ფინანსთა სამინისტროს შემოსავლების სამსახურის თელავის რეგიონალური ცენტრის (საგადასახადო ინსპექციის) დებულება“.

3. შემოსავლების სამსახურის თელავის რეგიონალური ცენტრის (საგადასახადო ინსპექციის) სამოქმედო ადმინისტრაციულ-ტერიტორიული ერთეულები განისაზღვრება საქართველოს ფინანსთა მინისტრის ინდივიდუალური ადმინისტრაციულ-სამართლებრივი აქტით.

4. ბრძანება ამოქმედდეს 2007 წლის 12 ოქტომბრიდან.

ნ. გილაური

შეტანილი ცვლილებები:

1.  საქართველოს ფინანსთა მინისტრის 2007 წლის 14 ნოემბრის ბრძანება №1218 - სსმ III, №163, 20.11.2007 წ., მუხ.1795

2.  საქართველოს ფინანსთა მინისტრის 2008 წლის 18 იანვრის ბრძანება №70 - სსმ III, №11, 24.01.2008 წ., მუხ.152

3.  საქართველოს ფინანსთა მინისტრის 2008 წლის 15 თებერვლის ბრძანება №139 - სსმ III, №26, 20.02.2008 წ., მუხ.274

4.  საქართველოს ფინანსთა მინისტრის 2008 წლის 28 მარტის ბრძანება №311 - სსმ III, №48, 31.03.2008 წ., მუხ.546

5.  საქართველოს ფინანსთა მინისტრის 2008 წლის 27 ივნისის ბრძანება №552, სსმ III, №94, 02.07.2008 წ., მუხ.1039

6.  საქართველოს ფინანსთა მინისტრის 2009 წლის 30 იანვრის ბრძანება №41 - სსმ III, №13, 05.02.2009 წ., მუხ.157

7.  საქართველოს ფინანსთა მინისტრის 2009 წლის 7 მაისის ბრძანება №277, სსმ III, №57, 11.05.2009 წ., მუხ.636

8.  საქართველოს ფინანსთა მინისტრის 2009 წლის 23 ივლისის ბრძანება №475, სსმ III, №91, 23.07.2009 წ., მუხ.963

9.  საქართველოს ფინანსთა მინისტრის 2009 წლის 25 სექტემბრის ბრძანება №620, სსმ III, №117, 28.09.2009 წ., მუხ.1542

10.  საქართველოს ფინანსთა მინისტრის 2009 წლის 3 ნოემბრის ბრძანება №712, სსმ III, №137, 06.11.2009 წ., მუხ.1578

11.  საქართველოს ფინანსთა მინისტრის 2009 წლის 30 დეკემბრის ბრძანება №937, სსმ III, №159, 30.12.2009 წ., მუხ.2000

12.  საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

 

საქართველოს ფინანსთა სამინისტროს შემოსავლების სამსახურის თელავის რეგიონალური ცენტრის (საგადასახადო ინსპექციის)

დებულება

თავი I. ზოგადი დებულებები

    მუხლი 1. თელავის რეგიონალური ცენტრის (საგადასახადო ინსპექციის) სტატუსი

1. საქართველოს ფინანსთა სამინისტროს შემოსავლების სამსახურის თელავის რეგიონალური ცენტრი (საგადასახადო ინსპექცია) (შემდგომში – ცენტრი (საგადასახადო ინსპექცია) წარმოადგენს საქართველოს ფინანსთა სამინისტროს შემოსავლების სამსახურის ტერიტორიულ ორგანოს, რომელიც თავისი კომპეტენციის ფარგლებში საქართველოს ფინანსთა მინისტრის ინდივიდუალური ადმინისტრაციულ-სამართლებრივი აქტით (ბრძანებით) განსაზღვრულ სამოქმედო ტერიტორიაზე უზრუნველყოფს საგადასახადო და საბაჟო კანონმდებლობის დაცვაზე და შესრულებაზე სახელმწიფო კონტროლს, როგორც საგადასახადო და საბაჟო ორგანო.

2. ცენტრის (საგადასახადო ინსპექციის) საქმიანობის მართვას და ზედამხედველობას ახორციელებს საქართველოს ფინანსთა სამინისტროს შემოსავლების სამსახური.

3. ცენტრს (საგადასახადო ინსპექციას) აქვს დადგენილი ნიმუშის ბეჭედი.

4. ცენტრის (საგადასახადო ინსპექციის) დაფინანსება ხორციელდება სახელმწიფო ბიუჯეტიდან.

5. ცენტრის (საგადასახადო ინსპექციის) ადგილსამყოფელია ქ. თელავი, ერეკლე II-ის გამზირი №1.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

    მუხლი 2. ცენტრის (საგადასახადო ინსპექციის) საქმიანობის სამართლებრივი საფუძველი

ცენტრის (საგადასახადო ინსპექციის) საქმიანობის სამართლებრივ საფუძველს წარმოადგენს საქართველოს კონსტიტუცია, საქართველოს საერთაშორისო ხელშეკრულებები და შეთანხმებები, საქართველოს საგადასახადო და საბაჟო კოდექსები, საქართველოს ფინანსთა სამინისტროს დებულება, საქართველოს ფინანსთა მინისტრის სამართლებრივი აქტები, საქართველოს ფინანსთა სამინისტროს შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტები და სხვა სამართლებრივი აქტები.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

    მუხლი 3. ცენტრის (საგადასახადო ინსპექციის) ურთიერთობა სახელმწიფო ხელისუფლების ორგანოებთან

1. ცენტრი (საგადასახადო ინსპექცია) თავის მოვალეობას ასრულებს დამოუკიდებლად და, საჭიროებისამებრ, თანამშრომლობს სახელმწიფო ხელისუფლების სხვა ორგანოებთან.

2. ცენტრს (საგადასახადო ინსპექციას) უფლება აქვს სამსახურებრივი მიზნებისათვის სახელმწიფო და ადგილობრივი თვითმმართველობის ორგანოებიდან უსასყიდლოდ მიიღოს მონაცემები, ცნობები, დოკუმენტები და სხვა საჭირო ინფორმაცია.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

     თავი II. ცენტრის (საგადასახადო ინსპექციის) საქმიანობის სფერო და ამოცანები

    მუხლი 4. ცენტრის (საგადასახადო ინსპექციის) ამოცანა

ცენტრის (საგადასახადო ინსპექციის) ამოცანაა თავის სამოქმედო ტერიტორიაზე, კომპეტენციის ფარგლებში, საგადასახადო და საბაჟო კანონმდებლობის დაცვასა და შესრულებაზე კონტროლის უზრუნველყოფა, რომელსაც ახორციელებს სტრუქტურული ქვედანაყოფების მეშვეობით.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

