„საქართველოს ლტოლვილთა და განსახლების სამინისტროს სისტემის მოსამსახურეთა კონკურსისა და ატესტაციის ჩატარების წესისა და საკონკურსო-საატესტაციო კომისიის დებულების დამტკიცების შესახებ“

სახელმწიფო სარეგისტრაციო კოდი 010.320.040.22.029.013.173

საქართველოს ლტოლვილთა და განსახლების

მინისტრის ბრძანება №74

2009 წლის 10 ივნისი

ქ. თბილისი

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს სისტემის მოსამსახურეთა კონკურსისა და ატესტაციის ჩატარების წესისა და საკონკურსო-საატესტაციო კომისიის დებულების დამტკიცების შესახებ

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 7 ოქტომბრის ბრძანება № 101 -სსმIII,№130,11.10.2010წ.,მუხ.188 6

საჯარო სამსახურის შესახებ“ საქართველოს კანონის, „საჯარო თანამდებობათა დასაკავებელი კონკურსის ჩატარების წესის დამტკიცების შესახებ“ საქართველოს პრეზიდენტის 2009 წლის 5 თებერვლის № 46 ბრძანებულების, „საჯარო მოხელეთა ატესტაციის წესის დამტკიცების შესახებ“ საქართველოს პრეზიდენტის 2009 წლის 5 თებერვლის № 47 ბრძანებულების და „საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს დებულების დატკიცების შესახებ“ საქართველოს მთავრობის 2008 წლის 22 თებერვლის № 34 დადგენილებით დამტკიცებული საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს დებულების მე-4 მუხლის მე-2 პუნქტის „რ“ ქვეპუნქტის საფუძველზე, ვბრძანებ,

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 7 ოქტომბრის ბრძანება № 101 -სსმIII,№130,11.10.2010წ.,მუხ.188 6

1. დამტკიცდეს საქართვველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს სისტემის მოსამსახურეთა კონკურსისა და ატესტაციის ჩატარების წესი და საკონკურსო-საატესტაციო კომისიის თანდართული დებულება.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 7 ოქტომბრის ბრძანება № 101 -სსმIII,№130,11.10.2010წ.,მუხ.188 6

2. ბრძანება ამოქმედდეს გამოქვეყნებისთანავე.

კ. სუბელიანი

შეტანილი ცვლილებები:

1.საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 7 ოქტომბრის ბრძანება №101-სსმIII,№130,11.10.2010წ.,მუხ.1886

2. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2011 წლის 9 თებერვლის ბრძანება №14 - ვებგვეერდი, 10.02.2011 წ.

3. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2012 წლის 8 აგვისტოს ბრძანება №93 - ვებგვერდი, 10.08.2012წ.

 

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს სისტემის მოსამსახურეთა კონკურსისა და ატესტაციის ჩატარების წესი და საკონკურსო-საატესტაციო კომისიის დებულება

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 7 ოქტომბრის ბრძანება № 101 -სსმIII,№130,11.10.2010წ.,მუხ.188 6

 

თავი I. ზოგადი დებულებანი

    მუხლი 1. გამოყენების სფერო

1. ეს დებულება შემუშავებულია „საჯარო სამსახურის შესახებ“ საქართველოს კანონის შესაბამისად. იგი განსაზღვრავს საჯარო მოსამსახურეთა კონკურსისა და ატესტაციის ჩატარებისა და საკონკურსო-საატესტაციო კომისიის საქმიანობის წესებს.

2. ეს დებულება ვრცელდება საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს (შემდგომში – სამინისტრო) სტრუქტურული ქვედანაყოფების და მისი ტერიტორიული ორგანოების საჯარო მოსამსახურეებზე.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 7 ოქტომბრის ბრძანება № 101 -სსმIII,№130,11.10.2010წ.,მუხ.188 6

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2011 წლის 9 თებერვლის ბრძანება №14 - ვებგვეერდი, 10.02.2011 წ.

