საჯარო სამართლის იურიდიული პირის - საზღვაო ტრანსპორტის სააგენტოს დებულების დამტკიცების შესახებ

საქართველოს ეკონომიკისა და მდგრადი განვითარების მინისტრის

ბრძანება №1-1/5 85

2011 წლის 14 აპრილი

ქ. თბილისი

საჯარო სამართლის იურიდიული პირის –საზღვაო ტრანსპორტის სააგენტოს დებულების დამტკიცების შესახებ

„ტრანსპორტის სფეროს მართვისა და რეგულირების შესახებ“საქართველოს კანონის მე-7მუხლის მესამე პუნქტისა და მე-10მუხლის მე-5პუნქტის „ა“ ქვეპუნქტის შესაბამისად, ვბრძანებ:

1. დამტკიცდეს თანდართული „საჯარო სამართლის იურიდიული პირის – საზღვაო ტრანსპორტის სააგენტოს დებულება“.

2. ეს ბრძანება ამოქმედდეს 2011წლის15აპრილდან. 

ვ . ქობალია

საჯარო სამართლის იურიდიული პირის – საზღვაო ტრანსპორტის სააგენტოს

დებულება

    მუხლი 1. ზოგადი დებულებები

1. საჯარო სამართლის იურიდიული პირი–საზღვაო ტრანსპორტის სააგენტო (შემდგომ–სააგენტო) არის საქართველოს ეკონომიკისა და მდგრადი განვითარების სამინისტრო ს (შემდგომ – სამინისტრო) სისტემაში შემავალი საჯარო სამართლის იურიდიული პირი, რომელიც შექმნილია „ტრანსპორტის სფეროს მართვისა და რეგულირების შესახებ“ და„საჯარო სამართლის იურიდიული პირის შესახებ“ საქართველოს კანონების შესაბამისად.

2. სააგენტოს სრული დასახელებაა„საჯარო სამართლის იურიდიული პირი– საზღვაო ტრანსპორტის სააგენტო“. სააგენტო უფლებამოსილია გამოიყენოს შემოკლებული დასახელება„საზღვაო ტრანსპორტის სააგენტო“.

3. სააგენტო თავის საქმიანობაში ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებით, „საჯარო სამართლის იურიდიული პირის შესახებ“, „ტრანსპორტის სფეროს მართვისა და რეგულირების შესახებ“, „მეზღვაურთა მომზადებისა და დიპლომირების შესახებ“ „საზღვაო-სამაშველო სამსახურის შესახებ“ საქართველოს კანონებით, საქართველოს საზღვაო კოდექსით, ამ დებულებითა და სხვა საკანონმდებლო და კანონქვემდებარე ნორმატიული აქტებით.

4. სააგენტო ანგარიშვალდებულია სამინისტროს წინაშე, „ტრანსპორტის სფეროს მართვისა და რეგუილირების შესახებ“ და„საჯარო სამართლის იურიდიული პირის შესახებ“ საქართველოს კანოებითა და ამ დებულებით დადგენილ ფარგლებში და წესით.

5. სააგენტო საკუთარი სახელით იძენს უფლებებსა და მოვალეობებს, დებს გარიგებებს, საკუთარი სახელით გამოდის მესამე პირებთან ურთიერთობაში, ასევე სასამართლოში მოსარჩელედ და მოპასუხედ.

6. სააგენტოს აქვს ემბლემა და მრგვალი ბეჭედი მცირე სახელმწიფო გერბის გამოსახულებით, დამოუკიდებელი ბალანსი, საბანკო და სახაზინო ანგარიშები და საჯარო სამართლის იურიდიული პირის სხვა რეკვიზიტები.

7. სააგენტოს იურიდიული მისამართია: ქ. ბათუმი,  ნინოშვილის ქ. №23.

    მუხლი 2. სააგენტოს მიზნები

სააგენტოს მიზანია უზრუნველყოს საზღვაო უსაფრთხოება და საზღვაო ტრანსპორტის  ფუნქციონირების ორგანიზაციულ-სამართლებრივი მოწესრიგება და ამ სფეროში საერთაშორისო სტანდარტების დანერგვა.  

    მუხლი 3. სააგენტოს ფუნქციები და საქმიანობის საგანი

1. სააგენტოს საქმიანობის ძირითადი საგანია საზღვაო ტრანსპორტის ტექნიკური რეგულირება და მასთან დაკავშირებული მომსახურების გაწევა, საზღვაო გადაზიდვა-გადაყვანების შეუფერხებელი და უსაფრთხო განხორციელების მიზნით.

2. კანონმდებლობით მინიჭებული უფლებამოსილების ფარგლებში სააგენტოს ძირითადი ფუნქციებია:

ა) დროშის სახელმწიფო კონტროლი, მათ შორის საქართველოს დროშით მცურავი გემის ინსპექტირება;

ბ) საქართველოს გემების სახელმწიფო რეესტრის წარმოება;

გ) გემის რეგისტრაციის პირობების, აგრეთვე გემების სახელმწიფო რეესტრის წარმოებისა და საზღვაო იპოთეკის აღრიცხვის წესების დადგენა; 

დ) საქართველოს სახელმწიფო ალმით ნაოსნობის უფლების მოწმობის, გემის ბილეთ ი ს, გემის საკუთრების მოწმობ ი ს და რადიოსადგურის სერტიფიკატ ი ს გაცემა;

ე) ზღვაოსნობის უსაფრთხოების, გარემოს დაბინძურების თავიდან აცილებისა და შრომის დაცვის მიზნით ეკიპაჟის მინიმალური დასაშვები შემადგენლობის განსაზღვრა;

ვ) საზღვაო ნავსადგურების რადიოლოკაციური სისტემების ოპერატორების საკვალიფიკაციო მოთხოვნების დადგენა;

ზ)  საქართველოსა და უცხო ქვეყნის მოქალაქისათვის გემის სამეთაურო და რიგითი შემადგენლობის პირის წოდების მინიჭება;

თ) უფლებამოსილების ფარგლებში ნებისმიერ გემთან დაკავშირებული საზღვაო ინციდენტების გამოკვლევაზე კონტროლი  საქართველოს ტერიტორიულ ზღვაში;

ი) უფლებამოსილების ფარგლებში საქართველოში რეგისტრირებულ მცურავ ობიექტთან დაკავშირებული საზღვაო ინციდენტების გამოკვლევაზე კონტროლი;

კ) საზღვაო ნავსადგურის მიერ შემუშავებული ნავსადგურის/ტერმინალის დაცვის გეგმის დამტკიცება საქართველოს კანონმდებლობის შესაბამისად;

ლ) გემთმშენებელი და სხვა საწარმოების, რომელთა აკვატორია ემიჯნება საზღვაო ნავსადგურის აკვატორიას, უფლებამოსილ რწმუნებულთან ერთად ნავსადგურებში და მათ მისასვლელებთან მოძრაობის წესების დადგენა;