    მუხლი 5. ცენტრის (საგადასახადო ინსპექციის) საქმიანობის სფერო

ცენტრი (საგადასახადო ინსპექცია) საკუთარი კომპეტენციისა და უფლებამოსილების ფარგლებში, დადგენილი წესით ახორციელებს გადასახადის გადამხდელთა საგადასახადო აღრიცხვას (რეგისტრაციას) (გარდა სსიპ საჯარო რეესტრის ეროვნულ სააგენტოში რეგისტრაციას დაქვემდებარებული პირებისა), ორგანიზაციებისათვის საქველმოქმედო ორგანიზაციის სტატუსის მინიჭებისათვის საჭირო დოკუმენტაციის მიღებას, საქველმოქმედო სტატუსის მქონე ორგანიზაციის მიერ საქართველოს საგადასახადო კოდექსის 32-ე მუხლის მე-9 ნაწილით გათვალისწინებული ვალდებულების შესრულების კონტროლს, აზარტული და სხვა მომგებიანი თამაშობების ნებართვის მფლობელის მიერ სანებართვო პირობების შესრულების კონტროლს, გადამხდელთა მომსახურებას, მონაცემთა დამუშავებას, საგადასახადო კონტროლს, საგადასახადო და საბაჟო ვალდებულებების შესრულების უზრუნველყოფის ღონისძიებებს, გადასახადების ადმინისტრირებას, საბაჟო ტერიტორიაზე საქონლის შემოტანისა და გატანისას სავაჭრო პოლიტიკის ღონისძიებებს, საბაჟო ზედამხედველობასა და საბაჟო კონტროლს, საბაჟო გამშვებ პუნქტებში საქართველოს სახელმწიფო საზღვრის გადაკვეთისას სამგზავრო დოკუმენტებში შესაბამისი აღნიშვნების განხორციელებას, სანიტარიულ-საკარანტინო, სახელმწიფო ვეტერინარულ სასაზღვრო-საკარანტინო, სახელმწიფო ფიტოსანიტარიულ სასაზღვრო-საკარანტინო კონტროლს და კანონმდებლობით გათვალისწინებულ სხვა უფლებამოსილებებს.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

     თავი III. ცენტრის (საგადასახადო ინსპექციის) სტრუქტურა, ხელმძღვანელობის ორგანიზება, ხელმძღვანელთა უფლება-მოვალეობები

    მუხლი 6. ცენტრის (საგადასახადო ინსპექციის) სტრუქტურა

1. ცენტრის (საგადასახადო ინსპექციის) სტრუქტურას ამტკიცებს და მასში ცვლილებები შეაქვს საქართველოს ფინანსთა მინისტრს, საქართველოს ფინანსთა სამინისტროს შემოსავლების სამსახურის უფროსის წარდგინებით.

2. ცენტრი (საგადასახადო ინსპექცია) შედგება შემდეგი სტრუქტურული ქვედანაყოფებისაგან:

ა) ადმინისტრაცია;

ბ) იურიდიული სამმართველო;

გ) მომსახურების სამმართველო;

დ) კონტროლის სამმართველო;

ე) იძულებითი ღონისძიებების სამმართველო;

ვ) საბაჟო დამუშავების ოპერაციების და საბაჟო კონტროლის სამმართველო;

ზ) საბაჟო გამშვები პუნქტები „ლაგოდეხი“ და „სამთაწყარო“.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

    მუხლი 7. ცენტრის (საგადასახადო ინსპექციის) ხელმძღვანელობის ორგანიზება და თანამდებობის პირთა დანიშვნის წესი

1. ცენტრს (საგადასახადო ინსპექციას) ხელმძღვანელობს ცენტრის (საგადასახადო ინსპექციის) უფროსი, რომელსაც თანამდებობაზე ნიშნავს და თანამდებობიდან ათავისუფლებს საქართველოს ფინანსთა მინისტრი საქართველოს ფინანსთა სამინისტროს შემოსავლების სამსახურის უფროსის წარდგინებით.

2. ცენტრის (საგადასახადო ინსპექციის) უფროსს ჰყავს მოადგილეები, რომელთაც თანამდებობაზე ნიშნავს და თანამდებობიდან ათავისუფლებს საქართველოს ფინანსთა მინისტრი საქართველოს ფინანსთა სამინისტროს შემოსავლების სამსახურის უფროსის წარდგინებით.

3. ცენტრის (საგადასახადო ინსპექციის) სხვა საჯარო მოსამსახურეებს ცენტრის (საგადასახადო ინსპექციის) უფროსის წარდგინებით თანამდებობაზე ნიშნავს და თანამდებობიდან ათავისუფლებს საქართველოს ფინანსთა სამინისტროს შემოსავლების სამსახურის უფროსი.

4. ცენტრის (საგადასახადო ინსპექციის) უფროსი თავისი კომპეტენციის ფარგლებში:

ა) იღებს გადაწყვეტილებებს, მოქმედებს ცენტრის (საგადასახადო ინსპექციის) სახელით, წარმოადგენს ცენტრს (საგადასახადო ინსპექციას) სახელმწიფო ხელისუფლების სხვა ორგანოებთან ურთიერთობაში;

ბ) უზრუნველყოფს საქართველოს კონსტიტუციის, საქართველოს საგადასახადო და საბაჟო კოდექსების, საქართველოს კანონების, საქართველოს პრეზიდენტის ბრძანებულებების, განკარგულებების, საქართველოს მთავრობის დადგენილებების, საქართველოს ფინანსთა მინისტრის ბრძანებების, საქართველოს ფინანსთა სამინისტროს შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტების და სხვა სამართლებრივი აქტების შესრულებას;

გ) ახორციელებს ცენტრის (საგადასახადო ინსპექციის) სტრუქტურული ქვედანაყოფების საქმიანობის მართვას, კოორდინაციასა და ზედამხედველობას. საჭიროების შემთხვევაში, საგადასახადო და საბაჟო კანონმდებლობით საგადასახადო და საბაჟო ორგანოებისათვის დადგენილი კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტებს შესაბამისი სტრუქტურული ქვედანაყოფის და ცენტრის (საგადასახადო ინსპექციის) საჯარო მოხელეთა მიერ კონკრეტული ფუნქციის შესრულების თაობაზე;

დ) კანონით დადგენილი წესის შესაბამისად, წარადგენს წინადადებებს ცენტრის (საგადასახადო ინსპექციის) თანამშრომელთა წახალისების ან მათთვის დისციპლინური პასუხისმგებლობის დაკისრების შესახებ;

ე) ანგარიშვალდებულია საქართველოს ფინანსთა მინისტრისა და საქართველოს ფინანსთა სამინისტროს შემოსავლების სამსახურის უფროსის წინაშე;

ვ) გამოსცემს ინდივიდუალურ ადმინისტრაციულ-სამართლებრივ აქტებს;

ზ) იღებს გადაწყვეტილებებს საგადასახადო შემოწმების მასალების და სხვა სათანადო ინფორმაციის საფუძველზე გადასახადების დარიცხვის შესახებ;

თ) იღებს გადაწყვეტილებებს საგადასახადო და საბაჟო სამართალდარღვევის ოქმების საფუძველზე სანქციის გამოყენების თაობაზე;

ი) კანონმდებლობით გათვალისწინებულ შემთხვევაში განიხილავს საგადასახადო, საბაჟო და ადმინისტრაციულ სამართალდარღვევათა საქმეებს;

კ) საქართველოს კანონმდებლობის შესაბამისად ახორციელებს სხვა ფუნქციებს და სარგებლობს სხვა უფლებამოსილებებით.

