საჯარო სამართლის იურიდიული პირის – საქართველოს შინაგან საქმეთა სამინისტროს აკადემიის წესდების დამტკიცების შესახებ

✨ ჰკითხე AI-ს ამ კანონის შესახებ

საქართველოს მინისტრის ბრძანება ძალადაკარგული მუნიციპალური ქონება

მიღების თარიღი

24.12.2013 ძალადაკარგული 27.02.2026

გამომცემი ორგანო

საქართველოს შინაგან საქმეთა მინისტრი

ნომერი

№975

სარეგისტრაციო კოდი

040030000.22.034.016238

გამოქვეყნების წყარო

matsne.gov.ge , 24/12/2013

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

ცვლილებები (25)

შემდგომი ცვლილებები (1)

საქართველოს შინაგან საქმეთა სამინისტროს მმართველობის სფეროში მოქმედი საჯარო სამართლის იურიდიული პირის – საზოგადოებრივი უსაფრთხოებისა და პოლიციის აკადემიის წესდების დამტკიცების შესახებ

27.02.2026

წინა ცვლილებები (24)

„საჯარო სამართლის იურიდიული პირის – საქართველოს შინაგან საქმეთა სამინისტროს აკადემიის წესდების დამტკიცების შესახებ“ საქართველოს შინაგან საქმეთა მინისტრის 2013 წლის 24 დეკემბრის №975 ბრძანებაში ცვლილების შეტანის თაობაზე

28.11.2025

30.01.2025

21.06.2024

19.09.2023

30.12.2022

15.10.2021

06.05.2020

31.01.2020

27.12.2019

27.03.2019

31.10.2018

„საჯარო სამართლის იურიდიული პირის – საქართველოს შინაგან საქმეთა სამინისტროს აკადემიის წესდების დამტკიცების შესახებ“ შინაგან საქმეთა მინისტრის 2013 წლის 24 დეკემბრის №975 ბრძანებაში ცვლილების შეტანის შესახებ

02.04.2018

18.01.2018

30.05.2017

01.02.2017

30.12.2016

11.05.2016

15.02.2016

23.10.2015

13.07.2015

„საჯარო სამართლის იურიდიული პირის – საქართველოს შინაგან საქმეთა სამინისტროს აკადემიის წესდების დამტკიცების შესახებ“ საქართველოს შინაგან საქმეთა მინისტრის 2013 წლის 24 დეკემბრის N975 ბრძანებაში ცვლილების შეტანის თაობაზე

03.10.2014

28.04.2014

28.03.2014

27.01.2014

დოკუმენტის ტექსტი

⇄ რედაქციების შედარება

საქართველოს შინაგან საქმეთა მინისტრის

ბრძანება №975

2013 წლის 24 დეკემბერი

ქ. თბილისი

საჯარო სამართლის იურიდიული პირის – საქართველოს შინაგან საქმეთა სამინისტროს აკადემიის წესდების დამტკიცების შესახებ

„საქართველოს შინაგან საქმეთა სამინისტროს დებულების დამტკიცების შესახებ“ საქართველოს მთავრობის 2013 წლის 13 დეკემბრის №337 დადგენილებით დამტკიცებული დებულების მე-5 მუხლის მე-2 პუნქტის „ა“, „ნ“ და „ფ.ბ“ ქვეპუნქტების საფუძველზე, ვბრძანებ:

საქართველოს შინაგან საქმეთა მინისტრის 2015 წლის 23 ოქტომბრის ბრძანება №805 - ვებგვერდი, 26.10.2015წ.

საქართველოს შინაგან საქმეთა მინისტრის 2018 წლის 31 ოქტომბრის ბრძანება №122 - ვებგვერდი, 31.10.2018წ.

მუხლი 1

დამტკიცდეს საჯარო სამართლის იურიდიული პირის – საქართველოს შინაგან საქმეთა სამინისტროს აკადემიის თანდართული წესდება.

მუხლი 2

„საჯარო სამართლის იურიდიული პირის – საქართველოს შინაგან საქმეთა სამინისტროს აკადემიის დებულების დამტკიცების თაობაზე“ საქართველოს შინაგან საქმეთა მინისტრის 2007 წლის 20 ივლისის №1007 ბრძანება ძალადაკარგულად გამოცხადდეს 2014 წლის 1 იანვრიდან.

მუხლი 3

ბრძანება, გარდა ბრძანებით დამტკიცებული წესდების მე-6, მე-7, მე-8, მე-9 და 22-ე მუხლებისა, ამოქმედდეს 2014 წლის 1 იანვრიდან.

მუხლი 4

ბრძანებით დამტკიცებული წესდების მე-6, მე-7, მე-8, მე-9 და 22-ე მუხლები ამოქმედდეს გამოქვეყნებისთანავე.

შინაგან საქმეთა მინისტრი ალექსანდრე ჭიკაიძე

დანართი

საჯარო სამართლის იურიდიული პირის - საქართველოს შინაგან საქმეთა სამინისტროს აკადემიის წესდება

თავი I
ზოგადი დებულებები

მუხლი 1. რეგულირების სფერო

წინამდებარე წესდება განსაზღვრავს საჯარო სამართლის იურიდიული პირის საქართველოს შინაგან საქმეთა სამინისტროს აკადემიის (შემდგომში – აკადემია) სტატუსს, მისიას, მიზნებსა და ამოცანებს, საქმიანობის ძირითად მიმართულებებს, სტრუქტურას, მართვისა და დაფინანსების პრინციპებსა და წესებს, ასევე აკადემიის ფუნქციონირებასთან დაკავშირებულ სხვა საკითხებს.

მუხლი 2. აკადემიის სტატუსი

1. აკადემია არის საჯარო სამართლის იურიდიული პირი – სპეციალური პროფესიული საგანმანათლებლო და საარქივო დაწესებულება.

2. აკადემიას, როგორც საჯარო სამართლის იურიდიულ პირს, უფლება აქვს განახორციელოს მხოლოდ ის საქმიანობა, რომელიც განსაზღვრულია საქართველოს მოქმედი კანონმდებლობით და ამ წესდებით.

3. აკადემიას დასახული მიზნებისა და დაკისრებული ფუნქციების განსახორციელებლად აქვს სპეციალური უფლებაუნარიანობა. იგი საკუთარი სახელით იძენს უფლებებსა და მოვალეობებს და გამოდის მესამე პირებთან ურთიერთობებში, დებს გარიგებებს და შეუძლია სასამართლოში გამოვიდეს მოსარჩელედ ან მოპასუხედ.

4. აკადემია საქმიანობას ახორციელებს საქართველოს კონსტიტუციის, საერთაშორისო ხელშეკრულებებისა და შეთანხმებების, „სპეციალური პროფესიული განათლების შესახებ“, „პოლიციის შესახებ“, „საჯარო სამართლის იურიდიული პირის შესახებ“ საქართველოს კანონების, ამ წესდებისა და სხვა სამართლებრივი აქტების შესაბამისად.

5. აკადემიის სრული სახელწოდებაა „საჯარო სამართლის იურიდიული პირი – საქართველოს შინაგან საქმეთა სამინისტროს აკადემია”, შემოკლებით – „სსიპ – საქართველოს შსს აკადემია“.

