საქართველოს იუსტიციის სამინისტროს მმართველობის სფეროში საჯარო სამართლის იურიდიული პირების დაფუძნების შესახებ

1. დაფუძნდეს:

ა) (ამოღებულია - 23.12.2019, №635);

ბ) საჯარო სამართლის იურიდიული პირი – იუსტიციის სახლი;

გ) საჯარო სამართლის იურიდიული პირი – ,,სმართ ლოჯიქი“ (SMART LOGIC);

დ) საჯარო სამართლის იურიდიული პირი – საქართველოს საკანონმდებლო მაცნე;

ე) საჯარო სამართლის იურიდიული პირი – საქართველოს იუსტიციის სასწავლო ცენტრი;

ვ) საჯარო სამართლის იურიდიული პირი − მსჯავრდებულთა პროფესიული მომზადებისა და გადამზადების ცენტრი.

2. (ამოღებულია - 23.12.2019, №635).

3. საჯარო სამართლის იურიდიული პირი – იუსტიციის სახლი განისაზღვროს „საჯარო სამართლის იურიდიული პირის – იუსტიციის სახლის შექმნის შესახებ“ საქართველოს პრეზიდენტის 2012 წლის 2 აგვისტოს №661 ბრძანებულებით შექმნილი საჯარო სამართლის იურიდიული პირის – იუსტიციის სახლის სამართალმემკვიდრედ.

4. საჯარო სამართლის იურიდიული პირი – ,,სმართ ლოჯიქი“ (SMART LOGIC) განისაზღვროს „საჯარო სამართლის იურიდიული პირის – „სმართ ლოჯიქის“ შექმნის შესახებ“ საქართველოს პრეზიდენტის 2012 წლის 15 თებერვლის №106 ბრძანებულებით შექმნილი საჯარო სამართლის იურიდიული პირის – ,,სმართ ლოჯიქის“ (SMART LOGIC) სამართალმემკვიდრედ.

5. საჯარო სამართლის იურიდიული პირი – საქართველოს საკანონმდებლო მაცნე განისაზღვროს „საქართველოს იუსტიციის სამინისტროსთან საქართველოს ოფიციალური ბეჭდვითი ორგანოს „საქართველოს საკანონმდებლო მაცნეს“ შექმნის თაობაზე“ საქართველოს იუსტიციის მინისტრის 1998 წლის 29 სექტემბრის №157 ბრძანებით შექმნილი საჯარო სამართლის იურიდიული პირის – „საქართველოს საკანონმდებლო მაცნეს“  სამართალმემკვიდრედ.

6. საჯარო სამართლის იურიდიული პირი − საქართველოს იუსტიციის სასწავლო ცენტრი განისაზღვროს „საქართველოს იუსტიციის სასწავლო ცენტრის წესდების დამტკიცების შესახებ“ საქართველოს იუსტიციის მინისტრის 2000 წლის 19 აპრილის №50 ბრძანებით შექმნილი საჯარო სამართლის იურიდიული პირის − საქართველოს იუსტიციის სასწავლო ცენტრის უფლებამონაცვლედ, აგრეთვე − საჯარო სამართლის იურიდიული პირის − პენიტენციური და პრობაციის სისტემის მოსამსახურეთა მომზადების ცენტრის უფლებამონაცვლედ პენიტენციური და პრობაციის სისტემის მოსამსახურეთა მომზადების/გადამზადების ნაწილში.

6​^​1. საჯარო სამართლის იურიდიული პირი − მსჯავრდებულთა პროფესიული მომზადებისა და გადამზადების ცენტრი განისაზღვროს საჯარო სამართლის იურიდიული პირის − პენიტენციური და პრობაციის სისტემის მოსამსახურეთა მომზადების ცენტრის უფლებამონაცვლედ ქონებისა და ფინანსების ნაწილში.

7. ამ მუხლის პირველ პუნქტში მითითებული საჯარო სამართლის იურიდიული პირების სახელმწიფო კონტროლს ახორციელებს საქართველოს იუსტიციის სამინისტრო.

საქართველოს მთავრობის 2019 წლის 23 დეკემბრის დადგენილება №635 - ვებგვერდი, 26.12.2019წ.