საქართველოს სამსახურებრივი სარგებლობის პასპორტის დებულების დამტკიცების შესახებ

საქართველოს პრეზიდენტის

ბრძანებულება №941

2005 წლის 17 ნოემბერი

ქ. თბილისი

საქართველოს სამსახურებრივი სარგებლობის პასპორტის დებულების დამტკიცების შესახებ

1. „ნორმატიული აქტების შესახებ“ საქართველოს კანონის მე-18 მუხლის მე-2 პუნქტის შესაბამისად დამტკიცდეს საქართველოს სამსახურებრივი სარგებლობის პასპორტის თანდართული დებულება.

2. ძალადაკარგულად გამოცხადდეს „საქართველოს დიპლომატიური და სამსახურებრივი პასპორტების დებულებათა შესახებ“ საქართველოს პრეზიდენტის 2004 წლის 9 ივლისის №264 ბრძანებულება.

მ. სააკაშვილი

შეტანილი ცვლილებები:

    1. საქართველოს პრეზიდენტის 2006 წლის 13 იანვრი ს ბრძანებულება №21 - სსმ III, №6, 17.01.2006 წ., მუხ.39

2. საქართველოს პრეზიდენტის 2006 წლის 18 აპრილი ს ბრძანებულება №270 - სსმ III, №54, 19.04.2006 წ., მუხ.664

3. საქართველოს პრეზიდენტის 2006 წლის 8 აგვისტო ს ბრძანებულება №468 - სსმ III, №106, 09.08.2006 წ., მუხ.1448

4. საქართველოს პრეზიდენტის 2006 წლის 12 ოქტომბრი ს ბრძანებულება №605 - სსმ III, №140, 12.10.2006 წ., მუხ.1931

5. საქართველოს პრეზიდენტის 2006 წლის 6 ნოემბრი ს ბრძანებულება №652 - სსმ III, №150, 08.11.2006 წ., მუხ.2075

6. საქართველოს პრეზიდენტის 2007 წლის 12 აპრილი ს ბრძანებულება №245 - სსმ III, №53, 17.04.2007 წ., მუხ.572

7. საქართველოს პრეზიდენტის 2007 წლის 12 ივლისი ს ბრძანებულება №423 - სსმ III, №101, 16.07.2007 წ., მუხ.1098

8. საქართველოს პრეზიდენტის 2007 წლის 17 სექტემბრი ს ბრძანებულება №528 - სსმ III, №131, 20.09.2007 წ., მუხ.1423

9. საქართველოს პრეზიდენტის 2007 წლის 8 ოქტომბრი ს ბრძანებულება №567 - სსმ III, №143, 15.10.2007 წ., მუხ.1582

10. საქართველოს პრეზიდენტის 2007 წლის 17 ოქტომბრი ს ბრძანებულება №590 - სსმ III, №147, 22.10.2007 წ., მუხ.1649

11. საქართველოს პრეზიდენტის 2007 წლის 16 ნოემბრი ს ბრძანებულება №634 - სსმ III, №164, 21.11.2007 წ., მუხ.1797

12. საქართველოს პრეზიდენტის 2007 წლის 10 დეკემბრი ს ბრძანებულება №679 - სსმ III, №175, 11.12.2007 წ., მუხ.1937

13. საქართველოს პრეზიდენტის 2008 წლის 22 იანვრი ს ბრძანებულება №29 - სსმ III, №12, 25.01.2008 წ., მუხ.167

14. საქართველოს პრეზიდენტის 2008 წლის 26 თებერვლი ს ბრძანებულება №105 - სსმ III, №31, 28.02.2008 წ., მუხ.324

15. საქართველოს პრეზიდენტის 2008 წლის 14 მაისი ს ბრძანებულება №252 - სსმ III, №73, 16.05.2008 წ., მუხ.789

16. საქართველოს პრეზიდენტის 2008 წლის 23 მაისი ს ბრძანებულება №270 - სსმ III, №76, 28.05.2008 წ., მუხ.820

17. საქართველოს პრეზიდენტის 2008 წლის 27 ივნისი ს ბრძანებულება №317 - სსმ III, №92, 30.06.2008 წ., მუხ.1004

18. საქართველოს პრეზიდენტის 2008 წლის 21 ივლისი ს ბრძანებულება №376 - სსმ III, №103, 22.07.2008 წ., მუხ.1144

19. საქართველოს პრეზიდენტის 2008 წლის 6 აგვისტო ს ბრძანებულება №401 - სსმ III, №113, 07.08.2008 წ., მუხ.1227

20. საქართველოს პრეზიდენტის 2008 წლის 27 ოქტომბრი ს ბრძანებულება №508 - სსმ III, №157, 29.10.2008 წ., მუხ.1564

 

დებულება

საქართველოს სამსახურებრივი სარგებლობის პასპორტის შესახებ

    მუხლი 1. ზოგადი დებულებები

1. ეს დებულება განსაზღვრავს საქართველოს სამსახურებრივი სარგებლობის პასპორტის გაცემის, მოქმედების, მათში ცვლილებების შეტანისა და სარგებლობის წესს.

