იძულებით გადაადგილებულ პირად - დევნილად ცნობის, დევნილის სტატუსის მინიჭების და დევნილთა რეგისტრაციის წესის, იძულებით გადაადგილებული პირის - დევნილის მოწმობის ფორმის, მოწმობის შესახებ დებულებისა და ანკეტის ფორმის დამტკიცების თაობაზე

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2012 წლის 6 აპრილის ბრძანება №31-ვებგვერდი, 10.04.2012წ.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2013 წლის 26 ივნისის ბრძანება №136 - ვებგვერდი, 28.06.2013წ.

საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“საქართველოს კანონის მე-2 მუხლის მე-8 და მე-13 პუნქტების შესაბამისად, ვბრძანებ:

1. დამტკიცდეს „იძულებით გადაადგილებულ პირად - დევნილად ცნობის , დევნილის სტატუსის მინიჭებისა და დევნილთა რეგისტრაციის წესი “ (დანართი №1).

2. დამტკიცდეს „იძულებით გადაადგილებული პირის - დევნილის მოწმობის ფორმა “ (დანართი №2) და „იძულებით გადაადგილებული პირის - დევნილის მოწმობის შესახებ დებულება “ (დანართი №3).

3. დამტკიცდეს „იძულებით გადაადგილებული პირის – დევნილის ანკეტის ფორმა “ (დანართი №4).

4. ძალადაკარგულად ჩაითვალოს „იძულებით გადაადგილებულ პირად – დევნილად ცნობის, დევნილის სტატუსის მინიჭების და დევნილთა რეგისტრაციის წესის, იძულებით გადაადგილებული პირის – დევნილის მოწმობის ფორმის, მოწმობის შესახებ დებულებისა და ანკეტის ფორმის დამტკიცების თაობაზე“ საქართველოს ლტოლვილთა და განსახლების მინისტრის 2006 წლის 2 ოქტომბრის №127 ბრძანება.

5. ეს ბრძანება ამოქმედდეს გამოქვეყნებისთანავე.

გ. ხევიაშვილი

შეტანილი ცვლილებები:

1. საქართველოს ლტოლვილთა და განსახლების მინისტრის 2007 წლის 27 დეკემბრი ს ბრძანება №149 - სსმ III, №186, 28.12.2007წ., მუხ.2089

2. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 7 ოქტომბრის ბრძანება №100-სსმIII,№130,11.10.2010წ.,მუხ.1885

3. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2012 წლის 6 აპრილის ბრძანება №31-ვებგვერდი, 10.04.2012წ.

4. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2013 წლის 20 მაისის ბრძანება №105 - ვებგვერდი, 22.05.2013წ.

5. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2013 წლის 26 ივნისის ბრძანება №136 - ვებგვერდი, 28.06.2013წ.

დანართი 1

იძულებით გადაადგილებულ პირად - დევნილად ცნობის, დევნილის სტატუსის მინიჭებისა და დევნილთა რეგისტრაციის წესი

მუხლი 1. ზოგადი დებულებები

1. იძულებით გადაადგილებულ პირად - დევნილად ცნობის , დევნილის სტატუსის მინიჭების და დევნილთა რეგისტრაციის წესი (შემდგომში - წესი ) გამომდინარეობს „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ “ საქართველოს კანონიდან და განსაზღვრავს იძულებით გადაადგილებულ პირად – დევნილად ცნობის , დევნილის სტატუსის მინიჭებისა და დევნილთა რეგისტრაციის პროცედურებს .

2. ამ წესში გამოყენებულ ტერმინთა შემოკლებებს აქვთ შემდეგი მნიშვნელობა:

ა) დევნილი - იძულებით გადაადგილებული პირი - დევნილი .

ბ) განმცხადებელი – დაინტერესებული პირი, რომელიც მიმართავს სამინისტროს დევნილის სტატუსის მინიჭების მოთხოვნით;

გ) სამინისტრო – საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო;

დ) მინისტრი – საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი;

ე) დეპარტამენტი – საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს დევნილთა საკითხების დეპარტამენტი;

ვ) საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ტერიტორიული ორგანო – საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს დებულებით განსაზღვრული ტერიტორიული ორგანოები;

ზ) დევნილის მოწმობა - საქართველოს ოკუპირებული ტერიტორიებიდან იძულებით გადაადგილებულ პირთა , განსახლებისა და ლტოლვილთა სამინისტროს ან მისი ტერიტორიული ორგანოს მიერ დევნილზე გაცემული დოკუმენტი , რომელიც ადასტურებს პირის დევნილად ცნობასა და დევნილის სტატუსის მინიჭებას;

თ ) მონაცემთა ბაზა – სამინისტროში დაცული დევნილთა მონაცემთა ბაზა .

3. დევნილის სტატუსი ენიჭება პირს „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ საქართველოს კანონის პირველი მუხლი ს პირველი პუნქტი თ განსაზღვრული პირობების არსებობისას.

4. დაუშვებელია რაიმე სახის გადასახდელის დაწესება იძულებით გადაადგილებულ პირად - დევნილად ცნობის, დევნილის სტატუსის მინიჭების და დევნილთა რეგისტრაციის პროცედურებთან დაკავშირებით.

5. ამ წესში ცვლილებებისა და დამატებების შეტანა ხდება მინისტრის ბრძანებით.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 7 ოქტომბრის ბრძანება № 100 -სსმIII,№130,11.10.2010წ.,მუხ.188 5

მუხლი 2. დევნილად ცნობა და დევნილის სტატუსის მინიჭება

1. პირი დევნილად ცნობისა და დევნილის სტატუსის მინიჭების შესახებ წერილობითი განცხადებით პირადად მიმართავს სამინისტროს ან მის ტერიტორიულ ორგანოს.

2. განცხადება მიღებულად ითვლება მისი რეგისტრაციის მომენტიდან.

3. განცხადება უნდა შეიცავდეს:

ა) სამინისტროს ან სამინისტროს იმ ტერიტორიული ორგანოს დასახელებას, რომელსაც მიმართავს განმცხადებელი;

ბ) განმცხადებლის ვინაობას (განცხადებაში უნდა მიეთითოს პირი არის საქართველოს მოქალაქე თუ საქართველოში სტატუსის მქონე მოქალაქეობის არმქონე პირი);

გ) განმცხადებლის დროებითი საცხოვრებელი ადგილის მისამართს და საკონტაქტო ინფორმაციას;

დ) გარემოებებს, რომელთა დადგომის შედეგად იგი იძულებული გახდა დაეტოვებინა მისი მუდმივი საცხოვრებელი ადგილი;

ე) მოთხოვნას დევნილად ცნობისა და დევნილის სტატუსის მინიჭების შესახებ;

ვ) განცხადების წარდგენის თარიღსა და განმცხადებლის ხელმოწერას;

ზ) განცხადებაზე დართული საბუთების (დოკუმენტების) ნუსხას, მათი არსებობის შემთხვევაში.

