„სააღსრულებო წარმოებათა შესახებ“ საქართველოს კანონის 113-ე მუხლის მე-12 პუნქტის „ბ“ ქვეპუნქტის შესაბამისად, აღსრულების ეროვნული ბიუროს ტერიტორიულ ორგანოებში – სააღსრულებო ბიუროებში ორგანიზაციული მუშაობის სრულყოფისა და საქმისწარმოების მდგომარეობის გაუმჯობესების მიზნით, ვბრძანებ:

1. დამტკიცდეს თანდართული ინსტრუქცია „სააღსრულებო წარმოებათა შესახებ“.

2. ეს ბრძანება ამოქმედდეს 2008 წლის 1 ოქტომბრიდან.

ნ. გვარამია

დანართი

სააღსრულებო წარმოებათა შესახებ

ინსტრუქცია

მუხლი 1. ზოგადი დებულებანი

1. ინსტრუქცია განსაზღვრავს საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – აღსრულების ეროვნული ბიუროს (შემდგომში – აღსრულების ეროვნული ბიურო) ტერიტორიულ ორგანოში – სააღსრულებო ბიუროში (შემდგომში – ბიურო) საქმისწარმოების ორგანიზაციის სისტემას, ადგენს სააღსრულებო საქმისწარმოების პროცესში მიღებული დოკუმენტების აღრიცხვა-რეგისტრაციის, აღსრულების პროცესში მონაწილე მხარეების განცხადებებისა და საჩივრების მიღების და განხილვის, სააღსრულებო ფურცლების აღმასრულებლებზე განაწილების, აგრეთვე სტატისტიკური ფორმების წარმოების პერიოდულობასა და საარქივო მასალების ჩაბარების წესს.

2. ინსტრუქციის მიზანია ხელი შეუწყოს ბიუროში საქმისწარმოების სრულყოფას.

3. საქმისწარმოება ბიუროში ხორციელდება „სააღსრულებო წარმოებათა შესახებ“ საქართველოს კანონის, საქართველოს სამოქალაქო საპროცესო კოდექსის, ბიუროს დებულების, ამ ინსტრუქციის და სხვა შესაბამისი აქტების საფუძველზე.

4. საქმისწარმოების სრულყოფა ხორციელდება დოკუმენტებთან მუშაობის ახალი ფორმებისა და მეთოდების დანერგვის გზით, საქმისწარმოების კომპიუტერიზაციით.

5. საქმისწარმოების მიზანია:

ა) დოკუმენტებზე მუშაობის ფორმებისა და მეთოდების სრულყოფა;

ბ) დოკუმენტების შესრულების კონტროლი და დროული აღსრულება.

6. ამ ინსტრუქციით განსაზღვრული მუშაობის წესი სავალდებულოა ბიუროს ყველა თანამშრომლისათვის. მათ ეკისრებათ პასუხისმგებლობა სამსახურებრივი დოკუმენტების მოვლასა და მათში დასმული საკითხების შესრულებაზე, კანონმდებლობით გათვალისწინებული კონფიდენციალური და საიდუმლო ინფორმაციის დაცვაზე ასეთი ინფორმაციის არსებობის შემთხვევაში.

7. ბიუროში საქმისწარმოების კოორდინაციას ახორციელებს ბიუროს უფროსი, ბიუროს უფროსის დავალებით – აგრეთვე მისი მოადგილეები.

საქართველოს იუსტიციის მინისტრის 2010 წლის 15 იანვრის ბრძანება №5 - სსმ III, №6, 20.01.2010 წ., მუხ.52

საქართველოს იუსტიციის მინისტრის 2011 წლის 19 აგვისტოს ბრძანება №117 - ვებგვერდი, 19.08.2011 წ.

მუხლი 2. კორესპონდენციის მიღება და რეგისტრაცია

1. ბიუროში საქმისწარმოების უზრუნველსაყოფად უფლებამოსილი პირი ბიუროს უფროსის მეთვალყურეობით წარმართავს ბიუროს საკანცელარიო საქმიანობას.

2. ბიუროში შემოსული სააღსრულებო ფურცელი და აღსრულების ქვემდებარე აქტი მიიღება და თანდართულ დოკუმენტაციასთან ერთად რეგისტრირდება სააღსრულებო საქმისწარმოების ელექტრონული პროგრამის მეშვეობით.

3. სააღსრულებო წარმოებასთან დაკავშირებული ყველა დოკუმენტი, მათ შორის, სააღსრულებო მოქმედების ადგილზე შედგენილი აქტი/ოქმი, ექვემდებარება სააღსრულებო საქმისწარმოების ელექტრონულ პროგრამაში სავალდებულო რეგისტრაციას, გარდა ამ ინსტრუქციით დადგენილი გამონაკლისებისა.

4. არასწორი მისამართით გამოგზავნილი დოკუმენტაცია გადაიგზავნება კუთვნილებისამებრ ან დაუბრუნდება გამომგზავნს. თუ აღმოჩნდება, რომ დოკუმენტი არასრულია, კანცელარიის თანამშრომელი ადგენს აქტს, რომელიც დაერთვის მიღებულ დოკუმენტს. აღნიშნულის თაობაზე უნდა ეცნობოს გამომგზავნს.

5. თუ დოკუმენტი შემოსულია კონვერტით, დოკუმენტის კონვერტი არ განადგურდება, თუ მხოლოდ კონვერტით შეიძლება გამომგზავნის ვინაობის, მიღების დროისა და გამომგზავნის მისამართის დადგენა. სხვა შემთხვევაში კონვერტი ნადგურდება.

6. ბიუროში შემოსული დოკუმენტების რეგისტრაცია იყოფა სააღსრულებო წარმოებასთან დაკავშირებული დოკუმენტებისა და სააღსრულებო პროცესში მონაწილე მხარეების განცხადებებისა და საჩივრების რეგისტრაციად.

7. სააღსრულებო ფურცლის შემოტანისას ბიუროს კანცელარიაში მიიღება სააღსრულებო ფურცლის დედანი, რომელიც უნდა შეესაბამებოდეს „სააღსრულებო წარმოებათა შესახებ“ საქართველოს კანონის 21-ე მუხლის მოთხოვნებს.

8. სააღსრულებო ფურცელი წარმოებაში მიიღება კრედიტორის ან მისი რწმუნებულის (წარმომადგენლის) განცხადების საფუძველზე.

9. სააღსრულებო ფურცლის რეგისტრაციამდე ბიუროს კანცელარიის თანამშრომელი ამოწმებს როგორც სააღსრულებო ფურცელში მითითებულ რეკვიზიტებს, ასევე მისი წარმომდგენის უფლებამოსილებას (ახდენს წარმომდგენის იდენტიფიკაციას), კერძოდ, რწმუნებულის მიერ წარმოდგენილ სააღსრულებო ფურცელს უნდა დაერთოს საქართველოს სამოქალაქო საპროცესო კოდექსის 98-ე მუხლის მოთხოვნათა შესაბამისად გაცემული მინდობილობა, რომელიც დაადასტურებს რწმუნებულის (წარმომადგენელი) უფლებამოსილებას, წარადგინოს სააღსრულებო ფურცელი ბიუროში. ამასთან, კანცელარიის თანამშრომელმა უნდა გადაიღოს კრედიტორის ან მისი რწმუნებულის პირადობის მოწმობის ასლი და დაურთოს სააღსრულებო წარმოებას.

10. (ამოღებულია - 29.09.2021, №766).

11. (ამოღებულია - 29.09.2021, №766).

12. (ამოღებულია - 29.09.2021, №766).

13. (ამოღებულია - 29.09.2021, №766).

