საქართველოს თავდაცვის სამინისტროს რესურსების მართვისა და კონტროლის დეპარტამენტის დებულების დამტკიცების შესახებ

სახელმწიფო სარეგისტრაციო კოდი 010.240.030.22.026.012.130

საქართველოს თავდაცვის მინისტრის

ბრძანება №482

2008 წლის 26 აგვისტო

ქ. თბილისი

საქართველოს თავდაცვის სამინისტროს რესურსების მართვისა და კონტროლის დეპარტამენტის დებულების დამტკიცების შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-18 მუხლის მე-2 პუნქტის, „საქართველოს თავდაცვის სამინისტროს დებულების დამტკიცების შესახებ“ საქართველოს პრეზიდენტის 2004 წლის 5 აპრილის №119 ბრძანებულების მე-3 მუხლის მე-3 პუნქტის „პ)“ ქვეპუნქტის შესაბამისად, ვბრძანებ:

1. დამტკიცდეს საქართველოს თავდაცვის სამინისტროს რესურსების მართვისა და კონტროლის დეპარტამენტის თანდართული დებულება.

2. ბრძანებას გაეცნონ საქართველოს თავდაცვის მინისტრის მოადგილეები, საქართველოს შეიარაღებული ძალების გაერთიანებული შტაბის უფროსი, მისი მოადგილეები და საქართველოს თავდაცვის სამინისტროს ყველა სტრუქტურული ქვედანაყოფი.

3. ბრძანება ძალაშია გამოქვეყნებისთანავე.

დ. კეზერაშვილი

შეტანილი ცვლილებები:

1. საქართველოს თავდაცვის მინისტრის 2009 წლის 10 ივნისის ბრძანება №425 - სსმ III, №73, 17.06.2009  წ., მუხ.800

საქართველოს თავდაცვის სამინისტროს რესურსების მართვისა და კონტროლის დეპარტამენტის

დ ე ბ უ ლ ე ბ ა

თავი I

ზოგადი დებულებანი

    მუხლი 1

საქართველოს თავდაცვის სამინისტროს რესურსების მართვისა და კონტროლის დეპარტამენტი (შემდგომში – დეპარტამენტი) წარმოადგენს საქართველოს თავდაცვის სამინისტროს (შემდგომში – სამინისტრო) სტრუქტურულ ქვედანაყოფს. დეპარტამენტი თავის საქმიანობაში ხელმძღვანელობს საქართველოს კონსტიტუციის, საქართველოს საერთაშორისო ხელშეკრულებების და შეთანხმებების, საქართველოს სხვა საკანონმდებლო და კანონქვემდებარე ნორმატიული აქტების, საქართველოს თავდაცვის მინისტრის (შემდგომში – მინისტრი) ინდივიდუალური ადმინისტრაციულ-სამართლებრივი აქტებისა და წინამდებარე დებულების საფუძველზე.

    მუხლი 2

დეპარტამენტი ანგარიშვალდებულია საქართველოს თავდაცვის მინისტრისა და მინისტრის უფლებამოსილი მოადგილის წინაშე.

    მუხლი 3

დეპარტამენტს აქვს ბეჭედი ქართულ-ინგლისური წარწერით „საქართველოს თავდაცვის სამინისტროს რესურსების მართვისა და კონტროლის დეპარტამენტი“, შტამპი, აგრეთვე ბლანკი საკუთარი სახელწოდებით.

 

თავი II

დეპარტამენტის ამოცანები, ფუნქციები და უფლებამოსილებანი

    საქართველოს თავდაცვის მინისტრის 2009 წლის 10 ივნისის ბრძანება №425 - სსმ III, №73, 17.06.2009  წ., მუხ.800

    მუხლი 4

დეპარტამენტის ამოცანებია:

ა) სამინისტროს რესურსების ეფექტური მართვის უზრუნველყოფა და რესურსების გამოყენებაზე კონტროლი;

ბ) სამინისტროს მიერ განსახორციელებელი შესყიდვების, საქართველოს შეიარაღებულ ძალებში არსებულ მოთხოვნილებებთან შესაბამისობის განსაზღვრა;

გ) (ამოღებულია);

დ) საქართველოს შეიარაღებული ძალების განვითარების გეგმების შემუშავებაში მონაწილეობის მიღება.

საქართველოს თავდაცვის მინისტრის 2009 წლის 10 ივნისის ბრძანება №425 - სსმ III, №73, 17.06.2009  წ., მუხ.800

    მუხლი 5

დეპარტამენტის ფუნქციებია:

ა) სამინისტროს მიერ განსახორციელებელი შესყიდვების საქართველოს შეიარაღებული ძალების არსებულ მოთხოვნილებებთან შესაბამისობის ანალიზი;

ბ) თავდაცვის სისტემის განვითარებაზე მიმართული რესურსების გამოყენების ეფექტურობის ანალიზი და კონტროლი;

გ) შესაძენი საშუალებების ნატო ს სტანდარტებთან, საქართველოს თავდაცვის სისტემის სტრატეგიული მიმოხილვის ამოცანებთან თავსებადობის უზრუნველყოფის ანალიზი;

დ) დაგეგმილი შესყიდვების ეკონომიკური მიზანშეწონილობის ანალიზი კომპეტენციის ფარგლებში;

ე) თავდაცვის  რესურსების (არსებული, მოთხოვნილი) ეფექტურად განკარგვისათვის საჭირო მონაცემთა ბაზის შექმნა, სისტემატური განახლება და ანალიზი.