თავი II. საკუნკურსო-საატესტაციო კომისია

    მუხლი 2. კომისიის შემადგენლობა

1. საკონკურსო-საატესტაციო კომისიის (შემდგომში – კომისია) შემადგენლობაში შედიან კომისიის თავმჯდომარე, თავმჯდომარის მოადგილე და კომისიის წევრები.

2. კომისიის თავმჯდომარეს საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის (შემდგომში – მინისტრი) წარდგინებით ნიშნავს საჯარო სამსახურის ბიუროს უფროსი. კომისიის თავმჯდომარე განსაზღვრავს კომისიის წევრთა რაოდენობასა და შემადგენლობას, კომისიის წევრთაგან ნიშნავს თავმჯდომარის მოადგილეს, რომელიც ცვლის მას არყოფნის შემთხვევაში.

3. კომისიის შემადგენლობაში შეიძლება მოწვეულ იქნენ დამოუკიდებელი სპეციალისტები.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2010 წლის 7 ოქტომბრის ბრძანება № 101 -სსმIII,№130,11.10.2010წ.,მუხ.188 6

    მუხლი 3. კომისიის სპეციალიზებული შემადგენლობა

საჭიროების შემთხვევაში, საქართველოს კანონმდებლობით დადგენილი წესით, კომისიის თავმჯდომარეს შეუძლია შექმნას კომისიის სპეციალიზებული შემადგენლობა, ასეთის შექმნის შემთხვევაში საკონკურსო-საატესტაციო კომისიის თავმჯდომარე ნიშნავს სპეციალიზებული კომისიის თავმჯდომარეს.

    მუხლი 4. კომისიის წევრთა დანიშვნის წესი

კომისიის წევრებს ნიშნავს კომისიის თავმჯდომარე შემდეგი წესით:

ა) დაქვემდებარებაში მყოფი მოხელეები ინიშნებიან საკუთარი სურვილით და მათი პროფესიული დონის გათვალისწინებით;

ბ) მოწვეული სპეციალისტები (მეცნიერები და დამოუკიდებელი სპეციალისტები) ინიშნებიან მათი თანხმობით.

    მუხლი 5. კომისიის რეგლამენტი

1. კომისიის წევრებს შორის მოვალეობებს ანაწილებს და მუშაობის რეჟიმს განსაზღვრავს კომისიის თავმჯდომარე.

2. კომისიის წევრს აქვს ერთი ხმის უფლება, კომისიის სხდომა უფლებამოსილია, თუ მას ესწრება კომისიის წევრთა ნახევარზე მეტი.

3. კომისიის გადაწყვეტილება ფორმდება სხდომის ოქმით, რომელსაც ხელს აწერს კომისიის თავმჯდომარე და დამსწრე წევრები. კომისიის წევრს უფლება აქვს თავისი განსხვავებული გადაწყვეტილება დაურთოს ოქმს, რის შესახებაც ოქმში კეთდება შესაბამისი ჩანაწერი.

4. სამინისტროს ადმინისტრაციული დეპარტამენტის კადრების სამმართველო და მატერიალურ-ტექნიკური უზრუნველყოფის სამმართველო უზრუნველყოფენ მოსამსახურეთა ვაკანტურ თანამდებობაზე კონკურსის მოწყობისა და ატესტაციის ჩატარებას.

    მუხლი 6. საპრეტენზიო კომისია

1. კონკურსის პროცედურებსა და შედეგებთან დაკავშირებული პრეტენზიების განხილვის მიზნით, მინისტრის ბრძანებით იქმნება საპრეტენზიო კომისია, რომლის შემადგენლობაში შედიან კომისიის თავმჯდომარე, თავმჯდომარის მოადგილე (თავმჯდომარის არყოფნის შემთხვევაში ასრულებს მის მოვალეობებს) და კომისიის წევრები.