2. საქართველოს სამსახურებრივი სარგებლობის პასპორტებია: საქართველოს დიპლომატიური და სამსახურებრივი პასპორტები.

3. სამსახურებრივი სარგებლობის პასპორტი არის სამგზავრო დოკუმენტი, რომელიც ადასტურებს პირის ვინაობასა და სტატუსს, აგრეთვე მის მოქალაქეობას.

4. პირზე სამსახურებრივი სარგებლობის პასპორტის გაცემა არ გამორიცხავს ამავე პირზე საქართველოს მოქალაქის პასპორტის გაცემის შესაძლებლობას.

5. სამსახურებრივი სარგებლობის პასპორტი საქართველოს სახელმწიფოს საკუთრებაა.

6. სამსახურებრივი სარგებლობის პასპორტი არის მკაცრი აღრიცხვის ფორმა, რომლის ესკიზის დამტკიცება და დამზადების ორგანიზაცია ხორციელდება საქართველოს კანონმდებლობით დადგენილი წესის შესაბამისად.

    მუხლი 2. სამსახურებრივი სარგებლობის პასპორტის გაცემა

1. სამსახურებრივი სარგებლობის პასპორტი გაიცემა №1 და №2 დანართებში მითითებულ პირებზე და გამოიყენება საქართველოს ფარგლებს გარეთ სამსახურებრივი დავალების შესრულებისათვის ხელშეწყობის მიზნით.

2. სამსახურებრივი სარგებლობის პასპორტები, როგორც წესი, ინახება შუამდგომლობის წარმდგენი შესაბამისი დაწესებულების კადრების ან პროტოკოლის სამსახურებში და მათი გამოყენება ხდება მხოლოდ სამსახურებრივი დანიშნულებისამებრ.

3. სამსახურებრივი სარგებლობის პასპორტის გაცემა, მოქმედების ვადის გაგრძელება და მასში ჩანაწერების გაკეთება ხორციელდება მხოლოდ საქართველოს საგარეო საქმეთა სამინისტროს მიერ.

4. განსაკუთრებულ შემთხვევებში საგარეო საქმეთა სამინისტროს დავალებით პასპორტის მოქმედების ვადის გაგრძელება და მასში ჩანაწერების გაკეთება შესაძლებელია ასევე განხორციელდეს საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში.

5. პირზე შეიძლება გაცემულ იქნეს მხოლოდ ერთი სამსახურებრივი სარგებლობის პასპორტი, გარდა ამ დებულებით გათვალისწინებული შემთხვევებისა.

6. სამსახურებრივი სარგებლობის პასპორტის გასაცემად განმცხადებელი საგარეო საქმეთა სამინისტროში წარადგენს შუამდგომლობას შესაბამისი დაწესებულებიდან, რომელსაც თან დაერთვება 2 ფერადი ფოტოსურათი, ზომით 3X4 და მოქალაქის პირადობის მოწმობის ასლი.

7. საგარეო საქმეთა სამინისტროს დიპლომატიური თანამდებობის პირისა და ადმინისტრაციულ-ტექნიკური პერსონალისათვის სამსახურებრივი სარგებლობის პასპორტების მიღების საფუძველია მათი დანიშვნის ან სამუშაო მივლინების შესახებ საგარეო საქმეთა მინისტრის ბრძანება, რომელსაც თან დაერთვება 2 ფერადი ფოტოსურათი, ზომით 3X4 და საქართველოს მოქალაქის პირადობის მოწმობა ან ასლი.

8. სამსახურებრივი სარგებლობის პასპორტის მფლობელი პასპორტში უშუალოდ აწერს ხელს. დაუშვებელია ამ ვალდებულების მინდობილობით სხვა პირისათვის გადაცემა. ამ დებულების №1 და №2 დანართებით გათვალისწინებული პირების არასრულწლოვან შვილებზე სამსახურებრივი სარგებლობის პასპორტების გაცემის შემთხვევაში პასპორტში ხელს აწერს ამ არასრულწლოვან პირთა კანონიერი წარმომადგენელი.

9. პასპორტის მფლობელობაში მიღებისას პასპორტის მფლობელი ვალდებულია გაეცნოს ამ დებულების მოთხოვნებს.

10. სამსახურებრივი სარგებლობის პასპორტი ივსება ქართულ და ინგლისურ ენებზე.

11. სამსახურებრივი სარგებლობის პასპორტი გაიცემა მხოლოდ საქართველოს მოქალაქეზე.

