საქართველოს ფინანსთა სამინისტროს სისტემაში სტაჟირების გავლის წესის დამტკიცების შესახებ

სახელმწიფო სარეგისტრაციო კოდი 010.240.030.22.033.010.950

საქართველოს ფინანსთა

მინისტრის ბრძანება №1131

2007 წლის 10 ოქტომბერი

 ქ. თბილისი

საქართველოს ფინანსთა სამინისტროს სისტემაში სტაჟირების გავლის წესის დამტკიცების შესახებ

საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების მე-4 მუხლის მე-3 პუნქტის „ლ“ ქვეპუნქტის საფუძველზე, ვბრძანებ:

1. დამტკიცდეს „საქართველოს ფინანსთა სამინისტროს სისტემაში სტაჟირების გავლის წესი“ თანდართულ დანართებთან ერთად.

2. ძალადაკარგულად გამოცხადდეს საქართველოს ფინანსთა მინისტრის 2005 წლის 12 აგვისტოს №761 ბრძანება „საქართველოს ფინანსთა სამინისტროს სისტემაში სტაჟირების გავლის წესის დამტკიცების შესახებ“ და საქართველოს ფინანსთა მინისტრის 2006 წლის 21 მარტის №229 ბრძანება „საქართველოს ფინანსთა სამინისტროს ფინანსურ პოლიციაში სტაჟიორის უფლებამოსილებების, შერჩევისა და სამსახურის გავლის პირობების შესახებ დებულების დამტკიცების თაობაზე“.

3. ეს ბრძანება ამოქმედდეს გამოქვეყნებისთანავე.

ნ. გილაური

შეტანილი ცვლილებები:

1. საქართველოს ფინანსთა მინისტრის 2008 წლის 18 იანვრი ს ბრძანება №59 - სსმ III, №9, 22.01.2008წ., მუხ.108

2. საქართველოს ფინანსთა მინისტრის 2008 წლის 25 თებერვლი ს ბრძანება №178 - სსმ III, №32, 29.02.2008წ., მუხ.339

3. საქართველოს ფინანსთა მინისტრის 2008 წლის 28 მარტი ს ბრძანება №314 - სსმ III, №48, 31.03.2008წ., მუხ.549

4. საქართველოს ფინანსთა მინისტრის 2008 წლის 4 ივნისი ს ბრძანება №491 - სსმ III, №82, 10.06.2008წ., მუხ.886

5. საქართველოს ფინანსთა მინისტრის 2008 წლის 2 ივლისი ს ბრძანება №575 - სსმ III, №96, 08.07.2008წ., მუხ.1062

6. საქართველოს ფინანსთა მინისტრის 2008 წლის 17 ივლისი ს ბრძანება №609 - სსმ III, №104, 23.07.2008წ., მუხ.1169

7. საქართველოს ფინანსთა მინისტრის 2008 წლის 20 ოქტომბრი ს ბრძანება №796 - სსმ III, №155, 24.10.2008წ., მუხ.1534

8. საქართველოს ფინანსთა მინისტრის 2008 წლის 31 ოქტომბრი ს ბრძანება №828 - სსმ III, №159, 04.11.2008წ., მუხ.1599

9. საქართველოს ფინანსთა მინისტრის 2008 წლის 22 დეკემბრი ს ბრძანება №938 - სსმ III, №183, 25.12.2008წ., მუხ.1872

10. საქართველოს ფინანსთა მინისტრის 2009 წლის 9 იანვრი ს ბრძანება №7 - სსმ III, №3, 13.01.2009წ., მუხ.22

11. საქართველოს ფინანსთა მინისტრის 2009 წლის 9 თებერვლი ს ბრძანება №72 - სსმ III, №15, 10.02.2009წ., მუხ.182

12. საქართველოს ფინანსთა მინისტრის 2009 წლის 23 აპრილი ს ბრძანება №257 - სსმ III, №51, 28.04.2009წ., მუხ.589

საქართველოს ფინანსთა სამინისტროს სისტემაში სტაჟირების გავლის წესი

თავი I. ზოგადი დებულებანი

    მუხლი 1.

ეს წესი განსაზღვრავს საქართველოს ფინანსთა სამინისტროს (შემდგომში – სამინისტრო) ცენტრალურ აპარატში და სახელმწიფო საქვეუწყებო დაწესებულებებში (შემოსავლების სამსახური, სახაზინო სამსახური, გენერალური ინსპექცია) სტაჟირების გავლის წესსა და პირობებს.

საქართველოს ფინანსთა მინისტრის 200 8 წლის 4 ივნისი ს ბრძანება № 491 - სსმ III, № 82 , 10 . 06 .200 8 წ., მუხ. 886

საქართველოს ფინანსთა მინისტრის 200 8 წლის 2 ივლისი ს ბრძანება № 575 - სსმ III, № 96 , 08 . 07 .200 8 წ., მუხ. 1062

    მუხლი 2.