6. აკადემიის იურიდიული მისამართია: საქართველო, თბილისი, 0178, გმირი კურსანტების ქ.№4.

7. აკადემიას აქვს დამოუკიდებელი ბალანსი, ბეჭედი და შტამპი საკუთარი დასახელებით, საანგარიშსწორებო და სხვა ანგარიშები საბანკო დაწესებულებებში, ასევე იურიდიული პირისათვის დამახასიათებელი სხვა რეკვიზიტები.

8. საქართველოს შინაგან საქმეთა სამინისტროს (შემდგომში – სამინისტრო) თანხმობით, აკადემია უფლებამოსილია საქართველოს კანონმდებლობით დადგენილი წესით დააფუძნოს კერძო სამართლის არასამეწარმეო (არაკომერციული) იურიდიული პირი.

9. დაწესდეს აკადემიის დღე და აღინიშნოს ყოველი წლის 3 ივნისს.

საქართველოს შინაგან საქმეთა მინისტრის 2016 წლის 15 თებერვლის ბრძანება №51 - ვებგვერდი, 16.02.2016 წ.

საქართველოს შინაგან საქმეთა მინისტრის 2017 წლის 30 მაისის ბრძანება №279 - ვებგვერდი, 30.05.2017წ.

საქართველოს შინაგან საქმეთა მინისტრის 2019 წლის 27 მარტის ბრძანება №22 - ვებგვერდი, 28.03.2019წ.

საქართველოს შინაგან საქმეთა მინისტრის 2019 წლის 27 დეკემბრის ბრძანება №109 - ვებგვერდი, 30.12.2019წ.

საქართველოს შინაგან საქმეთა მინისტრის 2022 წლის 30 დეკემბრის ბრძანება №142 - ვებგვერდი, 30.12.2022წ.

მუხლი 3. აკადემიის მისია

აკადემიის მისიაა პროფესიონალი კადრებისა და თანამედროვე სტანდარტებზე მორგებული სასწავლო პროგრამების მეშვეობით უზრუნველყოს საზოგადოებაზე ორიენტირებული მაღალკვალიფიციური საპოლიციო კადრების მომზადება.

საქართველოს შინაგან საქმეთა მინისტრის 2014 წლის 3 ოქტომბრის ბრძანება №761 - ვებგვერდი, 07.10.2014წ.

საქართველოს შინაგან საქმეთა მინისტრის 2016 წლის 30 დეკემბრის ბრძანება №764 - ვებგვერდი, 30.12.2016წ.

მუხლი 4. აკადემიის მიზნები და ამოცანები

1. აკადემიის მიზნები და ამოცანები ემსახურება აკადემიის მისიის აღსრულებას.

2. აკადემიის მიზნები და ამოცანებია:

ა) საზოგადოებრივი უსაფრთხოებისა და მართლწესრიგის დაცვის ფუნქციის განმახორციელებელი ორგანოებისათვის მაღალკვალიფიციური კადრების მომზადება;

ბ) (ამოღებულია - 27.12.2019, №109);

გ) საჯარო და კერძო სექტორისათვის მაღალკვალიფიციური კადრების მომზადება;

დ) მსმენელთა პატრიოტული, ინტელექტუალური, კულტურული, ფიზიკური და ზნეობრივი აღზრდა;

ე) (ამოღებულია - 31.10.2018, №122);

ვ) მსმენელის განვითარებაზე ორიენტირებული გარემოს შექმნა;

ზ) სწავლისა და სწავლების მაღალი ხარისხის უზრუნველყოფა;

თ) აკადემიაში განათლებისათვის აუცილებელი პირობების შექმნა;

ი) აკადემიის მიზნების განხორციელებისათვის მატერიალურ-ტექნიკური უზრუნველყოფა;

კ) მისიის აღსრულებისათვის ხელშემწყობი სხვა მიზნები და ამოცანები.

3. თავისი მიზნებისა და ამოცანების შესასრულებლად აკადემია:

ა) (ამოღებულია - 31.10.2018, №122);

ბ) (ამოღებულია - 31.10.2018, №122);

გ) ზრუნავს თავისი პერსონალის პროფესიულ განვითარებაზე;

დ) (ამოღებულია - 31.10.2018, №122);

ე) ხელს უწყობს თანამედროვე ცოდნისა და ტექნოლოგიების გავრცელებას;

ვ) (ამოღებულია - 31.10.2018, №122);

ზ) ახორციელებს სპეციალურ პროფესიულ საგანმანათლებლო საქმიანობას სხვადასხვა სასწავლო პროგრამის/კურსის საშუალებით და გასცემს შესაბამის სერტიფიკატს;

თ) პროფესიული განვითარებისათვის, სპეციალური პროფესიული ცოდნის შეძენისა და უნარ-ჩვევების გამომუშავების და დახვეწის მიზნით, „სპეციალური პროფესიული განათლების შესახებ“ საქართველოს კანონის შესაბამისად ახორციელებს მომზადების, გადამზადებისა და კვალიფიკაციის ამაღლების პროგრამებით სწავლებას;

თ¹) ახორციელებს სასწავლო ტრენინგებს და გასცემს შესაბამის სერტიფიკატს;

ი) უზრუნველყოფს სამინისტროს პერსონალის პროფესიული განვითარების მიზნით შესაბამისი სასწავლო ღონისძიებების განხორციელებას;

კ) ქმნის მსმენელებისათვის სწავლის, კვლევისა და თვითგანვითარებისათვის მაქსიმალურად მიმზიდველ გარემოს;

ლ) ახორციელებს თავის მიერ დაფუძნებული კერძო სამართლის არასამეწარმეო (არაკომერციული) იურიდიული პირის ფუნქციონირებისა და განვითარებისათვის ხელშეწყობას;

მ) თანამშრომლობს საჯარო და კერძო სექტორის წარმომადგენლებთან, აკადემიურ საზოგადოებასთან, აგრეთვე, საერთაშორისო და პარტნიორი ქვეყნების ორგანიზაციებთან;

ნ) (ამოღებულია - 31.10.2018, №122);

ო) შეიმუშავებს პროექტებს და წარუდგენს საერთაშორისო დონორ ორგანიზაციებს;

პ) ახორციელებს საარქივო საქმიანობას;

ჟ) თავისი უფლებამოსილების ფარგლებში ახორციელებს სპორტულ-გამაჯანსაღებელ საქმიანობას;

ჟ¹) (ამოღებულია - 31.10.2018, №122);

ჟ²) განიხილავს ადმინისტრაციულ საჩივრებს კომპეტენციას მიკუთვნებულ საკითხებზე;

რ) ახორციელებს კანონმდებლობით გათვალისწინებულ სხვა უფლებამოსილებებს.

საქართველოს შინაგან საქმეთა მინისტრის 2017 წლის 1 თებერვლის ბრძანება №46 - ვებგვერდი, 01.02.2017წ.

საქართველოს შინაგან საქმეთა მინისტრის 2020 წლის 6 მაისის ბრძანება №53 - ვებგვერდი, 07.05.2020წ.

