საჯარო სამართლის იურიდიული პირის–სახმელეთო ტრანსპორტის სააგენტოს მიერ გაწეული მომსახურების სახეების, ვადების, საფასურის განაკვეთების, ასევე საფასურის გადახდისა და გადახდილი საფასურის დაბრუნების წესისა და პირობების დამტკიცების შესახებ

საქართველოს ეკონომიკისა და მდგრადი განვითარების მინისტრის

ბრძანება №1-1/591

2011 წლის 15 აპრილი

ქ. თბილისი

საჯარო სამართლის იურიდიული პირის - სახმელეთო ტრანსპორტის სააგენტოს მიერ გაწეული მომსახურების სახეების, ვადების, საფასურის განაკვეთების, ასევე საფასურის გადახდისა და გადახდილი საფასურის დაბრუნების წესისა და პირობების დამტკიცების შესახებ

 „ტრანსპორტის სფეროს მართვისა და რეგულირების შესახებ“ საქართველოს კანონის  მე-9  მუხლის მე -3 პუნქტისა და მე -10 მუხლის მე -5 პუნქტის „გ“ ქვეპუნქტის შესაბამისად, ვბრძანებ:

1.  დამტკიცდეს თანდართული „საჯარო სამართლის იურიდიული პირის – სახმელეთო ტრანსპორტის სააგენტოს მიერ გაწეული მომსახურების სახეების, ვადების, საფასურის განაკვეთების, ასევე საფასურის გადახდისა და გადახდილი საფასურის დაბრუნების წესი და პირობები“.

2.  ეს ბრძანება ამოქმედდეს 2011 წლი 15 აპრილიდან.

ვ. ქობალია

საჯარო სამართლის იურიდიული პირის - სახმელეთო ტრანსპორტის სააგენტოს მიერ გაწეული მომსახურების სახეები, ვადები, საფასურის განაკვეთები, ასევე საფასურის გადახდისა და გადახდილი საფასურის დაბრუნების წესი და პირობები

    მუხლი 1. ზოგადი დებულებანი

1. საჯარო სამართლის იურიდიული პირის – სახმელეთო ტრანსპორტის სააგენტოს მიერ გაწეული მომსახურების სახეების, ვადების, საფასურის განაკვეთების, ასევე საფასურის გადახდისა და გადახდილი საფასურის დაბრუნების წესისა და პირობების (შემდგომ – წესი) მიზანია საჯარო სამართლის იურიდიული პირის – სახმელეთო ტრანსპორტის სააგენტოს (შემდგომ – სააგენტო) მიერ გაწეული მომსახურების სამართლებრივი მოწესრიგების, სახმელეთო ტრანსპორტის დარგში თანამედროვე ტექნოლოგიების დანერგვის, მომსახურების მაღალი ხარისხის, გადამზიდველთა და მომხმარებელთა უფლებების (როგორც ქვეყნის შიგნით, ასევე ქვეყნის გარეთ) დაცვის ფინანსური უზრუნველყოფა.

2. ეს წესი განსაზღვრავს სააგენტოს მიერ გაწეული მომსახურების სახეობებს, საფასურების განაკვეთებს, მათი გადახდის და გადახდილი საფასურის დაბრუნების წესსა და პირობებს.

    მუხლი 2. წესში გამოყენებულ ტერმინთა განმარტებანი

1. ამ წესის მიზნებისათვის გამოყენებულ ტერმინებს აქვს შემდეგი მნიშვნელობები:

ა) განსაზღვრული სახიფათო ტვირთების საერთაშორისო გადაზიდვაზე ავტოსატრანსპორტო საშუალების დაშვების მოწმობა – დადგენილი წესის მიხედვით გაცემული დოკუმენტი, რომელიც ადასტურებს ავტოსატრანსპორტო საშუალების შესაბამისობას სახიფათო ტვირთების გადაზიდვის მიმართ დადგენილ მოთხოვნებთან;

