მცირე საწარმოთა საკოორდინაციო საბჭოს შექმნის შესახებ

                           საქართველოს პრეზიდენტის         

  ბრძანებულება №16

2000 წლის 26 იანვარი

  ქ. თბილისი

მცირე საწარმოთა საკოორდინაციო საბჭოს შექმნის შესახებ

„მცირე საწარმოთა მხარდაჭერის შესახებ“ საქართველოს კანონის შესაბამისად:

1 დამტკიცდეს ორი წლით მცირე საწარმოთა საკოორდინაციო საბჭო შემდეგი შემადგენლობით:

თე ი მურაზ ბასილია – საქართველოს პრეზიდენტის თანაშემწე ეკონომიკური რეფორმების საკითხებში

გიორგი გაჩეჩილაძე – საქართველოს ეკონომიკის, მრეწველობისა და ვაჭრობის მინისტრი

ნინო ელიზბარაშვილი – ასოციაცია „ქალი და ბიზნესის“ პრეზიდენტი

ბონდო ზარნაძე – საქართველოს მეწარმეთა კავშირის თავმჯდომარე

მერაბ კაკულია – საქართველოს ეროვნული ბანკის ვიცე-პრეზიდენტი

ვაჟა კაპანაძე – საქართველოს ეკონომიკის, მრეწველობისა და ვაჭრობის მინისტრის მოადგილე

ნინო მამუკელაშვილი – მცირე და საშუალო სავაჭრო-სამრეწველო მეწარმეთა კავშირის თავმჯდომარე

გენრიხ მურადიანი – საქართველოს ეკონომიკის, მრეწველობისა და ვაჭრობის მინისტრის მოადგილე

მერაბ მჭედლიძე – საქართველოს გადამხდელთა კავშირის მცირე ბიზნესის განვითარების საბჭოს თავმჯდომარე

ოლეგ ნიკოლეიშვილი – საქართველოს ფინანსთა მინისტრის მოადგილე

არჩილ სამადაშვილი – საქართველოს სამრეწველო და საინჟინრო მცირე და საშუალო ბიზნესის ასოციაციის თავმჯდომარე

რეზო საყვარელიძე – საქართველოს შრომის, ჯანმრთელობისა და სოციალური დაცვის სამინისტროს შრომისა და დასაქმების პოლიტიკის დეპარტამენტის უფროსი

გიორგი ტყეშელაშვილი – საქართველოს სოფლის მეურნეობისა და სურსათის მინისტრის მოადგილე.

საქართველოს პრეზიდენტის 2000 წლის 18 სექტემბრი ს ბრძანებულება №410 - სსმ III, №86, 20.09.2000 წ., მუხ.755

საქართველოს პრეზიდენტის 2001 წლის 19 თებერვლის ბრძანებულება №60 - სსმ III, №16, 21.02.2001 წ., მუხ.141

საქართველოს პრეზიდენტის 2002 წლის 18 მაისის ბრძანებულება №243 - სსმ III, №48, 20.05.2002 წ., მუხ.450

 2. დამტკიცდეს მცირე საწარმოთა საკოორდინაციო საბჭოს თანდართული დებულება.

3. მცირე საწარმოთა საკოორდინაციო საბჭომ წელიწადში ორჯერ წარუდგინოს საქართველოს პრეზიდენტს ანგარიში გაწეული მუშაობის შესახებ.

4. მცირე საწარმოთა საკოორდინაციო საბჭომ „მცირე საწარმოთა მხარდაჭერის შესახებ“ საქართველოს კანონით დადგენილი წესის შესაბამისად წარმოადგინოს მცირე საწარმოთა განვითარებისა და ხელშეწყობის ცენტრის დირექტორის კანდიდატურა.

5. ძალადაკარგულად ჩაითვალოს „მცირე ბიზნესის განვითარების საკოორდინაციო საბჭოს შექმნის შესახებ“ საქართველოს პრეზიდენტის 1997 წლის 14 ივლისის №361 ბრძანებულება.

ე. შევარდნაძე

შეტანილი ცვლილებები:

1. საქართველოს პრეზიდენტის 2000 წლის 18 სექტემბრი ს ბრძანებულება №410 - სსმ III, №86, 20.09.2000 წ., მუხ.755

2. საქართველოს პრეზიდენტის 2001 წლის 19 თებერვლი ს ბრძანებულება №60 - სსმ III, №16, 21.02.2001 წ., მუხ.141

3. საქართველოს პრეზიდენტის 2002 წლის 18 მაისი ს ბრძანებულება №243 - სსმ III, №48, 20.05.2002 წ., მუხ.450

მცირე საწარმოთა საკოორდინაციო საბჭოს დებულება

I. ზოგადი დებულება

1. მცირე საწარმოთა საკოორდინაციო საბჭო (შემდგომში – საბჭო) შექმნილია „მცირე საწარმოთა მხარდაჭერის შესახებ“ საქართველოს კანონის საფუძველზე.

2. საბჭო თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებით, კანონით „მცირე საწარმოთა მხარდაჭერის შესახებ“, საქართველოს პრეზიდენტის ბრძანებულებებით და განკარგულებებით, საქართველოს პარლამენტის დადგენილებით და ამ დებულებით.