12. ამ დებულებით გათვალისწინებული საკითხები დამატებით რეგულირდება საგარეო საქმეთა მინისტრის ბრძანებით.

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

    მუხლი 3. სამსახურებრივი სარგებლობის პასპორტის შეცვლა და დაკარგულის აღდგენა

1. სამსახურებრივი სარგებლობის პასპორტის შეცვლა ხორციელდება შემდეგ შემთხვევებში:

ა) სახელის ან გვარის გამოცვლისას;

ბ) ჩანაწერებში უზუსტობათა აღმოჩენისას;

გ) პასპორტში შესაბამისი ფურცლების შევსებისას;

დ) პასპორტის დაზიანებისას;

ე) პასპორტის ვადის გასვლისას, ამ დებულების მე-4 მუხლის მოთხოვნათა გათვალისწინებით.

2. ამ მუხლის პირველი პუნქტის „ა“ და „ბ“ ქვეპუნქტებით გათვალისწინებულ შემთხვევებში პასპორტის შეცვლის შესახებ შუამდგომლობას თან უნდა დაერთოს ამ გარემოებათა დამადასტურებელი შესაბამისი დოკუმენტაცია.

3. სამსახურებრივი სარგებლობის პასპორტის შეცვლისას, თუ შესაცვლელი პასპორტი შეიცავს მოქმედ ვიზას, შესაცვლელი პასპორტის ბოლო გვერდზე აღინიშნება, რომ იგი შეიცავს მოქმედ ვიზას და მიეთითება ახალი პასპორტის ნომერი და გაცემის თარიღი. შესაცვლელი პასპორტის მოქმედების ვადა შეიზღუდება ვიზის მოქმედების ვადის ხანგრძლივობით და იგი რჩება განმცხადებლის მფლობელობაში ამ ვადის ამოწურვამდე.

4. სამსახურებრივი სარგებლობის პასპორტის დაკარგვის შემთხვევაში აღნიშნულის თაობაზე, დაკარგვის გარემოებათა აღწერით, დაუყოვნებლივ ეცნობება საგარეო საქმეთა სამინისტროს, რომელიც ამ პასპორტს აცხადებს გაუქმებულად.

5. დაკარგული პასპორტის სანაცვლოდ ახალი პასპორტის გაცემა ხორციელდება ამ დებულების მე-2 მუხლით დადგენილი წესების შესაბამისად.

    მუხლი 4. სამსახურებრივი სარგებლობის პასპორტის მოქმედების ვადა

1. სამსახურებრივი სარგებლობის პასპორტის მოქმედების ვადა განისაზღვრება არჩევით ან დანიშვნით თანამდებობაზე ყოფნის ან უფლებამოსილების ვადით, თუ კანონმდებლობით სხვა რამ არ არის გათვალისწინებული. ამასთან, პასპორტის მოქმედების ვადა არ შეიძლება იყოს 1 წელზე ნაკლები და არ უნდა აღემატებოდეს 10 წელს.

2. სამსახურებრივი სარგებლობის პასპორტის მოქმედების ვადის გაგრძელება დასაშვებია მხოლოდ ერთხელ, ამ მუხლის პირველ პუნქტში მითითებული ვადის გათვალისწინებით. ამასთან, პასპორტის მოქმედების საერთო ვადა არ უნდა აღემატებოდეს 10 წელს.

    მუხლი 5. სამსახურებრივი სარგებლობის პასპორტის დაბრუნება

1. სამსახურებრივი სარგებლობის პასპორტი დაუყოვნებლივ უბრუნდება უკან საქართველოს საგარეო საქმეთა სამინისტროს, თუ:

ა) პასპორტის მფლობელი აღარ წარმოადგენს ამ დებულების №1 და №2 დანართებში ჩამოთვლილ პირს, თუ კანონმდებლობით სხვა რამ არ არის გათვალისწინებული;

ბ) საგარეო საქმეთა მინისტრის გადაწყვეტილებით, თუ პირი თავისი მოქმედებით ზიანს აყენებს საქართველოს სახელმწიფო ინტერესებს ან ეჭვმიტანილია დანაშაულის ჩადენაში.

2. საგარეო საქმეთა სამინისტროსათვის სამსახურებრივი სარგებლობის პასპორტის დაბრუნებისათვის პასუხისმგებელია:

ა) პასპორტის მფლობელი;

ბ) უწყება, რომელიც პასპორტის გაცემისათვის შეიტანს შუამდგომლობას.

3. ამ მუხლის პირველი პუნქტით გათვალისწინებულ მოთხოვნათა შეუსრულებლობის შემთხვევაში, საქართველოს საგარეო საქმეთა სამინისტრო უფლებამოსილია მიაწოდოს სათანადო ინფორმაცია საქართველოს შინაგან საქმეთა სამინისტროს სახელმწიფო საქვეუწყებო დაწესებულება – სახელმწიფო საზღვრის დაცვის დეპარტამენტს, რომელიც უზრუნველყოფს საზღვრის გადაკვეთისას პირისათვის სამსახურებრივი სარგებლობის პასპორტის ჩამორთმევას და დაბრუნებას საქართველოს საგარეო საქმეთა სამინისტროსათვის.