14. კრედიტორის განცხადება, სააღსრულებო ფურცელთან, აღსრულების ქვემდებარე აქტთან და სხვა თანდართულ დოკუმენტაციასთან ერთად, სააღსრულებო საქმისწარმოების ელექტრონული პროგრამის მეშვეობით გადაეცემა აღმასრულებელს.

14¹. დოკუმენტბრუნვის ელექტრონულ სისტემაში (დეს) რეგისტრაციას ექვემდებარება მატერიალური, დედნის სახით წარმოდგენილი:

ა) კრედიტორის განცხადება აღსრულების შეწყვეტის/შეჩერების/სააღსრულებო ფურცლის/აღსასრულებელი გადაწყვეტილების დაბრუნების თაობაზე;

ბ) კრედიტორის განცხადება აღსრულების უზრუნველყოფის ღონისძიებების/შეზღუდვების გაუქმების/გამოყენების თაობაზე;

გ) სააღსრულებო მოქმედებათა განხორციელების თაობაზე მატერიალური სახით შექმნილი ოქმები/აქტები;

დ) მოვალის განცხადება ქონებრივი ნუსხის წარმოდგენის თაობაზე;

ე) აღმასრულებელის მიერ გაგზავნილი შეტყობინებების, წინადადებების, გადაწყვეტილებებისა და სხვა დოკუმენტების სააღსრულებო წარმოებაში მონაწილე პირებზე ჩაბარების დასტურები, რომლებზეც დატანილია ჩამბარებლის სველი ხელმოწერა.

14². ამ მუხლის 14¹ პუნქტში მითითებული, დოკუმენტბრუნვის ელექტრონულ სისტემაში (დეს) რეგისტრირებული კორესპონდენციის სააღსრულებო საქმისწარმოების ელექტრონულ პროგრამაში შესაბამის სააღსრულებო საქმეზე ასახვის ვალდებულება ეკისრება აღმასრულებელს.

15. კრედიტორის განცხადებას, სააღსრულებო ფურცელს, აღსრულების ქვემდებარე აქტსა და სხვა თანდართულ დოკუმენტაციას რეგისტრაციის შემდეგ მატერიალური სახით ინახავს კანცელარიის თანამშრომელი. სააღსრულებო წარმოების ნომრად მიეთითება სააღსრულებო საქმისწარმოების ელექტრონულ პროგრამაში მინიჭებული წინასწარი რეგისტრაციის ნომერი.

16. ყველა კორესპონდენცია, გარდა ამ ინსტრუქციით დადგენილი გამონაკლისისა, ინახება ელექტრონული ფორმით სააღსრულებო საქმისწარმოების ელექტრონულ პროგრამაში ან/და დოკუმენტბრუნვის ელექტრონულ სისტემაში (დეს). მატერიალური სახით წარმოდგენილი კორესპონდენცია რეგისტრაციისთანავე უბრუნდება განმცხადებელს, ხოლო დაზღვეული ფოსტით გამოგზავნილი კორესპონდენცია რეგისტრაციისთანავე ნადგურდება.

16¹. დედნის სახით ბიუროს კანცელარიაში შენახვას ექვემდებარება მატერიალური სახით წარმოდგენილი შემდეგი დოკუმენტები:

ა) კრედიტორის განცხადება, სააღსრულებო ფურცელი, აღსრულების ქვემდებარე აქტი;

ბ) კრედიტორის განცხადება აღსრულების შეწყვეტის/შეჩერების/სააღსრულებო ფურცლის/აღსასრულებელი გადაწყვეტილების დაბრუნების თაობაზე;

გ) კრედიტორის განცხადება აღსრულების უზრუნველყოფის ღონისძიებების/შეზღუდვების გაუქმების/გამოყენების თაობაზე;

დ) სააღსრულებო მოქმედებათა განხორციელების თაობაზე მატერიალური სახით შექმნილი ოქმები/აქტები;

ე) მოვალის განცხადება ქონებრივი ნუსხის წარმოდგენის თაობაზე;

ვ) აღმასრულებელის მიერ გაგზავნილი შეტყობინებების, წინადადებების, გადაწყვეტილებებისა და სხვა დოკუმენტების სააღსრულებო წარმოებაში მონაწილე პირებზე ჩაბარების დასტურები, რომლებზეც დატანილია ჩამბარებლის სველი ხელმოწერა.

17. (ამოღებულია - 29.09.2021, №766).

18. (ამოღებულია - 29.09.2021, №766).

19. (ამოღებულია - 29.09.2021, №766).

20. (ამოღებულია - 29.09.2021, №766).

21. (ამოღებულია - 29.09.2021, №766).

22. დოკუმენტის ხელახალი რეგისტრაცია და სხვა სარეგისტრაციო ნომრის მინიჭება დაუშვებელია, გარდა იმ შემთხვევისა, როცა სააღსრულებო ფურცელი და შესაბამისი განცხადება კრედიტორის (წარმომადგენლის) მიერ ბიუროში განმეორებით იქნა წარმოდგენილი, რაც სათანადოდ უნდა აღინიშნოს სარეგისტრაციო ჟურნალში.

23. (ამოღებულია - 29.09.2021, №766).

24. (ამოღებულია - 29.09.2021, №766).

25. (ამოღებულია - 29.09.2021, №766).

საქართველოს იუსტიციის მინისტრის 2009 წლის 4 დეკემბრის ბრძანება №219 - სსმ III, №149, 04.12.2009 წ., მუხ.1758

საქართველოს იუსტიციის მინისტრის 2010 წლის 9 ივლისის ბრძანება №128 - სსმ III, №83, 09.07.2010 წ., მუხ.1204

საქართველოს იუსტიციის მინისტრის 2021 წლის 29 სექტემბრის ბრძანება №766 - ვებგვერდი, 30.09.2021 წ.

მუხლი 2¹. სააღსრულებო საქმისწარმოების ელექტრონულ პროგრამაში აღსასრულებელი დოკუმენტაციისა და სხვა კორესპონდენციის რეგისტრაციის რეკვიზიტები

1. სააღსრულებო წარმოებას რეგისტრაციისას სააღსრულებო საქმისწარმოების ელექტრონულ პროგრამაში ენიჭება ნომერი.

2. სარეგისტრაციო მონაცემები მოიცავს შემდეგ ინფორმაციას:

ა) რეგისტრაციის ნომერს;

ბ) რეგისტრაციის თარიღს;

გ) სააღსრულებო ფურცლის გამცემი ორგანოს დასახელებას, ასევე, სააღსრულებო ფურცლის გაცემის თარიღსა და ნომერს;

დ) კრედიტორის დასახელებასა და რეკვიზიტებს;

ე) მოვალის დასახელებასა და რეკვიზიტებს;

ვ) კრედიტორის მოთხოვნას;

ზ) გადახდის იდენტიფიკატორს;

თ) თანდართულ დოკუმენტებს;

ი) საჭიროების შემთხვევაში, უფლებამოსილი თანამშრომლის შენიშვნას.

3. სააღსრულებო წარმოებისთვის საჭირო დოკუმენტები, გარდა ამ ინსტრუქციის მე-2 მუხლის 14¹პუნქტით დადგენილი შემთხვევისა, რეგისტრირდება სააღსრულებო საქმისწარმოების ელექტრონულ პროგრამაში, კონკრეტულ საქმეზე.

4. ამ მუხლის მე-3 პუნქტით განსაზღვრული კორესპონდენციის სარეგისტრაციო მონაცემებია:

ა) რეგისტრაციის ნომერი;

ბ) რეგისტრაციის თარიღი;

გ) გამომგზავნი;

დ) მოკლე შინაარსი;

ე) თანდართული დოკუმენტი.

