„საქართველოს ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარების დებულების დამტკიცების” შესახებ

✨ ჰკითხე AI-ს ამ კანონის შესახებ

საქართველოს მინისტრის ბრძანება ძალადაკარგული ფინანსური ადმინისტრირება

მიღების თარიღი

17.12.2002 ძალადაკარგული 31.10.2008

გამომცემი ორგანო

საქართველოს ფინანსთა მინისტრი

ნომერი

№409

სარეგისტრაციო კოდი

200280000.11(1).170.005610

გამოქვეყნების წყარო

matsne.gov.ge , სსმ, 122, 20/12/2002

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

ცვლილებები (4)

შემდგომი ცვლილებები (2)

,,საქართველოს ფინანსთა მინისტრის, საქართველოს სახელმწიფო საგადასახადო დეპარტამენტის თავმჯდომარისა და საქართველოს სახელმწიფო საბაჟო დეპარტამენტის თავმჯდომარის ზოგიერთი ბრძანების ძალადაკარგულად გამოცხადების შესახებ“

31.10.2008

“საქართველოს ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარების დებულების დამტკიცების შესახებ" საქართველოს ფინანსთა მინისტრის 2002 წლის 17 დეკემბრის №409 ბრძანებაში ცვლილებებისა და დამატებების შეტანის თაობაზე"

27.05.2005

წინა ცვლილებები (2)

“საქართველოს ფინანსთა მინისტრის საბაჟო დეპარტამენტის საჯარო მოხელეთა კონკურსისა და ატესტაციის ჩატარების დებულების დამტკიცების შესახებ" საქართველოს ფინანსთა მინისტრის 2002 წლის 17 დეკემბრის №409 ბრძანებაში ცვლილებებისა და დამატებების შეტანის თაობაზე"

14.04.2005

“ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარების დებულებაში”

20.02.2004

20.12.2002 20.02.2004 14.04.2005 27.05.2005 31.10.2008

დოკუმენტის ტექსტი

⇄ რედაქციების შედარება

სახელმწიფო სარეგისტრაციო კოდი 200.280.000.11.117.005.610

საქართველოს ფინანსთა მინისტრის

ბრძანება №409

2002 წლის 17 დეკემბერი

ქ. თბილისი

საქართველოს ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარების წესის დამტკიცების შესახებ

საქართველოს ფინანსთა მინისტრის 2005 წლის 14 აპრილის ბრძანება №255-სსმIII,№48, 21.04.2005წ.,მუხ.496

„საქართველოს ფინანსთა სამინისტროს საბა ჟო დეპარტამენტის სტრუქტურისა და რეფორმის პირველი რიგის ღონისძიებების შესახებ” საქართველოს პრეზიდენტის 2002 წლის 2 აგვისტოს №358 ბრძანებულების მე-4 პუნქტის საფუძველზე და „საჯარო სამსახურის შესახებ” საქართველოს კანონის შესაბამისად, ვბრძანებ:

1. დამტკიცდეს „საქართველოს ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარების წესი” (თან ერთვის).

2. ბრძანება ძალაში შედის მისი გამოქვეყნებისთანავე.

მ. გოგიაშვილი

შეტანილი ცვლილებები:

1.საქართველოს ფინანსთა მინისტრის 2004 წლის 20 თებერვლის ბრძანება №80-სსმIII,№21, 26.02.2004წ.,მუხ.195

2.საქართველოს ფინანსთა მინისტრის 2005 წლის 14 აპრილის ბრძანება №255-სსმIII,№48, 21.04.2005წ.,მუხ.496

საქართველოს ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარების წესი

თავი I. ზოგადი დებულებები

მუხლი 1. გამოყენების სფერო

1. „საქართველოს ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარების დებულება” (შემდგომში – დებულება) შემუშავებულია „საჯარო სამსახურის შესახებ” საქართველოს კანონის მოთხოვნათა შესაბამისად.

2. დებულება განსაზღვრავს საბაჟო დეპარტამენტის სტრუქტურული ერთეულების მოხელეთა კონკურსისა და ატესტაციის ჩატარების, საკონკურსო-საატესტაციო კომისიის საქმიანობის და მოხელეთა რეზერვის ფორმირების წესებს.

თავი II. საკონკურსო-საატესტაციო და საპრეტენზიო კომისია

მუხლი 2. საკონკურსო-საატესტაციო კომისიის შემადგენლობა

1. საქართველოს ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარებას, რეზერვის ფორმირებას ახორციელებს საკონკურსო-საატესტაციო კომისია (შემდგომში – კომისია). კომისიის შემადგენლობაში შედიან კომისიის თავმჯდომარე, თავმჯდომარის მოადგილე და წევრები.

2. კომისიის თავმჯდომარე ინიშნება საჯარო სამსახურის ბიუროს უფროსის მიერ საქართველოს ფინანსთა მინისტრის წარდგინებით, ხოლო კომისიის თავმჯდომარის მოადგილეს, წევრებს და მდივანს ნიშნავს კომისიის თავმჯდომარე საქართველოს ფინანსთა მინისტრთან შეთანხმებით.

3. კომისიის თავმჯდომარე განსაზღვრავს კომისიის წევრთა რაოდენობას და შემადგენლობას, კომისიის წევრთაგან ნიშნავს თავმჯდომარის მოადგილეს, რომელიც ცვლის თავმჯდომარეს მისი არყოფნის შემთხვევაში.

4. კომისიის შემადგენლობაში შეიძლება მოწვეულ იქნეს სპეციალისტები.

