აჭარის ავტონომიური რესპუბლიკის მთავრობის საქვეუწყებო დაწესებულების – გარემოს დაცვისა და ბუნებრივი რესურსების სამმართველოსათვის ლიცენზიისა და ნებართვების გაცემის უფლებამოსილების დელეგირების შესახებ

საქართველოს მთავრობის

დადგენილება №21

2006 წლის 26 იანვარი

ქ. თბილისი

აჭარის ავტონომიური რესპუბლიკის მთავრობის საქვეუწყებო დაწესებულების – გარემოს დაცვისა და ბუნებრივი რესურსების სამმართველოსათვის ლიცენზიისა და ნებართვების გაცემის უფლებამოსილების დელეგირების შესახებ

,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის მე-6 მუხლის პირველი პუნქტისა და ,,ლიცენზიებისა და ნებართვების შესახებ” საქართველოს კანონის მე-5 მუხლის შესაბამისად:

1. აჭარის ავტონომიური რესპუბლიკის მთავრობის საქვეუწყებო დაწესებულებას – გარემოს დაცვისა და ბუნებრივი რესურსების სამმართველოს მიენიჭოს უფლებამოსილება, აჭარის ავტონომიური რესპუბლიკის ტერიტორიაზე გასცეს შემდეგი ლიცენზია და ნებართვები:

ა) სასარგებლო წიაღისეულის მოპოვების ლიცენზია – მხოლოდ საშენი მასალებისა და საყოფაცხოვრებო დანიშნულების მიწისქვეშა მტკნარი წყლების მოპოვებისათვის;

ბ) ზედაპირული წყლის ობიექტებიდან წყალაღების ნებართვა;

გ) ზედაპირული წყლის ობიექტებში წყალჩაშვების ნებართვა;

დ) ნადირობის ნებართვა;

ე) ხე-ტყის დამზადების სპეციალური ლიცენზია – მოკლევადიანი (1 წლამდე, მათ შორის სეზონური) ტყითსარგებლობისათვის.

საქართველოს მთავრობის 2006 წლის 16 ივნისის დადგენილება №113 - სსმ III, №82, 20.06.2006 წ., მუხ.1087

საქართველოს მთავრობის 2007 წლის 27 ივნისის დადგენილება №127- სსმ III, №91, 28.06.2007 წ., მუხ.979

2. საქართველოს გარემოს დაცვისა და ბუნებრივი რესურსების სამინისტრომ (გ. პაპუაშვილი) დაამტკიცოს პირველი პუნქტით გათვალისწინებულ საშენ მასალათა ნუსხა ამ დადგენილების ამოქმედებიდან ორ თვეში.

3. დადგენილება ამოქმედდეს გამოქვეყნებისთანავე.

პრემიერ-მინისტრი                ზ. ნოღაიდელი

შეტანილი ცვლილებები:

1. საქართველოს მთავრობის 2006 წლის 16 ივნისის დადგენილება №113 - სსმ III, №82, 20.06.2006 წ., მუხ.1087

2. საქართველოს მთავრობის 2007 წლის 27 ივნისის დადგენილება №127- სსმ III, №91, 28.06.2007 წ., მუხ.979