„საქართველოს შინაგან საქმეთა სამინისტროს სახელმწიფო საქვეუწყებო დაწესებულების – საქართველოს სასაზღვრო პოლიციის მოსამსახურეთა და სამოქალაქო პირთა სოციალური დაცვისა და მატერიალური უზრუნველყოფის შესახებ“

სახელმწიფო სარეგისტრაციო კოდი 010.240.070.08.002.004

საქართველოს პრეზიდენტის

ბრძანებულება №397

2006 წლის 28 ივნისი

ქ. თბილისი

საქართველოს შინაგან საქმეთა სამინისტროს სახელმწიფო საქვეუწყებო დაწესებულების – საქართველოს სასაზღვრო პოლიციის მოსამსახურეთა და სამოქალაქო პირთა სოციალური დაცვისა და მატერიალური უზრუნველყოფის შესახებ

საქართველოს შინაგან საქმეთა სამინისტროს სახელმწიფო საქვეუწყებო დაწესებულების – საქართველოს სასაზღვრო პოლიციის (შემდეგში – სასაზღვრო პოლიცია) სპეციალური წოდების მოსამსახურეთა (შემდეგში – მოსამსახურეები) და სამოქალაქო პირთათვის განისაზღვროს სოციალური დაცვისა და მატერიალური უზრუნველყოფის შემდეგი პირობები:

1. სასაზღვრო პოლიციის მოსამსახურისა და სამოქალაქო პირის სოციალურ დაცვას უზრუნველყოფს სახელმწიფო.

2. სასაზღვრო პოლიციის მოსამსახურისა და სამოქალაქო პირის სოციალური დაცვისა და მატერიალური უზრუნველყოფის პირობები განისაზღვრება საქართველოს მოქმედი კანონმდებლობითა და ამ ბრძანებულებით.

3. სასაზღვრო პოლიციის მოსამსახურესა და სამოქალაქო პირს ეძლევათ ყოველთვიური ფულადი სარგო (ხელფასი), მოსამსახურეს – თანამდებობრივი სარგო და წოდებრივი სარგო, ხოლო სამოქალაქო პირს – თანამდებობრივი სარგო. ასევე, სასაზღვრო პოლიციის მოსამსახურეს ნამსახური წლებისათვის ეძლევა ხელფასზე (ფულად სარგოზე) ყოველთვიური დანამატი და დადგენილი ნორმით სასურსათო ულუფა ან შესაბამისი კომპენსაცია, კანონმდებლობით დადგენილი სხვა დანამატები, კომპენსაციები და ფორმის ტანსაცმელი.

4. სასაზღვრო პოლიციის მოსამსახურეებისა და სამოქალაქო პირთა თანამდებობრივი და წოდებრივი სარგოების ნუსხას ამტკიცებს შინაგან საქმეთა მინისტრი სასაზღვრო პოლიციისათვის სახელმწიფო ბიუჯეტით გათვალისწინებული ასიგნებების ფარგლებში. თანამდებობრივ სარგოზე ყოველთვიურ სპეციალურ დანამატებს ამტკიცებს სასაზღვრო პოლიციის უფროსი.

5. ყაზარმული მდგომარეობის დროს (სამსახურის გავლის სპეციფიკიდან გამომდინარე, კვების უზრუნველყოფის პერიოდში) სასაზღვრო პოლიციის მოსამსახურეს უნარჩუნდება სასურსათო ულუფა.

საქართველოს პრეზიდენტის 2009 წლის 2 0 თებერვლ ის ბრძანებულება №63 - სსმ III, №21, 2 5. 02 .2009 წ., მუხ.262

6. სასაზღვრო პოლიციის მოსამსახურეს, რომელიც სამსახურებრივი მოვალეობის შესრულებისათვის იყენებს სამსახურებრივ ან პირად საკუთრებაში არსებულ სატრანსპორტო საშუალებასა და მობილურ ტელეფონს, საწვავით და სასაუბრო დროის ბარათებით უზრუნველყოფს სასაზღვრო პოლიცია, კანონმდებლობით დადგენილი წესის შესაბამისად.

7. დამტკიცდეს სასაზღვრო პოლიციის მოსამსახურეთა და სამსახურებრივი ცხოველების სასურსათო უზრუნველყოფის თანდართული საორიენტაციო ნორმები (დანართი №1).

8. დამტკიცდეს სასაზღვრო პოლიციის მოსამსახურეთა სანივთე ქონებით უზრუნველყოფის თანდართული საორიენტაციო ნორმები (დანართი №2).

9. გამოყოფილი საბიუჯეტო ასიგნებების გათვალისწინებით, სასაზღვრო პოლიციის უფროსის სამართლებრივი აქტით შესაძლებელია სასაზღვრო პოლიციის მოსამსახურეთა სასურსათო და სანივთე ქონებით უზრუნველყოფის ნორმების ოდენობის, სახეობის და დანიშნულების კორექტირება.