მუხლი 4. კომისიის მიზანი

1. კომისიის მიზანია კანდიდატთა და მოხელეთა კონკურსის ან/და ატესტაციის ჩატარება. ამ მიზნის მისაღწევად კომისია:

ა) უზრუნველყოფს ტესტირებისა და გასაუბრების ჩატარების დადგენილი წესების და პროცედურების დაცვას;

ბ) რეგისტრაციის ვადის გასვლის შემდეგ ადასტურებს კანდიდატთა და მოხელეთა სიას და მათ რაოდენობას;

გ) უზრუნველყოფს ტესტური ნამუშევრების გასწორებას;

დ) აფიქსირებს გამოსაცდელის მიერ წესების დარღვევის ფაქტებს და იღებს შესაბამის ზომებს, მათ შორის მოხსნის კანდიდატს ან მოხელეს ტესტირებიდან;

ე) ტესტირების დროის ამოწურვის შემდეგ ადასტურებს კანდიდატთა ან მოხელეთა ტესტური ნამუშევრების ჩაბარების ფაქტს;

ვ) ადასტურებს ტესტის პასუხების შემოწმებისას კანდიდატის ან მოხელის მიერ დაგროვილ ქულათა რაოდენობას და წარუდგენს საპრეტენზიო კომისიას პრეტენზიების არსებობის შემთხვევაში;

ზ) ატარებს გასაუბრებას კანდიდატებთან და მოხელეებთან, აფასებს მათ შესაბამისობას თანამდებობით დადგენილ მოთხოვნებთან ამ დებულების 33-ე მუზლის შესაბამისად;

თ) წარუდგენს თანამდებობაზე დანიშვნის უფლების მქონე პირს კანდიდატურებს ვაკანტურ თანამდებობათა დასაკავებლად;

ი) წარუდგენს დაწესებულების ხელმძღვანელს კონკურსისა და ატესტაციის შედეგებს;

კ) ახორციელებს კანონმდებლობით, მათ შორის ამ დებულებით გათვალისწინებულ სხვა უფლება-მოვალეობებს.

საქართველოს ფინანსთა მინისტრის 2004 წლის 20 თებერვლის ბრძანება №80-სსმIII,№21, 26.02.2004წ.,მუხ.195

მუხლი 5. კომისიის რეგლამენტი

1. კომისიის წევრებს შორის მოვალეობებს ანაწილებს და მუშაობის რეჟიმს განსაზღვრავს კომისიის თავმჯდომარე.

2. კომისიის თითოეულ წევრს აქვს ერთი ხმის უფლება. კომისიის სხდომა უფლებამოსილია, თუ მას ესწრება კომისიის წევრთა ნახევარზე მეტი.

3. კომისიის გადაწყვეტილება მიიღება ხმათა უბრალო უმრავლესობით, დამსწრე წევრთა საერთო რიცხოვნებიდან. ხმების თანაბრად განაწილების შემთხვევაში თავმჯდომარის ხმა ითვლება გადამწყვეტად.

4. კომისიის სხდომა ფორმდება ოქმით, რომელსაც ხელს აწერენ თავმჯდომარე და დამსწრე წევრები. კომისიის წევრს უფლება აქვს თავისი განსხვავებული მოსაზრება დაურთოს ოქმს, რის შესახებაც აღინიშნება ოქმში.

მუხლი 6. კომისიის სპეციალიზებული შემადგენლობა

1. საჭიროების შემთხვევაში (პროფესიული ან ტერიტორიული პრინციპის მიხედვით) კომისიის თავმჯდომარის მიერ შეიძლება შეიქმნას კომისიის სპეციალიზებული შემადგენლობა.

2. კომისიის სპეციალიზებული შემადგენლობით დაკომპ-ლექტების შემთხვევაში მის თავმჯდომარეს ნიშნავს კომისიის თავმჯდომარე.

მუხლი 7. საპრეტენზიო კომისია

1. საპრეტენზიო კომისია იქმნება საქართველოს ფინანსთა მინისტრის მიერ საკონკურსო-საატესტაციო კომიისაგან დამოუკიდებლად. საპრეტენზიო კომისიის შემადგენლობაში არ შეიძლება შედიოდეს სააკონკურსო-საატესტაციო კომიის წევრი.

2. საპრეტენზიო კომისიის საქმიანობას ხელმძღვანელობს კომისიის თავმჯდომარე, რომელსაც ნიშნავს საქართველოს ფინანსთა მინისტრი.

3. საპრეტენზიო კომისიის მიზანია ატესტაცია-კონკურსის ჩატარების დროს პრეტენზიების განსაზღვრულ ვადებში განხილვა და კომისიისათვის სამართლებრივად სრულყოფილი დასკვნის წარდგენა.

4. საჭიროების შემთხვევაში, შესაძლებელია საპრეტენზიო კომისიის შემადგენლობაში ჩასართავად მოწვეულ იქნენ სხვადასხვა დარგის სპეციალისტები. სპეციალისტების მოწვევაზე გადაწყვეტილებას იღებს საპრეტენზიო კომისიის თავმჯდომარე.

5. მოწვეულ სპეციალისტთა უფლებამოსილება განისაზღვრება მხოლოდ ტესტებთან დაკავშირებული პრეტენზიების განხილვით და გამოტანილი დასკვნების წერილობით გადაცემით საპრეტენზიო კომისიაზე.

6. საპრეტენზიო კომისიის წევრებს შორის მოვალეობებს ანაწილებს და მუშაობის რეჟიმს განსაზღვრავს საპრეტენზიო კომისიის თავმჯდომარე.

7. საპრეტენზიო კომისიის თითოეულ წევრს აქვს ერთი ხმის უფლება.

8. საპრეტენზიო კომისიის სხდომა უფლებამოსილია და შეუძლია გადაწყვეტილების მიღება ღია კენჭისყრით დამსწრე წევრთა ხმების უბრალო უმრავლესობით. ხმების თანაბრად განაწილების შემთხვევაში საპრეტენზიო კომისიის თავმჯდომარის ხმა ითვლება გადამწყვეტად.