ბ) ECMT-ს სერტიფიკატი – დადგენილი წესის მიხედვით გაცემული დოკუმენტი, რომელიც ადასტურებს სატვირთო ავტომობილის ან/და მისაბმელის (ნახევარმისაბმელის) ტექნიკური მდგომარეობის შესატყვისობას  ტრანსპორტის მინისტრთა ევროპის კონფერენციის/საერთაშორისო სატრანსპორტო  ფორუმის (ECMT/ITF) (შემდგომ – ECMT)  მოთხოვნებთან;

გ) მომსახურება – სატრანსპორტო პროცესების შეუფერხებელი და უსაფრთხო განხორციელების მიზნით სააგენტოზე საქართველოს კანონმდებლობით დაკისრებული საქმიანობა, რომელიც დაკავშირებულია საერთაშორისო ხელშეკრულებებითა და შესაბამისი ნორმატიული აქტებით განსაზღვრული ქმედების განხორციელების უფლების მინიჭებასთან, სატრანსპორტო უსაფრთხოების შესაბამისობის დამადასტურებელი დოკუმენტის გაცემასთან, მათ აღრიცხვა-რეგისტრაციასთან და გამოყენების მონიტორინგთან, აგრეთვე სატრანსპორტო პროცესებში მონაწილე სუბიექტთა კვალიფიკაციის ამაღლებასა და/ან მინიჭება/აღიარებასთან, რომლის გაწევისათვის დაინტერესებული პირი ვალდებულია გადაუხადოს სააგენტოს საფასური;

გ.ა) საერთაშორისო ხელშეკრულებით დადგენილი საერთაშორისო საავტომობილო  სამგზავრო რეგულარული გადაყვანის უზრუნველყოფასთან დაკავშირებული მომსახურება - მოიცავს სააგენტოს მიერ მთავრობათაშორისი შეთანხმებებით განსაზღვრული დოკუმენტაციის (მოძრაობის განრიგი, ტარიფი, გაჩერების პუნქტები და სქემა) განხილვის და დადებითი გადაწყვეტილების შემთხვევაში მათი დამოწმების, ქართველი გადამზიდველის სახელზე სანებართვო დოკუმენტაციის გაცემის მიზნით შესაბამისი წინადადებების მომზადების და ხელშემკვრელი ქვეყნის კომპეტენტური ორგანოსათვის გადაგზავნის, საპასუხოდ მისგან მიღებული ქართველი გადამზიდველის სახელზე მომზადებული სანებართვო დოკუმენტაციის შესაბამისი გადამზიდველისთვის გადაცემის პროცედურებს, ასევე აღნიშნული საქმიანობის უზრუნველყოფასთან დაკავშირებულ ყოველწლიურ მომსახურებას ნებართვის მოქმედების მთელი პერიოდის განმავლობაში;

დ) საფასური – „ტრანსპორტის სფეროს მართვისა და რეგულირების შესახებ“ საქართველოს კანონით დადგენილი, სააგენტოს მიერ გაწეული მომსახურებისათვის მის ანგარიშზე გადასახდელი სავალდებულო თანხა;

ე) დაჩქარებული მომსახურება – დაინტერესებული პირის მოთხოვნის საფუძველზე მომსახურების განხორციელება საქართველოს კანონმდებლობით განსაზღვრულ ვადაზე უფრო შემჭიდროებულ დროში;

ვ) ინსპექტირების ცენტრი – საწარმო, რომელიც ახდენს ავტოსატრანსპორტო საშუალების პერიოდულ ტექნიკურ ინსპექტირებას და აკრედიტებულია საქართველოს კანონმდებლობით დადგენილი წესით;

ზ) მენეჯერის პროფესიული კომპეტენტურობის სერტიფიკატი (CPC) - სააგენტოს, როგორც აკრედიტებული პირის მიერ, დადგენილი წესით, განმცხადებელზე შესაბამისი ტრენინგის და ტესტირების გავლის შედეგად გაცემული დოკუმენტი, რომელიც ადასტურებს მენეჯერის პროფესიულ კვალიფიკაციას;

