„საქპატენტთან არსებული სააპელაციო პალატის დებულების“ დამტკიცების თაობაზე

საჯარო სამართლის იურიდიული პირის � საქართველოს ინტელექტუალური საკუთრების ეროვნული ცენტრის � საქპატენტის თავმჯდომარის

ბრძანება№ 02

2011 წლის 18 მარტი

�საქპატენტთან არსებული სააპელაციო პალატის დებულების� დამტკიცების თაობაზე

�საქართველოს საპატენტო კანონის� 8¹ მუხლისა და მე-9 მუხლის მე-2 პუნქტის შესაბამისად, ვბრძანებ:

1. დამტკიცდეს �საქპატენტთან არსებული სააპელაციო პალატის� თანდართული დებულება .

2. ბრძანება ამოქმედდეს გამოქვეყნებისთანავე.

თავმჯდომარე�� ��� ი . ღვალაძე

 

საქპატენტთან არსებული სააპელაციო პალატის დებულება

��� მუხლი 1. ზოგადი დებულებები

1. ეს დებულება განსაზღვრავს საჯარო სამართლის იურიდიულ პირ � საქართველოს ინტელექტუალური საკუთრების ეროვნულ ცენტრთან � � საქპატენტთან� � (შემდგომში � საქპატენტი) არსებული სააპელაციო პალატის (შემდგომში � სააპელაციო პალატა) ფუნქციებს, უფლებამოსილებებს, სტრუქტურას და საქმიანობასთან დაკავშირებულ სხვა საკითხებს.

2. სააპელაციო პალატა შექმნილია � საქართველოს საპატენტო კანონის� მე-9 მუხლის საფუძველზე და წარმოადგენს საქპატენტთან არსებულ, ინტელექტუალური საკუთრების ობიექტებზე საქპატენტის მიერ მიღებულ გადაწყვეტილებებთან, ასევე მათი დაცვის კრიტერიუმებთან, პატენტის გაცემასთან და სამრეწველო საკუთრების სხვა ობიექტების რეგისტრაციასთან დაკავშირებული დავების განმხილველ ორგანოს.

3. სააპელაციო პალატა თავისი საქმიანობისას ხელმძღვანელობს საქართველოს კონსტიტუციით, საქართველოში მოქმედი საერთაშორისო ხელშეკრულებებითა და შეთანხმებებით, საქართველოს ზოგადი ადმინისტრაციული კოდექსით, ინტელექტუალური საკუთრების სფეროში მოქმედი საქართველოს კანონმდებლობით, სხვა საკანონმდებლო და კანონქვემდებარე ნორმატიული აქტებით და ამ დებულებით.

��� მუხლი 2. სააპელაციო პალატის შემადგენლობა

1. სააპელაციო პალატის თავმჯდომარეა საქპატენტის თავმჯდომარე.

2. სააპელაციო პალატის მდივნებს საქპატენტის თანამშრომელთაგან ბრძანებით ნიშნავს სააპელაციო პალატის თავმჯდომარე.

3. სააპელაციო პალატის კოლეგია (შემდგომში � კოლეგია) იქმნება თავმჯდომარის ბრძანებით, სამი წევრის შემადგენლობით.

4. სააპელაციო პალატის თავმჯდომარე კოლეგიის წევრთაგან ნიშნავს კოლეგიის თავმჯდომარეს.

5. კოლეგიის შემადგენლობაში ერთი წევრი უნდა იყოს იმ სფეროს სპეციალისტი, რომელსაც ეხება სააპელაციო საჩივარი.

6. მხარეთა დასაბუთებული შუამდგომლობის ან კოლეგიის გადაწყვეტილების საფუძველზე, საქმეზე დამატებითი ექსპერტიზის ჩატარების მიზნით შესაძლოა მოწვეულ იქნeნ ექსპერტები, რომლებიც არ არიან საქპატენტის თანამშრომლები.