საქართველოს შინაგან საქმეთა მინისტრის 2025 წლის 28 ნოემბრის ბრძანება №117- ვებგვერდი, 28.11.2025წ.

მუხლი 5. საქმიანობის საგანი

აკადემიის საქმიანობის საგანია:

ა) (ამოღებულია - 31.10.2018, №122);

ბ) სპეციალური პროფესიული განათლებით სპეციალისტების მომზადება როგორც სამინისტროსათვის, ისე სხვა გასამხედროებული დაწესებულებებისათვის და აღმასრულებელი ხელისუფლების სპეციალური დანიშნულების დაწესებულებათა, ასევე პოლიციის სისტემის კადრების მომზადება, გადამზადება და მოსამსახურეთა კვალიფიკაციის ამაღლება;

ბ¹) (ამოღებულია - 31.10.2018, №122);

გ) ხელშეკრულების საფუძველზე სპეციალისტთა მოსამზადებლად შესაბამისი სასწავლო კურსების ორგანიზება ან/და ტესტირება;

დ) საარქივო საქმიანობა, თავისი კომპეტენციის ფარგლებში, საარქივო საქმისა და საქმისწარმოების დარგში, საერთაშორისო კავშირების დამყარება და განვითარება, პროფილური საერთაშორისო ორგანიზაციების საქმიანობაში მონაწილეობა;

ე) საგანმანათლებლო და სამეცნიერო-კვლევითი საქმიანობა;

ვ) საგამომცემლო საქმიანობა;

ზ) საგანმანათლებლო და სამეცნიერო-კვლევითი საქმიანობის პროცესში შექმნილი პროდუქციის რეალიზება;

თ) სამეცნიერო-კვლევითი და ლაბორატორიული საქმიანობის პროცესში შექმნილი პროდუქციის (გამოგონებისა და სასარგებლო მოდელის) წარმოება და რეალიზება;

ი) დამხმარე ხასიათის სამეწარმეო საქმიანობა ამ წესდებით გათვალისწინებულ შემთხვევაში;

ი¹) სწავლისა და სწავლების, აგრეთვე, ორგანიზაციული მართვის პროცესის მაღალი ხარისხის უზრუნველყოფა;

ი²) აკადემიაში დისციპლინური ნორმების დაცვა და სამსახურებრივი მოვალეობების ჯეროვანი შესრულების კონტროლი ;

კ) შესაბამისი კანონით, საქართველოს მთავრობის დადგენილებით ან/და ამ წესდებით გათვალისწინებული სხვა საქმიანობა, თუ შესაბამისი კანონით სხვა რამ არ არის განსაზღვრული.

საქართველოს შინაგან საქმეთა მინისტრის 201 4 წლის 28 აპრილის ბრძანება №323 - ვებგვერდი, 29. 04 .2014წ.

საქართველოს შინაგან საქმეთა მინისტრის 2015 წლის 13 ივლისის ბრძანება №504 - ვებგვერდი, 14.07.2015წ.

თავი II
აკადემიის სტრუქტურა და მართვა

მუხლი 6. აკადემიის სტრუქტურა

აკადემიის სტრუქტურა შედგება მართვის ორგანოების, ძირითადი და დამხმარე სტრუქტურული ერთეულებისაგან.

საქართველოს შინაგან საქმეთა მინისტრის 2024 წლის 21 ივნისის ბრძანება №46 - ვებგვერდი, 22.06.2024წ.

მუხლი 7. აკადემიის მართვის ორგანოები

აკადემიის მართვის ორგანოებია: რექტორი და პრორექტორ(ებ)ი.

მუხლი 8. აკადემიის სტრუქტურული ერთეულები

1. აკადემიის ძირითადი სტრუქტურული ერთეულია პროფესიული სწავლების დეპარტამენტი.

2. აკადემიის დამხმარე სტრუქტურული ერთეულებია:

ა) ადმინისტრაცია (დეპარტამენტი);

ბ) ეკონომიკური და ლოჯისტიკის დეპარტამენტი;

გ) სამინისტროს არქივი (დეპარტამენტი);

დ) განვითარების, ხარისხის უზრუნველყოფისა და საგარეო ურთიერთობების დეპარტამენტი;

ე) საინფორმაციო ტექნოლოგიების დეპარტამენტი;

ვ) მონიტორინგის დეპარტამენტი.

საქართველოს შინაგან საქმეთა მინისტრის 2020 წლის 31 იანვრის ბრძანება №6 - ვებგვერდი, 31.01.2020წ.

საქართველოს შინაგან საქმეთა მინისტრის 2023 წლის 19 სექტემბრის ბრძანება №73 - ვებგვერდი, 19.09.2023წ.

მუხლი 9. (ამოღებულია)

საქართველოს შინაგან საქმეთა მინისტრის 2018 წლის 18 იანვრის ბრძანება №3 - ვებგვერდი, 18.01.2018წ.

საქართველოს შინაგან საქმეთა მინისტრის 2018 წლის 2 აპრილის ბრძანება №47 - ვებგვერდი, 03.04.2018წ.

მუხლი 10. რექტორი

1. რექტორი არის აკადემიის მართვის უმაღლესი თანამდებობის პირი, რომელიც ხელმძღვანელობს აკადემიას და წარმოადგენს მას როგორც ქვეყნის შიგნით, ასევე მის ფარგლებს გარეთ, რისთვისაც უფლებამოსილია, კანონმდებლობით განსაზღვრული წესით, აკადემიის სახელით დადოს გარიგებები და შეთანხმებები.

2. რექტორს თანამდებობაზე ნიშნავს და თანამდებობიდან ათავისუფლებს მინისტრი.

3. რექტორი, თავისი კომპეტენციის ფარგლებში:

ა) გამოსცემს ინდივიდუალურ ადმინისტრაციულ-სამართლებრივ აქტს – ბრძანებას;

ბ) საქართველოს კანონმდებლობით დადგენილი წესის შესაბამისად, თანამდებობაზე ნიშნავს და თანამდებობიდან ათავისუფლებს, ასევე კადრების განკარგულებაში აჰყავს და კადრების განკარგულებიდან ითხოვს აკადემიის მოსამსახურეებს. განსაზღვრავს კონკურსის ჩატარების პროცედურებსა და საკონკურსო მოთხოვნებს;

გ) კურატორ მინისტრის მოადგილესთან შეთანხმებით, ამტკიცებს აკადემიაში მოქმედ მარეგულირებელ წესებს;

დ) ზედამხედველობს აკადემიის სტრუქტურული ერთეულების საქმიანობას;

ე) სამინისტროსთან შეთანხმებით ამტკიცებს აკადემიის სტრუქტურას, საშტატო განრიგს და განსაზღვრავს სახელფასო ფონდს;

ვ) წარმოადგენს აკადემიას ან უფლებას ანიჭებს აკადემიის წარმომადგენლობაზე მესამე პირებთან ურთიერთობებში, თუ კანონმდებლობით სხვა რამ არ არის გათვალისწინებული;

ზ) ადასტურებს პირადი ხელმოწერით ან ანიჭებს უფლებამოსილებას შესაბამისი დოკუმენტაციის დადასტურებაზე, გარდა კანონმდებლობით გათვალისწინებული შემთხვევებისა;

