2. ძალადაკარგულად გამოცხადდეს საქართველოს ფინანსთა მინისტრის 2007 წლის 3 მაისის №460 ბრძანება „საქართველოში აქციზური მარკების აღრიცხვის, რეალიზაციისა და კონტროლის წესის შესახებ დებულების დამტკიცების თაობაზე“.

3. ბრძანება ამოქმედდეს 2008 წლის 31 მარტიდან.

ნ. გილაური

შეტანილი ცვლილებები:

1. საქართველოს ფინანსთა მინისტრის 2008 წლის 19 დეკემბრის ბრძანმება №928 - სსმ III, №184, 26.12.2008 წ., მუხ.1880

2. საქართველოს ფინანსთა მინისტრის 2009 წლის 5 თებერვლის ბრძანება №65 - სსმ III, №16, 13.02.2009 წ., მუხ.203

3. საქართველოს ფინანსთა მინისტრის 2010 წლის 5 მარტის ბრძანება №154 - სსმ III, №24, 05.03.2010 წ., მუხ.358

4. საქართველოს ფინანსთა მინისტრის 2010 წლის 6 აგვისტოს ბრძანება №635 - სსმ III, №98, 12.08.2010 წ., მუხ.1456

ინსტრუქცია

საქართველოში აქციზური მარკების აღრიცხვის, რეალიზაციისა და კონტროლის წესის შესახებ

მუხლი 1. ზოგადი დებულებანი

1. ეს ინსტრუქცია განსაზღვრავს საქართველოში შემოტანილ თავისუფალ მიმოქცევაში გაშვების გაცხადების მიზნით და საქართველოში წარმოებული ალკოჰოლიანი სასმელების, ლუდისა და თამბაქოს ნაწარმის აქციზური მარკების აღრიცხვის, რეალიზაციისა და კონტროლის წესს.

2. საქართველოში აქციზური მარკების რეალიზაცია ხორციელდება ცენტრალიზებული წესით საჯარო სამართლის იურიდიული პირის – შემოსავლების სამსახურის (შემდგომში – შემოსავლების სამსახური) მიერ.

3. აქციზური მარკებით სავალდებულო ნიშანდებას დაქვემდებარებული აქციზური საქონელი და მათზე აქციზის გადასახადის განაკვეთი განისაზღვრება საქართველოს საგადასახადო კოდექსით.

4. აქციზური მარკების არსებობა აქციზური მარკებით ნიშანდებას დაქვემდებარებული აქციზური საქონლის ტარაზე (ბოთლზე, ქილაზე, კოლოფზე და სხვა) ითვლება მათი რეალიზაციის სავალდებულო პირობად.

5. მეწარმე სუბიექტების მიერ დაუშვებელია აქციზური მარკების სხვა მეწარმე სუბიექტზე გადაცემა გარდა იმ შემთხვევისა, როდესაც აქციზური მარკებით ნიშანდებას დაქვემდებარებული აქციზური საქონლის იმპორტიორის მიერ აქციზური მარკები საქონელზე დასატანად გადაეცემა იმპორტირებული აქციზური საქონლის მწარმოებელს.

6. აქციზური მარკების დანაკლისი ნებისმიერი ფორმით, იმპორტიორის მხრიდან განიხილება შესაბამისი ოდენობის საქონლის იმპორტად ან მიწოდებად, ხოლო, ადგილობრივი მწარმოებლის მხრიდან საქონლის მიწოდებად და იბეგრება საქართველოს კანონმდებლობის შესაბამისად.

7. იმპორტიორების მიერ აქციზური მარკების მიღებიდან ექვს თვეში საქონლის იმპორტის განუხორციელებლობის შემთხვევაში, აქციზური მარკები ექვემდებარება უკან დაბრუნებას. ექვსთვიანი პერიოდის გასვლიდან მეორე დღესვე აქციზური მარკების დაუბრუნებლობა ჩაითვლება აქციზური მარკების სავალდებულო დართვას დაქვემდებარებული საქონლის ქვეყნის შიგნით მიწოდებად და შესაბამისად დაიბეგრება გადასახადებით, ხოლო შემდგომ პერიოდში, დაუბრუნებელი აქციზური მარკებით მარკირებული საქონლის იმპორტისას, მოხდება გადასახდელად დარიცხული გადასახდელების გადაანგარიშება ფაქტობრივად განხორციელებული იმპორტის ოდენობის პროპორციულად.

