,,სისხლის სამართლის კანონმდებლობის რეფორმის განმახორციელებელი უწყებათაშორისი საკოორდინაციო საბჭოს შემადგენლობისა და დებულების დამტკიცების შესახებ“

სახელმწიფო სარეგისტრაციო კოდი 010.240.020.08.002.004.

საქართველოს პრეზიდენტის

  ბრძანებულება №591

2008 წლის 13 დეკემბერი

ქ. თბილისი

სისხლის სამართლის კანონმდებლობის რეფორმის განმახორციელებელი უწყებათაშორისი საკოორდინაციო საბჭოს შემადგენლობისა და დებულების დამტკიცების შესახებ

1. „ნორმატიული აქტების შესახებ“ საქართველოს კანონის მე-18 მუხლის მე-2 პუნქტის შესაბამისად, საქართველოს სისხლის სამართლის კანონმდებლობის რეფორმის სტრატეგიის შემუშავებისა და განხორციელების, უწყებათაშორისი საქმიანობის კოორდინაციის, აგრეთვე შესაბამისი წინადადებებისა და დასკვნების შემუშავების მიზნით, საქართველოს იუსტიციის სამინისტროსთან შეიქმნას სისხლის სამართლის კანონმდებლობის რეფორმის განმახორციელე-ბელი უწყებათაშორისი საკოორდინაციო საბჭო შემდეგი შემადგენლობით:

ზურაბ ადეიშვილი – საქართველოს იუსტიციის მინისტრი, საკოორდინაციო საბჭოს თავმჯდომარე

დიმიტრი შაშკინი   – საქართველოს სასჯელაღსრულების, პრობაციისა და იურიდიული დახმარების საკითხთა მინისტრი, საკოორდინაციო საბჭოს თანათავმჯდომარე

ირაკლი ბაზერაშვილი – საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სახელმწიფო საქვეუწყებო დაწესებულების – არასაპატიმრო სასჯელთა აღსრულებისა და პრობაციის ეროვნული სამსახურის უფროსის მოადგილე

თინა ბურჯალიანი  – საქართველოს იუსტიციის მინისტრის პირველი მოადგილე

ირაკლი გიორგობიანი – საქართველოს შრომის, ჯანმრთელობისა და სოციალური დაცვის მინისტრის პირველი მოადგილე

მურთაზ ზოდელავა – საქართველოს პარლამენტის წევრი, იურიდიულ საკითხთა კომიტეტის თავმჯდომარის პირველი მოადგილე

ეკატერინე ზღულაძე  –    საქართველოს შინაგან საქმეთა მინისტრის პირველი მოადგილე

თამარ თომაშვილი – საქართველოს  იუსტიციის სამინისტროს საერთაშორისო საჯარო სამართლის დეპარტამენტის უფროსის მოადგილე, საკოორდინაციო საბჭოს მდივანი

მაია კოპალეიშვილი – საქართველოს განათლებისა და მეცნიერების მინისტრის მოადგილე

აკაკი მინაშვილი – საქართველოს პარლამენტის წევრი, იურიდიულ საკითხთა კომიტეტის თავმჯდომარის მოადგილე

ზაზა მეიშვილი – საქართველოს უზენაესი სასამართლოს თავმჯდომარის მოადგილე, სისხლის სამართლის საქმეთა პალატის თავმჯდომარე

დავით საყვარელიძე – საქართველოს მთავარი პროკურორის პირველი მოადგილე

სოზარ სუბარი –  საქართველოს სახალხო დამცველი

რუსუდან ტაბატაძე – საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს მმართველობის სფეროში შემავალი საჯარო სამართლის იურიდიული პირის – იურიდიული დახმარების სამსახურის დირექტორი

ანტონ ქელბაქიანი – საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტის უფროსის თანაშემწე

გიორგი ჯოხაძე – საქართველოს იუსტიციის სამინისტროს ანალიტიკური დეპარტამენტის უფროსი.