10. სასაზღვრო პოლიციელს ნამსახური წლების მიხედვით ფულად სარგოებზე (თანამდებობრივი და წოდებრივი სარგოები) ეძლევა ყოველთვიური პროცენტული (წელთა ნამსახურობის) დანამატი შემდეგი ოდენობით:

 ა) 1-დან 2 წლამდე – 5 %;                       

 ბ) 2-დან 5 წლამდე – 10 %;        

 გ) 5-დან 10 წლამდე – 15 %;      

 დ) 10-დან 15 წლამდე – 20 %;   

      ე) 15 წელი და მეტი – 25 %.

საქართველოს პრეზიდენტის 200 7 წლის 6 ივნის ის ბრძანებულება № 349 - სსმ III, № 81 , 11 . 06 .200 7 წ., მუხ. 860

საქართველოს პრეზიდენტის 200 9 წლის 27 დეკემბრ ის ბრძანებულება № 960 - სსმ III, № 158 , 29 . 12 .200 9 წ., მუხ. 1895

11. სასაზღვრო პოლიციის მოსამსახურეებსა და სამოქალაქო პირებს შეიძლება მიეცეთ ფულადი ჯილდო (პრემია), აგრეთვე, განსაკუთრებულ შემთხვევაში, ერთჯერადი დახმარება, რომლის ოდენობას განსაზღვრავს სასაზღვრო პოლიციის უფროსი.

12. სასაზღვრო პოლიციის მოსამსახურეებსა და სამოქალაქო პირებს მაღალმთიან ადგილებში სამსახურისათვის სასაზღვრო პოლიციის უფროსის გადაწყვეტილებით ეძლევათ ყოველთვიური პროცენტული დანამატი თანამდებობრივი სარგოს შემდეგი ოდენობით (ზღვის დონიდან):

ა) 1500 მეტრამდე ძნელად მისადგომ ადგილებში – 15%;

ბ) 1500-2000 მეტრამდე – 20%;

გ) 2000-2500 მეტრამდე – 30%.

1500 მეტრამდე ძნელად მისადგომი ადგილების ნუსხას ამტკიცებს საქართველოს პრეზიდენტი.

13. სასაზღვრო პოლიციის მოსამსახურეებსა და სამოქალაქო პირებს, რომლებიც ქვედანაყოფებთან ერთად გასული არიან მუდმივი დისლოკაციის (დაბანაკების) პუნქტის გარეთ სასწავლო-საწვრთნელ ცენტრებში, ბანაკებში, პოლიგონებზე, სათადარიგო აეროდრომებზე, მანევრებსა და წვრთნებზე ამოცანათა დამუშავებისათვის, ახალი სპეციალური ტექნიკის შესწავლისა და ათვისებისათვის (მეცადინეობაზე გასვლის დღიდან მეცადინეობის დამთავრების დღის ჩათვლით) ეძლევათ ყოველდღიური ანაზღაურების სახით დანამატი თანამდებობრივი სარგოს 3%-ის ოდენობით.

14. (ამოღებულია).

საქართველოს პრეზიდენტის 200 8 წლის 21 თებერვლ ის ბრძანებულება № 102 - სსმ III, № 30 , 26 . 02 .200 8 წ., მუხ. 319

საქართველოს პრეზიდენტის 2009 წლის 2 0 თებერვლ ის ბრძანებულება №63 - სსმ III, №21, 2 5. 02 .2009 წ., მუხ.262

15. სასაზღვრო პოლიციის მოსამსახურეებს სასაზღვრო პოლიციის უფროსის გადაწყვეტილებით ეძლევათ შემდეგი დანამატი:

ა) საქართველოს საზღვაო სივრცეში პატრულირებისას ზღვაში ყოფნის ყოველი ერთი საათისათვის – 1 ლარი;

ბ) პატრულირების შეზღუდული მზადყოფნის რეჟიმში ბაზაში დგომის ყოველი ერთი საათისათვის – 0.5 ლარი;

გ) ზღვაში ყოფნის ყველა სხვა შემთხვევაში (წვრთნები, მანევრები და სხვ.) ყოველი ერთი საათისათვის – 0.25 ლარი.

საქართველოს პრეზიდენტის 200 8 წლის 21 თებერვლ ის ბრძანებულება № 102 - სსმ III, № 30 , 26 . 02 .200 8 წ., მუხ. 319

151 . სასაზღვრო პოლიციის მოსამსახურეს ყოველი ერთი საათის განმავლობაში წყალქვეშ შესრულებული სამუშაოსათვის ეძლევა დანამატი შემდეგი ოდენობით:

ა) 10 მეტრ სიღრმემდე – 50 ლარი;

ბ) 10 მეტრზე და უფრო ღრმად – 100 ლარი.