საქართველოს ფინანსთა მინისტრის 2008 წლის 19 დეკემბრის ბრძანმება №928 - სსმ III, №184, 26.12.2008 წ., მუხ.1880

საქართველოს ფინანსთა მინისტრის 2009 წლის 5 თებერვლის ბრძანება №65 - სსმ III, №16, 13.02.2009 წ., მუხ.203

საქართველოს ფინანსთა მინისტრის 2010 წლის 6 აგვისტოს ბრძანება №635 - სსმ III, №98, 12.08.2010 წ., მუხ.1456

მუხლი 2. აქციზური მარკების რეალიზაცია

1. აქციზური მარკების გაცემა მეწარმე სუბიექტებზე ხორციელდება აქციზური მარკების შეძენის შესახებ მათი განაცხადის საფუძველზე. ფიზიკური პირისათვის საფოსტო გზავნილით შემოტანილი ალკოჰოლური სასმელების (მათ შორის, ლუდის) მარკირების მიზნით, საბაჟო ორგანოს აქციზური მარკები გადაეცემა ფიზიკური პირის მიერ საბაჟო ორგანოში წარდგენილი განცხადებისა და საბაჟო ორგანოს შესაბამისი მომართვის საფუძველზე.

2. მეწარმე სუბიექტების მიერ განაცხადი აქციზური მარკების მოთხოვნის შესახებ ამ ინსტრუქციით განსაზღვრულ დოკუმენტებთან ერთად წარედგინება შემოსავლების სამსახურს ამ ბრძანების დანართი №1-ის შესაბამისად. მოთხოვნის შემთხვევაში, ხორციელდება განაცხადის მიღების თაობაზე განაცხადის ასლის ან/და ასლების დამოწმება. განაცხადების მიღების დღიდან იწყება ადმინისტრაციული წარმოება. აქციზური მარკების გაცემა საქართველოს ფინანსთა სამინისტროს მომსახურე ბანკის მიერ ხორციელდება შემოსავლების სამსახურის მიმართვის საფუძველზე.

2¹. ფიზიკური პირისათვის საფოსტო გზავნილით შემოტანილი ალკოჰოლური სასმელების აქციზური მარკებით ნიშანდებისათვის წარმოდგენილი განცხადების, შესაბამისი აქციზისა და აქციზური მარკის ნომინალური ღირებულების გადახდის დამადასტურებელი დოკუმენტის საფუძველზე, საბაჟო ორგანო მიღება-ჩაბარების აქტის საფუძველზე შემოსავლების სამსახურის შესაბამისი დეპარტამენტიდან ახორციელებს აქციზური მარკების მიღებასა და საბაჟო კონტროლის ზონაში საქონლის ნიშანდებას.

3. განაცხადს აქციზური მარკის შეძენაზე თან უნდა ერთოდეს აქციზის გადასახადის გადახდის საგადასახადო დავალებისა და აქციზური მარკების შეძენაზე აქციზური მარკების ნომინალური ღირებულების გადახდის დამადასტურებელი საგადასახადო დავალებების ასლები.

4. ნომინალური ღირებულების გადახდა ხორციელდება საქართველოს ფინანსთა მინისტრის ბრძანებით დამტკიცებული განაკვეთების შესაბამისად.

5. (ამოღებულია).

6. ამ ინსტრუქციით დადგენილი წესის შესაბამისად, მეწარმე სუბიექტის წარმომადგენლობაზე უფლებამოსილი პირი და შემოსავლების სამსახურის აქციზური მარკების გაცემაზე პასუხისმგებელი პირი ადგენენ აქტს აქციზური მარკების მიღება-ჩაბარების შესახებ (დანართი №2).

