„მოსამსახურეთათვის სამსახურებრივი მივლინების ხარჯების ანაზღაურების შესახებ”

საქართველოს პრეზიდენტის

ბრძანებულება №231

2005 წლის 20 აპრილი

ქ. თბილისი

მოსამსახურეთათვის სამსახურებრივი მივლინების ხარჯების ანაზღაურების შესახებ

„საჯარო სამსახურის შესახებ“ საქართველოს კანონის 38-ე, 39-ე და 134-ე მუხლების შესაბამისად:

1. დამტკიცდეს:

ა) მოსამსახურეთათვის სამსახურებრივი მივლინების ხარჯების ანაზღაურების წესი №1 დანართის თანახმად;

ბ) ქვეყნის ფარგლებს გარეთ სამსახურებრივი მივლინების დროს სადღეღამისო და საცხოვრებელი ფართობის დაქირავების ხარჯების ანაზღაურების ნორმები №2 დანართის თანახმად;

გ) მაღალი რანგის თანამდებობის პირთათვის ქვეყნის ფარგლებს გარეთ სამსახურებრივი მივლინებისას სადღეღამისო ნორმის დანამატი №3 დანართის თანახმად.

2. ძალადაკარგულად გამოცხადდეს საქართველოს პრეზიდენტის 1998 წლის 4 აპრილის №220 ბრძანებულება „მოსამსახურეთათვის სამსახურებრივი მივლინების ხარჯების ანაზღაურების შესახებ“.

მ. სააკაშვილი

შეტანილი ცვლილებები:

1. საქართველოს პრეზიდენტის 2005 წლის 4 ივნისის ბრძანებულება №456-სსმ III, №69, 10.06.2005წ; მუხ.737

2. საქართველოს პრეზიდენტის 2006 წლის 1 თებერვლის ბრძანებულება №93-სსმ III, №14, 03.02.2006წ; მუხ.163

3. საქართველოს პრეზიდენტის 2006 წლის 17 მარტის ბრძანებულება №210-სსმ III, №35, 17.03.2006წ; მუხ.419

4. საქართველოს პრეზიდენტის 2006 წლის 6 ნოემბრის ბრძანებულება №653-სსმ III, №150, 08.11.2006წ; მუხ.2076

5. საქართველოს პრეზიდენტის 2006 წლის 13 დეკემბრის ბრძანებულება №742-სსმ III, №168, 14.12.2006წ; მუხ.2273

6. საქართველოს პრეზიდენტის 2007 წლის 10 იანვარი ბრძანებულება №26-სსმ III, №4, 10.01.2007წ; მუხ.23

7. საქართველოს პრეზიდენტის 2007 წლის 27 მარტის ბრძანებულება №204-სსმ III, №43, 29.03.2007წ; მუხ.483

8. საქართველოს პრეზიდენტის 2007 წლის 14 მაისის ბრძანებულება №300-სსმ III, №67, 15.05.2007წ; მუხ.745

9. საქართველოს პრეზიდენტის 2007 წლის 24 მაისის ბრძანებულება №324-სსმ III, №75, 29.05.2007წ; მუხ.795

10. საქართველოს პრეზიდენტის 2007 წლის 8 ივნისის ბრძანებულება №353-სსმ III, №82, 14.06.2007წ; მუხ.870

11. საქართველოს პრეზიდენტის 2007 წლის 20 ივნისის ბრძანებულება №373-სსმ III, №87, 22.06.2007წ; მუხ.934

12. საქართველოს პრეზიდენტის 2008 წლის 28 იანვრის ბრძანებულება №35-სსმ III, №15, 30.01.2008წ; მუხ.183

13. საქართველოს პრეზიდენტის 2008 წლის 21 თებერვლის ბრძანებულება №96-სსმ III, №29, 25.02.2008წ; მუხ.301

14. საქართველოს პრეზიდენტის 2008 წლის 4 მარტის ბრძანებულება №111-სსმ III, №36, 07.03.2008წ; მუხ.380

15. საქართველოს პრეზიდენტის 2008 წლის 14 მარტის  ბრძანებულება №144-სსმ III, №41, 19.03.2008წ; მუხ.466

16. საქართველოს პრეზიდენტის 2008 წლის 30 სექტემბრის  ბრძანებულება №465-სსმ III, №144, 01.10.2008წ; მუხ.1430

