|
|
|
ქალაქ ზუგდიდის მუნიციპალიტეტის საკრებულოს
დადგენილება №35
|
|
2014 წლის 15 აგვისტო
ქ. ზუგდიდი
|
|
ქალაქ ზუგდიდის მუნიციპალიტეტის ტერიტორიაზე სათამაშო ბიზნესის მოსაკრებლის შემოღებისა და განაკვეთების განსაზღვრის შესახებ
+
მუხლი 1
შემოღებულ იქნას ქალაქ ზუგდიდის მუნიციპალიტეტის ტერიტორიაზე სათამაშო ბიზნესის მოსაკრებელი.
+
მუხლი 2
დადგინდეს მოსაკრებლის განაკვეთები სახეობის მიხედვით:
1. სამორინეს თითოეულ სათამაშო მაგიდაზე-კვარტალში 21000 (ოცდაერთი ათასი) ლარი;
2. თითოეულ სათამაშო აპარატზე-კვარტალში 2000 (ორი ათასი) ლარი;
3. თითოეულ წამახალისებელ გათამაშებაზე-საპრიზო ფონდის 10 %.
4. სისტემურ-ელექტრონული ფორმის სათამაშოებზე-კვარტალში 30000(ოცდაათი ათასი) ლარი;
5. ლატარიების მოწყობაზე-ლატარიის ბილეთებზე რეალიზაციიდან მიღებული ამონაგები თანხის 15 %.
6. აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე - კვარტალში 5000 (ხუთი ათასი) ლარი.
7. თითოეულ კლუბის მაგიდაზე - კვარტალში 4000 (ოთხი ათასი) ლარი.
+
მუხლი 3
წამახალისებელი გათამაშების მომწყობი ორგანიზატორი ვალდებულია ყოველკვარტალურად ადგილობრივ საგადასახადო ორგანოში წარადგინოს საქართველოს ფინანსთა სამინისტროს მიერ დამტკიცებული ფორმის დეკლარაცია და გადაიხადოს მოსაკრებელი არაუგვიანეს საანგარიშო კვარტლის მომდევნო თვის 15 რიცხვისა.
+
მუხლი 4
წამახალისებელი გათამაშების მომწყობის (ორგანიზატორის) ყოველკვარტალური მოსაკრებლის ოდენობა განისაზღვრება საანგარიშო კვარტალში გათამაშებული საპრიზო ფონდის მიხედვით. ამასთანავე, წამახალისებელი გათამაშების ბოლო საანგარიშო კვარტალში მოსაკრებლის ოდენობა განისაზღვრება საპრიზო ფონდის ნარჩენი ღირებულებით (თანხით).
+
მუხლი 5
სისტემურ ელექტრონული ფორმის თამაშობის მომწყობი (ორგანიზატორი) ვალდებულია ადგილობრივ საგადასახადო ორგანოში ყოველკვარტალურად წარადგინოს საქართველოს ფინანსთა მინისტრის მიერ დამტკიცებული ფორმის დეკლარაცია და გადაიხადოს მოსაკრებელი არაუგვიანეს საანგარიშო კვარტლის მომდევნო თვის 15 რიცხვისა.
+
მუხლი 6
სამორინეს სათამაშო მაგიდების, სათამაშო აპარატებისა და ტოტალიზატორის, ბინგოს, ლოტოს სალაროების მოწყობისას თამაშების ორგანიზატორები სათამაშო ბიზნესის მოსაკრებელს იხდიან მოსაკრებლის გადახდის ნიშნების შეძენისას.
+
მუხლი 7
მოსაკრებლის გადახდის ადმინისტრირება ეთხოვოს ფინანსთა სამინისტროს შემოსავლების სამსახურის მონიტორინგის დეპარტამენტის სამეგრელო, გურია, ზემო სვანეთის სამმართველოს.
+
მუხლი 8
შემოღებული მოსაკრებელი მთლიანად ჩაირიცხოს ქალაქის მუნიციპალიტეტის ბიუჯეტში.
+
მუხლი 9
დადგენილება გაეგზავნოს ქალაქ ზუგდიდის მუნიციპალიტეტის მერიას, ფინანსთა სამინისტროს შემოსავლების სამსახურის მონიტორინგის დეპარტამენტის სამეგრელო, გურია, ზემო სვანეთის სამმართველოს.
+
მუხლი 10
დადგენილება ამოქმედდეს გამოქვეყნებისთანავე.
| ქალაქ ზუგდიდის მუნიციპალიტეტის საკრებულოს თავმჯდომარე | | მერაბ ქვარაია |
|