7. თამბაქოს ნაწარმის იმპორტის შემთხვევაში მეწარმე სუბიექტი ვალდებულია განაცხადში მიუთითოს ყოველი ცალკეული თამბაქოს ნაწარმის მწარმოებლისათვის გასაგზავნი აქციზური მარკების ზუსტი რაოდენობა. ამასთან განაცხადს თან უნდა ერთოდეს:

ა) თამბაქოს ნაწარმის ნასყიდობის ხელშეკრულება, გარდა იმ შემთხვევებისა, როდესაც თამბაქოს ნაწარმის იმპორტიორი და მისი მწარმოებელი ერთი და იგივე პირია. ხელშეკრულებაში მითითებული იქნება თამბაქოს ნაწარმის მწარმოებლის სრული იურიდიული მისამართი, სადაც იგზავნება აქციზური მარკები;

ბ) ხელშეკრულება საფოსტო გზავნილებისა და საკურიერო მომსახურების ორგანიზაციასთან.

8. თამბაქოს ნაწარმის მწარმოებლისათვის აქციზური მარკების გადაგზავნის უზრუნველსაყოფად მეწარმე სუბიექტი, მოქმედი კანონმდებლობის შესაბამისად, აფორმებს ხელშეკრულებას გზავნილებისა და საკურიერო მომსახურების ორგანიზაციასთან.

9. შემოსავლების სამსახური მეწარმე სუბიექტის განაცხადის საფუძველზე, საფოსტო გზავნილებისა და საკურიერო მომსახურების ორგანიზაციასთან დადებული ხელშეკრულების პირობების ფარგლებში, უზრუნველყოფს აქციზური მარკების თამბაქოს მწარმოებელთან შეუფერხებლად გაგზავნის ორგანიზებას შეფუთული სახით, მათი რაოდენობის, სერიებისა და ნომრების ჩვენებით.

10. თამბაქოს მწარმოებელთან გადაგზავნამდე აქციზური მარკების შეფუთვა ხდება აქციზური მარკების შენახვის ადგილას, საფოსტო გზავნილებისა და საკურიერო მომსახურების ორგანიზაციის მიერ, მეწარმე სუბიექტისა და შემოსავლების სამსახურის შესაბამისი დეპარტამენტის წარმომადგენლების თანდასწრებით და გადაეცემა საბაჟო ორგანოს უფლებამოსილ წარმომადგენელს.

11. საქართველოს ფარგლებს გარეთ თამბაქოს მწარმოებლისათვის გადასაგზავნად აქციზური მარკების გადაცემა საფოსტო გზავნილებისა და საკურიერო მომსახურების ორგანიზაციისათვის ხორციელდება მიღება–ჩაბარების აქტის საფუძველზე, ამ ბრძანების დანართი №3-ის შესაბამისად, მარკების რაოდენობის, სერიებისა და ნომრების ჩვენებით. მიღება-ჩაბარების აქტი დამოწმებული უნდა იყოს შემოსავლების სამსახურის შესაბამისი დეპარტამენტის, საბაჟო ორგანოს, საფოსტო გზავნილებისა და საკურიერო მომსახურების ორგანიზაციისა და მეწარმე სუბიექტის წარმომადგენლობაზე უფლებამოსილი პირების ხელმოწერებითა და შესაბამისი ბეჭდებით (ასეთის არსებობის შემთხვევაში).

12. საქართველოს საზღვრებს გარეთ წარმოებული თამბაქოს ნაწარმისათვის განკუთვნილი აქციზური მარკების მიღება-ჩაბარების აქტი შევსებულ უნდა იქნეს 4 თანაბარი იურიდიული ძალის მქონე ეგზემპლარად, რომლებიც გადაეცემა მომსახურე ბანკს, შემოსავლების სამსახურის შესაბამის დეპარტამენტს, საბაჟო ორგანოსა და მეწარმე სუბიექტს.