თ) მძღოლის პროფესიული კომპეტენტურობის სერტიფიკატი (CPC) – სააგენტოს, როგორც აკრედიტებული პირის მიერ, დადგენილი წესით, განმცხადებელზე შესაბამისი ტრენინგის და ტესტირების გავლის შედეგად გაცემული დოკუმენტი, რომელიც ადასტურებს მძღოლის პროფესიულ კვალიფიკაციას.“;

2.  ამ წესში გამოყენებულ სხვა ტერმინებს აქვთ იგივე მნიშვნელობა, რაც მოცემულია „საგზაო მოძრაობის შესახებ“ და „საავტომობილო ტრანსპორტის შესახებ” საქართველოს კანონებში.

საქართველოს ეკონომიკისა და მდგრადი განვითარების მინისტრის 2014 წლის 16 ივლისის ბრძანება №1-1/195 - ვებგვერდი, 17.07.2014 წ.

საქართველოს ეკონომიკისა და მდგრადი განვითარების მინისტრის 2021 წლის 30 აგვისტოს ბრძანება №-1/396 - ვებგვერდი, 31.08.2021 წ.
 

    მუხლი 3. სააგენტოს მიერ გასაწევი მომსახურების სახეები, საფასურის განაკვეთები და მომსახურების ვადები

1. მომსახურების სახეები და საფასურის განაკვეთებია:

ა) განსაზღვრულ ქვეყანაში საქართველოს საერთაშორისო ხელშეკრულების საფუძველზე დადგენილი საერთაშორისო საავტომობილო ერთჯერადი სატვირთო გადაზიდვის უზრუნველყოფასთან დაკავშირებული მომსახურებისათვის – დადებითი გადაწყვეტილების 1 სამუშაო დღეში გაფორმებისას – 100 ლარი, 1 სამუშაო დღეზე მეტ ვადაში გაფორმებისას – 70 ლარი;

ბ) განსაზღვრულ ქვეყანაში საქართველოს საერთაშორისო ხელშეკრულების საფუძველზე დადგენილი საერთაშორისო საავტომობილო მრავალჯერადი სატვირთო გადაზიდვის უზრუნველყოფასთან დაკავშირებული მომსახურებისათვის – მომსახურების ვადის ყოველ კალენდარულ თვეზე – 70 ლარი;

გ) ტრანსპორტის მინისტრთა ევროპის კონფერენციის ECMT კვოტების სისტემაში განსახორციელებელი საერთაშორისო ხელშეკრულებების საფუძველზე დადგენილი საერთაშორისო სატვირთო გადაზიდვის უზრუნველყოფასთან დაკავშირებული მომსახურებისათვის:

გ.ა) იმ ქვეყნებში, რომლებისთვისაც არ არის დაწესებული კვოტების შეზღუდვები – კვოტის მოქმედების ვადის ყოველ კალენდარულ თვეზე – 70 ლარი;

გ.ბ) იმ ქვეყანაში, რომლისთვისაც დაწესებულია კვოტების შეზღუდვა – ამ მუხლის „გ.ა“ ქვეპუნქტით გათვალისწინებულ განაკვეთზე დამატებით 35 ლარი კვოტის მოქმედების ვადის ყოველ კალენდარულ თვეზე;

დ) საერთაშორისო ხელშეკრულებით დადგენილი საერთაშორისო საავტომობილო მრავალჯერადი სამგზავრო გადაყვანის უზრუნველყოფასთან დაკავშირებული მომსახურებისათვის:

დ.ა) საქართველოს საზღვრიდან 100 კმ-მდე სიგრძის თითოეულ მარშრუტზე – 400 ლარი;

დ.ბ) საქართველოს საზღვრიდან 100-დან 1000 კმ-მდე სიგრძის თითოეულ მარშრუტზე – 2000 ლარი;

დ.გ) საქართველოს საზღვრიდან 1000 კმ-ზე მეტი სიგრძის თითოეულ მარშრუტზე – 3000 ლარი;

ე) საერთაშორისო ხელშეკრულებით დადგენილი საერთაშორისო საავტომობილო ერთჯერადი სამგზავრო გადაყვანის უზრუნველყოფასთან დაკავშირებული მომსახურებისათვის – თითოეულ ქვეყანაზე 70 ლარი.