4. განცხადებას თან უნდა ერთოდეს:

ა) პირადობის დამადასტურებელი დოკუმენტის ქსეროასლი;

ბ) აფხაზეთის ავტონომიური რესპუბლიკის მთავრობისა და ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციულ-ტერიტორიული ერთეულის ადმინისტრაციის შესაბამისი სტრუქტურის ან ადგილობრივი თვითმმართველობის წარმომადგენლობითი ორგანოს და მათი შესაბამისი კომისიების მიერ გაცემული ცნობა/დასკვნა, რომელიც ადასტურებს იძულებით გადაადგილებამდე განმცხადებლის და მისი ოჯახის წევრების მუდმივ საცხოვრებელ ადგილზე ცხოვრების ფაქტს და ოჯახის შემადგენლობას (ამ უკანასკნელის შესაძლებლობის შემთხვევაში).

გ) დევნილის შეხედულებისამებრ ან/და სამინისტროს მოთხოვნის შესაბამისად საჭირო ის საბუთები და მტკიცებულებები, რომლებიც იწვევს საფუძვლიან ვარაუდს იმისა, რომ პირის მოთხოვნა დევნილად ცნობისა და დევნილის სტატუსის მინიჭების შესახებ შეესაბამება „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ საქართველოს კანონის პირველ მუხლის პირველ პუნქტში მოცემულ გარემოებებს.

5. დაუშვებელია რაიმე სახის საბუთის ან ინფორმაციის მოთხოვნა, რომელიც არ არის დაკავშირებული „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ საქართველოს კანონის პირველი მუხლის პირველ პუნქტში განსაზღვრულ გარემოებებთან.

6. ქმედუუნარო ან შეზღუდული ქმედუნარიანობის მქონე პირის სახელით განცხადებით მიმართვის უფლებამოსილება აქვს მის კანონიერ წარმომადგენელს.

7. „საქართველოს ოკუპირებული ტერიტორიებიდან იძულებით გადაადგილებული პირთა – დევნილთა შესახებ“ საქართველოს კანონის მე-2 მუხლის მე-11 პუნქტიდან გამომდინარე, ბავშვის დევნილად ცნობისა და დევნილის სტატუსის მინიჭების შესახებ განცხადებით სამინისტროს ან მის ტერიტორიულ ორგანოს მიმართავს ბავშვის მშობელი (მშობლები) ან მისი სხვა კანონიერი წარმომადგენელი.

8. ამ წესის მე-2 მუხლის მე-7 პუნქტით გათვალისწინებულ შემთხვევაში, განცხადებასთან ერთად წარდგენილი უნდა იქნეს ბავშვის დაბადების მოწმობა, მშობლის (მშობლების) დევნილის მოწმობა და მშობლის (მშობლების) ან მისი სხვა კანონიერი წარმომადგენლის თანხმობა ბავშვისათვის დევნილის სტატუსის მინიჭებაზე. იმ შემთხვევაში, თუ მშობელი (მშობლები) არის დევნილის სტატუსის მაძიებელი პირი და განცხადებაში ითხოვს ბავშვისათვის დევნილის სტატუსის მინიჭებას, როგორც მშობლის (მშობლების), ასევე ბავშვის დევნილის სტატუსის მინიჭების საკითხი წყდება ერთობლივად.

9. სამინისტროს უფლებამოსილი პირი ვალდებულია გააცნოს განმცხადებელს სტატუსის მინიჭების შესახებ გადაწყვეტილების მიღების წესი და განუმარტოს მისი უფლებები და მოვალეობები. აგრეთვე ის მოთხოვნები, რომლებსაც უნდა აკმაყოფილებდეს განცხადება და მიუთითოს განცხადებაში დაშვებული შეცდომების შესახებ.

10. იმ შემთხვევაში, თუ პირის განცხადება არ შეესაბამება საქართველოს ზოგადი ადმინისტრაციული კოდექსითა და ამ მუხლის მე-3, მე-4, მე-6 და მე-8 პუნქტებით დადგენილ მოთხოვნებს, დეპარტამენტი ან ტერიტორიული ორგანო განცხადების მიღებიდან 3 დღის ვადაში აცნობებს განმცხადებელს ხარვეზის შესახებ. ხარვეზის გასწორების ვადა არ შეიძლება იყოს 5 დღეზე ნაკლები და 10 დღეზე მეტი. იმ შემთხვევაში, თუ განმცხადებელი მოითხოვს ხარვეზის გამოსწორებისათვის ვადის გაგრძელებას, დეპარტამენტი ან ტერიტორიული ორგანო მხოლოდ ერთხელ, მაგრამ არაუმეტეს 5 დღით, უფლებამოსილია გაუგრძელოს ხარვეზის გამოსწორების ვადა.

11. ტერიტორიული ორგანო ვალდებულია განცხადების მიღებიდან 5 დღის ვადაში გადაუგზავნოს სამინისტროს პირის განცხადება დევნილად ცნობისა და დევნილის სტატუსის მინიჭების თაობაზე და მასზე თანდართული დოკუმენტაცია.

12. სამინისტრო განცხადების რეგისტრაციიდან 10 დღის ვადაში განიხილავს და წყვეტს საკითხს პირის დევნილის სტატუსის მაძიებლად რეგისტრაციის ან რეგისტრაციაზე უარის თქმის შესახებ.

13. გადაწყვეტილებას პირის დევნილის სტატუსის მაძიებლად რეგისტრაციის ან რეგისტრაციაზე უარის თქმის შესახებ იღებს დეპარტამენტი.

14. პირი რეგისტრირებული იქნება დევნილის სტატუსის მაძიებლად, თუ არსებობს საფუძვლიანი ვარაუდი იმისა, რომ იგი „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ” საქართველოს კანონის პირველ მუხლის პირველ პუნქტში მითითებული მიზეზების გამო იძულებული იქნა დაეტოვებინა მუდმივი საცხოვრებელი ადგილი.

15. დევნილის სტატუსის მაძიებელ პირზე გაიცემა ცნობა. დევნილის სტატუსის მაძიებლის ცნობის გაცემას უზრუნველყოფს დეპარტამენტი ან ტერიტორიული ორგანო.