��� მუხლი 3.აცილების საფუძვლები

დაუშვებელია კოლეგიის შემადგენლობაში იმ წევრის მონაწილეობა, რომელიც:

ა) ამ საქმეში თვითონ წარმოადგენს დაინტერესებულ მხარეს ან მას ამა თუ იმ დაინტერესებულ მხარესთან საერთო უფლებები ან ვალდებულებები აკავშირებს;

ბ) მონაწილეობდა განაცხადზე ექსპერტიზის ჩატარებაში ან/და გადაწყვეტილების მიღებაში;

გ) დაინტერესებული მხარის ან/და მისი წარმომადგენლის ნათესავია.

��� მუხლი 4. თვითაცილება და დაინტერესებულ მხარეთა განცხადება აცილების შესახებ

1. აცილების საფუძვლების არსებობისას კოლეგიის წევრი ვალდებულია სააპელაციო პალატის თავმჯდომარეს წერილობით აცნობოს თვითაცილების შესახებ და მიუთითოს თვითაცილების საფუძველი.

2. სააპელაციო საჩივრის განხილვაში მონაწილე დაინტერესებულ მხარე, რომელიც მიიჩნევს, რომ არსებობს კოლეგიის წევრის აცილების საფუძველი, ამ დებულების მე-3 მუხლის შესაბამისად, ვალდებულია აცილების შესახებ განცხადება წარადგინოს ადმინისტრაციული წარმოების დაწყებიდან ან იმ მომენტიდან ორი დღის განმავლობაში, როდესაც მისთვის ცნობილი გახდა ფაქტი ან გარემოება, რომელიც იძლევა აცილების საფუძველს.

3. თვითაცილებისა და აცილების შესახებ საკითხს 5 სამუშაო დღის ვადაში წყვეტს სააპელაციო პალატის თავმჯდომარე, რის თაობაზეც გამოსცემს ბრძანებას.

4. თუ განცხადება კოლეგიის თავმჯდომარის ან წევრის აცილების შესახებ დაკმაყოფილდა, ამ დებულებით განსაზღვრული წესით მტკიცდება კოლეგიის ახალი შემადგენლობა და კოლეგიის სხდომა გადაიდება არა უმეტეს ორი კვირით.

��� მუხლი 5. საფასური

1. სააპელაციო პალატაში სააპელაციო საჩივრის შეტანისას გადაიხდება � ინტელექტუალური საკუთრების ობიექტების დაპატენტებასთან, რეგისტრაციასთან და დეპონირებასთან დაკავშირებული მომსახურების საფასურების დამტკიცების შესახებ� საქართველოს მთავრობის 2010 წლის 3 ივლისის № 182 დადგენილებით დამტკიცებული საფასური.

2. კოლეგიის მიერ სააპელაციო საჩივრის განსახილველად მიღების შემდეგ, სააპელაციო საჩივრის განხილვისათვის გადახდილი საფასური დაბრუნებას არ ექვემდებარება.

��� მუხლი 6. სააპელაციო პალატაში გასაჩივრებისა და მიმართვის საფუძვლები

1.� სააპელაციო პალატაში გასაჩივრების საფუძვლებია:

ა) � საქართველოს საპატენტო კანონის� 40³ მუხლის პირველ, მე-2 და მე-3 პუნქტებში მითითებული საფუძვლები;

ბ) � სასაქონლო ნიშნების შესახებ� საქართველოს კანონის მე-16 მუხლის პირველ, მე-2 და მე-4 პუნქტებში მითითებული საფუძვლები;

გ) � დიზაინის შესახებ� საქართველოს კანონის მე-20 მუხლის პირველ, მე-2 და მე-3 პუნქტებში მითითებული საფუძვლები;

დ) კანონმდებლობით გათვალისწინებული სხვა შემთხვევები.

�2. დაინტერესებულ პირს შეუძლია მიმართოს სააპელაციო პალატას სასაქონლო ნიშნის საყოველთაოდ ცნობილად აღიარების მოთხოვნით � სასაქონლო ნიშნების შესახებ� საქართველოს კანონის მე-3 მუხლის მე-4 პუნქტის შესაბამისად.