საქართველოს პრეზიდენტის 200 8 წლის 21 თებერვლ ის ბრძანებულება № 102 - სსმ III, № 30 , 26 . 02 .200 8 წ., მუხ. 319

16. სასაზღვრო პოლიციის მოსამსახურეს, რომელსაც უწევს სამსახურებრივი გადაადგილება რომელიმე სხვა ქალაქში, მუნიციპალიტეტში ან დასახლებულ პუნქტში, რაც დაკავშირებულია საცხოვრებელი ადგილის შეცვლასთან და ბინის დაქირავებასთან, ან სხვა გამონაკლის შემთხვევაში, ბინის დაქირავებისას ოჯახის თითოეულ წევრზე (მეუღლე, არასრულწლოვანი შვილები) სასაზღვრო პოლიციის უფროსის სამართლებრივი აქტით ყოველთვიური კომპენსაციის სახით ეძლევა არა უმეტეს:

ა) ქ. თბილისში:

ოჯახის გარეშე – 370 ლარი

ორწევრიანი ოჯახისათვის – 240 ლარი  

სამი და მეტი წევრის შემთხვევაში – 180 ლარი;

ბ) სხვა ქალაქებში:

ოჯახის გარეშე – 240 ლარი

ორწევრიანი ოჯახისათვის –160 ლარი

სამი და მეტი წევრის შემთხვევაში – 120 ლარი;

გ) სხვა დასახლებულ პუნქტებში:

ოჯახის გარეშე – 160 ლარი

ორწევრიანი ოჯახისათვის – 100 ლარი

სამი და მეტი წევრის შემთხვევაში – 80 ლარი.

შენიშვნა: 1. კომპენსაციის გაცემა განხორციელდეს ქირავნობის (პერიოდის მითითებით) და ბინაში მცხოვრები ოჯახის წევრთა რაოდენობის შესახებ შესაბამისი დამადასტურებელი დოკუმენტაციის, აგრეთვე გამქირავებლის (ფიზიკური პირის) გადასახადის გადამხდელად რეგისტრაციის მოწმობის წარმოდგენის საფუძველზე.

2. იმ შემთხვევაში, თუ მოსამსახურისთვის ბინის დაქირავებას ახორციელებს სასაზღვრო პოლიცია, ბინის ქირის ღირებულება განისაზღვრება სასაზღვრო პოლიციასა და გამქირავებელს (ფიზიკურ პირს) შორის გაფორმებული ხელშეკრულებით.

საქართველოს პრეზიდენტის 200 8 წლის 21 თებერვლ ის ბრძანებულება № 102 - სსმ III, № 30 , 26 . 02 .200 8 წ., მუხ. 319

161 . სასაზღვრო პოლიციის მოსამსახურეს სახელმწიფო საბინაო ფონდიდან დროებით სარგებლობაში სამსახურებრივი დანიშნულებით ეძლევათ ბინები, რომლის განაწილების წესსა და პირობებს ადგენს საქართველოს სასაზღვრო პოლიციის უფროსი, საბინაო ფართობით უზრუნველყოფის შემდეგი ნორმების გათვალისწინებით:

 

საქართველოს პრეზიდენტის 200 7 წლის 25 დეკემბრ ის ბრძანებულება № 712 - სსმ III, № 184 , 26 . 12 .200 7 წ., მუხ. 2057

17. კადრების განკარგულებაში ყოფნის პერიოდში სასაზღვრო პოლიციის მოსამსახურეს ბოლო დაკავებული თანამდებობის შესაბამისად უნარჩუნდება ხელფასი (ფულადი სარგო) არა უმეტეს ორი თვისა.

18. სასაზღვრო პოლიციის მოსამსახურეს (გარდა სავალდებულო სამხედრო სამსახურის სამხედრო მოსამსახურისა), რომელიც დათხოვნილია ზღვრული ასაკის მიღწევის, ავადმყოფობის, ლიკვიდაციის ან რეორგანიზაციისა და შტატების შემცირების გამო, სასაზღვრო პოლიციაში (მათ შორის, პოლიციასა და სამხედრო ძალებში) ნამსახური წლების (გარდა სავალდებულო სამხედრო სამსახურში ნამსახური წლებისა) მიხედვით სასაზღვრო პოლიციის უფროსის სამართლებრივი აქტით ეძლევა ერთდროული (გასასვლელი) დახმარება შემდეგი ოდენობით:

ა) 2 წლამდე (არანაკლებ 6 თვისა) – 600 ლარი;

ბ) 2-იდან 10 წლამდე – 800 ლარი;

გ) 10-იდან 15 წლამდე – 1000 ლარი;

დ) 15-იდან 20 წლამდე – 1500 ლარი;

ე) 20 წელი და მეტი – 2000 ლარი.

შენიშვნა: შრომითი ხელშეკრულების (კონტრაქტის) ვადის ამოწურვასთან დაკავშირებით დათხოვნისას ერთდროული (გასასვლელი) დახმარება არ გაიცემა.

19. პირადი განცხადების საფუძველზე ან ზღვრული ასაკის გამო დათხოვნილ სასაზღვრო პოლიციის მოსამსახურეს, რომელსაც ნამსახური აქვს არანაკლებ 10 წელი და განსაკუთრებული წვლილი მიუძღვის სასაზღვრო პოლიციის წინაშე, სასაზღვრო პოლიციის უფროსის სამართლებრივი აქტით მიეცემა ერთჯერადი კომპენსაცია თანამდებობრივი სარგოს ოდენობით.