5. ცენტრის (საგადასახადო ინსპექციის) უფროსის არყოფნის შემთხვევაში მის მოვალეობას, შესაბამისი ინდივიდუალური ადმინისტრაციულ-სამართლებრივი აქტის საფუძველზე, ახორციელებს ცენტრის (საგადასახადო ინსპექციის) უფროსის ერთ-ერთი მოადგილე;

6. ცენტრის (საგადასახადო ინსპექციის) ხელმძღვანელი თანამდებობის პირები:

ა) ცენტრის (საგადასახადო ინსპექციის) უფროსის მოადგილეები ხელმძღვანელობენ ცენტრის (საგადასახადო ინსპექციის) უფროსის მიერ განსაზღვრულ სფეროებს;

ბ) სტრუქტურული ქვედანაყოფების ხელმძღვანელები წარმართავენ შესაბამისი ქვედანაყოფების საქმიანობას;

გ) ასრულებენ ცენტრის (საგადასახადო ინსპექცია) უფროსის სხვა დავალებებს.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

     თავი IV. ცენტრის (საგადასახადო ინსპექციის) სტრუქტურული ქვედანაყოფების ფუნქციები

    მუხლი 8. ადმინისტრაცია

ადმინისტრაცია თავისი კომპეტენციის ფარგლებში:

ა) უზრუნველყოფს ცენტრში (საგადასახადო ინსპექციაში) საქმისწარმოებას – საქართველოს ფინანსთა სამინისტროს შემოსავლების სამსახურის უფროსის ინდივიდუალური ადმინისტრაციულ-სამართლებრივი აქტის შესაბამისად;

ბ) ახორციელებს საკონტროლო დავალებათა შესრულებაზე კონტროლს და ცენტრის (საგადასახადო ინსპექციის) უფროსს პერიოდულად აწვდის ინფორმაციას მათი შესრულების შესახებ;

გ) უზრუნველყოფს ცენტრის (საგადასახადო ინსპექციის) უფროსის მიერ გამოცემული ყველა ინდივიდუალური ადმინისტრაციულ-სამართლებრივი აქტის (ბრძანების) რეგისტრაციას და შემსრულებლამდე დაყვანას;

დ) ახდენს შემოსული და გასული კორესპოდენციების სათანადო დამუშავებას და აწესებს კონტროლს შემოსული კორესპოდენციების მოძრაობაზე;

ე) უზრუნველყოფს არქივის წარმოებას;

ვ) უზრუნველყოფს მუდმივად შესანახი კორესპოდენციებისა და კორესპოდენციათა საქმეების რეგისტრაციას, ჟურნალების ქრონოლოგიური წესით დალაგებას და ამზადებს მათ არქივში გადასაცემად;

ზ) ახორციელებს ცენტრის (საგადასახადო ინსპექციის) მოსამსახურეთა დანიშვნა-გათავისუფლების შესახებ ინდივიდუალური ადმინისტრაციულ-სამართლებრივი აქტების (ბრძანებების) პროექტების მომზადებას, აწარმოებს მათი პირადი საქმეების შედგენას;

თ) უზრუნველყოფს შრომის დისციპლინის დაცვას;

ი) კოორდინაციას უწევს კადრების კვალიფიკაციის ამაღლებას;

კ) წარადგენს შესაბამის ნაერთ ანგარიშებს საქართველოს ფინანსთა სამინისტროს შემოსავლების სამსახურში;

ლ) კანონმდებლობით დადგენილი წესით ახორციელებს ცენტრის (საგადასახადო ინსპექციის) მატერიალურ-ტექნიკურ უზრუნველყოფას და ბუღალტრულ აღრიცხვა-ანგარიშგებას.

მ) ასრულებს ცენტრის (საგადასახადო ინსპექცია) უფროსის სხვა დავალებებს.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

    მუხლი 9. იურიდიული სამმართველო

იურიდიული სამმართველო თავისი კომპეტენციის ფარგლებში:

ა) ცენტრის (საგადასახადო ინსპექციის) თანამშრომლებს უწევს იურიდიულ კონსულტაციებს, აცნობს ახალ ნორმატიულ აქტებს და ცვლილებებს კანონმდებლობაში;

ბ) მონაწილეობს საგადასახადო, საბაჟო და სხვა სახის სასამართლო დავებში;

გ) მონაწილეობს საგადასახადო დავალიანების მქონე გადასახადის გადამხდელის მიმართ საგადასახადო ვალდებულების შესრულების უზრუნველყოფის ღონისძიებებში;

დ) მონაწილეობს სასამართლოსა და საქართველოს ფინანსთა სამინისტროს სისტემაში განხილულ დავებზე მიღებული გადაწყვეტილებების აღსრულების პროცესში;

ე) აწარმოებს საგადასახადო, საბაჟო და ადმინისტრაციულ სამართალდარღვევათა საქმეებს. ცენტრის (საგადასახადო ინსპექციის) სტრუქტურული ქვედანაყოფებიდან მიღებულ საგადასახადო სამართალდარღვევათა ოქმებზე ამზადებს ცენტრის (საგადასახადო ინსპექციის) უფროსის/მოადგილის გადაწყვეტილების პროექტებს შესაბამისი დარიცხვის/არდარიცხვის განხორციელების თაობაზე;

ვ) მოწოდებული სათანადო ინფორმაციის საფუძველზე, საქართველოს საგადასახადო კოდექსის 68-ე მუხლის შესაბამისად, ამზადებს გადაწყვეტილების პროექტს გადასახადის/საგადასახადო სანქციის თანხის დარიცხვის/არდარიცხვის შესახებ;

ზ) იძულებითი ღონისძიებების სამმართველოდან მიღებულ მასალებზე დაყრდნობით ამზადებს შუამდგომლობებს სასამართლოში წარსადგენად მოვალის ყადაღადადებული ქონების აუქციონის წესით რეალიზაციის მოთხოვნის თაობაზე და მონაწილეობს ამ შუამდგომლობების განხილვაში;

თ) სასამართლოში წარსადგენად ამზადებს შუამდგომლობებს მეწარმე სუბიექტის სამეწარმეო საქმიანობის შემოწმების უფლების მოპოვების მოთხოვნის თაობაზე;

ი) შემოწმების აქტებისა და დასკვნების საფუძველზე ამზადებს სათანადო გადაწყვეტილების პროექტს საგადასახადო სანქციის თანხის დარიცხვის ან არდარიცხვის, ხოლო აქტით დარიცხული თანხის ოდენობის შესაბამისად, შემოწმების მასალების ქვემდებარეობის მიხედვით შესაბამისი საგამოძიებო ორგანოსათვის გადაგზავნის შესახებ;

კ) კანონმდებლობით დადგენილი წესით და ფორმით უზრუნველყოფს „საბაჟო შეტყობინების“ მომზადებას;

