საქართველოს საინსტიტუციო მშენებლობის განვითარების პროექტის განმახორციელებელი რგოლის საჯარო სამართლის იურიდიულ პირად ჩამოყალიბების შესახებ

საქართველოს პრეზიდენტის

ბრძანებულება №331

2001 წლის 15 აგვისტო

ქ. თბილისი

საქართველოს საინსტიტუციო მშენებლობის განვითარების პროექტის განმახორციელებელი რგოლის საჯარო სამართლის იურიდიულ პირად ჩამოყალიბების შესახებ

მსოფლიო ბანკისა და სხვა საერთაშორისო დონორი ორგანიზაციების ხელშეწყობით საქართველოში მიმდინარე საინსტიტუციო მშენებლობის განვითარების პროექტების განხორციელების უზრუნველსაყოფად:

1. შეიქმნას საქართველოს საინსტიტუციო მშენებლობის განვითარების პროექტების განმახორციელებელი რგოლი როგორც საჯარო სამართლის იურიდიული პირი.

2. დამტკიცდეს საქართველოს საინსტიტუციო მშენებლობის განვითარების პროექტების განმახორციელებელი რგოლის (შემოკლებით -პგრ) თანდართული დებულება.

3. (ამოღებულია).

საქართველოს პრეზიდენტის 2004 წლის 29 ნოემრის  ბრძანებულება №547, სსმIII, №141,  03.12.2004წ., მუხ.1260

4. ძალადაკარგულად ჩაითვალოს საქართველოს რესპუბლიკის მინისტრთა კაბინეტის 1994 წლის 18 მაისის №315 დადგენილება.

ე. შევარდნაძე

შეტანილი ცვლილებები:

1.საქართველოს პრეზიდენტის 2004 წლის 25 სექტემბრის ბრძანებულება №405, სსმIII, №106, 28.09. 2004წ., მუხ.912

2. საქართველოს პრეზიდენტის 2004 წლის 29 ნოემრის  ბრძანებულება №547, სსმIII, №141,  03.12.2004წ., მუხ.1260

3. საქართველოს პრეზიდენტის 2007 წლის 25 იანვრის  ბრძანებულება №65, სსმIII, №11,  29.01.2007წ., მუხ.111

4. საქართველოს პრეზიდენტის 2007 წლის 17 მაისის ბრძანებულება №313, სსმIII, №71,  21.05.2007წ., მუხ.771

საჯარო სამართლის იურიდიული პირის – საქართველოს საინსტიტუციო მშენებლობის განვითარების პროექტების განმახორციელებელი რგოლის

დ ე ბ უ ლ ე ბ ა

    მუხლი 1. ზოგადი დებულებანი

1. საქართველოს საინსტიტუციო მშენებლობის განვითარების პროექტების განმახორციელებელი რგოლი (შემდგომში – პგრ) არის საჯარო სამართლის იურიდიული პირი, რომლის მიზანია საქართველოში საინსტიტუციო მშენებლობის განვითარების პროექტების (შემდგომში – პროექტები) განხორციელება.

2. პგრ თავის საქმიანობაში ხელმძღვანელობს საქართველოსა და მსოფლიო ბანკს შორის დადებული შეთანხმებებითა და ხელშეკრულებებით (შემდგომში – შეთანხმებები), საქართველოს კანონმდებლობითა და ამ დებულებით. პგრ თავის ყოველდღიურ საქმიანობას წარმართავს მსოფლიო ბანკის პროექტების საფუძველზე, რომლებიც შემუშავებულია საქართველოს საინსტიტუციო მშენებლობის რეფორმის ხელშეწყობის მიზნით.

3. პგრ-ს აქვს დამოუკიდებელი ბალანსი, საბანკო ანგარიშები, ბეჭედი სახელმწიფო გერბითა და ქართულ-ინგლისური წარწერით.

4. პგრ-ის ადგილსამყოფელია: 380077 ქ.თბილისი, ალ.ყაზბეგის გამზირი №42.