9. საპრეტენზიო კომისიის სხდომის გადაწყვეტილება ფორმდება ოქმით, რომელსაც ხელს აწერენ საპრეტენზიო კომისიის თავმჯდომარე და წევრები. საპრეტენზიო კომისიის წევრი, რომელიც არ ეთანხმება საპრეტენზიო კომისიის სხვა წევრების გადაწყვეტილებას, ვალდებულია თავისი წინადადება და შენიშვნა წერილობით დაურთოს ოქმს.

10. საპრეტენზიო კომისიაში განცხადების (პრეტენზიების) წარდგენა წარმოებს ატესტაცია-კონკურსში მონაწილე ნებისმიერი მოხელისა და კანდიდატის მიერ როგორც ატესტაცია-კონკურსის დაწყებამდე, ასევე მისი მიმდინარეობის პროცესში და ტესტირების შედეგების გაცნობიდან არა უგვიანეს 2 სამუშაო დღისა, დაგვიანებული პრეტენზიები არ მიიღება.

11. საპრეტენზიო კომისიის სახელზე შეტანილი განცხადება განიხილება 3 დღის ვადაში; ამასთან, მნიშვნელოვანი გარემოებების (საქმის დიდი მოცულობა, სირთულე) არსებობისას განხილვის ვადა შეიძლება გაგრძელდეს 5 დღემდე.

12. საპრეტენზიო კომისიის გადაწყვეტილება კომისიას გადაეცემა გადაწყვეტილების მიღებიდან მომდევნო სამუშაო დღეს.

13. თუ საპრეტენზიო კომისია მიიჩნევს, რომ განცხადებაში (პრეტენზიაში) მოყვანილი შეკითხვა ბუნდოვანია, დასმულ შეკითხვაზე არ არსებობს სწორი პასუხი, პასუხები არასწორადაა მითითებული, კითხვაზე არსებობს რამდენიმე სწორი პასუხი, კითხვა სცილდება საგამოცდო პროგრამის ფარგლებს, იგი უფლებამოსილია შეადგინოს ოქმი გამოვლენილი ხარვეზის შესახებ და წარუდგინოს წინადადება კომისიას საბოლოო გადაწყვეტილების მისაღებად.

14. საპრეტენზიო კომისიის გადაწყვეტილებაში მნიშვნელოვანი დარღვევების აღმოჩენის შემთხვევაში კომისიას უფლება აქვს არ დაეთანხმოს საპრეტენზიო კომისიის გადაწყვეტილებას, მოიწვიოს გაფართოებული სხდომა საპრეტენზიო კომისიის წევრთა მონაწილეობით და მიიღოს შესაბამისი გადაწყვეტილება, რომელიც საბოლოოა.

15. ტესტის კითხვის გაუქმების შემთხვევაში ყველა გამოსაცდელის მიერ ამ კითხვაზე გაცემული პასუხი ჩაითვლება სწორად და დაეწერება შესაბამისი ქულა.

16. კითხვათა გაუქმების შესახებ საპრეტენზიო კომისიის ოქმები გადაეცემა კომისიას. ოქმში მითითებული უნდა იქნეს:

ა) რამდენი კითხვა იქნა გასაჩივრებული კანდიდატთა და მოხელეთა მიერ;

ბ) რამდენი კითხვა იქნა მიჩნეული კომისიის მიერ არასრულყოფილად და შესაბამისად, რამდენი კითხვა გაუქმდა.

თავი III. მოხელის კონკურსი

მუხლი 8. კონკურსის მიზანი

1. კონკურსის მიზანია საბაჟო დეპარტამენტის სტრუქტურული ერთეულების ვაკანტურ თანამდებობაზე (შემდგომში – ვაკანტური თანამდებობების) დასანიშნ პირთა შერჩევა და მათი რეზერვის ფორმირება.

2. კონკურსი შედგება ორი ეტაპისაგან – ტესტირებისა და გასაუბრებისაგან.

მუხლი 9. კონკურსის გამოცხადება

1. კონკურსს მოხელის ვაკანტური თანამდებობის დასაკავებლად, ამ თანამდებობაზე დანიშვნის უფლების მქონე პირის წინადადებით, გაზეთ „საქართველოს რესპუბლიკაში” ან სხვა ოფიციალურ ბეჭდვით ორგანოში აცხადებს საჯარო სამსახურის ბიუროს უფროსი.

2. კომისიის სხდომა ტარდება არა უადრეს სამი კვირისა კონკურსის შესახებ განცხადების გამოქვეყნების დღიდან.

მუხლი 10. კომისიის სამდივნო

1. კომისიის თავმჯდომარის გადაწყვეტილებით იქმნება საკონკურსო-საატესტაციო კომისიის სამდივნო (შემდგომში – სამდივნო), რომელსაც ხელმძღვანელობს სამდივნოს უფროსი.

2. სამდივნოს უფროსს და წევრებს ნიშნავს კომისიის თავმჯდომარე.

3. სამდივნო უზრუნველყოფს:

ა) დადგენილ ვადებში კანდიდატთა განცხადებებისა და დოკუმენტაციის მიღებასა და შენახვას; წარმოდგენილი მონაცემების შესაბამისობის შემოწმებას კონკრეტული ვაკანტური თანამდებობისათვის დადგენილ მოთხოვნებთან;

ბ) კანდიდატის მიერ წარმოდგენილი დოკუმენტაციის ვაკანტურ თანამდებობაზე დადგენილ მოთხოვნებთან შესაბამისობის შემთხვევაში კანდიდატთა რეგისტრაციასა და სარეგისტრაციო ბარათის გაცემას;

გ) კანდიდატთა შესახებ მონაცემთა ბაზის შექმნასა და შევსებას;

დ) გაწეული საქმიანობის შესახებ საკონკურსო-საატესტაციო კომისიისათვის ანგარიშის წარდგენას;

ე) ტესტირებაში მონაწილე კანდიდატთა იდენტიფიცირებას და რეგისტრირებას მათ მიერ წარმოდგენილი სარეგისტრაციო ბარათისა და პირადობის მოწმობის მეშვეობით;

