„საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობის ფორმისა და გაცემის შიდასაუწყებო წესის დამტკიცების შესახებ“

სახელმწიფო  სარეგისტრაციო კოდი 140.120.000.22.038.013.599

საქართველოს სასჯელაღსრულების, პრობაციისა და იურიდიული დახმარების საკითხთა

მინისტრის ბრძანება №607

2009 წლის 28 სექტემბერი

ქ. თბილისი

საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სისტემის უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობის გაცემის შიდასაუწყებო წესისა და ფორმის დამტკიცების შესახებ

 საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

„იარაღის შესახებ“ საქართველოს კანონის მე-9 მუხლის მე-2 პუნქტის „დ^​1“ ქვეპუნქტის, „იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი“ საქართველოს პრეზიდენტის 2003 წლის 27 ოქტომბრის №538 ბრძანებულების მე-5 პუნქტისა და „საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს დებულების დამტკიცების შესახებ“ საქართველოს მთავრობის 2009 წლის 30 იანვრის №8 დადგენილებით დამტკიცებული დებულების მე-5 მუხლის მე-2 პუნქტის „თ“ ქვეპუნქტის შესაბამისად, ვბრძანებ:

1. დამტკიცდეს საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სისტემის უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობის გაცემის თანდართული შიდასაუწყებო წესი.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

1^​1. დამტკიცდეს საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს (შემდგომში – სამინისტროს) ცენტრალური აპარატის უფლებამოსილ საჯარო მოსამსახურეთა, სამინისტროს სისტემაში შემავალი სახელმწიფო საქვეუწყებო დაწესებულების – სასჯელაღსრულების დეპარტამენტის თავმჯდომარისა და სამინისტროს სისტემაში შემავალი სახელმწიფო საქვეუწყებო დაწესებულების – არასაპატიმრო სასჯელთა აღსრულებისა და პრობაციის ეროვნული სამსახურის უფროსის სამსახურებრივ-საშტატო იარაღის ტარების უფლების დამადასტურებელი მოწმობის თანდართული ფორმა (დანართი №1).

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

1^​2. დამტკიცდეს სამინისტროს სისტემაში შემავალი სახელმწიფო საქვეუწყებო დაწესებულების – არასაპატიმრო სასჯელთა აღსრულებისა და პრობაციის ეროვნული სამსახურის უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობის თანდართული ფორმა (დანართი №2).

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

2. საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს ეკონომიკურმა დეპარტამენტმა ამ ბრძანების გამოცემიდან უმოკლეს ვადაში უზრუნველყოს საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობების შესაბამისი რაოდენობის დამზადების ორგანიზება.

3. საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს ადმინისტრაციამ (დეპარტამენტი) უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობის გაცემა და აღრიცხვიანობა განახორციელონ ამ ბრძანებისა და საქართველოს სხვა შესაბამისი ნორმატიული აქტების ყველა მოთხოვნის დაცვით.

4. საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს ადმინისტრაციამ (დეპარტამენტი) ამ ბრძანების გამოცემიდან სამ სამუშაო დღეში უზრუნველყოს ამ ბრძანების დადგენილი წესით დამოწმებული ასლისა და საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობის ნიმუშების საქართველოს შინაგან საქმეთა სამინისტროში წარდგენა.

5. ეს ბრძანება ამოქმედდეს გამოქვეყნებისთანავე.

დ. შაშკინი

 

შეტანილია ცვლილებები:

1. საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

 

საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სისტემის უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობის გაცემის შიდასაუწყებო წესი

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

    მუხლი 1

1. ეს წესი განსაზღვრავს საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს (შემდგომში – სამინისტროს) სისტემის უფლებამოსილ საჯარო მოსამსახურეებზე სამსახურებრივ-საშტატო იარაღის ტარების უფლების დამადასტურებელი მოწმობის (შემდგომში – მოწმობა) გაცემის ძირითად პრინციპებს, მოთხოვნებსა და პროცედურებს.