5. პგრ არის საქართველოს საგარეო-ეკონომიკურ ურთიერთობათა კომიტეტთან საქართველოს რესპუბლიკის მინისტრთა კაბინეტის 1994 წლის 18 მაისის №315 დადგენილებით შექმნილი მსოფლიო ბანკის საინსტიტუციო მშენებლობის პროექტის განმახორციელებელი რგოლის უფლებამონაცვლე.

    მუხლი 2. პგრ-ის ძირითადი მიზნები და ამოცანები

1. პგრ-ის ძირითადი მიზნები, ვალდებულებები და უფლებამოსილებანი საქართველოს საინსტიტუციო მშენებლობის სფეროში განსაზღვრულია ამ დებულებით, საქართველოს მთავრობისა და მსოფლიო ბანკის შესაბამისი გადაწყვეტილებებით, აგრეთვე საინსტიტუციო მშენებლობის რეფორმის ხელშემწყობი პროექტებით.

2. პგრ-ის ამოცანებია:

ა) შეთანხმებების საფუძველზე საქართველოში მსოფლიო ბანკისა და სხვა საერთაშორისო დონორი ორგანიზაციების ხელშეწყობით მიმდინარე საინსტიტუციო მშენებლობის რეფორმის განვითარების მხარდაჭერა, საინსტიტუციო მშენებლობის პროექტების ღონისძიებათა დაფინანსებისათვის გათვალისწინებული სახსრების, მათ შორის ამ მიზნით არსებული პროექტების ფონდების მართვა. ასევე 2007 წლის 2 მარტს საქართველოსა და განვითარების საერთაშორისო ასოციაციას შორის ხელმოწერილი წერილ-შეთანხმებით გათვალისწინებული სიღარიბის დაძლევის ხელშემწყობ მესამე ღონისძიებასთან (PRSO III) დაკავშირებული პროექტის განხორციელება და ფონდების მართვა.

ბ) საინსტიტუციო მშენებლობის რეფორმის განხორციელებისას პროექტებით გათვალისწინებული ღონისძიებების შესრულებისათვის ხელშეწყობა;

გ) საქონლისა და მომსახურების შესყიდვების მახასიათებლების და სამუშაოების აღწერილობის საბოლოო ბენეფიციართან შეთანხმება, მსოფლიო ბანკის მიერ დაწესებული პროცედურების შესაბამისად შესყიდვების დოკუმენტის მომზადება და გამოცემა; მომწოდებლების განსაზღვრა, საქართველოს მთავრობასა და მსოფლიო ბანკს შორის შეთანხმებული წესების მიხედვით საერთაშორისო და ადგილობრივი შესყიდვების განხორციელება; წარმოდგენილი წინადადებების შეფასება და შეფასებითი მოხსენებების მომზადება; საბოლოო ბენეფიციარის სახელით პროექტებით გათვალისწინებული პირობების მიხედვით კონტრაქტების მომზადება და ხელმოწერა;

დ) კონსულტანტების დანიშვნისას კონსულტანტობის კანდიდატთა სიის ბენეფიციართან შეთანხმება, ტენდერში მათი მონაწილეობის მისაღებად მოსაწვევი დოკუმენტაციის მომზადება და დაგზავნა; ბენეფიციარის მიერ კონსულტანტების დაქირავების მიზნით პროექტებით გათვალისწინებული პირობებით ხელმოსაწერი ხელშეკრულებების განსახილველად მომზადება და ბენეფიციარისათვის მიწოდება;

ე) პროექტებით გათვალისწინებული ანგარიშსწორების ორგანიზაცია.

3. პგრ თავისი მიზნებისა და ამოცანების შესასრულებლად უფლებამოსილია:

ა) ხელი მოაწეროს გარიგებას, ხელშეკრულებას, კომერციული და იურიდიული მნიშვნელობის აქტს როგორც საქართველოს, ისე უცხოეთის ქვეყნების სახელმწიფო ორგანოებთან და დაწესებულებებთან, საჯარო თუ კერძო სამართლის იურიდიულ პირებთან და მოქალაქეებთან იმ სფეროში, რომელიც პირდაპირ თუ არაპირდაპირ ემსახურება ამ დებულებით განსაზღვრული მიზნებისა და ამოცანების შესრულების უზრუნველყოფას და/ან ხელშეწყობას;

ბ) ისარგებლოს ბანკებისა და სხვა ორგანიზაციების მომსახურებით;

გ) პგრ-ის მიზნების გათვალისწინებით დააფინანსოს პროექტების ფარგლებში წარმოებული თემატური გამოკვლევები და სამუშაოები.