ვ) საგამოცდო დარბაზში მონაწილე კანდიდატებისათვის ადგილების მიკუთვნებას, შესაბამისი ნომრის გაცემით;

ზ) საკვალიფიკაციო ტესტების დარიგებასა და ჩაბარებას;

თ) საკონკურსო-საატესტაციო კომისიისათვის ან/და საპრეტენზიო კომისიისათვის კანდიდატების საგამოცდო ტესტების გადაცემას და შენახვას;

ი) კანდიდატთა ტესტური გამოცდის შედეგების შესახებ მონაცემთა შეტანას საერთო ბაზაში;

კ) გასაუბრებაში მონაწილე თითოეული კანდიდატის შესახებ არსებული დოკუმენტური მასალის დამუშავებასა და საკონკურსო-საატესტაციო კომისიისათვის წარდგენას;

ლ) კონკურსის დამთავრებიდან 2 დღის ვადაში კანდიდატის ინფორმირებას საკონკურსო-საატესტაციო კომისიის მიერ მის მიმართ გამოტანილი გადაწყვეტილების შესახებ;

მ) ამ დებულებით გათვალისწინებული სხვა ამოცანების განხორციელებას”.

4. სამდივნოს უფროსი პასუხისმგებელია კანდიდატის შესახებ მონაცემთა ბაზაში არსებული ინფორმაციის სისწორეზე.

5. კონკურსის დამთავრებისა და მისი შედეგების გამოქვეყნების შემდეგ სამდივნო წყვეტს არსებობას.

მუხლი 11. მოთხოვნები, რომლებიც წაეყენება კონკურსში მონაწილე კანდიდატს მოხელის თანამდებობაზე

საბაჟო დეპარტამენტში მოხელის თანამდებობაზე კონკურსში მონაწილე კანდიდატი შეიძლება იყოს საქართველოს ქმედუნარიანი მოქალაქე, რომელმაც მიაღწია 21 წლის ასაკს, ფლობს სახელმწიფო ენას და აკმაყოფილებს შესაბამისი თანამდებობისათვის წაყენებულ საკვალიფიკაციო მოთხოვნებს.

მუხლი 12. კონკურსისათვის წარსადგენი საბუთები

1. კონკურსში მონაწილეობის მისაღებად კანდიდატმა, კონკურსის შესახებ განცხადების გამოქვეყნების დღიდან ორი კვირის ვადაში სამდივნოს უნდა წარუდგინოს:

ა) წერილობითი განცხადება კომისიის თავმჯდომარის სახელზე;

ბ) ავტობიოგრაფია;

გ) განათლების ან შესაბამისი კვალიფიკაციის მოწმობა;

დ) შესაბამისი ორგანოს მიერ გაცემული მოქალაქის პირადობის დამადასტურებელი მოწმობის ასლი;

ე) უკვე გაცემული შრომის წიგნაკი;

ვ) ორი ფერადი ფოტოსურათი – ზომით 3ჴ4;

2. საბუთების ჩაბარებისას კანდიდატმა სამდივნოს უნდა წარუდგინოს ამ მუხლის 1-ლი პუნქტის „გ”, „დ” და „ე” ქვეპუნქტებით გათვალისწინებული დოკუმენტების დედნები, რომლის ასლის ნამდვილობის შემოწმების შემდეგ ისინი დაუბრუნდება კანდიდატს.

3. საჭირო დოკუმენტების წარმოდგენის შემდეგ კანდიდატები მიიღებენ სარეგისტრაციო ბარათს, რომელშიც მითითებული იქნება მისი სარეგისტრაციო ნომერი, კონკურსის ჩატარების დრო, ადგილი და იმ ვაკანტური თანამდებობის დასახელება, რომელზეც შემოიტანა განცხადება.

მუხლი 13. კანდიდატის უფლება, შეცვალოს განცხადებაში მითითებული საკონკურსო ადგილი

კანდიდატს რეგისტრაციის ვადის განმავლობაში უფლება აქვს გამოიტანოს განაცხადი ან შეცვალოს საკონკურსო ადგილი შესაბამისი განცხადებით.

თავი IV. მოხელის ატესტაცია

მუხლი 14. ატესტაციის მიზანი

ატესტაციის მიზანია მოხელის ცოდნის დონის და კვალიფიკაციის, პროფესიული ჩვევების, შესაძლებლობებისა და პიროვნული თვისებების დაკავებული (ან დასაკავებელი) თანამდებობისადმი წაყენებულ მოთხოვნებთან შესაბამისობის შეფასება.

მუხლი 15. ატესტაციას დაქვემდებარებული პირი

1. ატესტაციას ექვემდებარება:

ა) მოხელე, 3 წელიწადში ერთხელ;

ბ) მოხელე რომელიც წამოყენებულია სამსახურებრივი დაწინაურებისათვის;

გ) რეზერვში ჩარიცხული პირი;

დ) კანდიდატი მოხელის თანამდებობაზე, თუ თანამდებობა კონკურსის წესით უნდა დაიკავოს.

2. ატესტაციას არ ექვემდებარება:

ა) თანამდებობაზე დროებით არმყოფი მოხელის შემცვლელი;

ბ) შტატგარეშე მოსამსახურე;

გ) საქართველოს პრემიერ-მინისტრის მიერ თანამდებობაზე დასანიშნი პირი.

მუხლი 16. ატესტაციის დრო

1. ატესტაციის ჩატარების დროს განსაზღვრავს საქართველოს ფინანსთა მინისტრი საკონკურსო-საატესტაციო კომისიის თავმჯდომარესთან შეთანხმებით.

2. ატესტაციას დაქვემდებარებულ პირს ატესტაციის შესახებ უნდა ეცნობოს ერთი თვით ადრე მაინც.

მუხლი 17. ატესტაციის ჩატარების წესი

1. ადმინისტრაციული სამმართველო კომისიას წარუდგენს შესაბამის დოკუმენტაციას და იმ მოხელეთა სიებს, რომლებიც ექვემდებარებიან ატესტაციას.