2. საპრეტენზიო კომისიის წევრების შემადგენლობას და რაოდენობას განსაზღვრავს მინისტრი. კომისიის წევრი, რომელიც მონაწილეობდა კონკურსის რომელიმე ეტაპის ჩატარებაში, არ შეიძლება იყოს საპრეტენზიო კომისიაში.

3. საპრეტენზიო კომისია უფლებამოსილია, თუ მას ესწრება წევრთა ნახევარზე მეტი. საპრეტენზიო კომისიის გადაწყვეტილება მიიღება ხმათა უბრალო უმრავლესობით, დამსწრე წევრთა საერთო რიცხვიდან. ხმების თანაბრად განაწილების შემთხვევაში საპრეტენზიო კომისიის თავმჯდომარის ხმა ითვლება გადამწყვეტად. საპრეტენზიო კომისიის წევრს უფლება აქვს თავისი განსხვავებული აზრი დაურთოს ოქმს, რის შესახებაც ოქმში კეთდება შესაბამისი ჩანაწერი.

4. საპრეტენზიო კომისიის გადაწყვეტილება ფორმდება სხდომის ოქმით, რომელსაც ხელს აწერს საპრეტენზიო კომისიის თავმჯდომარე და წევრები.

5. კონკურსანტს საპრეტენზიო კომისიისადმი მიმართვის უფლება აქვს კონკურსის ყოველი ეტაპის შედეგების გამოცხადებიდან არა უგვიანეს 2 დღისა. საპრეტენზიო კომისიის სახელზე შეტანილი განცხადება განიხილება არა უმეტეს 3 დღეში. მიღებული გადაწყვეტილების თანახმად შედგება ოქმი გამოვლენილი ხარვეზის შესახებ და საბოლოო გადაწყვეტილების მისაღებად წარედგინება საკონკურსო-საატესტაციო კომისიას.

6. საბოლოო გადაწყვეტილებას იღებს საკონკურსო-საატესტაციო კომისია საპრეტენზიო კომისიის გადაწყვეტილების გათვალისწინებით. საკონკურსო-საატესტაციო კომისიას უფლება აქვს, საჭიროების შემთხვევაში, მოიწვიოს გაფართოებული სხდომა საპრეტენზიო კომისიის წევრთა მონაწილეობით.

თავი III. კონკურსი

    მუხლი 7. კონკურსის მიზანი

კონკურსის მიზანია ვაკანტურ თანამდებობაზე დასანიშნად მაღალკვალიფიციური კადრების შერჩევა.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2011 წლის 9 თებერვლის ბრძანება №14 - ვებგვეერდი, 10.02.2011 წ.

    მუხლი 8. კონკურსის გამოცხადება

1. კონკურსს მოხელის ვაკანტური თანამდებობის დასაკავებლად აცხადებს საჯარო სამსახურის ბიუროს უფროსი, ამ თანამდებობაზე დანიშვნის უფლების მქონე პირის წინადადებით.

2. კონკურსი ცხადდება ოფიციალურ ბეჭვდით ორგანოში, კანდიდატებს განცხადების შესატანად ეძლევათ ორკვირიანი ვადა შეტყობინების გამოქვეყნების დღიდან.

3. შეტყობინება კონკურსის შესახებ უნდა შეიცავდეს შემდეგ მონაცემებს:

ა) სახაზინო(საბიუჯეტო) დაწესებულების და კონკურსის წესით შესავსები თანამდებობის დასახელებას;

ბ) კანდიდატისთვის წაყენებულ მოთხოვნებს;

გ) თანამდებობრივი სარგოს ოდენობას;

დ) განცხადებისა და სხვა აუცილებელი დოკუმენტების წარდგენის ვადას;

ე) საკონკურსო-საატესტაციო კომისიის მისამართს.

4. კონკურსის პროცედურის დაწყება შესაძლებელია კონკურსის შესახებ შეტყობინების გამოქვეყნების დღიდან არა უადრეს 3 კვირისა.