�3. სააპელაციო პალატაში სააპელაციო საჩივრის შეტანა დასაშვებია შესაბამისი გადაწყვეტილების გამოქვეყნებიდან/ჩაბარებიდან 3 თვის ვადაში.

��� მუხლი 7. სააპელაციო საჩივრის განსახილველად მიღება და განხილვის ვადები

1. კოლეგია იხილავს სააპელაციო საჩივარს და გამოაქვს გადაწყვეტილება სააპელაციო საჩივრის შეტანის დღიდან 3 თვის ვადაში.

2. სააპელაციო საჩივარს სააპელაციო პალატა ანიჭებს სპეციალურ საიდენ ტი ფიკაციო ნომერს.

3. სააპელაციო საჩივრის შეტანის თარიღად ჩაითვლება მისი საქპატენტში რეგისტრაციის თარიღი.

4. სააპელაციო საჩივრის შეტანის თარიღიდან 5 სამუშაო დღის ვადაში სააპელაციო პალატის თავმჯდომარე ქმნის კოლეგიას.

5. თუ სააპელაციო საჩივარი აკმაყოფილებს ამ დებულების მე-8 მუხლის მოთხოვნებს, კოლეგიას გამოაქვს გადაწყვეტილება სააპელაციო საჩივრის განსახილველად მიღების თაობაზე.

6. სააპელაციო საჩივრის ზეპირი მოსმენის თარიღი წერილობით ეცნობებათ მხარეებს.

��� მუხლი 8. სააპელაციო საჩივრის შინაარსი და დასაშვებობა

1. სააპელაციო საჩივარი უნდა ეხებოდეს ინტელექტუალური საკუთრების ობიექტის მხოლოდ ერთ განაცხადს.

2. სააპელაციო პალატას სააპელაციო საჩივარი წარედგინება წერილობით სააპელაციო პალატის თავმჯდომარის მიერ დამტკიცებული სააპელაციო საჩივრის ფორმით.

3. სააპელაციო საჩივარი უნდა შეიცავდეს:

ა) სააპელაციო პალატის სრულ დასახელებას;

ბ) სააპელაციო საჩივრის წარმდგენი პირის ვინაობას და მისამართს;

გ) გასაჩივრებული აქტის დასახელებას, ნომერს და თარიღს;

დ) მითითებას იმის თაობაზე, თუ აქტის რა ნაწილია გასაჩივრებული;

ე) მითითებას, თუ რაში მდგომარეობს აქტის უსწორობა და კონკრეტულად რას მოითხოვს სააპელაციო საჩივრის შემტანი პირი;

ვ) გარემოებებს, რომელთაც ეფუძნება მოთხოვნა;

ზ) სააპელაციო საჩივარზე თანდართული საბუთების ნუსხას და გვერდების რაოდენობას.

4. თუ სააპელაციო საჩივრის წარმდგენ პირს გადაეცა აქტი, რომელსაც ასაჩივრებს, სააპელაციო საჩივარს უნდა დაერთოს მისი ასლი.

5. სააპელაციო საჩივარი და თანდართული მასალები სააპელაციო პალატას წარედგინება იმდენ ეგზემპლარად, რამდენი მხარეც მონაწილეობს სააპელაციო საჩივრის განხილვაში.

6. სააპელაციო საჩივარს ხელს აწერს მისი შემტანი პირი.

7. თუ სააპელაციო საჩივარი შეაქვს წარმომადგენელს ან/და უფლებამონაცვლეს, სააპელაციო საჩივარს თან უნდა ერთოდეს მხარის წარმომადგენლობის ან/და უფლებამონაცვლეობის დამადასტურებელი საბუთი.

8. სააპელაციო საჩივარს უნდა ახლდეს სააპელაციო საჩივრის განხილვისათვის დადგენილი საფასურის გადახდის დამადასტურებელი საბუთი.