1. სამინისტრო ახორციელებს რა მმართველობას საფინანსო-საბიუჯეტო, საგადასახადო, საბაჟო და სახელმწიფო ვალის მართვის სფეროში უზრუნველყოფს საქართველოს ტერიტორიაზე საბიუჯეტო, საგადასახადო, საბაჟო და სახელმწიფო ვალის მართვასთან დაკავშირებული კანონმდებლობის დაცვასა და შესრულების კონტროლს, დიდ მნიშვნელობას ანიჭებს ერთიანი საკადრო პოლიტიკის გატარებას, კვალიფიციური კადრების მომზადებას, გადამზადებას და მათი კვალიფიკაციის ამაღლებას, ზრუნავს კადრების რეზერვის შექმნაზე.

2. კვალიფიციური კადრების მომზადების მიზნით, სამინისტრო სტაჟირების გასავლელად იღებს პერსპექტიულ ახალგაზრდებს, ხელს უწყობს მათი პროფესიული დონის ამაღლებას, პრაქტიკული უნარ-ჩვევების გამომუშავებასა და ქმნის საფინანსო, საბიუჯეტო, საბაჟო, საგადასახადო კანონმდებლობის და სხვა შესაბამის სფეროში ცოდნის დონის ამაღლების პირობებს.

    მუხლი 3.

ამ წესში გამოყენებულ ტერმინებს აქვთ შემდეგი მნიშვნელობა:

ა) სტაჟირება – სამინისტროს სისტემის დაწესებულებებში ამ წესით რეგულირებადი, აუნაზღაურებელი საქმიანობა;

ბ) სტაჟიორი – პირი, რომელიც ამ წესის საფუძველზე გადის სტაჟირებას;

გ) კანდიდატი – პირი, რომელსაც ამ წესის შესაბამისად სამინისტროში შემოტანილი აქვს განცხადება სტაჟირების გავლის შესახებ;

დ) დაწესებულება – სამინისტროს ცენტრალური აპარატი, შემოსავლების სამსახური, სახაზინო სამსახური და გენერალური ინსპექცია.

საქართველოს ფინანსთა მინისტრის 200 8 წლის 4 ივნისი ს ბრძანება № 491 - სსმ III, № 82 , 10 . 06 .200 8 წ., მუხ. 886

საქართველოს ფინანსთა მინისტრის 200 8 წლის 2 ივლისი ს ბრძანება № 575 - სსმ III, № 96 , 08 . 07 .200 8 წ., მუხ. 1062

თავი II. სტაჟიორების შერჩევა და სტაჟირების გავლის წესი

    მუხლი 4.

1. სტაჟიორად მიიღება სახელმწიფოს მიერ აკრედიტებულ სასწავლო დაწესებულებაში მიღებული უმაღლესი განათლების მქონე პირი.

2. სტაჟიორის განათლება უნდა შეესაბამებოდეს იმ დაწესებულების საჯარო მოსამსახურისათვის დადგენილ საკვალიფიკაციო მოთხოვნებს, სადაც მას სურს სტაჟირების გავლა.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 5.

კანდიდატების განცხადებები დაწესებულებაში სტაჟირების გავლის შესახებ სამინისტროს ადამიანური რესურსების მართვის დეპარტამენტს (შემდგომში – დეპარტამენტი) წარედგინება ყოველდღე 10 სთ-დან 18 სთ-მდე (გარდა დასვენებისა და საქართველოს შრომის კოდექსით გათვალისწინებული უქმე დღეებისა).

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 6.

1. სამინისტროს სისტემაში სტაჟირების გავლის მსურველმა დეპარტამენტს უნდა წარუდგინოს შემდეგი საბუთები:

ა) სტაჟიორის ანკეტა-რეზიუმე №1 დანართის შესაბამისად;

ბ) დიპლომის ასლი;

გ) პირადობის დამადასტურებელი დოკუმენტის ასლი;

დ) ცნობა ნარკოლოგიური შემოწმების შესახებ;

ე) ცნობა ნასამართლობის შესახებ;

ვ) ორი ფოტოსურათი.

2. ამ მუხლის პირველი პუნქტის „ა“ ქვეპუნქტში მითითებულ ანკეტა-რეზიუმეში კანდიდატმა უნდა მიუთითოს დაწესებულების ის სტრუქტურული ქვედანაყოფი/სტრუქტურული ერთეული, სადაც მას სურვილი აქვს გაიაროს სტაჟირება. ამასთან, კანდიდატს უფლება აქვს მიუთითოს დაწესებულების ერთზე მეტი სტრუქტურული ქვედანაყოფი/სტრუქტურული ერთეული, თუ მისი განათლება აკმაყოფილებს ამ წესის მე-4 მუხლის მე-2 პუნქტის მოთხოვნებს. ამასთან, კანდიდატმა ანკეტა-რეზიუმეში უნდა მიუთითოს პრიორიტეტული სტრუქტურული ქვედანაყოფი/სტრუქტურული ერთეული.

3. კანდიდატი სტაჟირების გავლისათვის უნდა აკმაყოფილებდეს შემდეგ მოთხოვნებს:

ა) უნდა იყოს საქართველოს მოქალაქე;

ბ) უნდა ფლობდეს საქართველოს სახელმწიფო ენას;

გ) მომხმარებლის დონეზე უნდა შეეძლოს პერსონალურ კომპიუტერთან მუშაობა (Windows, Word, Excel).

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 7.

1. სტაჟირებაზე პირის მიღება ხდება ტესტირების ან/და გასაუბრების წესით.