2. ატესტაციის ჩატარებამდე ორი კვირით ადრე დგება დახასიათება მოხელის სტრუქტურული ხელმძღვანელის მიერ. დახასიათება უნდა ასახავდეს მოხელის ყოველმხრივ შეფასებას (მის პროფესიულ და პირად თვისებებს, მათ შორის – მოქმედი კანონმდებლობის ცოდნას და დაცვას, კომპეტენტურობას, საქმის გაძღოლის უნარს, პატრიოტიზმს, საქმიან რეპუტაციას, პასუხისმგებლობის გრძნობას და ინიციატივიანობას და სხვ.). დახასიათება ასევე უნდა მოიცავდეს მოხელის მიერ შესრულებული სამუშაოს ანალიზს.

3. მოხელეს უფლება აქვს ატესტაციამდე დადგენილი წესით გაეცნოს მასზე შედგენილ დახასიათებას.

4. მოხელის ცოდის დონისა და კვალიფიკაციის შეფასება ხდება ტესტირების ან/და გასაუბრების გზით, საქართველოს ფინანსთა სამინისტროს საბაჟო დეპარტამენტის საჯარო მოხელეთა ატესტაციისა და კანდიდატთა შესარჩევი კონკურსის პროგრამისა და საკვალიფიკაციო მოთხოვნების მიხედვით.

5. მოხელის პროფესიული ჩვევების, შესაძლებლობებისა და პიროვნული თვისებების შეფასება ხდება სპეციალიზებული მეთოდიკის მიხედვით. მოხელის პროფესიული ჩვევების, შესაძლებლობებისა და პიროვნული თვისებების შეფასების მიზნით შეიძლება მოწვეულ იქნეს შესაბამისი უფლებამოსილების მქონე ექსპერტი ან დაწესებულება.

6. ატესტაცია ტარდება ტესტირების გზით და გასაუბრებით (ორეტაპიანი ატესტაცია) ან მხოლოდ გასაუბრების გზით.

7. ატესტაციის ჩატარების ფორმის (მათ შორის, ატესტაციის ეტაპების და შეფასების მეთოდიკის) თაობაზე გადაწყვეტილებას იღებს საქართველოს ფინანსთა სამინისტროს საკონკურსო-საატესტაციო კომისია.

თავი V. საკონკურსო-საატესტაციო ტესტირება და გასაუბრება

მუხლი 18. საკონკურსო-საატესტაციო ტესტირება

1. ტესტირება წარმოადგენს კონკურსის და ორეტა-პიანი ატესტაციის პირველ ეტაპს.

2. ტესტირება შეიძლება მოიცავდეს:

ა) პროფესიულ ტესტირებას, რომელიც ტარდება მოხელის ცოდნის დონისა და კვალიფიკაციის შეფასე-ბის მიზნით, საქართველოს ფინანსთა სამინისტროს საბაჟო დეპარტამენტის საჯარო მოხელეთა ატესტაციისა და კანდიდატთა შესარჩევი კონკურსის პროგრამისა და საკვალიფიკაციო მოთხოვნების მიხედვით;

ბ) მოხელის პროფესიული ჩვევების, შესაძლებლობებისა და პიროვნული თვისებების ტესტირებას, რომელიც ტარდება სპეციალიზებული მეთოდიკის მიხედვით.

3. ტესტირების ჩატარების წესს საკონკურსო-საატესტაციო კომისიის თავმჯდომარისა და საბაჟო დეპარტამენტის თავმჯდომარის წარდგინებით ამტკიცებს საქართველოს ფინანსთა მინისტრი.

მუხლი 19. საკონკურსო-საატესტაციო ტესტირებისა და გასაუბრების თემატიკა

1. პროფესიული ტესტირების და/ან გასაუბრების თემატიკას (პროგრამას) განსაზღვრავს საქართველოს ფინანსთა მინისტრი.

2. პროფესიული ტესტირების და/ან გასაუბრების თემატიკა (პროგრამა) ქვეყნდება ოფიციალურ ბეჭდვით ორგანო „საქართველოს საკანონმდებლო მაცნეში.

მუხლი 20. საკონკურსო-საატესტაციო ტესტის მომზადება

საკონკურსო-საატესტაციო ტესტის მომზადების ორგანიზება ევალება საკონკურსო-საატესტაციო კომისიას. საკონკურსო-საატესტაციო კომისიის რეკომენდაციის საფუძველზე საკონკურსო საატესტაციო ტესტის მომზადების მიზნით შეიძლება მოწვეულ იქნეს შესაბამისი უფლებამოსილების და კვალიფიკაციის მქონე ექსპერტი (ექსპერტთა ჯგუფი) ან დაწესებულება.

მუხლი 21. (ამოღებულია)

მუხლი 22. (ამოღებულია)

მუხლი 23. (ამოღებულია)

მუხლი 24. (ამოღებულია)

მუხლი 25. (ამოღებულია)

მუხლი 26. (ამოღებულია)

მუხლი 27. ტესტირებაზე გამოუცხადებლობის შედეგები

1. ტესტირებაზე გამოუცხადებლობა პირს უფლებას ართმევს მოითხოვოს დამატებითი ტესტირების ჩატარება გამოუცხადებლობის მოტივის (მათ შორის, საპატიო მიზეზით) მიუხედავად.

მუხლი 28. (ამოღებულია)

მუხლი 29. (ამოღებულია)

მუხლი 30. საჯაროობა ტესტირების ჩატარებისას

1. ტესტირებისას, საზოგადოებრივი კონტროლისა და საჯაროობის უზრუნველყოფის მიზნით, მეთვალყურეებად დაიშვებიან საზოგადოების წარმომადგენლები.

2. მეთვალყურეების დაშვებაზე გადაწყვეტილებას იღებს საკონკურსო-საატესტაციო კომისიის თავმჯდომარე.