9. სააპელაციო საჩივარი არ არის დასაშვები, თუ:

ა) სააპელაციო საჩივარი არ არის წარდგენილი ამ დებულების მე-6 მუხლით გათვალისწინებული საფუძვლებით;

ბ) გასულია სააპელაციო საჩივრის წარდგენის დადგენილი ვადა;

გ) არსებობს სააპელაციო პალატის გადაწყვეტილება იმავე საკითხზე;

დ) სააპელაციო საჩივარი შეიტანა პირმა, რომელიც სასამართლოს მიერ ცნობილია ქმედუუნაროდ;

ე) არსებობს სასამართლოს გადაწყვეტილება ან სასამართლო წარმოებაშია საქმე დავაზე იმავე მხარეებს შორის, იმავე საგანზე და იმავე საფუძვლით.

10. თუ სააპელაციო საჩივარი არ აკმაყოფილებს ამ მუხლის პირველი, მე-2, მე-3, მე-4, მე-5, ��� მე-6, მე-7 და მე-8 პუნქტებით გათვალისწინებულ მოთხოვნებს, კოლეგიას გამოაქვს გადაწყვეტილება სააპელაციო საჩივარზე ხარვეზის დადგენის თაობაზე და სააპელაციო საჩივრის წარმდგენ პირს განუსაზღვრავს ვადას ხარვეზის შესავსებად. თუ განსაზღვრულ ვადაში ხარვეზი არ იქნება შევსებული, კოლეგიას გამოაქვს გადაწყვეტილება სააპელაციო საჩივრის განუხილველად დატოვების შესახებ.

11. თუ აღმოიფხვრა ის გარემოებები, რომელიც გახდა სააპელაციო საჩივრის განუხილველად დატოვების საფუძველი, მხარეს შეუძლია მიმართოს სააპელაციო პალატას სააპელაციო საჩივრის წარდგენის 3- თვიანი ვადის გათვალისწინებით.

12. თუ სააპელაციო საჩივარი არ აკმაყოფილებს ამ მუხლის მე-9 პუნქტით გათვალისწინებულ მოთხოვნებს, კოლეგიას გამოაქვს გადაწყვეტილება სააპელაციო საჩივრის დაუშვებლად ცნობის თაობაზე.

13. თუ არსებობს სააპელაციო საჩივარზე როგორც ხარვეზის დადგენის, ასევე საჩივრის დაუშვ ე ბელად ცნობის საფუძველი, კოლეგია იღებს გადაწყვეტილებას სააპელაციო საჩივრის დაუშვებლად ცნობის თაობაზე.

14. კოლეგიამ სააპელაციო საჩივრის განსახილველად მიღების, ხარვეზის დადგენის ან დაუშვებლად ცნობის თაობაზე გადაწყვეტილება უნდა მიიღოს კოლეგიის შექმნიდან 10 სამუშაო დღის განმავლობაში.

��� მუხლი 9. განხილვის წესი

1. სააპელაციო პალატის მდივანი სააპელაციო საჩივრის განსახილველად მიღების თაობაზე გადაწყვეტილების გამოტანის შემდეგ სააპელაციო საჩივრის ასლს უგზავნის დაინტერესებულ მხარეს.

2. დაინტერესებული მხარე უფლებამოსილია სააპელაციო პალატას თავისი მოსაზრება, სააპელაციო პალატის თავმჯდომარის მიერ დამტკიცებული შესაგებლის ფორმით, წარუდგინოს სააპელაციო საჩივრის ასლის ჩაბარებიდან 10 დღის ვადაში.

3. აპელანტს უფლება აქვს უარი თქვას სააპელაციო საჩივრის განხილვაზე საქმის წარმოების ნებისმიერ ეტაპზე. ამ შემთხვევაში სააპელაციო საჩივრის საფასური უკან დაბრუნებას არ ექვემდებარება.

4. სააპელაციო პალატა საქმისწარმოებას წარმართავს ქართულ ენაზე.