მუხლი 2². დოკუმენტბრუნვის ელექტრონულ სისტემაში (დეს) კორესპონდენციის რეგისტრაცია

1. განცხადებები (გარდა იმ განცხადებებისა, რომელიც უშუალოდ უნდა დარეგისტრირდეს სააღსრულებო საქმისწარმოების ელექტრონულ პროგრამაში), საჩივრები, სასამართლო გზავნილები, შეფასებასთან დაკავშირებული მოთხოვნები და სხვა კორესპონდენცია მიიღება და რეგისტრირდება დოკუმენტბუნვის ელექტრონული სისტემის (დეს) მეშვეობით.

2. ამ მუხლის პირველი პუნქტით განსაზღვრული კორესპონდენციის სარეგისტრაციო მონაცემებია:

ა) რეგისტრაციის ნომერი;

ბ) რეგისტრაციის თარიღი;

გ) გამომგზავნი;

დ) დოკუმენტის ტიპი;

ე) ადრესატი;

ვ) მოკლე შინაარსი;

ზ) მიღების ფორმა;

თ) თანდართული დოკუმენტი.

3. დოკუმენტბუნვის ელექტრონულ სისტემაში (დესში) დოკუმენტების სარეგისტრაციოდ ყოველი წლის დასაწყისში იწყება ახალი ნუმერაცია.

4. კორესპონდენცია რეგისტრირდება მისი მიღებისთანავე. მატერიალური სახით წარმოდგენილი დოკუმენტის პირველ გვერდზე მარჯვენა ქვედა კუთხეში დაესმება შტამპი სარეგისტრაციო რიგითი ნომრის, შემოსვლის თარიღისა (თვის რიცხვი, თვე, წელი) და ფურცლების რაოდენობის მითითებით.

5. განხილული კორესპონდენციის რეზოლუციები ფიქსირდება ელექტრონული პროგრამის მეშვეობით.

მუხლი 3. კორესპონდენციის შედგენა და გაგზავნა

1. როგორც წესი, სააღსრულებო საქმისწარმოების დროს შექმნილი გასაგზავნი დოკუმენტაცია უნდა გაფორმდეს ბიუროს ბლანკზე, რომელსაც ხელს აწერს ბიუროს უფროსი (მოადგილე) ან ის აღმასრულებელი, რომლის წარმოებაშიცაა სააღსრულებო საქმე. ამასთან, აუცილებლად აღინიშნება დოკუმენტის ხელმომწერი პირის თანამდებობა, სახელი და გვარი.

2. დოკუმენტი იბეჭდება კომპიუტერზე (გარდა სააღსრულებო მოქმედებების განხორციელებისას ადგილზე შესადგენი დოკუმენტებისა). გასაგზავნ დოკუმენტს მარჯვენა ზედა კუთხეში მიეთითება მოქალაქის სახელი, გვარი და მისამართი. თუ დოკუმენტი ეგზავნება თანამდებობის პირს – დოკუმენტის მარჯვენა ზედა კუთხეში მიეთითება ადრესატის თანამდებობა და მისამართი.

3. რამდენიმე ადრესატის შემთხვევაში, ხელმოწერილი უნდა იყოს იმდენი დოკუმენტი, რამდენი ადრესატიც მითითებულია დოკუმენტში. თუ გასაგზავნ დოკუმენტს ახლავს დანართი, ამის შესახებ აღნიშვნა კეთდება ტექსტის ბოლოში: „დანართი —— ფურცელი“.

4. სააღსრულებო ბიუროს თანამშრომლის მხრიდან დისციპლინური გადაცდომის ჩადენის შესახებ, ბიუროს უფროსის სახელზე შესული განცხადებები და საჩივრები დაუყოვნებლივ უნდა გადაეგზავნოს აღსრულების ეროვნულ ბიუროს.

5. დოკუმენტის ასლის გადაგზავნის ან ხელზე გადაცემისას, ასლის შესაბამისობა დედანთან დასტურდება აღმასრულებლის (სპეციალისტის) ხელმოწერით და ბეჭდით (შტამპით).

6. სააღსრულებო წარმოების პროცესში ბიუროში მხარეთა მიერ წარმოდგენილი ყველა დოკუმენტის მეორე პირს (რომელიც რჩება წარმომდგენთან), კომპიუტერული პროგრამის მეშვეობით და შესაბამის სარეგისტრაციო ჟურნალებში რეგისტრაციის გარდა, უნდა გაუკეთდეს აღნიშვნა რეგისტრაციის ნომრის და დანართის რაოდენობის აღნიშვნით, მიეთითოს მისი ბიუროში შემოტანის თარიღი და დამოწმდეს კანცელარიის თანამშრომლის ხელმოწერით, ხოლო გადაუდებელი აუცილებლობის შემთხვევაში, აღმასრულებელთან წარდგენილი დოკუმენტის მეორე პირზე დამოწმებას აკეთებს აღმასრულებელი, რომელიც დაუყოვნებლივ აცნობებს ბიუროს კანცელარიას და გონივრულ ვადაში გადასცემს ჟურნალში რეგისტრაციის მიზნით.

7. შესრულებული დოკუმენტი გასაგზავნად ბარდება კანცელარიას. გასაგზავნი დოკუმენტის რეგისტრაცია ხდება კომპიუტერში და გასული ფოსტის აღრიცხვის ჟურნალში. თუ პასუხი მომზადებულია არასრულყოფილად, კერძოდ, არ არის საჭირო რაოდენობის ეგზემპლარები, არ არის მითითებული ზუსტი ადრესატი და მისამართი, ასლზე შემსრულებლის გვარი და სხვა აუცილებელი კოორდინატები, კანცელარია დოკუმენტს არ ჩაიბარებს ან დაუბრუნებს აღმასრულებელს.

8. გასაგზავნ დოკუმენტს დაესმება გასვლის ნომერი, ხელმომწერის (აღმასრულებლის) ნომერი და გაგზავნის თარიღი (თარიღები ფორმდება ციფრობრივი წესით შემდეგი თანმიმდევრობით: თვის რიცხვი, თვე, წელი).

9. გასაგზავნად შემოსული დოკუმენტები უნდა დამუშავდეს და გაიგზავნოს იმავე დღეს ან არა უგვიანეს მეორე სამუშაო დღისა.

10. გასაგზავნი წერილების ასლები რჩება ბიუროს კანცელარიაში და ქრონოლოგიური თანმიმდევრობით ინახება საქაღალდეში.

11. ცნობად მიღებული დოკუმენტები ბარდება ბიუროს კანცელარიას და ინახება საქაღალდეში.

მუხლი 4. მოქალაქეთა მიღება

1. ბიუროში მოქალაქეთა მიღებას აწარმოებს ბიუროს უფროსი, აგრეთვე მოადგილეები, ბიუროს უფროსის მიერ განსაზღვრული გრაფიკის მიხედვით და ბიუროს კანცელარიის სპეციალისტები.

2. მათ წარმოებაში არსებული საქმის აღსრულებაში მონაწილე პირთა მიღებას სააღსრულებო ბიუროს ოფისში, საამისოდ განკუთვნილ ადგილას, აწარმოებენ აღმასრულებლები.

მუხლი 5. სტატისტიკური ინფორმაციის წარმოდგენის პერიოდულობა და წესი

1. სააღსრულებო ბიუროს უფროსის მიერ ყოველთვიური ჯამური სტატისტიკური ანგარიშები, რომლის პერიოდულობა განსაზღვრულია, კერძოდ, მომდევნო თვის 5 რიცხვამდე, გადაეცემა აღსრულების ეროვნული ბიუროს შესაბამის სამსახურს. ჯამურ სტატისტიკურ მონაცემებთან ერთად წარმოდგენილი უნდა იყოს ასევე თითოეული აღმასრულებლის სტატისტიკური მონაცემები და მის წარმოებაში არსებული საქმეების სრული ნუსხა (ინვენტარიზაცია). აღმასრულებელი ვალდებულია ეს ყოველთვიური მონაცემები ბიუროს უფროსს წარუდგინოს მომდევნო თვის სამ რიცხვამდე. მონაცემების შესაბამისი დამუშავების შემდეგ ანგარიშები ჯგუფდება სახეობების მიხედვით და ინახება კომპიუტერში, ხოლო თითო ეგზემპლარი ინახება სპეციალურ საქაღალდეში.

