,,კორუფციის წინააღმდეგ ბრძოლის უწყებათაშორისი საკოორდინაციო საბჭოს შემადგენლობისა და დებულების დამტკიცების შესახებ“

 

საქართველოს პრეზიდენტის

ბრძანებულება №622

2008 წლის 26 დეკემბერი

ქ. თბილისი

კორუფციის წინააღმდეგ ბრძოლის უწყებათაშორისი საკოორდინაციო საბჭოს შემადგენლობისა და დებულების დამტკიცების შესახებ

1. „საჯარო სამსახურში ინტერესთა შეუთავსებლობისა და კორუფციის შესახებ“ საქართველოს კანონის 12^​1  მუხლის მე-3 და მე-6 პუნქტების შესაბამისად, კორუფციის წინააღმდეგ ეფექტიანი და კოორდინირებული ბრძოლის ხელშეწყობის მიზნით შექმნილი კორუფციის წინააღმდეგ ბრძოლის უწყებათაშორისი საკოორდინაციო საბჭოს (შემდეგში – საკოორდინაციო საბჭო) შემადგენლობა განისაზღვროს შემდეგნაირად:

ა) საქართველოს იუსტიციის მინისტრი – საკოორდინაციო საბჭოს თავმჯდომარე;

ბ) საქართველოს პრემიერ-მინისტრის მთავარი მრჩეველი – საკოორდინაციო საბჭოს თავმჯდომარის მოადგილე;

გ) საქართველოს მთავრობის კანცელარიის უფროსი;

დ) საქართველოს კონტროლის პალატის თავმჯდომარე;

ე) საქართველოს იუსტიციის მინისტრის პირველი მოადგილე;

ვ) საქართველოს იუსტიციის მინისტრის მოადგილე;

ზ) საქართველოს ფინანსთა მინისტრის მოადგილე;

თ) საქართველოს შინაგან საქმეთა მინისტრის პირველი მოადგილე;

ი) საქართველოს პარლამენტის იურიდიულ საკითხთა კომიტეტის თავმჯდომარე;

კ) საქართველოს პარლამენტის იურიდიულ საკითხთა კომიტეტის თავმჯდომარის პირველი მოადგილე;

ლ) საქართველოს უზენაესი სასამართლოს თავმჯდომარის მოადგილე – სისხლის სამართლის საქმეთა პალატის თავმჯდომარე;

მ) საჯარო სამართლის იურიდიული პირის – საჯარო სამსახურის ბიუროს უფროსი;

ნ) საჯარო სამართლის იურიდიული პირის – საქართველოს ფინანსური მონიტორინგის სამსახურის უფროსი;

ო) საჯარო სამართლის იურიდიული პირის – სახელმწიფო შესყიდვების სააგენტოს თავმჯდომარე;

პ) საქართველოს ეროვნული ბანკის პრეზიდენტი;

ჟ) საქართველოს ეკონომიკისა და მდგრადი განვითარების მინისტრის მოადგილე;

რ) საქართველოს ცენტრალური საარჩევნო კომისიის თავმჯდომარის მოადგილე;

ს) საქართველოს იუსტიციის სამინისტროს ანალიტიკური დეპარტამენტის უფროსი.

საქართველოს პრეზიდენტის 20 10 წლის 31 აგვისტოს ბრძანებულება № 704 - სსმ III, № 108 , 31 . 08 .20 10 წ., მუხ. 1676

1 ^​1 . ამ ბრძანებულების პირველი პუნქტის შესაბამისად, საკოორდინაციო საბჭოს შემადგენლობაში შესაყვანი საქართველოს იუსტიციის მინისტრის მოადგილის, ფინანსთა მინისტრის მოადგილისა და ეკონომიკისა და მდგრადი განვითარების მინისტრის მოადგილის კანდიდატურას განსაზღვრავს შესაბამისი უწყების ხელმძღვანელი. საქართველოს პრემიერ-მინისტრის მთავარი მრჩევლის კანდიდატურას განსაზღვრავს საქართველოს პრემიერ-მინისტრი.

საქართველოს პრეზიდენტის 20 10 წლის 31 აგვისტოს ბრძანებულება № 704 - სსმ III, № 108 , 31 . 08 .20 10 წ., მუხ. 1676

2. ეთხოვოთ საკოორდინაციო საბჭოს მუშაობაში მონაწილეობა:

ა) “საერთაშორისო გამჭვირვალობა – საქართველოს“ აღმასრულებელ დირექტორს;

ბ) ახალგაზრდა იურისტთა ასოციაციის თავმჯდომარეს;

გ) აშშ იურისტთა ასოციაციის წარმომადგენელს;

დ) ფონდის “ღია საზოგადოება – საქართველოს“ აღმასრულებელ დირექტორს;

ე) არასამთავრობო ორგანიზაცია – „თავისუფლების ინსტიტუტის” წარმომადგენელს.

