სახელმწიფო ბიუჯეტით გამოყოფილი ასიგნებების გადანაწილების წესის დამტკიცების შესახებ

✨ ჰკითხე AI-ს ამ კანონის შესახებ

საქართველოს მინისტრის ბრძანება ძალადაკარგული ადგილობრივი თვითმმართველობა

მიღების თარიღი

28.06.2004 ძალადაკარგული 12.02.2008

გამომცემი ორგანო

საქართველოს ფინანსთა მინისტრი

ნომერი

№437

სარეგისტრაციო კოდი

190040000.11.117.006541

გამოქვეყნების წყარო

matsne.gov.ge , სსმ, 66, 02/07/2004

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

ცვლილებები (4)

სახელმწიფო ბიუჯეტით გამოყოფილი ასიგნებების გადანაწილების წესის დამტკიცების შესახებ

12.02.2008

,,სახელმწიფო ბიუჯეტით გამოყოფილი ასიგნებების გადანაწილების წესის დამტკიცების შესახებ“ საქართველოს ფინანსთა მინისტრის 2004 წლის 28 ივნისის №437 ბრძანებაში ცვლილებებისა და დამატებების შეტანის თაობაზე“

21.06.2007

“სახელმწიფო ბიუჯეტით გამოყოფილი ასიგნებების დაგანაწილების დამტკიცების შესახებ" საქართველოს ფინანსთა მინისტრის 2004 წლის 28 ივნისის №437 ბრძანებაში ცვლილებებისა და დამატებების შეტანის თაობაზე"

11.07.2006

“სახელმწიფო ბიუჯეტით გამოყოფილი ასიგნების გადანაწილების წესის დამტკიცების შესახებ" საქართველოს ფინანსთა მინისტრის 2004 წლის 28 ივნისის №437 ბრძანებაში ცვლილების შეტანის თაობაზე"

27.06.2005

02.07.2004 27.06.2005 11.07.2006 21.06.2007 12.02.2008

დოკუმენტის ტექსტი

⇄ რედაქციების შედარება

სახელმწიფო სარეგისტრაციო კოდი 190.040.000.11.117.006.541

საქართველოს ფინანსთა მინისტრის

ბრძანება №437

2004 წლის 28 ივნისი

ქ. თბილისი

„საქართველოს საბიუჯეტო სისტემის შესახებ“ საქართველოს კანონის 51-ე მუხლის მე-2 პუნქტის შესაბამისად, ვბრძანებ:

1. დამტკიცდეს სახელმწიფო ბიუჯეტით გამოყოფილი ასიგნებების გადანაწილების თანდართული წესი.

2. ეს ბრძანება ამოქმედდეს გამოქვეყნებისთანავე.

ზ. ნოღაიდელი

სახელმწიფო ბიუჯეტით გამოყოფილი ასიგნებების გადანაწილების წესი

მუხლი 1.

1. სახელმწიფო ბიუჯეტით გამოყოფილი ასიგნებების გადანაწილების წესი (შემდგომში – წესი) შემუშავებულია „საქართველოს საბიუჯეტო სისტემის შესახებ“ საქართველოს კანონის 36-ე მუხლის მე-2 პუნქტის საფუძველზე.

2. წესი განსაზღვრავს მხარჯავი დაწესებულებისათვის და სპეციალური სახელმწიფო ფონდისათვის, საქართველოს პრეზიდენტის სარეზერვო ფონდიდან და წლიური საბიუჯეტო კანონით გათვალისწინებული სხვა მიზნობრივი გასაცემლებიდან სახელმწიფო ბიუჯეტით გამოყოფილი ასიგნებების გადანაწილების მექანიზმს.

3. მხარჯავი დაწესებულებისათვის ან სპეციალური სახელმწიფო ფონდისათვის სახელმწიფო ბიუჯეტით გამოყოფილი ასიგნებების გადანაწილება შეიძლება განხორციელდეს წლიური საბიუჯეტო კანონით მათთვის დამტკიცებული ასიგნების 10 პროცენტის ფარგლებში.

4. წლიური საბიუჯეტო კანონის საქართველოს კონსტიტუციით გათვალისწინებულ ვადებში მიუღებლობის შემთხვევაში „საქართველოს საბიუჯეტო სისტემის შესახებ“ საქართველოს კანონის 23-ე მუხლის მიხედვით საქართველოს ფინანსთა მინისტრის მიერ დამტკიცებული ასიგნებების გადანაწილება უნდა განხორციელდეს ამ წესით განსაზღვრული მექანიზმის შესაბამისად.

5. საქართველოს ფინანსთა სამინისტროსთან შეთანხმებით საქართველოს პარლამენტს წლიური საბიუჯეტო კანონით მისთვის გამოყოფილი ასიგნებების გადანაწილებისათვის ამ წესის პირველი მუხლის მე-3 პუნქტით დადგენილი უფლების გამოყენება შეუძლია შეუზღუდავად.