4. საგარეო საქმეთა სამინისტროს უფლება აქვს ამ მუხლის პირველი პუნქტის დებულებებიდან დაუშვას გამონაკლისი პირის საზღვარგარეთ ყოფნის შემთხვევაში, მისი უკან დაბრუნების უზრუნველსაყოფად.

    მუხლი 6. დასკვნითი და გარდამავალი დებულებები

1. თუ პირს ერთდროულად უხდება რამდენიმე სახელმწიფოში გამგზავრება და მისთვის ვიზების გაფორმების პროცედურა არ იძლევა ერთ პასპორტში ვიზის გაცემის შესაძლებლობას ან, თუ პასპორტი შეიცავს ისეთ ვიზას ან ჩანაწერს, რომელიც შეიძლება გახდეს მგზავრობის დამაბრკოლებელი გარემოება, მასზე დაიშვება მეორე სამსახურებრივი სარგებლობის პასპორტის გაფორმება.

2. სამსახურებრივი სარგებლობის გაუქმებული ან ძალადაკარგული პასპორტი ექვემდებარება განადგურებას დადგენილი წესის შესაბამისად, გარდა ამ დებულების მე-6 მუხლის მე-3 პუნქტით გათვალისწინებული შემთხვევებისა.

3. იმ შემთხვევაში, როდესაც პირს სამსახურებრივი სარგებლობის პასპორტი აღარ ეკუთვნის ან პასპორტის ყველა გვერდი შევსებულია, პირადი განცხადების საფუძველზე, პასპორტის გაუქმების შემდეგ, იგი შეიძლება მსურველს გადაეცეს სახსოვრად.

4. დიპლომატიური პასპორტით სარგებლობის უფლება საქართველოს პრეზიდენტსა და მის მეუღლეს უნარჩუნდებათ სამუდამოდ.

5. სამსახურებრივი სარგებლობის პასპორტებით სარგებლობის უფლებას ინარჩუნებენ უმაღლესი დიპლომატიური რანგის მქონე პირები საჯარო სამსახურში მუშაობის პერიოდში.

7. (ამოღებულია).

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

დანართი №1

დიპლომატიური პასპორტი მიეცემათ:

ა) საქართველოს პრეზიდენტს, მის მეუღლესა და არასრულწლოვან შვილებს;

ბ) პარლამენტის თავმჯდომარეს, მის მეუღლეს;

გ) პრემიერ-მინისტრს, მის მეუღლეს;

დ) უზენაესი სასამართლოს თავმჯდომარეს, მის მეუღლეს;

ე) საკონსტიტუციო სასამართლოს თავმჯდომარეს, მის მეუღლეს;

ვ) პარლამენტის წევრებს;

ზ) საქართველოს პრეზიდენტის თანაშემწეს ეროვნული უშიშროების საკითხებში – ეროვნული უშიშროების საბჭოს მდივანს და მის მოადგილეს, ეროვნული უშიშროების საბჭოს აპარატის დეპარტამენტის დირექტორებს;

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

თ) მინისტრებსა და სახელმწიფო მინისტრებს, საგარეო საქმეთა მინისტრის მეუღლეს;

ი) გენერალურ პროკურორს;

კ) კონტროლის პალატის თავმჯდომარეს;

ლ) სახალხო დამცველს;

მ) უზენაესი და საკონსტიტუციო სასამართლოს წევრებს, იუსტიციის უმაღლესი საბჭოს მდივანსა და წევრებს, ეროვნული ბანკის პრეზიდენტს, ცენტრალური საარჩევნო კომისიის თავმჯდომარეს;

საქართველოს პრეზიდენტის 200 8 წლის 26 თებერვლი ს ბრძანებულება № 105 - სსმ III, № 31 , 28 . 02 .200 8 წ., მუხ. 324

ნ) პრეზიდენტის ადმინისტრაციის უფროსსა და მის მოადგილეებს, პრეზიდენტის მრჩევლებს, თანაშემწეებს, პრეზიდენტის სამდივნოს უფროსს, პრეზიდენტის საპარლამენტო მდივანს, პრეზიდენტის ადმინისტრაციის პროტოკოლის სამსახურის უფროსსა და მის მოადგილეებს, ამავე სამსახურის მთავარ კონსულტანტებსა და კონსულტანტებს;