საქართველოს პრეზიდენტის 2010 წლის 25 იანვრის ბრძანებულება №56 - სსმ III, №7, 25.01.2010 წ., მუხ.72

საქართველოს პრეზიდენტის 20 10 წლის 31 აგვისტოს ბრძანებულება № 704 - სსმ III, № 108 , 31 . 08 .20 10 წ., მუხ. 1676

3. დამტკიცდეს კორუფციის წინააღმდეგ ბრძოლის უწყებათაშორისი საკოორდინაციო საბჭოს თანდართული დებულება.

4. ეს ბრძანებულება ამოქმედდეს გამოქვეყნებისთანავე.

საქართველოს პრეზიდენტის 2009 წლის 23 იანვრ ის ბრძანებულება № 26 - სსმ III, № 10 , 26 . 01 .2009 წ., მუხ. 90

     მ. სააკაშვილი

     შეტანილი ცვლილებები:

    1. საქართველოს პრეზიდენტის 2009 წლის 23 იანვრ ის ბრძანებულება №26 - სსმ III, №10, 26.01.2009 წ., მუხ.90

2. საქართველოს პრეზიდენტის 2010 წლის 25 იანვრ ის ბრძანებულება №56 - სსმ III, №7, 25.01.2010 წ., მუხ.72

3. საქართველოს პრეზიდენტის 2010 წლის 31 აგვისტოს ბრძანებულება №704 - სსმ III, №108, 31.08.2010 წ., მუხ.1676

კორუფციის წინააღმდეგ ბრძოლის უწყებათაშორისი საკოორდინაციო საბჭოს დებულება

    მუხლი 1. ზოგადი დებულებანი

1. კორუფციის წინააღმდეგ ბრძოლის უწყებათაშორისი საკოორდინაციო საბჭო (შემდეგში – საკოორდინაციო საბჭო) შექმნილია საქართველოს პრეზიდენტის ბრძანებულებით.

2. საკოორდინაციო საბჭო თავისი საქმიანობისას ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებით და შეთანხმებებით, სხვა საკანონმდებლო და კანონქვემდებარე ნორმატიული აქტებით.

3. საკოორდინაციო საბჭოს სტრუქტურა, უფლებამოსილება და საქმიანობის წესი განისაზღვრება ამ დებულებით.

    მუხლი 2. საკოორდინაციო საბჭოს სტრუქტურა

1. საკოორდინაციო საბჭოს შემადგენლობას განსაზღვრავს საქართველოს პრეზიდენტი.

2. საკოორდინაციო საბჭოს შემადგენლობაში სახელმწიფო უწყებების წარმომადგენლებთან ერთად შეიძლება შედიოდნენ შესაბამის სფეროში საქმიანობის განმახორციელებელი არასამეწარმეო (არაკომერციული) იურიდიული პირებისა და საერთაშორისო ორგანიზაციების წარმომადგენლები, ექსპერტები და მეცნიერები.

3. საკოორდინაციო საბჭოს საქმიანობაში საკოორდინაციო საბჭოს თავმჯდომარის მოწვევით შეიძლება მონაწილეობდნენ საქართველოს პარლამენტისა და მთავრობის წევრები, სახელმწიფო უწყებათა ხელმძღვანელები, არასამთავრობო და საერთაშორისო ორგანიზაციების წარმომადგენლები, დამოუკიდებელი ექსპერტები.

4. საკოორდინაციო საბჭოს შემადგენლობიდან წევრის გამოწვევა ხდება საქართველოს პრეზიდენტის მიერ საკუთარი ინიციატივით ან საკოორდინაციო საბჭოს წევრის წარმდგენი ორგანოს წინადადებით.

    მუხლი 3. საკოორდინაციო საბჭოს ამოცანები

საკოორდინაციო საბჭოს ძირითადი ამოცანებია:

ა) კორუფციის წინააღმდეგ ბრძოლის ზოგადი პოლიტიკის განსაზღვრა;

ბ) საქართველოს ეროვნული ანტიკორუფციული სტრატეგიისა და მისი განხორციელების სამოქმედო გეგმის შემუშავება, პერიოდული განახლება და მონიტორინგი;

გ) საქართველოს ეროვნული ანტიკორუფციული სტრატეგიისა და მისი განხორციელების სამოქმედო გეგმის შემუშავებისა და განხორციელების პროცესში შესაბამისი საერთაშორისო ორგანიზაციების რეკომენდაციების გათვალისწინება;