3. მეთვალყურეები ტესტირების დარბაზში დაიკავებენ მათთვის სპეციალურად გამოყოფილ ადგილებს. ტესტირების პროცესში ჩარევის უფლება მათ არ აქვთ, ხოლო ამ მოთხოვნის დარღვევის შემთხვევაში მეთვალყურე დათხოვნილ იქნება ტესტირების დარბაზიდან.

მუხლი 31. ტესტების შემოწმება

1. ტესტების პასუხები მოწმდება მოწვეული სპეციალის-ტის მიერ საკონკურსო-საატესტაციო კომისიის თანამშრომლის თანდასწრებით, კომპიუტერის ან სხვა საშუალებების მეშვეობით.

2. ტესტის გასწორების დროს დაცული უნდა იყოს, როგორც გამოსაცდელის, ასევე გამომცდელის ანონიმურობა. მოწვეული სპეციალისტისათვის და კომისიის წევრისათვის უცნობია, თუ ვის ნაშრომს ამოწმებს, ასევე გამოსაცდელისათვის უცნობია, თუ ვინ გაასწორებს მის ნაშრომს.

2. ტესტირების დამთავრებიდან არა უგვიანეს 2 დღისა კომისია აქვეყნებს ტესტირების შედეგებს.

მუხლი 32. (ამოღებულია)

მუხლი 33. გასაუბრება

1. კონკურსის ჩატარების შემთხვევაში გასაუბრებაში მონაწილეობის მიღების უფლება აქვს კანდიდატს, რომელმაც დადებითი შეფასება მიიღო ტესტირებისას. ამ შემთხვევაში გასაუბრების მიზანია კანდიდატის კომუნიკაბელურობის, პიროვნული თვისებებისა და მოტივაციის შეფასება.

2. ატესტაციის ჩატარებისას, მოხელეთა გასაუბრების დროს კომისია ისმენს მოხელის სტრუქტურული ხელმძღვანელის დახასიათებას, ანგარიშს მოხელის მიერ გაწეული საქმიანობის შესახებ და უსვამს მას კითხვებს მის სამსახურებრივ მოვალეობასთან დაკავშირებულ საკითხებზე.

3. იმ შემთხვევაში, თუ გასაუბრება წარმოადგენს ატესტაციის მეორე ეტაპს და ტარდება პროფესიული ტესტირების შემდეგ, გასაუბრების მიზანია დადგინდეს, თუ რამდენად არის რეალიზებული პრაქტიკაში მოხელის ცოდნა და უნარი.

4. იმ შემთხვევაში, თუ ატესტაციის დროს პროფესიული ტესტირება არ ტარდება, გასაუბრების მიზანია დადგინდეს მოხელის პროფესიული ცოდნისა და კვალიფიკაციის დონე და მისი პრაქტიკაში რეალიზების უნარი.

5. გასაუბრება ტარდება კითხვა-პასუხის ფორმით. დასმული შეკითხვები და გაცემული პასუხები შეიტანება გასაუბრების ოქმში.

6. გასაუბრების მიმდინარეობა აისახება გასაუბრების ოქმში. გასაუბრების მიმდინარეობა შეიძლება აგრეთვე დაფიქსირდეს ვიდეოფირზე.

7. გასაუბრება ტარდება კომისიის მიერ დამტკიცებული გრაფიკის შესაბამისად.

8. გასაუბრებაზე მოხელის საპატიო მიზეზით გამოუცხადებლობის შემთხვევაში გასაუბრება გადაიდება შემდგომი სხდომისათვის.

9. გასაუბრებაზე მოხელის საპატიო მიზეზით განმეორებით გამოუცხადებლობის შემთხვევაში კომისია საკითხს განიხილავს კანონმდებლობით დადგენილი წესით, სხდომაზე განხილული და მოსმენილი არგუმენტაციის გათვალისწინებით.

10. არასაპატიო მიზეზით გასაუბრებაზე გამოუცხადებლობის შემთხვევაში მოხელე კომისიის გადაწყვეტილებით იღებს უარყოფით შეფასებას.

მუხლი 34. კომისიის მიერ კანდიდატთა და მოხელეთა შეფასება

1. გასაუბრების შემდეგ კომისია ახდენს კანდიდატის ან მოხელის შეფასებას მის დაუსწრებლად.

2. პროფესიული ტესტირების შედეგი გამოიხატება ტესტირებისას დაგროვებული ქულების რაოდენობით.

3. მოხელის პროფესიული ჩვევების, შესაძლებლობებისა და პიროვნული თვისებების შეფასება ხდება გამოყენებული მეთოდიკის მიხედვით.

4. კონკურსის ჩატარებისას, გასაუბრების შედეგების მიხედვით კომისიის თითოეული წევრი კანდიდატს აფასებს 20 ბალიანი სისტემით, რის შემდეგაც ხდება საშუალო ქულის გამოთვლა, რომელიც მიენიჭება ამ კანდიდატს.”

5. ორეტაპიანი ატესტაციის (პროფესიული ტესტირებით) ჩატარებისას, გასაუბრების შედეგების მიხედვით, კომისიის თითოეული წევრი მოხელეს აფასებს 5-ბალიანი სისტემით, რის შემდეგაც ხდება საშუალო ქულის გამოთვლა, რომელიც მიენიჭება მოხელეს.

6. ერთეტაპიანი ატესტაციის (პროფესიული ტესტირების გარეშე) ჩატარებისას, კომისიის თითოეული წევრი მოხელეს აფასებს 10-ბალიანი სისტემით, რის შემდეგაც ხდება საშუალო ქულის გამოთვლა, რომელიც მიენიჭება მოხელეს. 10-ბალიანი სისტემა შედგება შემდეგი კომპონენტების ჯამით:

ა) მოხელის პროფესიული ცოდნის დონის შეფასება – მაქსიმუმ 5 ქულა;

ბ) მოხელის მიერ სამსახურებრივი მოვალეობების შესრულების ხარისხის და პროფესიული ცოდნის და კვალიფიკაციის რეალიზაციის შეფასება – მაქსიმუმ 5 ქულა.

