საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ

სახელმწიფო სარეგისტრაციო კოდი 480.040.050.22.030.006.964

საქართველოს საგარეო საქმეთა მინისტრის

ბრძანება №174

2004 წლის 29 დეკემბერი

ქ. თბილისი

საზღვარგარეთ საქართველოს  დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ანაზღაურების წესის შესახებ

„საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მოვლინებულ პირთა გრძელვადიანი სამუშაო მივლინების ანაზღაურების მოწესრიგებასთან დაკავშირებული ღონისძიებების თაობაზე” საქართველოს პრეზიდენტის 2004 წლის 27 დეკემბრის №617 ბრძანებულების საფუძველზე, ვბრძანებ:

1. დამტკიცდეს:

ა) „საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების ანაზღაურების ნორმების გაანგარიშების წესის შესახებ” ინსტრუქცია №1 დანართის თანახმად;

ბ) საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების ანაზღაურების ნორმები (პროცენტებში) №2 დანართის თანახმად;

გ) ადგილსამყოფელი ქვეყნების მაკორექტირებელი კოეფიციენტები №3 დანართის თანახმად.

2. ბრძანება ამოქმედდეს 2005 წლის 1 იანვრიდან.

ს. ზურაბიშვილი

დანართი №1

ინსტრუქცია

საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების ანაზღაურების ნორმებისა და გაანგარიშების წესის შესახებ

    მუხლი 1

დაფინანსების სისტემის რეგულირების კოეფიციენტების გამოანგარიშებისათვის გამოიყენება სამომხმარებლო კალათის შემდეგი ძირითადი ელემენტები:

ა) კვების პროდუქტები და უალკოჰოლო სასმელები;

ბ) ალკოჰოლური სასმელები და თამბაქო;

გ) ფეხსაცმელი და ტანსაცმელი;

დ) ბინის ქირისა და ექსპლუატაციის ხარჯები;

ე) ბინის ინვენტარი;

ვ) სამედიცინო დაზღვევა;

ზ) განათლების ხარჯები;

თ) სატრანსპორტო ხარჯები;

ი) კულტურულ-გამაჯანსაღებელი ღონისძიებების ხარჯები;

კ) გაუთვალისწინებელი ხარჯები.

    მუხლი 2

საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების შემადგენელი ძირითადი ელემენტებია:

1. საზღვარგარეთ საქართველოს დიპლომატიური დაწესებულებების დაფინანსებისათვის საქართველოს საგარეო საქმეთა მინისტრის მიერ დამტკიცებული საბაზისო თანხა.

2. დაფინანსების მარეგულირებელი კოეფიციენტები:

ა) ადგილსამყოფელი ქალაქის სიძვირის კოეფიციენტი (დგინდება გაეროს მიერ ყოველი წლის ნოემბერში გამოქვეყნებული ცირკულარის საფუძველზე);

ბ) ბინის ქირის  კოეფიციენტი (დგინდება გაეროს მიერ ყოველი წლის ნოემბერში გამოქვეყნებული ცირკულარის საფუძველზე).

    მუხლი 3

გაეროს რეგულირების კოეფიციენტების ადაპტირების მიზნით საზღვარგარეთ საქართველოს ცალკეული დიპლომატიური დაწესებულებების დაფინანსებისათვის გამოიყენება კორექტირების შემდეგი წესები:

ა) ბალტიისპირეთის ქვეყნები და ქ. მოსკოვი

K=K₁-0.25

ბ) დსთ-ის ქვეყნები

K=K₁-0.5

გ) რთული პოლიტიკური, ეკონომიკური და რისკის სხვა ფაქტორების მქონე ქვეყნები

K=K₁+0.25

დ) ახლო აღმოსავლეთის ქვეყნები

K=K₁-0.25

სადაც K₁ არის გაეროს დაფინანსების სისტემის რეგულირების შესაბამისი კოეფიციენტი.