    მუხლი 9. კომისიის სამდივნო

1. კონკურსის ორგანიზებულად ჩატარების მიზნით კომისიის თავმჯდომარეს უფლება აქვს შექმნას კომისიის სამდივნო. სამდივნოს ხელმძღვანელობს სამდივნოს უფროსი, რომელიც სამდივნოს წევრებთან ერთად ინიშნება კომისიის თავმჯდომარის მიერ.

2. სამდივნოს ევალება კონკურსის მოსამზადებლად ყველა აუცილებელი ორგანიზაციული საკითხების გადაწყვეტა, მათ შორის, კანდიდატთა განცხადებების მიღება, მათ მიერ წარდგენილი დოკუმენტების დადგენილ მოთხოვნებთან შესაბამისობის შემოწმება და დოკუმენტების კომიისთვის წარდგენა.

3. კონკურსის დამთავრებისა და მისი შედეგების გამოქვეყნების შემდეგ სამდივნო წყვეტს არსებობას.

    მუხლი 10. მოთხოვნები, რომლებიც წაეყენება მოხელის კანდიდატს

მოხელის კანდიდატი შეიძლება იყოს საქართველოს ქმედუნარიანი მოქალაქე, რომელსაც აქვს სათანადო ცოდნა და გამოცდილება, მიაღწია 21 წლის ასაკს და ფლობს საქართველოს სახელმწიფო ენას.

    მუხლი 11. კონკურსისათვის წარსადგენი საბუთები

1. კონკურსში მონაწილეობის მისაღებად კანდიდატმა უნდა წარადგინოს:

ა) განცხადება კომისიის სახელზე;

ბ) CurriculumVitae (რეზიუმე);

გ) განათლებისა და შესაბამისი კვალიფიკაციის დამადასტურებელი დოკუმენტების ასლები;

დ) პირადობის დამადასტურებელი მოწმობის (ID ბარათი ს ) ასლი;

ე) 2 ფერადი ფოტოსურათი (3X4);

ვ) შრომის წიგნაკის ასლი (ასეთის არსებობის შემთხვევაში).

2. საბუთების ჩაბარებისას კანდიდატმა უნდა წარადგინოს ამ მუხლის პირველი პუნქტის  „გ“, „დ“ და „ვ“ ქვეპუნქტებით გათვალისწინებული დოკუმენტების დედნები, რომელთა ასლების ნამდვილობის შემოწმების შემდეგ დოკუმენტების დედნები დაუბრუნდება კანდიდატს.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2011 წლის 9 თებერვლის ბრძანება №14 - ვებგვეერდი, 10.02.2011 წ.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2012 წლის 8 აგვისტოს ბრძანება №93 - ვებგვერდი, 10.08.2012წ.

    მუხლი 12. კონკურსის პირობები

1. კონკურსი შეიძლება მოიცავდეს შემდეგ ეტაპებს:

 ა) წერითი დავალება;

 ბ) სხვადასხვა სახის ტესტირება;

 გ) გასაუბრება.

2. წერითი დავალების, გასაუბრების ან/და ტესტირების თემატიკის შესახებ კანდიდატები კონკურსამდე ერთი კვირით ადრე მაინც უნდა იყვნენ ინფორმირებულნი.

    მუხლი 13. ტესტირება

1. ტესტირება ტარდება წერილობითი ფორმით. ტესტირების თემატიკას და პროგრამას დასაკავებელი თანამდებობის სპეციფიკის გათვალისწინებით განსაზღვრავს კომისია მინისტრთან შეთანხმებით.

2. ტესტირების პროგრამა ექვემდებარება გამოქვეყნებას.

3. კონკურსანტმა დადებითი შეფასების მისაღებად სწორად უნდა უპასუხოს შეთავაზებული ტესტების 75%-ს

    მუხლი 14. გასაუბრება

კანდიდატის პროფესიული ჩვევების, კვალიფიკაციის, შესაძლებლობებისა და პირადული თვისებების დასაკავებელი თანამდებობისადმი წაყენებულ მოთხოვნებთან შესაბამისობის შეფასება შესაძლებელია ზეპირი გასაუბრების გზით.