16. დევნილის სტატუსის მაძიებლად პირის რეგისტრაციაზე უარის თქმის შესახებ განმცხადებელს ეცნობება წერილობით გადაწყვეტილების მიღებიდან 3 დღის ვადაში.

17. პირის დევნილის სტატუსის მაძიებლად ცნობის ან დევნილის სტატუსის მინიჭების საკითხის განხილვა შეწყდება, თუ:

ა) პირმა უარი განაცხადა დევნილის სტატუსის მაძიებლად ცნობაზე ან დევნილის სტატუსის მინიჭებაზე;

ბ) აღმოიფხვრა „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ “ საქართველოს კანონის პირველ მუხლის პირველ პუნქტში გათვალისწინებული პირის იძულებით გადაადგილების მიზეზები და საქართველოს ოკუპირებულ ტერიტორიაზე აღსდგა საქართველოს იურისდიქცია;

გ) პირი გარდაიცვალა;

დ) დაინტერესებული პირის სახელით განცხადება შეიტანა არაუფლებამოსილმა პირმა;

ე) განცხადება შეიტანა ქმედუუნარო პირმა ან შეზღუდულქმედუნარიანობის მქონე პირმა.

18. დევნილის სტატუსის მაძიებლად ცნობაზე ან დევნილის სტატუსის მინიჭებაზე პირს უარი ეთქმება, თუ:

ა) არ არსებობს საფუძვლიანი ვარაუდი, რომ პირი აკმაყოფილებს „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ საქართველოს კანონის პირველი მუხლის პირველი პუნქტით გათვალისწინებულ პირობებს;

ბ) არსებობს განმცხადებლის მიმართ სასამართლოს კანონიერ ძალაში შესული გადაწყვეტილება ან განჩინება, რომლის შედეგად პირს უარი ეთქვა დევნილის სტატუსის მინიჭებაზე;

გ) პირს საქართველოს კანონმდებლობის შესაბამისად შეუწყდა საქართველოს მოქალაქეობა;

19. პირის დევნილად ცნობისა და დევნილის სტატუსის მინიჭების საკითხის განხილვას ახორცილებს დეპარტამენტი.

20. დეპარტამენტი ან ტერიტორიული ორგანო უზრუნველყოფს განცხადების საფუძვლიანობის შემოწმებას, შესაბამისი საბუთებისა (დოკუმენტების) და მტკიცებულებების მოძიებას, საჭიროების შემთხვევაში სამინისტროს სტრუქტურული ქვედანაყოფებიდან და სათანადო ორგანოებიდან მათ გამოთხოვას და მის ფოტოგრაფირებას. ფოტოგრაფირებას არ ექვემდებარება 6 წლამდე ასაკის ბავშვი.

21. პირს, რომელიც განცხადებით მიმართავს სამინისტროს ან მის ტერიტორიულ ორგანოს დევნილის სტატუსის მინიჭების თაობაზე, განცხადების მიღებიდან 10 დღის ვადაში დეპარტამენტში უნდა ჩაუტარდეს გასაუბრება „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ საქართველოს კანონის პირველი მუხლის პირველი პუნქტით გათვალისწინებული პირის დევნილად ცნობის საფუძვლებთან დაკავშირებით. დეპარტამენტში დანიშნულ გასაუბრებაში მონაწილეობა ასევე შეიძლება მიიღონ სამინისტროს სხვა სტრუქტურული ერთეულების მოსამსახურეებმაც. გასაუბრების დროს ივსება დადგენილი ფორმის კითხვარი, რომლის ფორმას, ასევე გასაუბრებაზე და კითხვარის ფორმის შევსებაზე სამინისტროს უფლებამოსილ მოხელეეებს განსაზღვრავს მინისტრი ინდივიდუალურ-სამართლებრივი აქტით. მითითებულ ვადებში გასაუბრებაზე არასაპატიო მიზეზით გამოუცხადებლობის შემთხვევაში, შეჩერდება დევნილად ცნობისა და დევნილის სტატუსის მინიჭების თაობაზე პირის განცხადების განხილვა.

22. თუ განმცხადებელმა ობიექტური მიზეზების გამო (ხანდაზმულობა, მძიმე ავადმყოფობა, სასჯელაღსრულებით დაწესებულებებში ყოფნა და სხვ.) ვერ შეძლო სამინისტროში გამოცხადება, ასეთ შემთხვევაში სამინისტროს უფლებამოსილი პირი ვალდებულია, სტატუსის მაძიებლის მოთხოვნით, ადგილსამყოფელზე მისვლით განახორციელოს სტატუსის მინიჭებასთან დაკავშირებული პროცედურები (გასაუბრება, კითხვარის შევსება, ფოტოგრაფირება, ანკეტის შევსება).

23. დაუშვებელია გასაუბრების დროს მიღებული კონფიდენციალური ინფორმაციის არასამსახურებრივი მიზნებისათვის გამოყენება.

24. დეპარტამენტი საკითხის შესწავლის შემდგომ ამზადებს დასკვნას პირისათვის სტატუსის მინიჭების ან მინიჭებაზე უარის თქმის შესახებ , რომელსაც ხელს აწერს დეპარტამენტის უფროსი . დეპარტამენტის მიერ მომზადებული დასკვნის საფუძველზე გამოიცემა მინისტრის ინდივიდუალურ -სამართლებრივი აქტი პირისათვის დევნილის სტატუსის მინიჭების ან მინიჭებაზე უარის თქმის შესახებ . ამ ინდივიდუალურ -სამართლებრივი აქტის საფუძველზე , პირისათვის დევნილის სტატუსის მინიჭების შესახებ შესაბამისი ინფორმაცია აისახება მონაცემთა ბაზაში .

25. (ამოღებულია - 26.06.2013, №136).

26. დეპარტამენტი გადაწყვეტილებას პირისათვის სტატუსის მინიჭების ან მინიჭებაზე უარის თქმის შესახებ განმცხადებელს აცნობებს წერილობითი ფორმით გადაწყვეტილების მიღებიდან 3 დღის ვადაში.

27. დევნილად ცნობისა და დევნილის სტატუსის მინიჭების შემდეგ, დეპარტამენტის ან ტერიტორიული ორგანოს მიერ პირზე ივსება ანკეტა და ეძლევა დევნილის მოწმობა.

28. დევნილის ანკეტა წარმოადგენს დოკუმენტს, რომელშიც შეიტანება მისი საიდენტიფიკაციო მონაცემები.