თ) კურატორ მინისტრის მოადგილესთან შეთანხმებით, რეგლამენტის/ინსტრუქციის სახით ამტკიცებს აკადემიის მოსამსახურეთა ფუნქცია-მოვალეობებს;

ი) (ამოღებულია - 31.10.2018, №122);

კ) აკადემიის წესდების პროექტს ან წესდებაში ცვლილების პროექტს დასამტკიცებლად წარუდგენს მინისტრს;

კ¹) კომპეტენციის ფარგლებში იღებს გადაწყვეტილებას ადმინისტრაციულ საჩივართან დაკავშირებით;

ლ) პროფესიული მომზადების სამმართველოს წარდგინებით ამტკიცებს სპეციალურ პროფესიულ საგანმანათლებლო პროგრამებს/სასწავლო კურსებს;“

ლ¹) პროფესიული მომზადების სამმართველოს წარდგინებით ამტკიცებს საპილოტე პროგრამებს/სასწავლო კურსებს, მათი შემდგომი დამტკიცების საჭიროების დადგენის ან არსებულ პროგრამაში/სასწავლო კურსში შემდგომი ინტეგრაციის მიზნით;

მ) კურატორ მინისტრის მოადგილესთან შეთანხმებით, ამტკიცებს აკადემიაში მსმენელად მისაღები პირებისათვის ტესტირებისა და გასაუბრების ჩატარების წესებს და განსაზღვრავს კომისიის შემადგენლობას;

მ¹) ამტკიცებს სერტიფიკატის ფორმებს და გაცემის წესს;

ნ) ახორციელებს საქართველოს კანონმდებლობით მინიჭებულ სხვა უფლებამოსილებებს.

საქართველოს შინაგან საქმეთა მინისტრის 2014 წლის 28 მარტის ბრძანება №245 - ვებგვერდი, 31.03.2014წ.

საქართველოს შინაგან საქმეთა მინისტრის 2016 წლის 11 მაისის ბრძანება №236 - ვებგვერდი, 13.05 .2016წ.

საქართველოს შინაგან საქმეთა მინისტრის 2021 წლის 15 ოქტომბრის ბრძანება №62 - ვებგვერდი, 18.10.2021წ.

მუხლი 11. წარმომადგენლობითი საბჭო

1. წარმომადგენლობითი საბჭო (შემდგომ – საბჭო) არის აკადემიის სათათბირო კოლეგიური ორგანო.

2. საბჭოს წევრები არიან: პრორექტორ(ებ)ი, პროფესიული სწავლების დეპარტამენტის უფროსი, ადმინისტრაციის (დეპარტამენტი) უფროსი, ეკონომიკური და ლოჯისტიკის დეპარტამენტის უფროსი, განვითარების, ხარისხის უზრუნველყოფისა და საგარეო ურთიერთობების დეპარტამენტის უფროსი, მონიტორინგის დეპარტამენტის უფროსი, სამართლებრივი უზრუნველყოფის სამმართველოს უფროსი და ადამიანური რესურსების მართვის სამმართველოს უფროსი.

3. საბჭოს თავმჯდომარე აირჩევა საბჭოს მიერ 2 წლის ვადით, ფარული კენჭისყრით, საბჭოს წევრების ხმათა 2/3-ის უმრავლესობით. საბჭოს თავმჯდომარეობის კანდიდატის დასახელების უფლება აქვს საბჭოს მინიმუმ 2 წევრს. თუ ვერცერთი პრეტენდენტი ვერ დააგროვებს ხმების საჭირო რაოდენობას, იმავე დღეს გაიმართება განმეორებითი კენჭისყრა საუკეთესო შედეგის მქონე ორ პრეტენდენტს შორის. თუ ამ შემთხვევაშიც ვერ აირჩევა თავმჯდომარე, 3 სამუშაო დღის ვადაში გაიმართება საბჭოს სხდომა და ხელახლა ჩატარდება თავმჯდომარის არჩევის პროცედურა. საბჭოს პირველ სხდომას იწვევს აკადემიის რექტორი, ხოლო თავმჯდომარეობს სხდომის უხუცესი წევრი.

4. საბჭოს სხდომის მდივანს, 2 წლის ვადით, საბჭოს თავმჯდომარის ან საბჭოს სრული შემადგენლობის 1/3-ის წარდგინებით ირჩევს საბჭო აკადემიის მოსამსახურეებისგან. საბჭოს მდივანი უზრუნველყოფს საბჭოს სხდომის ორგანიზაციულ და საინფორმაციო მომსახურებას.

5. საბჭო მოიწვევა საჭიროებისამებრ, საბჭოს თავმჯდომარის ან საბჭოს წევრთა არანაკლებ 1/3-ის ინიციატივით, მაგრამ წელიწადში ერთხელ მაინც. საბჭო იკრიბება მოწვევიდან მეორე სამუშაო დღეს. საბჭოს სხდომებს წარმართავს საბჭოს თავმჯდომარე. მისი არყოფნის შემთხვევაში სხდომას თავმჯდომარეობს საბჭოს უხუცესი წევრი. საბჭოს მდივანი თავმჯდომარესთან შეთანხმებით ადგენს სხდომაზე განსახილველ საკითხთა ნუსხას, რომელიც წინასწარ გადაეცემა საბჭოს წევრებს. დღის წესრიგს მიკუთვნებულ საკითხებთან ერთად მიეთითება მომხსენებელი პირი. საბჭოს თავმჯდომარე წარადგენს დღის წესრიგის პროექტს, რომელსაც საბჭო ამტკიცებს დამსწრე წევრთა ხმების უმრავლესობით. საბჭო უფლებამოსილია, სხდომის მიმდინარეობის პროცედურულ საკითხებზე გადაწყვეტილება მიიღოს ფარული კენჭისყრით, დამსწრეთა უმრავლესობით.

6. საბჭოს სხდომის გახსნამდე ხდება წევრთა რეგისტრაცია საბჭოს მდივანთან (რეგისტრაციის მონაცემები ერთვის სხდომის ოქმს და წარმოადგენს მის განუყოფელ ნაწილს). საბჭო უფლებამოსილია, თუ მას ესწრება წევრთა არანაკლებ 2/3. საბჭოს მიერ გადაწყვეტილება მიღებულად ითვლება, თუ მას მხარს დაუჭერს წევრთა სრული შემადგენლობის ნახევარზე მეტი.

7. საბჭოს მუშაობის პერიოდში წევრს უფლება აქვს, დღის წესრიგის პროექტში დამატებით შეიტანოს განსახილველი საკითხი, დადგენილი წესით მიიღოს მონაწილეობა ყველა იმ საკითხის განხილვაში, რომელიც საბჭოს განხილვის საგანია, აგრეთვე ისარგებლოს კანონმდებლობითა და ამ წესდებით მინიჭებული სხვა უფლებამოსილებით. საბჭოს თითოეული წევრი სარგებლობს ერთი ხმის უფლებით.