საქართველოს თავდაცვის მინისტრის 2009 წლის 10 ივნისის ბრძანება №425 - სსმ III, №73, 17.06.2009  წ., მუხ.800

    მუხლი 5^​1.

დაკისრებული ამოცანებისა და ფუნქციების განხორციელებისას დეპარტამენტი უფლებამოსილია:

ა) მოამზადოს რეკომენდაციები დასკვნები და წინადადებები სამინისტროს რესურსების ეფექტური მართვის უზრუნველყოფასთან დაკავშირებულ საკითხებზე;

ბ) თავის კომპეტენციაში შემავალ საკითხებზე თავდაცვის სამინისტროს და გაერთიანებული შტაბის სტრუქტურული ქვედანაყოფებისა და ჯარის სახეობებისგან გამოითხოვოს საკითხის სრულყოფილად შესწავლისათვის საჭირო ნებისმიერი დოკუმენტი ან ინფორმაცია, აგრეთვე საჭიროების შემთხვევაში ადგილზე გასვლით დაუბრკოლებლად განახორციელოს საკითხის შესწავლა;

გ) განახორციელოს რესურსების მართვასთან დაკავშირებულ საკითხებზე მიღებული გადაწყვეტილებათა შესრულების კონტროლი;

დ) განახორციელოს ამ დებულებითა და მოქმედი კანონმდებლობით მინიჭებული სხვა უფლებამოსილებები.

საქართველოს თავდაცვის მინისტრის 2009 წლის 10 ივნისის ბრძანება №425 - სსმ III, №73, 17.06.2009  წ., მუხ.800

    მუხლი 5^​2.

დეპარტამენტი ვალდებულია:

ა) მინისტრის და კურატორ მინისტრის მოადგილის დავალების საფუძველზე, თავის კომპეტენციის ფარგლებში შეისწავლოს თავდაცვის სამინისტროს და გაერთიანებული შტაბის სტრუქტურული ქვედანაყოფებისა და ჯარის სახეობების მიერ მოთხოვნილი მატერიალური რესურსის დაკმაყოფილების მიზნობრიობის საკითხი;   

ბ) მონაწილეობა მიიღოს სახელმწიფო შესყიდვების გეგმის ფორმირების პროცესებში;         

გ) შექმნას, განაახლოს და ანალიზი გაუკეთოს თავდაცვის რესურსების (არსებული, მოთხოვნილი) ეფექტურად განკარგვისათვის საჭირო მონაცემთა ბაზას;

დ) სახელმწიფო შესყიდვების განხორციელებისას სახელმწიფო შესყიდვების დეპარტამენტთან ერთად შეისწავლოს და დაადგინოს შესაძენი პროდუქციის სავარაუდო საბაზრო ფასები;     

ე) შეასრულოს ამ დებულებითა და მოქმედი კანონმდებლობით განსაზღვრული სხვა მოვალეობები.

საქართველოს თავდაცვის მინისტრის 2009 წლის 10 ივნისის ბრძანება №425 - სსმ III, №73, 17.06.2009  წ., მუხ.800

თავი III

დეპარტამენტის ხელმძღვანელობის ფუნქცია-მოვალეობანი

    მუხლი 6

დეპარტამენტს ხელმძღვანელობს დეპარტამენტის უფროსი. დეპარტამენტის უფროსს, კანონმდებლობით დადგენილი წესით, თანამდებობაზე ნიშნავს და თანამდებობიდან ათავისუფლებს საქართველოს თავდაცვის მინისტრი (შემდგომში – მინისტრი).

    მუხლი 7

დეპარტამენტის უფროსი:

ა) ხელმძღვანელობს და წარმართვას დეპარტამენტის საქმიანობას;

ბ) ანაწილებს მოვალეობებს დეპარტამენტის მოხელეებს შორის და აძლევს მათ მითითებებსა და დავალებებს;

გ) ხელს აწერს და ვიზირებას უკეთებს დეპარტამენტში მომზადებულ დოკუმენტებს;

დ) მინისტრის წინაშე ანგარიშვალდებულია დაქვემდებარებული დეპარტამენტის მუშაობის წარმართვისათვის;

ე) სამინისტროს ხელმძღვანელობას წარუდგენს წინადადებებს დეპარტამენტის სტრუქტურის, შტატების, მუშაობის ორგანიზაციის, დეპარტამენტის მოხელეების წახალისების ან მათთვის დისციპლინური პასუხისმგებლობის დაკისრების შესახებ;

ვ) შუამდგომლობს იმ სახსრების გამოყოფის თაობაზე, რომელიც საჭიროა დეპარტამენტის ამოცანების შესასრულებლად;

ზ) შუამდგომლობს დეპარტამენტის მოხელეთა კვალიფიკაციის ამაღლების თაობაზე;

თ) ასრულებს სამინისტროს დებულებით, ამ დებულებით, აგრეთვე საქართველოს კანონმდებლობით გათვალისწინებულ სხვა უფლებამოსილებებს.