2. აღმასრულებელი წარმოდგენილი მონაცემების თითო ეგზემპლარს ინახავს შემდგომი მონაცემების დასამუშავებლად.

3. სტატისტიკური მონაცემებისა და წარმოებაში არსებული საქმეების სრული ნუსხის წარდგენა ხდება შემუშავებული ფორმების მიხედვით, მათი მოთხოვნებისა და წარდგენის ვადების სრული დაცვით. ვადების დარღვევა და სტატისტიკურ მონაცემებში ცდომილებები გამოიწვევს დისციპლინარულ პასუხისმგებლობას.

4. თავდაპირველი ნუსხის სრულად წარმოდგენის შემდეგ, მომდევნო თვეებში აღმასრულებლის მიერ სტატისტიკურ მონაცემებთან ერთად წარმოდგენილი იქნება მხოლოდ შემოსული, დამთავრებული და სხვა აღმასრულებლისგან გადმოცემული ან მისგან სხვისთვის გადაცემული საქმეების ნუსხა.

5. ნუსხაში (ინვენტარიზაციაში) მითითებული უნდა იყოს ამავე ინსტრუქციის მე-2 მუხლის მე-15 პუნქტის შესაბამისად საქმეთა წარმოების სარეგისტრაციო ჟურნალში წარმოებისთვის მინიჭებული ნომერი.

6. აღმასრულებლის შვებულებაში გასვლის ან სამუშაოდან დროებით ან მუდმივად წასვლის შემთხვევაში, აღმასრულებლის წარმოებაში არსებული საქმეებისა და მის მიერ იმ თვეში აღსრულებულ და დამთავრებულ საქმეთა ნუსხას, სააღსრულებო წარმოებებს იბარებს ბიუროს უფროსი. ამ სახით წასული აღმასრულებლის სტატისტიკურ მონაცემებსაც ადგენს ბიუროს უფროსი.

7. აღმასრულებელზე მოქმედი, წასული ან შვებულებაში მყოფი აღმასრულებლის წარმოებაში არსებული საქმის გადაცემის შემთხვევაში, სტატისტიკურ მონაცემებში გადაცემული საქმე გამოიწვევს გრაფა „იყოში“ ცვლილებას, რისი გაშიფვრაც უნდა მოხდეს სტატისტიკის ფორმაზე შენიშვნის სახით, თუ რა კატეგორიის, რა რაოდენობის და რა თანხით გადაეწერა და ვისგან.

8. სააღსრულებო ბიუროს უფროსის მიერ საქმეთა გადაცემა ხდება თვის ბოლო რიცხვების დადგომამდე, რათა აღმასრულებელმა სტატისტიკური მონაცემების დამუშავებამდე შეძლოს გადაცემული საქმის აღება და შესაბამისი შენიშვნით სტატისტიკურ მონაცემებში მისი ჩვენება.

9. თანხობრივი მაჩვენებლების სტატისტიკურ ფორმაში აუცილებელ პირობას წარმოადგენს ბიუროს სადეპოზიტო ანგარიშზე არგავლილი თანხების ჩვენება.

10. ბიუროს უფროსის ხელმოწერით მოწოდებული, აღსრულების ეროვნული ბიუროს ეკონომიკური სამსახურის ფინანსებისა და საბუღალტრო აღრიცხვა-ანგარიშგების განყოფილების შესაბამისი ბუღალტრის (შემდგომში – ბუღალტერი) მიერ დამუშავებული ყოველთვიური მონაცემები სახელმწიფო ბიუჯეტის და აღსრულების ეროვნული ბიუროს ანგარიშებზე გადარიცხული თანხების შესახებ მომდევნო თვის ხუთ რიცხვამდე გადაეცემა აღსრულების ეროვნული ბიუროს ადმინისტრაციის (სამსახურის) სტატისტიკისა და ანალიზის განყოფილებას.

საქართველოს იუსტიციის მინისტრის 2010 წლის 25 იანვრის ბრძანება №13 - სსმ III, №8, 26.01.2010 წ., მუხ.78

საქართველოს იუსტიციის მინისტრის 2010 წლის 9 მარტის ბრძანება №48 - სსმ III, №25, 10.03.2010 წ., მუხ.376

მუხლი 6. განცხადებებისა და ოფიციალური დოკუმენტების შესრულებაზე კონტროლის ორგანიზაცია

1. სააღსრულებო ბიუროში საქმის წარმოების მიმდინარეობაზე კონტროლს ახორციელებს ბიუროს უფროსი, რომელიც ამ მიზნით უფლებამოსილია გაეცნოს და შეისწავლოს შესაბამის ბიუროში არსებული წარმოებები.

2. სააღსრულებო წარმოებაში არსებული დოკუმენტის დაკარგვის შემთხვევაში აღმასრულებელმა/კანცელარიის თანამშრომელი, აღნიშნულის თაობაზე განუცხადებსს ბიუროს უფროსს/უშუალო უფროსს. დოკუმენტის დაკარგვასთან დაკავშირებით ტარდება სამსახურებრივი შემოწმება.

3. „სააღსრულებო წარმოებათა შესახებ“ საქართველოს კანონის შესაბამისად, აღმასრულებლის მიერ სააღსრულებო მოქმედებათა განხორციელების ვადების დაცვას პერიოდულად აკონტროლებს ბიუროს უფროსი ბიუროს კანცელარიის თანამშრომლის მეშვეობით.

4. ყოველ კონკრეტულ საქმეს კომპიუტერული პროგრამის მეშვეობით უკეთდება შემდეგი მითითება:

ა) საქმე შეჩერებულია;

ბ) შეწყვეტილია;

გ) განწილვადებულია;

დ) გადადებულია;

ე) შესრულებულია სრულად;

ვ) შესრულებულია ნაწილობრივ.

5. დასრულებული სააღსრულებო წარმოება გადაეცემა არქივს.

6. დოკუმენტის შესრულების ვადები გამოითვლება კალენდარული დღეებით და ვადის ათვლა იწყება მათი შემოსვლის დღიდან.

7. სააღსრულებო წარმოებაში არსებული დოკუმენტის დაკარგვის შემთხვევაში აღმასრულებელმა ამის თაობაზე უნდა განუცხადოს ბიუროს უფროსს. დოკუმენტის დაკარგვასთან დაკავშირებით ტარდება სამსახურებრივი შემოწმება.

მუხლი 7. აღმასრულებლის მიერ სამსახურებრივი ბეჭდის გამოყენება

აღმასრულებელს აქვს სამსახურებრივი, პერსონალური, მაიდენტიფიცირებელი ბეჭედი, რომელიც გამოიყენება სააღსრულებო წარმოების პროცესში შექმნილი დოკუმენტების დასამოწმებლად. სამსახურებრივი ბეჭდის დაზიანების ან დაკარგვის შემთხვევაში აღმასრულებელმა დაუყოვნებლივ უნდა განუცხადოს ბიუროს უფროსს. ამასთან დაკავშირებით ტარდება სამსახურებრივი შემოწმება.

მუხლი 8.

(ამოღებულია)

მუხლი 9. სააღსრულებო წარმოების დაწყება. მონაცემთა კომპიუტერული რეგისტრაცია

1. სააღსრულებო წარმოების დაწყების საფუძველია კრედიტორის (წარმომადგენლის) განცხადება და სააღსრულებო ფურცელი, აგრეთვე კანონით გათვალისწინებულ შემთხვევებში სხვა სააღსრულებო დოკუმენტი.