17. საქართველოს პრეზიდენტის 2008 წლის 2 ოქტომბრის  ბრძანებულება №474-სსმ III, №146, 03.10.2008წ; მუხ.1454

 

 

დანართი №1

მოსამსახურეთათვის სამსახურებრივი მივლინების ხარჯების ანაზღაურების წესი

1. სამსახურებრივ მივლინებად ითვლება შესაბამისი დაწესებულების ხელმძღვანელის ბრძანებით მოსამსახურის გამგზავრება სამსახურებრივი დავალების შესასრულებლად მუდმივი სამუშაო ადგილის ფარგლებს გარეთ.

2. ქვეყნის ფარგლებს გარეთ მივლინება შეიძლება იყოს მოკლევადიანი და გრძელვადიანი.

3. ქვეყნის ფარგლებს გარეთ გრძელვადიან მივლინებად ითვლება მოსამსახურის გაგზავნა უცხო სახელმწიფოში ერთ თვეზე მეტი ვადით.

3^​1. საქართველოს მთავრობის წევრი (გარდა პრემიერ-მინისტრისა და საგარეო საქმეთა მინისტრისა) ქვეყნის ფარგლებს გარეთ გამგზავრებასთან დაკავშირებით წინასწარ წერილობითი ფორმით მიმართავს საქართველოს პრეზიდენტს. მიმართვაში უნდა აღინიშნოს ვიზიტის მიზანი და ხანგრძლივობა.

საქართველოს პრეზიდენტის 2008 წლის 4 მარტის ბრძანებულება №111-სსმ III, №36, 07.03.2008წ; მუხ.380

საქართველოს პრეზიდენტის 2008 წლის 14 მარტის  ბრძანებულება №144-სსმ III, №41, 19.03.2008წ; მუხ.466

3^​2. საქართველოს მთავრობის წევრის (გარდა პრემიერ-მინისტრისა და საგარეო საქმეთა მინისტრისა) ქვეყნის ფარგლებს გარეთ გამგზავრება ხორციელდება საქართველოს პრეზიდენტის წინასწარი თანხმობით.

საქართველოს პრეზიდენტის 2008 წლის 4 მარტის ბრძანებულება №111-სსმ III, №36, 07.03.2008წ; მუხ.380

საქართველოს პრეზიდენტის 2008 წლის 14 მარტის  ბრძანებულება №144-სსმ III, №41, 19.03.2008წ; მუხ.466

4. იმ შემთხვევაში, თუ საზღვარგარეთ საქართველოს დაწესებულებები აკრედიტებული არიან ერთდროულად რამდენიმე ქვეყანაში, მათი აკრედიტაციის ქვეყნებში ამ დაწესებულების მოსამსახურეთა მივლინება ჩაითვლება მივლინებად იმ სახელმწიფოს შიგნით, სადაც ეს დაწესებულება მდებარეობს.

5. მივლინებაში ყოფნის პერიოდში მოსამსახურეს უნარჩუნდება დაკავებული თანამდებობა და ხელფასი.

6. მოსამსახურეს, რომელსაც გზავნიან სამსახურებრივ მივლინებაში, სრულად უნდა აუნაზღაურდეს სამივლინებო ხარჯები მივლინებაში ყოფნის მთელი პერიოდის განმავლობაში, გარდა ამ წესით დადგენილი გამონაკლისებისა.

7. სამივლინებო ხარჯები შედგება სადღეღამისო, მგზავრობისა და საცხოვრებელი ფართობის დაქირავებისათვის გაწეული ხარჯებისაგან, ხოლო 30 კმ-მდე მანძილზე მივლინებისას, როდესაც შესაძლებელია სამუშაო (საცხოვრებელ) ადგილზე იმავე დღეს დაბრუნება, ანაზღაურდება მხოლოდ მგზავრობის ხარჯები. მაღალი რანგის თანამდებობის პირს ქვეყნის ფარგლებს გარეთ სამსახურებრივი მივლინებისას ყოველდღიურად აგრეთვე მიეცემა ამ ბრძანებულების №3 დანართით გათვალისწინებული სადღეღამისო ნორმის დანამატი. ამასთან, №3 დანართის შენიშვნის მე-5 პუნქტით განსაზღვრულ მაღალი რანგის თანამდებობის პირებს აუნაზღაურდებათ ქვეყნის ფარგლებს გარეთ სამსახურებრივ მივლინებასთან დაკავშირებული კავშირგაბმულობის, ტრანსპორტის დაქირავებისა და წარმომადგენლობითი ხარჯები. სამთავრობო დელეგაციის ვიზიტის მოსამზადებლად ქვეყნის ფარგლებს გარეთ მივლინებისას მოსამსახურეს ასევე აუნაზღაურდება მივლინებასთან დაკავშირებული კავშირგაბმულობისა და ტრანსპორტის დაქირავების ხარჯები.