ვ) საქართველოს ტერიტორიიდან საერთაშორისო სატვირთო გადაზიდვის (საქართველოს საერთაშორისო ხელშეკრულებების საფუძველზე დადგენილი კვოტის ზევით) ნებართვის გაცემასთან დაკავშირებული დაჩქარებული მომსახურებისათვის – 1 სამუშაო დღეში გაცემისას – 20 ლარი;

ზ) საქართველოს საერთაშორისო ხელშეკრულებით დადგენილი საერთაშორისო საავტომობილო სამგზავრო გადაყვანის მრავალჯერადი ნებართვის გაცემა – 10 ლარი;

თ) საქართველოს საერთაშორისო ხელშეკრულებების საფუძველზე დადგენილი საერთაშორისო სატვირთო გადაზიდვის მრავალჯერადი ნებართვის გაცემა – 10 ლარი;  

ი) სატვირთო ავტომობილის და მისაბმელის (ნახევარმისაბმელის) გზისთვის ვარგისობის ტესტის ECMT-ს სერტიფიკატის გაცემასთან დაკავშირებული მომსახურებისათვის – 60 ლარი;

კ) სატვირთო ავტომობილის ტექნიკური და უსაფრთხოების მოთხოვნებთან შესატყვისობის ECMT -ს სერტიფიკატის გაცემასთან დაკავშირებული მომსახურებისათვის – 200 ლარი;

ლ) მისაბმელის (ნახევარმისაბმელის) ტექნიკური უსაფრთხოების მოთხოვნებთან შესატყვისობის ECMT -ს სერტიფიკატის გაცემასთან დაკავშირებული მომსახურებისათვის – 100 ლარი;

მ) (ამოღებულია - 30.08.21 №1-1/396);

მ^​1) ავტოსატრანსპორტო საშუალებებზე დამონტაჟებული აირბალონიანი მოწყობილობის ტექნიკურ მოთხოვნებთან შესაბამისობის ფირნიშის ბლანკების დამზადებასა და დადგენილი წესით აკრედიტებული ინსპექტირების ორგანოებისათვის  გადაცემასთან დაკავშირებული მომსახურებისათვის – 1 ცალზე – 2.0 ლარი;

ნ) განსაზღვრული სახიფათო ტვირთების საერთაშორისო გადაზიდვაზე ავტოსატრანსპორტო საშუალების დაშვების მოწმობის გაცემასთან დაკავშირებული მომსახურებისათვის – 70 ლარი;

ო) სანებართვო მოწმობის დუბლიკატების გაცემასთან დაკავშირებული დაჩქარებული მომსახურებისათვის – 1 სამუშაო დღეში გაცემისას – 10 ლარი;

პ) დაშვების მოწმობის და სერტიფიკატის დუბლიკატების გაცემასთან დაკავშირებული მომსახურებისათვის – 10 ლარი;

ჟ) ციფრული ტაქოგრაფის ელექტრონული ბარათების დამზადებასა და  გაცემასთან დაკავშირებული მომსახურებისათვის:

ჟ.ა) მძღოლის ბარათი - 1 ცალი - 100 ლარი;

ჟ.ბ) მაკონტროლებლის ბარათი:

ჟ.ბ.ა) ყოველი კალენდარული წლის განმავლობაში პირველი 100 ცალი ბარათი - უფასო;