მ) საზღვაო ნავსადგურის აკვატორიაში ნაოსნობის უსაფრთხოებაზე სახელმწიფო ზედამხედველობა ნავსადგურის სახელმწიფო კონტროლის სამსახურის მეშვეობით;

ნ) ნაოსნობის უსაფრთხოების სახელმწიფო ზედამხედველობისა და კონტროლის უზრუნველყოფა;

ო) საერთაშორისო ხელშეკრულებებითა და/ან საქართველოს ეროვნული კანონმდებლობით გათვალისწინებული მეზღვაურთა კომპეტენციის დამადასტურებელი დოკუმენტებისა და სერტიფიკატების გაცემა, მათში ცვლილებების შეტანა ან გაუქმება „მეზღვაურთა მომზადებისა და დიპლომირების შესახებ“ საქართველოს კანონის შესაბამისად;

პ) გემზე პასუხისმგებლობის ყველა დონის მეზღვაურისათვის დიპლომისა და მოწმობის გაცემა და საკვალიფიკაციო მოთხოვნების დამტკიცება;

ჟ) საზღვაო სასწავლებლებისა და ცენტრების აღიარება და მათ საქმიანობაზე ზედამხედველობა;

რ) სხვა სახელმწიფოს საზღვაო ადმინისტრაციის მიერ გაცემულ დიპლომის ცნობა კანონმდებლობით გათვალისწინებულ შემთხვევებში;

ს) დიპლომისა და მოწმობის მქონე მეზღვაურთა რეგისტრაცია;

ტ) დიპლომის ან მოწმობის მოქმედების ვადის დროებით შეჩერება მოქმედი კანონმდებლობის შესაბამისად;

უ) სამაშველო-საკოორდინაციო ცენტრის ხელმძღვანელობა და ზღვაზე ადამიანის სიცოცხლის გადარჩენისა და ზღვის დაბინძურების ლიკვიდაციის ორგანიზების სახელმწიფო ზედამხედველობა;

ფ) ნავსადგურის პასუხისმგებლობის ზონაში საფრთხეში მყოფი ადამიანებისა და გემის გადასარჩენად საძიებო-სამაშველო ოპერაციების, აგრეთვე ნავთობისა და მავნე ნივთიერებების ავარიული დაღვრის სალიკვიდაციო სამუშაოების ჩასატარებლად ღონისძიებების გეგმის დამტკიცება;  

ქ) საზღვაო ნავსადგურებში საერთაშორისო ორგანიზაციების მიერ აღიარებული სტანდარტებით დადგენილი უშიშროების ზომების შემოწმება და სათანადო სერტიფიკატის გაცემა;

ღ) საქართველოს ნავსადგურის მისასვლელებთან და აკვატორიის ფარგლებში სალოცმანო გაცილების წესის დამტკიცება;

ყ) სალოცმანო სამსახურების და ლოცმანის სერტიფიცირება, მათი საქმიანობის ზედამხედველობა;

შ) ზღვის დაბინძურებისათვის გემის მესაკუთრის პასუხისმგებლობის უზრუნველყოფის დამადასტურებელი მოწმობის გაცემა, შემოწმება და აღიარება კანონმდებლობით დადგენილი წესით;

ჩ) ბირთვული გემის ოპერატორის პასუხისმგებლობის მოწმობის გაცემა, შემოწმება და აღიარება კანონმდებლობით დადგენილი წესით;

ც) საქართველოს ტერიტორიულ ზღვაში, შიდა წყლებსა და ნავსადგურებში ბირთვული გემის  კონტროლის განხორციელება შესაბამის უწყებებთან ერთად;

ძ) საქართველოს ტერიტორიულ ზღვაში ნაოსნობის უსაფრთხოების მიზნით მოძრაობის დაყოფის სისტემების, საზღვაო დერეფნების, ფარვატერებისა და რეკომენდებული გზების, ტერიტორიულ ზღვაში ნაოსნობის წესების შემუშავება, კომპეტენტურ ორგანოებთან ერთად, ულფებამოსილების ფარგლებში;

წ) ზღვის გარემოს დაბინძურების თავიდან აცილებისა და შემცირების შესახებ საქართველოს მიერ მიღებული ნორმებისა და სტანდარტების დაცვა უფლებამოსილების ფარგლებში.

ჭ) საერთაშორისო ხელშეკრულებებით გათვალისწინებული საზღვაო ტრანსპორტის დარგში მასზე დელეგირებული ფუნქციების განხორციელება;

ხ) ამ დებულებით და საქართველოს კანონმდებლობით მინიჭებული უფლებამოსილების ფარგლებში ტექნიკური რეგლამენტების მოთხოვნათა დაცვაზე ზედამხედველობის განხორციელება და მათი შეუსრულებლობის  შემთხვევაში დადგენილი ღონისძიებების გატარება;

ჯ) საზღვაო ტრანსპორტით მგზავრთა გადაყვანისა და ტვირთის და ბარგის გადაზიდვის უსაფრთხოების ტექნიკური რეგლამენტების  შემუშავება და დამტკიცება სამინისტროს მიერ დამტკიცებული ნუსხის შესაბამისად;

ჰ) სააგენტოს უფლებამოსილებას მიკუთვნებულ სფეროში მოქმედი ნორმატიული აქტების სრულყოფის შესახებ წინადადებების პერიოდულად მომზადება;  

ჰ.¹) სხვა ქვეყნების საზღვაო ადმინისტრაციებთან ურთიერთობა ინფორმაციის გაცვლის, აღებული ვალდებულებების შესრულების მიზნით, ასევე კანონმდებლობით დაკისრებული ამოცანების განსახორციელებლად;

ჰ.²) საზღვაო ტრანსპორტის უსაფრთხოების, უშიშროებისა და სატრანსპორტო ინფრასტრუქტურის განვითარების სახელმწიფო კონცეფციებისა და პროგრამების შემუშავებასა და განხორციელებაში მონაწილეობა უფლებამოსილების ფარგლებში;

ჰ.³) სააგენტოში შემოსული განცხადებების განხილვა და გადაწყვეტა უფლებამოსილების ფარგლებში;

ჰ.⁴) საზღვაო სფეროში მოქმედ საერთაშორისო ორგანიზაციებთან  თანამშრომლობა, საქართველოს სახელით მონაწილეობის მიღება მათ მიერ გამართულ შეხვედრებში (შეხვედრები, სემინარები, კონფერენციები, ა.შ.) საქართველოს ინტერესების დაცვის უზრუნველსაყოფად უფლებამოსილების ფარგლებში;

ჰ.⁵) სააგენტოს უფლებამოსილების განხორციელებასთან დაკავშირებულ მონაცემთა კომპიუტერული საინფორმაციო ბანკის შექმნა;