8. საბჭოს ყველა სხდომაზე წარმოებს სხდომის ოქმი, რომელშიც უნდა მიეთითოს:

ა) საბჭოს დასახელება;

ბ) სხდომის ჩატარების თარიღი და ადგილი;

გ) დამსწრეთა ვინაობა;

დ) დღის წესრიგი;

ე) სხდომაზე გამოთქმული მოსაზრებები;

ვ) სხდომაზე მიღებული გადაწყვეტილებები.

9. ოქმს ერთვის ყველა ის მასალა, როლმელიც ამ სხდომის დღის წესრიგის მიხედვით განხილვის საგანს უკავშირდება.

10. საბჭოს სხდომის ოქმს ხელს აწერს ყველა დამსწრე წევრი.

11. საბჭო იღებს სარეკომენდაციო ხასიათის გადაწყვეტილებებს. საბჭოს მიერ მიღებული გადაწყვეტილება წარედგინება აკადემიის რექტორს შემდგომი რეაგირებისათვის.

12. საბჭო თავისი უფლებამოსილების ფარგლებში:

ა) შეიმუშავებს აკადემიის სტრუქტურის ცვლილების პროექტს;

ბ) განიხილავს 100 000 ლარის და მეტი ღირებულების სახელმწიფო შესყიდვების მიზანშეწონილობის საკითხს;

გ) შეიმუშავებს აკადემიის წლიური ბიუჯეტის ან მასში ცვლილების პროექტს;

დ) შეიმუშავებს აკადემიის წესდების ან მასში ცვლილების პროექტს.

მუხლი 12. პრორექტორი

1. აკადემიას ჰყავს პრორექტორი ან პრორექტორები, რომელთაც თანამდებობაზე ნიშნავს და თანამდებობიდან ათავისუფლებს მინისტრი.

2. პრორექტორების უფლება-მოვალეობებსა და საკურატორო სფეროებს განსაზღვრავს რექტორი.

3. რექტორის არყოფნისას, მის მოვალეობას მინისტრის გადაწყვეტილებით ასრულებს ერთ-ერთი პრორექტორი.

საქართველოს შინაგან საქმეთა მინისტრის 2014 წლის 27 იანვრის ბრძანება №55- ვებგვერდი, 31.01.2014წ.

საქართველოს შინაგან საქმეთა მინისტრის 2025 წლის 30 იანვრის ბრძანება №7 - ვებგვერდი, 31.01.2025წ.

მუხლი 13. (ამოღებულია)

მუხლი 14. (ამოღებულია)

მუხლი 15. პროფესიული სწავლების დეპარტამენტი

1. პროფესიული სწავლების დეპარტამენტი წარმართავს სასწავლო პროცესს „სპეციალური პროფესიული განათლების შესახებ“ საქართველოს კანონისა და ამ წესდების შესაბამისად.

2. პროფესიული სწავლების დეპარტამენტი:

ა) კომპეტენციის ფარგლებში უზრუნველყოფს სპეციალურ პროფესიულ საგანმანათლებლო პროგრამებზე მისაღები პროცედურების ორგანიზებას;

ბ) შეიმუშავებს სწავლების პროგრამებს/კურსებს და დასამტკიცებლად წარუდგენს აკადემიის რექტორს;

გ) შეიმუშავებს საპილოტე სწავლების პროგრამებს/კურსებს მათი შემდგომი შემოღების საჭიროების დადგენის, ან არსებულ პროგრამაში/სასწავლო კურსში შემდგომი ინტეგრაციის მიზნით და დასამტკიცებლად წარუდგენს აკადემიის რექტორს;

დ) შეიმუშავებს მეთოდურ მითითებებსა და სასწავლო მასალებს;

ე) ახორციელებს შესაბამის ენაში ტესტირებას, ენის სწავლებას და სწავლების ორგანიზებას;

ვ) უზრუნველყოფს ინსტრუქტორთა კვალიფიკაციის ამაღლებას;

ზ) აკონტროლებს დაქვემდებარებული სტრუქტურული ერთეულების საქმიანობას;

თ) უზრუნველყოფს საბიბლიოთეკო ფონდის ფორმირებას, დაცვასა და აღრიცხვას;

ი) უზრუნველყოფს საგამომცემლო საქმიანობასა და აკადემიის საგანმანათლებლო პროგრამების სასწავლო და სხვა დამხმარე მასალით მომარაგებას, ასევე, საბიბლიოთეკო ფონდის მკითხველისათვის ხელმისაწვდომობას;

კ) ახორციელებს საქართველოს კანონმდებლობით გათვალისწინებულ სხვა უფლებამოსილებებს.

მუხლი 16. (ამოღებულია)

მუხლი 16¹. (ამოღებულია)

მუხლი 17. ადმინისტრაცია (დეპარტამენტი)

ადმინისტრაცია (დეპარტამენტი), კომპეტენციის ფარგლებში, უზრუნველყოფს:

ა) აკადემიის შესაბამისი სტრუქტურული ერთეულებისათვის კვალიფიციური კადრების მოძიების, შემოწმებისა და დაკომპლექტების ორგანიზებას;

ბ) სამინისტროს მოსამსახურეთა პროფესიულ მომზადებასა და გადამზადებასთან დაკავშირებული წინადადებების შემუშავებას და ორგანიზაციული საკითხების უზრუნველყოფას;

გ) აკადემიის საქმიანობის სამართლებრივ მხარდაჭერას;

დ) საჯარო ინფორმაციის პროაქტიულად გამოქვეყნების მიზნით, აკადემიის დანაყოფებიდან ინფორმაციის/დოკუმენტაციის გამოთხოვასა და დამუშავებას;

ე) პერსონალურ მონაცემთა დამუშავებაზე ზედამხედველობას;

ვ) აკადემიის საქმისწარმოების ორგანიზებასა და კონტროლს, აგრეთვე, საარქივო საქმიანობის წარმოებას;

ზ) საიდუმლო საქმისწარმოების განხორციელებას, მოქმედი კანონმდებლობით გათვალისწინებულ შესაბამის ინფორმაციასა და დოკუმენტაციასთან დაკავშირებით საიდუმლოების რეჟიმის დაცვის უზრუნველყოფას;

თ) სადღეღამისო მორიგეობას;

ი) აკადემიის სამობილიზაციო გეგმების შემუშავებას;

კ) საგანგებო შემთხვევის დროს აკადემიის სტრუქტურული ერთეულების ინფორმირებას მობილიზაციის მიზნით;

ლ) აკადემიის მომარაგებას იარაღით, საბრძოლო მასალითა და აღჭურვილობით და მათ ბრუნვაზე კონტროლს, დადგენილი წესის შესაბამისად;

მ) საქართველოს კანონმდებლობით გათვალისწინებული სხვა უფლებამოსილებების განხორციელებას.

მუხლი 17¹. ეკონომიკური და ლოჯისტიკის დეპარტამენტი

ეკონომიკური და ლოჯისტიკის დეპარტამენტი კომპეტენციის ფარგლებში უზრუნველყოფს:

ა) აკადემიის საფინანსო საქმიანობის მართვას;

ბ) საბუღალტრო აღრიცხვა-ანგარიშგებასა და სახელმწიფო შესყიდვების ორგანიზებას;

გ) აკადემიის მატერიალურ-ტექნიკურ უზრუნველყოფასა და აკადემიის ქონების დაცვას;

დ) საქართველოს კანონმდებლობით გათვალისწინებული სხვა უფლებამოსილებების განხორციელებას.