ლ) დადგენილი წესით აწარმოებს საბაჟო სამართალდარღვევების აღრიცხვას;

მ) ასრულებს ცენტრის (საგადასახადო ინსპექცია) უფროსის სხვა დავალებებს.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

    მუხლი 10. მომსახურების სამმართველო

1. მომსახურების სამმართველო გადასახადის გადამხდელთა რეგისტრაციის უზრუნველყოფის მიზნით, კომპეტენციის ფარგლებში:

ა) ახორციელებს გადასახადის გადამხდელთა საგადასახადო აღრიცხვას (რეგისტრაციას) (გარდა სსიპ საჯარო რეესტრის ეროვნულ სააგენტოში რეგისტრაციას დაქვემდებარებული პირებისა);

ბ) გადასახადის გადამხდელებზე გასცემს რეგისტრაციისათვის აუცილებელ სარეგისტრაციო ფორმებს;

გ) ახორციელებს გადასახადის გადამხდელთა რეესტრების წარმოებას და საგადასახადო აღრიცხვის (რეგისტრაციის) შესახებ ცნობის გაცემას;

დ) ამყარებს ურთიერთობას სახელმწიფო რეგისტრაციის განმახორციელებელ სხვა ორგანოებთან;

ე) ახდენს დღგ-ს გადამხდელთა რეგისტრაციას;

ვ) აწარმოებს საკონტროლო-სალარო აპარატების რეგისტრაციას;

ზ) აწარმოებს საგადასახადო კანონმდებლობით გათვალისწინებული გადასახადის გადამხდელისათვის სავალდებულოდ საწარმოებელი და საგადასახადო ორგანოში დასარეგისტრირებელი ფორმების/დოკუმენტების რეგისტრაციას/აღრიცხვას;

თ) ახორციელებს ორგანიზაციებისათვის საქველმოქმედო ორგანიზაციის სტატუსის მინიჭებისათვის საჭირო დოკუმენტაციის მიღებას და საქართველოს ფინანსთა სამინისტროს შემოსავლების სამსახურში წარდგენას, ასევე უწევს კონტროლს საქველმოქმედო სტატუსის მქონე ორგანიზაციის მიერ საქართველოს საგადასახადო კოდექსის 32-ე მუხლის მე-9 ნაწილით გათვალისწინებული ვალდებულების შესრულებას;

ი) უზრუნველყოფს ამ პუნქტის „ა“, „გ“, „ე-ზ“ ქვეპუნქტებში მითითებული მონაცემების ელექტრონული ვერსიის შექმნას.

2. მომსახურების სამმართველო მონაცემთა დამუშავების უზრუნველსაყოფად, კომპეტენციის ფარგლებში:

ა) აწარმოებს საგადასახადო დეკლარაციების, გაანგარიშებების მიღებას, ამოწმებს აღნიშნულ დოკუმენტებზე მითითებულ საინდენტიფიკაციო ნომერს, ფორმებში მითითებული რეკვიზიტების სისრულეს;

ბ) დადგენილი წესით იღებს ინფორმაციებს ფიზიკურ პირთა ქონების გადასახადების გადამხდელების შესახებ და უზრუნველყოფს გადასახადების მონაცემების კომპიუტერებში შეტანას;

გ) სანდო ინფორმაციის მიხედვით, რომელიც ცნობილია ცენტრისათვის (საგადასახადო ინსპექციისათვის) სათანადო წესით გაფორმებული დასკვნის საფუძველზე, ახორციელებს სავარაუდო დარიცხვას;

დ) მოწოდებული სათანადო ინფორმაციის საფუძველზე, საქართველოს საგადასახადო კოდექსის 68-ე მუხლის შესაბამისად, ამზადებს დასკვნას იურიდიული სამმართველოსათვის გადასაგზავნად შემდგომი რეაგირების მიზნით;

ე) აწარმოებს საგადასახადო დეკლარაციების, სხვა ანგარიშგების ფორმების და კანონმდებლობით გათვალისწინებული საგადასახადო ანგარიშ-ფაქტურების მონაცემების შეტანას მონაცემთა დამუშავების კომპიუტერულ ბაზაში;

ვ) დღგ-ის ანგარიშ-ფაქტურების დამუშავების შედეგად გამოვლენილი დარღვევების მიხედვით წარმოუდგენელი (წარმოდგენილი) დეკლარაციების ან ანგარიშ-ფაქტურების მიხედვით ამზადებს წინადადებებს სავარაუდო დარიცხვის შესახებ. გაყალბებული დოკუმენტების მიხედვით განხორციელებულ ოპერაციებზე ამზადებს მასალებს და რეაგირებისათვის გადასცემს სათანადო ორგანოს;

ზ) დადგენილი წესით ცენტრის (საგადასახადო ინსპექციის) სტრუქტურული ქვედანაყოფებიდან იღებს ინფორმაციებს გადასახადის გადამხდელთა მიერ მიღებული შემოსავლების შესახებ და უზრუნველყოფს მათ მონაცემთა დამუშავების კომპიუტერულ ბაზაში შეტანას და სათანადო დამუშავებას;

თ) სახაზინო დაწესებულებებიდან იღებს ინფორმაციას გადასახადის გადამხდელების/სხვა ვალდებული პირების მიერ შესაბამის ბიუჯეტებში ჩარიცხული გადასახადების, საბაჟო გადასახადებისა და მოსაკრებლების შესახებ და უზრუნველყოფს აღნიშნული მონაცემების კომპიუტერებში შეტანას;

ი) დადგენილი წესის მიხედვით აწარმოებს გადასახადის გადამხდელების/ ვალდებული პირების ბარათებზე საგადასახადო/საბაჟო კანონმდებლობით დაწესებული გადასახადების დარიცხვას და აღრიცხვას გადასახადების სახეების მიხედვით;

კ) კანონმდებლობით დადგენილი წესით და ფორმით ამზადებს „საგადასახადო მოთხოვნის“ პროექტებს ცენტრის (საგადასახადო ინსპექციის) უფროსის/მოადგილის მიერ მათზე ხელმოწერისათვის;

ლ) ადგენს საქართველოს ფინანსთა სამინისტროს შემოსავლების სამსახურის მიერ დაწესებული სტატისტიკური და ფაქტობრივი შემოსავლებისა და ვადაგადაცილებული დავალიანებების შესახებ ანგარიშებს;

მ) იცავს კომპიუტერულ სისტემებს გარეშე პირების მიერ მონაცემთა ბაზაში შეღწევისაგან;

ნ) კანონმდებლობით დადგენილი წესით და ვადებში უზრუნველყოფს გადამხდელთა სხვადასხვა გადასახადების ბარათებზე არსებული ზედმეტობების გადატანას სხვა გადასახადების ანგარიშში ან მათ დაბრუნებას გადამხდელთათვის;

ო) კანონმდებლობით დადგენილი წესით და ვადებში უზრუნველყოფს გადასახადის გადამხდელის/ვალდებული პირის მიერ საბაჟო დამუშავების ოპერაციების მიზნით დეპოზიტზე განთავსებული თანხის ხაზინის შესაბამის ანგარიშზე გადატანას;

პ) კომპეტენციის ფარგლებში უზრუნველყოფს საგადასახადო, საბაჟო და ადმინისტრაციული სამართალდარღვევების გამოვლენას, შესაბამისი ოქმების/ინფორმაციის შედგენას და შემდგომი რეაგირებისათვის მასალების გადაგზავნას იურიდიული სამმართველოსათვის;

ჟ) ცენტრში (საგადასახადო ინსპექციაში) არსებული და მესამე პირებიდან მიღებული ინფორმაციის დამუშავების საფუძველზე ამზადებს წინადადებებს გადასახადის გადამხდელთა მიმართ საგადასახადო კონტროლის ღონისძიებების განხორციელების თაობაზე.