2. ამ წესში ძირითადი ტერმინები გამოყენებულია „იარაღის შესახებ“ საქართველოს კანონით დადგენილი მნიშვნელობით. ამ წესის მიზნებისთვის სამინისტროს სისტემის უფლებამოსილ საჯარო მოსამსახურეთა ქვეშ იგულისხმება „იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი“ საქართველოს პრეზიდენტის 2003 წლის 27 ოქტომბრის №538 ბრძანებულებით დამტკიცებული თანამდებობრივი ნუსხის 4^​1 მუხლის პირველი, მე-2, მე-3, მე-4 და მე-5 პუნქტებით განსაზღვრული საჯარო მოსამსახურეები და ამავე ბრძანებულების მე-6 პუნქტის „ა“ ქვეპუნქტით გათვალისწინებული სასჯელაღსრულების დეპარტამენტის თავმჯდომარე.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

    მუხლი 2

სამინისტროს სისტემის უფლებამოსილ საჯარო მოსამსახურეზე მოწმობის გაცემის ძირითადი პრინციპებია:

ა) კანონიერება;

ბ) მკაცრი აღრიცხვიანობა;

გ) სამსახურებრივი კონტროლისადმი ქვემდებარეობა.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

    მუხლი 3

1. მოწმობის გასაცემად აუცილებელია შემდეგი მოთხოვნების დაკმაყოფილება:

ა) საჯარო მოსამსახურეს უნდა ეკავოს საქართველოს პრეზიდენტის 2003 წლის 27 ოქტომბრის №538 ბრძანებულებით დამტკიცებული თანამდებობრივი ნუსხის 4^​1 მუხლის პირველი, მე-2, მე-3, მე-4 და მე-5 პუნქტებით განსაზღვრული ერთ-ერთი თანამდებობა ან ამავე ბრძანებულების მე-6 პუნქტის „ა“ ქვეპუნქტით გათვალისწინებული სასჯელაღსრულების დეპარტამენტის თავმჯდომარის თანამდებობა;

ბ) საჯარო მოსამსახურის მიმართ არ უნდა იყოს დაწყებული სისხლისსამართლებრივი დევნა ან დისციპლინური წარმოება;

გ) მოსამსახურეს უნდა ჰქონდეს მიღებული დადებითი დასკვნა საცეცხლე მომზადების სპეციალური კურსების გავლისას;

დ) საჯარო მოსამსახურეს წარდგენილი უნდა ჰქონდეს განცხადება სამსახურებრივ-საშტატო იარაღის ტარების უფლების დამადასტურებელი მოწმობის მოთხოვნითა და იმის მითითებით, სამსახურებრივ-საშტატო იარაღის სტატუსის მინიჭება სურს სამინისტროს კუთვნილი იარაღისა თუ მის საკუთრებაში არსებული იარაღისთვის;

ე) საჯარო მოსამსახურეს წარდგენილი უნდა ჰქონდეს სამსახურებრივ-საშტატო სტატუსის შესატყვისი იარაღის მის საკუთრებაში შენახვის უფლებით გაფორმების დამადასტურებელი შესაბამისი საბუთის პირველი პირი და მისი ასლი – თუ სამსახურებრივ-საშტატო იარაღის სტატუსის მინიჭება სურს მის საკუთრებაში არსებული იარაღისთვის;

ვ) საჯარო მოსამსახურეს წარდგენილი უნდა ჰქონდეს სამსახურებრივ-საშტატო სტატუსის შესატყვისი იარაღის საქართველოს შინაგან საქმეთა სამინისტროს მმართველობის სფეროში მოქმედ საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოში შესაბამისი რეგისტრაციის დამადასტურებელი საბუთის პირველი პირი და მისი ასლი – თუ სამსახურებრივ-საშტატო იარაღის სტატუსის მინიჭება სურს მის საკუთრებაში არსებული იარაღისთვის.