ო) მთავრობის კანცელარიის უფროსსა და მის მოადგილეებს, პრემიერ-მინისტრის აპარატის უფროსს, პრემიერ-მინისტრის მრჩევლებს, თანაშემწეს საგარეო ურთიერთობათა საკითხებში, მთავრობის საპარლამენტო მდივანს, პროტოკოლის დეპარტამენტის უფროსსა და ამავე დეპარტამენტის მთავარ და წამყვან სპეციალისტებს;

პ) პარლამენტის აპარატის უფროსსა და მის მოადგილეებს, პარლამენტის აპარატის საერთაშორისო ურთიერთობების დეპარტამენტის უფროსს, პარლამენტის საგარეო ურთიერთობების, თავდაცვისა და უშიშროების, ევროინტეგრაციის კომიტეტების აპარატის უფროსებს;

ჟ) პარლამენტის თავმჯდომარის კაბინეტის უფროსსა და მის მოადგილეს;

რ) საქართველოს პატრიარქს, საპატრიარქოს საგარეო ურთიერთობათა სამსახურის უფროსს, ქორეპისკოპოსს, დასავლეთ ევროპის ეპარქიის მმართველსა და საპატრიარქოს რელიგიური ტურიზმის „მომლოცველთა სამსახურის“ დეპარტამენტის თავმჯდომარეს;

საქართველოს პრეზიდენტის 2007 წლის 17 ოქტომბრი ს ბრძანებულება № 5 90 - სსმ III, № 14 7, 22. 10 .200 7 წ., მუხ. 1 649

ს) საქართველოს შეიარაღებული ძალების გაერთიანებული შტაბის უფროსს;

საქართველოს პრეზიდენტის 2007 წლის 1 0 დეკემბრი ს ბრძანებულება № 679 - სსმ III, № 175 , 11 . 12 .200 7 წ., მუხ. 1937

ტ) ავტონომიური რესპუბლიკების მთავრობის თავმჯდომარეებს, ავტონომიური რესპუბლიკების უმაღლესი საბჭოების თავმჯდომარეებს;

უ) გენერალური პროკურორის მოადგილეებს;

ფ) სახელმწიფო დაცვის სპეციალური სამსახურის უფროსს;

ქ) საგარეო დაზვერვის სპეციალური სამსახურის უფროსს;

ღ) შინაგან საქმეთა სამინისტროსა და მის სისტემაში არსებული სახელმწიფო საქვეუწყებო დაწესებულებებისა და საჯარო სამართლის იურიდიული პირების არა უმეტეს 50 თანამშრომელს, ასევე საგარეო დაზვერვის სპეციალური სამსახურის არა უმეტეს 30 თანამშრომელს, შესაბამისი უწყების წარდგინების საფუძველზე;

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

ყ) (ამოღებულია) ;

საქართველოს პრეზიდენტის 2007 წლის 8 ოქტომბრი ს ბრძანებულება № 567 - სსმ III, № 143 , 15 . 10 .200 7 წ., მუხ. 1582

შ) საქართველოს პრეზიდენტის სახელმწიფო რწმუნებულებს, ქ. თბილისის მერს,  მერის პირველ მოადგილეს (ვიცე-მერი), საკრებულოს თავმჯდომარესა და თავმჯდომარის მოადგილეს;

საქართველოს პრეზიდენტის 2006 წლის 6 ნოემბრი ს ბრძანებულება № 652 - სსმ III, № 150 , 08 . 11 .2006 წ., მუხ. 2075

საქართველოს პრეზიდენტის 2007 წლის 12 აპრილი ს ბრძანებულება № 245 - სსმ III, № 53 , 17 . 04 .200 7 წ., მუხ. 572

ჩ) საგარეო საქმეთა სამინისტროს სტრუქტურული ქვედანაყოფების ხელმძღვანელებს, სამინისტროსა და მისი უცხოეთის ქვეყნებში არსებული დაწესებულებების დიპლომატიურ თანამდებობაზე მყოფ თანამშრომლებს, საქართველოს საპატიო კონსულებს, დიპლომატიურ კურიერებს, სამხედრო მისიათა მეთაურებს, სამხედრო ატაშატის წევრებს, საზღვარგარეთ მუშაობის პერიოდში ზემოთ ჩამოთვლილი პირების მე უღლეებს, 18 წლამდე ასაკის შვილებს, გერებს და მზრუნველობისა და მეურვეობის ქვეშ მყოფ პირებს (გარდა საპატიო კონსულისა და დიპლომატიური კურიერისა);

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

საქართველოს პრეზიდენტის 2008 წლის 6 აგვისტო ს ბრძანებულება № 4 01 - სსმ III, № 1 13, 0 7. 08 .2008 წ., მუხ. 1 227