მუხლი 17². სამინისტროს არქივი (დეპარტამენტი)

სამინისტროს არქივი (დეპარტამენტი) კომპეტენციის ფარგლებში უზრუნველყოფს:

ა) საარქივო მასალის შენახვას, საცავში დაცული სპეციალური ტიპის ინფორმაციასთან დაშვებასა და შესაბამისი ნორმატიული აქტებით განსაზღვრული წესების დაცვით გაცემას;

ბ) სხვადასხვა სახის შემოქმედებით, სამეცნიერო-კვლევით (საგამომცემლო, საექსპოზიციო და ა.შ.), საკონსერვაციო (რესტავრაცია, დიგიტალიზაცია, რეზერვაცია) საქმიანობას;

გ) საერთაშორისო მემორანდუმებით ან პროექტებით გათვალისწინებული სხვა ღონისძიებების განხორციელებას;

მუხლი 17³. განვითარების, ხარისხის უზრუნველყოფისა და საგარეო ურთიერთობების დეპარტამენტი

განვითარების, ხარისხის უზრუნველყოფისა და საგარეო ურთიერთობების დეპარტამენტი კომპეტენციის ფარგლებში უზრუნველყოფს:

ა) სწავლისა და სწავლების ხარისხის მართვის მარეგულირებელი დოკუმენტების შემუშავებას;

ბ) სწავლების შედეგების შიდა შეფასების პროცესის განსაზღვრას, დაგეგმვას, კოორდინაციასა და ანგარიშების მომზადებას;

გ) სასწავლო პროგრამებისა და მოდულების შესაბამისობას სწავლისა და სწავლების ხარისხის მარეგულირებელ აქტებთან;

დ) სასწავლო პროცესის (თეორიული, პრაქტიკული) მონიტორინგსა და შეფასებას, აგრეთვე, შესაბამისობის ანალიზს სწავლისა და სწავლების ხარისხის მარეგულირებელ აქტებთან;

ე) უკუკავშირის შეგროვებასა და ანალიზს მსმენელებისა და დამსაქმებლებისაგან, მსმენელთა სწავლის შედეგების ანალიზსა და შეფასების სისტემის სანდოობას;

ვ) ინსტრუქტორთა საქმიანობისა და კვალიფიკაციის მონიტორინგს, მათი პროფესიული განვითარების საჭიროებების გამოვლენას;

ზ) ორგანიზაციული მართვის პროცესის ხარისხის სტანდარტებთან შესაბამისობის ანალიზს;

თ) სწავლისა და სწავლების ხარისხის მართვის სისტემის მონიტორინგსა და პერიოდულ შეფასებას;

ი) აკადემიის განვითარების მიზნით, საქმიანობის სხვადასხვა პრიორიტეტული მიმართულებით რეფორმის გასატარებლად, რეკომენდაციებისა და წინადადებების მომზადებას;

კ) აკადემიის განვითარების მიზნით, პოლიტიკის დოკუმენტების შემუშავებაში აკადემიის მონაწილეობის კოორდინაციას, პოლიტიკის დოკუმენტების საფუძველზე აკადემიისთვის განსაზღვრული ამოცანებისა და აქტივობების შესრულების მონიტორინგსა და ანგარიშგებას;

ლ) აკადემიის სტრატეგიისა და სამოქმედო გეგმის შემუშავებას, შესრულების მონიტორინგსა და ანგარიშგებას, ამ მიზნით კოორდინაციას შესაბამის სტრუქტურულ ერთეულებთან;

მ) აკადემიის საქმიანობისთვის საჭირო ანალიტიკური ანგარიშებისა და მიმოხილვების მომზადებას;

ნ) აკადემიის უფლებამოსილებების განხორციელებისას წარმოშობილი რისკებისა და გამოწვევების შესწავლას, ანალიზსა და შესაბამისი რეკომენდაციების მომზადებაში მონაწილეობას;

ო) აკადემიაში არსებული სერვისების დანერგვის/განვითარების კოორდინაციას, თემატური პროექტების მართვას, თემატური სახელმძღვანელოების მომზადებაში მონაწილეობას;

პ) სასწავლო მიმართულებით კვლევითი საქმიანობის განხორციელებას;

ჟ) საჯარო და კერძო სექტორის წარმომადგენლებთან, აკადემიურ საზოგადოებასთან, აგრეთვე, საერთაშორისო და პარტნიორი ქვეყნების ორგანიზაციებთან თანამშრომლობას;

რ) ვიზუალური, საპრომოციო მასალების დიზაინის შექმნას, საინფორმაციო და აუდიო-ვიდეომასალების დიზაინის ფორმირებას, აკადემიის ოფიციალური ვებგვერდისა და სოციალურ ქსელებში სხვა ოფიციალური გვერდების მართვას;

ს) აკადემიის საზოგადოებრივ ღონისძიებათა, მათ შორის, სპეციალური საკომუნიკაციო კამპანიების დაგეგმვასა და განხორციელებას, საზოგადოების მართლშეგნების ამაღლების ხელშეწყობის მიზნით;

ტ) ადმინისტრაციულ-საპროტოკოლო ღონისძიებების, ასევე, უცხო ქვეყნებში აკადემიის ხელმძღვანელი პირ(ებ)ისა და საჭიროების შემთხვევაში აკადემიის სხვა მოსამსახურეთა სამსახურებრივი მივლინებებისა და ვიზიტების დაგეგმვისა და განხორციელების ხელშეწყობას;

უ) საქართველოს კანონმდებლობით გათვალისწინებული სხვა უფლებამოსილებების განხორციელებას.

მუხლი 17⁴. საინფორმაციო ტექნოლოგიების დეპარტამენტი

საინფორმაციო ტექნოლოგიების დეპარტამენტი კომპეტენციის ფარგლებში უზრუნველყოფს:

ა) აკადემიის სისტემურ, ქსელურ, პროგრამულ და ტექნიკურ მხარდაჭერას;

ბ) საქართველოს კანონმდებლობით გათვალისწინებული სხვა უფლებამოსილებების განხორციელებას.