��� მუხლი 10. დაინტერესებულ მხარეთა მიერ დამატებითი ინფორმაციის წარდგენა და ახალ გარემოებებზე მითითება

1. დაინტერესებული მხარე საქმესთან დაკავშირებულ დამატებით დოკუმენტებს წარადგენს ზეპირი მოსმენის გამართვამდე არა უგვიანეს 5 სამუშაო დღისა.

2. დაუშვებელია კოლეგიის მიერ დამატებითი ინფორმაციის მოთხოვნა, ან დაინტერესებულ მხარეთა მიერ მისი წარდგენა, თუ ის შეიცავს ახალ გარემოებებს და ამით სცილდება აპელაციის ფარგლებს.

3. თუ წარდგენილ იქნება დამატებითი ინფორმაცია, რომელიც არ სცილდება აპელაციის საგანს, ზეპირი მოსმენა შესაძლოა გადაიდოს გონივრული ვადით.

4. დაინტერესებული მხარეების მიერ დამატებითი ინფორმაცია წარდგენილ უნდა იქნ ე ს იმდენ ეგზემპლარად, რამდენი მხარეც მონაწილეობს საქმეში.

��� მუხლი 11. ზეპირი მოსმენის გადადება

1. დაინტერესებულ მხარეთა დასაბუთებული შუამდგომლობის საფუძველზე ან კოლეგიის ინიციატივით შესაძლებელია ზეპირი მოსმენის გადადება გონივრული ვადით, რის შესახებაც ეცნობებათ დაინტერესებულ მხარეებს.

2. ამ მუხლის პირველი პუნქტით გათვალისწინებულ შემთხვევაში მე-7 მუხლის პირველი პუნქტით გათვალისწინებული ვადის დენა ჩერდება.

��� მუხლი 12. სააპელაციო საჩივარზე საქმისწარმოების შეჩერება

1. თუ სააპელაციო საჩივრის განხილვისას დადგინდა, რომ აღნიშნულ სააპელაციო საჩივარზე გადაწყვეტილების მიღება შეუძლებელია სხვა დავის დასრულებამდე, კოლეგია ვალდებულია შეაჩეროს საქმის წარმოება.

2. საქმის წარმოების შეჩერების საფუძვლის აღმოფხვრისთანავე კოლეგია ვალდებულია განაახლოს საქმის წარმოება.

3. ამ მუხლის პირველი პუნქტით გათვალისწინებულ შემთხვევაში მე-7 მუხლის პირველი პუნქტით გათვალისწინებული ვადის დენა ჩერდება.

��� მუხლი 13. კოლეგიის სხდომა

1. კოლეგიის სხდომას თავმჯდომარეობს კოლეგიის თავმჯდომარე;

2. თავმჯდომარე ხსნის სხდომას და აცხადებს, თუ რომელი საქმე იქნება განხილული;

3. თავმჯდომარე მხარეებს წარუდგენს კოლეგიის შემადგენლობას, სხდომის მდივანს და განუმარტავს მათ აცილების უფლების შესახებ;

4. თავმჯდომარე მოკლედ გადმოსცემს საჩივრის შინაარსს და შესაგებელში მითითებულ ძირითად გარემოებებს;

5. თავმჯდომარე ვალდებულია უზრუნველყოს საქმისათვის მნიშვნელობის მქონე გარემოებათა გამოკვლევა ზეპირ მოსმენაზე და დამსწრე დაინტერესებულ მხარეს მისცეს საქმესთან დაკავშირებით საკუთარი აზრის გამოთქმის უფლება.

6. მხარეთა ან მესამე პირთა ახსნა-განმარტების მოსმენის შემდეგ თავმჯდომარე უფლებამოსილია მხარის შუამდგომლობით ან საკუთარი ინიციატივით განიხილოს და შეამოწმოს სადავო მტკიცებულებები.