საქართველოს პრეზიდენტის 200 7 წლის 25 დეკემბრ ის ბრძანებულება № 712 - სსმ III, № 184 , 26 . 12 .200 7 წ., მუხ. 2057

20. სასაზღვრო პოლიციის მოსამსახურეს აღნიშნული მიზნებისათვის გამოყოფილი საბიუჯეტო ასიგნებების ხარჯზე აქვს პროფესიული განათლების მიღების, სპეციალურ სასწავლებლებში შესვლის, მომზადების, გადამზადებისა და კვალიფიკაციის ამაღლების კურსებზე სწავლის უფლება.

    21. სასაზღვრო პოლიციის უფროსის სამართლებრივი აქტით გრძელვადიანი მივლინებით სხვა სახელმწიფოში წარგზავნილ სასაზღვრო პოლიციის მოსამსახურესა და სამოქალაქო პირს მოქმედი კანონმდებლობის შესაბამისად ეძლევათ გრძელვადიანი მივლინების ყოველთვიური თანხა. სასაზღვრო პოლიციის მოსამსახურეს აგრეთვე მიეცემა შენახვის (პირველმოწყობის) ხარჯის დასაფარი თანხა, რომლის ოდენობასაც განსაზღვრავს სასაზღვრო პოლიციის უფროსი. ამავდროულად, სასაზღვრო პოლიციის მოსამსახურეს უნარჩუნდება შესაბამისი ფულადი სარგო, წელთა ნამსახურობის დანამატი და კვების ულუფა, ხოლო სამოქალაქო პირს – თანამდებობრივი სარგო და წელთა ნამსახურობის დანამატი.

საქართველოს პრეზიდენტის 2009 წლის 2 0 თებერვლ ის ბრძანებულება №63 - სსმ III, №21, 2 5. 02 .2009 წ., მუხ.262

22. სასაზღვრო პოლიციის მოსამსახურეს, რომელიც სამსახურს გადის სხვა უწყებაში, თანამდებობრივი სარგო განესაზღვრება სასაზღვრო პოლიციაში დაკავებული თანამდებობის თანამდებობრივი სარგოს არანაკლები ოდენობით. მოსამსახურეს წოდებრივი სარგოთი, წელთა ნამსახურობის პროცენტული დანამატით, სასაზღვრო პოლიციის უფროსის მიერ დაწესებული სპეციალური დანამატებით, დათხოვნასთან დაკავშირებული ერთდროული (გასასვლელი) დახმარებით (სასაზღვრო პოლიციაში შესაბამისი თანამდებობისათვის დადგენილი ფულადი სარგოს გათვალისწინებით), სასურსათო ულუფის სანაცვლოდ დაწესებული ფულადი კომპენსაციითა და ფორმის ტანსაცმლით, აგრეთვე, საჭიროების შემთხვევაში, თანამდებობრივ სარგოებს შორის სხვაობით უზრუნველყოფს სასაზღვრო პოლიცია (თუ სხვა რამ არ არის დადგენილი), ხოლო თანამდებობრივი სარგოთი და სხვა დანამატებით – შესაბამისი უწყება.

შენიშვნა: აღნიშნული კატეგორიის მოსამსახურეთა პენსიაზე გასვლის შემთხვევაში, ხელფასის გაანგარიშებისას საფუძვლად უნდა იქნეს აღებული სასაზღვრო პოლიციაში დაკავებული თანამდებობის თანამდებობრივი სარგო.

23. სასაზღვრო პოლიციის მოსამსახურეს საომარი მდგომარეობის დროს მოქმედ სამხედრო ნაწილში ყოფნის ან შეიარაღებულ კონფლიქტში უშუალო მონაწილეობის, ან მშვიდობიან პერიოდში სპეციალური დავალების შესრულების დროს, რომელიც გათანაბრებული იქნება საბრძოლო მოქმედებებთან, ერთი დღე ჩაეთვალოს ნამსახურობის სამ დღედ. ხოლო პირს, რომელიც უშუალოდ არ მონაწილეობდა შეიარაღებულ კონფლიქტში და იყო საბრძოლო მოქმედებისათვის მზადყოფნაში ან უზრუნველყოფდა საბრძოლო მოქმედებებს, ან იმყოფებოდა შეიარაღებული კონფლიქტის ზონაში სამშვიდობო ძალების შემადგენლობაში, ნამსახურობის ერთი დღე ჩაეთვალოს ორ დღედ. შესაბამისად, ფულადი სარგო დროის ამ პერიოდში მიეცეს სამმაგი და ორმაგი ოდენობით.

24. სამხედრო ნაწილებსა და შენაერთებში, სპეციალური დანიშნულების რაზმებში, აგრეთვე ამ ბრძანებულების 23-ე პუნქტში მითითებული სასაზღვრო პოლიციის მოსამსახურის მიერ შესაბამის ქვედანაყოფში სამსახურის გავლის განსაკუთრებულ პირობებს ადგენს საქართველოს პრეზიდენტი.

25. სასაზღვრო პოლიციის მოსამსახურეს, რომელსაც ეძლევა შესაბამისად ფულადი სარგო ან თანამდებობრივი სარგო ორმაგი ან სამმაგი ოდენობით, მოქმედი კანონმდებლობით დადგენილი დანამატები და პენსია უანგარიშდება ფულადი სარგოს ერთმაგი ოდენობიდან.