საქართველოს პრეზიდენტის 2005 წლის 4 ივნისის ბრძანებულება №456-სსმ III, №69, 10.06.2005წ; მუხ.737

საქართველოს პრეზიდენტის 2006 წლის 1 თებერვლის ბრძანებულება №93-სსმ III, №14, 03.02.2006წ; მუხ.163

საქართველოს პრეზიდენტის 2007 წლის 14 მაისის ბრძანებულება №300-სსმ III, №67, 15.05.2007წ; მუხ.745

8. სადღეღამისო ხარჯები იანგარიშება სამსახურებრივ მივლინებაში ფაქტობრივად ყოფნის დღეების მიხედვით, დასვენებისა და უქმე, აგრეთვე მივლინებაში გამგზავრებისა და მივლინებიდან დაბრუნების დღეების ჩათვლით.

9. ქვეყნის შიგნით სამსახურებრივი მივლინების სადღეღამისო ხარჯების ნორმა განისაზღვრება დღეში 15 ლარის ოდენობით, ხოლო ქვეყნის გარეთ – ამ ბრძანებულების №2 დანართის შესაბამისად.

10. მოსამსახურეს ქვეყნის ფარგლებს გარეთ გრძელვადიანი სამსახურებრივი მივლინებისას პირველი 30 დღის განმავლობაში სადღეღამისო ხარჯები უნაზღაურდება ამ ბრძანებულების №2 დანართის მიხედვით მოკლევადიანი მივლინებისათვის დადგენილი ნორმებით, ხოლო 30 დღის შემდეგ – ამავე დანართის მე-4 გრაფით (საზღვარგარეთ საქართველოს დაწესებულების მუშაკთათვის მოკლევადიანი მივლინებისას იმ სახელმწიფოს შიგნით, სადაც მდებარეობს ეს დაწესებულება) განსაზღვრული ნორმებით.

11. თუ ქვეყნის ფარგლებს გარეთ მოსამსახურის მივლინებას მიმღები მხარე უზრუნველყოფს კვების ხარჯებით, მოსამსახურეს უნაზღაურდება სადღეღამისო ნორმის მხოლოდ 30%.

12. მგზავრობის ხარჯები ანაზღაურდება შესაბამის მიმართულებაზე არსებული მგზავრობის ღირებულების გათვალისწინებით, მაგრამ არა უმეტეს ეკონომკლასის ბილეთის ღირებულებისა (გარდა ამ ბრძანებულებით გათვალისწინებული გამონაკლისებისა).

საქართველოს პრეზიდენტის 2007 წლის 10 იანვარი ბრძანებულება №26-სსმ III, №4, 10.01.2007წ; მუხ.23

 

13. მოსამსახურემ, რომელიც მიემგზავრება მივლინებაში, სამგზავრო თანხების მისაღებად დაწესებულებაში უნდა წარადგინოს მგზავრობის ღირებულების დამადასტურებელი დოკუმენტი.

14. ქვეყნის შიგნით მივლინებისას საცხოვრებელი ფართობის დაქირავების ხარჯების ანაზღაურებისათვის მოსამსახურეს ეძლევა თანხა არა უმეტეს საშუალო კლასის სასტუმროს ნომრის ღირებულებისა, ხოლო ქვეყნის გარეთ მივლინებისას – ამ ბრძანებულების №2 დანართით გათვალისწინებული ნორმების შესაბამისად.