2. ბიუროს კანცელარია ჩაიბარებს კრედიტორის (მისი წარმომადგენლის) განცხადებას, რომელსაც თან უნდა ერთოდეს სააღსრულებო ფურცლის დედანი, გადაწყვეტილების დამოწმებული ასლი და, როგორც წესი, სააღსრულებო მომსახურებისათვის დაწესებული საფასურის გადახდის დამადასტურებელი დოკუმენტი.

3. (ამოღებულია - 29.09.2021, №766).

4. განცხადებას თან უნდა ერთოდეს თანმხლები დოკუმენტები, რომლის თაობაზეც კეთდება შემდეგი სარეგისტრაციო მითითებები:

ა) თანმხლები დოკუმენტების ჩამონათვალი როგორც პირველადი, ასევე შემდგომ ეტაპზე შემოსული;

ბ) დოკუმენტის შიდა ნომერი (თუ აქვს საკუთარი ნომერი), ტიპი, თარიღი, ავტორი, ადრესატი, მოკლე შინაარსი.

5. ბიუროში ტექნიკური საშუალებების გამოყენებით იქმნება ერთიანი საინფორმაციო ბაზა, რომელიც უზრუნველყოფს საძიებო სისტემის ჩამოყალიბებას შემდეგი პარამეტრების შესაბამისად:

ა) აღსრულების მონაწილეთა დასახელება, ტელეფონი, მისამართი, იურიდიული მისამართი, საგადასახადო კოდი, ანგარიშის ნომრები, მინდობილობის ნომერი, იურიდიული სტატუსი (ფორმა), წარმოებაში მისი სტატუსი, პროცესუალური მდგომარეობა, დოკუმენტის ტიპი, დაბადების თარიღი პირადი საიდენტიფიკაციო ნომერი;

ბ) წარმომადგენელი (ასეთის არსებობის შემთხვევაში);

გ) აღსასრულებელი აქტის გამცემი ორგანო (დასახელება, ტელეფონი, მისამართი);

დ) ვის წარმოებაშია სააღსრულებო ფურცელი აღსასრულებლად.

6. სააღსრულებო საქმისწარმოების პროცესში რეგისტრირებული ძირითადი მონაცემები უცვლელი რჩება.

მუხლი 10. სააღსრულებო საქმის წარმოებისათვის აუცილებელი დოკუმენტები

სააღსრულებო საქმის წარმოებისათვის წარმოსადგენ ძირითად დოკუმენტებთან ერთად სააღსრულებო წარმოება მისი ხასიათისა და მიმდინარეობის სტადიის გათვალისწინებით უნდა შეიცავდეს შემდეგ დოკუმენტებს:

ა) წინადადება გადაწყვეტილების შესრულების შესახებ მოვალისათვის ჩაბარების დადასტურებით;

ბ) მოვალის ქონების მოძიებასთან დაკავშირებით აღმასრულებლის მიმართვები;

გ) მარეგისტრირებელი, საგადასახადო, საბანკო, შინაგან საქმეთა და სხვა დაწესებულებებიდან მიღებული ინფორმაციები მოვალის ქონებრივი მდგომარეობის შესახებ (ამ სახის ინფორმაციები შეიძლება შეიცავდეს კონფიდენციალური ხასიათის საგადასახადო და კომერციულ ინფორმაციას, რომელიც კანონის შესაბამისად ითვლება სამსახურებრივი საქმიანობის განხორციელებისას მოპოვებულ ინფორმაციად და მასზე მოქმედებს უკანონოდ გახმაურების, გადაცემისა და გავრცელების აკრძალვის ვალდებულება);

დ) სააღსრულებო მოქმედებათა ამსახველი ოქმები, აქტები, ფოტო და სხვა ვიზუალური მასალა;

ე) საექსპერტო და აუდიტორული დასკვნები;

ვ) ქონების დაყადაღების დამადასტურებელი დოკუმენტები;

ზ) აღმასრულებლის დავალებები და განკარგულებები;

თ) აღსრულების მონაწილეთა მიერ წარმოდგენილი და მათგან აღსრულების პროცესში გამოთხოვილი დოკუმენტები, განცხადებები, ინფორმაციები;

ი) აღსრულების პროცესში გამოყენებული კანონმდებლობით გათვალისწინებული საკომუნიკაციო საშუალებების ამსახველი დოკუმენტები;

კ) საქმესთან დაკავშირებით, სააღსრულებო ბიუროდან, აღსრულების ეროვნული ბიუროდან, სასამართლოდან, სხვა სახელმწიფო ორგანოებიდან მიღებული დოკუმენტები;

ლ) სააღრულებო წარმოების ფინანსური განწესი (სისტემატიზებული დოკუმენტაცია აღსრულების ხარჯების, აღსრულების საფასურის, მოთხოვნის და სხვა შესაძლო თანხების შესახებ);

მ) აღსრულების პოლიციის მონაწილეობის ამსახველი დოკუმენტაცია;

ნ) აღსასრულებელი აქტის გამომცემ ორგანოებთან ურთიერთობის ამსახველი დოკუმენტაცია;

ო) აღმასრულებლის სასამართლო შუამდგომლობები და მიმართვები;

პ) აღსრულების მონაწილეთათვის დაგზავნილი შეტყობინებები;

ჟ) კონკრეტული წარმოების საჭიროებიდან გამომდინარე, აღსრულებასთან დაკავშირებული სხვა დოკუმენტაცია.

საქართველოს იუსტიციის მინისტრის 2011 წლის 3 თებერვლის ბრძანება №22 - ვებგვერდი, 04.02.2011 წ.

მუხლი 11. სააღსრულებო ბიუროს კანცელარიის (სპეციალისტის) ფუნქციები

1. ბიუროს კანცელარიაში შედიან ბიუროს კანცელარიის სპეციალისტები.

2. ბიუროს კანცელარიის სპეციალისტი:

ა) ახორციელებს აღსასრულებელი დოკუმენტაციის მიღებასაც და შემოწმებას, ამ ინსტრუქციით დადგენილი წესით რეგისტრაციას, იურიდიულ და ფიზიკურ პირთა, აღსრულების ეროვნული ბიუროდან, აგრეთვე სხვა ორგანიზაციებიდან შემოსული კორესპონდენციის მიღება-რეგისტრაციას;

ბ) უზრუნველყოფს ბიუროს უფროსისთვის/ადრესატისათვის შემოსული ფოსტის ელექტრონული ფორმით, შესაბამისი პროგრამების მეშვეობით, დროულ მიწოდებას;

გ) ახორციელებს მოქალაქეთა მიღებას, უწევს მათ ზეპირ კონსულტაციებს სააღსრულებო საქმისწარმოებაში მონაწილე მხარეებს სააღსრულებო წარ-მოებასთან დაკავშირებით შემოსული ან წარმოსადგენი დოკუმენტების თაობაზე;

დ) აწარმოებს სააღსრულებო წარმოების დადგენილ ვადებში წარმართვის პროცესის მონიტორინგს და არსებული მდგომარეობის შესახებ მოახსენებს ბიუროს უფროსს;

ე) აწარმოებს სააღსრულებო საქმისწარმოების მდგომარეობის ამსახველ ბიუროს ჯამურ სტატისტიკურ ანგარიშს და შესაბამის ანალიზს;

ვ) უზრუნველყოფს დოკუმენტების ჯეროვან მოვლასა და შენახვას;

ზ) ახორციელებს აღმასრულებლის, კრედიტორებისა და მოვალეების გვარის ალფაბეტური წესით დალაგებას;

თ) ბიუროს კანცელარიის საქმიანობასთან დაკავშირებით, ასრულებს ბიუროს უფროსის სხვა მითითებებს, ასრულებს კანონმდებლობით და შესაბამისი აქტებით გათვალისწინებულ სხვა ფუნქციებს.