29. დევნილის ანკეტის შევსებასა და დევნილის მოწმობის გაცემას უზრუნველყოფს მინისტრის ბრძანებით განსაზღვრული უფლებამოსილი პირი (პირები). დევნილის ანკეტაში შეიტანება შემდეგი მონაცემები: დევნილის სახელი, გვარი, მამის სახელი, დაბადების თარიღი და ადგილი, სქესი, მოქალაქეობა, დევნილის პირადი და სარეგისტრაციო ნომერი, მუდმივი საცხოვრებელი ადგილი იძულებით გადაადგილებამდე, დროებითი საცხოვრებელი ადგილი, განსახლების ფორმა, ოჯახური მდგომარეობა, განათლება, პროფესია, წარმოდგენილი დოკუმენტების დასახელებები და მათი რეკვიზიტები. ანკეტა შეიცავს დევნილის ფოტოსურათს, გარდა 6 წლამდე ასაკის დევნილის ანკეტისა (არასრულწლოვანის პირადი ნომერი სტატუსის მინიჭებისათვის სავალდებულოა).

30. დევნილის ანკეტაში მიეთითება მისი შევსების თარიღი და ადგილი. დევნილის ანკეტას ხელს აწერს ანკეტის შემვსები პირი და დევნილი ან მისი კანონიერი წარმომადგენელი. ანკეტაში შეტანილ უნდა იქნეს აგრეთვე ინფორმაცია ცვლილებისა და დამატებების შესახებ. პირი, რომელიც უფლებამოსილია განახორციელოს შესაბამისი ცვლილებები და დამატებები, პირადი ხელმოწერით ადასტურებს აღნიშნულს. ანკეტას დაესმება სამინისტროს ან მისი ტერიტორიული ორგანოს შესაბამისი ბეჭედი.

31. არასრულწლოვანი დევნილის ანკეტას ხელს აწერს ერთ-ერთი მშობელი ან სხვა კანონიერი წარმომადგენელი.

32. არასრულწლოვანი დევნილის ანკეტაში დროებით საცხოვრებელ ადგილად მიეთითება ერთ-ერთი მშობლის ან სხვა კანონიერი წარმომადგენლის დროებითი საცხოვრებელი ადგილი.

33. დევნილის მოწმობაში აისახება ის აუცილებელი პერსონალური (საიდენტიფიკაციო) მონაცემები, რომლებიც სამინისტროს გააჩნია დევნილის სტატუსის მქონე პირის შესახებ და იძლევა პირის იდენტიფიკაციის საშუალებას.

34. დევნილის მოწმობა ადასტურებს პირის დევნილად ცნობისა და დევნილის სტატუსის მინიჭების ფაქტს „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ” საქართველოს კანონის პირველი მუხლის პირველი პუნქტის შესაბამისად.

35. დევნილის მოწმობა გაიცემა ყველა ასაკის დევნილზე. თითოეულ დევნილს სამინისტროს მიერ ენიჭება დევნილის პირადი ნომერი და სარეგისტრაციო ნომერი.

36. დევნილის მოწმობის მიღების უფლება აქვს უშუალოდ დევნილის სტატუსის მქონე პირს, ხოლო არასრულწლოვანი, ქმედუუნარო ან შეზღუდულქმედუნარიანი პირის შემთხვევაში – მის კანონიერ წარმომადგენელს. დაუშვებელია სხვა პირზე დევნილის მოწმობის გაცემა. ხოლო არასრულწლოვანი, ქმედუუნარო ან შეზღუდულ ქმედუნარიანი პირის (დევნილის) შემთხვევაში მისი კანონიერი წარმომადგენელი ხელს აწერს დევნილის მოწმობას და მის მიღებას ადასტურებს დევნილის სტატუსის მქონე პირთა მოწმობების გაცემის ჟურნალში ხელმოწერით.

37. დევნილის პირადი ნომერი (დევნილის საიდენტიფიკაციო კოდი) წარმოადგენს თერთმეტი ციფრისაგან შედგენილ კოდს: „00000-000000“, რომლის პირველი ხუთი ციფრი აღნიშნავს ადმინისტრაციულ-ტერიტორიულ ერთეულს, ხოლო მომდევნო ექვსი ციფრით აღინიშნება ამ პირის რიგითი ნომერი შესაბამისი ადმინისტრაციულ-ტერიტორიული ერთეულიდან.

38. დევნილის პირადი ნომერი არის ინდივიდუალური და იგი არ შეიძლება განმეორდეს. ერთი და იგივე პირისათვის ორი ან მეტი პირადი ნომრის მინიჭება დაუშვებელია. დაუშვებელია აგრეთვე კანონიერ საფუძველზე ერთხელ მინიჭებული პირადი ნომრის შეცვლა, გაუქმება ან სხვა პირზე მინიჭება. პირისათვის დევნილის სტატუსის შეჩერების, ჩამორთმევის ან შეწყვეტის შემთხვევებში დევნილის პირადი ნომერი განმეორებით არ გამოიყენება.

39. დევნილის სარეგისტრაციო ნომერი რვაციფრიანია: „000-00000“. სარეგისტრაციო ნომერი ატარებს საინფორმაციო ხასიათს და არ წარმოადგენს დევნილის საიდენტიფიკაციო კოდს. სარეგისტრაციო ნომრის პირველი სამი ციფრი აღნიშნავს ადმინისტრაციულ-ტერიტორიულ ერთეულს, სადაც დევნილი დროებით ცხოვრობს, ხოლო მომდევნო ხუთი ციფრი არის სამინისტროს მონაცემთა ბაზაში 2006 წლის 15 აგვისტოს მდგომარეობით არსებული საოჯახო ანკეტის ნომერი.

40. დევნილი უფლებამოსილია მიაწოდოს სამინისტროს ინფორმაცია და წერილობითი ფორმით მოითხოვოს შესწორების შეტანა მის შესახებ არსებულ პერსონალური (საიდენტიფიკაციო) ხასიათის მონაცემებში.

41. დევნილზე სამინისტროში არსებული არასრული პერსონალური (საიდენტიფიკაციო) მონაცემების არსებობის შემთხვევაში სამინისტრო უფლებამოსილია მოსთხოვოს მას ამ მონაცემების შევსება.

42. დევნილის სტატუსის მაძიებლად ცნობაზე ან დევნილის სტატუსის მინიჭებაზე პირისათვის უარის თქმის შემთხვევაში პირს ახალი განცხადებით სამინისტროსადმი მიმართვის უფლება აქვს, თუ ფაქტობრივი ან სამართლებრივი მდგომარეობა, რომელიც საფუძვლად დაედო პირისათვის უარის თქმას, შეიცვალა და არსებობს ახლად აღმოჩენილი გარემოებანი, რომლებიც იწვევენ საფუძვლიან ვარაუდს, რომ პირი აკმაყოფილებს „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ საქართველოს კანონის პირველი მუხლის პირველი პუნქტით განსაზღვრულ პირობებს.

