საქართველოს სოფლის მეურნეობის სამინისტროს მელიორაციისა და მიწის მართვის დეპარტამენეტის დებულების დამტკიცების შესახებ

საქართველოს სოფლის მეურნეობის მინისტრის

ბრძანება №2- 51

2012 წლის 27 მარტი

ქ. თბილისი

საქართველოს სოფლის მეურნეობის სამინისტროს მელიორაციის პოლიტიკის დეპარტამენტის დებულების დამტკიცების შესახებ

 „საქართველოს სოფლის მეურნეობის სამინისტროს დებულების დამტკიცების შესახებ“ საქართველოს მთვრობის 2009 წლის 18 თებერვლის №26 დადგენილებით დამტკიცებული დებულების მე-5 მუხლის პირველი პუნქტის „ვ“ ქვეპუნქტისა და მე -7 მუხლის პირველი პუნქტის „ი“ ქვეპუნქტის საფუძველზე, ვბრძანებ:

1. დამტკიცდეს საქართველოს სოფლის მეურნეობის სამინისტროს მელიორაციის პოლიტიკის დეპარტამენტის თანდართული დებულება.

2. ეს ბრძანება ამოქმედდეს გამოქვეყნებისთანავე.

ზ . გოროზია

საქართველოს სოფლის მეურნეობის სამინისტროს მელიორაციის პოლიტიკის დეპარტამენტის დებულება

    მუხლი 1. ზოგადი დებულებანი

1. საქართველოს სოფლის მეურნეობის სამინისტროს (შემდეგომში – სამინისტრო) მელიორაციის პოლიტიკის დეპარტამენტი (შემდეგომში – დეპარტამენტი) წარმოადგენს სამინისტროს ცენტრალური აპარატის სტრუქტურულ ქვედანაყოფს.

2. დეპარტამენტი, რომელიც შექმნილია სამინისტროს საქმიანობის ეფექტურად წარმართვის მიზნით, თავის საქმიანობაში ხელმძღვანელობს საქართველოს კონსტიტუციით, საქართველოს საერთაშორისო ხელშეკრულებებითა და შეთანხმებებით, საქართველოს საკანონმდებლო და კანონქვემდებარე ნორმატიული აქტებით და წინამდებარე დებულებით.

    მუხლი 2. დეპარტამენტის ძირითადი ფუნქციები და ამოცანები

დეპარტამენტის ძირითადი ფუნქციები და ამოცანებია:

ა) მელიორაციის სფეროში განვითარების ერთიანი სახელმწიფო პოლიტიკის შემუშავება და მისი შესრულების კონტროლი;

ბ) სარწყავი სისტემის ქვეშ მყოფ სარწყავ მიწებსა და მიმდებარე მიწებზე დაკვირვება, მათი აღრიცხვა და მონაცემთა ერთიანი ბაზის შექმნა მიწის, მიწის კონსოლიდაცია, ნიადაგის ხარისხობრივი შეფასება, მისი მდგომარეობის აღრიცხვა და ერთიანი ბანკის შექმნა;

გ) მიწის რაციონალურად გამოყენების, ნიადაგის კონსერვაციისა და ნაყოფიერების აღდგენა-გაუმჯობესების სახელმწიფო ზედამხედველობა და მისი შენარჩუნების ორგანიზება .

    მუხლი 3. დეპარტამენტის საქმიანობის რეგულირება

1. დეპარტამენტს ხელმძღვანელობს დეპარტამენტის უფროსი, რომელსაც თანამდებობაზე ნიშნავს და ათავისუფლებს საქართველოს სოფლის მეურნეობის მინისტრი (შემდგომში –მინისტრი).

2. დეპარტამენტის უფროსი ანგარიშვალდებულია მინისტრისა და მინისტრის მოადგილეების წინაშე.

3. დეპარტამენტის უფროსი:

ა) ასრულებს საქართველოს საკანონმდებლო და კანონქვემდებარე ნორმატიული აქტებით დაწესებულ მოთხოვნებს;

ბ) ზედამხედველობს დეპარტამენტის თანამშრომელთა მიერ სამსახურებრივი მოვალ ე ობის შესრულებას;

გ) აკონტროლებს დეპარტამენტის საქმისწარმოებას;

დ) ზედამხედველობს და ანაწილებს ფუნქციებს დეპარტამენტის თანამშრომლებს შორის და აძლევს მათ დავალებებს;

ე) მონაწილეობს თანამშრომელთა თანამდებობრივი ინსტრუქციების შემუშავებაში;

ვ) კოორდინაციას უწევს დეპარტამენტის მიმდინარე დავალებების, მათ შორის, მინისტრის ზეპირი მითითებების შესრულებას და დეპარტამენტის სტრუქტურულ ქვედანაყოფებს შორის, კომპეტენციის ფარგლებში, ანაწილებს ამ დავალებებს;

ზ) შუამდგომლობს ხელმძღვანელობის წინაშე იმ საჭიროებების შესახებ, რომელიც აუცილებელია დეპარტამენტის ამოცანების შესრულებისათვის;

თ) წარუდგენს სამინისტროს ხელმძღვანელობას წინადადებებს დეპარტამენტის მუშაობის ორგანიზაციის, დეპარტამენტის თანამშრომლების წახალისების ან დისციპლინარული პასუხისმგებლობის თაობაზე, აგრეთვე წარადგენს წინადადებებს დეპარტამენტის თანამშრომელთა კვალიფიკაციის ამაღლების შესახებ;

ი) პერიოდულად ისმენს დეპარტამენტში შემავალი სამმართველოების უფროსების ანგარიშს მათ კომპეტენციას მიკუთვნებულ საკითხებზე.