    მუხლი 15. კომისიის მიერ კანდიდატურების განხილვა

კომისია ტესტირების ან/და გასაუბრების შედეგებს განიხილავს კანდიდატების დაუსწრებლად.

    მუხლი 16. კენჭისყრის წესი და გადაწყვეტილების მიღება

1. გადაწყვეტილების მისაღებად კომისია თავის სხდომაზე ატარებს კენჭისყრას.

2. კონკრეტულ ვაკანტურ თანამდებობაზე კონკურსში მონაწილე ყველა კანდიდატს კენჭი ეყრება ცალ-ცალკე.

3. კომისიის გადაწყვეტილება მიიღება ღია კენჭისყრით ხმათა უბრალო უმრავლესობით, დამსწრე წევრთა საერთო რიცხვიდან. ხმების თანაბრად განაწილების შემთხვევაში კომისიის თავმჯდომარის ხმა ითვლება გადამწყვეტად.

4. კონკურსში გამარჯვებულ კანდიდატზე იწერება მოტივირებული დასკვნა, რომელსაც ხელს აწერენ კომისიის თავმჯდომარე და დამსწრე წევრები.

    მუხლი 17. კონკურსის შედეგები

1. ვაკანტურ თანამდებობაზე დასანიშნად კომისია წამოაყენებს ერთ კანდიდატს ან უარს აცხადებს კანდიდატის წამოყენებაზე.

2. კომისიის თავმჯდომარე, მისი არყოფნის შემთხვევაში კი კომისიის თავმჯდომარის მოადგილე, გადაწყვეტილების გამოტანიდან არა უგვიანეს 5 დღისა, წერილობით აცნობებს ყველა კანდიდატს მის მიმართ გამოტანილი გადაწყვეტილების თაობაზე.

2^​1. ამ მუხლის მე-2 პუქნტის შესაბამისად, კანდიდატის მიმართ გამოტანილ გადაწყვეტილებასთან ერთად, კონკურსში გამარჯვებულ კანდიდატს წერილობით ეცნობება „საჯარო სამსახურის შესახებ“ საქართველოს კანონის 25-ე მუხლის პირველ პუნქტში ჩამოთვლილ ი დოკუმენტების წარდგენის ვალდებულების თაობაზე.

3. კონკურსის საბოლოო შედეგების შესახებ მინისტრს მოხსენდება კონკურსის დასრულებიდან ერთი კვირის ვადაში.

4. მინისტრი კომისიის დასკვნის საფუძველზე იღებს გადაწყვეტილებას პირის ვაკანტურ თანამდებობაზე დანიშვნის თაობაზე.

5. (ამოღებულია - 08.08.2012, №93).

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2012 წლის 8 აგვისტოს ბრძანება №93 - ვებგვერდი, 10.08.2012წ.

    მუხლი 18. ჩაშლილი კონკურსი

 კონკურსი ითვლება ჩაშლილად, თუ მასში მონაწილეობის მისაღებად არ იქნება წარდგენილი არც ერთი განცხადება, აგრეთვე იმ შემთხვევაში, თუ კომისია უარს განაცხადებს თანამდებობაზე დასანიშნად კანდიდატის წამოყენებაზე.

თავი IV. ატესტაცია

    მუხლი 19. ატესტაციის მიზანი

ატესტაციის მიზანია მოხელის პროფესიული ჩვევების, კვალიფიკაციის, შესაძლებლობების და პიროვნული თვისებების დაკავებულ (ან დასაკავებელ) თანამდებობაზე წაყენებულ მოთხოვნებთან შესაბამისობის შეფასება.