7. კონკურსის დროს, ერთნაირი ჯამური შეფასების მიღების შემთხვევაში გაითვალისწინება შემდეგი გარემოებები:

ა) საკონკურსო ტესტირების შედეგები;

ბ) პროფესიული ჩვევები, შესაძლებლობების და პიროვნული თვისებები;

გ) საბაჟო სისტემაში მუშაობის სტაჟი;

დ) სპეციალობით მუშაობის სტაჟი;

ე) განათლება;

8. იმ ვაკანტურ თანამდებობაზე, რომელზედაც ტესტირება არ ტარდება, კანდიდატის განხილვისას შეფასება ხორციელდება მხოლოდ ამ მუხლის მე-4 პუნქტის ქულების შეჯამებით. ერთნაირი ჯამური შეფასების მიღების შემთხვევაში გაითვალისწინება ამ მუხლის მე-7 პუნქტის „ბ” „ე” ქვეპუნქტებში ჩამოთვლილი გარემოებები.

თავი VI. ვაკანტურ თანამდებობებზე კონკურსისა და მოხელეთა ატესტაციის შედეგები

მუხლი 35. კონკურსის შედეგი

1. კონკრეტულ ვაკანტურ თანამდებობაზე კონკურსში მონაწილე ყველა კანდიდატს კენჭი ეყრება ცალ-ცალკე.

2. გადაწყვეტილება მიიღება ამ დებულების მე-4 მუხლით განსაზღვრული მოთხოვნების დაცვით.

3. კონკურსში გამარჯვებულ კანდიდატებზე იწერება გადაწყვეტილება, რომელსაც ხელს აწერენ კომისიის თავმჯდომარე და კომისიის წევრები.

4. გადაწყვეტილების გამოტანიდან არა უგვიანეს ორი დღისა შედეგები უნდა ეცნობოს კანდიდატს წერილობით.

მუხლი 36. ვაკანტურ თანამდებობაზე კანდიდატურის წამოყენება

1. ვაკანტურ თანამდებობაზე დასანიშნად კომისია წამოაყენებს კანდიდატურას ან უარს ამბობს კანდიდატურის წარმოდგენაზე.

2. კონკურსის საბოლოო შედეგების შესახებ დანიშვნის უფლების მქონე პირს მოხსენდება კონკურსის ჩატარებიდან ერთი კვირის ვადაში.

3. დანიშვნის უფლების მქონე პირი, კომისიის გადაწყვეტილების გათვალისწინებით და საქართველოს კანონმდებლობით დადგენილი წესის შესაბამისად, იღებს გადაწყვეტილებს პირის ვაკანტურ თანამდებობაზე დანიშვნის თაობაზე.

4. კომისიას უფლება აქვს შესთავაზოს კანდიდატს მის განცხადებაში მითითებული ვაკანსიის განსხვავებული ვარიანტი.

მუხლი 37. (ამოღებულია)

მუხლი 38. ჩაშლილი კონკურსი

კონკურსი ითვლება ჩაშლილად, თუ მასში მონაწილეობის მისაღებად არ იქნა წარდგენილი არც ერთი განცხადება, აგრეთვე იმ შემთხვევაში, თუ კომისია უარს განაცხადებს თანამდებობაზე დასანიშნად კანდიდატის წარმოდგენაზე.

მუხლი 39. მოხელეთა ატესტაციის შეფასება და გადაწყვეტილების მიღება

1. ატესტაციის შედეგების გათვალისწინებით კო-მისია იღებს ერთ-ერთ შემდეგ გადაწყვეტილებას:

ა) შეეფერება დაკავებულ თანამდებობას;

ბ) არ შეეფერება დაკავებულ თანამდებობას და ექვემდებარება დაქვეითებას;

გ) უნდა გათავისუფლდეს დაკავებული თანამდებობიდან;

დ) იმსახურებს თანამდებობრივ დაწინაურებას;

ე) სასურველია სხვა თანამდებობაზე გადაყვანა.

2. ტესტირებისას მოხელის მიერ მიღებული უარყოფითი შედეგი კომისიისათვის წარმოადგენს ამ მუხლის 1-ლი პუნქტის „გ” ქვეპუნქტში აღნიშნული გადაწყვეტილების მიღების საფუძველს.

3. გადაწყვეტილება მიიღება კომისიის რეგლამენტით გათვალისწინებული წესით.

4. გადაწყვეტილება მიღებულ უნდა იქნეს პერსონალურად ყველა მოხელეზე მოტივირებული დასკვნის სახით და შეიტანება საატესტაციო ფურცელში.

5. ატესტაციის შედეგების შესახებ მოხელეს ეცნობება გადაწყვეტილების მიღების შემდეგ 2 დღის ვადაში.

მუხლი 40. ატესტაციის შედეგები

1. ატესტაციის შედეგები დაწესებულების ხელმძღვანელს მოხსენდება ატესტაციის ჩატარებიდან ერთი კვირის ვადაში.

2. დაწესებულების ხელმძღვანელი კომისიის რეკომენდაციის შესაბამისად იღებს გადაწყვეტილებას მოხელის დაკავებულ თანამდებობაზე დატოვების, დაწინაურების, ჩამოქვეითების ან გათავისუფლების შესახებ.

3. მოხელეს ატესტაციის ჩატარებამდე ერთი თვით ადრე უნდა ეცნობოს არადამაკმაყოფილებელი შედეგის გამო სამსახურიდან მისი მოსალოდნელი გათავისუფლების შესახებ.

მუხლი 41. დავები ატესტაციასთან დაკავშირებით

1. ატესტაციასთან დაკავშირებით წარმოშობილი დავები წყდება საქართველოს კანონმდებლობის შესაბამისად.