2. საკუთრებაში არსებული იარაღისათვის სამსახურებრივ-საშტატო იარაღის სტატუსის მინიჭების და აღნიშნული სტატუსის მოხსნის შემთხვევაში აღნიშნულის თაობაზე წერილობით უნდა ეცნობოს საქართველოს შინაგან საქმეთა სამინისტროს საინფორმაციო-ანალიტიკური დეპარტამენტის შესაბამის დანაყოფს.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

    მუხლი 4

ამ წესის მე-3 მუხლით გათვალისწინებული საბუთები საქართველოს პრეზიდენტის 2003 წლის 27 ოქტომბრის №538 ბრძანებულებით დამტკიცებული თანამდებობრივი ნუსხის 4^​1 მუხლის პირველი, მე-2, მე-3, მე-4 პუნქტებით გათვალისწინებული საჯარო მოსამსახურეების, სამინისტროს სისტემაში შემავალი სახელმწიფო საქვეუწყებო დაწესებულების სასჯელაღსრულების დეპარტამენტის თავმჯდომარისა და სამინისტროს სისტემაში შემავალი სახელმწიფო საქვეუწყებო დაწესებულების – პრობაციის ეროვნული სამსახურის უფროსის (შემდგომში – პრობაციის ეროვნული სამსახურის უფროსი) მიერ წარედგინება სამინისტროს ადმინისტრაციას (დეპარტამენტი), ხოლო ამავე ბრძანებულებით დამტკიცებული თანამდებობრივი ნუსხის 4^​1 მუხლის მე-5 პუნქტით გათვალისწინებული საჯარო მოსამსახურეების მიერ (პრობაციის ეროვნული სამსახურის უფროსის გარდა) წარედგინება პრობაციის ეროვნული სამსახურის ადმინისტრაციულ სამმართველოს.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

    მუხლი 5

ამ წესის მე-3 მუხლით გათვალისწინებული მოთხოვნების შესრულების შემდეგ სამსახურებრივ-საშტატო იარაღის ტარების უფლების დამადასტურებელი მოწმობის გაცემაზე უფლებამოსილი ქვედანაყოფი ადგენს პირად საქმეს, რომელშიც ჩაიკერება წარდგენილი საბუთების ასლები, აგრეთვე ადგენს წარდგინებას სამსახურებრივ-საშტატო იარაღის ტარების უფლების დამადასტურებელი მოწმობის გაცემის ან გაცემაზე უარის თქმის შესახებ.

    მუხლი 6

1. ამ წესის მე-5 მუხლით გათვალისწინებულ წარდგინებას საქართველოს სასჯელაღსრულების, პრობაციისა და იურიდიული დახმარების საკითხთა მინისტრის (შემდგომში – მინისტრი) სახელზე წარადგენს სამინისტროს ადმინისტრაცია (დეპარტამენტი).

2. წარდგინება დაკმაყოფილებულად ჩაითვლება მინისტრის მიერ წარდგინების დადებითი რეზოლუციით ვიზირების შემდეგ. მინისტრის დადებითი რეზოლუციით ვიზირებული წარდგინება სამსახურებრივ-საშტატო იარაღის ტარების უფლების დამადასტურებელი მოწმობის გაცემის საფუძველია.

    მუხლი 6^​1

1. ამ წესის მე-5 მუხლით გათვალისწინებულ წარდგინებას პრობაციის ეროვნული სამსახურის უფროსის სახელზე წარადგენს პრობაციის ეროვნული სამსახურის ადმინისტრაციული სამმართველო.

2. ამ მუხლის პირველი პუნქტით გათვალისწინებული წარდგინება დაკმაყოფილებულად ჩაითვლება პრობაციის ეროვნული სამსახურის უფროსის მიერ წარდგინების დადებითი რეზოლუციით ვიზირების შემდეგ. პრობაციის ეროვნული სამსახურის უფროსის დადებითი რეზოლუციით ვიზირებული წარდგინება სამსახურებრივ-საშტატო იარაღის ტარების უფლების დამადასტურებელი მოწმობის გაცემის საფუძველია.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