დ) საქართველოს ეროვნული ანტიკორუფციული სტრატეგიისა და მისი განხორციელების სამოქმედო გეგმის შემუშავების პროცესში შესაბამისი ღონისძიებების განხორციელების ხელშეწყობის მიზნით, უწყებათაშორისი საქმიანობის კოორდინაცია;

ე) საერთაშორისო ორგანიზაციების მიერ მომზადებული რეკომენდაციების შესრულების უზრუნველყოფა, მათი იმპლემენტაციის შესახებ სახელმწიფო ანგარიშის მომზადების უზრუნველყოფა და ინფორმაციის მიწოდება.

    მუხლი 4. საკოორდინაციო საბჭოს უფლებამოსილება

დასახული მიზნებისა და ამოცანების განსახორციელებლად საკოორდინაციო საბჭო უფლებამოსილია:

ა) კანონმდებლობით დადგენილი წესით საქართველოს სახელმწიფო ორგანოებიდან და დაწესებულებებიდან გამოითხოვოს საქმიანობისათვის საჭირო ინფორმაცია;

ბ) შეიმუშაოს წინადადებები და რეკომენდაციები საქართველოს ეროვნული ანტიკორუფციული სტრატეგიის და მისი განხორციელების სამოქმედო გეგმის განახლებისა და სრულყოფის მიზნით;

გ) საქართველოს სახელმწიფო ორგანოებიდან და დაწესებულებებიდან გამოითხოვოს ინფორმაცია საერთაშორისო ორგანიზაციების რეკომენდაციებისა და საქართველოს ეროვნული ანტიკორუფციული სტრატეგიის განხორციელების სამოქმედო გეგმის შესრულების შესახებ.

    მუხლი 4^​1 . საკოორდინაციო საბჭოს ანგარიშვალდებულება

საკოორდინაციო საბჭო ანგარიშვალდებულია საქართველოს პრეზიდენტისა და საქართველოს მთავრობისწინაშე. საკოორდინაციო საბჭო საქართველოს პრეზიდენტსა და საქართველოს მთავრობას ყოველწლიურად წარუდგენს თავისი საქმიანობის ანგარიშს.

საქართველოს პრეზიდენტის 20 10 წლის 31 აგვისტოს ბრძანებულება № 704 - სსმ III, № 108 , 31 . 08 .20 10 წ., მუხ. 1676

    მუხლი 5. საკოორდინაციო საბჭოს მუშაობის ორგანიზაცია

1. საკოორდინაციო საბჭოს ხელმძღვანელობს და მის სხდომებს წარმართავს საკოორდინაციო საბჭოს თავმჯდომარე.

2. საკოორდინაციო საბჭოს თავმჯდომარის არყოფნის შემთხვევაში მის უფლებამოსილებას ასრულებს საკოორდინაციო საბჭოს თავმჯდომარის მოადგილე.

3. საკოორდინაციო საბჭოს სხდომები იმართება სამ თვეში ერთხელ.

4. საჭიროების შემთხვევაში, დასაშვებია საკოორდინაციო საბჭოს ვადამდე მოწვევა საბჭოს თავმჯდომარის მიერ.

5. საკოორდინაციო საბჭოს სხდომის დღის წესრიგს ამტკიცებს საკოორდინაციო საბჭოს თავმჯდომარე.

6. საკოორდინაციო საბჭოს სხდომაზე საკითხის გატანის უფლება აქვთ საკოორდინაციო საბჭოს თავმჯდომარეს და წევრებს, აგრეთვე სამუშაო ჯგუფის მომხსენებელს და დამოუკიდებელ ექსპერტს.

7. საკოორდინაციო საბჭოს სხდომა უფლებამოსილია, თუ მას ესწრება საკოორდინაციო საბჭოს წევრთა ნახევარზე მეტი.

8. საკოორდინაციო საბჭოს გადაწყვეტილება მიიღება დამსწრე წევრთა ხმების უმრავლესობით. ხმების თანაბრად გაყოფის შემთხვევაში გადამწყვეტია საკოორდინაციო საბჭოს თავმჯდომარის ხმა.

9. საკოორდინაციო საბჭოს სხდომა ფორმდება ოქმით, რომელსაც ხელს აწერს საკოორდინაციო საბჭოს თავმჯდომარე.

    მუხლი 6. დასკვნითი დებულება

საკოორდინაციო საბჭოს დებულების გაუქმება, მასში ცვლილებებისა და დამატებების შეტანა ხდება საქართველოს პრეზიდენტის ბრძანებულებით.

Annotate