3. (ამოღებულია - 29.09.2021, №766).

მუხლი 12. ბიუროს კანცელარიის სხვა ფუნქციები და საქმისწარმოების ძირითადი პრინციპები

1. (ამოღებულია - 29.09.2021, №766).

2. (ამოღებულია - 29.09.2021, №766).

3. (ამოღებულია - 29.09.2021, №766).

4. (ამოღებულია - 29.09.2021, №766).

5. მხარეთა განცხადებებზე და მოთხოვნებზე პასუხი უნდა გაიცეს დაუყოვნებლივ ან აუცილებლობის შემთხვევაში არა უგვიანეს 10 სამუშაო დღისა.

5¹. სააღსრულებო საქმისწარმოების ელექტრონულ პროგრამაში არსებული, სააღსრულებო მასალების სააღსრულებო წარმოების მხარისათვის/დაინტერესებული პირისათვის გადაცემას მიმდინარე საქმეებზე უზრუნველყოფს შესაბამისი სააღსრულებო ბიურო.

6. სააღსრულებო ფურცლის დედნის უკან დაბრუნების შემთხვევაში აღმასრულებლის მიერ კრედიტორისათვის კეთდება წერილობით განმარტება, თუ რა მიზეზით ხდება დოკუმენტის დაბრუნება. სააღსრულებო ფურცლის დედნის ადრესატისათვის მატერიალურად გაგზავნას, აღმასრულებლის მითითებით, უზრუნველყოფს ბიუროს კანცელარიის თანამშრომელი.

7. (ამოღებულია - 29.09.2021, №766).

8. (ამოღებულია - 29.09.2021, №766).

9. დასრულებული სააღსრულებო წარმოებები ყოველი თვის ბოლოს არქივირდება აღმასრულებლის მიერ ელექტრონულად სააღსრულებო საქმისწარმოების ელექტრონული პროგრამის მეშვეობით.

10. საქმეების გადაცემა არქივში შესანახად ხდება, თუ:

ა) სააღსრულებო ფურცლით გათვალისწინებული მოთხოვნა აღსრულებულია;

ბ) აღსრულება შეწყვეტილია;

გ) სააღსრულებო ფურცელი დაბრუნებულია კრედიტორისათვის.

11. (ამოღებულია - 29.09.2021, №766).

მუხლი 13. აღსრულების ეროვნული ბიუროს სადეპოზიტო ანგარიშზე შესული თანხების აღრიცხვა-ანგარიში, განკარგვა და კონტროლი

1. აღმასრულებელი ვალდებულია თითოეულ საქმესთან დაკავშირებით აწარმოოს როგორც ამოღებული, ასევე ამოსაღები თანხების აღრიცხვა-ანგარიში, ხოლო ბიუროს უფროსი ვალდებულია ზედამხედველობა გაუწიოს და აკონტროლოს აღნიშნული საქმიანობა.

2. აღმასრულებელი თანხის შემოსვლის/ამოღების შემდეგ ამზადებს და ხელს აწერს მიმართვის ფორმას თანხების განკარგვის შესახებ, რომელსაც ამოწმებს ბიუროს უფროსი და თავის თანხმობას ადასტურებს ხელმოწერითა და ბეჭდით, რის შემდეგაც მიმართვა წარედგინება ბუღალტერს შესასრულებლად. მიმართვის ფორმას თან უნდა ერთოდეს სააღსრულებო ფურცლის, აღსასრულებელ მოთხოვნაზე განაცხადის, თანხის მიღების უფლების დამადასტურებელი, გადახდის დამადასტურებელი და საბანკო რეკვიზიტების დამადასტურებელი დოკუმენტების ასლები. ბუღალტერი ამოწმებს წარდგენილი მიმართვის ფორმის სისწორეს და შესაბამისობას წარმოდგენილ დოკუმენტაციასთან, რის შემდეგაც ამზადებს შესაბამის თანხებს გადასარიცხად ან უკან უბრუნებს აღმასრულებელს ხარვეზის გამოსასწორებლად. განსაკუთრებულ შემთხვევაში ბუღალტერი უფლებამოსილია აღმასრულებლისაგან წერილობით მოითხოვოს საქმესთან დაკავშირებული დამატებითი ინფორმაცია. ბუღალტრისათვის მიმართვის ფორმის წარდგენა თანმხლებ დოკუმენტაციასთან ერთად შესაძლებელია საქმისწარმოების ელექტრონული პროგრამის მეშვეობით.

2¹. აღსრულების ეროვნული ბიუროს თავმჯდომარის გადაწყვეტილებით ამ მუხლის მე-2 პუნქტით გათვალისწინებული ბიუროს უფროსის უფლება-მოვალეობა შეიძლება გადაეცეს თბილისის სააღსრულებო ბიუროს ჯგუფის უფროსებს, მათ დაქვემდებარებაში არსებულ საქმეებზე. აღსრულების ეროვნული ბიუროს თავმჯდომარის გადაწყვეტილებით, ცალკეული კატეგორიების საქმეების აღსრულებისას, ამ მუხლის მე-2 პუნქტით გათვალისწინებული ბიუროს უფროსის უფლება-მოვალეობა შეიძლება ასევე განახორციელოს აღსრულების ეროვნული ბიუროს შესაბამისი სტრუქტურული ერთეულის უფროსმა, ხოლო აღმასრულებლის უფლება-მოვალეობა - ამავე სტრუქტურული ერთეულის თანამშრომელმა.

3. აღსრულების ეროვნული ბიუროს სადეპოზიტო ანგარიშზე შესული ნებისმიერი თანხის განკარგვას ახორციელებენ ბიუროს უფროსი (ან ცალკეულ შემთხვევაში, აღსრულების ეროვნული ბიუროს თავმჯდომარის გადაწყვეტილებით, ბიუროს უფლებამოსილი პირი) და ბუღალტერი. ნებისმიერი ფინანსური ოპერაციის განსახორციელებლად აუცილებელია ბიუროს უფროსის (ან ცალკეულ შემთხვევაში, აღსრულების ეროვნული ბიუროს თავმჯდომარის გადაწყვეტილებით, ბიუროს უფლებამოსილი პირის) და ბუღალტრის ერთობლივი თანხმობა. ფინანსურ დოკუმენტაციაზე ხელს აწერენ ბიუროს უფროსი (ან ცალკეულ შემთხვევაში, აღსრულების ეროვნული ბიუროს თავმჯდომარის გადაწყვეტილებით, ბიუროს უფლებამოსილი პირი) და ბუღალტერი. ასეთი დოკუმენტაცია მოწმდება ბიუროს ბეჭდით.

3¹. საქმისწარმოების ელექტ რ ონული პროგრამის გადახდების სისტემასთან დაკავშირებულ საბანკო ანგარიშზე (ანგარიშებზე) შესული ნებისმიერი თანხის განკარგვას ახორციელებენ აღსრულების ეროვნული ბიუროს თავმჯდომარის მიერ განსაზღვრული ბუღალტრები. აღნიშნული პირები უფლებამოსილნი არიან საქმისწარმოების ელექტ რ ონული პროგრამის მეშვეობით მიღებული მიმართვის ფორმის შესაბამისად ერთპიროვნულად მოახდინონ თანხების განკარგვა. დაუშვებელია მიმართვის ფორმის გარეშე თანხის გადარიცხვა, გარდა იმ შემთხვევისა, თუ აღნიშნულ ანგარიშზე შეცდომით არის ჩარიცხული თანხა ან თანხის გადატანა ხდება აღსრულების ეროვნული ბიუროს სხვა ანგარიშზე.