    მუხლი 7

სამსახურებრივ-საშტატო იარაღის ტარების უფლების დადასტურება სამინისტროს სისტემის უფლებამოსილი საჯარო მოსამსახურეების მიმართ ხორციელდება სამსახურებრივ-საშტატო იარაღის ტარების უფლების დამადასტურებელი მოწმობის გაცემით.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

    მუხლი 8

1. სამინისტროს ადმინისტრაცია (დეპარტამენტი) აწარმოებს სამინისტროს სისტემის უფლებამოსილი საჯარო მოსამსახურეეების სამსახურებრივ-საშტატო იარაღის ტარების უფლების დადასტურების ერთიან რეესტრს, რომელშიც აისახება შემდეგი მონაცემები:

ა) უფლების დადასტურების თარიღი და ნომერი;

ბ) საჯარო მოსამსახურის სახელი და გვარი;

გ) საჯარო მოსამსახურის თანამდებობრივი სტატუსი ან/და სპეციალური წოდება;

დ) სამსახურებრივ-საშტატო იარაღის სახეობა, სისტემა (მოდელი), ნომერი, კუთვნილება;

ე) მითითება იმ თანამდებობის პირის ვინაობასა და თანამდებობრივ სტატუსზე, რომლის ხელმოწერითაც არის დადასტურებული უფლება;

ვ) უფლების დადასტურების სამოქმედო ვადა;

ზ) საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოში სამსახურებრივ-საშტატო იარაღის რეგისტრაციის თარიღი და ნომერი;

თ) მითითება სამინისტროსადმი შესაბამისი მოწმობის კუთვნილების შესახებ;

ი) მონაცემები ამ წესის მე-3 მუხლით გათვალისწინებული მოთხოვნების შესრულების თაობაზე;

კ) მონაცემები შესაბამისი მოწმობის შეცვლის ან ახალი მოწმობის გაცემის შესახებ;

ლ) რეესტრის ჩანაწერის შედგენის თარიღი, ნომერი და შემდგენელი უფლებამოსილი მოხელის ვინაობა, თანამდებობრივი სტატუსი და ხელმოწერა.

2. პრობაციის ეროვნული სამსახურის ადმინისტრაციული სამმართველო აწარმოებს საქართველოს პრეზიდენტის 2003 წლის 27 ოქტომბრის №538 ბრძანებულებით დამტკიცებული თანამდებობრივი ნუსხის 4^​1 მუხლის მე-5 პუნქტით გათვალისწინებული უფლებამოსილი საჯარო მოსამსახურეებისთვის, სამსახურებრივ-საშტატო იარაღის ტარების უფლების დადასტურების შიდა რეესტრს, რომელშიც აისახება ამ მუხლის პირველი პუნქტის „ა–ლ“ ქვეპუნქტებით გათვალისწინებული მონაცემები.

3. ამ წესის მე-8 მუხლის მე-2 პუნქტით გათვალისწინებული შიდა რეესტრის მონაცემები ექვემდებარება სამინისტროს ადმინისტრაციაში (დეპარტამენტი) 7 დღის ვადაში წარდგენას, სამინისტროს სისტემის უფლებამოსილი საჯარო მოსამსახურეებისთვის სამსახურებრივ-საშტატო იარაღის ტარების უფლების დადასტურების ერთიან რეესტრში შესაყვანად.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

    მუხლი 9

სამსახურებრივ-საშტატო იარაღის ტარების უფლების დამადასტურებელი მოწმობა ექვემდებარება შეცვლას (ამ წესის შესაბამისად ახალი მოწმობის გაცემას):

ა) მოწმობის მფლობელის მიერ სახელის, გვარის დადგენილი წესით შეცვლის შემთხვევაში;

ბ) სამინისტროს სისტემაში თანამდებობის შეცვლის შემთხვევაში, თუ ახალი თანამდებობა გათვალისწინებულია საქართველოს პრეზიდენტის 2003 წლის 27 ოქტომბრის №538 ბრძანებულებით დამტკიცებული თანამდებობრივი ნუსხის 4^​1 მუხლის პირველი, მე-2, მე-3, მე-4 და მე-5 პუნქტებით ან წარმოადგენს ამავე ბრძანებულების მე-6 პუნქტის „ა“ ქვეპუნქტით გათვალისწინებულ სასჯელაღსრულების დეპარტამენტის თავმჯდომარის თანამდებობას და თანამდებობრივი სტატუსი ექვემდებარება შესაბამის მოწმობაში ასახვას;