15. სამთავრობო დელეგაციის წევრებს, ამ ბრძანებულების №3 დანართში ჩამოთვლილ თანამდებობის პირებს, საქართველოს საგანგებო და სრულუფლებიან ელჩებს, საერთაშორისო ორგანიზაციებში საქართველოს მუდმივ წარმომადგენლებს და დიპლომატიურ მისიათა ხელმძღვანელებს, NATO/PfP/SOFA-ს  ფარგლებში და NATO-ს უსაფრთხოების კონფერენციებში მონაწილე საქართველოს თავდაცვის სამინისტროს მოსამსახურეებს, ამავე დანართის შენიშვნის მე-5 პუნქტში ჩამოთვლილ თანამდებობის პირთა თანმხლებ პირებს და უმაღლესი რანგის თანამდებობის პირთა პირად დაცვას სასტუმროში დაქირავებული ნომრის ღირებულება აუნაზღაურდებათ ფაქტობრივად გაწეული ხარჯების დამადასტურებელი საბუთის მიხედვით.

საქართველოს პრეზიდენტის 2005 წლის 4 ივნისის ბრძანებულება №456-სსმ III, №69, 10.06.2005წ; მუხ.737

საქართველოს პრეზიდენტის 2006 წლის 1 თებერვლის ბრძანებულება №93-სსმ III, №14, 03.02.2006წ; მუხ.163

საქართველოს პრეზიდენტის 2006 წლის 13 დეკემბრის ბრძანებულება №742-სსმ III, №168, 14.12.2006წ; მუხ.2273

საქართველოს პრეზიდენტის 2008 წლის 28 იანვრის ბრძანებულება №35-სსმ III, №15, 30.01.2008წ; მუხ.183

15^​1. „ღია ცის შესახებ“ ხელშეკრულებით გათვალისწინებულ ღონისძიებებში მონაწილე საქართველოს თავდაცვის სამინისტროს მოსამსახურის სამივლინებო ხარჯების ანაზღაურება ხორციელდება აღნიშნული ხელშეკრულების შესაბამისად დადგენილი ნორმებით, ამასთან, მოსამსახურეს დამატებით უნაზღაურდება ამ ბრძანებულების №2 დანართით დაწესებული სადღეღამისო ნორმის 30%.

საქართველოს პრეზიდენტის 2008 წლის 30 სექტემბრის  ბრძანებულება №465-სსმ III, №144, 01.10.2008წ; მუხ.1430

16. იმ შემთხვევაში, როდესაც მიმღები მხარე უზრუნველყოფს მოსამსახურის მივლინებასთან დაკავშირებული ხარჯების სრულად დაფარვას, მოსამსახურეს მიეცემა მხოლოდ ამ ბრძანებულების №3 დანართით განსაზღვრული დანამატი.

17. მოსამსახურეს სამივლინებო თანხა ავანსის სახით უნდა მიეცეს მივლინებაში გამგზავრებამდე.

18. მივლინების დამთავრებიდან არა უგვიანეს ერთი თვისა:

ა) ქვეყნის ფარგლებს გარეთ მივლინებიდან დაბრუნებულმა მოსამსახურემ დაწესებულებას უნდა წარუდგინოს მგზავრობისათვის ფაქტობრივად გაწეული ხარჯების დამადასტურებელი საბუთები, ხოლო ამ წესის მე-15 პუნქტით და ამ ბრძანებულების №3 დანართის შენიშვნის მე-5 პუნქტით გათვალისწინებულმა თანამდებობის პირებმა დაწესებულებას უნდა წარუდგინონ ასევე ამავე პუნქტებით განსაზღვრული ფაქტობრივად გაწეული ხარჯების დამადასტურებელი საბუთები;

ბ) ქვეყნის შიგნით მივლინებიდან დაბრუნებულმა მოსამსახურემ დაწესებულებას უნდა წარუდგინოს მგზავრობისა და საცხოვრებელი ფართობის დაქირავებისათვის ფაქტობრივად გაწეული ხარჯების დამადასტურებელი საბუთები.

საქართველოს პრეზიდენტის 2007 წლის 14 მაისის ბრძანებულება №300-სსმ III, №67, 15.05.2007წ; მუხ.745

19. იმ შემთხვევაში, თუ მოსამსახურე ვერ წარუდგენს დაწესებულებას მისთვის ავანსის სახით გაცემული თანხის სრულად დახარჯვის დამადასტურებელ საბუთებს ამ წესის მე-18 პუნქტის შესაბამისად, მოსამსახურე ვალდებულია დაწესებულებას დაუბრუნოს ავანსის სახით გაცემულ თანხასა და ფაქტობრივად გაწეულ ხარჯებს შორის არსებული სხვაობა. ანგარიშვალდებულ პირებს მორიგი მივლინების ხარჯები არ მიეცემათ ამ პუნქტით გათვალისწინებული სხვაობის დაფარვის გარეშე.

