საჯარო სამართლის იურიდიული პირის - სურსათის ეროვნული სააგენტოს მიერ მომსახურების გაწევის ვადისა და საფასურის დამტკიცების შესახებ

საქართველოს მთავრობის

დადგენილება №59

2011 წლის 31 იანვარი

ქ. თბილისი

საჯარო სამართლის იურიდიული პირის – სურსათის  ეროვნული სააგენტოს მიერ მომსახურების გაწევის ვადისა და საფასურის დამტკიცების შესახებ

მუხლი 1.   სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 21 ^​2 მუხლის მე-2 ნაწილის შესაბამისად, დამტკიცდეს თანდართული საჯარო სამართლის იურიდიული პირის – სურსათის ეროვნული სააგენტოს მიერ მომსახურების გაწევის ვადა და საფასური.

 მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი                   ნ. გილაური

საჯარო სამართლის იურიდიული პირის – სურსათის ეროვნული სააგენტოს მიერ მომსახურების გაწევის ვადა და საფასური

    მუხლი 1. ზოგადი დებულებები

1. დაინტერესებული პირი ვალდებულია საჯარო სამართლის იურიდიული პირის – სურსათის ეროვნული სააგენტოს (შემდგომში – სააგენტო) მიერ გასაწევი მომსახურებისათვის სააგენტოს ანგარიშზე მომსახურების გაწევამდე გადაიხადოს დადგენილი საფასური, გარდა მე-2 მუხლის მე-19 პუნქტით გათვალისწინებული მომსახურების ან „სახელმწიფო შესყიდვების შესახებ“ საქართველოს კანონის შესაბამისად განხორციელებული მომსახურების შესყიდვისა, რომლის დროს საფასურის გადახდის პირობა დგინდება დაინტერესებულ პირსა და სააგენტოს შორის დადებული ხელშეკრულების საფუძველზე.

2. დაინტერესებული პირი ვალდებულია სააგენტოსათვის მიმართვისას წარადგინოს მომსახურების საფასურის გადახდის დამადასტურებელი დოკუმენტის დედანი (გარდა იმ შემთხვევისა, როდესაც ხდება ელექტრონული საშუალებით გადახდა), გარდა მე-2 მუხლის მე-19 პუნქტით გათვალისწინებული მომსახურების ან „სახელმწიფო შესყიდვების შესახებ“ საქართველოს კანონის შესაბამისად განხორციელებული მომსახურების შესყიდვისა, რომლის დროს საფასურის გადახდის პირობა დგინდება დაინტერესებულ პირსა და სააგენტოს შორის დადებული ხელშეკრულების საფუძველზე.

3. ამ მუხლის მე-2 პუნქტით განსაზღვრული დოკუმენტის წარუდგენლობა მომსახურების გაწევის თაობაზე უარის თქმის საფუძველია.

4. ამ დადგენილებით გათვალისწინებული მომსახურების ვადის ათვლა იწყება დაინტერესებული პირის მიერ დადგენილი წესით სააგენტოსთვის მიმართვის დღის მომდევნო სამუშაო დღეს და მთავრდება მომსახურების ვადის ბოლო დღის გასვლისთანავე. თუ ვადის ბოლო დღე ემთხვევა უქმე ან დასვენების დღეს, ვადის დამთავრების დღედ ჩაითვლება მისი მომდევნო პირველი სამუშაო დღე. ეს პუნქტი არ ვრცელდება ამ მუხლის 4^​1 – 4^​3 პუნქტებით გათვალისწინებულ შემთხვევებზე.

4^​1. თუ დაინტერესებულმა პირმა ამ დადგენილებით გათვალისწინებული წესით მიმართა სააგენტოს 1 სამუშაო დღის ვადაში მომსახურების გაწევის მოთხოვნით და განცხადების შეტანა მოხდა დღის 12 საათამდე, მომსახურების გაწევა უნდა მოხდეს იმავე დღეს, ხოლო თუ განცხადების შეტანა მოხდა დღის 12 საათის შემდეგ, მომსახურების გაწევა მოხდება მომდევნო სამუშაო დღეს.

