სოფლის ექიმის კერძო პრაქტიკის განვითარების ხელშეწყობის მიზნობრივი სახელმწიფო პროგრამის შესახებ

საქართველოს მთავრობის

დადგენილება №62

2008 წლის 17 მარტი

ქ. თბილისი

სოფლის ექიმის კერძო პრაქტიკის განვითარების ხელშეწყობის მიზნობრივი სახელმწიფო პროგრამის შესახებ

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ე“ ქვეპუნქტისა და „საქართველოს 2008 წლის სახელმწიფო ბიუჯეტის შესახებ“ საქართველოს კანონის 48-ე მუხლის 22-ე პუნქტის საფუძველზე:

1. დამტკიცდეს სოფლის ექიმის კერძო პრაქტიკის განვითარების ხელშეწყობის მიზნობრივი სახელმწიფო პროგრამის განხორციელების პრინციპები, წესი და პირობები (დანართი №1) და სოფლად პირველადი ჯანდაცვის სამედიცინო პრაქტიკის სტანდარტული აღჭურვილობის ნუსხა (დანართი №2).

2. „სახელმწიფო შესყიდვების შესახებ“ საქართველოს კანონის მე-10 მუხლის მე-3 პუნქტის „ე“ ქვეპუნქტის შესაბამისად სსიპ – ჯანმრთელობისა და სოციალური დაცვის პროექტების განმახორციელებელმა ცენტრმა „საქართველოს 2008 წლის სახელმწიფო ბიუჯეტის შესახებ“ საქართველოს კანონით სოფლის ექიმის კერძო პრაქტიკის განვითარების ხელშეწყობის მიზნობრივი სახელმწიფო პროგრამის (ორგანიზაციული კოდი 35 23 06) შეუფერხებელი განხორციელებისათვის საჭირო შესყიდვები განახორციელოს ერთ პირთან მოლაპარაკების საშუალებით.

3. საქართველოს ფინანსთა სამინისტრომ (ნ. გილაური) უზრუნველყოს პროგრამის განხორციელებისათვის საჭირო საბიუჯეტო გეგმის ცვლილება.

4. დადგენილება ამოქმედდეს გამოქვეყნებისთანავე.

პრემიერ-მინისტრი ვ. გურგენიძე

შეტანილი ცვლილებები:

 1. საქართველოს მთავრობ ის 2008 წლის 24 მარტ ის დადგენი ლება №72 - სსმ III, №45, 25.03.2008 წ., მუხ.504

 2. საქართველოს მთავრობ ის 2008 წლის 24 ოქტომბრ ის დადგენი ლება №210 - სსმ III, №156, 28.10.2008 წ., მუხ.1547

დანართი №1

სოფლის ექიმის კერძო პრაქტიკის განვითარების ხელშეწყობის მიზნობრივი სახელმწიფო პროგრამის განხორციელების პრინციპები, წესი და პირობები

1. სოფლის ექიმის კერძო პრაქტიკის განვითარების ხელშეწყობის მიზნობრივ სახელმწიფო პროგრამას (შემდგომში – პროგრამა) ახორციელებს სსიპ – ჯანმრთელობისა და სოციალური დაცვის პროექტების განმახორციელებელი ცენტრი.

2. პროგრამის ბენეფიციარები არიან:

ა) სოფლად პირველადი ჯანდაცვის სახელმწიფო პროგრამის ფარგლებში მომსახურების მიმწოდებელი ექიმები, რომლებიც არ არიან დასაქმებულნი ახლად რეაბილიტირებულ/აღჭურვილ სოფლის ამბულატორიებში;

ბ) ადმინისტრაციულ-ტერიტორიულ ერთეულებში (ახმეტის, გურჯაანის, დედოფლისწყაროს, თელავის, ლაგოდეხის, საგარეჯოს, სიღნაღისა და ყვარლის მუნიციპალიტეტები) სოფლად პირველადი ჯანდაცვის სახელმწიფო პროგრამის ფარგლებში მომსახურების მიმწოდებელი ექიმები.

საქართველოს მთავრობ ის 2008 წლის 24 ოქტომბრ ის დადგენი ლება № 210 - სსმ III, № 156 , 28 . 10 .200 8 წ., მუხ. 1547

3. პროგრამა ითვალისწინებს შემდეგ ღონისძიებებს:

ა) პროგრამის ბენეფიციარებისათვის ფულადი გასაცემლის დარიგებას 2 000 ლარის ოდენობით, სოციალური დახმარების სახით;

ბ) №2 დანართით გათვალისწინებული სოფლად პირველადი ჯანდაცვის სამედიცინო პრაქტიკის სტანდარტული აღჭურვილობის შეძენას და პროგრამის ბენეფიციარებისათვის გადაცემას, საქართველოს მოქმედი კანონმდებლობის შესაბამისად.

