თავისუფალი ტურისტული ზონების განვითარების ხელშეწყობის კომისიის შემადგენლობისა და დებულების დამტკიცების შესახებ

საქართველოს მთავრობის

დადგენილება №34 0

2010 წლის 3 ნოემბერი

ქ. თბილისი

თავისუფალი ტურისტული ზონების განვითარების ხელშეწყობის კომისიის შემადგენლობისა და დებულების დამტკიცების შესახებ

საქართველოს მთავრობის 2011 წლის 13 იანვრის დადგენილება №19 – ვებგვერდი, 20.01.2011წ.

საქართველოს მთავრობის 2012 წლის 30 მაისის დადგენილება №198 - ვებგვერდი, 01.06.2012წ.

 

მუხლი 1. „თავისუფალი ტურისტული ზონების განვითარების ხელშეწყობის შესახებ“ საქართველოს კანონის შესაბამისად, დამტკიცდეს თანდართული „თავისუფალი ტურისტული ზონების განვითარების ხელშეწყობის კომისიის შემადგენლობა“ (დანართი №1) და „თავისუფალი ტურისტული ზონების განვითარების ხელშეწყობის კომისიის დებულება (დანართი №2).

საქართველოს მთავრობის 2011 წლის 13 იანვრის დადგენილება №19 – ვებგვერდი, 20.01.2011წ.

საქართველოს მთავრობის 2012 წლის 30 მაისის დადგენილება №198 - ვებგვერდი, 01.06.2012წ.

    მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი        ნ. გილაური

დანართი №1

საქართველოს მთავრობის 2011 წლის 13 იანვრის დადგენილება №19 – ვებგვერდი, 20.01.2011წ.

საქართველოს მთავრობის 2012 წლის 30 მაისის დადგენილება №198 – ვებგვერდი, 01.06.2012წ.

საქართველოს მთავრობის 2012 წლის 20 ივლისის დადგენილება №275 – ვებგვერდი, 23.07.2012წ.

საქართველოს მთავრობის 2013 წლის 7 თებერვლის დადგენილება №16 – ვებგვერდი, 11.02.2013წ.

საქართველოს მთავრობის 2013 წლის 17 ივნისის დადგენილება №147 – ვებგვერდი, 17.06.2013წ.

საქართველოს მთავრობის 2016 წლის 2 თებერვლის დადგენილება №49 – ვებგვერდი, 04.02.2016წ.

საქართველოს მთავრობის 2016 წლის 21  მარტის  დადგენილება №136  - ვებგვერდი, 23.03.2016წ.

საქართველოს მთავრობის 2017 წლის 4 აპრილის   დადგენილება №178  - ვებგვერდი, 05.04.2017წ.

საქართველოს მთავრობის 2017 წლის 25 აგვისტოს   დადგენილება №410  - ვებგვერდი, 30.08.2017წ.

 

თავისუფალი ტურისტული ზონების განვითარების ხელშეწყობის კომისიის შემადგენლობა

საქართველოს ეკონომიკისა და მდგრადი განვითარების მინისტრი – კომისიის თავმჯდომარე;

საქართველოს ეკონომიკისა და მდგრადი განვითარების მინისტრის მოადგილე – კომისიის თავმჯდომარის მოადგილე;

აჭარის ავტონომიური რესპუბლიკის ფინანსთა და ეკონომიკის მინისტრი;

საქართველოს ეკონომიკისა და მდგრადი განვითარების მინისტრის მოადგილე;

საქართველოს იუსტიციის მინისტრის მოადგილე;

საჯარო სამართლის იურიდიული პირის – საქართველოს ტურიზმის ეროვნული ადმინისტრაციის ხელმძღვანელი;

საჯარო სამართლის იურიდიული პირის – აწარმოე საქართველოში დირექტორი;

საქართველოს ეკონომიკისა და მდგრადი განვითარების სამინისტროს სივრცითი დაგეგმარებისა და სამშენებლო პოლიტიკის დეპარტამენტის უფროსი;

საჯარო სამართლის იურიდიული პირის – სახელმწიფო ქონების ეროვნული სააგენტოს წარმომადგენელი – კომისიის მდივანი. 

 

დანართი №2

თავისუფალი ტურისტული ზონების განვითარების ხელშეწყობის კომისიის დებულება

საქართველოს მთავრობის 2011 წლის 13 იანვრის დადგენილება №19 – ვებგვერდი, 20.01.2011წ.

საქართველოს მთავრობის 2012 წლის 30 მაისის დადგენილება №198 – ვებგვერდი, 01.06.2012წ.