43. მონაცემთა ბაზაში დაცულ დევნილის პერსონალურ მონაცემებში ცვლილება, ასევე დამატებითი ინფორმაციის ასახვა, ხორციელდება მინისტრის თანხმობით დეპარტამენტის მოხსენებითი ბარათის საფუძველზე შესაბამისად უფლებამოსილი დეპარტამენტის თანამშრომლის მიერ.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2013 წლის 20 მაისის ბრძანება №105 - ვებგვერდი, 22.05.2013წ.

მუხლი 2¹. დევნილის სტატუსის შეწყვეტის, ჩამორთმევისა და აღდგენის წესი

1. „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ საქართველოს კანონის მე-6 მუხლის შესაბამისად, დეპარტამენტი პირისათვის დევნილის სტატუსის შეწყვეტის, ჩამორთმევისა და აღდგენის საკითხის შესწავლის შემდგომ ამზადებს დასკვნას შესაბამისად დევნილისათვის სტატუსის შეწყვეტის, ჩამორთმევის და აღდგენის შესახებ, რომელსაც ხელს აწერს დეპარტამენტის უფროსი.

2. დეპარტამენტის მიერ მომზადებული დასკვნის საფუძველზე გამოიცემა პირისათვის დევნილის სტატუსის შეწყვეტის, ჩამორთმევისა ან აღდგენის შესახებ მინისტრის ინდივიდუალურ-სამართლებრივი აქტი.

3. პირისათვის დევნილის სტატუსის შეწყვეტის, ჩამორთმევის ან აღდგენის შესახებ მინისტრის ინდივიდუალურ-სამართლებრივი აქტის საფუძველზე დეპარტამენტი ახორციელებს შესაბამის ცვლილებებს მონაცემთა ბაზაში.

4. მონაცემთა ბაზის წვდომაზე და მასში ცვლილებების განხორციელებაზე სამინისტროს უფლებამოსილ მოხელეეებს განსაზღვრავს მინისტრი ინდივიდუალურ-სამართლებრივი აქტით.“;

მუხლი 3. (ამოღებულია)

მუხლი 4. დევნილთა რეგისტრაციის წესი (რეგისტრაციის პროცედურა, რეგისტრაციის ადგილი და ვადები)

1. დევნილთა რეგისტრაციას უზრუნველყოფს სამინისტრო დეპარტამენტის და მინისტრის ბრძანებით შექმნილი სარეგისტრაციო კომისიების მეშვეობით. კომისიის წევრები, გარდა სამინისტროს თანამშრომლებისა, შეიძლება იყვნენ მოწვეული პირებიც.

2. დევნილთა რეგისტრაციის პროცესში დამკვირვებლის სტატუსით სარგებლობენ საქართველოს არასამთავრობო და საერთაშორისო ორგანიზაციები.

3. დევნილთა რეგისტრაციის მიმდინარეობის პროცესის ორგანიზებასა და კოორდინაციას ახორციელებს დეპარტამენტი.

4. დევნილთა რეგისტრაციისას დეპარტამენტი დევნილის მოწმობების დასაბეჭდად დადგენილი წესით დამცავი ნიშნების მქონე საჭირო რაოდენობის შესაბამისი ნიმუშის ქაღალდებს, დევნილთა სიებს და დევნილის სტატუსის მქონე პირთა მოწმობების გაცემის ჟურნალს გადასცემს მინისტრის ბრძანებით განსაზღვრულ უფლებამოსილ (პასუხისმგებელ) პირს.

5. დევნილთა რეგისტრაციის ჩატარების შესახებ გამოიცემა მინისტრის ინდივიდუალური ადმინისტრაციულ-სამართლებრივი აქტი. აქტში მითითებული უნდა იყოს რეგისტრაციის ადგილი, თარიღი და რეგისტრაციის გავლის ვადა, აგრეთვე საქართველოს ფარგლებს გარეთ დროებით გასულ დევნილთა რეგისტრაციის ვადები და ადგილები. რეგისტრაციის გავლის უფლება აქვს დევნილის სტატუსის მქონე პირს.

6. რეგისტრაციის ჩატარების თაობაზე ინფორმაციის გამოქვეყნება უნდა მოხდეს მასობრივი ინფორმაციის საშუალებებით.

7. დევნილთა რეგისტრაციის დროს ხდება მოწმობის გამოცვლა.

8. მოწმობის გამოცვლა ხორციელდება:

ა) სამინისტროს მიერ დევნილის მოწმობის ახალი ნიმუშის დამტკიცების და ახალი ნიმუშის მოწმობის გაცემის შემთხვევაში;

ბ) დევნილის 6 და 16 წლის ასაკის მიღწევის, ასევე საქართველოს მოქალაქეობის მოპოვების შემდგომ.

9. ამ მუხლის მე-8 პუნქტის „ა“ ქვეპუნქტით გათვალისწინებულ შემთხვევაში, თუ არსებობს საფუძვლიანი ეჭვი, სამინისტროს მიერ ხორციელდება დევნილის სტატუსის მინიჭების საფუძვლიანობის გადამოწმება.

10. ამ მუხლის მე-8 პუნქტის „ბ“ ქვეპუნქტში გათვალისწინებული შემთხვევების დადგომისას მოწმობის გამოცვლა ხდება ორი თვის ვადაში.

11. დევნილი ითვლება რეგისტრირებულად, თუ სამინისტროს მიერ გამოცხადებულ ვადაში და ადგილზე, დადგენილი წესით გამოცვლის მოწმობას.

12. თუ დევნილმა ობიექტური მიზეზების გამო (ხანდაზმულობა, მძიმე ავადმყოფობა, სასჯელაღსრულებით დაწესებულებებში ყოფნა და სხვ.) ვერ შეძლო რეგისტრაციის გავლა, ასეთ შემთხვევაში სამინისტროს უფლებამოსილი პირი ვალდებულია, დევნილის მოთხოვნით, დევნილის ადგილსამყოფელზე მისვლით გადაწყვიტოს დევნილის რეგისტრაციის საკითხი.