2. საქართველოს ფინანსთა მინისტრის გადაწყვეტილებით ტესტირებას ატარებს დეპარტამენტი ან სამინისტროს მიერ შერჩეული ორგანიზაცია, ხოლო გასაუბრებას – საქართველოს ფინანსთა მინისტრის მიერ სამინისტროს ცენტრალური აპარატის ან/და სახელმწიფო საქვეუწყებო დაწესებულების მოსამსახურეთაგან სპეციალურად ამ მიზნით შექმნილი კომისია (შემდგომში – კომისია).

3. ტესტირებაზე დაიშვებიან ის კანდიდატები, რომლებიც დეპარტამენტს წარუდგენენ ამ წესის მე-6 მუხლის პირველი პუნქტით განსაზღვრულ საბუთებს. კანდიდატები უნდა აკმაყოფილებდნენ ამ წესის მე-4 მუხლით და მე-6 მუხლის მე-3 პუნქტით დადგენილ მოთხოვნებს.

4. ტესტირება ტარდება ზოგად უნარ-ჩვევებში. გასაუბრებაზე დაიშვებიან ის კანდიდატები, რომლებიც ზოგადი უნარ-ჩვევების ტესტში დააგროვებენ დეპარტამენტის ხელმძღვანელის მიერ დაწესებულების ხელმძღვანელთან შეთანხმებით განსაზღვრულ გამსვლელ ქულას.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 8.

1. იმ შემთხვევაში, როდესაც ტესტირებას ატარებს დეპარტამენტი, ტესტირების ჩატარების წესი განისაზღვრება ამ მუხლის შესაბამისად.

2. ტესტი შეიცავს დეპარტამენტის ხელმძღვანელის მიერ განსაზღვრული ოდენობის საკითხებს. ტესტის პასუხიდან სწორია მხოლოდ ერთი. ტესტის ყოველ საკითხზე სწორი პასუხი ფასდება 1 (ერთი) ქულით, არასწორი პასუხი კი – 0 (ნული) ქულით.

3. თუ შემოხაზულია ერთზე მეტი პასუხი ან არც ერთი პასუხი არ არის შემოხაზული, ტესტის ამოხსნა შეფასდება 0 (ნული) ქულით.

4. კანდიდატი, რომელიც სწორად უპასუხებს ტესტების საერთო რაოდენობის დადგენილ ზღვარს, უფლებამოსილია გაიაროს გასაუბრება.

5. ტესტური გამოცდის ჩასაბარებლად კანდიდატს ეძლევა დეპარტამენტის ხელმძღვანელის მიერ განსაზღვრული დრო. დროის გადაცილების შემდეგ გადაცემული ნამუშევარი არ გასწორდება და კანდიდატს დაეწერება შეფასება 0 (ნული).

6. კანდიდატები მიიღებენ გაფრთხილებას დროის ამოწურვის შესახებ ორჯერ – დროის დამთავრებამდე 30 წუთით ადრე და 15 წუთით ადრე. არავის არა აქვს უფლება დატოვოს საგამოცდო დარბაზი ტესტის ჩაბარების გარეშე.

7. ყოველ კანდიდატს გადაეცემა დალუქული კონვერტი, რომელშიც მოთავსებულია საგამოცდო ტესტი და პასუხების ფურცელი.

8. კონვერტის გახსნამდე თითოეული კანდიდატი ვალდებულია შეამოწმოს კონვერტი. თუ კონვერტი გახსნილია, ან სხვაგვარად იწვევს ეჭვს კონვერტის მთლიანობა, კანდიდატი ვალდებულია დაუყოვნებლივ, ვიდრე იგი დაიწყებდეს კითხვებზე პასუხის გაცემას, განაცხადოს ამის შესახებ. ასეთ შემთხვევაში მას მიეცემა ახალი ტესტი. დაგვიანებით შემოსული პრეტენზია არ მიიღება.

9. ტესტურ გამოცდაზე გამოცხადებული კანდიდატებისათვის საგამოცდო ტესტების დარიგების შემდეგ დეპარტამენტის წარმომადგენელი ითვლის დარჩენილი ტესტების რაოდენობას, ადგენს აქტს და ლუქავს ტესტებს სპეციალურ ყუთში.

10. საგამოცდო ტესტის კითხვებზე პასუხის გაცემამდე დეპარტამენტის წარმომადგენელი ვალდებულია ინსტრუქტაჟი ჩაუტაროს გამოსაცდელებს, აუხსნას მათ ტესტების ამოხსნის მეთოდიკა, პასუხების ფურცლის შევსების წესი და სხვა საკითხები, რომლებიც აუცილებელია გამოცდის ჩატარებისათვის.

11. დეპარტამენტის ნებართვის გარეშე (ნებართვა გაიცემა, თუ ტესტების შევსებისთვის აუცილებელია რაიმე ლიტერატურის გამოყენება) ტესტურ გამოცდაზე აკრძალულია ნორმატიული აქტების, კანონთა კომენტარების, სახელმძღვანელოების ან სხვა ანალოგიური მასალის შეტანა, ხოლო მობილური ტელეფონის, კალკულატორის, აუდიო ან სხვა ტექნიკური საშუალებების შეტანა დაუშვებელია.