��� მუხლი 14. ზეპირი მოსმენის სხდომის ოქმი

1. კოლეგიის სხდომის მიმდინარეობა და შინაარსი აისახება ოქმში, რომელსაც ადგენს სააპელაციო პალატის მდივანი. ოქმში მიეთითება:

ა) სააპელაციო საჩივრის დასახელება, სააპელაციო საჩივრის სპეციალური საიდენტიფიკაციო ნომერი, რომლის თაობაზეც ეწყობა განხილვა;

ბ) განხილვის დრო და ადგილი;

გ) კოლეგიის თავმჯდომარის, წევრებისა და სხდომაზე დამსწრე პირთა ვინაობა;

დ) დავის საგანი; განხილვაში მონაწილე პირთა ახსნა-განმარტების მოკლე აღწერა.

2. სხდომის ოქმს ხელს აწერენ სხდომის თავმჯდომარე და მდივანი.

3. ოქმი უნდა მომზადდეს და ხელი მოეწეროს არა უგვიანეს 3 სამუშაო დღისა სხდომის დამთავრების შემდეგ.

4. ოქმში შეტანილ ყველა ცვლილებას, შესწორებას და დამატებას უკეთდება შენიშვნა და მოწმდება ოქმზე ხელის მომწერ პირთა მიერ.

5. დაინტერესებულ მხარეს უფლება აქვს გაეცნოს ოქმს და ოქმის გაცნობიდან 3 სამუშაო დღის ვადაში წარადგინოს შენიშვნები. თუ კოლეგია ეთანხმება შენიშვნას, ადასტურებს მის სისწორეს, ხოლო თუ არ ეთანხმება, გამოაქვს გადაწყვეტილება შენიშვნის უარყოფის შესახებ.

��� მუხლი 15. გადაწყვეტილება და მისი ძალაში შესვლა

1. კოლეგია საქმის არსებითად განხილვის შედეგად იღებს შემდეგი სახის გადაწყვეტილებებს:

ა) სააპელაციო საჩივრის დაკმაყოფილების შესახებ;

ბ) სააპელაციო საჩივრის ნაწილობრივი დაკმაყოფილების შესახებ;

გ) საპელაციო საჩივრის დაკმაყოფილებაზე უარის თქმის შესახებ.

2. კოლეგია გადაწყვეტილებას იღებს ხმათა უმრავლესობით, მხარეთა დაუსწრებლად;

3. კოლეგიის გადაწყვეტილებას ხელს აწერენ კოლეგიის წევრები;

4. კოლეგიის წევრს, რომელიც არ ეთანხმება უმრავლესობას, შეუძლია წერილობით ჩამოაყალიბოს თავისი განსხვავებული აზრი. განსხვავებული აზრი დაერთვის გადაწყვეტილებას;

5. კოლეგიის გადაწყვეტილებაში მიეთითება სააპელაციო საჩივრის შემოსვლის დროს საჩივრისათვის მინიჭებული საიდენტიფიკაციო ნომერი;

6. კოლეგიის გადაწყვეტილება ფორმდება სპეციალურ ბლანკზე და მას დაესმება ბეჭედი;

7. სააპელაციო პალატის ბლანკისა და ბეჭდის ფორმას ამტკიცებს სააპელაციო პალატის თავმჯდომარე;

8. საქმის არსებითად განხილვის შედეგად კოლეგიის მიერ მიღებულ გადაწყვეტილებას ბრძანებით ამტკიცებს სააპელაციო პალატის თავმჯდომარე;

9. კოლეგიის გადაწყვეტილება სააპელაციო პალატის თავმჯდომარის ბრძანებასთან ერთად გასაჩივრდება საქართველოს კანონმდებლობით დადგენილი წესის შესაბამისად სასამართლოში კოლეგიის გადაწყვეტილებისა და სააპელაციო პალატის თავ მ ჯდომარის ბრძანების გაცნობიდან/ჩაბარებიდან ერთი თვის განმავლობაში.

��� მუხლი 16. დებულებაში ცვლილებებისა და დამატებების შეტანის წესი

დებულებაში ცვლილებების და დამატებების შეტანა ხორციელდება საქპატენტის თავმჯდომარის ბრძანებით, საქართველოს კანონმდებლობით დადგენილი წესის შესაბამისად.