2. ეთხოვოთ საკოორდინაციო საბჭოს მუშაობაში მონაწილეობა:

ინკერი აარნიო-ლუოფს – ევროპის უსაფრთხოებისა და თანამშრომლობის ორგანიზაციის წარმომადგენელს

ჯოვანა ბარბერისს – გაეროს ბავშვთა ფონდის წარმომადგენელს საქართველოში

პაატა გაჩეჩილაძეს – ორგანიზაცია „21-ე საუკუნის“ გამგეობის თავმჯდომარეს

პერ ეკლუნდს – ევროკომისიის დელეგაციის ხელმძღვანელს საქართველოში

ბორის ვოდსს – ევროსაბჭოს გენერალური მდივნის სპეციალურ წარმომადგენელს

თეა თუთბერიძეს    – თავისუფლების ინსტიტუტის წარმომადგენელს

რაიტ კუსს – ციხის საერთაშორისო რეფორმის რეგიონალურ დირექტორს

გარი ლედბეთერს   – ამერიკის იურისტთა ასოციაციის/კანონის უზენაესობის ინიციატივის პროგრამის დირექტორს საქართველოში

ნინო მახაშვილს – ფონდის „გლობალური ინიციატივა ფსიქიატრიაში–თბილისი“ დირექტორს

ზაზა რუხაძეს – ადამიანის უფლებათა დაცვის ცენტრის გამგეობის თავმჯდომარეს

ვიდარ სტენსლანდს – ნორვეგიის კანონის უზენაესობის მრჩეველთა მისიის ხელმძღვანელს საქართველოში

გიორგი ტუღუშს – დამოუკიდებელ ექსპერტს

არჩილ ჩოფიკაშვილს – ორგანიზაცია „კონსტიტუციის 42-ე მუხლის“ წარმომადგენელს

თამარ ხიდაშელს – საქართველოს ახალგაზრდა იურისტთა ასოციაციის თავმჯდომარეს.

3. დამტკიცდეს სისხლის სამართლის კანონმდებლობის რეფორმის განმახორციელებელი უწყებათაშორისი საკოორდინაციო საბჭოს თანდართული დებულება.

4. ეს ბრძანებულება ამოქმედდეს გამოქვეყნებისთანავე.

საქართველოს პრეზიდენტის 2009 წლის 18 მა რ ტ ის ბრძანებულება № 1 29 - სსმ III,  № 33 , 1 9 . 03 .2009 წ., მუხ. 38 0

საქართველოს პრეზიდენტის 2009 წლის 22 აპრილ ის ბრძანებულება № 196 - სსმ III, № 50 , 27 . 04 .2009 წ., მუხ. 558

     მ. სააკაშვილი

     შეტანილი ცვლილებები:

    1. საქართველოს პრეზიდენტის 2009 წლის 18 მა რ ტ ის ბრძანებულება №129 - სსმ III,  №33, 19.03.2009 წ., მუხ.380

     2. საქართველოს პრეზიდენტის 2009 წლის 22 აპრილ ის ბრძანებულება №196 - სსმ III, №50, 27.04.2009 წ., მუხ.558

სისხლის სამართლის კანონმდებლობის რეფორმის განმახორციელებელი უწყებათაშორისი საკოორდინაციო საბჭოს დებულება

    მუხლი 1. ზოგადი დებულებანი

1. სისხლის სამართლის კანონმდებლობის რეფორმის განმახორციელებელი უწყებათაშორისი საკოორდინაციო საბჭო (შემდეგში – საკოორდინაციო საბჭო) შექმნილია საქართველოს პრეზიდენტის ბრძანებულებით.

2. თავის საქმიანობაში საბჭო ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებით და შეთანხმებებით, სხვა საკანონმდებლო და კანონქვემდებარე ნორმატიული აქტებით.

3. საბჭოს სტრუქტურა, უფლებამოსილება და საქმიანობის წესი განისაზღვრება ამ დებულებით.

    მუხლი 2. საკოორდინაციო საბჭოს სტრუქტურა

1. საკოორდინაციო საბჭოს შემადგენლობას განსაზღვრავს საქართველოს პრეზიდენტი.

2. საკოორდინაციო საბჭოს შემადგენლობაში სახელმწიფო უწყებების წარმომადგენლებთან ერთად შეიძლება შედიოდნენ შესაბამის სფეროში საქმიანობის განმახორციელებელი არასამეწარმეო (არაკომერციული) იურიდიული პირების და საერთაშორისო ორგანიზაციების წარმომადგენლები, ექსპერტები და მეცნიერები.

3. საკოორდინაციო საბჭოს საქმიანობაში საკოორდინაციო საბჭოს თავმჯდომარის მოწვევით შეიძლება მონაწილეობდნენ საქართველოს პარლამენტისა და მთავრობის წევრები, სახელმწიფო უწყებათა ხელმძღვანელები, არასამთავრობო და საერთაშორისო ორგანიზაციების წარმომადგენლები, დამოუკიდებელი ექსპერტები.