4^​2. შაბათ-კვირას ან უქმე დღეს მომსახურების გაწევა ხდება იმ შემთხვევაში, თუ დაინტერესებულმა პირმა ამ დადგენილებით გათვალისწინებული წესით მიმართა სააგენტოს შაბათ-კვირას ან უქმე დღეს მომსახურების გაწევის მოთხოვნით და წარმოდგენილი აქვს  შაბათ-კვირის ან უქმე დღისთვის დადგენილი მომსახურების საფასურის გადახდის დამადასტურებელი დოკუმენტი.

4^​3. თუ პირს გადახდილი აქვს საფასური კონკრეტულ ვადაში მომსახურების გაწევისათვის, შესაძლებლობის შემთხვევაში მას მომსახურება შესაძლებელია გაეწიოს აღნიშნულ ვადაზე უფრო ადრე (მ.შ., სააგენტოში განცხადების რეგისტრაციის დღესაც), თუ ამ სახის მომსახურებისათვის უფრო მცირე ვადა არ არის დადგენილი.

5. თუ მომსახურების გაწევისას გამოვლინდა ხარვეზი, სააგენტო დაინტერესებულ პირს მიუთითებს კონკრეტულ ნაკლოვანებებზე და განუსაზღვრავს გონივრულ ვადას, რომლის განმავლობაშიც დაინტერესებულმა პირმა უნდა გამოასწოროს ხარვეზი. ხარვეზის გამოსწორებამდე მომსახურების გაწევის ვადის დინება შეჩერებულად მიიჩნევა. მომსახურების გაწევის ვადის დინება განახლდება ხარვეზის აღმოფხვრისთანავე. დადგენილ ვადაში ხარვეზის გამოუსწორებლობა განცხადების განუხილველად დატოვების საფუძველია.

6. საფასურის ეტაპობრივი გადახდის საკითხს წყვეტს სააგენტოს უფროსი.

7. საფასურის გადახდისაგან თავისუფლდებიან:

ა) დაწესებულებები (ორგანიზაციები), რომელთა ხარჯები ფინანსდება მხოლოდ სახელმწიფო ბიუჯეტიდან;

ბ) ბიზნესოპერატორები, რომელთაც სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის შესაბამისად აქვთ  მცირე  ბიზნესის  სტატუსი  და  იღებენ  ამ  დანართის   მე-2  მუხლის     მე-19 და მე-20 პუნქტებით გათვალისწინებულ მომსახურებას.

8. დაინტერესებულ პირს გადახდილი საფასური უკან უბრუნდება, თუ:

ა) დაინტერესებული პირი განცხადების შეტანამდე წერილობით განაცხადებს უარს მომსახურებაზე;

ბ) საფასური გადახდილია ამ დადგენილების შესაბამისად საფასურის გადახდისაგან გათავისუფლებული პირის მიერ;

გ) მოთხოვნილია ისეთი მომსახურება, რომლის გაწევაც არ განეკუთვნება სააგენტოს კომპეტენციას;

დ) დაინტერესებული პირი განაცხადის შეტანიდან 3 დღის ვადაში უარს განაცხადებს მომსახურებაზე, გარდა იმ შემთხვევისა, თუ იგი განცხადებით მომსახურების გაწევას ითხოვს 5 სამუშაო დღის ან ნაკლებ ვადაში ან სააგენტოს მიერ გაწეულია მომსახურება, ამ მუხლის 4^​3 პუნქტის გათვალისწინებით.

    მუხლი 2. სააგენტოს მიერ მომსახურების გაწევის ვადა და საფასური

    მუხლი 3

1. ერთი საკარანტინო ვადის განმავლობაში მე-2 მუხლის მე-13 პუნქტით გათვალისწინებული მომსახურების მინიმალური ღირებულება არის:

ა) მსხვილფეხა და წვრილფეხა პირუტყვზე, კენტჩლიქიან ცხოველსა და ღორზე – 100 ლარი;

ბ) ბოცვერზე, კურდღელზე, თახვზე – 25 ლარი.

2. (ამოღებულია - 21.01.20201, №24).

    მუხლი 4. (ამოღებულია)