4. ადგილობრივი თვითმმართველობის ორგანოებმა საქართველოს შრომის, ჯანმრთელობისა და სოციალური დაცვის სამინისტროს ორი კვირის განმავლობაში მიაწოდონ პროგრამის ბენეფიციართა დაზუსტებული სია (პირადი ნომრებისა და საბანკო ანგარიშების მითითებით), რომლის საფუძველზეც სსიპ – ჯანმრთელობისა და სოციალური დაცვის პროექტების განმახორციელებელი ცენტრი განახორციელებს ფულადი გასაცემლის გაცემას 2 000 ლარის ოდენობით, სოციალური დახმარების სახით.

4^​1. სსიპ – ჯანმრთელობისა და სოციალური დაცვის პროექტების განმახორციელებელმა ცენტრმა უზრუნველყოს №2 დანართით გათვალისწინებული შესყიდული აღჭურვილობის შესაბამისი ადგილობრივი თვითმმართველობის ორგანოებისათვის მიწოდება (შენახვის მიზნით), მოქმედი კანონმდებლობის შესაბამისად.

საქართველოს მთავრობ ის 2008 წლის 24 მარტ ის დადგენი ლება № 72 - სსმ III, № 45 , 25 . 03 .200 8 წ., მუხ. 504

5. საქართველოს ეკონომიკური განვითარების სამინისტრომ (ე. შარაშიძე) შრომის, ჯანმრთელობისა და სოციალური დაცვის სამინისტროს წინადადების საფუძველზე, საქართველოს მთავრობასთან შეთანხმებით უზრუნველყოს „სახელმწიფო ქონების და ადგილობრივი თვითმმართველი ერთეულის ქონების პრივატიზებისა და სარგებლობის უფლებით გადაცემის შესახებ“ საქართველოს კანონით გათვალისწინებული პრივატიზების შესაბამისი ფორმის გამოყენების შესახებ სათანადო გადაწყვეტილების მომზადება №2 დანართით გათვალისწინებული აღჭურვილობის პროგრამის ბენეფიციარებისათვის საკუთრების უფლებით გადასაცემად.

საქართველოს მთავრობ ის 2008 წლის 24 მარტ ის დადგენი ლება № 72 - სსმ III, № 45 , 25 . 03 .200 8 წ., მუხ. 504

6. ეთხოვოთ შესაბამის ადგილობრივ თვითმმართველობის ორგანოებს ხელი შეუწყონ პროგრამით გათვალისწინებული აღჭურვილობის ბენეფიციარებისათვის მიწოდებას თავიანთ გამგებლობას მიკუთვნებულ ადმინისტრაციულ-ტერიტორიულ ერთეულებში.

დანართი №2

სოფლად პირველადი ჯანდაცვის სამედიცინო პრაქტიკის სტანდარტული აღჭურვილობის ნუსხა

ავეჯი რაოდენობა

1. საოფისე მაგიდა – 1

2. საოფისე სკამი – 4

3. საოფისე კარადა – 1

4. გასასინჯი ტახტი – 1

5. სამანიპულაციო მაგიდა – 1

6. ახალშობილის შესახვევი მაგიდა – 1

7. სასტერილიზაციო მაგიდა – 1

8. სამედიცინო დანიშნულების კარადა – 1

სამედიცინო აღჭურვილობა

9. ელექტროკარდიოგრაფი – 1

10. ოტოსკოპი/ოფთალმოსკოპი – 1

11. ინჰალატორი – 1

12. გლუკომეტრი – 1

13. მოზრდილთა სასწორი – 1

14. ახალშობილთა სასწორი – 1

15. სფიგმომანომეტრი და ფონენდოსკოპი – 1

16. თერმომეტრი – 3

17. ბიქსი – 1

18. ინსტრუმენტების ნაკრები მცირე ქირურგიული მანიპულაციებისათვის – 1

19. თირკმლისებური ჭურჭელი – 2

20. ელექტროკარდიოგრაფის ქაღალდი – 1

21. გლუკომეტრის სტრიპები – 100ც.

Annotate