    მუხლი 20. ატესტაციას დაქვემდებარებული პირები

1. ატესტაციას ექვემდებარება:

ა) მოხელე 3 წელიწადში ერთხელ (საატესტაციო პერიოდი);

ბ) კანდიდატი მოხელის თანამდებობაზე, თუ თანამდებობა კონკურსის წესით უნდა დაიკავონ;

გ) მოხელე, რომელიც წამოყენებულია სამსახურებრივი დაწინაურებისათვის;

დ) (ამოღებულია - 09.02.2011 წ., №14);

 2. ატესტაციას არ ექვემდებარება:

ა) მოხელე, რომელიც სამსახურში მიიღება განსაზღვრული ვადით;

ბ) მოხელე, რომელსაც თანამდებობაზე ნიშნავს ან ირჩევს შესაბამისად საქართველოს პრეზიდენტი, საქართველოს პრემიერ-მინისტრი, პარლამენტი, პარლამენტის თავმჯდომარე.

3. მოხელე, რომელიც საატესტაციო პერიოდის ბოლო წლის განმავლობაში სამსახურებრივ მოვალეობებს ასრულებდა 6 თვეზე ნაკლები ვადით, ატესტაციას ექვემდებარება მომავალ წელს.

4. მოხელე, რომელსაც უფლებამოსილება შეჩერებული აქვს „საჯარო სამსახურის შესახებ“ საქართველოს კანონის 89-ე მუხლის „ბ“, „გ“, „ე“ და „ვ“ ქვეპუნქტებით გათვალისწინებულ შემთხვევებში, ატესტაციას გადის უფლებამოსილების აღდგენიდან არანაკლებ ერთი თვის შემდეგ.

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2011 წლის 9 თებერვლის ბრძანება №14 - ვებგვეერდი, 10.02.2011 წ.

    მუხლი 21. ატესტაციის დრო

1. ატესტაციის ჩატარების დროს განსაზღვრავს მინისტრი, კომისიის თავმჯდომარესთან შეთანხმებით.

2. ატესტაციას დაქვემდებარებულ მოხელეთა სიას და ატესტაციის ჩატარების გრაფიკს ამზადებს სამინისტროს ადმინისტრაციული დეპარტამენტის კადრების სამმართველო და კომისიის თავმჯდომარის წარდგინებით ამტკიცებს მინისტრი.

3. ატესტაციის გრაფიკი, ინფორმაცია ატესტაციის ჩატარების პრინციპების, პროცედურების, ფორმებისა და პირობების შესახებ ატესტაციას დაქვემდებარებულ პირს უნდა ეცნობოს ატესტაციის დაწყებამდე ორი კვირით ადრე მაინც.

4. ამ მუხლის მე-3 პუნქტში აღნიშნული ინფორმაციის საჯაროობას უზრუნველყოფს საკონკურსო-საატესტაციო კომისიის თავმჯდომარე.

    მუხლი 22. ატესტაციის ჩატარების წესი

1. ატესტაციას ატარებს სამინისტროს საკონკურსო-საატესტაციო კომისია.

2. ატესტაციის პროცესის დაწყებამდე ერთი კვირით ადრე ატესტაციას დაქვემდებარებული მოხელის უშუალო ხელმძღვანელი სამინისტროს ადმინისტრაციული დეპარტამენტის კადრების სამმართველოში წარადგენს დახასიათებას (დანართი №1). იმავე ფორმას ავსებს და წარადგენს სამინისტროს ადმინისტრაციული დეპარტამენტის კადრების სამმართველოში ატესტაციას დაქვემდებარებული მოხელე.

3. მოხელეს უფლება აქვს ატესტაციის დაწყებამდე გაეცნოს ხელმძღვანელის მიერ მასზე შედგენილ დახასიათებას.

4. ატესტაციის ჩატარებისათვის შესაბამისი დოკუმენტაციის მომზადებას უზრუნველყოფს სამინისტროს ადმინისტრაციული დეპარტამინტის კადრების სამმართველო.