ჰ.⁶) საომარი ან/და საგანგებო მდგომარეობის დროს საქართველოს კანონმდებლობით გათვალისწინებულ ღონისძიებებში მონაწილეობა და/ან ამ ღონისძიებების განხორციელების ხელშეწყობა კომპეტენციის ფარგლებში;

ჰ.⁷) „ბუნებრივი და ტექნოგენური ხასიათის საგანგებო სიტუაციებზე ეროვნული რეაგირების გეგმის დამტკიცების შესახებ“ საქართველოს პრეზიდენტის 2008 წლის 26 აგვისტოს №415 ბრძანებულებით დამტკიცებული „ბუნებრივი და ტექნოგენური ხასიათის საგანგებო სიტუაციებზე ეროვნული რეაგირების გეგმის“ შესაბამისად დარგობრივი რეაგირების გეგმის შემუშავებასა და განხორციელებაში მონაწილეობა უფლებამოსილების ფარგლებში;

ჰ.⁸) კანონით დადგენილი წესით, მის უფლებამოსილებას მიკუთვნებული ადმინისტრაციულ სამართალდარღვევათა საქმეების განხილვა და ადმინისტრაციული სახდელების შეფარდება;

ჰ.⁹) სააგენტოს შექმნამდე საქართველოს ეკონომიკისა და მდგრადი განვითარების სამინისტროს საქვეუწყებო დაწესებულების ერთიანი სატრანსპორტო ადმინისტრაციის მიერ საზღვაო ტრანსპორტის სფეროში გამოცემული ადმინისტრაციულ-სამართლებრივი აქტების და სხვა დოკუმენტების ასლების დამოწმება და გაცემა;

ჰ.¹⁰) უფლებამოსილების ფარგლებში სამართლებრივი აქტების შემუავება და დამტკიცება;

ჰ.¹¹) ქვემდებარე ადმინისტრაციულ სამართალდარღვევათა საქმეების განხილვა;

ჰ.¹²) მეზღვაურთა წიგნაკების გაცემის უზრუნველყოფა;

ჰ.¹³) ამ დებულებითა და საქართველოს კანონმდებლობით მინიჭებული სხვა უფლება-მოვალეობების განხორციელება.

3. სააგენტოს თავისი ფუნქციების განხორციელებისას უფლება აქვს საქართველოს კანონმდებლობის შესაბამისად:

ა) დააკავოს გემი და/ან ტვირთი;

ბ) შეამოწმოს საქართველოს საზღვაო ნავსადგურში შემოსული გემების დოკუმენტები, ეკიპაჟის წევრთა დიპლომები და საკვალიფიკაციო მოწმობები;

გ) საზღვაო ნავსადგურს მისცეს მითითებები ნაოსნობის უსაფრთხოების უზრუნველყოფასთან დაკავშირებულ საკითხებზე და გაუწიოს მონიტორინგი;

დ) თავისი ფუნქციებისა და ამოცანების განხორციელებისას ითანამშრომლოს საერთაშორისო და საზოგადოებრივ ორგანიზაციებთან, ასევე სახელმწიფო სტრუქტურებთან მოქმედი კანონმდებლობი დადგენილი წესის შესაბამისად;

ე) მოითხოვოს სარეგისტრაციო და საკონტაქტო ინფორმაცია საზღვაო ნავსადგურში გემების სააგენტო, სტივიდორული, სურვეირული და სატრანსპორტო-საექსპედიციო მომსახურების გამწევი კომპანიების შესახებ;

ვ) შეითანხმოს საზღვაო გზებისა და სანავიგაციო საშუალებების განლაგებისა და მოქმედების ზონაში წყლის სივრცისა და მიწის ნაკვეთის გამოყოფის, ასევე მშენებლობის შეთანხმება უფლებამოსილების ფარგლებში;

ზ) შეითანხმოს შიგა ნაოსნობის გემების ზღვაში გასვლის მოთხოვნებისა და ნაოსნობის საზღვრები;

თ) შეითანხმოს გემების კონვენციური სერტიფიკატებთან დაკავშირებული მოთხოვნებიდან გამონაკლისები საქართველოს კანონმდებლობით განსაზღვრულ შემთხვევებში;

ი) საქართველოს პასუხისმგებლობის ზონაში ჩაძირული ქონების ამოღების სამუშაოებში მონაწილეობის მიღება;

კ) შეითანხმოს სამხედრო სწავლებისა და მანევრების დროს საქართველოს ტერიტორიული ზღვისა და შიდა საზღვაო წყლების გარკვეულ რაიონებში არადისკრიმინაციული ფორმითა და შინაარსით დროებით ნაოსნობის შეჩერება;

ლ) მიიღოს სხვა შესაბამისი გადაწყვეტილებები ამ დებულებით და საქართველოს სხვა ნორმატიული აქტებით მისი კომპეტენციისთვის მიკუთვნებულ საკითხებზე.

    მუხლი 4. სააგენტოს ხელმძღვანელობა

1. სააგენტოს ხელმძღვანელობს სააგენტოს დირქტორი, რომელსაც თანამდებობაზე ნიშნავს და ათავისუფლებს საქართველოს ეკონომიკისა და მდგრადი განვითარების მინისტრი.

2. სააგენტოს დირექტორი:

ა) წარმოადგენს სააგენტოს;

ბ) კანონმდებლობისა და დებულების ფარგლებში დამოუკიდებლად ხელმძღვანელობს  და ერთპიროვნულად წარმართავს სააგენტოს საქმიანობას;

გ) პასუხისმგებელია საქართველოს კონსტიტუციის, სხვა საკანონმდებლო და კანონქვემდებარე აქტების შესრულებისათვის სააგენტოს უფლებამოსილებას მიკუთვნებულ სფეროში;

დ) კომპეტენციის ფარგლებში გამოსცემს ნორმატიულ და ინდივიდუალურ ადმინისტრაციულ-სამართლებრივ აქტებს, (ბრძანებებს) იღებს გადაწყვეტილებას (დადგენილებას) ადმინისტრაციული სახდელის დადების შესახებ;

ე) ამტკიცებს სააგენტოს შინაგანაწესს და სააგენტოს თანამშრომელთა სამუშაოს აღწერილობას;

ვ) სამინისტროსთან შეთანხმებით ამტკიცებს საშტატო განრიგსა და თანამდებობრივ სარგოებს;

ზ) საქართველოს ეკონომიკისა და მდგრადი განვითარების მინისტრს დასამტკიცებლად წარუდგენს მოადგილეების კანდიდატურებს და განსაზღვრავს მათ უფლებამოსილებას;

თ) ანაწილებს მოვალეობებს სააგენტოს თანამშრომლებს შორის, აძლევს მათ სათანადო მითითებებსა და დავალებებს, აკონტროლებს სააგენტოს თანამშრომელთა მიერ სამსახურებრივი მოვალეობების შესრულებას;

ი) იღებს გადაწყვეტილებას მოსამსახურეთა მიმართ წახალისებისა და დისციპლინური პასუხისმგებლობის ზომების გამოყენების შესახებ;