გ) სამსახურებრივ-საშტატო იარაღის შეცვლის შემთხვევაში;

დ) მოწმობის ბუნებრივი ცვეთის ან სხვაგვარი დაზიანების შემთხვევაში, როდესაც მას დაკარგული აქვს ვარგისიანობა;

ე) მოწმობის დაკარგვის შემთხვევაში, თუ წარდგენილ იქნა შინაგან საქმეთა სამინისტროს შესაბამისი ორგანოს მიერ გაცემული ცნობა მოწმობის დაკარგვის ფაქტის რეგისტრაციის თაობაზე;

ვ) საქართველოს კანონმდებლობით გათვალისწინებულ სხვა შემთხვევაში.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

    მუხლი 10

1. ამ წესის მე-9 მუხლით გათვალისწინებულ შემთხვევებში სავალდებულოა მოწმობის გაცემაზე უფლებამოსილ ქვედანაყოფში შესაცვლელი მოწმობის უკან ჩაბარება, აგრეთვე მოწმობის შეცვლის საფუძვლის არსებობის დამადასტურებელი შესაბამისი საბუთების წარდგენა.

2. ამ წესის მე-9 მუხლის „ე“ ქვეპუნქტით გათვალისწინებულ შემთხვევაში სამსახურებრივ-საშტატო იარაღის ტარების უფლების დამადასტურებელი შესაბამისი მოწმობის შეცვლა (ამ წესის შესაბამისად ახალი მოწმობის გაცემა) დაიშვება მოწმობის დაკარგვაზე სამსახურებრივი მოკვლევის ჩატარებისა და სამსახურებრივი მოკვლევის დასკვნის საფუძველზე, მოწმობის დაკარგვის მიზეზებისა და დაკარგვის ფაქტის ნამდვილობის ამ დასკვნით დადასტურების მდგომარეობის გათვალისწინებით.

    მუხლი 11

სამინისტროს სისტემის უფლებამოსილი საჯარო მოსამსახურის მოწმობა ექვემდებარება მოწმობის გამცემი ორგანოს მიერ ჩამორთმევას, თუ:

ა) პირი დათხოვნილ იქნა სამსახურიდან დისციპლინური ან/და სისხლისსამართლებრივი პასუხისმგებლობის გამო;

ბ) საჯარო მოსამსახურის მიმართ დაწყებულია სისხლისსამართლებრივი დევნა;

გ) საჯარო მოსამსახურის მიმართ დაწყებულია დისციპლინური წარმოება;

დ) პირს მოწმობა მიღებული აქვს არასწორი ან არასრული მონაცემების (საბუთების) საფუძველზე, აღნიშნულის გამოვლენის შემთხვევაში;

ე) პირი შედის (შევიდა) სხვა ქვეყნის სამსახურში;

ვ) დაწყებულია ადმინისტრაციული წარმოება პირის საქართველოს მოქალაქეობიდან გასასვლელად (საქართველოს მოქალაქეობის დასაკარგავად);

ზ) საჯარო მოსამსახურეს აღარ უკავია სამინისტროს სისტემაში შესაბამისი თანამდებობა.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

    მუხლი 12

ამ წესის მე-11 მუხლის საფუძველზე სამსახურებრივ-საშტატო იარაღის ტარების უფლების დამადასტურებელი მოწმობის ჩამორთმევის შეუძლებლობის ან/და დაბრკოლების შემთხვევაში მოწმობის გამცემი ქვედანაყოფი აღნიშნულის თაობაზე მოწმობის ჩამორთმევის შეუძლებლობის ან/და დაბრკოლების მიზეზების (ვითარების) მითითებით აცნობებს საქართველოს შინაგან საქმეთა სამინისტროს, აგრეთვე იღებს მოქმედი კანონმდებლობით გათვალისწინებულ სხვა ზომებს.