26. (ამოღებულია).

საქართველოს პრეზიდენტის 200 7 წლის 3 აპრილ ის ბრძანებულება № 228 - სსმ III, № 47 , 04 . 04 .200 7 წ., მუხ. 528

     27. სასაზღვრო პოლიციის მოსამსახურეს კუთვნილი შვებულების დროს ეძლევა შესაბამისი ხელფასი (ფულადი სარგო), წელთა ნამსახურობისა და სხვა სპეციალური დანამატები და კომპენსაციები.

28. სამსახურებრივი მოვალეობის შესრულებისას მოსამსახურის დაღუპვის შემთხვევაში მისი ოჯახის წევრს (მემკვიდრეს) ან მის კმაყოფაზე მყოფ პირს სასაზღვრო პოლიციის უფროსის სამართლებრივი აქტით ეძლევა ერთჯერადი დახმარება 15 000 (თხუთმეტი ათასი) ლარის ოდენობით და დაკრძალვის (საფლავის მოწყობის) ხარჯები 500 ლარის ოდენობით.

29. სასაზღვრო პოლიციის მოსამსახურეს, სამსახურებრივი მოვალეობის შესრულებისას დაჭრის ან დასახიჩრების შემთხვევაში, სასაზღვრო პოლიციის უფროსის სამართლებრივი აქტით ეძლევა ერთჯერადი დახმარება შემდეგი ოდენობით:

ა) სხეულის მძიმე დაზიანებისას – 7000 (შვიდი ათასი) ლარი;

ბ) სხეულის ნაკლებად მძიმე დაზიანებისას – 3000 (სამი ათასი) ლარი;

გ) სხეულის მსუბუქი დაზიანებისას – 1000 (ათასი) ლარი.

30. სასაზღვრო პოლიციის მოსამსახურე, რომელსაც განსაკუთრებული წვლილი მიუძღვის სახელმწიფოს წინაშე ან ნამსახური აქვს უწყვეტი 10 კალენდარული წელი, ხოლო ამ მოსამსახურის გარდაცვალების შემთხვევაში მისი ოჯახის წევრი (მემკვიდრე), აგრეთვე სამსახურებრივი მოვალეობის შესრულების დროს მიღებული ჭრილობების, დასახიჩრების ან დაავადების შედეგად გარდაცვლილი სასაზღვრო პოლიციის მოსამსახურის ოჯახის წევრი (მემკვიდრე), რომელმაც სახელმწიფო საბინაო ფონდიდან სამსახურებრივი დანიშნულებით მიიღო ბინა, შეიძენს მასზე პრივატიზაციის უფლებას კანონმდებლობით დადგენილი წესის შესაბამისად.

საქართველოს პრეზიდენტის 200 7 წლის 17 აგვისტო ს ბრძანებულება № 480 - სსმ III, № 119 , 23 . 08 .200 7 წ., მუხ. 1303

31. სასაზღვრო პოლიციის მოსამსახურეებს უფლება აქვთ საქართველოს ტერიტორიაზე უფასოდ იმგზავრონ საზოგადოებრივი ტრანსპორტით – ავტობუსით, ტროლეიბუსით, ტრამვაით, მეტროპოლიტენით და საგარეუბნო რკინიგზის ტრანსპორტით წლიური საბიუჯეტო კანონით სასაზღვრო პოლიციისათვის აღნიშნული მიზნით გამოყოფილი ასიგნებებიდან.

32. სასაზღვრო პოლიციის ყველა მოსამსახურე ექვემდებარება სახელმწიფოს მიერ სავალდებულო სახელმწიფო დაზღვევას, რომლის პირობებს განსაზღვრავს საქართველოს კანონმდებლობა.

33. ძალადაკარგულად გამოცხადდეს „საქართველოს შინაგან საქმეთა სამინისტროს სახელმწიფო საქვეუწყებო დაწესებულება – სახელმწიფო საზღვრის დაცვის დეპარტამენტის მოსამსახურეთა და სამოქალაქო პირთა სოციალური დაცვისა და მატერიალური უზრუნველყოფის შესახებ“ საქართველოს პრეზიდენტის 2005 წლის 2 მარტის №124 ბრძანებულება.

34. ამ ბრძანებულებით გათვალისწინებული ღონისძიებების ფინანსური უზრუნველყოფა განხორციელდეს წლიური საბიუჯეტო კანონით სასაზღვრო პოლიციისათვის გათვალისწინებული ასიგნებების ფარგლებში.

    35. ამ ბრძანებულების მე-18 პუნქტი ამოქმედდეს 2013 წლის 1 იანვრიდან.