3. მომსახურების სამმართველო გადასახადის გადამხდელთა მომსახურების მიზნით, კომპეტენციის ფარგლებში:

ა) აწარმოებს გადასახადის გადამხდელთა საქმეებს, უზრუნველყოფს ინფორმაციის შეკრებას, სისტემატიზაციას და გადასცემს ადმინისტრაციას;

ბ) განიხილავს გადასახადის გადამხდელების განცხადებებს საგადასახადო დეკლარაციების წარმოდგენის ვადის გაგრძელების შესახებ;

გ) უზრუნველყოფს გადასახადის გადამხდელებთან/ვალდებულ პირებთან ბიუჯეტთან ანგარიშსწორების საკითხებზე შედარების აქტების გაფორმებას;

დ) უზრუნველყოფს „გადასახადის გადამხდელთა მოთხოვნების“ განხილვას და „გადასახადის გადამხდელის მოთხოვნის“ სარეგისტრაციო ჟურნალის წარმოებას;

ე) უწევს კონსულტაციებს გადასახადის გადამხდელებს საგადასახადო კანონმდებლობის გამოყენებასთან დაკავშირებით;

ვ) აწვდის გადასახადის გადამხდელებს ინფორმაციას საგადასახადო კანონმდებლობის გამოყენებასთან დაკავშირებით;

ზ) უზრუნველყოფს კანონმდებლობით გათვალისწინებული წესით გადასახადის გადამხდელზე/საგადასახადო აგენტზე ან სხვა ვალდებულ პირზე ამონაწერის გადაცემას საგადასახადო ვალდებულებების ცვლილებებისა და შესრულების მდგომარეობის შესახებ;

თ) უზრუნველყოფს გადამხდელებს საგადასახადო ანგარიშ-ფაქტურებით და კანონმდებლობით დადგენილი სხვა მკაცრი აღრიცხვის ფორმებით, დეკლარაციებით და უწევს შესაბამის მომსახურებას დეკლარაციის მიღებასთან დაკავშირებით;

ი) მონაცემთა ბაზაზე დაყრდნობით, უზრუნველყოფს საგადასახადო/საბაჟო დავალიანებების არსებობის/არარსებობის შესახებ ცნობების გაცემას;

კ) საბანკო დაწესებულებებიდან იღებს კანონმდებლობით დადგენილ ინფორმაციას და ახორციელებს შესაბამისი ცნობების გაცემას;

ლ) უზრუნველყოფს ორმაგი დაბეგვრის ხელშეკრულებებთან დაკავშირებული ცნობების გაცემას;

მ) უზრუნველყოფს საჯარო მოსამსახურეთა ქონებრივი დეკლარაციების ფორმების გაცემას, შევსებული ფორმების მიღებას და მათი შენახვის ორგანიზებას;

ნ) კომპეტენციის ფარგლებში ახორციელებს კანონმდებლობით მინიჭებულ სხვა უფლებამოსილებებს;

ო) ასრულებს ცენტრის (საგადასახადო ინსპექცია) უფროსის სხვა დავალებებს.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

    მუხლი 11. კონტროლის სამმართველო

1. კონტროლის სამმართველო, კომპეტენციის ფარგლებში:

ა) ახდენს სახელმწიფო/საგადასახადო რეგისტრაციის/აღრიცხვის გარეშე მომუშავე პირთა გამოვლენას, შესაბამისი ოქმების შედგენას და ცენტრის (საგადასახადო ინსპექციის) იურიდიული სამმართველოსათვის გადაცემას;

ბ) ცენტრის (საგადასახადო ინსპექციის) სამოქმედო ადმინისტრაციულ-ტერიტორიულ ფარგლებში ახორციელებს საკონტროლო-სალარო აპარატების გამოყენებასთან დაკავშირებულ ზედამხედველობას, შესაბამისი ოქმების შედგენას და ცენტრის (საგადასახადო ინსპექციის) იურიდიული სამმართველოსათვის გადაცემას;

გ) ახორციელებს გადასახადის გადამხდელის საქმიანობის გამოკვლევას და დაკვირვებას ქრონომეტრაჟის ჩატარებით, საკონტროლო შესყიდვით, გადასახადის გადამხდელის ტერიტორიების დათვალიერებით და ინვენტარიზაციით;

დ) ახორციელებს საგადასახადო აღრიცხვაზე მყოფი გადასახადის გადამხდელების მიერ აქციზური მარკებით ნიშანდებას დაქვემდებარებული საქონლის წარმოების და მიწოდების დარღვევის ფაქტების გამოვლენას, შესაბამისი ოქმების შედგენას და ცენტრის (საგადასახადო ინსპექციის) იურიდიული სამმართველოსათვის გადაცემას;

ე) აქციზური საქონლის რეალიზაციაზე კონტროლის მიზნით, ახორციელებს საგადასახადო აღრიცხვაზე მყოფ გადასახადის გადამხდელებზე აღმრიცხველი მოწყობილობებისა და სათავსოების დალუქვას, დამატებითი აღმრიცხავი ტექნიკური საშუალებების დაყენებას და მის კონტროლს, დაზიანების შემთხვევაში ახდენს ლუქის ახსნას, მათ ხელახლა დალუქვას და ადგენს ამ მიზნით შემუშავებულ შესაბამისი ფორმის აქტებს. ხელახალი დალუქვის ყველა შემთხვევაში ახდენს საკონტროლო-სალარო აპარატში შეტანილი პაროლის შეცვლას;

ვ) უზრუნველყოფს საგადასახადო, საბაჟო და ადმინისტრაციული სამართალდარღვევების გამოვლენას, შესაბამისი ოქმების შედგენას და ცენტრის (საგადასახადო ინსპექციის) იურიდიული სამმართველოსათვის გადაცემას;

ზ) კანონმდებლობით დადგენილი წესით ახორციელებს აზარტული და სხვა მომგებიანი თამაშობების ნებართვის მფლობელის მიერ სანებართვო პირობების შესრულების შემოწმებას და კანონმდებლობით დადგენილ შემთხვევაში ჯარიმის შეფარდებას;