12. გამოსაცდელი, რომელიც შემჩნეული იქნება ამ მასალის ან ტექნიკური საშუალების უნებართვოდ გამოყენებაში, მოიხსნება გამოცდიდან და დაეწერება შეფასება 0 (ნული).

13. ტესტური გამოცდის პასუხები მოწმდება დეპარტამენტის მიერ შერჩეული უფლებამოსილი პირების მიერ კომპიუტერის ან/და საამისოდ გამიზნული სხვა ტექნიკური საშუალებების მეშვეობით.

14. ტესტური გამოცდის შედეგების შემოწმებისას დაცულია კანდიდატისა და გამომცდელის ორმხრივი ანონიმურობის პრინციპი.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 9.

1. კანდიდატი, რომელიც ვერ გაივლის ტესტირებას ან/და გასაუბრებას, ერთი წლის განმავლობაში მეორედ ტესტირებაზე ან გასაუბრებაზე არ დაიშვება.

2. დეპარტამენტში იქმნება მონაცემთა ბაზა, რომელშიც ხდება ტესტირებაში ან/და გასაუბრებაში წარმატებული კანდიდატების აღრიცხვა.

3. იმ კანდიდატთან დაკავშირებით, რომელიც ზოგადი უნარ-ჩვევების ტესტში დააგროვებს გამსვლელ ქულას ან წარმატებით გაივლის გასაუბრებას (თუ სტაჟიორად მიღება ხდება ტესტირებისა და გასაუბრების წესით – ტესტირებაში დააგროვებს გამსვლელ ქულას და წარმატებით გაივლის გასაუბრებას), დაწესებულების ხელმძღვანელი გამოსცემს ინდივიდუალურ ადმინისტრაციულ-სამართლებრივ აქტს მისი სტაჟიორად დანიშვნის შესახებ. სტაჟიორად დანიშნული პირი ვალდებულია დანიშვნისთანავე გაეცნოს და ხელ-მოწერით დაადასტუროს ხელწერილი იმ საიდუმლო ინფორმაციის დაცვის ვალდებულების შესახებ, რაც მისთვის ცნობილი გახდა სტაჟირების პროცესში.

4. სტაჟიორი გაივლის სავალდებულო თეორიულ სწავლებას სამინისტროში ან საქართველოს შინაგან საქმეთა სამინისტროს მმართველობაში მოქმედ საჯარო სამართლის იურიდიულ პირ – „საქართველოს შინაგან საქმეთა სამინისტროს აკადემიაში“ (შემდგომში – აკადემია) აკადემიასთან დადებული შესაბამისი ხელშეკრულების საფუძველზე, დაწესებულების ხელმძღვანელთან შეთანხმებული, შესასრულებელი ფუნქცია-მოვალეობების სპეციფიკის შესაბამისი სასწავლო პროგრამით. აკადემიასთან ხელშეკრულების გაფორმების შეუძლებლობის შემთხვევაში, სტაჟიორი სავალდებულო თეორიულ სწავლებას გაივლის სამინისტროს მიერ შერჩეულ სხვა ორგანიზაციაში (შემდგომში – ორგანიზაცია) ამ ორგანიზაციასთან დადებული შესაბამისი ხელშეკრულების საფუძველზე.

5. სავალდებულო თეორიული სწავლების დასრულების შემდეგ სტაჟიორს უტარდება ტესტირება სასწავლო პროგრამის თემატიკის შესაბამისად. იმ შემთხვევაში, თუ სტაჟიორი სავალდებულო თეორიულ სწავლებას გადის სამინისტროში, ტესტირების გამსვლელ ქულას ადგენს დეპარტამენტი დაწესებულების ხელმძღვანელთან შეთანხმებით, ხოლო თუ სტაჟიორი სავალდებულო თეორიულ სწავლებას გადის აკადემიაში (ორგანიზაციაში), ტესტირების გამსვლელ ქულას ადგენს აკადემია (ორგანიზაცია) სამინისტროსთან შეთანხმებით. ის სტაჟიორები, რომლებიც წარმატებით გაივლიან ტესტირებას აკადემიაში (ორგანიზაციაში), მიიღებენ აკადემიის (ორგანიზაციის) სერტიფიკატს. სტაჟიორებს, რომლებიც ვერ გაივლიან ტესტირებას, დაწესებულების ხელმძღვანელის ინდივიდუალური ადმინისტრაციულ-სამართლებრივი აქტით შეუწყდებათ სტაჟირება.

6. ის სტაჟიორები, რომლებიც წარმატებით გაივლიან სავალდებულო თეორიულ სწავლებას, გაივლიან პრაქტიკულ სწავლებას შესაბამის დაწესებულებაში.

7. პრაქტიკული სწავლების პროცესში სტაჟიორს ხელმძღვანელს განუსაზღვრავს დაწესებულების სტრუქტურული ქვედანაყოფის/სტრუქტურული ერთეულის უფროსი.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 10.(ამოღებულია)

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 11.

1. სტაჟირების ხანგრძლივობა განისაზღვრება დაწესებულების ხელმძღვანელის მიერ არა უმეტეს 4 თვისა.