ც) უცხოეთის სახელმწიფოებსა ან საერთაშორისო ორგანიზაციებში საქართველოს, საქართველოს სამთავრობო დაწესებულებათა ან უწყებათა წარმომადგენლებს, აგრეთვე საერთაშორისო ორგანიზაციებში საქართველოს სახელით მომუშავე პირებს, რომელთაც აქვთ დიპლომატიური სტატუსი, ხოლო თუ ეს პირები თავიანთი ფუნქციების განხორციელებისას ცხოვრობენ უცხო სახელმწიფოს ტერიტორიაზე, მათ მეუღლეებს, 18 წლამდე ასაკის შვილებს, გერებს და მზრუნველობისა და მეურვეობის ქვეშ მყოფ პირებს;

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

საქართველოს პრეზიდენტის 2008 წლის 6 აგვისტო ს ბრძანებულება № 4 01 - სსმ III, № 1 13, 0 7. 08 .2008 წ., მუხ. 1 227

ძ) ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მოადგილეს;

საქართველოს პრეზიდენტის 2006 წლის 1 2 ოქტომბრი ს ბრძანებულება № 605 - სსმ III, № 140 , 1 2 . 10 .2006 წ., მუხ. 1931

წ)(ამოღებულია) ;

საქართველოს პრეზიდენტის 2006 წლის 1 2 ოქტომბრი ს ბრძანებულება № 605 - სსმ III, № 140 , 1 2 . 10 .2006 წ., მუხ. 1931

საქართველოს პრეზიდენტის 2007 წლის 8 ოქტომბრი ს ბრძანებულება № 567 - სსმ III, № 143 , 15 . 10 .200 7 წ., მუხ. 1582

ჭ) ყოფილი სამხრეთ ოსეთის ავტონომიური ოლქის ტერიტორიაზე შექმნილი დროებითი ადმინისტრაციულ-ტერიტორიული ერთეულის ადმინისტრაციის ხელმძღვანელსა და მის მოადგილეებს, საქართველოს პრეზიდენტის ადმინისტრაციასა და მთავრობასთან არსებული სამუშაო ჯგუფის უფროსს.

საქართველოს პრეზიდენტის 2007 წლის 1 2 ივლისი ს ბრძანებულება № 423 - სსმ III, № 101 , 1 6 . 07 .200 7 წ., მუხ. 1098

საქართველოს პრეზიდენტის 2007 წლის 1 7 სექტემბრი ს ბრძანებულება № 528 - სსმ III, № 131 , 20 . 09 .200 7 წ., მუხ. 1423

დანართი №2

სამსახურებრივი პასპორტი მიეცემათ:

ა) საქართველოს პრეზიდენტის საპარლამენტო მდივნის მოადგილეს, საქართველოს პრეზიდენტის ადმინისტრაციის სტრუქტურული ერთეულების უფროსებს და მათ მოადგილეებს, მთავარ მრჩევლებს, პრესსამსახურის განყოფილების უფროსებს, საქართველოს პრეზიდენტის სამდივნოს მთავარ კონსულტანტებს;

საქართველოს პრეზიდენტის 2006 წლის 1 3 იანვრი ს ბრძანებულება № 21 - სსმ III, № 6 , 1 7 . 01 .2006 წ., მუხ. 39

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

საქართველოს პრეზიდენტის 2006 წლის 8 აგვისტო ს ბრძანებულება № 468 - სსმ III, № 106 , 09 . 08 .2006 წ., მუხ. 1448

საქართველოს პრეზიდენტის 2007 წლის 1 7 სექტემბრი ს ბრძანებულება № 528 - სსმ III, № 131 , 20 . 09 .200 7 წ., მუხ. 1423

ბ) პარლამენტის თავმჯდომარის თანაშემწეებს, პარლამენტის კომიტეტებისა და ფრაქციების აპარატების უფროსებს, პარლამენტის აპარატის დეპარტამენტების უფროსებს, პარლამენტის საგარეო ურთიერთობების, თავდაცვისა და უშიშროების, ევროინტეგრაციის კომიტეტების აპარატის, აგრეთვე პარლამენტის აპარატის საერთაშორისო ურთიერთობების დეპარტამენტის მოხელეებს;

გ) მთავრობის კანცელარიის სტრუქტურული ქვედანაყოფების ხელმძღვანელებს, განყოფილების უფროსებს, პრემიერ-მინისტრის თანაშემწეებს;

საქართველოს პრეზიდენტის 2006 წლის 1 2 ოქტომბრი ს ბრძანებულება № 605 - სსმ III, № 140 , 1 2 . 10 .2006 წ., მუხ. 1931

დ) ეროვნული უშიშროების საბჭოს აპარატის სამსახურის უფროსს, ეროვნული უშიშროების საბჭოს მდივნის თანაშემწეს, საბჭოს აპარატის მთავარ მრჩევლებსა და მრჩევლებს;

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

ე) მინისტრის მოადგილესა და სახელმწიფო მინისტრის მოადგილეს (№1 დანართის ,,ღ“, ,,ჩ“ და ,,ძ“ ქვეპუნქტების დებულებათა გათვალისწინებით);