კ) სააგენტოს სახელით დებს გარიგებებს და ანიჭებს უფლებას სააგენტოს წარმომადგენლობაზე;

ლ) საგანგებო და საომარი მდგომარეობის დროს უზრუნველყოფს სააგენტოს მზადყოფნას;

მ) უზრუნველყოფს მოსამსახურეთა კანონიერი უფლებებისა და ინტერესების დაცვას;

ნ) სააგენტოს სახელით აცხადებს კონკურსებს და ტენდერებს;

ო) სამინისტროს წარუდგენს წინადადებებს სააგენტოს დებულებაში ცვლილებებისა და დამატებების შეტანის შესახებ;

პ) სააგენტოს კომპეტენციას მიკუთვნებულ სფეროს მარეგულირებელ საკანონმდებლო და კანონქვემდებარე აქტებში არსებული ხარვეზების აღმოფხვრის მიზნით წარადგენს  წინადადებებს;

ჟ) შუამდგომლობს იმ სახსრებისა და მატერიალური ფასეულობების გამოყოფის შესახებ, რომლებიც საჭიროა სააგენტოს ამოცანების შესასრულებლად;

რ) იღებს გადაწყვეტილებას სააგენტოს სახსრებისა და მატერიალური ფასეულობების განკარგვის შესახებ, რომლებიც საჭიროა სააგენტოს ამოცანების შესასრულებლად;

ს) ამტკიცებს სააგენტოს თანამშრომლის სამსახურებრივი მოწმობის ფორმას;

ტ) ამტკიცებს სააგენტოს, მისი სტრუქტურული ქვედანაყოფების ბლანკების, ბეჭდებისა და შტამპების ნიმუშებს;

უ) ახორციელებს ამ დებულებითა და კანონმდებლობით მინიჭებულ სხვა უფლებამოსილებებს.

3. სააგენტოს დირექტორს ჰყავს სამი მოადგილე,  მათ შორის პირველი მოადგილე, რომელთაც თანამდებობაზე ნიშნავს და თანამდებობიდან ათავისუფლებს სააგენტოს დირექტორი სამინისტროსთან შეთანხმებით.

4. მოადგილეები სააგენტოს დირექტორის გადაწყვეტილებით კურირებენ სააგენტოში მათთვის მიკუთვნებულ სფეროს. მოადგილეების უფლებამოსილება განისაზღვრება სააგენტოს დირექტორის ბრძანებით.

5 სააგენტოს დირექტორის არყოფნის ან მის მიერ სამსახურებრივი უფლებამოსილების განხორციელების შეუძლებლობის შემთხვევაში სააგენტოს დირქტორის მოვალეობას ასრულებს სააგენტოს დირქტორის პირველი მოადგილე.

6 სააგენტოს დირქტორის დავალებით მოადგილეები, ამ მუხლის მე-4 პუნქტის საფუძველზე განსაზღვრული უფლებამოსილების გარდა, ასევე ახორციელებენ სხვა უფლებამოსილებებს.

    მუხლი 5. სააგენტოს სტრუქტურა

1. სააგენტო შედგება შემდეგი სტრუქტურული ქვედანაყოფებისაგან:

ა) საზღვაო სამაშველო-საკოორდინაციო ცენტრი;

ბ) მეზღვაურთა სწავლების, მომზადებისა და გადამზადების სისტემაზე ზედამხედველობის დეპარტამენტი;

გ) ხარისხის მართვის სამსახური;

დ) საზღვაო უსაფრთხოების დეპარტამენტი;

ე) გემების რეგისტრაციისა და დროშის კონტროლის დეპარტამენტი;

ვ) ადმინისტრაციული დეპარტამენტი;

ზ) იურიდიული და საერთაშორისო ურთიერთობის დეპარტამენტი;

თ) საფინანსო-ეკონომიკური დეპარტამენტი.

2. სააგენტოს სტრუქტურულ ქვედანაყოფს ხელმძღვანელობს უფროსი, რომელსაც თანამდებობაზე ნიშნავს და თანამდებობიდან ათავისუფლებს სააგენტოს დირექტორი.

3. სააგენტოს სტრუქტურული ქვედანაყოფის უფროსის არყოფნის ან მის მიერ სამსახურებრივი უფლებამოსილების განხორციელების შეუძლებლობის შემთხვევაში სტრუქტურული ქვედანაყოფის უფროსის მოვალეობას ასრულებს სააგენტოს დირექტორის ბრძანების საფუძველზე სააგენტოს სტრუქტურული ქვედანაყოფის ერთ-ერთი თანამშრომელი.

4. სააგენტოს სტრუქტურული ქვედანაყოფის უფროსი:

ა) ხელმძღვანელობს და წარმართავს სტრუქტურული ქვედანაყოფის საქმიანობას;

ბ) ანაწილებს მოვალეობებს სტრუქტურული ქვედანაყოფის მოსამსახურეებს შორის და აძლევს მათ დავალებებსა და მითითებებს;

გ) ახორციელებს კონტროლს სტრუქტურული ქვედანაყოფის მოსამსახურეების მიერ თავიანთი სამსახურებრივი მოვალეობის შესრულებაზე;

დ) ხელს აწერს ან ვიზას ადებს სტრუქტურული ქვედანაყოფის მომზადებულ დოკუმენტებს დელეგირებული უფლებამოსილების ფარგლებში;

ე) სააგენტოს დირქტორს ან კურატორ დირექტორის მოადგილეს წარუდგენს ანგარიშს სტრუქტურული ქვედანაყოფის საქმიანობის შესახებ;

ვ) სააგენტოს დირქტორის ან/და მისი ერთ-ერთი მოადგილის დავალებით ასრულებს სხვა დავალებებს.

5. სააგენტოს აქვს ტერიტორიული ორგანო ქ. თბილისში, რომლის უფლებამოსილება განისაზღვრება დირექტორის ინდივიდიუალური ადმინისტრაციულ-სამართლებრივი აქტით.

    მუხლი 6. საზღვაო სამაშველო-საკოორდინაციო ცენტრი

1. საზღვაო სამაშველო საკოორდინაციო ცენტრს ხელმძღვანელობს უფროსი.

2. საზღვაო სამაშველო საკოორდინაციო ცენტრის უფლებამოსილება განისაზღვრება „საზღვაო-სამაშველო სამსახურის შესახებ“ საქართველოს კანონით, ამ დებულებით, სააგენტოს სხვა აქტებითა და საქართველოს კანონმდებლობით.

    მუხლი 7. მეზღვაურთა სწავლების, მომზადებისა და გადამზადების სისტემაზე ზედამხედველობის დეპარტამენტი

1. დეპარტამენტი პასუხისმგებელია მეზღვაურთა მომზადებისა და დიპლომირების ერთიანი სისტემის შექმნაზე.