    მუხლი 8.

1. დეპარტამენტის უფროსს ჰყავს მოადგილე, რომელსაც დეპარტამენტის უფროსის წარდგინებით, თანამდებობაზე ნიშნავს და თანამდებობიდან ათავისუფლებს მინისტრი.

2. დეპარტამენტის უფროსის დროებით არყოფნის შემთხვევაში მის უფლება-მოვალეობებს ახორციელებს დეპარტამენტის უფროსის მოადგილე.

3. დეპარტამენტის უფროსის მოადგილე თავის კომპეტენციის ფარგლებში:

ა) აკონტროლებს და პასუხისმგებელია დეპარტამენტზე დაკისრებული ამოცანებისა და ფუნქციების შესრულებაზე;

ბ) ორგანიზაციას უწევს დეპარტამენტის მოსამსახურეთა კვალიფიკაციის ამაღლების და პროფესიული მომზადების საკითხებს;

გ) უზრუნველყოფს დეპარტამენტის ეფექტურ ფუნქციონირებას.

თავი IV

დეპარტამენტის სტრუქტურული ქვედანაყოფები და უფლებამოსილება

    მუხლი 9

დეპარტამენტის სტრუქტურული ქვედანაყოფებია (შემდგომში – ქვედანაყოფი):

ა) რესურსების მართვის სამმართველო;

ბ) კონტროლის სამმართველო.

    მუხლი 10

რესურსების მართვის სამმართველოს ძირითადი ფუნქციებია:

ა) დაგეგმილი შესყიდვების ეკონომიკური მიზანშეწონილობის ანალიზი;

ბ) თავდაცვის დაგეგმვის, პროგრამირებისა და ბიუჯეტირების სისტემის განხორციელებაში მონაწილეობის მიღება;

გ) თავდაცვის განვითარების პროგრამებისა და თავდაცვის დაგეგმვის სახელმძღვანელოს შემუშავებაში მონაწილეობის მიღება;

დ) თავდაცვის რესურსების (არსებული, მოთხოვნილი) ეფექტურად განკარგვისათვის საჭირო მონაცემთა ბაზის შექმნა, სისტემატური განახლება, ანალიზი და შესაბამისი წინადადებების მომზადება.

საქართველოს თავდაცვის მინისტრის 2009 წლის 10 ივნისის ბრძანება №425 - სსმ III, №73, 17.06.2009  წ., მუხ.800

    მუხლი 11

კონტროლის სამმართველოს ძირითადი ფუნქციებია:

ა) სამინისტროს მიერ განსახორციელებელი შესყიდვების საქართველოს შეიარაღებული ძალების არსებულ მოთხოვნილებებთან შესაბამისობის ანალიზი;

ბ) თავდაცვის სისტემის განვითარებაზე მიმართული რესურსების გამოყენების ეფექტურობის ანალიზი და კონტროლი;

გ) შესაძენი საშუალებების ნატოს სტანდარტებთან, საქართველოს თავდაცვის სისტემის სტრატეგიული მიმოხილვის ამოცანებთან თავსებადობის უზრუნველყოფის ანალიზი.

    მუხლი 12

1. სამმართველოებს ხელმძღვანელობენ სამმართველოს უფროსები, რომელთაც, დეპარტამენტის უფროსის წარდგინებით, თანამდებობაზე ნიშნავს და თანამდებობიდან ათავისუფლებს მინისტრი.

2. სამმართველოს უფროსი:

ა) ხელმძღვანელობს და წარმართავს ქვედანაყოფის საქმიანობას, პასუხს აგებს ქვედანაყოფზე დაკისრებული ამოცანებისა და ფუნქციების შესრულებაზე;

ბ) ანაწილებს მოვალეობებს ქვედანაყოფის მოსამსახურეებს შორის, აძლევს მათ მითითებებსა და დავალებებს, ახორციელებს კონტროლს მოსამსახურეთა სამსახურებრივი მოვალეობის შესრულებაზე;

გ) ხელს აწერს ქვედანაყოფში მომზადებულ დოკუმენტებს;

დ) ანგარიშს წარუდგენს დეპარტამენტის უფროსს ქვედანაყოფის საქმიანობის მიმდინარეობის შესახებ.

თავი V

დასკვნითი დებულებები

    მუხლი 13

წინამდებარე დებულების გაუქმება, მასში ცვლილებებისა და დამატებების შეტანა ხდება მინისტრის ბრძანებით.

Annotate