4. ამ მუხლის მე-2 პუნქტით გათვალისწინებული მიმართვის ფორმის ნიმუშს და მიმართვის ფორმის შევსების ინსტრუქციას ამტკიცებს აღსრულების ეროვნული ბიუროს თავმჯდომარე.

5. საქართველოს მთელ ტერიტორიაზე სახელმწიფო ბიუჯეტიდან აღსასრულებელ „სააღსრულებო წარმოებათა შესახებ“ საქართველოს კანონის მე-2 მუხლით გათვალისწინებულ საქმეთა იძულებითი აღსრულებისას ამ მუხლით განსაზღვრულ შესაბამის უფლებამოსილებებს ახორციელებენ აღსრულების ეროვნული ბიუროს სტრუქტურული ერთეულის – სახელმწიფო ბიუჯეტიდან აღსასრულებელ საქმეთა სპეციალური სამსახურის უფროსი, მრჩეველი და შესაბამისი ბუღალტერი, ხოლო „სააღსრულებო წარმოებათა შესახებ“ საქართველოს კანონის 14⁷ მუხლით გათვალისწინებული კერძო აღმასრულებლის მიერ სააუქციონო მომსახურების გაწევის შესახებ განაცხადზე შესაბამისი სააღსრულებო მოქმედებების განხორციელებისას – აღსრულების ეროვნული ბიუროს სტრუქტურული ერთეულის – რეგიონული ზედამხედველობის სამსახურის უფროსი, მრჩეველი და შესაბამისი ბუღალტერი.

საქართველოს იუსტიციის მინისტრის 2008 წლის 24 ოქტომბრის ბრძანება №243 - სსმ III, №155, 24.10.2008 წ., მუხ.1541

საქართველოს იუსტიციის მინისტრის 2010 წლის 24 მარტის ბრძანება №62 - სსმ III, №31, 24.03.2010 წ., მუხ.467

საქართველოს იუსტიციის მინისტრის 2011 წლის 14 ივლისის ბრძანება №90 - ვებგვერდი, 14.07.2011 წ.

საქართველოს იუსტიციის მინისტრის 2011 წლის 15 სექტემბრის ბრძანება №124 - ვებგვერდი, 15.09.2011 წ.

მუხლი 14. სააღსრულებო ბიუროში საქმეთა განაწილება

1. აღმასრულებელთა შორის საქმეები ნაწილდება რიგითობის წესით.

2. რიგითობის წესი გულისხმობს აღმასრულებელთა შორის საქმეების განაწილებას საქმეთა შემოსვლის რიგისა და აღმასრულებელთა რიგითობის მიხედვით.

3. სააღსრულებო ბიუროში აღმასრულებელთა რიგითობას განსაზღვრავს სააღსრულებო ბიუროს უფროსი.

4. აღმასრულებელთა შორის საქმეების განაწილების მიზნით სააღსრულებო ბიუროს უფროსი აღმასრულებელთა რიგითობას განსაზღვრავს აღმასრულებლის გვარის პირველი, ხოლო იგივეობის შემთხვევაში – მომდევნო ასოს მიხედვით. რიგითობით პირველი ნომერი ენიჭება იმ აღმასრულებელს, რომლის გვარის პირველი, ხოლო იგივეობის შემთხვევაში მომდევნო ასო ანბანის მიხედვით პირველია.

5. ერთნაირი გვარის მქონე აღმასრულებელთა რიგითობა განისაზღვრება მათი სახელების პირველი, ხოლო იგივეობის შემთხვევაში მომდევნო ასოს მიხედვით. ერთნაირი სახელების შემთხვევაში აღმასრულებელთა რიგითობა განისაზღვრება კენჭისყრით.

6. ბიუროს წარმოებაში მიღებული საქმეები აღმასრულებელთა შორის ნაწილდება ბიუროში საქმის შემოსვლის თანამიმდევრობის მიხედვით.

7. შემოსვლის რიგით ყოველი მომდევნო საქმე გადაეცემა რიგითობით მომდევნო აღმასრულებელს.

8. აღმასრულებელთა რაოდენობის შეცვლის შემთხვევაში ბიუროს უფროსი ვალდებულია ხელახლა განსაზღვროს აღმასრულებელთა რიგითობა ამ მუხლის შესაბამისად.

9. საქმეთა კატეგორიების მიხედვით აღმასრულებელთა სპეციალიზაციის შემთხვევაში საქმეები ნაწილდება ბიუროს უფროსის მიერ ამ აღმასრულებელთა შორის, ამ მუხლის მე-4 და მე-5 პუნქტების შესაბამისად განსაზღვრული რიგითობის მიხედვით.

10. იმ ბიუროებში, რომელთა სამოქმედო ტერიტორიაში შემავალ ადმინისტრაციულ ერთეულებში (ქალაქებში, რაიონებში) მიმაგრებულია კონკრეტული აღმასრულებელი (აღმასრულებლები), ბიუროს უფროსი ამ ადმინისტრაციულ ერთეულში აღსასრულებელ საქმეს პირდაპირ გადასცემს შესასრულებლად აღმასრულებელს. ერთზე მეტი აღმასრულებლის არსებობის შემთხვევაში საქმე ნაწილდება მათ შორის ამ მუხლის მიხედვით ბიუროს უფროსის მიერ განსაზღვრული რიგითობის შესაბამისად.

მუხლი 15. სააღსრულებო საქმისწარმოების მონიტორინგი და პასუხისმგებლობა

1. ბიუროს უფროსი მოადგილეების და კანცელარიის მეშვეობით უზრუნველყოფს ბიუროში არსებული საქმეების მონიტორინგს.

2. კანცელარია ყოველთვიურად ამზადებს წარმოებაში არსებული გაჭიანურებული საქმეების სიას და მათ შესახებ მოახსენებს ბიუროს უფროსს (აგრეთვე მოადგილეებს).

3. ამ ინსტრუქციით გათვალისწინებული დებულებების დარღვევა იწვევს კანონმდებლობით გათვალისწინებულ პასუხისმგებლობას.

მუხლი 15¹ (ამოღებულია)

მუხლი 15² . ბიუროს სადეპოზიტო ანგარიშზე სისხლის სამართლის საქმეზე გირაოს სახით რიცხული თანხის შემტანისთვის დაბრუნების შესახებ გადაწყვეტილების წარმოებაში მიღების პროცედურა

1. ბიუროს შესაბამის სადეპოზიტო ანგარიშზე სისხლის სამართლის საქმეზე გირაოს სახით რიცხული (შეტანილი) თანხის მისი შემტანისთვის დაბრუნება ხორციელდება აღნიშნულზე გადაწყვეტილების მიმღები ორგანოს შესაბამისი გადაწყვეტილების წარმოდგენის საფუძველზე.

2. ამ მუხლის პირველი პუნქტით გათვალისწინებული გადაწყვეტილების შესრულება არ წარმოადგენს სააღსრულებო წარმოებას და შესაბამისად, მისი განხორციელებისთვის სააღსრულებო ფურცლის წარმოდგენა სავალდებულო არ არის.