მუხლი 17⁵. მონიტორინგის დეპარტამენტი

მონიტორინგის დეპარტამენტი კომპეტენციის ფარგლებში უზრუნველყოფს:

ა) აკადემიაში დისციპლინური ნორმების დაცვისა და სამსახურებრივი მოვალეობების ჯეროვანი შესრულების კონტროლს, აკადემიის მოსამსახურეთა მიერ დისციპლინური გადაცდომის ფაქტებისა და სხვა მართლსაწინააღმდეგო ქმედებათა გამოვლენასა და შესაბამის რეაგირებას;

ბ) აკადემიის მოსამსახურის სავარაუდო დისციპლინური გადაცდომის ფაქტზე სამსახურებრივი შემოწმების ჩატარებას, შემოწმების შედეგების შესახებ დასკვნის მომზადებასა და რექტორისთვის წარდგენას;

გ) აკადემიის მოსამსახურეთა ინტერესთა შეუთავსებლობის ფაქტების გამოვლენასა და შესაბამის რეაგირებას;

დ) სამსახურებრივი შემოწმების შედეგად აკადემიის მოსამსახურის ქმედებაში დანაშაულის ნიშნების აღმოჩენის შემთხვევაში შესაბამისი ორგანოს ინფორმირებას;

ე) აკადემიის სტრუქტურულ ერთეულებში სამსახურებრივი მოვალეობების ჯეროვანი შესრულების გეგმური ან/და არაგეგმური მონიტორინგის/სამსახურებრივი შემოწმების ჩატარებას;

ვ) პერიოდული, მათ შორის, კვარტალური, წლიური ანგარიშების წარმოებასა და მათ ანალიზს;

ზ) სხვადასხვა სახელმწიფო და არასახელმწიფო დაწესებულებების, აგრეთვე, მოქალაქეთა განცხადებებისა და წერილების დადგენილი წესით განხილვასა და მათზე რეაგირებას;

თ) საჭიროების შემთხვევაში აკადემიის სტრუქტურული ერთეულებიდან ინფორმაციის გამოთხოვასა და დამუშავებას, აკადემიის მოსამსახურისათვის ახსნა-განმარტების ჩამორთმევას, ხოლო პირთან, რომელსაც შესაძლოა შეხება ჰქონდეს გამოსარკვევ საკითხთან − გასაუბრებას;

ი) საქართველოს კანონმდებლობით გათვალისწინებული სხვა უფლებამოსილებების განხორციელებას.

მუხლი 18. (ამოღებულია)

მუხლი 19. (ამოღებულია)

თავი III
აკადემიის პერსონალი

მუხლი 20. პერსონალი

აკადემიის პერსონალი შედგება ადმინისტრაციული და დამხმარე თანამდებობებისაგან, ასევე ინსტრუქტორებისაგან.

მუხლი 21. (ამოღებულია)

მუხლი 22. (ამოღებულია)

მუხლი 23. (ამოღებულია)

მუხლი 24. ინსტრუქტორი

1. აკადემიის ინსტრუქტორი არის პირი, რომელიც ასწავლის მსმენელს თეორიული ცოდნისა და პრაქტიკული უნარ-ჩვევების განვითარების მიზნით.

2. ინსტრუქტორს უნდა ჰქონდეს უმაღლესი განათლება ან შესაბამის სფეროში მუშაობის არანაკლებ 3 წლის გამოცდილება.

3. (ამოღებულია - 31.10.2018, №122).

მუხლი 25. ადმინისტრაციული თანამდებობები და სხვა პერსონალი

1. აკადემიაში ადმინისტრაციულ თანამდებობებს მიეკუთვნება: რექტორი, პრორექტორი, დეპარტამენტის უფროსი და მისი მოადგილე, სამმართველოს უფროსი და მისი მოადგილე.

2. აკადემიის ადმინისტრაციულ თანამდებობაზე არ შეიძლება არჩეულ ან დანიშნულ იქნეს 65 წელს მიღწეული პირი.

3. დამხმარე პერსონალს მიეკუთვნება საშტატო ნუსხით გათვალისწინებული და ხელშეკრულების საფუძველზე მიღებული აკადემიის საქმიანობისთვის აუცილებელი სხვა პირები.

თავი IV
აკადემიის მსმენელი

საქართველოს შინაგან საქმეთა მინისტრის 2019 წლის 27 დეკემბრის ბრძანება №109 - ვებგვერდი, 30.12.2019წ.

მუხლი 26. (ამოღებულია)

მუხლი 27. აკადემიის მსმენელი

აკადემიის მსმენელი არის პირი, რომელიც სამინისტროს შესაბამისი აქტის საფუძველზე გამოცემული აკადემიის რექტორის ბრძანებით ირიცხება აკადემიაში განხორციელებად სპეციალურ პროფესიულ საგანმანათლებლო პროგრამაზე, სპეციალურ პროგრამაზე ან კურსზე, ასევე ხელშეკრულების საფუძველზე ჩარიცხული პირები.

მუხლი 28. მსმენელის უფლება-მოვალეობები

აკადემიის მსმენელის უფლება-მოვალეობები განისაზღვრება შესაბამისი სამართლებრივი აქტებით, მათ შორის აკადემიის რექტორის ბრძანებით, რომელიც მტკიცდება კურატორ მინისტრის მოადგილესთან შეთანხმებით.

მუხლი 29. მსმენელის სტატუსის მინიჭება, შეჩერება, შეწყვეტა და აღდგენა

1. მსმენელის სტატუსის მინიჭების, შეჩერების, შეწყვეტისა და აღდგენის წესი განისაზღვრება აკადემიის რექტორის ბრძანებით, კურატორი მინისტრის მოადგილესთან შეთანხმებით.

2. მსმენელის სტატუსის მინიჭება, შეჩერება, შეწყვეტა ან აღდგენა ხორციელდება აკადემიის რექტორის ინდივიდუალური ადმინისტრაციულ-სამართლებრივი აქტის საფუძველზე, საქართველოს კანონმდებლობით დადგენილი წესის შესაბამისად.

თავი V
აკადემიის ქონება, დაფინანსება და სახელმწიფო კონტროლი

მუხლი 30. აკადემიის ქონება

1. აკადემიას დასახული მიზნებისა და დაკისრებული ფუნქციების განსახორციელებლად კანონმდებლობის შესაბამისად გადაეცემა ქონება.

2. აკადემიის ქონება შედგება მისთვის სახელმწიფოს, იურიდიული და კერძო პირების მიერ გადაცემული, ასევე საკუთარი სახსრებით შეძენილი ქონებისაგან.

3. აკადემიას უფლება აქვს მისთვის გადაცემული, სახელმწიფო საკუთრებაში არსებული ქონება სარგებლობის უფლებით გადასცეს სხვა პირს ან გაასხვისოს, საქართველოს მოქმედი კანონმდებლობის შესაბამისად.

მუხლი 31. აკადემიის ქონებით სარგებლობა

1. აკადემიის ბალანსზე რიცხული ქონება გამოიყენება მხოლოდ წინამდებარე წესდებით დასახული მიზნებისა და ამოცანების შესასრულებლად.

2. სახელმწიფო კონტროლის განმახორციელებელი ორგანოს თანხმობით აკადემიას შეუძლია განახორციელოს შემდეგი ქმედებები:

ა) უძრავი ქონების შეძენა, აკადემიის საკუთრებაში არსებული ქონების გასხვისება და დატვირთვა;

ბ) სესხის აღება;

გ) თავდებობა;

დ) სხვა გადაწყვეტილებები აკადემიის ქონებასთან დაკავშირებით, თუ ისინი სცილდება ჩვეულებრივი საქმიანობის ფარგლებს.

3. ამ მუხლის მე-2 პუნქტის „ბ“ და „გ“ ქვეპუნქტებით გათვალისწინებულ ქმედებათა განსახორციელებლად აუცილებელია საქართველოს ფინანსთა სამინისტროს თანხმობა.