საქართველოს პრეზიდენტის 2007 წლის 17 მაისის ბრძანებულება №313, სსმIII, №71,  21.05.2007წ., მუხ.771

    მუხლი 3. პგრ-ს მართვა და სახელმწიფო კონტროლი

1. პგრ-ს მართავს დირექტორი, რომელსაც თანამდებობაზე ნიშნავს და თანამდებობიდან ათავისუფლებს საქართველოს ფინანსთა მინისტრი.

2. დირექტორი წარმოადგენს პგრ-ს. იგი ერთპიროვნულად უძღვება პგრ-ს ყველა საქმეს, გარდა იმისა, რომელიც საქართველოს კანონმდებლობით ან ამ დებულებით განეკუთვნება სხვა ორგანოს ან პირის კომპეტენციას.

3. პგრ-ს საქმიანობის სახელმწიფო კონტროლს ახორციელებს საქართველოს ფინანსთა სამინისტრო.

4. (ამოღებულია).

5. (ამოღებულია).

6. (ამოღებულია).

7. (ამოღებულია).

8. საქართველოს ფინანსთა სამინისტრო ამტკიცებს:

ა) პროექტის ფარგლებში დასაფინანსებელ სამუშაოებს;    

ბ) პგრ-ს სამუშაო გეგმებს და წლიურ ბიუჯეტს და/ან მათში შესატან ცვლილებებს;

გ) პგრ-ს დირექტორის მიერ წარდგენილ კვარტალურ და წლიურ ანგარიშებს.

საქართველოს პრეზიდენტის 2004 წლის 25 სექტემბრის ბრძანებულება №405, სსმIII, №106, 28.09. 2004წ., მუხ.912

საქართველოს პრეზიდენტის 2004 წლის 29 ნოემრის  ბრძანებულება №547, სსმIII, №141,  03.12.2004წ., მუხ.1260

საქართველოს პრეზიდენტის 2007 წლის 25 იანვრის  ბრძანებულება №65, სსმIII, №11,  29.01.2007წ., მუხ.111

    მუხლი 4. ანგარიშგება

პგრ ანგარიშვალდებულია საქართველოს ფინანსთა სამინისტროს წინაშე.

საქართველოს პრეზიდენტის 2004 წლის 29 ნოემრის  ბრძანებულება №547, სსმIII, №141,  03.12.2004წ., მუხ.1260

    მუხლი 5. პგრ-ის დაფინანსება და საბუღალტრო ანგარიშგება

1. პგრ-ის დაფინანსება ხდება პროექტებით გათვალისწინებული სპეციალური ნაწილით, რომელიც მიზნობრივად განსაზღვრულია პგრ-ის ფუნქციონირებისათვის საქართველოს მთავრობისა და საერთაშორისო-საფინანსო ორგანიზაციების შეთანხმების საფუძველზე გამოყოფილი სახსრებით, საქართველოს კანონმდებლობითა და ამ დებულებით განსაზღვრული სხვა წყაროებით.

2. პგრ საფინანსო-ეკონომიკური საქმიანობის აღრიცხვა-ანგარიშგებას აწარმოებს საქართველოს კანონმდებლობით დადგენილი წესით და მსოფლიო ბანკთან არსებული შეთანხმებით.

    მუხლი 6. დასკვნითი დებულებანი

1. დებულებაში ცვლილებები და დამატებები შეიძლება შეტანილ იქნეს საქართველოს პრეზიდენტის ბრძანებულებით.

2. პგრ-ის რეორგანიზაცია ან ლიკვიდაცია ხდება საქართველოს პრეზიდენტის ბრძანებულებით საქართველოს კანონმდებლობის შესაბამისად. პგრ-ის ლიკვიდაციის შემთხვევაში ქონება გადადის საქართველოს სახელმწიფო კანცელარიის განკარგულებაში.

Annotate