საქართველოს პრეზიდენტის 2006 წლის 1 2 ოქტომბრი ს ბრძანებულება № 605 - სსმ III, № 140 , 1 2 . 10 .2006 წ., მუხ. 1931

ვ) საქართველოს შეიარაღებული ძალების გაერთიანებული შტაბის უფროსის მოადგილეებს;

საქართველოს პრეზიდენტის 2007 წლის 1 0 დეკემბრი ს ბრძანებულება № 679 - სსმ III, № 175 , 11 . 12 .200 7 წ., მუხ. 1937

ზ) ცენტრალური საარჩევნო კომისიის თავმჯდომარის მოადგილეებსა და წევრებს, ცენტრალური საარჩევნო კომისიის მდივანს;

თ) ავტონომიური რესპუბლიკების მთავრობის თავმჯდომარეების მოადგილეებს, ავტონომიური რესპუბლიკების უმაღლესი საბჭოების თავმჯდომარეების მოადგილეებს, ავტონომიური რესპუბლიკების დეპუტატებს, მინისტრებს;

ი) კონტროლის პალატის თავმჯდომარის მოადგილეებს, კონტროლის პალატის პრეზიდიუმის წევრებს, კონტროლის პალატის თავმჯდომარის წარდგინებით – კონტროლის პალატის 10 თანამშრომელს, სახალხო დამცველის მოადგილეებს, ეროვნული ბანკის ვიცე-პრეზიდენტებს;

საქართველოს პრეზიდენტის 2007 წლის 16 ნოემბრი ს ბრძანებულება №634 - სსმ III, № 1 64, 21. 11 .2007 წ., მუხ.1797

კ) სამინისტროების სახელმწიფო საქვეუწყებო დაწესებულებების ხელმძღვანელებს;

ლ) შინაგან საქმეთა სამინისტროს, თავდაცვის სამინისტროსა და მათ სისტემაში არსებული სახელმწიფო საქვეუწყებო დაწესებულებებისა და საჯარო სამართლის იურიდიული პირების არა უმეტეს 80 თანამშრომელს, სახელმწიფო დაცვის სპეციალური სამსახურის არა უმეტეს 60 თანამშრომელს, საქართველოს სხვა სამინისტროებისა და მათ სისტემაში არსებული სახელმწიფო საქვეუწყებო დაწესებულებებისა და საჯარო სამართლის იურიდიული პირების, გენერალური პროკურატურის, საგარეო დაზვერვის სპეციალური სამსახურის, საქართველოს ეროვნული ბანკის არა უმეტეს 30 თანამშრომელს, სახელმწიფო მინისტრების აპარატების არა უმეტეს 10 თანამშრომელს, თითოეული უწყების მიხედვით – შესაბამისი უწყების მომართვის საფუძველზე;

საქართველოს პრეზიდენტის 2006 წლის 1 3 იანვრი ს ბრძანებულება № 21 - სსმ III, № 6 , 1 7 . 01 .2006 წ., მუხ. 39

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

საქართველოს პრეზიდენტის 2006 წლის 1 2 ოქტომბრი ს ბრძანებულება № 605 - სსმ III, № 140 , 1 2 . 10 .2006 წ., მუხ. 1931

საქართველოს პრეზიდენტის 2007 წლის 1 0 დეკემბრი ს ბრძანებულება № 679 - სსმ III, № 175 , 11 . 12 .200 7 წ., მუხ. 1937

საქართველოს პრეზიდენტის 2008 წლის 22 იანვრი ს ბრძანებულება № 2 9 - სსმ III, №12, 25. 01 .2008 წ., მუხ.167

მ) (ამოღებულია);

საქართველოს პრეზიდენტის 2006 წლის 1 3 იანვრი ს ბრძანებულება № 21 - სსმ III, № 6 , 1 7 . 01 .2006 წ., მუხ. 39

ნ) ქალაქ თბილისის მერის მოადგილეებს, ქალაქ თბილისის მერიის არა უმეტეს 10 თანამშრომელს – ქალაქ თბილისის მერის წარდგინების საფუძველზე, ქალაქების მერებს, „საქართველოს დედაქალაქის – თბილისის შესახებ“ საქართველოს კანონით განსაზღვრულ ქ. თბილისის საკრებულოს თანამდებობის პირებს (გარდა საკრებულოს თავმჯდომარისა და საკრებულოს თავმჯდომარის მოადგილისა);

საქართველოს პრეზიდენტის 2006 წლის 6 ნოემბრი ს ბრძანებულება № 652 - სსმ III, № 150 , 08 . 11 .2006 წ., მუხ. 2075

საქართველოს პრეზიდენტის 2007 წლის 12 აპრილი ს ბრძანებულება № 245 - სსმ III, № 53 , 17 . 04 .200 7 წ., მუხ. 572

