საქართველოს ტერიტორიაზე კონფლიქტების გადაწყვეტის პრობლემებზე სახელმწიფო უწყებათა საქმიანობის კოორდინაციის მიზნით უწყებათაშორისი საბჭოს შექმნის შესახებ

საქართველოს მთავრობის

დადგენილება №74

2004 წლის 31 აგვისტო

ქ. თბილისი

საქართველოს ტერიტორიაზე კონფლიქტების გადაწყვეტის პრობლემებზე სახელმწიფო უწყებათა საქმიანობის კოორდინაციის მიზნით უწყებათაშორისი საბჭოს შექმნის შესახებ

1. საქართველოს ტერიტორიაზე კონფლიქტების გადაწყვეტის პრობლემებზე სახელმწიფო უწყებათა საქმიანობის კოორდინაციის მიზნით შეიქმნას უწყებათაშორისი საბჭო შემდეგი შემადგენლობით:

გიორგი ხაინდრავა – საქართველოს სახელმწიფო მინისტრი კონფლიქტების მოგვარების საკითხებში, უწყებათაშორისი საბჭოს თავმჯდომარე

თამარ ბერუჩაშვილი – ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის მოადგილე

ბიძინა ბრეგაძე – საქართველოს შინაგან საქმეთა მინისტრის პირველი მოადგილე

ირაკლი გიორგობიანი – საქართველოს შრომის, ჯანმრთელობისა და სოციალური დაცვის მინისტრის მოადგილე

გრიგოლ გობეჯიშვილი – საქართველოს ფინანსთა მინისტრის მოადგილე

ზაქარია გოგუაძე – საქართველოს ლტოლვილთა და განსახლების სამინისტროს იურიდიული დეპარტამენტის უფროსი

კახა გოჩაშვილი – საქართველოს პრემიერ-მინისტრის მრჩეველი

ეკატერინე გურეშიძე – საქართველოს იუსტიციის მინისტრის პირველი მოადგილე

ალექსანდრე დიდებულიძე – საქართველოს განათლების მინისტრის პირველი მოადგილე

ნიკოლოზ ვაჩეიშვილი – საქართველოს კულტურის, ძეგლთა დაცვისა და სპორტის მინისტრის მოადგილე

ალექსანდრე კაჭარავა – რეფორმების კოორდინაციის საკითხებში საქართველოს სახელმწიფო მინისტრის უფროსი მრჩეველი

თამარ კოვზირიძე – საქართველოს ეკონომიკური განვითარების მინისტრის მოადგილე

გიორგი კოლბინი – საქართველოს გარემოს დაცვისა და ბუნებრივი რესურსების სამინისტროს საერთაშორისო ურთიერთობათა სამმართველოს უფროსი

გოჩა ლორთქიფანიძე – საქართველოს საგარეო საქმეთა სამინისტროს საგანგებო დავალებათა ელჩი

ლევან ნიკოლეიშვილი – საქართველოს შეიარაღებული ძალების გენერალური შტაბის უფროსი

ნუგზარ სარჯველაძე – საქართველოს სოფლის მეურნეობის მინისტრის პირველი მოადგილე

დავით ფიცხელაური – სამოქალაქო ინტეგრაციის საკითხებში საქართველოს სახელმწიფო მინისტრის აპარატის უფროსი

ალექსანდრე ხეთაგური – საქართველოს ენერგეტიკის მინისტრის მოადგილე.

საქართველოს მთავრობის 2004 წლის 23 ოქტომბრის დადგენილება №87-სსმIII,№120,26.10. 2004წ.,მუხ.1038

საქართველოს მთავრობის 2005 წლის 17 მარტის დადგენილება №50-სსმIII,№33,23.03. 2005წ.,მუხ.329

 

2. უწყებათაშორისი საბჭოს მთავარ ფუნქციებად განისაზღვროს:

ა) ერთიანი სახელმწიფო პოზიციის შემუშავება საქართველოს ტერიტორიაზე არსებულ კონფლიქტებთან დაკავშირებით;

ბ) საქართველოს ტერიტორიაზე არსებული კონფლიქტების გადაწყვეტის საკითხებთან დაკავშირებით ერთიანი სამოქმედო გეგმის ჩამოყალიბება;

გ) ქართულ-ოსური და ქართულ-აფხაზური კონფლიქტების გადაწყვეტის ფორმატში არსებული კომისიებისა და სამუშაო ჯგუფების საქმიანობაში მონაწილეობა;

დ) საერთაშორისო და ცალკეული დონორების ხელშეწყობით კონფლიქტის ზონებში განსახორციელებელი სოციალურ-ეკონომიკური პროექტების მიმდინარეობის მონიტორინგის განხორციელება;

ე) ქვეყნის შიგნით იძულებით გადაადგილებულ პირთა დასახმარებლად გაეროს, გაეროს განვითარების პროგრამის, სხვა საერთაშორისო ორგანიზაციებისა და დონორების მიერ პროგრამების შემუშავებისა და განხორციელების კოორდინაცია და ხელშეწყობა;

ვ) უწყებრივი მასალების გაანალიზება შექმნილ ვითარებაზე ოპერატიული რეაგირებისა და სამთავრობო დონეზე განსახორციელებელ ღონისძიებათა შესახებ წინადადებების მომზადების მიზნით.

3. საკითხის სპეციფიკის გათვალისწინებით საქართველოს სახელმწიფო მინისტრმა კონფლიქტების მოგვარების საკითხებში გ.ხაინდრავამ კოორდინაცია გაუწიოს უწყებათაშორისი საბჭოს საქმიანობას.

4. საქართველოს სახელმწიფო მინისტრმა კონფლიქტების მოგვარების საკითხში გ. ხაინდრავამ, საქართველოს საგარეო საქმეთა მინისტრმა ს. ზურაბიშვილმა და საქართველოს სახელმწიფო მინისტრმა ევროპულ და ევროატლანტიკურ სტრუქტურებში ინტეგრაციის საკითხებში გ. ბარამიძემ უზრუნველყონ დაქვემდებარებულ უწყებათა საქმიანობის კოორდინაცია საქართველოს ტერიტორიაზე კონფლიქტების პოლიტიკური გადაწყვეტის პროცესის მონაწილე ქვეყნებთან და საერთაშორისო ორგანიზაციებთან.

საქართველოს მთავრობის 2005 წლის 17 მარტის დადგენილება №50-სსმIII,№33,23.03. 2005წ.,მუხ.329

5. დადგენილება ამოქმედდეს გამოქვეყნებისთანავე.

პრემიერ-მინისტრი              ზ. ჟვანია

შეტანილი ცვლილებები:

1.საქართველოს მთავრობის 2004 წლის 23 ოქტომბრის დადგენილება №87-სსმIII,№120,26.10. 2004წ.,მუხ.1038

2.საქართველოს მთავრობის 2005 წლის 17 მარტის დადგენილება №50-სსმIII,№33,23.03. 2005წ.,მუხ.329

 

 

Annotate