საქართველოს პრეზიდენტის 200 7 წლის 18 იანვრ ის ბრძანებულება № 45 - სსმ III,  № 8 , 23 . 01 .200 7 წ., მუხ. 62

საქართველოს პრეზიდენტის 200 7 წლის 25 დეკემბრ ის ბრძანებულება № 712 - სსმ III, № 184 , 26 . 12 .200 7 წ., მუხ. 2057

საქართველოს პრეზიდენტის 2009 წლის 20 თებერვლის ბრძანებულება №63 - სსმ III, №21, 25.02.2009 წ., მუხ.262

საქართველოს პრეზიდენტის 2009 წლის 29 დეკემბრის ბრძანებულება №968 - სსმ III, №159, 30.12.2009 წ., მუხ.1926

საქართველოს პრეზიდენტის 2010 წლის 28 დეკემბრის ბრძანებულება №1072- სსმ III, №170, 29.12.2010 წ., მუხ.2440

საქართველოს პრეზიდენტის 2011 წლის 30 ნოემბრის ბრძანებულება №774 - ვებგვერდი, 01.12.2011წ.

36. ეს ბრძანებულება ამოქმედდეს 2006 წლის 1 ივლისიდან.

    მ. სააკაშვილი

  შეტანილი ცვლილებები:

1. საქართველოს პრეზიდენტის 2007 წლის 18 იანვრის ბრძანებულება №45 - სსმ III,  №8, 23.01.2007 წ., მუხ.62

2. საქართველოს პრეზიდენტის 2007 წლის 3 აპრილის ბრძანებულება №228 - სსმ III, №47, 04.04.2007 წ., მუხ.528

 3. საქართველოს პრეზიდენტის 2007 წლის 6 ივნისის ბრძანებულება №349 - სსმ III, №81, 11.06.2007 წ., მუხ.860

4. საქართველოს პრეზიდენტის 2007 წლის 17 აგვისტოს ბრძანებულება №480 - სსმ III, №119, 23.08.2007 წ., მუხ.1303

5. საქართველოს პრეზიდენტის 2007 წლის 25 დეკემბრის ბრძანებულება №712 - სსმ III, №184, 26.12.2007 წ., მუხ.2057

6. საქართველოს პრეზიდენტის 2007 წლის 28 დეკემბრის ბრძანებულება №727 - სსმ III, №1, 03.01.2008 წ., მუხ.1

7. საქართველოს პრეზიდენტის 2008 წლის 21 თებერვლის ბრძანებულება №102 - სსმ III, №30, 26.02.2008 წ., მუხ.319

8. საქართველოს პრეზიდენტის 2009 წლის 20 თებერვლის ბრძანებულება №63 - სსმ III, №21, 25.02.2009 წ., მუხ.262

9. საქართველოს პრეზიდენტის 2009 წლის 27 დეკემბრის ბრძანებულება №960 - სსმ III, №158, 29.12.2009 წ., მუხ.1895

10. საქართველოს პრეზიდენტის 2009 წლის 29 დეკემბრის ბრძანებულება №968 - სსმ III, №159, 30.12.2009 წ., მუხ.1926

11. საქართველოს პრეზიდენტის 2010 წლის 25 აგვისტოს ბრძანებულება №683 - სსმ III, №104, 25.08.2010 წ., მუხ.1576

12. საქართველოს პრეზიდენტის 2010 წლის 11 ოქტომბრის ბრძანებულება №820- სსმ III, №131, 12.10.2010 წ., მუხ.1902

13. საქართველოს პრეზიდენტის 2010 წლის 28 დეკემბრის ბრძანებულება №1072- სსმ III, №170, 29.12.2010 წ., მუხ.2440

14. საქართველოს პრეზიდენტის 2011 წლის 7 ივლისის ბრძანებულება №359 - ვებგვერდი, 08.07.2011წ.

15. საქართველოს პრეზიდენტის 2011 წლის 30 ნოე მბრის ბრძანებულება №774 - ვებგვერდი, 01.12.2011წ.

დანართი № 1

საქართველოს სასაზღვრო პოლიციის მოსამსახურეთა და სამსახურებრივი ცხოველების სასურსათო უზრუნველყოფის ნორმები

ნორმა №1

საერთო საჯარისო სასურსათო იჯრა

საყაზარმე კვების (საქვაბე კმაყოფაზე ყოფნის) პირობებში

 

ნორმა №2

განსაკუთრებულ დავალებათა ქვედანაყოფების მოსამსახურეთა სასურსათო იჯრა საყაზარმე კვების (კვებით უზრუნველყოფის) პირობებში

(ამოღებულია)

საქართველოს პრეზიდენტის 200 9 წლის 27 დეკემბრ ის ბრძანებულება № 960 - სსმ III, № 158 , 29 . 12 .200 9 წ., მუხ. 1895

ნორმა №3

სპეციალური დანიშნულების ქვედანაყოფების მოსამსახურეთა სასურსათო იჯრა საყაზარმე კვების (კვებით უზრუნველყოფის) პირობებში

(ამოღებულია)

საქართველოს პრეზიდენტის 200 9 წლის 27 დეკემბრ ის ბრძანებულება № 960 - სსმ III, № 158 , 29 . 12 .200 9 წ., მუხ. 1895

ნორმა №4

განწესში მყოფ მოსამსახურეთა მშრალი სასურსათო იჯრა №1

 

საერთო საჯარისო მშრალი სასურსათო იჯრა №2

 

შენიშვნა: ენერგეტიკული ღირებულების საორიენტაციო დღიური ნორმა 1 მოსამსახურეზე განისაზღვროს 5000 კკალორიის ფარგლებში.