მუხლი 32. აკადემიის დაფინანსება

1. აკადემიის დაფინანსების წყარო შეიძლება იყოს:

ა) სახელმწიფო სასწავლო გრანტი;

ბ) შესაბამისი ბიუჯეტიდან გამოყოფილი მიზნობრივი სახსრები;

გ) გრანტებით მიღებული შემოსავლები;

დ) ხელშეკრულების საფუძველზე შესრულებული სამუშაოდან მიღებული შემოსავლები;

ე) შემოწირულობები;

ვ) კანონმდებლობით ნებადართული სხვა შემოსავლები.

2. ამ მუხლის პირველი პუნქტით განსაზღვრული სახსრები და შემოსავლები მთლიანად ხმარდება აკადემიის მიზნებისა და ფუნქციების განხორციელებას.

მუხლი 33. სახელმწიფო კონტროლი

აკადემიის სახელმწიფო კონტროლის განმახორციელებელი ორგანოა სამინისტრო.

მუხლი 34. აკადემიის ბალანსის შედგენა და შემოწმება

1. აკადემია ვალდებულია საქართველოს მოქმედი კანონმდებლობის შესაბამისად აწარმოოს საფინანსო-ეკონომიკური საქმიანობის აღრიცხვა-ანგარიშგება, შეადგინოს ბალანსი და დასამტკიცებლად წარუდგინოს სამინისტროს.

2. აკადემიის წლიურ ბალანსს ამოწმებს სამინისტროს მიერ დანიშნული დამოუკიდებელი აუდიტორი.

თავი VI
აკადემიის რეორგანიზაცია და ლიკვიდაცია

მუხლი 35. აკადემიის რეორგანიზაცია და ლიკვიდაცია

1. აკადემიის რეორგანიზაცია და ლიკვიდაცია ხორციელდება საქართველოს კანონმდებლობის შესაბამისად.

2. აკადემიის ლიკვიდაციის შედეგად დარჩენილი ქონება გადადის სახელმწიფოს საკუთრებაში.

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საჯარო სამართლის იურიდიული პირის – საქართველოს შინაგან საქმეთა სამინისტროს აკადემიის წესდების დამტკიცების შესახებ“, №975, 24.12.2013, სარეგისტრაციო კოდი 040030000.22.034.016238 (კონსოლიდირებული რედაქცია 28.11.2025). ხელმისაწვდომია: https://legali.ge/law/2138967-24/

შემდგომი ცვლილებები (1)

წინა ცვლილებები (24)

დოკუმენტის ტექსტი

მუხლი 1. რეგულირების სფერო🔗

მუხლი 2. აკადემიის სტატუსი🔗

მუხლი 3. აკადემიის მისია🔗

მუხლი 4. აკადემიის მიზნები და ამოცანები🔗

მუხლი 5. საქმიანობის საგანი🔗

მუხლი 6. აკადემიის სტრუქტურა🔗

მუხლი 7. აკადემიის მართვის ორგანოები🔗

მუხლი 9. (ამოღებულია)🔗

მუხლი 10. რექტორი🔗

მუხლი 12. პრორექტორი🔗

მუხლი 13. (ამოღებულია)🔗

მუხლი 14. (ამოღებულია)🔗

მუხლი 16. (ამოღებულია)🔗

მუხლი 161. (ამოღებულია)🔗

მუხლი 171. ეკონომიკური და ლოჯისტიკის დეპარტამენტი🔗

მუხლი 172. სამინისტროს არქივი (დეპარტამენტი)🔗

მუხლი 173. განვითარების, ხარისხის უზრუნველყოფისა და საგარეო ურთიერთობების დეპარტამენტი🔗

მუხლი 174. საინფორმაციო ტექნოლოგიების დეპარტამენტი🔗

მუხლი 175. მონიტორინგის დეპარტამენტი🔗

მუხლი 18. (ამოღებულია)🔗

მუხლი 19. (ამოღებულია)🔗

მუხლი 20. პერსონალი🔗

მუხლი 21. (ამოღებულია)🔗

მუხლი 22. (ამოღებულია)🔗

მუხლი 23. (ამოღებულია)🔗

მუხლი 24. ინსტრუქტორი🔗

მუხლი 25. ადმინისტრაციული თანამდებობები და სხვა პერსონალი🔗

მუხლი 26. (ამოღებულია)🔗

მუხლი 27. აკადემიის მსმენელი🔗

მუხლი 30. აკადემიის ქონება🔗

მუხლი 31. აკადემიის ქონებით სარგებლობა🔗

მუხლი 32. აკადემიის დაფინანსება🔗

მუხლი 33. სახელმწიფო კონტროლი🔗

მუხლი 34. აკადემიის ბალანსის შედგენა და შემოწმება🔗

მუხლი 35. აკადემიის რეორგანიზაცია და ლიკვიდაცია🔗

მუხლი 1🔗

მუხლი 2🔗

მუხლი 3🔗

მუხლი 4🔗

მუხლი 1. რეგულირების სფერო🔗

მუხლი 1. რეგულირების სფერო🔗

მუხლი 2. აკადემიის სტატუსი🔗

მუხლი 2. აკადემიის სტატუსი🔗

მუხლი 3. აკადემიის მისია🔗

მუხლი 4. აკადემიის მიზნები და ამოცანები🔗

მუხლი 3. აკადემიის მისია🔗

მუხლი 4. აკადემიის მიზნები და ამოცანები🔗

მუხლი 5. საქმიანობის საგანი🔗

მუხლი 5. საქმიანობის საგანი🔗

მუხლი 6. აკადემიის სტრუქტურა🔗

მუხლი 6. აკადემიის სტრუქტურა🔗

მუხლი 9. აკადემიის დამხმარე სტრუქტურული ერთეულები🔗

მუხლი 7. აკადემიის მართვის ორგანოები🔗

მუხლი 9. (ამოღებულია)🔗

მუხლი 10. რექტორი🔗

მუხლი 11. წარმომადგენლობითი საბჭო🔗

მუხლი 12. პრორექტორი🔗

მუხლი 12. პრორექტორი🔗

მუხლი 13. ხარისხის უზრუნველყოფის სამმართველო🔗

მუხლი 14. სამაგისტრო სკოლა🔗

მუხლი 13. (ამოღებულია)🔗

მუხლი 14. (ამოღებულია)🔗

მუხლი 15. პროფესიული მომზადების სამმართველო🔗

მუხლი 16. სპეციალური მომზადების ცენტრი🔗

მუხლი 16. (ამოღებულია)🔗

მუხლი 161. (ამოღებულია)🔗

მუხლი 19. შსს არქივი🔗

მუხლი 171. ეკონომიკური და ლოჯისტიკის დეპარტამენტი🔗

მუხლი 172. სამინისტროს არქივი (დეპარტამენტი)🔗

მუხლი 173. განვითარების, ხარისხის უზრუნველყოფისა და საგარეო ურთიერთობების დეპარტამენტი🔗

მუხლი 174. საინფორმაციო ტექნოლოგიების დეპარტამენტი🔗

მუხლი 175. მონიტორინგის დეპარტამენტი🔗

მუხლი 18. (ამოღებულია)🔗

მუხლი 19. (ამოღებულია)🔗

მუხლი 20. პერსონალი🔗

მუხლი 20. პერსონალი🔗

მუხლი 21. (ამოღებულია)🔗