 

დანართი №1

საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს ცენტრალური აპარატის უფლებამოსილ საჯარო მოსამსახურეთა, სამინისტროს სისტემაში შემავალი სახელმწიფო საქვეუწყებო დაწესებულების – სასჯელაღსრულების დეპარტამენტის თავმჯდომარისა და სამინისტროს სისტემაში შემავალი სახელმწიფო საქვეუწყებო დაწესებულების – არასაპატიმრო სასჯელთა აღსრულებისა და პრობაციის ეროვნული სამსახურის უფროსის სამსახურებრივ-საშტატო იარაღის ტარების უფლების დამადასტურებელი მოწმობის ფორმა

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

 

 

 

1. სამინისტროს უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობა წარმოადგენს მკაცრი აღრიცხვის ცისფერ პლასტიკურ ბარათს საიდენტიფიკაციო ნომრით, რომლის ზომაა 8,7სმX5,5სმ.

2. სამინისტროს უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი მოწმობა უნდა შეიცავდეს შემდეგ რეკვიზიტებს:

ა) საჯარო სამსახურის სახელწოდებას;

ბ) დაკავებული თანამდებობის დასახელებას;

გ) საჯარო მოსამსახურის ფერად ფოტოსურათს (3სმX4სმ);

დ) მოწმობის ნომერს;

ე) საჯარო მოსამსახურის სახელსა და გვარს;

ვ) საჯარო მოსამსახურის სპეციალურ წოდებას (ასეთის არსებობის შემთხვევაში);

ზ) მითითებას სამსახურებრივ-საშტატო იარაღის ტარების უფლების თაობაზე;

თ) უფლებამოსილი თანამდებობის პირის (მინისტრის, უფლებამოსილი პირის) ხელმოწერას;

ი) საჯარო სამსახურის ბეჭედს, საინდენტიფიკაციო ნომრითა და სახელმწიფო გერბის გამოსახულებით;

კ) მოწმობის გაცემის თარიღსა და მოქმედების ვადას;

ლ) დამცავ წარწერას (ინგლისურ ენაზე აბრევიატურას – MCLA);

მ) იარაღის ტარების უფლების დამადასტურებელ სპეციალურ ბეჭედს აბრევიატურით „იტუ”;

3. მოწმობის მეორე გვერდზე აღინიშნება მე-2 პუნქტის „ა”, „ბ”, „ე” და „ლ” ქვეპუნქტებში მითითებული რეკვიზიტების შესატყვისი თარგმანი ინგლისურ ენაზე და გამოისახება სამინისტროს ემბლემა.

4. სამინისტროს უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელი ბეჭედი არის წითელი ფერის ოვალი, რომელშიც ამოტვიფრულია ასონიშნები „იტუ“ (სიტყვების „იარაღის ტარების უფლება“ აბრევიატურა) და იგი გამოიყენება მხოლოდ სამსახურებრივ-საშტატო იარაღის ტარების უფლების დამადასტურებელ მოწმობაში.

5. სამინისტროს უფლებამოსილ საჯარო მოსამსახურეთა სამსახურებრივ-საშტატო იარაღის ტარების უფლების დამადასტურებელ მოწმობაში სამსახურებრივ-საშტატო იარაღის ტარების უფლების შესახებ კეთდება სპეციალური ჩანაწერი შემდეგი ფორმით:

„აქვს სამსახურებრივ-საშტატო იარაღის ტარების უფლება“.