20. ქვეყნის შიგნით მგზავრობისათვის გაწეული ხარჯების დამადასტურებელი საბუთების წარუდგენლობის შემთხვევაში, მოსამსახურისათვის მგზავრობის ხარჯების ანაზღაურება ხორციელდება ქვეყანაში მოქმედი რკინიგზის ან საავტომობილო ტრანსპორტის მინიმალური ტარიფების ფარგლებში.

1. შენიშვნა: სამთავრობო დელეგაციის ვიზიტის მოსამზადებლად მოსამსახურის ქვეყნის ფარგლებს გარეთ მივლინებისას, გადაუდებელი აუცილებლობის შემთხვევაში, სამივლინებო ხარჯების ანაზღაურება შეიძლება მოხდეს ფაქტობრივად გაწეული ხარჯების შესაბამისად.

2. შესაბამისი დაწესებულებისა და საქართველოს პარლამენტის წევრთა ან საქართველოს პარლამენტის აპარატის საჯარო მოსამსახურეთა ერთობლივი წარმომადგენლობითი დელეგაციის სამსახურებრივი მივლინებისას სამივლინებო ხარჯები შესაძლებელია ანაზღაურდეს შესაბამისი დაწესებულების მიერ წლიური საბიუჯეტო კანონით დამტკიცებული ასიგნებების ფარგლებში.

3. საქართველოს პრეზიდენტის, საქართველოს პარლამენტის თავმჯდომარისა და საქართველოს პრემიერ-მინისტრის ქვეყნის ფარგლებს გარეთ ვიზიტთან დაკავშირებით, სახელმწიფო დაცვის სპეციალური სამსახურის საზღვარგარეთ მივლინებულ  თანამშრომლებს  ეძლევათ სადღეღამისო  ნორმაზე დანამატი 30%-ის ოდენობით.

4. ამ ბრძანებულების №3 დანართის შენიშვნის მე-5 პუნქტით განსაზღვრულ მაღალი რანგის თანამდებობის პირებს, აგრეთვე საქართველოს პრეზიდენტის თანმხლებ სახელმწიფო დაცვის სპეციალური სამსახურის (პირადი დაცვის) თანამშრომლებს ქვეყნის ფარგლებს გარეთ სამსახურებრივი მივლინებისას მგზავრობის ხარჯები აუნაზღაურდებათ ფაქტობრივად გაწეული ხარჯების დამადასტურებელი საბუთის მიხედვით წლიური საბიუჯეტო კანონით შესაბამისი უწყებებისათვის დამტკიცებული ასიგნებების ფარგლებში.

საქართველოს პრეზიდენტის 200 5 წლის 4 ივნისის ბრძანებულება № 456 -სსმ III, № 69 , 10 .0 6 .200 5 წ; მუხ. 737

საქართველოს პრეზიდენტის 2006 წლის 17 მარტის ბრძანებულება №210-სსმ III, №35, 17.03.2006წ; მუხ.419

საქართველოს პრეზიდენტის 2007 წლის 8 ივნისის ბრძანებულება №353-სსმ III, №82, 14.06.2007წ; მუხ.870

საქართველოს პრეზიდენტის 2008 წლის 2 ოქტომბრის  ბრძანებულება №474-სსმ III, №146, 03.10.2008წ; მუხ.1454

 

 

 

დანართი №2

ქვეყნის ფარგლებს გარეთ სამსახურებრივი მივლინების დროს სადღეღამისო და საცხოვრებელი ფართობის დაქირავების ხარჯების ანაზღაურების

საქართველოს პრეზიდენტის 2007 წლის 24 მაისის ბრძანებულება №324-სსმ III, №75, 29.05.2007წ; მუხ.795

საქართველოს პრეზიდენტის 2008 წლის 28 იანვრის ბრძანებულება №35-სსმ III, №15, 30.01.2008წ; მუხ.183

დანართი №3

მაღალი რანგის თანამდებობის პირთათვის ქვეყნის ფარგლებს გარეთ სამსახურებრივი მივლინებისას სადღეღამისო ნორმის დანამატი

 

 

შენიშვნები:

1. საქართველოს პრეზიდენტის სადღეღამისო ნორმის დანამატი განისაზღვროს 300 აშშ დოლარის ეკვივალენტით შესაბამისი ვალუტით.