4. საკოორდინაციო საბჭოს შემადგენლობიდან წევრის გამოწვევა ხდება საქართველოს პრეზიდენტის მიერ საკუთარი ინიციატივით ან საკოორდინაციო საბჭოს წევრის წარმდგენი ორგანოს წინადადებით.

    მუხლი 3. საკოორდინაციო საბჭოს ამოცანები

საკოორდინაციო საბჭოს ძირითადი ამოცანებია:

ა) კანონის უზენაესობისა და ადამიანის უფლებათა დაცვის პრინციპების გათვალისწინებით სისხლის სამართლის კანონმდებლობის რეფორმის თაობაზე შესაბამისი წინადადებების შემუშავება;

ბ) სისხლის სამართლის კანონმდებლობის რეფორმის სტრატეგიის შემუშავება და პერიოდული განახლება;

გ) სისხლის სამართლის კანონმდებლობის რეფორმის სტრატეგიის შემუშავების პროცესში შესაბამისი ღონისძიებების განხორციელების ხელშეწყობის მიზნით უწყებათაშორისი საქმიანობის კოორდინაცია;

დ) სასჯელაღსრულების, პრობაციის, არასრულწლოვანთა საქმეებზე მართლმსაჯულებისა და სახელმწიფოს ხარჯზე იურიდიული დახმარების სფეროებს მიკუთვნებული საკითხების გადაწყვეტის მიზნით შესაბამისი წინადადებებისა და რეკომენდაციების მომზადება.

    მუხლი 4. საკოორდინაციო საბჭოს უფლებამოსილება

დასახული მიზნებისა და ამოცანების განსახორციელებლად საკოორდინაციო საბჭო უფლებამოსილია:

ა) კანონმდებლობით დადგენილი წესით საქართველოს სახელმწიფო ორგანოებიდან და დაწესებულებებიდან გამოითხოვოს თავისი საქმიანობისათვის საჭირო ინფორმაცია;

ბ) შეიმუშაოს/მოამზადოს წინადადებები და რეკომენდაციები სისხლის სამართლის კანონმდებლობის რეფორმის სტრატეგიის განახლებისა და სრულყოფის მიზნით;    

გ) შექმნას სამუშაო ჯგუფები და მოიწვიოს დამოუკიდებელი ექსპერტები თავის კომპეტენციაში შემავალი საკითხების შესწავლისა და სათანადო რეკომენდაციების შემუშავების მიზნით.

    მუხლი 5. სამუშაო ჯგუფები და დამოუკიდებელი ექსპერტები

1. საკოორდინაციო საბჭო ამ დებულებით გათვალისწინებული ამოცანების ეფექტიანი განხორციელების, აგრეთე სისხლის სამართლის კანონმდებლობის რეფორმის სტრატეგიით გათვალისწინებული კონკრეტული საკითხების განხილვისა და გადაწყვეტის მიზნით, ხმათა უმრავლესობით, ქმნის სამუშაო ჯგუფებს. საჭიროების შემთხვევაში, საბჭო უფლებამოსილია მოიწვიოს დამოუკიდებელი ექსპერტი.

2. სამუშაო ჯგუფის შემადგენლობაში შეიძლება შედიოდნენ სახელმწიფო უწყებათა და შესაბამის სფეროში საქმიანობის განმახორციელებელი არასამეწარმეო (არაკომერციული) იურიდიული პირების წარმომადგენლები, მეცნიერები და ექსპერტები.

3. სამუშაო ჯგუფის შეხვედრების პერიოდულობას სამუშაო ჯგუფზე დაკისრებული ფუნქციების გათვალისწინებით განსაზღვრავს საკოორდინაციო საბჭო. როგორც წესი, სამუშაო ჯგუფის შეხვედრა ტარდება არანაკლებ თვეში ერთხელ.

4. სამუშაო ჯგუფი თავისი შემადგენლობიდან ირჩევს სამუშაო ჯგუფის მომხსენებელს.

5. დამოუკიდებელ ექსპერტად შეიძლება მოწვეულ იქნეს შესაბამის სფეროში საქმიანობის განმახორციელებელი, სათანადო კომპეტენციისა და გამოცდილების მქონე პირი.

6. დამოუკიდებელი ექსპერტის საქმიანობის ინტენსივობას, მასზე დაკისრებული მოვალეობის გათვალისწინებით, განსაზღვრავს საკოორდინაციო საბჭო.

    მუხლი 6. საკოორდინაციო საბჭოს მუშაობის ორგანიზაცია

1. საკოორდინაციო საბჭოს ხელმძღვანელობს და მის სხდომებს წარმართავს საკოორდინაციო საბჭოს თავმჯდომარე.