13. დაუშვებელია დევნილის მოწმობის გამოცვლა (გაცემა) პირზე, რომლის შესახებ სამინისტროს არ გააჩნია შემდეგი პერსონალური (საიდენტიფიკაციო) მონაცემები და დოკუმენტები:

ა) ფოტოსურათი (ფოტოსურათი არ სჭირდება 6 წლამდე ასაკის დევნილს);

ბ) პირადობის მოწმობის ქსეროასლი (არასრულწლოვანი დევნილის შემთხვევაში – დაბადების მოწმობის ქსეროასლი; საქართველოში მუდმივად მცხოვრები მოქალაქეობის არმქონე პირის შემთხვევაში – ბინადრობის მოწმობა);

გ) დევნილის ანკეტა.

14. პირადობის მოწმობის (ბინადრობის მოწმობის) და დაბადების მოწმობის ქსეროასლები წარმოდგენილი უნდა იყოს დედანთან ერთად.

15. დევნილი ვალდებულია რეგისტრაციის დროს სამინისტროს მიერ გამოცხადებულ ვადებში და დადგენილი წესით წარუდგინოს სამინისტროს უფლებამოსილ პირს ამ მუხლის მე-14 პუნქტით გათვალისწინებული დოკუმენტები, მიაწოდოს შესაბამისი ინფორმაცია და გაიაროს ფოტოგრაფირების პროცედურა. დოკუმენტების ქსეროასლების გადაღებას და დევნილის ფოტოგრაფირებას ახორციელებს დეპარტამენტი და/ან სარეგისტრაციო კომისია.

16. რეგისტრაციის დროს დევნილის მოწმობის მიღების უფლება აქვს უშუალოდ დევნილის სტატუსის მქონე პირს, ხოლო არასრულწლოვანი, ქმედუუნარო ან შეზღუდულქმედუნარიანი პირის შემთხვევაში – მის კანონიერ წარმომადგენელს. დაუშვებელია სხვა პირზე დევნილის მოწმობის გაცემა. ხოლო არასრულწლოვანი, ქმედუუნარო ან შეზღუდულქმედუნარიანი პირის შემთხვევაში მისი კანონიერი წარმომადგენელი ხელს აწერს დევნილის მოწმობას და მის მიღებას ადასტურებს დევნილის სტატუსის მქონე პირთა მოწმობების გაცემის ჟურნალში ხელმოწერით.

17. დევნილი ითვლება რეგისტრაციაგაუვლელად, თუ არ გამოცხადდა სამინისტროს მიერ განსაზღვრულ ვადებსა და ადგილზე და მის მიერ არ იქნა დაცული ამ მუხლის მე-11, მე-13 და მე-16 პუნქტებით დადგენილი მოთხოვნები.

18. დევნილის რეგისტრაციის ადგილი არის დევნილის დროებითი საცხოვრებელი ადგილი. დევნილის დროებითი საცხოვრებელი ადგილი წარმოადგენს დევნილის მიერ დევნილობის პერიოდში არჩეულ საცხოვრებელ ადგილს (ადმინისტრაციულ ერთეულს) ან ადგილს (ადმინისტრაციულ ერთეულს), სადაც იგი დროებით არის განსახლებული, მიუხედავად ამ ადგილების საკუთრების ფორმისა.

19. დევნილის დროებითი საცხოვრებელი ადგილი განისაზღვრება სამინისტროს დევნილთა რეესტრში არსებული მონაცემების საფუძველზე.

20. სამინისტროში არსებულ დევნილთა მონაცემთა ბაზაში დევნილის დროებითი საცხოვრებელი ადგილი მიეთითება შესაბამისი საცხოვრებელი ადგილის მისამართით. იმ შემთხვევაში, თუ დევნილი კომპაქტურად განსახლების ობიექტში ცხოვრობს, დროებით საცხოვრებელ ადგილად მიეთითება აგრეთვე შესაბამისი ობიექტის სახელწოდება.

21. დროებითი საცხოვრებელი ადგილის შეცვლის თაობაზე დევნილი წერილობით აცნობებს სამინისტროს ერთი თვის განმავლობაში.

22. სამინისტროში არსებულ დევნილთა მონაცემთა ბაზაში დაუშვებელია დევნილის დროებითი საცხოვრებელი ადგილის შეცვლა კომპაქტური განსახლების ობიექტიდან კომპაქტური განსახლების ობიექტში, გარდა:

ა) „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ საქართველოს კანონის 5 ³ მუხლის მე-2 პუნქტის „ბ“ და „გ“ ქვეპუნქტებიდან გამომდინარე გარემოებების დადგომისას;

ბ) არასრულწლოვანის მიერ დროებითი საცხოვრებელი ადგილის შეცვლის შემთხვევაში მის მშობელთან ან სხვა კანონიერ წარმომადგენელთან;

გ) დევნილის დაქორწინების ან განქორწინების (დევნილის განქორწინების შემთხვევაში მიეთითება მისი თავდაპირველი დროებითი საცხოვრებელი ადგილი) შემთხვევაში;

დ) ქმედუუნარო ან შეზღუდულ ქმედუნარიანი პირის შემთხვევაში – მის კანონიერ წარმომადგენელთან;

ე) იმ შემთხვევისა, როდესაც მეუღლეები ცხოვრობენ სხვადასხვა კომპაქტურად განსახლების ობიექტში.

23. დევნილი ვალდებულია მოწმობის გამოცვლის დროს უფლებამოსილ პირს ჩააბაროს ძალადაკარგული მოწმობა.

24. რეგისტრაციის დროს დევნილი უფლებამოსილია მიაწოდოს სამინისტროს ინფორმაცია და წერილობითი ფორმით მოითხოვოს შესწორების შეტანა მის შესახებ არსებულ საიდენტიფიკაციო მონაცემებში დადგენილი წესის შესაბამისად. ასევე, სამინისტრო უფლებამოსილია არასრული საიდენტიფიკაციო მონაცემების არსებობის შემთხვევაში მოსთხოვოს დევნილს ამ მონაცემების შესავსებად საჭირო დოკუმენტაციის წარმოდგენა.

25. რეგისტრაციის ვადის გასვლის შემდგომ უფლებამოსილი პირი ადგენს იმ დევნილთა სიას, რომლებმაც ვერ გაიარეს რეგისტრაცია და აღნიშნულ სიას, გაუცემელ და ძალადაკარგულ მოწმობებთან და დევნილის სტატუსის მქონე პირთა მოწმობების გაცემის ჟურნალთან ერთად გადასცემს დეპარტამენტს.

26. დეპარტამენტი შესაბამისი ინფორმაციის საფუძველზე მინისტრს წარუდგენს ანგარიშს რეგისტრაციის შედეგების შესახებ და იღებს გადაწყვეტილებებს მოქმედი კანონმდებლობის შესაბამისად.