თავი VII. საჯარო მოხელეთა რეზერვი

მუხლი 42. საჯარო მოხელეთა რეზერვთან დაკავშირებულ საკითხთა რეგულირება

საჯარო მოხელეთა რეზერვში ჩარიცხვა, რეზერვში ჩარიცხულ მოხელეთა აღრიცხვა, მათი სამართლებრივი სტატუსი, უფლებამოვალეობები და თანამდებობაზე დანიშვნა ხორციელდება „საჯარო სამსახურის შესახებ” საქართველოს კანონის 113-120-ე მუხლებით დადგენილი წესით.

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საქართველოს ფინანსთა სამინისტროს საბაჟო დეპარტამენტის საჯარო მოხელეთა კონკურსისა და ატესტაციის ჩატარების დებულების დამტკიცების” შესახებ, №409, 17.12.2002, სარეგისტრაციო კოდი 200280000.11(1).170.005610 (კონსოლიდირებული რედაქცია 14.04.2005). ხელმისაწვდომია: https://legali.ge/law/1369204-2/

შემდგომი ცვლილებები (2)

წინა ცვლილებები (2)

დოკუმენტის ტექსტი

მუხლი 11. მოთხოვნები, რომლებიც წაეყენება კონკურსში მონაწილეობის მისაღებად წაყენებულ მოხელის კანდიდატს🔗

მუხლი 14. ატესტაციის მიზანი🔗

მუხლი 15. ატესტაციას დაქვემდებარებული პირი🔗

მუხლი 17. ატესტაციის ჩატარების წესი🔗

მუხლი 18. საკონკურსო-საატესტაციო ტესტირება🔗

მუხლი 19. საკონკურსო-საატესტაციო ტესტირების პროგრამა🔗

მუხლი 20. საკონკურსო-საატესტაციო ტესტის მომზადება🔗

მუხლი 21. საკონკურსო-საატესტაციო ტესტი🔗

მუხლი 22. ტესტირების დრო🔗

მუხლი 23. ტესტის დარიგების წესი🔗

მუხლი 24. სავალდებულო ინსტრუქტაჟი ტესტირების დაწყებამდე🔗

მუხლი 25. საკანონმდებლო და სხვა დამხმარე მასალის გამოყენების აკრძალვა🔗

მუხლი 26. ტესტირებაზე გამოცხადების დრო🔗

მუხლი 28. ტესტირებისას დარბაზში ადგილის დაკავების წესი🔗

მუხლი 29. ტესტირებისას დარბაზში შესვლის უფლება🔗

მუხლი 32. ტესტების შეფასება🔗

მუხლი 33. გასაუბრება🔗

მუხლი 34. კომისიის მიერ კანდიდატურების განხილვა🔗

მუხლი 1. გამოყენების სფერო🔗

მუხლი 2. საკონკურსო-საატესტაციო კომისიის შემადგენლობა🔗

მუხლი 4. კომისიის მიზანი🔗

მუხლი 5. კომისიის რეგლამენტი🔗

მუხლი 6. კომისიის სპეციალიზებული შემადგენლობა🔗

მუხლი 7. საპრეტენზიო კომისია🔗

მუხლი 8. კონკურსის მიზანი🔗

მუხლი 9. კონკურსის გამოცხადება🔗

მუხლი 10. კომისიის სამდივნო🔗

მუხლი 11. მოთხოვნები, რომლებიც წაეყენება კონკურსში მონაწილე კანდიდატს მოხელის თანამდებობაზე🔗

მუხლი 12. კონკურსისათვის წარსადგენი საბუთები🔗

მუხლი 13. კანდიდატის უფლება, შეცვალოს განცხადებაში მითითებული საკონკურსო ადგილი🔗

მუხლი 14. ატესტაციის მიზანი🔗

მუხლი 15. ატესტაციას დაქვემდებარებული პირი🔗

მუხლი 16. ატესტაციის დრო🔗

მუხლი 17. ატესტაციის ჩატარების წესი🔗

მუხლი 18. საკონკურსო-საატესტაციო ტესტირება🔗

მუხლი 19. საკონკურსო-საატესტაციო ტესტირებისა და გასაუბრების თემატიკა🔗

მუხლი 20. საკონკურსო-საატესტაციო ტესტის მომზადება🔗

მუხლი 21. (ამოღებულია)🔗

მუხლი 22. (ამოღებულია)🔗

მუხლი 23. (ამოღებულია)🔗

მუხლი 24. (ამოღებულია)🔗

მუხლი 25. (ამოღებულია)🔗

მუხლი 26. (ამოღებულია)🔗

მუხლი 27. ტესტირებაზე გამოუცხადებლობის შედეგები🔗

მუხლი 28. (ამოღებულია)🔗

მუხლი 29. (ამოღებულია)🔗

მუხლი 30. საჯაროობა ტესტირების ჩატარებისას🔗

მუხლი 31. ტესტების შემოწმება🔗

მუხლი 32. (ამოღებულია)🔗

მუხლი 33. გასაუბრება🔗

მუხლი 34. კომისიის მიერ კანდიდატთა და მოხელეთა შეფასება🔗

მუხლი 35. კონკურსის შედეგი🔗

მუხლი 36. ვაკანტურ თანამდებობაზე კანდიდატურის წამოყენება🔗

მუხლი 37. (ამოღებულია)🔗

მუხლი 38. ჩაშლილი კონკურსი🔗

მუხლი 39. მოხელეთა ატესტაციის შეფასება და გადაწყვეტილების მიღება🔗

მუხლი 40. ატესტაციის შედეგები🔗

მუხლი 41. დავები ატესტაციასთან დაკავშირებით🔗

მუხლი 42. საჯარო მოხელეთა რეზერვთან დაკავშირებულ საკითხთა რეგულირება🔗

როგორ დავიმოწმოთ