ჟ.ბ.ბ)  ყოველი მომდევნო ბარათი- 1 ცალი - 50 ლარი;

ჟ.გ) სახელოსნოს ბარათი - 1 ცალი -300 ლარი;

ჟ.დ) კომპანიის ბარათი - 1 ცალი - 80 ლარი;

რ) ციფრული ტაქოგრაფის ელექტრონული ბარათის მისაღებად, ტრენინგების და ტესტირების ორგანიზებასა და  შესაბამისი სერტიფიკატის გაცემასთან დაკავშირებული მომსახურებისათვის:

რ.ა) კომპანიის ბარათი – 200 ლარი;

რ.ბ) მძღოლის ბარათი – 200 ლარი;

რ.გ) განმეორებითი ტესტირება უფასო;

რ.დ) (ამოღებულია - 26.09.17, №1-1/417);

  რ^​1) სააგენტოს მიერ გაცემული მძღოლის ციფრული ტრაქოგრაფის ბარათის მფლობელ მძღოლს, ბარათის მოქმედების ვადის ამოწურვის შემდეგ, ახალი ვადით ბარათის მისაღებად უფლება აქვს ტრენინგის გარეშე გაიაროს მხოლოდ ერთჯრადი ტესტირება, რომლის ჩაბარების შემთხვევაში გაიცემა მძღოლის ბარათი ამ წესის „ჟ.ა“ ქვეპუნქტით განსაზღვრული საფასურის გადახდის შემდეგ. ტესტირების ჩაუბარებლობის შემდეგ პრეტენდენტი თავიდან გაივლის ტრენინგს, რისთვისაც თავიდან იხდის მომსახურების საფასურს;

ს) მენეჯერის პროფესიული კომპეტენტურობის სერტიფიკატის (CPC) მისაღებად, ტრენინგების და ტესტირების ორგანიზებასა და  შესაბამისი სერტიფიკატის გაცემასთან დაკავშირებული მომსახურებისათვის:

ს.ა) სააგენტოს თანამშრომლებზე და ავტორიზებული უმაღლესი საგანმანათლებლო დაწესებულების სტუდენტებზე – 30 0 ლარი;

ს.ბ) დანარჩენ მაძიებლებზე – 650 ლარი;

ს.ბ^​1) მენეჯერის პროფესიული კომპეტენტურობის სერტიფიკატი (CPC) 5 წლის ვადით პერიოდული კვალიფიკაციის მინიჭების შემთხვევაში – 200 ლარი;

ს.გ) განმეორებითი ტესტირება უფასო;

ტ) მძღოლის პროფესიული კომპეტენტურობის სერტიფიკატის (CPC) მისაღებად, 

ტრენინგების და ტესტირების ორგანიზებასა და შესაბამისი სერტიფიკატის გაცემასთან დაკავშირებული მომსახურებისათვის:

ტ.ა) პროფესიული კომპეტენტურობის სერტიფიკატი 5 წლის ვადით საწყისი კვალიფიკაციის მინიჭების შემთხვევაში ყველა მძღოლისათვის – 900 ლარი;

ტ.ბ) პროფესიული კომპეტენტურობის სერტიფიკატი, შემოკლებული სასწავლო პროგამის შესაბამისად, 2015 წლამდე გაცემული მართვის მოწმობის მფლობელი მძღოლებისათვის 5 წლის ვადით საწყისი კვალიფიკაციის მინიჭების შემთხვევაში – 150 ლარი;

ტ.გ) პროფესიული კომპეტენტურობის სერტიფიკატი 5 წლის ვადით პერიოდული კვალიფიკაციის მინიჭების შემთხვევაში – 450 ლარი;

ტ.დ) განმეორებითი ტესტირება უფასო;

ტ^​1) მძღოლის პროფესიული კომპეტენცურობის ბარათის დამზადებასა და გაცემასთან დაკავშირებული მომსახურებისათვის – 50 ლარი;