თავი I

ზოგადი დებულებანი

    მუხლი 1

თავისუფალი ტურისტული ზონების განვითარების ხელშეწყობის კომისია (შემდგომში − კომისია) შექმნილია „თავისუფალი ტურისტული ზონების განვითარების ხელშეწყობის შესახებ“ საქართველოს კანონის (შემდგომში − კანონი) საფუძველზე.

საქართველოს მთავრობის 2011 წლის 13 იანვრის დადგენილება №19 – ვებგვერდი, 20.01.2011წ.

საქართველოს მთავრობის 2012 წლის 30 მაისის დადგენილება №198 – ვებგვერდი, 01.06.2012წ.

საქართველოს მთავრობის 2018 წლის 12 აპრილის დადგენილება №176 - ვებგვერდი, 16.04.2018წ.

    მუხლი 2

კომისია თავისი საქმიანობისას ხელმძღვანელობს საქართველოს კონსტიტუციით, საქართველოს კანონით „თავისუფალი ტურისტული ზონების განვითარების ხელშეწყობის შესახებ“, ამ დებულებითა და სხვა სამართლებრივი აქტებით.

საქართველოს მთავრობის 2011 წლის 13 იანვრის დადგენილება №19 – ვებგვერდი, 20.01.2011წ.

საქართველოს მთავრობის 2012 წლის 30 მაისის დადგენილება №198 – ვებგვერდი, 01.06.2012წ.

    მუხლი 3

კომისიის შემადგენლობასა და დებულებას ამტკიცებს საქართველოს მთავრობა დადგენილებით. 

მუხლი 3^​1

დებულებაში გამოყენებულ ტერმინებს აქვთ იგივე მნიშვნელობა, რაც აქვთ კანონში.

საქართველოს მთავრობის 2018 წლის 12 აპრილის დადგენილება №176 - ვებგვერდი, 16.04.2018წ.

თავი II

კომისიის ფუნქციები და უფლება- მოვალეობები

    მუხლი 4

კომისია:

ა) განიხილავს თავისუფალ ტურისტულ ზონებში სასტუმრო(ები)ს მშენებლობით დაინტერესებული ინვესტორების განაცხადებსა და მათ მიერ წარდგენილი ინფორმაციის (ამონაწერი სამეწარმეო რეესტრიდან კომპანიის დაარსების შესახებ სასტუმრო(ები)ს მშენებლობის განხორციელებისა და ფუნქციონირებისათვის, სათანადო ინვესტიციის განხორციელების შესაძლებლობის დამადასტურებელი დოკუმენტი) საფუძველზე იღებს გადაწყვეტილებას კონკრეტულ ინვესტორთან ხელშეკრულების გაფორმების თაობაზე, რის შესახებაც შუამდგომლობს ქონების მმართველის წინაშე, რომელიც, თავის მხრივ, მოქმედი კანონმდებლობის შესაბამისად, შუამდგომლობს უფლებამოსილ ორგანოსთან მიწის ნაკვეთის სიმბოლურ ფასად პირდაპირი მიყიდვის ფორმით პრივატიზებაზე, კანონით დადგენილი პირობების გათვალისწინებით;

ბ) ადგენს სასტუმრო(ები)ს მშენებლობის დამთავრებისა და მისი ექსპლუატაციაში შეყვანის ვადებს, აგრეთვე, იღებს გადაწყვეტილებას ამ ვადების გაგრძელების შესახებ და მიმართავს ქონების მმართველს, რომელიც, თავის მხრივ, აღნიშნული წინადადებებით, მოქმედი კანონმდებლობის შესაბამისად, მიმართავს უფლებამოსილ ორგანოს;

გ) კანონის მე-4 მუხლის პირველი პუნქტის „დ“ ქვეპუნქტით გათვალისწინებული მიმართვის შემთხვევაში, განიხილავს მას და ყოველ კონკრეტულ შემთხვევაში იღებს გადაწყვეტილებას ინვესტორის მიმართ ამავე კანონის მე-6 მუხლით განსაზღვრული ღონისძიებების განხორციელების უზრუნველყოფის შესახებ.

საქართველოს მთავრობის 2011 წლის 13 იანვრის დადგენილება №19 – ვებგვერდი, 20.01.2011წ.

საქართველოს მთავრობის 2012 წლის 30 მაისის დადგენილება №198 - ვებგვერდი, 01.06.2012წ.

საქართველოს მთავრობის 2013 წლის 7 თებერვლის დადგენილება №16 – ვებგვერდი, 11.02.2013წ.