2. დეპარტამენტი ახორციელებს „მეზღვაურთა მომზადებისა და დიპლომირების შესახებ“ საქართველოს კანონით, ამ დებულებით, სააგენტოს სხვა აქტებითა და საქართველოს კანონმდებლობით მეზღვაურთა სწავლების, მომზადებასა და გადამზადებასთან დაკავშირებით სააგენტოზე დაკისრებულ უფლებამოსილებებს:

ა) მეზღვაურთა კომპეტენციის დამადასტურებელი დოკუმენტებისა და სერტიფიკატების, მათში ცვლილებების შეტანის ან გაუქმების მომზადება;

ბ) მეთევზე-მეზღვაურთა კომპეტენციის დამადასტურებელი დოკუმენტებისა და სერტიფიკატების, მათში ცვლილებების შეტანის ან გაუქმების მომზადება;

გ) გემზე პასუხისმგებლობის ყველა დონის მეზღვაურისათვის დიპლომისა და მოწმობის გაცემა და საკვალიფიკაციო მოთხოვნების შემუშავება და სააგენტოს დირექტორისათის დასამტკიცებლად წარდგენა;

დ) საქართველოსა და უცხო ქვეყნის მოქალაქისათვის გემის სამეთაურო და რიგითი შემადგენლობის პირის წოდების მინიჭების თაობაზე სააგენტოს დირექტორის გადაწყვეტილების მომზადება;

ე) საზღვაო სასწავლებლებისა და ცენტრების  აღიარების საკითხის შესწავლა და წინადადების მომზადება;

ვ) საზღვაო სასწავლებლებისა და ცენტრების შემოწმების გეგმის შემუშავება და დასამტკიცებლად სააგენტოს დირექტორისათვის წარდგენა კანონმდებლობით დადგენილი წესითა და ვადებში;

ზ) სხვა სახელმწიფოს საზღვაო ადმინისტრაციის მიერ გაცემული დიპლომის ცნობის (აღიარების) უზრუნველყოფა;

თ) დიპლომისა და მოწმობის მქონე მეზღვაურთა რეგისტრაცია;.

ი) მოქმედი კანონმდებლობის შესაბამისად  დიპლომის ან მოწმობის მოქმედების ვადის დროებით შეჩერების თაობაზე წინადადების მომზადება;

კ) კანდიდატის ცოდნის შემოწმების მიზნით საკვალიფიკაციო გამოცდების ორგანიზება-ჩატარება;

ლ)  საზღვაო სასწავლებლებსა და ცენტრებში გამოცდებზე დასწრებისა და მონიტორინგის თაობაზე რეკომენდაციების შემუშავება;

მ) კანდიდატის ცოდნის შემოწმების შედეგების შესახებ ოქმის ფორმის შემუშავება და დასამტკიცებლად წარდგენა;

ნ) დიპლომისა და მოწმობის მისაღებად საჭირო საბუთების ნუსხის პროექტის მომზადება საქართველოს კანონმდებლობის შესაბამისად;

ო) სააგენტოს მიერ გაცემული, ასევე ეკონომიკისა და მდგრადი განვითარების სამინისტროს საქვეუწყებო დაწესებულების ერთიანი სატრანსპორტო ადმინისტრაციის მიერ გაცემული დიპლომებისა და მოწმობების ნამდვილობის დადასტურება;

პ) მეზღვაურთა წიგნაკების გაცემის უზრუნველყოფა;

ჟ) მეზღვაურთა მომზადებისა და დიპლომირების შესახებ საერთაშორისო მოთხოვნების შესრულებაზე კონტროლი;

რ) ამ დებულებით და საქართველოს კანონმდებლობით განსაზღვრული სხვა უფლება-მოვალეობების განხორციელება.

    მუხლი 8. ხარისხის მართვის სამსახური

ხარისხის მართვის სამასხური:

ა) განსაზღვრავს ხარისხის მართვის სისტემისათვის საჭირო პროცესებსა და მათ გამოყენებას სააგენტოში;

ბ) ადგენს ამ პროცესების თანამიმდევრობასა და ურთიერთქმედებას;

გ) ადგენს კრიტერიუმებსა და მეთოდებს, რომლებიც აუცილებელია ამ პროცესების როგორც ფუნქციონირების, ასევე მათი მართვის შედეგიანობის უზრუნველსაყოფად;

დ) შეიმუშავებს რეკომენდაციებს რესურსებისა და ინფორმაციის თაობაზე, რომლებიც აუცილებელია ამ პროცესების ფუნქციონირებისა და მონიტორინგის შენარჩუნებისათვის;

ე) განახორციელებს ხარისხის მართვის სისტემის შესრულებაზე მონიტორინგს და სააგენტოს დირექტორს წარუდგენს ანგარიშს განხორციელებული მონიტორინგის თაობაზე არანაკლებ 2-ჯერ წლის განმავლობაში;

ვ) ახორციელებს ამ დებულებით და საქართველოს კანონმდებლობით განსაზღვრული სხვა უფლება-მოვალეობებს.

    მუხლი 9. საზღვაო უსაფრთხოების დეპარტამენტი

1. საზღვაო უსაფრთხოების დეპარტამენტში შედის  ნავსადგურის  სახელმწიფო კონტროლის სამსახურები და უსაფრთხოებისა და უშიშროების სამმართველო.

2. უსაფრთხოებისა და უშიშროების სამმართველო:

ა) ახორციელებს ნავსადგურებში გემების კონტროლის ზედამხედველობას;

ბ) ახორციელებს უფლებამოსილების ფარგლებში კონტროლს ნებისმიერ გემთან დაკავშირებული საზღვაო ინციდენტების გამოკვლევაზე საქართველოს ტერიტორიულ ზღვაში;

გ) ახორციელებს უფლებამოსილების ფარგლებში კონტროლს საქართველოში რეგისტრირებულ მცურავ ობიექტთან დაკავშირებული საზღვაო ინციდენტების გამოკვლევაზე;

დ) მონაწილეობს საზღვაო უსაფრთხოებასა და უშიშროებასთან დაკავშირებით ტექნიკური რეგლამენტების და ნორმატიული აქტების შემუშავებაში;

ე) ახორციელებს ნაოსნობის უსაფრთხოების დაცვაზე საერთო ზედამხედველობას საქართველოს კანონმდებლობის შესაბამისად;

ვ) ახორციელებს საზღვაო კონვენციების მოთხოვნების შესრულებაზე კონტროლს;

ზ) საზღვაო ნავსადგურების უშიშიროებასთან დაკავშირებული საერთაშორისო მოთხოვნების შესრულება უფლებამოსილების ფარგლებში, მათ შორის სათანადო მოწმობების გაცემა; 

თ) ამტკიცებს საზღვაო ნავსადგურის მიერ შემუშავებული ნავსადგურის/ტერმინალის დაცვის გეგმას საქართველოს კანონმდებლობის შესაბამისად;

ი) აგროვებს და აანალიზებს ინფორმაციას საქართველოს საზღვაო ნავსადგურებში გემების შემოწმების და/ან დაკავების თაობაზე;

კ) ახორციელებს ამ დებულებით და საქართველოს კანონმდებლობით განსაზღვრული სხვა უფლება-მოვალეობებს.