13. (ამოღებულია)

მუხლი 3. აქციზური მარკების დაბრუნება

1. იმპორტის შემთხვევაში მეწარმე სუბიექტებმა, გამოუყენებელი აქციზური მარკები შემოსავლების სამსახურის შესაბამის დეპარტამენტში უნდა დააბრუნონ მათი მიღების დღიდან ექვსი თვის ვადაში, ხოლო ამ ვადის გასვლის შემდეგ ისინი უკან დაბრუნებას არ ექვემდებარება.

1¹. ადგილობრივი ნაწარმისათვის განკუთვნილი გამოუყენებელი აქციზური მარკების დაბრუნება შემოსავლების სამსახურის შესაბამის დეპარტამენტში შესაძლებელია ნებისმიერ დროს.

2. საქართველოს ფარგლებს გარეთ წარმოებული და ადგილობრივი ნაწარმისათვის განკუთვნილი აქციზური მარკების უკან დაბრუნებისას მეწარმე სუბიექტები წარმოადგენენ შემდეგ დოკუმენტებს:

ა) წერილობითი განცხადება მარკების დაბრუნების მიზეზებისა და გამოუყენებელი აქციზური მარკების ტიპების, სერიებისა და ნომრების მითითებით;

ბ) შემოსავლების სამსახურის შესაბამისი დეპარტამენტისა და აქციზური მარკების მიმღები მეწარმე სუბიექტის მიერ შედგენილი აქციზური მარკების მიღება-ჩაბარების შესახებ აქტის ორიგინალი.

3. უკან დაბრუნებული აქციზური მარკების მდგომარეობის გამომხატველი გარეგნული ნიშნები სრულად უნდა შეესაბამებოდეს მარკების გაცემისას არსებულ ნიშნებს.

4. შემოსავლების სამსახურის შესაბამისი დეპარტამენტის მიერ, ამ მუხლის პირველი და მე-2 პუნქტებით გათვალისწინებული მოთხოვნების შესრულების შემთხვევაში დაბრუნების აქტის (დანართი №4) საფუძველზე ხდება აქციზური მარკების დაბრუნება.

5. გამოუყენებელი აქციზური მარკების დაბრუნების შემდეგ, მათ მისაღებად გადახდილი აქციზის გადასახადის თანხები ექვემდებარება უკან დაბრუნებას ან სხვა გადასახადებში გადატანას, მოქმედი კანონმდებლობის შესაბამისად. უკან დაბრუნებული აქციზური მარკები ექვემდებარება უტილიზაციას.

6. დაზიანებული აქციზური მარკები უკან არ ბრუნდება, გარდა მე-3 მუხლის მე-8 პუნქტით გათვალისწინებული შემთხვევებისა.

7. მეწარმე სუბიექტს უფლება აქვს დაბრუნებული, გამოუყენებელი აქციზური მარკების სანაცვლოდ, მათზე გადახდილი აქციზის გადასახადის თანხების ფარგლებში, მოითხოვოს სხვა სპეციფიკაციის, მაგრამ იგივე წარმოშობის (ადგილობრივის შემთხვევაში ადგილობრივის, იმპორტის შემთხვევაში იმპორტის) საქონლისათვის განკუთვნილი აქციზური მარკები.

8. იმ შემთხვევაში, როცა აქციზური მარკით ნიშანდებულ სიგარასა და სიგარილაზე გადახდილია აქციზი და შემდგომი რეალიზაციის მიზნით აღნიშნული საქონელი საჭიროებს სხვანაირ დაფასოებას (გადაფასოებას), შემოსავლების სამსახურის უფროსი უფლებამოსილია ინდივიდუალური ადმინისტრაციულ-სამართლებრივი აქტის საფუძველზე, შესაბამისი ნომინალური ღირებულების გადახდისა და ნიშანდებული საქონლიდან ძველი (დაზიანებული) აქციზური მარკების შემოსავლების სამსახურის შესაბამის დეპარტამენტში დაბრუნების შემდეგ, გასცეს აქციზური მარკები საქონლის ხელახლა დაფასოებისათვის.