თ) ახორციელებს გადასახადის გადამხდელთა საქმიანობასთან დაკავშირებული დოკუმენტების კამერალურ შემოწმებას, ხოლო საქართველოს ფინანსთა სამინისტროს შემოსავლების სამსახურთან შეთანხმებით – გასვლით საგადასახადო შემოწმებას (მათ შორის, საწარმოს/ორგანიზაციის რეორგანიზაციასთან/ლიკვიდაციასთან დაკავშირებულ საგადასახადო შემოწმებებს);

ი) ატარებს საქართველოს საგადასახადო კოდექსის 156-ე მუხლის პირველი ნაწილით ან/და 158-ე მუხლის მე-2 ნაწილით გათვალისწინებულ საგადასახადო შემოწმებებს საქართველოს ფინანსთა სამინისტროს შემოსავლების სამსახურთან შეთანხმების გარეშე;

კ) საგადასახადო კანონმდებლობით დადგენილი წესით და ვადებში ახორციელებს საგადასახადო შემოწმების აქტების შედგენას, შემოწმების აქტის საფუძველზე განხილვის ოქმისა და გადაწყვეტილების პროექტის მომზადებას და იურიდიული სამმართველოსათვის გადაგზავნას შემდგომი რეაგირების მიზნით;

ლ) საგადასახადო შემოწმებასთან დაკავშირებით, თანამშრომლობს საქართველოს ფინანსთა სამინისტროს შემოსავლების სამსახურის აუდიტის დეპარტამენტთან და, საჭიროების შემთხვევაში, ახორციელებს ინფორმაციის გაცვლას;

მ) განაზოგადებს შემოწმებების შედეგად გამოვლენილ დარღვევებს, განზოგადებული ინფორმაციის საფუძველზე შეიმუშავებს რისკის კრიტერიუმებს და ახორციელებს საგადასახადო შემოწმებების დაგეგმვა-ოპტიმიზაციას;

ნ) ახორციელებს შემოსავლებისა და გადასახადით დასაბეგრი სხვა ობიექტების შესახებ ინფორმაციის შეგროვებას;

ო) ახორციელებს გადასახადის გადამხდელის მიერ წარმოდგენილი მონაცემების (დეკლარაციების და სხვა) დამუშავება-ანალიზს, რისკის ფაქტორების განსაზღვრას, საბაჟო მონაცემების დამუშავებას და მათ შედარებას საგადასახადო მონაცემებთან;

პ) ახორციელებს საქმიანობის მიხედვით გადასახადის გადამხდელთა საქმიანობის ანალიზს და რისკის ფაქტორების განსაზღვრას, ამ სფეროში გადამხდელთა ბრუნვებისა და შემოსული გადასახადების ანალიზს;

ჟ) ცენტრის (საგადასახადო ინსპექციის) უფროსის დავალებების შესაბამისად, შეიმუშავებს სხვა ანალიტიკურ ინფორმაციას;

რ) ახორციელებს კანონმდებლობით მინიჭებულ სხვა უფლებამოსილებას;

ს) ასრულებს ცენტრის (საგადასახადო ინსპექცია) უფროსის სხვა დავალებებს.

2. კონტროლის სამმართველო არ ახორციელებს იმ გადასახადის გადამხდელთა საგადასახადო შემოწმებას, რომელთა მიმართ გასვლით საგადასახადო შემოწმებას მოცემული პერიოდისათვის ახორციელებს საქართველოს ფინანსთა სამინისტროს შემოსავლების სამსახურის აუდიტის დეპარტამენტი.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

    მუხლი 12. იძულებითი ღონისძიებების სამმართველო

იძულებითი ღონისძიებების სამმართველო, კომპეტენციის ფარგლებში:

ა) აწესებს კონტროლს გადასახადის გადამხდელების მიერ გადასახადების სრულ და დროულ გადახდაზე;

ბ) ახორციელებს ღონისძიებებს იმ გადასახადის გადამხდელთა გამოვლენის მიზნით, რომლებიც თავს არიდებენ გადასახადის გადახდას;

გ) მოქმედი კანონმდებლობის შესაბამისად, ახორციელებს საგადასახადო და საბაჟო დავალიანების მქონე გადასახადის გადამხდელთა მიმართ საგადასახადო და საბაჟო ვალდებულებების შესრულების უზრუნველყოფის ღონისძიებებს;

დ) საქართველოს ფინანსთა სამინისტროს შემოსავლების სამსახურის უფროსის შესაბამისი დავალების საფუძველზე ახორციელებს გადასახადის გადამხდელის ყადაღადადებული ქონების რეალიზაციას;

ე) გადასახადის გადამხდელის ყადაღადადებული ქონების რეალიზაციის მიზნით საქართველოს ფინანსთა სამინისტროს შემოსავლების სამსახურს წარუდგენს შესაბამის ინფორმაციას და ყადაღადადებული ქონების რეალიზაციის უფლების შესახებ მოსამართლის ბრძანებას;

ვ) განიხილავს საგადასახადო და საბაჟო ვალდებულების შესრულების უზრუნველყოფის ღონისძიებების შეჩერების საკითხს, ამზადებს შესაბამისი გადაწყვეტილების პროექტს, აწესებს კონტროლს ვალდებულების შეჩერების თაობაზე ცენტრის (საგადასახადო ინსპექციის) გადაწყვეტილებათა შესრულებაზე და მათი დარღვევის შემთხვევაში, სათანადო რეაგირების განსახორციელებლად ცენტრის (საგადასახადო ინსპექციის) ხელმძღვანელობას წარუდგენს წინადადებებს;

ზ) განიხილავს ვადაგადაცილებული საგადასახადო დავალიანების რესტრუქტურიზაციის და გადასახადების მიხედვით ვადაგადაცილებული საგადასახადო დავალიანების ჩამოწერასთან დაკავშირებულ საკითხებს და ცენტრის (საგადასახადო ინსპექციის) ხელმძღვანელობას წარუდგენს შესაბამის წინადადებებს;

თ) უზრუნველყოფს ადმინისტრაციული და საგადასახადო სამართალდარღვევების გამოვლენას, შესაბამისი ოქმების შედგენას და ცენტრის (საგადასახადო ინსპექციის) იურიდიული სამმართველოსათვის გადაცემას;

ი) ახორციელებს ზოგად ანალიტიკურ პროცედურებს, განაზოგადებს მიღებულ ინფორმაციას, უზრუნველყოფს სტატისტიკური და სხვა ინფორმაციის შეკრებას და მათი შედარებითი და კრებსითი ანალიზის განხორციელებას;

კ) ახორციელებს კანონმდებლობით მინიჭებულ სხვა უფლებამოსილებას;

ლ) ასრულებს ცენტრის (საგადასახადო ინსპექცია) უფროსის სხვა დავალებებს.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

    მუხლი 13. საბაჟო დამუშავების ოპერაციების და საბაჟო კონტროლის სამმართველო

საბაჟო დამუშავების ოპერაციების და საბაჟო კონტროლის სამმართველოს ფუნქციებია:

ა) საბაჟო საზღვარზე გადაადგილებული საქონლისა და სატრანსპორტო საშუალებების საბაჟო დამუშავების ოპერაციების განხორციელება, მათი შესაბამის საბაჟო რეჟიმში მოქცევისა და ამ რეჟიმის დასრულების მიზნით:

ა.ა) დანიშნულების საბაჟო ორგანოში საქონლის წარდგენის პირობებისა და ვადების შემოწმება (მათ შორის, სააღრიცხვო მოწმობით, ხოლო კანონმდებლობით დადგენილ შემთხვევებში – სხვა საბაჟო დოკუმენტებით განსაზღვრული ვადებისა და მარშრუტის დაცვის შემოწმება; ავარიისა და დაუძლეველი ძალის მოქმედების გამო საბაჟო ორგანოს მიერ განსაზღვრული მარშრუტისა და დანიშნულების საბაჟო ორგანოში საქონლისა ან/და სატრანსპორტო საშუალებების მიტანის ვადების დარღვევის შემთხვევაში – სათანადო მტკიცებულებებისა და საბაჟო ორგანოს მიერ გაცემული მითითებების შესრულების შემოწმება; საპატრულო პოლიციის მიერ საგზაო წესების დარღვევის, ან/და საბაჟო ორგანოს მიერ ადმინისტრაციული სახდელის შეფარდების თაობაზე გაკეთებული აღნიშვნის საფუძველზე, შესაბამისი სახდელის აღსრულების მდგომარეობის შემოწმება (მაგალითად, ჯარიმის დაკისრების შემთხვევაში – გადახდის ქვითრის არსებობის შემოწმება);

ა.ბ) დეკლარაციისა და თანდართული საბუთების, დეკლარირების ვადების და დეკლარირების სისწორის შემოწმება (მათ შორის, საგარეო-ეკონომიკური საქმიანობის ეროვნული სასაქონლო ნომენკლატურის და საბაჟო ღირებულების განსაზღვრის, საბაჟო გადასახდელების დარიცხვის სისწორის შემოწმება);

ა.გ) საბაჟო პროცედურების და საბაჟო კონტროლის ღონისძიებების განხორციელება;

ა.დ) სახელმწიფო კონტროლის სხვა სახეების კოორდინაცია;

ა.ე) საქართველოს ტერიტორიაზე საქონლისა ან/და სატრანსპორტო საშუალებების შემოტანასთან ან გატანასთან და საბაჟო რეჟიმში მოქცევასთან დაკავშირებული პირობების დაცვის შემოწმება;

ა.ვ) საბაჟო შეღავათების გამოყენების საფუძვლიანობის შემოწმება;

ა.ზ) კომპეტენციის ფარგლებში საბაჟო გადასახდელების დარიცხვა, ბიუჯეტში მათი დროული და სრული აკუმულირების უზრუნველყოფა;

ბ) დადგენილი წესით საბაჟო გადასახდელების მონაცემთა აღრიცხვა;

გ) საბაჟო კონტროლს დაქვემდებარებული საქონლისა და სატრანსპორტო საშუალებების სისტემატური კონტროლი შესაბამისი საბაჟო რეჟიმით გათვალისწინებული პირობებისა და ვალდებულებების, აგრეთვე, საბაჟო კანონმდებლობით დადგენილი სხვა მოთხოვნების შესრულების მიზნით;

დ) საბაჟო და ადმინისტრაციულ სამართალდარღვევათა გამოვლენა-აღკვეთა, კონკრეტული დარღვევის ხასიათიდან გამომდინარე, შესაბამისი ოქმების შედგენა, ინფორმაციის ცენტრის (საგადასახადო ინსპექციის) სათანადო სტრუქტურული ქვედანაყოფისათვის მიწოდება;

ე) საქონლის გაშვების შემდგომი საბაჟო შემოწმების განხორციელების წესის შესახებ საქართველოს ფინანსთა მინისტრის შესაბამისი ბრძანებით განსაზღვრული კამერალური საბაჟო შემოწმების, მიმდინარე კონტროლის და დაკვირვების პროცედურების განხორციელება;

ვ) ცენტრს (საგადასახადო ინსპექციას) დაქვემდებარებული სასაზღვრო საბაჟო ორგანოების საქმიანობის კოორდინაცია და კონტროლი, კომპეტენციის ფარგლებში პრაქტიკული დახმარების აღმოჩენა;

ზ) ცენტრს (საგადასახადო ინსპექციას) დაქვემდებარებული სასაზღვრო საბაჟო ორგანოების მიერ გამოწერილი ან კონტროლიდან მოხსნილი საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შესაბამისი პირველი და მეორე პირის (გარდა იმ შემთხვევისა, როდესაც მოწმობა კონტროლიდან იხსნება სატვირთო-საბაჟო დეკლარაციის საფუძველზე) მიღება, აღრიცხვა, შენახვა და დადგენილი წესის შესაბამისად, არქივში გადაცემის მიზნით დამუშავება. საქონლისა და სატრანსპორტო საშუალებების დანიშნულების საბაჟო ორგანოში წარდგენისათვის დადგენილი ვადებისა და პირობების დარღვევის ფაქტებზე საბაჟო ორგანოს მიერ განხორციელებული რეაგირების ღონისძიებების ორგანიზაცია, ამ ღონისძიებების შესახებ ინფორმაციის მიღება და დამუშავება;

თ) მონიტორინგის განხორციელება ცენტრს (საგადასახადო ინსპექციას) დაქვემდებარებულ სასაზღვრო საბაჟო ორგანოებში წარდგენილი საქონლის გადაადგილებაზე, საბაჟო ვალდებულების შესრულების გარანტიებზე (საბანკო გარანტია, დაზღვევა, დეპოზიტი და სხვა), მათ შესრულებასა და გაუქმებაზე, თანხების ჩამოჭრაზე;

ი) ცენტრის (საგადასახადო ინსპექციის) სამოქმედო ადმინისტრაციულ-ტერიტორიული ერთეულების ტერიტორიაზე მდებარე ღია ან/და დახურული საბაჟო საწყობების, დროებითი შენახვის ღია ან/და დახურული საწყობების, უბაჟო ვაჭრობის პუნქტის სანებართვო პირობების შესრულების კონტროლის განხორციელების კოორდინაცია, სანებართვო პირობებთან დაკავშირებით გამოვლენილი სამართალდარღვევების შესახებ ინფორმაციის მიღება და ნებართვის გამცემი ორგანოს ინფორმირება;

