მუხლი 5. დისციპლინური დევნის აღძვრის უფლება

1. საერთო სასამართლოების მოსამართლის მიმართ დისციპლინურ დევნას ამ დებულების მე-2 მუხლის მე-2 პუნქტით გათვალისწინებული ნებისმიერი საფუძვლით აღძრავს:
ა) საქართველოს უზენაესი სასამართლოს თავმჯდომარე – საქართველოს საერთო სასამართლოების ყველა მოსამართლის მიმართ;
ბ) აფხაზეთისა და აჭარის ავტონომიური რესპუბლიკების უზენაესი სასამართლოების თავმჯდომარეები – აფხაზეთისა და აჭარის ავტონომიური რესპუბლიკების უმაღლესი სასამართლოების, აგრეთვე აფხაზეთისა და აჭარის ავტონომიური რესპუბლიკების ტერიტორიებზე მოქმედ რაიონის (ქალაქის) სასამართლოთა მოსამართლეების მიმართ.
2. საერთო სასამართლოების მოსამართლის მიმართ დისციპლინურ დევნას ამ დებულების მე-2-ე მუხლის მე-2 პუნქტის „ბ“ და „დ“ ქვეპუნქტებით გათვალისწინებულ შემთხვევებში, აგრეთვე მოსამართლის მიერ საქმის განხილვის საპროცესო კანონმდებლობით დადგენილი ვადების დარღვევის გამო აღძრავს:
ა) საქართველოს იუსტიციის საბჭო – საქართველოს საერთო სასამართლოების ყველა მოსამართლის მიმართ;
ბ) აფხაზეთისა და აჭარის ავტონომიური რესპუბლიკების იუსტიციის საბჭოები – აფხაზეთისა და აჭარის ავტონომიური რესპუბლიკების უმაღლესი სასამართლოების, აგრეთვე აფხაზეთისა და აჭარის ავტონომიური რესპუბლიკების ტერიტორიებზე მოქმედ რაიონის (ქალაქის) სასამართლოთა მოსამართლეების მიმართ, გარდა აფხაზეთისა და აჭარის ავტონომიური რესპუბლიკების უმაღლესი სასამართლოების თავმჯდომარეებისა