 

სპეციალური დანიშნულების და განსაკუთრებულ დავალებათა ქვედანაყოფების

მშრალი სასურსათო იჯრა №3

გრძელვადიანი საზღვაო გადასვლის და უცხო ქვეყნის ნავსადგურებში

ყოფნის პერიოდში სანაპირო დაცვის მცურავი საშუალებების ეკიპაჟის

წევრთა სასურსათო იჯრა №4

შენიშვნა:

1. მოცემული იჯრით უზრუნველყოფილ უნდა იქნენ:

ა) მცურავი საშუალებების ეკიპაჟები და ის პირები, რომლებიც იმყოფებიან გემზე გადასვლაზე შესაბამისი ბრძანების საფუძველზე სამ დღეზე მეტი ვადით;

ბ) პირები, რომლებიც უბედური შემთხვევით, ავარიით ან სტიქიური უბედურებით, ძლიერი შტორმით ან სასწრაფო სამედიცინო დახმარების აღმოჩენით, აგრეთვე სხვა საგანგებო ვითარებით გამოწვეული გარემოებების გამო აყვანილი არიან სანაპირო დაცვის ხომალდზე (კატარღაზე) საზღვაო გადასვლის დროს.

2. მოცემულ იჯრასთან ერთად 24.00 სთ-დან 08.00 სთ-მდე სამორიგეო-სავახტო სამსახურში მყოფ მოსამსახურეზე დამატებით გაიცემა:

 

 

3. გემების ზღვაში ყოფნის დროდ ითვლება პერიოდი გასვლიდან – ნავმისადგომის კედლიდან (პირსიდან) მოშორების მომენტიდან, დაბრუნებამდე – ნავმისადგომის კედელთან (პირსთან) შეხების მომენტამდე. ხომალდის (კატარღის) ბაზაში გადაადგილებაზე დახარჯული დრო, რაც დაკავშირებულია სალაშქრო მზადებასთან, ტექნიკის, იარაღისა და პირადი შემადგენლობის მიღებასთან, ზღვაში ყოფნის დროში არ შედის.

საქართველოს პრეზიდენტის 200 9 წლის 27 დეკემბრ ის ბრძანებულება № 960 - სსმ III, № 158 , 29 . 12 .200 9 წ., მუხ. 1895

მყვინთავების სასურსათო იჯრა №5

 

შენიშვნა:

მოცემული იჯრით უზრუნველყოფილი უნდა იქნენ:

მყვინთავები და ის მოსამსახურეები, რომლებიც ასრულებენ წყალქვეშა სამუშაოებს, იმყოფებიან საკომპრესიო კამერაში (საყვინთაო ბაროკამერა) წნევის ქვეშ, წყალქვეშ ყოველი 2 საათის უწყვეტი მუშაობისათვის.

საქართველოს პრეზიდენტის 200 9 წლის 27 დეკემბრ ის ბრძანებულება № 960 - სსმ III, № 158 , 29 . 12 .200 9 წ., მუხ. 1895

ნორმა №5

სამკურნალო სასურსათო იჯრა

(ამოღებულია)

საქართველოს პრეზიდენტის 200 9 წლის 27 დეკემბრ ის ბრძანებულება № 960 - სსმ III, № 158 , 29 . 12 .200 9 წ., მუხ. 1895

ნორმა №6

სასაზღვრო პოლიციის მოსამსახურეთა ყოველთვიური სასურსათო ულუფა

ნორმა №7

სამსახურებრივი ძაღლების ძირითადი საკვები ნივთიერებებით უზრუნველყოფის

დღიური იჯრა

 

შენიშვნა:

1. საკვები ნივთიერებების დღიური ნორმა მერყეობს ჯიშის, სქესის, ასაკის, ფიზიოლოგიური მდგომარეობის, დატვირთვის და გარემო პირობების გათვალისწინებით.

2. ვიტამინები და სხვა მინერალები მიეცემა ვეტერინარული სამსახურის სპეციალისტის გადაწყვეტილების შესაბამისად.

სამსახურებრივი ძაღლების მშრალი საკვებით უზრუნველყოფის დღიური იჯრა

               

შენიშვნა:

საკვების დღიური ნორმა მერყეობს ჯიშის, სქესის, ასაკის, ფიზიოლოგიური მდგომარეობის, დატვირთვის, გარემო პირობების და მშრალი საკვების კალორიულობის (100 გრ-ში 300-360 კ.კალორიის შემცველობით) შესაბამისად.

სამსახურებრივი ძაღლების ცოცხალი საკვებით უზრუნველყოფის იჯრა

 

შენიშვნა:

1. ძაღლთსაშენებში წმინდა სისხლის ძაღლებისათვის მოცემული ნორმის ზევით გაიცემა 50 გრამი ხორცი მეორე კატეგორიის ან 125 გრამი ხორცი II კატეგორიის სუბპროდუქტი ერთ ძაღლზე დღე-ღამეში.