II. საბჭოს შემადგენლობა

1. საბჭოს შემადგენლობა განსაზღვრულია საქართველოს კანონით „მცირე საწარმოთა მხარდაჭერის შესახებ“ და საქართველოს პრეზიდენტის ბრძანებულებით.

2. საბჭოს წევრებს ამტკიცებს საქართველოს პრეზიდენტი 2 წლის ვადით, 13 კაცის შემადგენლობით, რომელთაგან:

ა) ექვსი საქართველოს ეკონომიკის სამინისტროს, ფინანსთა სამინისტროს, ვაჭრობისა და საგარეო ეკონომიკური ურთიერთობების სამინისტროს, მრეწველობის სამინისტროს, სოფლის მეურნეობისა და სურსათის სამინისტროს, შრომისა და დასაქმების სამინისტროს წარმომადგენელია;

ბ) ხუთი თითოეული რეგისტრირებული მცირე საწარმოს მხარდამჭერი ორგანიზაციების წარმომადგენელია;

გ) ერთი ეროვნული ბანკის წარმომადგენელია;

დ) ერთი სახელმწიფო კანცელარიის წარმომადგენელია.

3. საბჭოს წევრები საბჭოს საქმიანობაში მონაწილეობისას არ იღებენ რაიმე ანაზღაურებას.

4. საბჭოს წევრების დანიშვნა და გათავისუფლება ხორციელდება „მცირე საწარმოთა მხარდაჭერის შესახებ“ საქართველოს კანონის II თავის მე-10 მუხლის განსაზღვრული წესით.

5. საბჭოს მუშაობაში მონაწილეობის მისაღებად შეიძლება მოწვეულ იქნენ წარმომადგენლობით ორგანოთა და სხვა უწყებათა, აგრეთვე მასობრივი ინფორმაციის საშუალებათა წარმომადგენლები (ხმის უფლების გარეშე).

III. საბჭოს საქმიანობის ძირითადი მიმართულებანი

1. საბჭო:   

ა) წარმოადგენს მცირე მეწარმეობის პოლიტიკის განმახორციელებელ და მეწარმეობის განვითარებისა და ხელშეწყობის ცენტრის საქმიანობის წარმმართველ ორგანოს;

ბ) განსაზღვრავს მცირე საწარმოთა განვითარებისა და ხელშეწყობის ცენტრისა და მისი რეგიონული ორგანოების ორგანიზაციულ სტრუქტურასა და საქმიანობის მიმართულებებს;

გ) მცირე საწარმოთა ფინანსური მხარდაჭერის პროგრამების რეალიზების მიზნით წინასწარ საჯაროდ აქვეყნებს ინფორმაციას მცირე საწარმოებისათვის განკუთვნილი ფინანსური მხარდაჭერის არსებული პროგრამების სახეობის შინაარსისა და მიმართულებების შესახებ, პროგრამაში მონაწილეობის უფლებების მქონე მცირე საწარმოთა კონკრეტული მახასიათებლების, მათ შორის დასაქმებულთა რაოდენობისა და საწარმოთა წლიური ბრუნვის მაჩვენებელთა თაობაზე, პროგრამების მიხედვით გასანაწილებელი, სესხების მოცულობათა, საპროცენტო განაკვეთებისა და ვადების შესახებ;

დ) მცირე საწარმოების განვითარებისათვის განსაზღვრავს ფინანსური მხარდაჭერის ოდენობას, ფორმასა და პროპორციებს.

2. ცენტრის დირექტორს საბჭოს წარდგინებით თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი.

IV. საბჭოს რეგლამენტი

1. საბჭოს თავმჯდომარე აირჩევა საბჭოს შემადგენლობიდან წევრთა ხმების უმრავლესობით.

2. საბჭოს სხდომა იმართება კვარტალში ერთხელ. სხდომა უფლებამოსილია, თუ მას ესწრება საბჭოს წევრთა ორი მესამედი მაინც. საბჭოს წევრის სხდომაზე არდასწრების შემთხვევაში იგი ვალდებულია სხდომამდე სულ ცოტა სამი დღით ადრე, წერილობით აცნობოს საბჭოს თავმჯდომარეს თავისი შეხედულება განსახილველი საკითხის შესახებ.

3. საბჭო გადაწყვეტილებას იღებს წევრთა ხმების უმრავლესობით. ხმათა თანაბრად გაყოფის შემთხვევაში გადამწყვეტია თავმჯდომარის ხმა.

4. საბჭოს სხდომის მოწვევა არ არის აუცილებელი, როცა მისი ყველა წევრი წერილობით ეთანხმება განსახილველ საკითხს.

5. საბჭოს გადაწყვეტილება ფორმდება ოქმით, რომლის შესრულებას ახორციელებს „მცირე საწარმოთა განვითარებისა და ხელშეწყობის ცენტრი“.

6. საბჭოს საქმიანობა პერიოდულად შუქდება მასობრივი ინფორმაციის საშუალებებით.

7. საბჭოს ლიკვიდაცია ხდება საქართველოს მოქმედი კანონებით დადგენილი წესის შესაბამისად.

 

 

 

Annotate