საქართველოს ფინანსთა მინისტრის 2010 წლის 5 მარტის ბრძანება №154 - სსმ III, №24, 05.03.2010 წ., მუხ.358

მუხლი 4. აქციური მარკების აღრიცხვა და კონტროლი

1. მეწარმე სუბიექტები, რომლებიც ახორციელებენ აქციზური მარკებით ნიშანდებას დაქვემდებარებული აქციზური საქონლის იმპორტს, ვალდებულნი არიან ამ ინსტრუქციის შესაბამისად, საგადასახადო აღრიცხვის ადგილის მიხედვით საგადასახადო ორგანოში წარადგინონ ანგარიში აქციზური მარკების გამოყენების შესახებ ამ ბრძანებით დამტკიცებული დანართი №5-ის შესაბამისად.

2. აქციზური მარკების გამოყენების შესახებ ანგარიშის წარმოდგენის ვადად განისაზღვროს არა უგვიანეს საანგარიშო თვის მომდევნო თვის 15 რიცხვისა.

3. (ამოღებულია).

დანართი №1

შემოსავლების სამსახური

განაცხადი

აქციზური მარკების შესაძენად

__________________________________________________________________________

(ორგანიზაციის სრული დასახელება, გადამხდელის საიდენტიფიკაციო ნომერი)

განაცხადის დანიშნულება ____________________________________________

(იმპორტის განხორციელებისათვის, ადგილობრივი ნაწარმისათვის)

ნაწარმის სახეობა ________________________________________________________

ნაწარმზე სულ გადახდილია: _________________________________________

მათ შორის:

აქციზის გადასახადი 2. აქციზური მარკების

სახელმწიფო ბიუჯეტში: ____________ ნომინალური ღირებულება ________

საგადასახადო დავალების № ______ თარიღი _____ საგადასახადო დავალების № ______ თარიღი ______

საგადასახადო დავალების №_______ თარიღი _______ საგადასახადო დავალების № _______ თარიღი _______

აქციზის გადახდის დამადასტურებელი საგადასახადო დავალების ასლი დანართი ______ გვერდზე

აქციზური მარკების ნომინალური ღირებულების

გადახდის დამადასტურებელი საგადასახადო დავალების ასლი დანართი _____ გვერდზე

გთხოვთ მომცეთ აქციზური მარკები თანდართული სპეციფიკაციის შესაბამისად.

ნაწარმის სპეციფიკაცია დანართი _______ გვერდზე

ორგანიზაციის ხელმძღვანელი ___________________________

(ხელმოწერა)

ბ.ა.

მთავარი ბუღალტერი __________________________________

(ხელმოწერა)

განაცხადის მიმღები პირი __________ № რეგისტრაციის ნომერი ________

(ხელმოწერა)

რეგისტრაციის თარიღი ________

სპეციფიკა

№

სეს ესნის კოდი

საქონლის

დასახელება

სულ რაოდენობა

(ლიტრი ან

კოლოფი)

გამოყენებული ნაწარმის მოცულობა ან ღერების რაოდენობა

აქციზური

მარკების

რაოდენობა

აქციზის

გადასახადი

ერთეულზე

სულ

აქციზის

გადასახადი

აქციზური მარკების ნომინალური

ღირებულება

ორგანიზაციის ხელმძღვანელი ___________________

(ხელმოწერა)

ბ.ა.

მთავარი ბუღალტერი ___________________

(ხელმოწერა)

დანართი №2

აქტი
აქციზური მარკების მიღება-ჩაბარების შესახებ

ამით ვადასტურებთ, რომ აქციზური მარკების შეძენის შესახებ 20 წლის____ N

განაცხადით მოთხოვნილი აქციზური მარკები გასცა,

__________________________________________________________________________

ხოლო

__________________________________________________________________________

(ორგანიზაციის სრული დასახელება, გადასახადის გადამხდელის საიდენტიფიკაციო ნომერი)

მიიღო ქვემოთ აღნიშნული სპეციფიკაციის შესაბამისად.

გაცემულია და მიღებულია შემდეგი სპეციფიკაციის აქციზური მარკები:

_____________ დან ___________________________________ ჩათვლით