2. დეპარტამენტის უფროსი პერიოდულად ისმენს და განიხილავს სტაჟიორის ანგარიშს მის მიერ გაწეული მუშაობის შესახებ.

3. სტაჟიორის ანგარიშის განხილვისას მხედველობაში მიიღება სტაჟიორის უშუალო ხელმძღვანელის აზრი სტაჟირების მიმდინარეობის შესახებ.

4. სტაჟიორის ანგარიშის პერიოდული განხილვის შედეგები ეცნობება დაწესებულების ხელმძღვანელს.  

5. სტაჟირების ვადის გასვლის შემდეგ ხდება სტაჟიორის შეფასება სტაჟიორის ხელმძღვანელის და დეპარტამენტის უფროსის მიერ. სტაჟიორის განზრახ არასწორი შეფასება იწვევს დისციპლინურ პასუხისმგებლობას.

6. სტაჟირების ვადის გასვლის შემდეგ სტაჟიორი დეპარტამენტს წარმოუდგენს რეფერატს დაწესებულების სტრუქტურული ქვედანაყოფის/სტრუქტურული ერთეულის საქმიანობის ძირითად მიმართულებებზე.

7. ამ მუხლის მე-6 პუნქტში აღნიშნული მონაცემის და სტაჟირების ხელმძღვანელის რეკომენდაციის გათვალისწინებით დეპარტამენტის უფროსი იღებს შემდეგ გადაწყვეტილებას:

ა) სტაჟირების შედეგების დადებითი შეფასების შესახებ;

ბ) სტაჟირების შედეგების უარყოფითი შეფასების შესახებ.

8. სტაჟირების შედეგების დადებითი შეფასების შემთხვევაში, სტაჟიორს ეძლევა დანართ №2-ში მოცემული ფორმის სტაჟირების სერტიფიკატი (მოწმობა) და დაწესებულების შესაბამის სტრუქტურულ ქვედანაყოფში/სტრუქტურულ ერთეულში ვაკანსიის არსებობის შემთხვევაში დაწესებულების ხელმძღვანელს შეუძლია დანიშნოს იგი ვაკანტურ თანამდებობაზე კანონმდებლობით დადგენილი წესით.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

თავი III. სტაჟიორის უფლებები

    მუხლი 12.

1. სტაჟიორს უფლება აქვს:

ა) დაწესებულების შესაბამისი სტრუქტურული ქვედანაყოფის/სტრუქტურული ერთეულის ხელმძღვანელის თანხმობით გაეცნოს სამსახურებრივ დოკუმენტაციას, თუ აღნიშნული არ ეწინააღმდეგება ოფიციალური დოკუმენტების გაცნობის კანონმდებლობით დადგენილ წესებს, ისარგებლოს სამინისტროს ბიბლიოთეკით, ელექტრონული საშუალებებით;

ბ) ხელმძღვანელის თანხმობით დაესწროს და მონაწილეობა მიიღოს დაწესებულების მიერ ორგანიზებულ ღონისძიებებსა და შეხვედრებში;

გ) გაეცნოს დაწესებულების სტრუქტურული ქვედანაყოფის/სტრუქტურული ერთეულის მუშაობის სპეციფიკას, იმ საკითხების მომზადებასა და სათანადო დოკუმენტების შედგენას, რომელიც მოცემულ სფეროს მიეკუთვნება.

2. სტაჟიორი ხელმძღვანელის მითითებით ასრულებს კონკრეტულ დავალებებს, რომელიც შედის დაწესებულების სტრუქტურული ქვედანაყოფის/სტრუქტურული ერთეულის კომპეტენციაში.

3. სტაჟიორს უფლება აქვს სამინისტროს თანამშრომლებთან ერთად მონაწილეობა მიიღოს სემინარებსა და კონფერენციებში.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

თავი IV. სტაჟიორის მოვალეობები

    მუხლი 13.

სტაჟიორი მოვალეა:

ა) გაეცნოს და იხელმძღვანელოს სამინისტროს, დაწესებულების (სტრუქტურული ქვედანაყოფების) დებულებით;

ბ) დაიცვას შინაგანაწესი და შრომის კანონმდებლობით დადგენილი ნორმები;

გ) დადგენილ ვადებში შეასრულოს ყველა ის დავალება, რომელიც მას დაეკისრება ხელმძღვანელის მიერ;

დ) მაქსიმალურად გამოიყენოს სტაჟირების ვადა სამინისტროს სისტემის საქმიანობის სპეციფიკის გასაცნობად, პროფესიული ჩვევების დასაუფლებლად და პრაქტიკული გამოცდილების მისაღებად.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

თავი V. სამინისტროს მოვალეობები

    მუხლი 14.

სამინისტრო ვალდებულია სტაჟიორს პროფესიული უნარ-ჩვევებისა და პრაქტიკული გამოცდილების შესაძენად შეუქმნას სათანადო პირობები.

    მუხლი 15.

1. სტაჟიორის უშუალო ხელმძღვანელი ვალდებულია:

ა) პირადად აკონტროლოს სტაჟიორის საქმიანობა;

ბ) პერიოდულად მიაწოდოს სასწავლო თემატიკა, მისცეს დავალებები და მასთან დაკავშირებით უზრუნველყოს ინფორმაციით;

გ) განუსაზღვროს შესასრულებელი სამუშაოს კონკრეტული ვადა;

დ) ხელი შეუწყოს სტაჟიორისთვის განსაზღვრული უფლებამოსილების განხორციელებას.