3. ნავსადგურის სახელმწიფო კონტროლის სამსახურები იქმნება ბათუმის, ფოთის და ყულევის ნავსადგურებში. ფოთის ნავსადგურის სახელმწიფო კონტროლის სამსახური ასევე ფარავს სუფსის ტერმინალს. ამ სამსახურების უფლებამოსილებაა:

ა) შესაბამის ნავსადგურში ნაოსნობის უსაფრთხოების სახელმწიფო ზედამხედველობა და კონტროლი;

ბ) ნავსადგურში გემის (მათ შორის, თევზსაჭერი გემის) შესვლის/გასვლის გაფორმება (განურჩევლად დროშის სახელმწიფოსი და კუთვნილების ფორმისა) ნავსადგურის წესების შესაბამისად;

გ) საქართველოს შიდა წყლებში შემოსული გემების მიერ (განურჩევლად დროშის სახელმწიფოსი და კუთვნილების ფორმისა) საქართველოს საერთაშორისო ხელშეკრულებებითა და საქართველოს კანონმდებლობით დადგენილი მოთხოვნების შესრულება;

დ) საფრთხეში მყოფი ადამიანისა და გემის გადასარჩენად სამაშველო ოპერაციების, აგრეთვე ნავთობისა და მავნე ნივთიერებების ავარიული დაღვრის სალიკვიდაციო სამუშაოების ხელმძღვანელობა და ნავსადგურში არსებული ყველა რესურსის გამოყენების კოორდინაცია საზღვაო სამაშველო-საკოორდინაციო ცენტრთან შეთანხმებით;

ე) გემის გასვლის შეზღუდვა ცუდ ამინდში (ცუდი ხედვისას, შტორმის, მიწისძვრისა და სხვა შემთხვევაში), აგრეთვე უსაფრთხო ნაოსნობისათვის არახელსაყრელი სხვა განსაკუთრებული პირობების დროს;

ვ) სააგენტოს დირექტორთან შეთანხმებით თანხმობის მიცემა ზღვაში ჩაძირული ქონების ამოღების სამუშაოთა წარმოებაზე;

ზ) საქართველოს საზღვაო ნავსადგურებში ნაოსნობის უსაფრთხოების სფეროში შესაბამისი ტექნიკური რეგლამენტების შესრულებაზე კონტროლი;

თ) სააგენტოს დირექტორის ან კურატორი დირექტორის მოადგილის მიერ დელეგირებული სხვა უფლება-მოვალეობების შესრულება ამ  დებულებისა და საქართველოს კანონმდებლობის შესაბამისად.

    მუხლი 10 . გემების რეგისტრაციისა და დროშის კონტროლის დეპარტამენტი

1. გემების რეგისტრაციისა და დროშის კონტროლის დეპარტამენტში შედის გემების რეგისტრაციისა და დროშის კონტროლის სამმართველოები.

2. გემების რეგისტრაციის სამმართველო:

ა) ახორციელებს გემების საქართველოს სახელმწიფო დროშით ნაოსნობის უფლების მინიჭებას და ჩამორთმევას კანონმდებლობით დადგენილი წესით;

ბ) აწარმოებს გემების სახელმწიფო რეესტრს;

გ) ახდენს იპოთეკის რეგისტრაციას საქართველოს დროშის ქვეშ მცურავ გემებზე;

დ) შეიმუშავებს და დასამტკიცებლად წარუდგენს სააგენტოს დირექტორს გემების რეგისტრაციისა და საზღვაო იპოთეკის აღრიცხვის წესს;

ე) გასცემს ამონაწერს საქართველოს გემების სახელმწიფო რეესტრიდან კანონმდებლობით განსაზღვრულ შემთხვევებში;

ვ) უზრუნველყოფს გემების ნაოსნობისათვის შესაბამისი მოწმობის/სერტიფიკატის გაცემას;

ზ) თანამშრომლობს გემთმფლობელებთან, საკლასიფიკაციო საზოგადოებებთან და სხვა ქვეყნების საზღვაო ხელისუფლებასთან უფლებამოსილების ფარგლებში;

თ) საზღვაო უსაფრთხოების დეპარტამენტის უსაფრთხოებისა და უშიშროების სამმართველოსთან შეთანხმებით, ამტკიცებს გემთფლობელის მიერ შემუშავებული გემის დაცვის გეგმას საქართველოს კანონმდებლობის შესაბამისად, თუ კანონმდებლობით სხვა რამ არ არის გათვალისწინებული;

ი) ახორციელებს სააგენტოს დირექტორის მიერ დელეგირებული სხვა უფლება-მოვალეობებს ამ  დებულებისა და საქართველოს კანონმდებლობის შესაბამისად.

3. დროშის კონტროლის სამმართველო:

ა) ახორციელებს კონტროლს საქართველოს დროშით მცურავ გემებზე საერთაშორისო მოთხოვნებისა და საქართველოს კანონმდებლობის შესაბამისად;

ბ) შეიმუშავებს რეკომენდაციებს საქართველოს სახელმწიფო დროშით ნაოსნობის უფლების მინიჭების/ჩამორთმევის თაობაზე;

გ) ზედამხედველობს საკლასიფიკაციო საზოგადოებების მიერ სააგენტოს წინაშე აღებული ვალდებულებების შესრულებას;

დ) ახორციელებს საქართველოს დროშით მცურავი გემის ინსპექტირებას;

ე) აგროვებს და აანალიზებს სტატისტიკურ ინფორმაციას საქართველოს სახელმწიფო დროშით ნაოსნობის უფლების მქონე გემების თაობაზე;

ვ) შეიმუშავებს და სააგენტოს დირექტორს დასამტკიცებლად წარუდგენს კონცეფციას საქართველოს სახელმწიფო დროშით ნაოსნობის უფლების მინიჭების თაობაზე;

ზ) ახორციელებს სააგენტოს დირექტორის ან/და კურატორი  დირექტორის მოადგილის მიერ  მიერ დელეგირებული სხვა უფლება-მოვალეობებს ამ  დებულებისა და საქართველოს კანონმდებლობის შესაბამისად.