5. ატესტაცია შესაძლებელია ჩატარდეს შემდეგი ფორმით: სხვადასხვა სახის ტესტირება, წერითი დავალება ან/და გასაუბრება.

6. ატესტაციის ჩატარების ფორმებს, სატესტო მეთოდიკებს და თემატიკას, მოხელის მიერ დაკავებული თანამდებობის სპეციფიკის გათვალისწინებით, განსაზღვრავს საკონკურსო-საატესტაციო კომისია მინისტრთან შეთანხმებით.

7. გასაუბრების პროცესში დაკავებულ თანამდებობასთან მოხელის შესაბამისობის დადგენის მიზნით, კომისია ისმენს მოხელის ანგარიშს საატესტაციო პერიოდში გაწეული საქმიანობის შესახებ, ამოწმებს მის პროფესიულ დონესა და კვალიფიკაციას დადგენილ თემატიკასა და სამსახურებრივ მოვალეობასთან დაკავშირებულ საკითხებში.

8. ატესტაციის დროს მოხელესთან გასაუბრების პროცესს შეიძლება დაესწროს იმ სტრუქტურული დანაყოფის ხელმძღვანელი, რომელშიც მოხელე მუშაობს.

9. ატესტაციაზე არასაპატიო მიზეზით მოხელის გამოუცხადებლობის შემთხვევაში კომისია იღებს გადაწყვეტილებას, რომ მოხელე არ შეესაბამება დაკავებულ თანამდებობას.

    მუხლი 23. მოხელის შეფასება და გადაწყვეტილების მიღება

1. ატესტაციისას კენჭისყრისა და გადაწყვეტილების მიღების წესი განისაზღვრება ამ დებულების მე-16 მუხლის შესაბამისად.

2. ატესტაციის შედეგების მიხედვით კომისიას გამოაქვს ერთ-ერთი შემდეგი გადაწყვეტილება:

ა) მოხელე შეესაბამება დაკავებულ თანამდებობას და ექვემდებარება დაწინაურებას;

ბ) მოხელე შეესაბამება დაკავებულ თანამდებობას;

გ) მოხელე ნაწილობრივ შეესაბამება დაკავებულ თანამდებობას (საჭიროებს კვალიფიკაციის ამაღლებას);

დ) მოხელე არ შეესამება დაკავებულ თანამდებობას.

    მუხლი 24. ატესტაციის შედეგები

1. კომისია ვალდებულია თოთოეული მოხელის ატესტაციის შედეგების შესახებ მოამზადოს დასკვნა, რომელიც ფორმდება სხდომის ოქმით და ხელს აწერენ კომისიის თავმჯდომარე და წევრები.

2. ატესტაციის შედეგები შეტანილ უნდა იქნეს საატესტაციო ფურცელში (დანართი №2), რომელიც ივსება ერთ პირად და დახასიათებასთან ერთად თან ერთვის მოხელის პირად საქმეს. საატესტაციო ფურცელს ხელს აწერენ კომისიის თავმჯდომარე და წევრები.

3. მოხელე ეცნობა და ხელს აწერს საატესტაციო ფურცელს შევსებიდან ორი დღის ვადაში.

4. ატესტაციის შედეგების შესახებ კომისია მინისტრს მოახსენებს ატესტაციის პროცესის დასრულებიდან ერთ კვირაში.

5. მინისტრი კომისიის დასკვნისა და რეკომენდაციის საფუძველზე იღებს გადაწყვეტილებას საკლასო ჩინის მინიჭების/ჩამორთმევის, კვალიფიკაციის ამაღლების, დაკავებული თანამდებობიდან გათავისუფლების ან მოხელის დაწინაურება/დაქვეითების შესახებ ატესტაციის დასრულებიდან სამი კვირის განმავლობაში, საქართველოს კანონმდებლობით დადგენილი წესით.