2. საკოორდინაციო საბჭოს თავმჯდომარის არყოფნის შემთხვევაში, მის უფლებამოსილებას ასრულებს საკოორდინაციო საბჭოს თავმჯდომარის მიერ განსაზღვრული საბჭოს სხვა წევრი.

3. საკოორდინაციო საბჭოს სხდომები, როგორც წესი, ტარდება ექვს თვეში ერთხელ.

4. საჭიროების შემთხვევაში, დასაშვებია საკოორდინაციო საბჭოს სხდომის ვადამდე მოწვევა საბჭოს თავმჯდომარის მიერ.

5. საკოორდინაციო საბჭოსთან იქმნება საკოორდინაციო საბჭოს სამდივნო, რომელსაც მართავს საკოორდინაციო საბჭოს მდივანი. საკოორდინაციო საბჭოს სამდივნო ტექნიკურ დახმარებას უწევს საკოორდინაციო საბჭოს, სამუშაო ჯგუფებისა და დამოუკიდებელი ექსპერტების საქმიანობას.

6. საკოორდინაციო საბჭოს სხდომის დღის წესრიგს ამტკიცებს საბჭოს თავმჯდომარე.

7. საკოორდინაციო საბჭოს სხდომაზე საკითხის გატანის უფლება აქვთ საბჭოს თავმჯდომარეს და წევრებს, აგრეთვე სამუშაო ჯგუფის მომხსენებელს და დამოუკიდებელ ექსპერტს.

8. საკოორდინაციო საბჭოს სხდომა უფლებამოსილია, თუ მას ესწრება საკოორდინაციო საბჭოს წევრთა ნახევარზე მეტი.

9. საკოორდინაციო საბჭოს გადაწყვეტილება მიიღება დამსწრე წევრთა ხმების უმრავლესობით. ხმების თანაბრად გაყოფის შემთხვევაში, გადამწყვეტია საკოორდინაციო საბჭოს თავმჯდომარის ხმა.

10. საკოორდინაციო საბჭოს სხდომა ფორმდება ოქმით, რომელსაც ხელს აწერენ საკოორდინაციო საბჭოს თავმჯდომარე და მდივანი.

11. საკოორდინაციო საბჭოს სამდივნო ვალდებულია სხდომის ოქმი გადაუგზავნოს საკოორდინაციო საბჭოს წევრებს, სამუშაო ჯგუფის წევრებსა და დამოუკიდებელ ექსპერტებს.

    მუხლი 7. სამეთვალყურეო კომიტეტი

1. საკოორდინაციო საბჭოში იქმნება სამეთვალყურეო კომიტეტი, რომლის მიზანია საკოორდინაციო საბჭოს საქმიანობისა და სისხლის სამართლის კანონმდებლობის რეფორმის სტრატეგიის იმპლემენტაციის პროცესში განხორციელებული ღონისძიებების მონიტორინგი.

2. სამეთვალყურეო კომიტეტს თავმჯდომარეობს საქართველოს იუსტიციის მინისტრი. სამეთვალყურეო კომიტეტის შემადგენლობაში შეიძლება შედიოდნენ საქართველოს მთავრობის წევრები, საქართველოს პარლამენტის წევრები, საქართველოს სახალხო დამცველი, საჯარო სამართლის იურიდიული პირის – იურიდიული დახმარების სამსახურის დირექტორი, იმ სახელმწიფო უწყებათა ხელმძღვანელები, რომლებიც უშუალოდ არიან ჩაბმული სისხლის სამართლის კანონმდებლობის რეფორმის სტრატეგიის იმპლემენტაციის პროცესში, აგრეთვე საქართველოში ევროკომისიის დელეგაციის ხელმძღვანელი.

3. სამეთვალყურეო კომიტეტი უფლებამოსილია, თუ მას ესწრება წევრთა ნახევარზე მეტი.

4. სამეთვალყურეო კომიტეტში გადაწყვეტილება მიიღება დამსწრე წევრთა ხმების უმრავლესობით. ხმების თანაბრად გაყოფის შემთხვევაში, გადამწყვეტია სამეთვალყურეო კომიტეტის თავმჯდომარის ხმა.

    მუხლი 8. დასკვნითი დებულება

საკოორდინაციო საბჭოს დებულების გაუქმება, მასში ცვლილებებისა და დამატებების შეტანა ხდება საქართველოს პრეზიდენტის ბრძანებულებით.

 

 

Annotate