4. დეპარტამენტის უფროსს ჰ ყავს მოადგილე, რომელსაც თანამდებობაზე ნიშნავს და თანამდებობიდან ათავისუფლებს მინისტრი.

5. დეპარტამენტის უფროსის მოადგილე:

ა) ხელმძღვანელობს დეპარტამენტის საქმიანობას თავისი კომპეტენციის ფარგლებში და ასრულებს დეპარტამენტის უფროსის დავალებებს, რომელიც გამომდინარეობს სამინისტროს საქმიანობის მიზნებიდან;

 ბ) დეპარტამენტის უფროსის მიერ უფლებამოსილებათა განხორციელების შეუძლებლობის ან მისი არყოფნის შემთხვევაში ასრულებს დეპარტამენტის უფროსის მოვალეობას;

გ) პასუხისმგებელია მინისტრის და მინისტრის მოადგილეებისა და დეპარტამენტის უფროსის წინაშე;

დ) მონაწილეობს დეპარტამენტში შემოსული კორესპონდენციის განაწილებაში;

ე) ზედამხედველობას უწევს დეპარტამენტის მოხელეთა მიერ სამსახურებრივი მოვალეობების შესრულებას;

ვ) მინისტრის და მინისტრის მოადგილეებისა და დეპარტამენტის უფროსის დავალებით ახორციელებს სხვა უფლებამოსილებებს.

6. დეპარტამენტში შემავალ სამმართველოებს ხელმძღვანელობს სამმართველოს უფროსი, რომელსაც კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი.

7. სამმართველოს უფროსი:

ა) სამმართველოს უფლებამოსილების ფარგლებში წარმართავს სამმართველოს საქმიანობას;

ბ) ორგანიზაციას უწევს სამმართველოს მუშაობას, ანაწილებს ფუნქციებს თანამშრომლებს შორის და პასუხისმგებელია სამმართველოს მუშაობაზე;

გ) ახორციელებს ზედამხედველობას სამმართველოს მოსამსახურეთა მიერ სამსახურებრივი მოვალეობების შესრულებაზე;

დ) ანაწილებს სამმართველოში შემოსულ კორესპონდენციებს მოხელეთა შორის და აკონტროლებს მათ შესრულებას;

ე) ეცნობა და ვიზირებას უკეთებს სამმართველოში მომზადებულ მასალებს;

ვ) კომპეტენციის ფარგლებში უზრუნველყოფს სამინისტროს ხელმძღვანელობის დავალებათა დროულ, კვალიფიციურ და ეფექტურ შესრულებასა და საქმისწარმოების დადგენილი წესების დაცვას;

ზ) მოთხოვნის შემთხვევაში ანგარიშს წარუდგენს დეპარტამენტის ხელმძღვანელობას სამმართველოს მიერ გაწეული მუშაობის თაობაზე;

თ) წარუდგენს წინადადებებს დეპარტამენტის ხელმძღვანელს სამმართველოს თანამშრომელთა დანიშვნის, გათავისუფლების, დისციპლინური პასუხისმგებლობის ან წახალისების შესახებ;

ი) ახორციელებს მინისტრის, მინისტრის მოადგილის, დეპარტამენტის უფროსისა და დეპარატმენტის უფროსის მოადგილის ცალკეულ დავალებებს.

8. სამმართველოს უფროსის მოადგილე:

ა) ანგარიშვალდებულია სამმართველოს უფროსის წინაშე, ათანხმებს მასთან საკუთარ გადაწყვეტილებებს სამმართველოს მუშაობის წარმართვის თაობაზე;

ბ) ასრულებს სამმართველოს უფროსის უშუალო დავალებებს, რომელიც გამომდინარეობს სამინისტროს საქმიანობის მიზნებიდან;

გ) ასრულებს სამმართველოს უფროსის მოვალეობებს მის მიერ უფლებამოსილებათა განხორციელების შეუძლებლობის ან მისი არყოფნის შემთხვევაში.

9. დეპარტამენტში შემავალი სამმართველოს უფროსები ანგარიშვალდებულნი არიან დეპარტამენტის ხელმძღვანელობის წინაშე.

    მუხლი 4. დეპარტამენტის სტრუქტურული ქვედანაყოფები:

დეპარტამენტის სტრუქტურული ქვედანაყოფებია:

ა) მელიორაციის სამმართველო;                                           

ბ) მიწის მართვისა და აღრიცხვის სამმართველო.