2. ამ მუხლის პირველ პუნქტში აღნიშნული ვალდებულებების შეუსრულებლობა გამოიწვევს დისციპლინურ პასუხისმგებლობას.

თავი VI. სტაჟირების გავლის სხვა პირობები

    მუხლი 16.

1. სტაჟირების შეწყვეტის საფუძველია:

ა) სავალდებულო თეორიული სწავლების დროს არასაპატიო მიზეზით 6 აკადემიური საათის გაცდენა, თეორიული სწავლების კურსიდან გარიცხვა ან საბოლოო უარყოფითი შეფასების მიღება;

ბ) პრაქტიკული სწავლების პროცესში არასაპატიო მიზეზით 5 სამუშაო დღის განმავლობაში დაწესებულების შესაბამის სტრუქტურულ ქვედანაყოფში/სტრუქტურულ ერთეულში გამოუცხადებლობა;

გ) დავალების შეუსრულებლობა ან არაჯეროვანი შესრულება;

დ) პირადი განცხადება;

ე) სტაჟიორის სისხლის სამართლის პასუხისგებაში მიცემა;

ვ) (ამოღებულია).

2. სტაჟირების შეწყვეტის შესახებ გადაწყვეტილებას იღებს დაწესებულების ხელმძღვანელი სტაჟირების ხელმძღვანელის ან დეპარტამენტის უფროსის დასაბუთებული მოთხოვნის ან/და ამ მუხლის პირველი პუნქტით გათვალისწინებული შემთხვევების არსებობის საფუძველზე.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 17. 

1. მე-16 მუხლის მე-2 პუნქტში მითითებულ თანამდებობის პირს უფლება აქვს მიიღოს გადაწყვეტილება სტაჟიორისათვის სტაჟირების გადავადების ან დროებით შეჩერების შესახებ.

2. სტაჟირების გადავადების ან დროებით შეჩერების საფუძველია:

ა) პირადი განცხადება;

ბ) სტაჟიორის საავადმყოფო ფურცელზე ყოფნა;

გ) სტაჟიორის მიმართ სისხლის სამართლის საქმის წარმოება  საბოლოო გადაწყვეტილების მიღებამდე;

დ) სამხედრო სარეზერვო სამსახურში გაწვევა.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 18.

იმ შემთხვევაში, თუ სტაჟიორი დადგენილი წესით დაინიშნა დაწესებულებაში თანამდებობაზე, მას სტაჟირება ჩაეთვლება გავლილად და ეძლევა შესაბამისი სერტიფიკატი.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 19.

     სტაჟირებას ორგანიზებას და კოორდინაციას უწევს დეპარტამენტი.

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

თავი VII. (ამოღებულია)

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

    მუხლი 20. (ამოღებულია)

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

დანართი №1

საქართველოს ფინანსთა სამინისტრო

 

სტაჟიორის ანკეტა-რეზიუმე                                                                                           ფოტო

 

ცნობები თქვენს შესახებ

 

1. სახელი, მამის სახელი, გვარი

2. დაბადების თარიღი, ადგილი

3. ბინის მისამართი

4. საკონტაქტო ტელეფონები

 

ბინა                          სამსახური                                       მობილური

                   

5. საპასპორტო მონაცემები

ნომერი

პირადი ნომერი

გაცემის თარიღი

გაცემის ადგილი

 

6. განათლება

სწავლების წლები	სასწავლო დაწესებულება	ფაკულტეტი	სპეციალობა	ხარისხი
1.
2.
3.
4.

 

 

 

7. უცხო ენის ცოდნა ძალიან კარგად                         კარგად
			
			
			
			

 

8. სპეციალური ან პროფესიული ჩვევები (მიუთითეთ რა კურსები ან ტრენინგები გაქვთ გავლილი)

–––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––

 

9. შრომითი საქმიანობა

სამუშაოზე მოწყობის თარიღი	სამუშა-ოდან წასვლის თარიღი	მუშაობის ადგილი (ორგანიზაციის დასახელება)	დაკავებული თანამდებობა; სახელფასო განაკვეთი	წასვლის მიზეზები
1.
2.
3.
4.
5.

 

10. ოჯახური მდგომარეობა:

(ქვემოთ მიუთითეთ თქვენი ოჯახის წევრების სახელი, გვარი, დაბადების თარიღი –   რ. /თ. / წ., სამუშაო ადგილი, თანამდებობა).