    მუხლი 11. ადმინისტრაციული დეპარტამენტი

დეპარტამენტი პასუხისმგებელია:

ა) საკადრო საკითხებზე:

ა.ა) ახორციელებს სააგენტოს სისტემაში ადამიანური რესურსების მართვას, მონიტორინგს და ანალიზს;

ა.ბ) ამზადებს სააგენტოს ადამიანური რესურსების მართვის სფეროში სააგენტოს დირქტორის ბრძანების პროექტებს;

ა.გ.) ახორციელებს სააგენტოს თანამშრომელთა პირადი საქმეების შედგენას;

ა.დ) ახორციელებს სააგენტოს მოსამსახურეთა პროფესიული მომზადების, გადამზადებისა და კვალიფიკაციის ამაღლების, მათი საკვალიფიკაციო გამოცდების მომზადება-ჩატარების ორგანიზებას;

ა.ე) შეიმუშავებს შრომის შინაგანაწესს, სამუშაოთა აღწერილობას და აკონტროლებს მის შესრულებას;

ბ) საქმისწარმოების ორგანიზებაზე:

ბ. ა) საქმისწარმოების ერთიანი წესების შესაბამისად, ორგანიზებას უწევს საქმისწარმოებას სააგენტოში;

ბ.ბ) უზრუნველყოფს შესაბამისი სამართლებრივი აქტების, საკონტროლო დავალებებისა და სააგენტოს დირქტორის ადმინისტრაციულ-სამართლებრივი აქტების შესრულების შემოწმებასა და კონტროლს;

ბ.გ) ახორციელებს საქმისწარმოების დასრულებული დოკუმენტაციის აღრიცხვას, დამუშავებას და არქივისათვის გადაცემას (არქივირებას);

ბ.დ) უზრუნველყოფს საჯარო ინფორმაციის ხელმისაწვდომობას;

ბ.ე) უზრუნველყოფს სხვადასხვა დაწესებულებასა და ორგანიზაციაში სააგენტოს დოკუმენტების გაგზავნას და მათ უსაფრთხოებას;

ბ.ვ) ახორციელებს სააგენტოს შექმნამდე სახელმწიფო საქვეუწყებო დაწესებულების ერთიანი სატრანსპორტო ადმინისტრაციის მიერ გაცემული და მის კომპეტენციას განკუთვნილი ადმინისტრაციულ-სამართლებრივი აქტების, სხვა დოკუმენტების ასლების დამოწმებას და გაცემას;

გ) საინფორმაციო ტექნოლოგიები – უზრუნველყოფს სააგენტოს კომპიუტერული ქსელისა და ტექნიკის შეუფერხებელ მუშაობას;

დ) ამ დებულებით და საქართველოს კანონმდებლობით განსაზღვრული სხვა უფლება-მოვალეობების განხორციელება.

    მუხლი 12.  იურიდიული და საერთაშორისო ურთიერთობის დეპარტამენტი

დეპარტამენტი:

ა) უზრუნველყოფს სააგენტოს სისტემას სამართლებრივი მომსახურებით;

ბ) მონაწილეობს სააგენტოს საქმიანობის მარეგულირებელი ნორმატიული აქტების პროექტების მომზადებაში, ახდენს სხვა ნორმატიულ აქტებთან შესაბამისობაში მოყვანას და მათ ვიზირებას;

გ) ამზადებს სააგენტოს ნორმატიული აქტებს და ახდენს სხვა ნორმატიულ აქტებთან მათ შესაბამისობაში მოყვანას;

დ) ამზადებს სამართლებრივ დასკვნებს სააგენტოს საქმიანობასთან დაკავშირებული დავების თაობაზე;

ე) უზრუნველყოფს სასამართლო ორგანოებში სააგენტოს წარმომადგენლობას;

ვ) ახორციელებს სააგენტოს უფროსის ინდივიდუალური ადმინისტრაციულ-სამართლებრივი აქტების სამართლებრივ ექსპერტიზას;

ზ) სააგენტოში გამოვლენილი დისციპლინური გადაცდომის ფაქტების განხილვა, სამართლებრივი შეფასება;

თ) უზრუნველყოფს სააგენტოს მოსამსახურეთა სამართლებრივი ინფორმირებას;

ი) ორგანიზებასა და კოორდინაციას უწევს სააგენტოს საერთაშორისო ურთიერთობებს;

კ) შეიმუშავებს წინადადებებს საერთაშორისო ორგანიზაციებისა და საზღვარგარეთის ქვეყნების შესაბამის ორგანოებთან თანამშრომლობის პრიორიტეტული მიმართულებების შესახებ;

ლ) სააგენტოს საჭიროებიდან გამომდინარე ამყარებს ურთიერთობებს საერთაშორისო და ადგილობრივ დონორ ორგანიზაციებთან და სხვა სახელმწიფოების დონორ ორგანიზაციებთან;

მ) ახორციელებს მიმდინარე პროექტების ზოგად კოორდინაციას;

ნ) შეიმუშავებს წინადადებებს სააგენტოს განვითარების სტრატეგიული მიზნების შესახებ და უზრუნველყოფს მათ ასახვას შესაბამის დოკუმენტებში;

ო) მონაწილეობს საქართველოს საერთაშორისო ხელშეკრულებებისა და შეთანხმებების პროექტების შემუშავება-განხილვაში და მათ რეალიზაციაში კომპეტენციის ფარგლებში.

პ) თანამშრომლობს საზღვაო სფეროში მოქმედ საერთაშორისო ორგანიზაციებთან და იცავს საქართველოს ინტერესებს მათთან ურთიერთობისას. სააგენტოს კომპეტენციას მიკუთვნებულ საკითხებთან საერთაშორისო კონფერენციებში, სემინარებში, შეხვედრებში და მათ ორგანიზებაში მონაწილეობა. უცხო ქვეყნის დელეგაციების შეხვედრა-გაცილება, მათ გადაადგილებაში თანხლება, შესაბამისი დოკუმენტების შედგენა და მათი შენახვა, მიღებებისა და კულტურული ღონისძიებების ორგანიზება და მათში მონაწილეობა;

ჟ) ამზადებს წინადადებებს სააგენტოს სტრუქტურულ ქვედანაყოფებთან ერთად საქართველოსათვის პრიორიტეტული საერთაშორისო ორგანიზაციების მოთხოვნებთან ეროვნული კანონმდებლობის ჰარმონიზაციის საკითხებზე;

რ) ახორციელებს ანგარიშების მომზადებას საერთაშორისო ხელშეკრულებების და/ან საერთაშორისო ორგანიზაციების მოთხოვნების შესაბამისად სააგენტოს სხვა სტრუქტურულ დანაყოფებთან ერთად;

ს) ახორციელებს ამ დებულებითა და კანონმდებლობით გათვალისწინებულ სხვა უფლებამოსილებებს.