    მუხლი 4

საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებულ პირთა გრძელვადიანი სამუშაო მივლინების ხარჯების გაანგარიშება ხორციელდება შემდეგი წესით:

 1. სამივლინებო თანხა გაიანგარიშება ფორმულით:

D =        H x A x B   + C x Q x H x A x B

100                10000

სადაც:

H - არის საბაზისო თანხა;

A - თანამდებობრივი განაკვეთი პროცენტებში;

B- ქალაქის სიძვირის კოეფიციენტი;

C- ოჯახის წევრთა რაოდენობა;

Q - ოჯახის თითოეულ წევრზე პროცენტული დანამატი (Q = 5%);

D- პერსონალური სამივლინებო თანხის განაკვეთი.

2 . ბინის სუბსიდია გაინგარიშება ფორმულით:

T= D x E

     100

სადაც T - ქირავნობის წილია;

D – პერსონალური სამივლინებო თანხის განაკვეთია;

E - სამივლინებო თანხაში ბინის ქირის სუბსიდიის ხვედრითი წილია პროცენტებში.

3. იმ შემთხვევაში, როდესაც ბინის ქირა (G) ნულის ტოლია, მივლინების თანხის საბოლოო განაკვეთი გაინგარიშება ფორმულით:

S = D – T

4. იმ შემთხვევაში, როდესაც G < T, მაშინ

S = D

5. იმ შემთხვევაში, როდესაც G>T, დაწესებულების ხელმძღვანელზე გაიცემა ბინის ქირის სუბსიდია სხვაობის (G - T) 80%-ის ოდენობით, დანარჩენ მოსამსახურეებზე – 50%-ის ოდენობით:

S(1)= D+4/5x(G-T) – დიპ. დაწესებულების ხელმძღვანელზე;

S(2)=D+1/2x(G-T) – დიპ. დაწესებულების თანამშრომელზე.

6. ბინის ქირის სუბსიდიაზე დანამატის თანხა არ უნდა აღემატებოდეს: 

ა) დიპ. დაწესებულების ხელმძღვანელზე ქირავნობის წილის 200%-ს, ანუ

4/5x(G-T)≤2 xT;

ბ) დიპ. დაწესებულების თანამშრომელზე ქირავნობის წილის 100%-ს, ანუ

1/2x(G-T) ≤T.

7. საზღვარგარეთ საქართველოს დიპლომატიურ წარმომადგენლობასა ან საკონსულო დაწესებულებაში ორი ან მეტი ოჯახის წევრის მუშაობის შემთხვევაში, ოჯახის სხვა წევრებზე დანამატს მიიღებს ერთ-ერთი მათგანი, რომელიც უფრო მაღალანაზღაურებად თანამდებობაზეა დიპლომატიურ სამსახურში.

8. გრძელვადიანი სამუშაო მივლინების თანხის გაანგარიშებისას გამოიყენება საანგარიშგებო წლის დასაწყისისათვის დამტკიცებული კურსი, რომელიც მოქმედებს მომდევნო საანგარიშგებო წლის დაწყებამდე.

9. საზღვარგარეთ საქართველოს დიპლომატიურ წარმომადგენლობასა ან საკონსულო დაწესებულებაში მომუშავე პირის მიერ ბინის შეცვლისას ან მისი ოჯახის წევრთა რიცხოვნობის ცვლილებისას გრძელვადიანი სამუშაო მივლინების თანხის გადაანგარიშება ხორციელდება განმეორებით.

10. გადაანგარიშებული გრძელვადიანი სამუშაო მივლინების თანხის განმეორებითი გადაანგარიშების საფუძველს წარმოადგენს დაწესებულების ხელმძღვანელის მიერ ხელმოწერილი ცნობა სათანადო დამადასტურებელი დოკუმენტებით.

    მუხლი 5

1. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებული პირი ვალდებულია სამინისტროში სამი დღის ვადაში წარმოადგინოს ინფორმაცია მისი ბინის ქირის ოდენობის ან ოჯახის წევრების რაოდენობის შეცვლის შესახებ.

2. საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში როტაციის წესით სამუშაოდ მივლინებული პირის გრძელვადიანი სამუშაო მივლინების თანხის გადაანგარიშება განხორციელდება მისი ბინის ქირის ოდენობის ან ოჯახის წევრების რაოდენობის შეცვლის შემდეგ მომდევნო საანგარიშგებო თვის პირველი რიცხვიდან.