6. წლიური საბიუჯეტო კანონით დამტკიცებული ასიგნებების გადანაწილება შესაძლებელია განხორციელდეს როგორც მხარჯავი დაწესებულების დაქვემდებარებაში მყოფი სტრუქტურულ ერთეულებს, ასევე მხარჯავი დაწესებულების ან სპეციალური სახელმწიფო ფონდის ღონისძიებებსა და პროგრამებს შორის, აგრეთვე, საქართველოს პრეზიდენტის სარეზერვო ფონდის, წლიური საბიუჯეტო კანონით გათვალისწინებული სხვა მიზნობრივ გასაცემლებსა და მხარჯავ დაწესებულებებს და სპეციალურ სახელმწიფო ფონდს შორის.

ამ პუნქტით გათვალისწინებული გადანაწილება შესაძლებელია განხორციელდეს საქართველოს ფინანსთა მინისტრის მიერ დამტკიცებულ სახელმწიფო ბიუჯეტის კვარტალურ განწერაში.

მუხლი 2.

1. საბიუჯეტო წლის განმავლობაში სახელმწიფო ბიუჯეტით დამტკიცებული ასიგნებების ეფექტიანად ხარჯვის მიზნით მხარჯავი დაწესებულება ან სპეციალური სახელმწიფო ფონდი სახელმწიფო ბიუჯეტით გამოყოფილი ასიგნებების გადანაწილების შესახებ მოთხოვნას წარუდგენს საქართველოს ფინანსთა სამინისტროს.

2. მოთხოვნა წლიური საბიუჯეტო კანონით დამტკიცებულ ასიგნებათა გადანაწილების თაობაზე საქართველოს ფინანსთა სამინისტროს წარედგინება წერილობითი სახით მხარჯავი დაწესებულების ან სპეციალური სახელმწიფო ფონდის ხელმძღვანელის ხელმოწერით. წერილში აუცილებელია მოყვანილ იქნეს სათანადო არგუმენტაცია (მათ შორის, ნორმატიული აქტი) და შესაბამისი დასაბუთება მხარჯავი დაწესებულების ან სპეციალური სახელმწიფო ფონდის მიერ მოთხოვნილ ასიგნებათა გადანაწილებაზე. ასევე, წერილს უნდა დაერთოს საქართველოს ფინანსთა სამინისტროს სახაზინო სამსახურის ცნობა (ამონაწერი) აღნიშნულ ასიგნებებზე ვალდებულების აღების არარსებობის თაობაზე.

3. წლიური საბიუჯეტო კანონით დამტკიცებულ ასიგნებათა გადანაწილების თაობაზე საქართველოს ფინანსთა სამინისტროში წარდგენილ მოთხოვნაზე პასუხის მიღებამდე, მხარჯავმა დაწესებულებამ ან სპეციალურმა სახელმწიფო ფონდმა სახაზინო სამსახურში არ უნდა წარადგინონ ვალდებულებების დოკუმენტი იმ ასიგნებებზე, რომელთა გადანაწილებაზე არსებობს მოთხოვნა.

4. საქართველოს ფინანსთა სამინისტროს საბიუჯეტო დეპარტამენტი განიხილავს წარმოდგენილ წერილობით მოთხოვნას და არა უგვიანეს ხუთი სამუშაო დღისა საქართველოს ფინანსთა მინისტრს წარუდგენს შესაბამის წინადადებებს ასიგნებების გადანაწილების თაობაზე.

5. საქართველოს ფინანსთა მინისტრის თანხმობის შემთხვევაში, საბიუჯეტო დეპარტამენტი ამზადებს ცვლილებას წლიური საბიუჯეტო კანონით დამტკიცებული ასიგნებების დაზუსტების შესახებ.

6. წლიური საბიუჯეტო კანონით დამტკიცებული ასიგნებები ზუსტდება ამ წესით გათვალისწინებული ხარჯთაღრიცხვის ცვლილების ცნობით (სამ ეგზემპლარად). ხარჯთაღრიცხვის ცვლილების ცნობის ერთი ეგზამპლარი ეგზავნება სახაზინო სამსახურს.

სახაზინო სამსახური საბიუჯეტო ასიგნებების გაცემას ახორციელებს საბიუჯეტო დეპარტამენტის მიერ წარდგენილი ხარჯთაღრიცხვის ცვლილების ცნობით მხარჯავი დაწესებულებების ან სპეციალური სახელმწიფო ფონდის დაზუსტებული გეგმის შესაბამისად.

7. საქართველოს ფინანსთა სამინისტროს მიერ ასიგნებების გადანაწილებაზე გადაწყვეტილების მიღების შესახებ მხარჯავ დაწესებულებას ან სპეციალურ სახელმწიფო ფონდს ეცნობებათ წერილით.