კ) საბაჟო ორგანოების მიერ სახელმწიფო ფიტოსანიტარიული სასაზღვრო-საკარანტინო, სახელმწიფო ვეტერინალური სასაზღვრო-საკარანტინო, სანიტარიულ-საკარანტინო, შეზღუდულად ბრუნვადი მასალების, ბირთვული მასალების, რადიაქტიული ნივთიერებების და რადიაქტიული ნარჩენებისა და მინერალების (წიაღისეულის), გადაშენების საფრთხის წინაშე მყოფი ველური ფლორისა და ფაუნის სახეობების, სამხედრო-საბრძოლო იარაღის, საბრძოლო მასალის, იარაღის, ორმაგი დანიშნულების პროდუქციის, სპეციალურ კონტროლს დაქვემდებარებული სამკურნალო საშუალებების, საქართველოს კულტურულ ფასეულობათა, სავალუტო კონტროლის და ინტელექტუალურ საკუთრებასთან დაკავშირებული სასაზღვრო ღონისძიებების კოორდინაცია, მათი განხორციელების უზრუნველყოფის მიზნით, საბაჟო ორგანოებისათვის შესაბამისი ინფორმაციის მიწოდება და კომპეტენციის ფარგლებში, პრაქტიკული დახმარების აღმოჩენა. ზემოაღნიშნული სახეობის სახელმწიფო კონტროლის განმახორციელებელი საბაჟო ორგანოების მოხელეთა და მათზე გადაცემული სპეცტექნიკის აღრიცხვა, ამ კუთხით საბაჟო ორგანოების მიერ გამოვლენილი სამართალდარღვევების შესახებ ინფორმაციის მიღება-დამუშავება;

ლ) კომპეტენციის ფარგლებში, საბაჟო ორგანოებში არსებული ინფორმაციის ელექტრონულად მიღების, გაცემისა და დამუშავების ტექნიკისა და ლოკალური ქსელის მომსახურება;

მ) საქართველოს საბაჟო საზღვარზე გადაადგილებული საქონლისა და სატრანსპორტო საშუალებების სტატისტიკის წარმოება, მონაცემთა ელექტრონული და არაელექტრონული ბაზების ოპერატიული განახლების კოორდინაცია და სისტემატიზაცია;

ნ) საქართველოს ფინანსთა სამინისტროს შემოსავლების სამსახურის სტრუქტურული ქვედანაყოფებისათვის დადგენილი წესითა და ფორმით ინფორმაციის მიწოდება;

ო) კანონმდებლობით მინიჭებული სხვა უფლებამოსილებების განხორციელება;

პ) ცენტრის (საგადასახადო ინსპექციის) უფროსის სხვა დავალებების შესრულება.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

    მუხლი 14. საბაჟო გამშვები პუნქტები „ლაგოდეხი“ და „სამთაწყარო“

საბაჟო გამშვები პუნქტების ფუნქციებია:

ა) საქართველოს საბაჟო საზღვარზე გადაადგილებული საქონლისა და სატრანსპორტო საშუალებების აღრიცხვა;

ბ) საქართველოს საბაჟო საზღვარზე გადაადგილებული საქონლისა და სატრანსპორტო საშუალებების საბაჟო კონტროლი;

გ) საქართველოს საბაჟო საზღვარზე გადაადგილებული საქონლისა და სატრანსპორტო საშუალებების სახელმწიფო ფიტოსანიტარიული, სახელმწიფო ვეტერინარული და სანიტარიულ-საკარანტინო კონტროლი;

დ) საბაჟო გამშვებ პუნქტებში საქართველოს სახელმწიფო საზღვრის გადაკვეთისას საქართველოს შინაგან საქმეთა მინისტრისა და საქართველოს ფინანსთა მინისტრის ერთობლივი ბრძანებით განსაზღვრულ შემთხვევებში და დადგენილი წესით სამგზავრო დოკუმენტებში შესაბამისი აღნიშვნების განხორციელება. ამ მიზნით საბაჟო ორგანო უფლებამოსილია საქართველოს სახელმწიფო საზღვრის გადამკვეთ პირს მოსთხოვოს და შეუმოწმოს პირადობის და საქართველოში შემოსვლის ან საქართველოდან გასვლის უფლების დამადასტურებელი დოკუმენტები;

ე) საქართველოს საბაჟო საზღვარზე გადაადგილებული საქონლისა და სატრანსპორტო საშუალებების სახელმწიფო კონტროლის სხვა სახეების კოორდინაცია და აგრეთვე სამკურნალო საშუალებათა, ნარკოტიკულ საშუალებათა და პრეკურსორების, იარაღის, ორმაგი დანიშნულების საქონლის, სახიფათო ნარჩენების, კულტურულ ფასულობათა საქართველოს საბაჟო საზღვარზე გადაადგილების კონტროლი, რადიაციული და სავალუტო კონტროლი, საავტორო უფლებების დაცვაზე კონტროლი;

ვ) კომპეტენციის ფარგლებში, სსსდ-ით შემოტანას დაქვემდებარებულ ტვირთებზე კონტროლი;

ზ) დანიშნულების საბაჟო ორგანომდე და/ან საბაჟო დამუშვების ოპერაციის ადგილამდე იმ საქონლის, რომლის საიმედო იდენტიფიცირება საბაჟო გამშვები პუნქტის ტერიტორიაზე შეუძლებელია, გადაადგილებაზე უშუალო ზედამხედველობის განხორციელება საბაჟო მოხელის თანხლებით;

თ) კომპეტენციის ფარგლებში ფიზიკური პირების მიერ შემოტანილი საქონლის მიმართ საბაჟო დამუშავების ოპერაციის განხორციელება;

ი) თავისი კომპეტენციის ფარგლებში საბაჟო გადასახადებისა და შესაბამისი მოსაკრებლების დარიცხვა-ამოღება და ბიუჯეტში მათი დროული და სრული აკუმულირება;

კ) კომპეტენციის ფარგლებში, საბაჟო საზღვარზე საბაჟო და ადმინისტრაციულ სამართალდარღვევებზე ოქმების შედგენა და განხილვა, ასევე საბაჟო წესების დარღვევით გადაადგილებული საქონლისა და სატრანსპორტო საშუალებების გამოვლენა-აღკვეთა, მათზე სათანადო რეაგირება, საქართველოს საბაჟო კოდექსის 235-ე მუხლის მე-6 ნაწილით დადგენილ შემთხვევაში ან „საქართველოს ფინანსთა სამინისტროს შემოსავლების სამსახურში ადმინისტრაციულ სამართალდარღვევათა ოქმების აღრიცხვა-ანგარიშგების წესისა და ადმინისტრაციული სამართალდარღვევის ოქმის ფორმის დამტკიცების თაობაზე“ საქართველოს ფინანსთა მინისტრის 2009 წლის 5 იანვრის №1 ბრძანებით დამტკიცებული „საქართველოს ფინანსთა სამინისტროს შემოსავლების სამსახურში ადმინისტრაციულ სამართალდარღვევათა ოქმების აღრიცხვა-ანგარიშგების წესის“ (დანართი №1) მე-4 მუხლის მე-5 პუნქტის „ი“ ქვეპუნქტის შესაბამისად, სანქციის ადგილზე შეფარდება;

ლ) კომპეტენციის ფარგლებში კანონმდებლობით მინიჭებული სხვა უფლებამოსილებების განხორციელება;

მ) ცენტრის (საგადასახადო ინსპექციის) უფროსის სხვა დავალებების შესრულება.

საქართველოს ფინანსთა მინისტრის 2010 წლის 9 თებერვლის ბრძანება №77, სსმ III, №15, 10.02.2010 წ., მუხ.183

 

 

 

 

 

 

 

Annotate