    მუხლი 13. საფინანსო-ეკონომიკური დეპარტამენტი

დეპარტამენტი:

ა) ახორციელებს სააგენტოს ფუნქციონირების მატერიალურ-ტექნიკურ უზრუნველყოფას;

ბ) ორგანიზებას უწევს სახელმწიფო შესყიდვებს;

გ) უზრუნველყოფს სახსრების რაციონალურ ხარჯვას;

დ) შეიმუშავებს სახელმწიფო შესყიდვების წლიურ გეგმას და განსაზღვრავს ცალკეული შესასყიდი ობიექტის წლიური ღირებულებიდან გამომდინარე შესყიდვის წესს;

ე) ორგანიზებას უწევს ტენდერის გამოცხადებას, ამზადებს სატენდერო დოკუმენტაციას, უზრუნველყოფს მომწოდებელთან ხელშეკრულებების დადებას და აკონტროლებს დადებული ხელშეკრულების შესრულებას;

ვ) ორგანიზაციას უწევს და წარმართავს სააგენტოს სისტემაში საფინანსო-ეკონომიკურ და ბუღალტრულ აღრიცხვას;

ზ) ახორციელებს საფინანსო და საბუღალტრო საქმიანობის ანალიზს, კრებსითი ბალანსების, ანგარიშების მომზადებას;

თ) შეიმუშავებს სააგენტოს ბიუჯეტსა და ხარჯთა ნუსხის პროექტებს;

ი) ორგანიზებას უწევს სააგენტოს ძირითადი საშუალებების, ფულადი სახსრებისა და საფინანსო-მატერიალური ფასეულობების ინვენტარიზაციის ჩატარებას;

კ) ადგენს საფინანსო და სტატისტიკურ ანგარიშებს და წარადგენს მათ სამინისტროში და ხაზინაში;

ლ) უზრუნველყოფს სააგენტოს ბალანსზე რიცხული მატერიალური ფასეულობების დაცვას;

მ) ახორციელებს მომარაგების ორგანიზებას;

ნ) წარმართავს სამეურნეო საქმიანობას;

ო) წარმართავს სასაწყობო მეურნეობას;

პ) ახორციელებს ამ დებულებითა და სხვა საკანონმდებლო აქტებით გათვალისწინებულ უფლება-მოვალეობებს.

    მუხლი 14. სააგენტოს ქონება

1. დასახული მიზნებისა და ფუნქციების განსახორციელებლად“საჯარო სამართლის იურიდიული პირის შესახებ”საქართველოს კანონის შესაბამისად, სააგენტო სათვის  ქონების გადაცემა, მისი გასხვისება და შეძენა ხორციელდება საქართველოს კანონმდებლობით დადგენილი წესით.

2. სააგენტოს ქონებას შეადგენს ძირითადი საბრუნავი საშუალებები, აგრეთვე სხვა მატერიალური ფასეულობა და ფინანსური რესურსები.

    მუხლი 15. სააგენტოს დაფინანსების წყაროები

1. სააგენტოს დაფინანსების წყაროებია:

ა) საქართველოს სახელმწიფო ბიუჯეტიდან გამოყოფილი მიზნობრივი სახსრები;

ბ) სახელმწიფო შეკვეთის შესრულებიდან მიღებული შემოსავალი;

გ) სააგენტოს მიერ მომსახურების გაწევიდან მიღებული საფასური;

დ) ხელშეკრულების საფუძველზე შესრულებული სამუშაოდან მიღებული შემოსავალი;

ე) მიზნობრივი კრედიტები და გრანტები;

ვ) საქართველოს კანონმდებლობით ნებადართული სხვა შემოსავლები.

2. ამ მუხლის პირველი პუნქტით გათვალისწინებული სახსრები და შემოსავლები მთლიანად მოხმარდება სააგენტოს მიზნებისა და ფუნქციების განხორციელებას. სააგენტოს სახსრების გამოყენება სხვა მიზნით აკრძალულია.

    მუხლი 16. საქმიანობა, რომელიც საჭიროებს თანხმობას

1. სამინისტროს თანხმობით სააგენტომ შეიძლება განახორციელოს შემდეგი მოქმედებები:

ა) უძრავი ქონების შეძე ნ ა, სააგენტოს საკუთრებაში არსებული ქონების  გასხვისება და დატვირთვა;

ბ) სესხის აღება;

გ) თავდებობა;

დ) საშტატო განრიგისა და ხელფასის ფონდის განსაზღვრა;

ე) სხვა გადაწყვეტილებები ქონებასთან დაკავშირებით, თუ ისინი სცილდება ჩვეულებრივი საქმიანობის ფარგლებს.

ვ) თანამშრომელთა მატერიალური წახალისებისათვის გამოსაყოფი სახსრების, აგრეთვე საჯარო სამართლის იურიდიული პირის მიერ შესაძენი საწვავისა და გასაწევი საკომუნიკაციო ხარჯების ლიმიტების განსაზღვრა;

2. ამ მუხლის პირველი პუნქტის“ბ”და“გ”ქვეპუნქტებით გათვალისწინებულ ქმედებათა განსახორციელებლად აუცილებელია საქართველოს ფინანსთა სამინისტროს თანხმობა.

3. სააგენტოს უფლება აქვს მისთვის გადაცემული სახლემწიფო საკუთრებაში არსებული ქონება სარგებლობის უფლებით გადასცეს/გაასხვისოს სხვა პირზე მოქმედი კანონმდებლობის შესაბამისად.

    მუხლი 17. საბუღალტრო ანგარიშგება

1. სააგენტო ვალდებულია საქართველოს კანონმდებლობით დადგენილი წესით აწარმოოს საფინანსო-ეკონომიკური საქმიანობის აღრიცხვა-ანგარიშგება, შეადგინოს ბალანსი და დასამტკიცებლად წარუდგინოს სამინისტროს.

2. სააგენტოს წლიურ ბალანსს ამოწმებს სამინისტროს მიერ დანიშნული დამოუკიდებელი აუდიტორი.

    მუხლი 18. სახელმწიფო კონტროლი

1. სააგენტოს სახელმწიფო კონტროლს ახორციელებს სამინისტრო, რომელსაც უფლება აქვს მოითხოვოს ამისთვის საჭირო მასალები და ინფორმაცია.

2.სამინისტრო უფლებამოსილია შეამოწმოს სააგენტოს საფინანსო-ეკონომიკური საქმიანობა და მის მიერ განხორციელებული საქმიანობის კანონიერება, მიზანშეწონილობა.

3. საქართველოს ეკონომიკი სა მდგრადი განვითარების მინისტრი უფლებამოსილია შეაჩეროს ან/და გააუქმოს სააგენტოს  არამართლზომიერი გადაწყვეტილება.

    მუხლი 19. სააგენტოს ლიკვიდაცია

სააგენტოს ლიკვიდაციას ახორციელებს სამინისტროს მიერ დანიშნული ლიკვიდატორი. ლიკვიდატორად შეიძლება დაინიშნოს სააგენტოს უფროსი.

    მუხლი 20. ლიკვიდაციის შედეგად დარჩენილი ქონების განაწილება

სააგენტოს ლიკვიდაციის შედეგად დარჩენილი ქონება გადადის სახელმწიფო საკუთრებაში.

    მუხლი 21. დასკვნითი დებულება

დებულებაში ცვლილებების და დამატებების შეტანა, სააგენტოს რეორგანიზაცია ხორციელდება მოქმედი კანონმდებლობის შესაბამისად.