უ) სახიფათო ტვირთების საგზაო გადაზიდვების განსახორციელებლად სახიფათო ტვირთების საერთაშორისო საგზაო გადაზიდვების შესახებ ევროპული შეთანხმების (ADR) შესაბამისად მძღოლების სპეციალურ მომზადებასთან დაკავშირებული მომსახურებისათვის:

უ.ა) საბაზო მომზადება – 180 ლარი;

უ.ბ) ცისტერნებით გადაზიდვის მომზადების სპეციალიზებული კურსი – 130 ლარი;

უ.გ) პირველი კლასის ნივთიერებათა გადაზიდვის სპეციალიზებული კურსი – 110 ლარი;

უ.გ^​1) მე-7 კლასის რადიოაქტიური მასალის გადაზიდვის სპეციალიზებული კურსი – 110 ლარი;

უ.დ) განმეორებითი ტესტირება უფასო;

უ^​1) სახიფათო ტვირთების გადასაზიდი სატრანსპორტო საშუალების მძღოლის მომზადების მოწმობის დამზადებასა და გაცემასთან დაკავშირებული მომსახურებისათვის – 20 ლარი.

1^​​1. ამ მუხლის პირველი პუნქტის „რ“-„უ“ ქვეპუნქტებით გათვალისწინებულ მომსახურებებზე ერთი უფასო განმეორებითი ტესტირების ჩაუბარებლობის შემდეგ პრეტენდენტი თავიდან გაივლის ტრენინგს, რისთვისაც თავიდან იხდის მომსახურების საფასურს.

2. სააგენტოს მიერ გაწეული მომსახურების ვადები განისაზღვრება ამ წესით და მოქმედი კანონმდებლობით.

3. მომსახურების ვადების ათვლა იწყება მომსახურების გაწევის თაობაზე განცხადების რეგისტრაციის მომდევნო დღეს და მთავრდება ვადის ბოლო დღის გასვლასთან ერთად. თუ ვადის ბოლო დღე ემთხვევა უქმე ან დასვენების დღეს, ვადის დამთავრების დღედ ჩაითვლება მისი მომდევნო პირველი სამუშაო დღე.

საქართველოს ეკონომიკისა და მდგრადი განვითარების მინისტრის 2011 წლის 30 ნოემბრის ბრძანება №1-1/2512 - ვებგვერდი, 30.11.2011 წ.

საქართველოს ეკონომიკისა და მდგრადი განვითარების მინისტრის 2013 წლის 15 ნოემბრის ბრძანება №1-1/322 - ვებგვერდი, 19.11.2013 წ.

საქართველოს ეკონომიკისა და მდგრადი განვითარების მინისტრის 2015 წლის 10 აგვისტოს ბრძანება №1-1/344 - ვებგვერდი, 12.08.2015 წ.

საქართველოს ეკონომიკისა და მდგრადი განვითარების მინისტრის 2016 წლის 13 იანვრის ბრძანება №1-1/9 - ვებგვერდი, 14.01.2016 წ.

საქართველოს ეკონომიკისა და მდგრადი განვითარების მინისტრის 2017 წლის 26 სექტემბრის ბრძანება №1-1/417 - ვებგვერდი, 27.09.2017 წ.

საქართველოს ეკონომიკისა და მდგრადი განვითარების მინისტრის 2018 წლის 19 მარტის ბრძანება №1-1/123 - ვებგვერდი, 22.03.2018 წ.

საქართველოს ეკონომიკისა და მდგრადი განვითარების მინისტრის 2018 წლის 12 ნოემბრის ბრძანება №1-1/511 - ვებგვერდი, 14.11.2018 წ.

საქართველოს ეკონომიკისა და მდგრადი განვითარების მინისტრის 2021 წლის 11 ივნისის ბრძანება №1-1/242 - ვებგვერდი, 14.06.2021 წ.