 

დანართი №2

საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სისტემაში შემავალი სახელმწიფო საქვეუწყებო დაწესებულების – არასაპატიმრო სასჯელთა აღსრულებისა და პრობაციის ეროვნული სამსახურის უფლებამოსილ საჯარო მოსამსახურეთა (გარდა პრობაციის ეროვნული სამსახურის უფროსისა) სამსახურებრივ-საშტატო იარაღის ტარების უფლების დამადასტურებელი მოწმობის ფორმა

 

 

 

1. არასაპატიმრო სასჯელთა აღსრულებისა და პრობაციის ეროვნული სამსახურის უფლებამოსილ საჯარო მოსამსახურეთა (გარდა პრობაციის ეროვნული სამსახურის უფროსისა) სამსახურებრივ-საშტატო იარაღის ტარების უფლების დამადასტურებელი მოწმობა წარმოადგენს მკაცრი აღრიცხვის წითელ პლასტიკურ ბარათს საიდენტიფიკაციო ნომრით, რომლის ზომაა 8,7სმX5,5სმ.

2. არასაპატიმრო სასჯელთა აღსრულებისა და პრობაციის ეროვნული სამსახურის უფლებამოსილ საჯარო მოსამსახურეთა (გარდა პრობაციის ეროვნული სამსახურის უფროსისა) სამსახურებრივ-საშტატო იარაღის ტარების უფლების დამადასტურებელი მოწმობა უნდა შეიცავდეს შემდეგ რეკვიზიტებს:

ა) საჯარო სამსახურის სახელწოდებას;

ბ) დაკავებული თანამდებობის დასახელებას;

გ) საჯარო მოსამსახურის ფერად ფოტოსურათს (3სმX4სმ);

დ) მოწმობის ნომერს;

ე) საჯარო მოსამსახურის სახელსა და გვარს;

ვ) საჯარო მოსამსახურის სპეციალურ წოდებას (ასეთის არსებობის შემთხვევაში);

ზ) მითითებას სამსახურებრივ-საშტატო იარაღის ტარების უფლების თაობაზე;

თ) უფლებამოსილი თანამდებობის პირის (პრობაციის ეროვნული სამსახურის უფროსი) ხელმოწერას;

ი) საჯარო სამსახურის ბეჭედს;

კ) მოწმობის გაცემის თარიღსა და მოქმედების ვადას;

ლ) დამცავ წარწერას (ინგლისურ ენაზე აბრევიატურას – MCLA);

მ) იარაღის ტარების უფლების დამადასტურებელ სპეციალურ ბეჭედს აბრევიატურით „იტუ“;

3. მოწმობის მეორე გვერდზე აღინიშნება მე-2 პუნქტის „ა“, „ბ“, „ე“ და „ლ“ ქვეპუნქტებში მითითებული რეკვიზიტების შესატყვისი თარგმანი ინგლისურ ენაზე და გამოისახება არასაპატიმრო სასჯელთა აღსრულებისა და პრობაციის ეროვნული სამსახურის ემბლემა.

4. არასაპატიმრო სასჯელთა აღსრულებისა და პრობაციის ეროვნული სამსახურის უფლებამოსილ საჯარო მოსამსახურეთა (გარდა პრობაციის ეროვნული სამსახურის უფროსისა) სამსახურებრივ-საშტატო იარაღის ტარების უფლების დამადასტურებელი ბეჭედი არის წითელი ფერის ოვალი, რომელშიც ამოტვიფრულია ასონიშნები „იტუ“ (სიტყვების „იარაღის ტარების უფლება“ აბრევიატურა) და იგი გამოიყენება მხოლოდ სამსახურებრივ-საშტატო იარაღის ტარების უფლების დამადასტურებელ მოწმობაში.

5. არასაპატიმრო სასჯელთა აღსრულებისა და პრობაციის ეროვნული სამსახურის უფლებამოსილ საჯარო მოსამსახურეთა (გარდა პრობაციის ეროვნული სამსახურის უფროსისა) სამსახურებრივ-საშტატო იარაღის ტარების უფლების დამადასტურებელ მოწმობაში სამსახურებრივ-საშტატო იარაღის ტარების უფლების შესახებ კეთდება სპეციალური ჩანაწერი შემდეგი ფორმით:

„აქვს სამსახურებრივ-საშტატო იარაღის ტარების უფლება“.

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 10  ნოემბრის ბრძანება №772 - სსმ III, №141, 18.11.2009, მუხ.1638

 

Annotate