3. ამ მუხლის პირველი პუნქტით გათვალისწინებული გადაწყვეტილების (თანდართულ მასალასთან ერთად) რეგისტრაცია ხორციელდება სპეციალურ – გირაოს თანხის გირაოს შემტანისთვის დაბრუნების შესახებ გადაწყვეტილებების სარეგისტრაციო ჟურნალში, რომლის წარმოებაზეც ვრცელდება ამ ინსტრუქციიით, შემოსული დოკუმენტების სარეგისტრაციო ჟურნალის წარმოებისთვის დადგენილი წესები და რეკვიზიტები, შესაბამისი თავისებურების გათვალისწინებით.“

15³. აუქციონზე შეძენილ ქონებაზე უფლების წარმოშობა

1. „სააღსრულებო წარმოებათა შესახებ “ საქართველოს კანონით დადგენილი წესით ქონების რეალიზაციის შემდეგ ქონების შემძენს გადაეცემა განკარგულება _ აუქციონზე შეძენილ ქონებაზე საკუთრების უფლების წარმოშობის თაობაზე.
2. ზოგიერთი კატეგორიის ქონება, კერძოდ, მექანიკური სატრანსპორტო საშუალებები და სამოქალაქო ცეცხლსასროლი იარაღი, ქონების შემძენს მფლობელობაში გადაეცემა აღსრულების ეროვნული ბიუროს შესაბამის ტერიტორიულ ორგანოში, მარეგისტრირებელი ორგანოს მიერ გაცემული საკუთრების უფლების დამადასტურებელი დოკუმენტის წარდგენის შემდეგ.
3. იმ შემთხვევაში, თუ იძულებით აუქციონს დაექვემდებარება სამოქალაქო ცეცხლსასროლი იარაღი, ქონების შემძენი უნდა აკმაყოფილებდეს საქართველოს კანონმდებლობით დადგენილ მოთხოვნებს.

საქართველოს იუსტიციის მინისტრის 2010 წლის 23 აგვისტოს ბრძანება №157 - სსმ III, №103, 24.08.2010 წ., მუხ.1549

15⁴. ზოგიერთი კატეგორიის საქმეების აღსრულების ეროვნული ბიუროს მიერ მიღება

1. აღსრულების ეროვნული ბიურო უფლებამოსილია აღსასრულებლად მიიღოს 2010 წლის 1 აგვისტომდე კერძო აღმასრულებლის წარმოებაში მიღებული ის საქმეები, სადაც აღსრულების მხარეები არიან ფიზიკური ან/და კერძო სამართლის იურიდიული პირები და თუ სააღსრულებო დოკუმენტის მიხედვით წარმოდგენილი აღსასრულებელი ფულადი მოთხოვნა აღემატება 500 000 ლარს, რომლებზეც სააღსრულებო წარმოება 2010 წლის 1 აგვისტომდე არ არის დამთავრებული (დასრულებული), რომელიც ტერიტორიული ორგანოების მეშვეობით უზრუნველყოფს აღნიშნული საქმეების აღსრულებას „სააღსრულებო წარმოებათა შესახებ “ საქართველოს კანონით დადგენილი წესით.
2. ამ კატეგორიის საქმეებზე კერძო აღმასრულებლის მიერ აღსრულების ეროვნულ ბიუროში გადახდილი სააუქციონო მომსახურებისათვის დადგენილი საფასური, კერძო აღმასრულებელს უბრუნდება უკან, თუ აღსრულების ეროვნული ბიუროს ტერიტორიული ორგანოების მიერ სააუქციონო მომსახურება არ განხორციელებულა.

3. თანხის გადახდევინებასთან დაკავშირებული სააღსრულებო საქმეების რეგისტრაციის დროს კრედიტორი (წარმომადგენელი) ვალდებულია აღსრულების ეროვნულ ბიუროში წარადგინოს საბანკო დაწესებულების მიერ გაცემული კრედიტორის ანგარიშის შესახებ მონაცემები.
4. ნებისმიერი სახის სააღსრულებო ფურცლის აღსრულების ეროვნულ ბიუროში წარდგენის შემთხვევაში, სააღსრულებო ფურცლის წინასწარი ჩაწერის საფუძველზე კრედიტორს (წარმომადგენელს) გადაეცემა ,,განცხადების მიღების ბარათი“, სადაც აღნიშნულია საფასურის წინასწარ გადასახდელი ნაწილის გადახდისათვის საჭირო იდენტიფიკატორის რეკვიზიტები. კრედიტორი ვალდებულია წინასწარი ჩაწერიდან 10 სამუშაო დღის ვადაში გადაიხადოს საფასურის წინასწარ გადასახდელი ნაწილი. აღნიშნულ ვადაში საფასურის წინასწარ გადასახდელი ნაწილის გადაუხდელობის შემთხვევაში წარმოდგენილი დოკუმენტები უბრუნდება კრედიტორს.

მუხლი 15⁵. ყადაღადადებული ქონების აღწერის წესი

1. აღმასრულებელი „სააღსრულებო წარმოებათა შესახებ“ საქართველოს კანონის 48-ე მუხლით გათვალისწინებული „ქონების აღწერისა და დაყადაღების“ აქტის შედგენასთან ერთად ახდენს აღწერილი ნივთების (მოძრავი/უძრავი) ფოტო/ვიდეო გადაღებას.

2. თუ ქონების აღწერისას ფასების დადგენა შეუძლებელია აღმასრულებელი შემფასებელს უგზავნის ნივთის შეფასებისათვის აუცილებელ დოკუმენტაციას, მათ შორის, „ქონების აღწერისა და დაყადაღების“ აქტსა და ფოტო/ვიდეო მასალას.

მუხლი 16. დასკვნითი დებულებანი

ინსტრუქციაში ცვლილებებისა და დამატებების შეტანა ხდება საქართველოს იუსტიციის მინისტრის ბრძანებით.

მუხლი 17. გარდამავალი დებულებანი

შესაბამისი დასაბუთებული მოთხოვნის არსებობის შემთხვევაში, ამ ინსტრუქციის 15¹ მუხლით გათვალისწინებული პროცედურით გაგრძელდეს იმ სააღსრულებო ფურცლების აღსრულება, რომლებზეც მიმდინარეობს წარმოება ამავე მუხლის ამოქმედების მომენტისთვის.

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „,,სააღსრულებო წარმოებათა შესახებ” ინსტრუქციის დამტკიცების თაობაზე““, №221, 30.09.2008, სარეგისტრაციო კოდი 070.010.010.22.027.012.225 (კონსოლიდირებული რედაქცია 29.09.2021). ხელმისაწვდომია: https://legali.ge/law/79660-13/

,,სააღსრულებო წარმოებათა შესახებ” ინსტრუქციის დამტკიცების თაობაზე“

შემდგომი ცვლილებები (1)

წინა ცვლილებები (13)

დოკუმენტის ტექსტი

მუხლი 22. დოკუმენტბრუნვის ელექტრონულ სისტემაში (დეს) კორესპონდენციის რეგისტრაცია🔗

მუხლი 8. საკანცელარიო წიგნის რეკვიზიტები და წარმოება🔗

მუხლი 151 (ამოღებულია)🔗

მუხლი 155. ყადაღადადებული ქონების აღწერის წესი🔗

მუხლი 1. ზოგადი დებულებანი🔗

მუხლი 2. კორესპონდენციის მიღება და რეგისტრაცია🔗

მუხლი 22. დოკუმენტბრუნვის ელექტრონულ სისტემაში (დეს) კორესპონდენციის რეგისტრაცია🔗

მუხლი 4. მოქალაქეთა მიღება🔗

მუხლი 5. სტატისტიკური ინფორმაციის წარმოდგენის პერიოდულობა და წესი🔗

მუხლი 7. აღმასრულებლის მიერ სამსახურებრივი ბეჭდის გამოყენება🔗

მუხლი 8. საკანცელარიო წიგნის რეკვიზიტები და წარმოება🔗

მუხლი 10. სააღსრულებო საქმის წარმოებისათვის აუცილებელი დოკუმენტები🔗

მუხლი 11. სააღსრულებო ბიუროს კანცელარიის (სპეციალისტის) ფუნქციები🔗

მუხლი 15. სააღსრულებო საქმისწარმოების მონიტორინგი და პასუხისმგებლობა🔗

მუხლი 16. დასკვნითი დებულებანი🔗

მუხლი 151 (ამოღებულია)🔗

მუხლი 155. ყადაღადადებული ქონების აღწერის წესი🔗

როგორ დავიმოწმოთ