საქართველოს ეკონომიკისა და მდგრადი განვითარების მინისტრის 2021 წლის 30 აგვისტოს ბრძანება №-1/396 - ვებგვერდი, 31.08.2021 წ.

 

    მუხლი 4. საფასურის გადახდის წესი

1. სააგენტოს მომსახურებით დაინტერესებული პირი ვალდებულია გადაიხადოს „ტრანსპორტის სფეროს მართვისა და რეგულირების შესახებ” საქართველოს კანონით დაწესებული საფასური, ამ წესის მე-3 მუხლის პირველი პუნქტით დადგენილი ოდენობით და ამ მუხლის მე-3 პუნქტით დადგენილ ვადაში.

2. დაჩქარებული მომსახურების შემთხვევაში დაინტერესებული პირი ამ მუხლის პირველი პუნქტით გათვალისწინებულ გადასახდელთან ერთად დამატებით იხდის დაჩქარებული მომსახურებისათვის დადგენილ შესაბამის საფასურს.

3. ამ წესის მე-3 მუხლის პირველი პუნქტის „გ“ და „დ“ ქვეპუნქტებით დადგენილი საფასური გადაიხდება მომსახურების გაწევაზე სააგენტოს მიერ დადებითი გადაწყვეტილების მიღებიდან 10 სამუშაო დღის ვადაში, ამავე პუნქტის „ზ“ და „თ“ ქვეპუნქტებით დადგენილი საფასური გადაიხდება, სააგენტოს საკონკურსო კომისიის მიერ კონკურსში გამარჯვებულის გამოვლენის შესახებ საოქმო გადაწყვეტილების მიღებიდან 3 დღის ვადაში, ხოლო დანარჩენი მომსახურების სახეებზე საფასური გადაიხდება წინასწარ, მომსახურების გაწევამდე, ნაღდი ან უნაღდო ანგარიშსწორებით.

3^​1. ერთ წელზე მეტი ვადით საერთაშორისო საავტომობილო სამგზავრო რეგულარული გადაყვანის უზრუნველყოფასთან დაკავშირებული მომსახურებისათვის საფასური გადაიხდება ყოველწლიურად, ამ წესის მე-3 მუხლის პირველი პუნქტის „დ” ქვეპუნქტით დადგენილი ოდენობით.

4. უნაღდო ანგარიშსწორება ხორციელდება საქართველოს კანონმდებლობით დადგენილი წესით.

5. ნაღდი ანგარიშსწორება ხორციელდება ეროვნული ვალუტით ბანკებში, დადგენილი ფორმის ქვითრის გაცემით.

6. საფასური ჩაირიცხება სააგენტოს ანგარიშზე.

საქართველოს ეკონომიკისა და მდგრადი განვითარების მინისტრის 2011 წლის 30 ნოემბრის ბრძანება №1-1/2512 - ვებგვერდი, 30.11.2011 წ.

საქართველოს ეკონომიკისა და მდგრადი განვითარების მინისტრის 2014 წლის 16 ივლისის ბრძანება №1-1/195 - ვებგვერდი, 17.07.2014 წ.

საქართველოს ეკონომიკისა და მდგრადი განვითარების მინისტრის 2017 წლის 26 სექტემბრის ბრძანება №1-1/417 - ვებგვერდი, 27.09.2017 წ.

    მუხლი 5. გადახდილი საფასურის დაბრუნების წესი

1. თუ საფასური გადახდილია დადგენილ განაკვეთზე მეტი ოდენობით, საფასურის გადამხდელს დაუბრუნდება სხვაობა მის მიერ გადახდილ თანხასა და დადგენილ განაკვეთს შორის. საფასურის გადამხდელის მოთხოვნით, სააგენტო უფლებამოსილია ზედმეტად, ან წინასწარ გადახდილი თანხა ჩათვალოს სხვა მომსახურების ანგარიშში.