დანართი №2

საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებათა ანაზღაურების ნორმები პროცენტებში ამ დაწესებულებათა  ხელმძღვანელების ანაზღაურების ნორმასთან მიმართებაში

 

№	თანამდებობის დასახელება	ნორმები პროცენტებში ამ დაწესებულებათა ხელმძღვანელების ანაზღაურების ნორმის მიმართ
1	2	3
1	საგანგებო და სრულუფლებიანი ელჩი, მუდმივი წარმომადგენელი საერთაშორისო ორგანიზაციებში, დიპლომატიური მისიის ხელმძღვანელი.	100
2	გენერალური კონსული	70
3	დესპანი, მუდმივი წარმომადგენლის მოადგილე, მისიის ხელმძღვანელის მოადგილე	70
4	უფროსი მრჩეველი, კონსული	65
5	მრჩეველი, სამხედრო, საზღვაო და საჰაერო ატაშე, ვიცე-კონსული, საკონსულო აგენტი	60
6	პირველი მდივანი	57
7	მთავარი ბუღალტერი	55
8	მეორე მდივანი	54
9	მესამე მდივანი	51
10	ატაშე	48
11	რეფერენტი	45
12	კანცელარიის გამგე	43
13	სამეურნეო ნაწილის გამგე	41
14	მძღოლი	39

    

დანართი №3

 

ადგილსამყოფელი ქვეყნის მაკორექტირებელი კოეფიციენტი
№	დაწესებულების დასახელება	ადგილსამყოფელი ქვეყნის მაკორექტირებელი  კოეფიციენტი	ბინის ქირავნობის წილი %-ში
1	2	3	4
1	საელჩო ავსტრიასა და უნგრეთში	1.496	19
2	საელჩო აზერბაიჯანში	0.894	24
3	საელჩო აშშ-ში, კანადასა და მექსიკაში	1.648	26
4	საელჩო ბენილუქსის ქვეყნებში	1.461	17
5	საელჩო გერმანიაში	1.529	21
6	საელჩო დიდ ბრიტანეთში	1.676	24
7	საელჩო ეგვიპტეში	0.974	22
8	საელჩო თურქეთში	1.266	22
9	საელჩო თურქმენეთსა და ავღანეთში	1.047	13
10	საელჩო ირანში	1.117	28
11	საელჩო ისრაელში	1.359	23
12	საელჩო იტალიაში	1.493	22
13	საელჩო ლიტვაში, ლატვიასა და ესტონეთში	1.072	21
14	საელჩო რუსეთის ფედერაციაში	1.232	27
15	საელჩო საბერძნეთში	1.372	19
16	საელჩო საფრანგეთსა და იუნესკოში	1.534	23
17	საელჩო სომხეთში	0.802	20
18	საელჩო უზბეკეთში	0.786	22
19	საელჩო უკრაინაში	0.884	24
20	საელჩო ყაზახეთში	0.792	19
21	საელჩო შვეიცარიაში	1.671	26
22	ეუთოში და ვენაში საქართველოს მუდმივი წარმომადგენლობა	1.496	19
23	მუდ. წარმომადგენლობა გაეროსთან	1.871	29
24	მუდ. წარმომადგენლობა ევროსაბჭოსთან	1.502	23
25	მუდ. წარმომადგენლობა ნატოსთან	1.461	17
26	გენ. საკონსულო ქ.ოდესაში	0.884	24
27	გენ. საკონსულო ქ. სტამბ უ ლში	1.266	22
28	გენ. საკონსულო ქ. ტრაპიზონში	1.266	22
29	ბულგარეთი	1.002	12
30	რუმინეთი	1.3	23
31	პოლონეთი	1.319	19
32	იორდანია, ლიბანი, სირია, ემირატები, ქუვეითი,	1.245	22
33	ჩინეთი	1.186	15
34	ჩეხეთი	1.417	14
35	სლოვენია სლოვაკეთი,	1.374	17
36	ვატიკანი	1.493	22
37	ესპანეთი	1.461	22