27. დევნილი, რომელიც დადგენილ ვადებში ვერ გაივლის რეგისტრაციას, განცხადებით მიმართავს სამინისტროს რეგისტრაციის გასავლელად ყოველი თვის 10 რიცხვამდე. სამინისტრო განცხადების მიღებიდან 10 დღის ვადაში ახორციელებს პირის რეგისტრაციას დადგენილი წესით.

მუხლი 5. გარდამავალი დებულებები

იმ შემთხვევაში, თუ პირს არ აქვს გავლილი 2007 წლის რეგისტრაცია, მისი სტატუსის მინიჭების საკითხი განიხილება ხელახლა ამ ბრძანების პირველი პუნქტით დამტკიცებული „იძულებით გადაადგილებულ პირად – დევნილად ცნობის, დევნილის სტატუსის მინიჭებისა და დევნილთა რეგისტრაციის წესის“ შესაბამისად.

საქართველოს ლტოლვილთა და განსახლების მინისტრის 200 7 წლის 27 დეკემბრი ს ბრძანება № 149 - სსმ III, № 186 , 28 . 12 .200 7 წ., მუხ. 2089

დანართი 2

პირველი გვერდი

მეორე გვერდი

დანართი 3

იძულებით გადაადგილებულ პირის - დევნილის მოწმობის შესახებ დებულება

მუხლი 1. ზოგადი დებულებები

1. იძულებით გადაადგილებული პირის - დევნილის მოწმობის შესახებ დებულება (შემდგომში - დებულება) შემუშავებულია „საქართველოს ოკუპირებული ტერიტორიებიდან იძულებით გადაადგილებულ პირთა – დევნილთა შესახებ“ საქართველოს კანონიდან გამომდინარე და განსაზღვრავს იძულებით გადაადგილებული პირის – დევნილის (შემდგომში - დევნილი) მოწმობის აღწერილობას, მოწმობის რეკვიზიტებს, მოწმობის შევსებასთან, გამოცვლასთან, შეცვლასთან და დუბლიკატის გაცემასთან დაკავშირებულ საკითხებს.

2. იძულებით გადაადგილებული პირის – დევნილის მოწმობას (შემდგომში – დევნილის მოწმობა) სათანადო გაფორმების გარეშე, შესწორებით, წაშლილი სიტყვებითა და გადასწორებული თარიღებით ძალა არ გააჩნია.

3. ამ დებულებაში ცვლილებებისა და დამატებების შეტანა ხდება საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის (შემდგომში – მინისტრი) ბრძანებით.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 7 ოქტომბრის ბრძანება №100-სსმIII,№130,11.10.2010წ.,მუხ.1885

მუხლი 2. დევნილის მოწმობის რეკვიზიტები და აღწერილობა

1. დევნილის მოწმობაში აისახება ის აუცილებელი პერსონალური მონაცემები, რომლებიც საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს (შემდგომში – სამინისტრო) გააჩნია დევნილის სტატუსის მქონე პირის შესახებ და იძლევა პირის იდენტიფიკაციის საშუალებას.

2. დევნილის მოწმობის რეკვიზიტებია:

ა) სახელი;

ბ) გვარი;

გ) მამის სახელი;

დ) დაბადების თარიღი;

ე) პირადი ნომერი (საქართველოს მოქალაქის პირადობის მოწმობის მიხედვით, ხოლო საქართველოში მუდმივად მცხოვრები მოქალაქეობის არმქონე პირის შემთხვევაში – ბინადრობის მოწმობის მიხედვით);

ვ) დევნილის ნომერი (სამინისტროს მიერ დევნილისათვის მინიჭებული პირადი ნომერი);

ზ) ფოტოსურათი;

თ) დევნილის მუდმივი საცხოვრებელი ადგილი იძულებით გადაადგილებამდე;

ი) დევნილის დროებითი საცხოვრებელი ადგილი;

კ) სარეგისტრაციო ნომერი (სამინისტროში დაცული დევნილის ანკეტის მიხედვით);

ლ) მინისტრის ხელმოწერა;

მ) მოწმობის გამცემი ორგანოს დასახელება;

ნ) მოწმობის გაცემაზე პასუხისმგებელი პირის ხელმოწერა;

ო) მოწმობის გაცემის თარიღი;

პ) დევნილის პირადი ხელმოწერა;

ჟ) სამინისტროს ან მისი ტერიტორიული ორგანოს ბეჭედი;

რ) მოწმობის ნომერი.

3. 6 წლამდე ასაკის დევნილის მოწმობა არ შეიცავს ფოტოსურათს.

4. დევნილის მოწმობა არის ორგვერდიანი დამცავი ნიშნების მქონე ქაღალდზე დამზადებული ლამინირებული დოკუმენტი. მოწმობის ზომაა 85X50 მმ. მოწმობის დამზადება ხდება კანონმდებლობით დადგენილი წესის შესაბამისად.

5. მოწმობის პირველ გვერდზე, ზედა ცენტრალურ ნაწილში განთავსებულია წარწერა ქართულ ენაზე: „საქართველო“, ხოლო ქვემოთ – ინგლისურ ენაზე: „GEORGIA“, აღნიშნული წარწერის ქვემოთ განთავსებულია წარწერები ქართულ და ინგლისურ ენებზე: „იძულებით გადაადგილებული პირის – დევნილის მოწმობა“ და „ID card of IDP“. პირველ გვერდზე განთავსებულია დევნილის სტატუსის მქონე პირის ციფრული ფოტოსურათი და მოცემულია შემდეგი ინფორმაცია: დევნილის მოწმობის მფლობელის სახელი და გვარი, მამის სახელი, დაბადების თარიღი, პირადი ნომერი და დევნილის ნომერი. დევნილის მოწმობაზე მითითებულია მინისტრის ხელმოწერა. პირველი გვერდის ბოლოს განთავსებულია წარწერები ქართულ და ინგლისურ ენებზე: „დევნილის მოწმობა ძალაშია პირადობის დამადასტურებელ დოკუმენტთან ერთად“. პირველ გვერდზე განთავსებულია სამინისტროს ან მისი ტერიტორიული ორგანოს შესაბამისი ბეჭედი.