2. საქართველოს პრემიერ-მინისტრის სადღეღამისო ნორმის დანამატი განისაზღვროს 150 აშშ დოლარის ეკვივალენტით შესაბამისი ვალუტით.

3. სამთავრობო დელეგაციებს მიეკუთვნებიან ის დელეგაციები, რომელთაც მიენიჭათ უფლება გამოვიდნენ საქართველოს სახელით.

4. მოსამსახურეებს უფლება აქვთ მიიღონ ამ დანართით გათვალისწინებული მხოლოდ ერთი დანამატი.

5. საქართველოს პრეზიდენტს, საქართველოს პრემიერ-მინისტრს, საქართველოს მინისტრს და სახელმწიფო მინისტრს, საქართველოს პრეზიდენტის თანაშემწეს ეროვნული უშიშროების საკითხებში – ეროვნული უშიშროების საბჭოს მდივანს, საქართველოს საგარეო დაზვერვის სპეციალური სამსახურის უფროსს, საქართველოს გენერალურ პროკურორს, საქართველოს კონტროლის პალატის თავმჯდომარეს, საქართველოს პრეზიდენტის ადმინისტრაციის უფროსს, ავტონომიური რესპუბლიკის უმაღლესი საბჭოს თავმჯდომარეს, ავტონომიური რესპუბლიკის მთავრობის თავმჯდომარეს, საქართველოს იუსტიციის უმაღლესი საბჭოს მდივანსა და საქართველოს შეიარაღებული ძალების გაერთიანებული შტაბის უფროსს ქვეყნის ფარგლებს გარეთ მივლინებისას მივლინებასთან დაკავშირებული კავშირგაბმულობის, ტრანსპორტის დაქირავებისა და წარმომადგენლობითი ხარჯები, ხოლო სამთავრობო დელეგაციის ვიზიტის მოსამზადებლად ქვეყნის ფარგლებს გარეთ მივლინებისას მოსამსახურეს მივლინებასთან დაკავშირებული კავშირგაბმულობისა და ტრანსპორტის დაქირავების ხარჯები აუნაზღაურდებათ ფაქტობრივად გაწეული ხარჯების დამადასტურებელი საბუთების მიხედვით, წლიური საბიუჯეტო კანონით შესაბამისი უწყებებისათვის დამტკიცებული ასიგნებების ფარგლებში.

საქართველოს პრეზიდენტის 200 5 წლის 4 ივნისის ბრძანებულება № 456 -სსმ III, № 69 , 10 .0 6 .200 5 წ; მუხ. 737

საქართველოს პრეზიდენტის 2006 წლის 1 თებერვლის ბრძანებულება №93-სსმ III, №14, 03.02.2006წ; მუხ.163

საქართველოს პრეზიდენტის 2006 წლის 6 ნოემბრის ბრძანებულება №653-სსმ III, №150, 08.11.2006წ; მუხ.2076

საქართველოს პრეზიდენტის 2007 წლის 10 იანვარი ბრძანებულება №26-სსმ III, №4, 10.01.2007წ; მუხ.23

საქართველოს პრეზიდენტის 2007 წლის 27 მარტის ბრძანებულება №204-სსმ III, №43, 29.03.2007წ; მუხ.483

საქართველოს პრეზიდენტის 2007 წლის 14 მაისის ბრძანებულება №300-სსმ III, №67, 15.05.2007წ; მუხ.745

საქართველოს პრეზიდენტის 2007 წლის 20 ივნისის ბრძანებულება №373-სსმ III, №87, 22.06.2007წ; მუხ.934

საქართველოს პრეზიდენტის 2008 წლის 28 იანვრის ბრძანებულება №35-სსმ III, №15, 30.01.2008წ; მუხ.183

საქართველოს პრეზიდენტის 2008 წლის 21 თებერვლის ბრძანებულება №96-სსმ III, №29, 25.02.2008წ; მუხ.301

 

 

Annotate