2. ავადმყოფი ძაღლებისათვის ვეტერინარული სამსახურის სპეციალისტის ნებართვით დასაშვებია მოცემული 200 გრამი შვრიის ბურღულის ან ფეტვის მაგივრად იმავე რაოდენობის ბრინჯის გაცემა.

3. ვეტერინარული სამსახურის სპეციალისტის დასკვნის საფუძველზე დასაშვებია მოცემული ნორმის ზევით ერთ ძაღლზე დღე-ღამეში გაიცეს:

ა) ავადმყოფი ძაღლისათვის – 500 გრამი რძე;

ბ) ძუ ძაღლისათვის (მაკედ ყოფნის დროს) – 100 გრამი II კატეგორიის ხორცი ან 250 გრამი ხორცის II კატეგორიის სუბპროდუქტი;

გ) მეძუძური ძაღლებისათვის (ლეკვების ასხლეტამდე) – 100 გრამი II კატეგორიის ხორცი ან 250 გრამი ხორცის II კატეგორიის სუბპროდუქტები, აგრეთვე 500 გრამი რძე;

დ) ძაღლის ჯანმრთელობაზე უარყოფითად მოქმედი ობიექტების დაცვისას – 500 გრამი რძე;

ე) ყველა ძაღლისათვის – 14 გრამი ძვლის ფქვილი და 6 გრამი ცარცი.

4. 12 საათის ხანგრძლივობით ტრანსპორტირების დროს ნებადართულია მოცემული ნორმის პროდუქტების სანაცვლოდ ერთი ძაღლისათვის დღე-ღამეში გაიცეს 700 გრამი ჭვავის ფქვილის პური და ხორბლის I ხარისხის ფქვილისგან და ორი 350-გრამიან ქილაში დაფასოებული კონსერვი ხორცითა და ბურღულით.

5. ოთხ თვემდე ასაკის ლეკვებისათვის ყოველდღიური თანაბარზომიერი გაზრდით გაიცეს:

ა) შვრიის ბურღული,ფეტვი – სამი კვირის ასაკიდან, დაწყებული 40 გრამით;

ბ) ხორცი II კატეგორიის ან ცხენის ხორცი – ერთი თვის ასაკიდან, დაწყებული 26 გრამით, ხოლო ხორცის სუბპროდუქტი II კატეგორიის – 40 გრამით;

გ) რძე – ორი კვირის ასაკიდან, დაწყებული 150 გრამით;

6. ქვეშაგებად გაიცეს დღე-ღამეში ნამჯა – მოზრდილი ძაღლისათვის 800 გრამი, ლეკვებისათვის – 400 გრამი.

ნორმა №8

სამსახურებრივი დანიშნულების ცხენების საკვებით უზრუნველყოფის ნორმები თავლური შენახვის პერიოდში სანაშენე ცხენის ულუფაში საკვების შეფარდების ნორმა (პროცენტობით საერთო ყუათიანობიდან)

საჯდომი ცხენის კვების საშუალო სადღეღამისო ნორმები

 

შენიშვნა: ზაფხულის პერიოდში ფაშატებისა და წვრთნაზე მყოფი მოზარდისათვის ძირითადი საკვებია მწვანე მასა. დამატებით ფაშატებს ეძლევათ 3-4 კგ. კონცენტრატი (ნაკვებობის გათვალისწინებით), ხოლო მოზარდს – 4-6 კგ.

წვრთნის პერიოდში ცხენის კვების სამაგალითო ულუფა დღე-ღამეში ერთ სულზე

339 (ცოცხალი მასა 450-500 კგ.)

კვების უზრუნველყოფის ნორმების ღირებულების საორიენტაციო მაჩვენებლები

საქართველოს პრეზიდენტის 200 7 წლის 2 8 დეკემბრ ის ბრძანებულება № 7 27 - სსმ III, № 1 , 03.01.2008 წ., მუხ.1

საქართველოს პრეზიდენტის 200 8 წლის 21 თებერვლ ის ბრძანებულება № 102 - სსმ III, № 30 , 26 . 02 .200 8 წ., მუხ. 319

საქართველოს პრეზიდენტის 2009 წლის 2 0 თებერვლ ის ბრძანებულება №63 - სსმ III, №21, 2 5. 02 .2009 წ., მუხ.262

ერთი პროდუქტის სხვა პროდუქტით შეცვლის ნორმა

 დანართი №2

საქართველოს სასაზღვრო პოლიციის მოსამსახურეთა სანივთე ქონებით

უზრუნველყოფის ნორმები

სასაზღვრო პოლიციის სამხედრო სავალდებულო სამსახურის მოსამსახურეთა სანივთე ქონების უზრუნველყოფის

ნორმა №1

(ამოღებულია)

               

საქართველოს პრეზიდენტის 20 10 წლის 25 აგვისტოს ბრძანებულება № 683 - სსმ III, № 104 , 25 . 08 .20 10 წ., მუხ.1 576

სასაზღვრო პოლიციის კაპრალ-სერჟანტთა შემადგენლობის

სანივთე ქონები თ უზრუნველყოფის

ნორმა № 2