დედა:

მამა:
და:
ძმა:
მეუღლე:
შვილი:

 

11. დაწესებულება, რომელშიც თქვენ გსურთ გაიაროთ სტაჟირება:

 საქართველოს ფინანსთა სამინისტროს ცენტრალური აპარატი

 საქართველოს ფინანსთა სამინისტროს შემოსავლების სამსახური   

 საქართველოს ფინანსთა სამინისტროს სახაზინო სამსახური

 საქართველოს ფინანსთა სამინისტროს გენერალური ინსპექცია

საქართველოს ფინანსთა მინისტრის 200 8 წლის 4 ივნისი ს ბრძანება № 491 - სსმ III, № 82 , 10 . 06 .200 8 წ., მუხ. 886

საქართველოს ფინანსთა მინისტრის 200 8 წლის 2 ივლისი ს ბრძანება № 575 - სსმ III, № 96 , 08 . 07 .200 8 წ., მუხ. 1062

12. დაწესებულების სტრუქტურული ქვედანაყოფი/სტრუქტურული ერთეული, რომელშიც თქვენ გსურთ გაიაროთ სტაჟირება:

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

12.1. საქართველოს ფინანსთა სამინისტროს ცენტრალური აპარატი

 საგარეო ურთიერთობათა დეპარტამენტი

 იურიდიული დეპარტამენტი

 ადმინისტრაციული დეპარტამენტი

 მინისტრის აპარატი

 საბიუჯეტო დეპარტამენტი

 საზოგადოებასთან ურთიერთობისა და კომუნიკაციების დეპარტამენტი

 ფინანსური პოლიტიკის დეპარტამენტი

 ადამიანური რესურსების მართვის დეპარტამენტი

 საინფორმაციო ტექნოლოგიების დეპარტამენტი

 დავების განხილვის სამსახური.

საქართველოს ფინანსთა მინისტრის 200 8 წლის 28 მარტი ს ბრძანება № 314 - სსმ III, № 48 , 31 . 03 .200 8 წ., მუხ. 549

საქართველოს ფინანსთა მინისტრის 200 8 წლის 31 ოქტომბრი ს ბრძანება № 828 - სსმ III, № 15 9 , 0 4 . 1 1 .200 8 წ., მუხ. 15 99

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

12.2 საქართველოს ფინანსთა სამინისტროს შემოსავლების სამსახური

 სამსახურის უფროსის აპარატი

 ადმინისტრაციული დეპარტამენტი

 იურიდიული დეპარტამენტი

 მომსახურების დეპარტამენტი

 მეთოდოლოგიის დეპარტამენტი

 საბაჟო კონტროლის დეპარტამენტი

 სპეციალურ გამოკვლევათა და ფინანსური ექსპერტიზის დეპარტამენტი

 ინფორმაციის დამუშავების და ანალიზის დეპარტამენტი.

საქართველოს ფინანსთა მინისტრის 200 8 წლის 28 მარტი ს ბრძანება № 314 - სსმ III, № 48 , 31 . 03 .200 8 წ., მუხ. 549

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

12.3. საქართველოს ფინანსთა სამინისტროს შემოსავლების სამსახურის:

ტერიტორიული ორგანოები

დასახელება ––––––––––––––––––––––––––––––––––

 მომსახურების სამმართველო/გადამხდელთა მომსახურების სამმართველო

 გადასახადების ადმინისტრირების სამმართველო/იძულებითი ღონისძიებების სამმართველო

 იურიდიული სამმართველო/იურიდიულ საკითხთა სამმართველო

 საბაჟო დამუშავების ოპერაციის სამმართველო/საბაჟო დამუშავების ოპერაციების და საბაჟო კონტროლის სამმართველო

 ადმინისტრაცია

 საინფორმაციო-ანალიტიკური და საგადასახადო შემოწმებების სამმართველო/საგადასახადო შემოწმებების სამმართველო/კონტროლის სამმართველო (მსხვილ გადამხდელთა საგადასახადო ინსპექცია/თბილისის რეგიონალური ცენტრი (საგადასახადო ინსპექცია)/რუსთავის რეგიონალური ცენტრი (საგადასახადო ინსპექცია))

 საინფორმაციო-ანალიტიკური სამმართველო (თბილისის რეგიონალური ცენტრი (საგადასახადო ინსპექცია))

 საბაჟო კონტროლისა და ინფორმაციის დამუშავების განყოფილება

 საბაჟო გამშვები პუნქტი

 საბაჟო საგუშაგო.

საგამოძიებო დეპარტამენტი:

 ადმინისტრაცია

 განსაკუთრებულ მნიშვნელოვან საქმეთა მთავარი სამმართველო

 თბილისის მთავარი სამმართველო

 ქვემო ქართლის სამმართველო

 კახეთის სამმართველო

 მცხეთა-მთიანეთის სამმართველო

 შიდა ქართლის სამმართველო

 სამცხე-ჯავახეთის სამმართველო

 იმერეთის, რაჭა-ლეჩხუმის და გურიის სამმართველო

 სამეგრელო-ზემო სვანეთის სამმართველო

 აჭარის სამმართველო.

აუდიტის დეპარტამენტი:

 ადმინისტრაცია

 გეგმური შემოწმებების მთავარი სამმართველო

 საკონტროლო შემოწმებების მთავარი სამმართველო

 კონტროლის, დაგეგმვის და იურიდიულ საკითხთა მთავარი სამმართველო.