2. გადახდილი საფასური სრულად ბრუნდება, თუ:

ა) სააგენტო კანონიერი საფუძვლის არსებობისას უარს აცხადებს მომსახურების განხორციელებაზე;

ბ) დაინტერესებული პირი მომსახურების დაწყებამდე უარს აცხადებს მომსახურებაზე;

გ) სააგენტომ მომსახურება არ განახორციელა კანონმდებლობით დადგენილ ვადაში.

3. გადახდილი საფასურის ნაწილობრივი ან სრულად დაბრუნება ხორციელდება გადამხდელის განცხადების საფუძველზე 10 სამუშაო დღის ვადაში. განცხადება უნდა შეიცავდეს გადახდილი საფასურის ნაწილობრივ ან სრულად დაბრუნების კანონიერი საფუძვლის არსებობის დასაბუთებას. მას თან უნდა ერთოდეს თანხის გადახდის დამადასტურებელი დოკუმენტი.

4. თუ მომსახურების გაწევისას სააგენტომ დაუშვა შეცდომა, კერძოდ, დოკუმენტი შედგენილი ან/და გაცემული იქნა არასწორი მონაცემებით, დაინტერესებულ პირს ხელახლა გაეწევა მომსახურება დამატებითი საფასურის გადახდის გარეშე. ასეთ შემთხვევაში, თუ დაინტერესებული პირი უარს განაცხადებს მომსახურების ხელახლა მიღებაზე, მას უბრუნდება გადახდილი საფასური.

5. საფასურთან დაკავშირებული დავა წყდება საქართველოს კანონმდებლობით დადგენილი წესით.

საქართველოს ეკონომიკისა და მდგრადი განვითარების მინისტრის 2011 წლის 30 ნოემბრის ბრძანება №1-1/2512 - ვებგვერდი, 30.11.2011 წ.

საქართველოს ეკონომიკისა და მდგრადი განვითარების მინისტრის 2014 წლის 16 ივლისის ბრძანება №1-1/195 - ვებგვერდი, 17.07.2014 წ.

 

მუხლი 6. გარდამავალი დებულებები

1. სააგენტოს მიერ 2020 წლის პირველი სექტემბრიდან 2022 წლის პირველ იანვრამდე გაწეული, ამ წესის მე-3 მუხლის პირველი პუნქტის „დ“ ქვეპუნქტით გათვალისწინებული მომსახურებისთვის საფასური არ გადაიხდება.

2. 3-წლიანი პროფესიული კომპეტენტურობის სერტიფიკატის საფუძველზე 2021 წლის 14 ივნისამდე გაცემული მძღოლის ბარათის (ე.წ. „კოდი 95“-ს პლასტიკური ბარათი) მოქმედების ვადა გაიზარდოს 2 წლით, სწავლების გავლის და სწავლების საფასურის გადახდის გარეშე. გადაიხდება მხოლოდ მძღოლის ბარათის საფასური.

საქართველოს ეკონომიკისა და მდგრადი განვითარების მინისტრის 2018 წლის 12 ნოემბრის ბრძანება №1-1/511 - ვებგვერდი, 14.11.2018 წ.

საქართველოს ეკონომიკისა და მდგრადი განვითარების მინისტრის 2020 წლის 25 აგვისტოს ბრძანება №1-1/336 - ვებგვერდი, 26.08.2020 წ.

საქართველოს ეკონომიკისა და მდგრადი განვითარების მინისტრის 2020 წლის 26 ოქტომბის ბრძანება №1-1/457 - ვებგვერდი, 28.10.2020 წ.

საქართველოს ეკონომიკისა და მდგრადი განვითარების მინისტრის 2021 წლის 14 იანვრის ბრძანება №1-1/6 - ვებგვერდი, 15.01.2021 წ.

საქართველოს ეკონომიკისა და მდგრადი განვითარების მინისტრის 2021 წლის 11 ივნისის ბრძანება №1-1/242 - ვებგვერდი, 14.06.2021 წ.

Annotate