6. თუ ატესტაციის საფუძველზე მიღებული გადაწყვეტილების თანახმად, მოხელე არ შეესაბამება ან ნაწილობრივ შეესაბამება დაკავებულ თანამდებობას და იგი სხვა თანამდებობის დაკავებაზე ან კვალიფიკაციის ამაღლებაზე უარს აცხადებს, დამნიშვნელ პირს უფლება აქვს მოხელე გაათავისუფლოს დაკავებული თანამდებობიდან.

7. ატესტაციის დასრულებიდან ერთ თვეში საჯარო სამსახურის ბიუროს უნდა გადაეგზავნოს ინფორმაცია ატესტაციის ჩატარების შესახებ: ატესტაციის ჩატარების ფორმების, გამოყენებული მეთოდიკებისა და პროცედურების, შედეგებისა და სხვა მონაცემთა მითითებით.

თავი V. დავების გადაწყვეტა

    მუხლი 25. ატესტაციასთან/კონკურსთან დაკავშირებული დავების გადაწყვეტა

დავები, რომლებიც წარმოიშობა ატესტაციასთან/ კონკურსთან დაკავშირებით, წყდება საქართველოს კანონმდებლობის შესაბამისად.

თავი VI. (ამოღებულია)

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2011 წლის 9 თებერვლის ბრძანება №14 - ვებგვეერდი, 10.02.2011 წ.

    მუხლი 26. (ამოღებულია)

საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2011 წლის 9 თებერვლის ბრძანება №14 - ვებგვეერდი, 10.02.2011 წ.

 დანართი №1

 

 

მოხელის დახასიათება

 

სახელი, გვარი –––––––––––––––––––––––––––––––––––––––––––––––––––––––––––––

დაკავებული თანამდებობა ––––––––––––––––––––––––––––––––––––––––––––––––––

სამსახურებრივი მოვალეობების ჩამონათვალი ––––––––––––––––––––––––––––––––

საატესტაციო პერიოდში შესრულებულ საკითხთა ჩამონათვალი

და შედეგების შეფასება

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

 

პროფესიული და ინდივიდუალური ჩვევები

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

 

დადებითი და უარყოფითი მხარეები

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

 

წახალისება

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

 

დისციპლინური პასუხისმგებლობის ზომები

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

 

წინადადებები კვალიფიკაციის ამაღლების, წახალისების, თანამდებობრივი დაწინაურების, სპეციალური წოდების ან საკლასო ჩინის მინიჭების შესახებ

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

 

ხელმოწერა ––––––––––––––––––––––

თარიღი ––––––––––––––––––––––––

 

 

 დანართი №2

 

საატესტაციო ფურცელი

მოხელის სახელი, გვარი ––––––––––––––––––––––––––––––––––––––––––––––––

დაბადების თარიღი და ადგილი –––––––––––––––––––––––––––––––––––––––––

დაკავებული თანამდებობა და დანიშვნის (არჩევის) თარიღი

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

 

თანამდებობრივი რანგი, საკლასო ჩინი, სპეციალური წოდება

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

 

განათლება (სასწავლო დაწესებულება, სპეციალობა)

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

 

სამეცნიერო ხარისხი, სამეცნიერო წოდება

–––––––––––––––––––––––––––––––––––––––––––––––––––––––––––––––––––––––––––

 

შრომის საერთო სტაჟი (მ/შ საჯარო სამსახურში) –––––––––––––––––––––––––––––––

საკონკურსო-საატესტაციო კომისიის დასკვნა –––––––––––––––––––––––––––––––––

 

საკონკურსო-საატესტაციო კომისიის რეკომენდაცია–––––––––––––––––––––––––––––

 

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––

 

შენიშვნა –––––––––––––––––––––––––––––––––––––––––––––––––––––––––––––––––––

 

კომისიის თავმჯდომარე ––––––––––––––––––––––––

კომისიის წევრები ––––––––––––––––––––––––––––––

თარიღი ––––––––––––––––––––––––

Annotate