საქართველოს პრეზიდენტის 2007 წლის 16 ნოემბრი ს ბრძანებულება №634 - სსმ III, № 1 64, 21. 11 .2007 წ., მუხ.1797

საქართველოს პრეზიდენტის 200 8 წლის 1 4 მაისი ს ბრძანებულება № 252 - სსმ III, № 73 , 16 . 05 .200 8 წ., მუხ. 789

საქართველოს პრეზიდენტის 200 8 წლის 21 ივლისი ს ბრძანებულება № 376 - სსმ III, № 103 , 22 . 07 .200 8 წ., მუხ. 1144

ო) საგარეო საქმეთა სამინისტროს ადმინისტრაციულ-ტექნიკურ პერსონალსა და სამინისტროს სისტემაში შემავალი საჯარო სამართლის იურიდიული პირების თანამშრომლებს;

პ) საზღვარგარეთ საქართველოს დიპლომატიურ და საკონსულო დაწესებულებებში, საერთაშორისო ორგანიზაციებში წარმომადგენლობების, სამხედრო ატაშატისა და მისიათა ადმინისტრაციულ-ტექნიკურ პერსონალს, საზღვარგარეთ მუშაობის პერიოდში ზემოთ ჩამოთვლილ პირთა მეუღლეებს, 18 წლამდე ასაკის შვილებს, გერებს და მზრუნველობისა და მეურვეობის ქვეშ მყოფ პირებს;

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

საქართველოს პრეზიდენტის 2008 წლის 6 აგვისტო ს ბრძანებულება № 4 01 - სსმ III, № 1 13, 0 7. 08 .2008 წ., მუხ. 1 227

ჟ) პატრიარქის წარდგინებით – საპატრიარქოს 40 თანამშრომელს;

საქართველოს პრეზიდენტის 2007 წლის 17 ოქტომბრი ს ბრძანებულება № 5 90 - სსმ III, № 14 7, 22. 10 .200 7 წ., მუხ. 1 649

საქართველოს პრეზიდენტის 2008 წლის 27 ოქტომბრი ს ბრძანებულება № 5 08 - სსმ III, № 1 57, 29. 10 .2008 წ., მუხ. 1 564

რ) (ამოღებულია) ;

საქართველოს პრეზიდენტის 2007 წლის 8 ოქტომბრი ს ბრძანებულება № 567 - სსმ III, № 143 , 15 . 10 .200 7 წ., მუხ. 1582

ს) უცხოეთის სახელმწიფოებსა ან საერთაშორისო ორგანიზაციებში საქართველოს, საქართველოს სამთავრობო დაწესებულებათა ან უწყებათა წარმომადგენლებს, აგრეთვე საერთაშორისო ორგანიზაციებში საქართველოს სახელით მომუშავე პირებს, ხოლო თუ ეს პირები თავიანთი ფუნქციების განხორციელებისას ცხოვრობენ უცხო სახელმწიფოს ტერიტორიაზე, მათ მეუღლეებს, 18 წლამდე ასაკის შვილებს, გერებს და მზრუნველობისა და მეურვეობის ქვეშ მყოფ პირებს;

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

საქართველოს პრეზიდენტის 2008 წლის 6 აგვისტო ს ბრძანებულება № 4 01 - სსმ III, № 1 13, 0 7. 08 .2008 წ., მუხ. 1 227

ტ) მეცნიერებათა აკადემიის პრეზიდენტსა და საქართველოს სახელმწიფო უნივერსიტეტების რექტორებს;

უ) სახელმწიფო დელეგაციების ლიტერულ რეისთა მომსახურე ავიაკომპანიის 10 თანამშრომელს;

ფ) სავაჭრო-სამრეწველო პალატის თავმჯდომარეს;

ქ) საჯარო სამართლის იურიდიული პირის – სახელმწიფო შესყიდვების სააგენტოს თავმჯდომარესა და მის მოადგილეებს;

საქართველოს პრეზიდენტის 2006 წლის 18 აპრილი ს ბრძანებულება № 270 - სსმ III, № 54 , 1 9 . 04 .2006 წ., მუხ. 664

ღ) საქართველოს საკონსტიტუციო სასამართლოს აპარატის უფროსს;

საქართველოს პრეზიდენტის 200 8 წლის 23 მაისი ს ბრძანებულება № 2 70 - სსმ III, № 7 6, 28. 05 .200 8 წ., მუხ.820

ყ) საჯარო სამართლის იურიდიული პირის – საქართველოს საფინანსო ზედამხედველობის სააგენტოს უფროსს.

საქართველოს პრეზიდენტის 200 8 წლის 2 7 ივნისი ს ბრძანებულება № 317 - სსმ III, № 92 , 30 . 06 .200 8 წ., მუხ. 1004

 

 

Annotate