    მუხლი 5. მელიორაციის პოლიტიკის დეპარტამენტის სტრუქტურული ქვედანაყოფების კომპეტენციები

1. მელიორაციის სამმართველოს კომპეტენციას განეკუთვნება:

ა) მიწების მელიორაციის სფეროში სამელიორაციო პოლიტიკის შემუშავება;

ბ) მიწების მელიორაციის სფეროში სხვადასხვა სახელმწიფო ორგანოების მიერ განხორციელებული სამუშაოების კოორდინაცია;

გ) მელიორაციის დარგში სახელმწიფო პოლიტიკის შესამუშავებლად, სხვადასხვა სამთავრობო და უწყებრივი (სამინისტროს კომპეტენციის ფარგლებში) გადაწყვეტილებების მისაღებად და შესაფასებლად საჭირო ინფორმაციის მიღება, სისტემატიზირება და დამუშავება;

დ) უფლებამოსილების ფარგლებში სამართლებრივი აქტების პროექტების შემუშავებაში მონაწილეობა;

ე) ქვეყნის ან ცალკეული რეგიონების მასშტაბით პრიორიტეტულად გასატარებელი სამელიორაციო ღონისძიებების განსაზღვრა;

ვ) სახელმწიფო ბიუჯეტით ან სხვადასხვა საერთაშორისო ორგანიზაციებიდან სახელმწიფოს მიერ მოზიდული სახსრებით განსახორციელებელი პრიორიტეტული სამელიორაციო სისტემებისა და ცალკეული ობიექტების განსაზღვრა, კომპეტენციის ფარგლებში საინვესტიციო პროექტების მომზადებაში მონაწილეობის მიღება;

ზ) სხვადასხვა ორგანიზაციების მიერ მელიორაციის დარგში განხორციელებული და განსახორციელებელი პროექტებისა და სხვა ღონისძიებების კოორდინაცია და ზედამხედველობა თავისი კომპეტენციის ფარგლებში;

თ) უფლებამოსილების ფარგლებში სამინისტროს სამუშაო ჯგუფების საქმიანობაში მონაწილეობის მიღება;

ი) სამმართველოში შემოსულ კორესპონდენციების განხილვა და შესაბამისი რეაგირება სამინისტროს ხელმძღვანელობის რეზოლუციების შესაბამისად;

კ) სამინისტროს ხელმძღვანელობისათვის, დაკისრებულ მოვალეობათა შესრულების შესახებ პერიოდული ანგარიშების წარდგენა;

ლ) სამინისტროს სტრუქტურული ქვედანაყოფებიდან და სამინისტროს სისტემაში

შემავალი დაწესებულებებისაგან სამმართველოს კომპეტენციას მიკუთვნებული ნებისმიერი სახის ინფორმაციის და მონაცემების მოთხოვნა;

მ) მოქმედი კანონმდებლობით დადგენილ ფარგლებში, დაკისრებული ფუნქციებისა და ამოცანების შესრულების მიზნით სხვა უფლებამოსილებების განხორციელება.

2. მიწის მართვისა და აღრიცხვის სამმართველოს კომპეტენციას განეკუთვნება:

ა) საქართველოს ნიადაგის ხარისხობრივი მახასიათებლების (ნიადაგის ატლასების) ერთიანი საინფორმაციო ბანკის შექმნა, განახლება;

ბ) საქართველოს ნიადაგების ხარისხობრივი მახასიათებლების ერთიანი საინფორმაციო ბანკის საფუძველზე მიზნობრივი თემატური რუკების შედგენა და დაინტერესებულ პირთა საინფორმაციო-საკონსულტაციო მომსახურება;

გ) ნიადაგის ნაყოფიერების აღდგენა-გაუმჯობესებისა და მისი შენარჩუნებისათვის საჭირო რეკომენდაციებისა და წინადადებების მომზადება;

დ) ნიადაგის ეროზიის საწინააღმდეგო ღონისძიებების შემუშავება-დანერგვის ხელშეწყობა;

ე) ნიადაგის დაცვის პროგრამების შემუშავების და ნიადგების კონსერვაციისა და ნაყოფიერების აღდგენა-გაუმჯობესების სფეროში საერთაშორისო ორგანიზაციებთან თანამშრომლობა;

ვ) ნიადაგურ-კლიმატური პირობების შესაბამის სასოფლო-სამეურნეო კულტურათა სწორი განლაგებისათვის რეკომენდაციების გაცემა;

ზ) რეგიონების მიხედვით სასოფლო-სამეურნეო სავარგულების აღრიცხვა;

თ) მიწის კონსოლიდაციის და რაციონალურად გამოყენების მიზნით წინდადებებისა და რეკომენდაციების მომზადება;

ი) უფლებამოსილების ფარგლებში ნორმატიული აქტების პროექტების შემუშავებაში მონაწილეობა;

კ) კანონმდებლობით განსაზღვრული სხვა უფლებამოსილებათა განხორციელება.

Annotate