6. დევნილის მოწმობის მეორე გვერდზე მოცემულია ინფორმაცია დევნილის მუდმივი საცხოვრებელი ადგილის შესახებ იძულებით გადაადგილებამდე, დევნილის დროებითი საცხოვრებელი ადგილი, სარეგისტრაციო ნომერი, დევნილის მოწმობის გამცემი ორგანოს დასახელება, დევნილის მოწმობის გაცემაზე პასუხისმგებელი პირისა და დევნილის ხელმოწერები, დევნილის მოწმობის გაცემის თარიღი. მეორე გვერდზე მიეთითება დევნილის მოწმობის ნომერი და განთავსდება სამინისტროს ან მისი ტერიტორიული ორგანოს შესაბამისი ბეჭედი.

მუხლი 3. დევნილის მოწმობის შევსება, გამოცვლა, შეცვლა და დუბლიკატის გაცემა

1. დევნილის მოწმობის შევსებას, გაცემასა და შეცვლას უზრუნველყოფს დეპარტამენტი ან ტერიტორიული ორგანო.

2. დევნილის მოწმობის შევსება ხორციელდება დევნილის ანკეტაში არსებული პერსონალური (საიდენტიფიკაციო) მონაცემების საფუძველზე.

3. მოწმობის გამოცვლა ხორციელდება დევნილთა რეგისტრაციის დროს.

4. დევნილის მოწმობის გამოცვლა ხდება:

ა) სამინისტროს მიერ დევნილის მოწმობის ახალი ნიმუშის დამტკიცების შემთხვევაში;

ბ) 6 წლის ასაკის მიღწევის შემდეგ;

გ) 16 წლის ასაკის მიღწევის შემდეგ;

დ) საქართველოს მოქალაქეობის მოპოვების შემდეგ (საქართველოს მოქალაქეობის არმქონე პირთათვის).

5. დევნილის მოწმობის შეცვლა ხდება შემდეგ შემთხვევებში:

ა) სახელის და/ან გვარის შეცვლისას;

ბ) ჩანაწერში უზუსტობის აღმოჩენის ან ცვლილების შეტანისას.

6. დევნილის მოწმობის დუბლიკატის გაცემა ხდება მოწმობის გამოსაყენებლად უვარგისად ცნობის (დაზიანება და სხვა) ან დაკარგვის შემთხვევაში.

7. დევნილის მოწმობის დაკარგვის, სახელის და/ან გვარის შეცვლის, ჩანაწერში უზუსტობის აღმოჩენის შემთხვევაში მისი მფლობელი ვალდებულია დაუყოვნებლივ აცნობოს აღნიშნულის თაობაზე სამინისტროს ან ტერიტორიულ ორგანოს.

8. დევნილის მოწმობის შეცვლის ან დუბლიკატის გაცემის დასაბუთებული მოთხოვნით დევნილის მოწმობის მფლობელი მიმართავს სამინისტროს ან ტერიტორიულ ორგანოს წერილობითი ფორმით.

9. სამინისტრო ათი დღის ვადაში განიხილავს და იღებს გადაწყვეტილებას მოწმობის შეცვლასთან ან დუბლიკატის გაცემასთან დაკავშირებულ საკითხზე.

10. დევნილის მოწმობის შეცვლის ან დუბლიკატის გაცემის დღიდან, დაკარგული ან სხვა მიზეზის გამო შესაცვლელი მოწმობა ძალადაკარგულად ითვლება.

11. გაცემულ დუბლიკატს დაესმება შტამპი აღნიშვნით „დუბლიკატი“.

12. დევნილის მოწმობის ჩაბარებისას მოწმობა ექვემდებარება განადგურებას, რაზედაც შესაბამის ჟურნალში კეთდება შესაბამისი აღნიშვნა.

13. დევნილის სტატუსის მქონე პირისათვის დევნილის მოწმობის გაცემის აღრიცხვა ხდება დევნილის სტატუსის მქონე პირთა მოწმობების გაცემის ჟურნალში.

14. დევნილის სტატუსის მქონე პირი, დევნილის მოწმობის მიღებას ხელმოწერით ადასტურებს დევნილის სტატუსის მქონე პირთა მოწმობების გაცემის ჟურნალში.

15. დევნილის მოწმობის შეცვლისას ან დუბლიკატის გაცემისას ახალი მოწმობის მიღებამდე სამინისტრო უზრუნველყოფს დევნილის მოთხოვნის შესაბამისად დროებითი ცნობის გაცემას. ცნობა შეიცავს დევნილის სახელს, გვარს, ცნობის გაცემის თარიღს და მოქმედების ვადას. აგრეთვე, თანამდებობის პირის ხელმოწერასა და დევნილის ფოტოსურათს, დამოწმებულს სამინისტროს ბეჭდით. დევნილის დროებით ცნობას აქვს რიგითი ნომერი.

16. დევნილის სტატუსის მქონე პირი დროებითი ცნობის მიღებას ხელმოწერით ადასტურებს დევნილის სტატუსის მქონე პირთა დროებითი ცნობის გაცემის ჟურნალში.

დანართი 4

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საქართველოს ოკუპირებული ტერიტორიებიდან იძულებით გადაადგილებულ პირთა დევნილად ცნობის, დევნილის სტატუსის მინიჭების და დევნილთა რეგისტრაციის წესის, საქართველოს ოკუპირებული ტერიტორიებიდან იძულებით გადაადგილებული პირის – დევნილის მოწმობის ფორმის, მოწმობის შესახებ დებულებისა და ანკეტის ფორმის დამტკიცების თაობაზე“, №124, 01.11.2007, სარეგისტრაციო კოდი 010.170.000.22.029.011.066 (კონსოლიდირებული რედაქცია 26.06.2013). ხელმისაწვდომია: https://legali.ge/law/73990-5/

შემდგომი ცვლილებები (2)

წინა ცვლილებები (5)

დოკუმენტის ტექსტი

მუხლი 21. დევნილის სტატუსის შეწყვეტის, ჩამორთმევისა და აღდგენის წესი🔗

მუხლი 1. ზოგადი დებულებები🔗

მუხლი 2. დევნილად ცნობა და დევნილის სტატუსის მინიჭება🔗

მუხლი 21. დევნილის სტატუსის შეწყვეტის, ჩამორთმევისა და აღდგენის წესი🔗

მუხლი 3. (ამოღებულია)🔗

მუხლი 4. დევნილთა რეგისტრაციის წესი (რეგისტრაციის პროცედურა, რეგისტრაციის ადგილი და ვადები)🔗

მუხლი 5. გარდამავალი დებულებები🔗

მუხლი 1. ზოგადი დებულებები🔗

მუხლი 2. დევნილის მოწმობის რეკვიზიტები და აღწერილობა🔗

მუხლი 3. დევნილის მოწმობის შევსება, გამოცვლა, შეცვლა და დუბლიკატის გაცემა🔗

როგორ დავიმოწმოთ