მუხლი 3

1. ხარჯთაღრიცხვის ცვლილების ცნობით ასევე ზუსტდება საქართველოს პრეზიდენტის სარეზერვო ფონდით გათვალისწინებული ასიგნებები და წლიური საბიუჯეტო კანონით გათვალისწინებული სხვა მიზნობრივი გასაცემლები. ამ შეთხვევაშიც წლიური გეგმის დაზუსტება და ასიგნებების გაცემა ხორციელდება ამ წესის მე-2 მუხლის მე-6 პუნქტის შესაბამისად.

2. საქართველოს პრეზიდენტის სარეზერვო ფონდიდან და წლიური საბიუჯეტო კანონით გათვალისწინებული სხვა მიზნობრივი გასაცემლებიდან ასიგნებების გამოყოფის საფუძველს წარმოადგენს შესაბამისი ნორმატიული ან ინდივიდულური აქტი.

საქართველოს ფინანსთა სამინისტროს საბიუჯეტო დეპარტამენტი

ხარჯთაღრიცხვის ცვლილების ცნობა №

20-- წლის ----- ------------

–––––––––––––––––––––––––––––––––––––––––––––––––––––––––––––––––––––––––––––––––––

(მხარჯავი დაწესებულება ან სპეციალური სახელმწიფო ფონდი; ორგ. კოდი)

(დადგენილება, განკარგულება, ბრძანება, მინისტრის თანხმობა წერილზე)

20-- №

––––––––––––––––––––––––––––––––––––

(ცვლილების შინაარსი)

/ლარებში/

საბიუჯეტო ორგანიზაცია, პროგრამა ან ღონისძიება		ეკონომიკური კლასიფიკაციის მუხლი	ცვლილების თანხა +/- (გადიდებული, შემცირებული)
დასახელება	ორგანიზაციული კოდი	დასახელება	წლიური თანხა	მ.შ. კვარტალები
				1 კვ.	2 კვ.	3 კვ.	4 კვ.

დაფარვის ან სახსრების მიმართვის წყაროები:

1. დამტკიცებული ბიუჯეტით გათვალისწინებული ასიგნებიდან

2. საქართველოს პრეზიდენტის სარეზერვო ფონდი

3. დავალიანების დაფარვა

4. დანარჩენი ცვლილება

სახელმწიფო ბიუჯეტის სამმართველოს უფროსი:

საბიუჯეტო დეპარტამენტის უფროსი:

ხშირად დასმული კითხვები

მოქმედებს თუ არა „სახელმწიფო ბიუჯეტით გამოყოფილი ასიგნებების გადანაწილების წესის დამტკიცების შესახებ“?: არა, დოკუმენტი ძალადაკარგულია. ბოლო რედაქცია — 12.02.2008.
როდის იქნა მიღებული „სახელმწიფო ბიუჯეტით გამოყოფილი ასიგნებების გადანაწილების წესის დამტკიცების შესახებ“?: „სახელმწიფო ბიუჯეტით გამოყოფილი ასიგნებების გადანაწილების წესის დამტკიცების შესახებ“ მიღებულია 28.06.2004. მიმღები ორგანო — საქართველოს ფინანსთა მინისტრი. დოკუმენტის ნომერი — №437. სარეგისტრაციო კოდი — 190040000.11.117.006541.
რამდენჯერ შევიდა ცვლილება „სახელმწიფო ბიუჯეტით გამოყოფილი ასიგნებების გადანაწილების წესის დამტკიცების შესახებ“-ში?: დოკუმენტში სულ 4 ცვლილებაა შესული. მატსნეს ბოლო კონსოლიდირებული რედაქცია — 12.02.2008.
სად არის „სახელმწიფო ბიუჯეტით გამოყოფილი ასიგნებების გადანაწილების წესის დამტკიცების შესახებ“-ის ოფიციალური ტექსტი?: ოფიციალური წყაროა საქართველოს საკანონმდებლო მაცნე (matsne.gov.ge). legali.ge-ზე ტექსტი მოცემულია 12.02.2008 მდგომარეობით.

როგორ დავიმოწმოთ

საქართველოს მინისტრის ბრძანება „სახელმწიფო ბიუჯეტით გამოყოფილი ასიგნებების გადანაწილების წესის დამტკიცების შესახებ“, №437, 28.06.2004, სარეგისტრაციო კოდი 190040000.11.117.006541 (კონსოლიდირებული რედაქცია 12.02.2008). ხელმისაწვდომია: https://legali.ge/law/1352406/

ოფიციალური ტექსტი — matsne.gov.ge , კონსოლიდირებული რედაქცია 12.02.2008. პრაქტიკა, ისტორია და სხვა ბლოკები შედგენილია ავტომატურად ღია წყაროებიდან და არ წარმოადგენს იურიდიულ კონსულტაციას. როგორ ვადგენთ · შეცდომის შეტყობინება

სახელმწიფო ბიუჯეტით გამოყოფილი ასიგნებების გადანაწილების წესის დამტკიცების შესახებ

დოკუმენტის ტექსტი

მუხლი 1.🔗

მუხლი 2.🔗

მუხლი 3.🔗

ხშირად დასმული კითხვები

როგორ დავიმოწმოთ