საქართველოს ფინანსთა მინისტრის 200 8 წლის 18 იანვრი ს ბრძანება № 59 - სსმ III, № 9 , 22 . 01 .200 8 წ., მუხ. 10 8

საქართველოს ფინანსთა მინისტრის 200 8 წლის 25 თებერვლი ს ბრძანება № 178 - სსმ III, № 32 , 29 . 02 .200 8 წ., მუხ. 339

საქართველოს ფინანსთა მინისტრის 200 8 წლის 28 მარტი ს ბრძანება № 314 - სსმ III, № 48 , 31 . 03 .200 8 წ., მუხ. 549

საქართველოს ფინანსთა მინისტრის 200 8 წლის 4 ივნისი ს ბრძანება № 491 - სსმ III, № 82 , 10 . 06 .200 8 წ., მუხ. 886

საქართველოს ფინანსთა მინისტრის 200 8 წლის 20 ოქტომბრი ს ბრძანება № 796 - სსმ III, № 155 , 24 . 10 .200 8 წ., მუხ. 1534

საქართველოს ფინანსთა მინისტრის 200 8 წლის 2 2 დეკემბრი ს ბრძანება № 938 - სსმ III, № 183 , 25 . 12 .200 8 წ., მუხ. 1872

საქართველოს ფინანსთა მინისტრის 200 9 წლის 9 იანვრი ს ბრძანება № 7 - სსმ III, № 3 , 13 . 01 .200 9 წ., მუხ. 22

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

საქართველოს ფინანსთა მინისტრის 200 9 წლის 23 აპრილი ს ბრძანება № 257 - სსმ III, № 51 , 28 . 04 .200 9 წ., მუხ. 589

12.4. საქართველოს ფინანსთა სამინისტროს სახაზინო სამსახური

 სახელმწიფო ბიუჯეტის ხარჯების დეპარტამენტი

 აღრიცხვა-ანგარიშგების დეპარტამენტი

 საოპერაციო დეპარტამენტი

 საანგარიშსწორებო დეპარტამენტი

 ადმინისტრაციული დეპარტამენტი

 რისკების მართვისა და საერთაშორისო ფინანსური ბაზრების მონიტორინგის დეპარტამენტი

 სახელმწიფო ვალის მართვის დეპარტამენტი.

საქართველოს ფინანსთა მინისტრის 200 8 წლის 4 ივნისი ს ბრძანება № 491 - სსმ III, № 82 , 10 . 06 .200 8 წ., მუხ. 886

საქართველოს ფინანსთა მინისტრის 200 8 წლის 2 ივლისი ს ბრძანება № 575 - სსმ III, № 96 , 08 . 07 .200 8 წ., მუხ. 1062

საქართველოს ფინანსთა მინისტრის 200 8 წლის 31 ოქტომბრი ს ბრძანება № 828 - სსმ III, № 15 9 , 0 4 . 1 1 .200 8 წ., მუხ. 15 99

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

12.5. საქართველოს ფინანსთა სამინისტროს გენერალური ინსპექცია

 შემოწმებისა და ფინანსური მონიტორინგის სამმართველო

 რისკების შესწავლისა და შიდა აუდიტის სამმართველო

 სპეციალურ დავალებათა შესწავლის სამმართველო

 საქმისწარმოებისა და მატერიალურ-ტექნიკური უზრუნველყოფის სამმართველო.

საქართველოს ფინანსთა მინისტრის 200 8 წლის 4 ივნისი ს ბრძანება № 491 - სსმ III, № 82 , 10 . 06 .200 8 წ., მუხ. 886

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

ეს ანკეტა განიხილება შემოტანიდან ერთი წლის განმავლობაში  პასუხი ეცნობება მხოლოდ წარმატებულ კანდიდატს

 

ვადასტურებ ჩემ მიერ წარმოდგენილ

მონაცემთა სიზუსტეს და ვეთანხმები

შემოთავაზებულ პირობებს

 

                                                                          ხელმოწერა ----------------------------------------------

                                                                                თარიღი ----------------------------------------

 

მის: ქ. თბილისი, გორგასლის 16

ტელ: ----------, ------------, ფაქსი: ---------------

ვებგვერდი: www.mof.ge

ელ.ფოსტა: ----------------------------------

დანართი №2

 

საქართველოს ფინანსთა სამინისტროს სისტემაში სტაჟირების გავლის დამადასტურებელი

 

ს ე რ ტ ი ფ ი კ ა ტ ი

 

                                                                         №

 

   ეს სერტიფიკატი ეძლევა  _________________________________________

                                                                                 (სახელი, გვარი)

 

მასზედ, რომ მან   200  წლის „  “ ________ დან     200 წლის „  “ _______მდე

 

წარმატებით გაიარა სტაჟირების სრული კურსი საქართველოს ფინანსთა სამინისტროს 

 

_______________________________________________________________________________

       (დაწესებულების სტრუქტურული ქვედანაყოფი/სტრუქტურული ერთეული)

 

უფლებამოსილი თანამდებობის  პირის ხელმოწერა  ___________________________

 

საქართველოს ფინანსთა მინისტრის 200 8 წლის 17 ივლისი ს ბრძანება № 609 - სსმ III, № 104 , 23 . 07 .200 8 წ., მუხ. 1 169

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

 

                                                                                                               დანართი №3 (ამოღებულია)

საქართველოს ფინანსთა მინისტრის 200 9 წლის 9 თებერვლი ს ბრძანება № 7 2 - სსმ III, № 15 , 10 . 02 .200 9 წ., მუხ. 182

 

Annotate