საქართველოს მთავრობის 2018 წლის 12 აპრილის დადგენილება №176 - ვებგვერდი, 16.04.2018წ.

    მუხლი 5

ქონების მმართველი, მოქმედი კანონმდებლობის შესაბამისად, ახორციელებს თავისუფალი ტურისტული ზონის ფარგლებში არსებული სასტუმრო(ები)ს მშენებლობის მიმდინარეობის მონიტორინგს, ხოლო საჭიროების შემთხვევაში უფლებამოსილია, მიიწვიოს ექსპერტები და შესაბამისი დასკვნები წარუდგინოს კომისიას.

საქართველოს მთავრობის 2013 წლის 7 თებერვლის დადგენილება №16 – ვებგვერდი, 11.02.2013წ.

საქართველოს მთავრობის 2018 წლის 12 აპრილის დადგენილება №176 - ვებგვერდი, 16.04.2018წ.

    მუხლი 6

ინვესტორის მიერ აღებული ვალდებულებების შეუსრულებლობის შემთხვევაში ქონების მმართველი უფლებამოსილია, მოქმედი კანონმდებლობით დადგენილი წესით მიიღოს გადაწყვეტილება საჯარიმო სანქციების გატარების ან/და ხელშეკრულების შეწყვეტის თაობაზე.

საქართველოს მთავრობის 2013 წლის 7 თებერვლის დადგენილება №16 – ვებგვერდი, 11.02.2013წ.

საქართველოს მთავრობის 2018 წლის 12 აპრილის დადგენილება №176 - ვებგვერდი, 16.04.2018წ.

თავი III

კომისიის საქმიანობის წესი

    მუხლი 7

1. კომისიის მუშაობას ხელმძღვანელობს საქართველოს ეკონომიკისა და მდგრადი განვითარების მინისტრი – კომისიის თავმჯდომარე.

2. კომისიის თავმჯდომარის არყოფნის შემთხვევაში კომისიას ხელმძღვანელობს კომისიის თავმჯდომარის მოადგილე, ხოლო მისი არყოფნის შემთხვევაში – კომისიის თავმჯდომარის მიერ განსაზღვრული კომისიის წევრი.

3. კომისიის წევრებს შორის მოვალეობებს ანაწილებს და მუშაობის რეჟიმს განსაზღვრავს კომისიის თავმჯდომარე.

    მუხლი 8

 თავისუფალ ტურისტულ ზონებში სასტუმრო(ები)ს მშენებლობის განხორციელების მსურველი ინვესტორების განაცხადებს და მათ მიერ წარდგენილ ინფორმაციას წინასწარ შეისწავლის კომისიის მდივანი და წარუდგენს კომისიის ყველა წევრს.

საქართველოს მთავრობის 2011 წლის 13 იანვრის დადგენილება №19 – ვებგვერდი, 20.01.2011წ.

საქართველოს მთავრობის 2012 წლის 30 მაისის დადგენილება №198 - ვებგვერდი, 01.06.2012წ.

თავი IV

გადაწყვეტილების მიღების წესი

    მუხლი 9

კომისია კონკურსში გამარჯვებული ინვესტორის გამოვლენას ახდენს სასტუმრო(ები)ს მშენებლობისა და ფუნქციონირებისათვის მის მიერ შემოთავაზებული პირობების, აგრეთვე ფინანსური საშუალებების შეფასების მიხედვით.

    მუხლი 10

კომისიის ყველა წევრს აქვს ერთი ხმის უფლება. კომისიის სხდომა უფლებამოსილია მიიღოს გადაწყვეტილება, თუ მას ესწრება კომისიის წევრთა 2/3-ზე მეტი.

    მუხლი 11

კომისიის გადაწყვეტილება მიიღება ხმათა უბრალო უმრავლესობით. კომისიის დამსწრე წევრთა საერთო რაოდენობის რიცხვიდან ხმების თანაბრად განაწილების შემთხვევაში კომისიის თავმჯდომარის ხმა ითვლება გადამწყვეტად.

    მუხლი 12

კომისიის სხდომას იწვევს კომისიის თავმჯდომარე.

    მუხლი 13

კომისიის სხდომა ფორმდება ოქმით, რომელსაც ხელს აწერენ კომისიის თავმჯდომარე, თავმჯდომარის მოადგილე და დამსწრე წევრები. კომისიის წევრს უფლება აქვს თავისი განსხვავებული გადაწყვეტილება დაურთოს ოქმს, რის შესახებაც კეთდება აღნიშვნა.

Annotate