სპორტის მთლიანობის დაცვის უწყებათაშორისი კომისიის შექმნისა და მისი დებულების დამტკიცების შესახებ

✨ ჰკითხე AI-ს ამ კანონის შესახებ
საქართველოს მთავრობის დადგენილება ძველი რედაქცია ადგილობრივი მმართველობა
მიღების თარიღი
11.02.2015 ბოლო ცვლილება 22.08.2025
გამომცემი ორგანო
საქართველოს მთავრობა
ნომერი
№42
სარეგისტრაციო კოდი
010220030.10.003.018427
გამოქვეყნების წყარო
matsne.gov.ge , 11/02/2015
🕸️ გრაფი — კავშირების ვიზუალიზაცია
← უკუმითითება ცვლილება → 🧬 სემანტიკური ეს აქტი
ცვლილებები (5)

შემდგომი ცვლილებები (1)

1
„სპორტის მთლიანობის დაცვის უწყებათაშორისი კომისიის შექმნისა და მისი დებულების დამტკიცების შესახებ“ საქართველოს მთავრობის 2015 წლის 11 თებერვლის №42 დადგენილებაში ცვლილების შეტანის თაობაზე
22.08.2025

წინა ცვლილებები (4)

2
„სპორტის სფეროს თაობაზე ევროპის საბჭოს შესაბამისი კონვენციების საქართველოს მიერ სავალდებულოდ აღიარებისა და შემდგომი იმპლემენტაციის მიზნით გასატარებელ ღონისძიებებთან დაკავშირებით, უწყებათაშორისი კომისიის შექმნისა და მისი დებულების დამტკიცების შესახებ“ საქართველოს მთავრობის 2015 წლის 11 თებერვლის №42 დადგენილებაში ცვლილების შეტანის თაობაზე
13.01.2020
3
„სპორტული შეჯიბრებების მანიპულაციების შესახებ“ ევროპის საბჭოს კონვენციის საქართველოს მიერ სავალდებულოდ აღიარებისა და შემდგომი იმპლემენტაციის მიზნით გასატარებელ ღონისძიებებთან დაკავშირებით, უწყებათაშორისი კომისიის შექმნისა და მისი დებულების დამტკიცების შესახებ“ საქართველოს მთავრობის 2015 წლის 11 თებერვლის №42 დადგენილებაში ცვლილების შეტანის თაობაზე
21.07.2016
4
„სპორტული შეჯიბრებების მანიპულაციების შესახებ“ ევროპის საბჭოს კონვენციის საქართველოს მიერ სავალდებულოდ აღიარებისა და შემდგომი იმპლემენტაციის მიზნით გასატარებელ ღონისძიებებთან დაკავშირებით, უწყებათაშორისი კომისიის შექმნისა და მისი დებულების დამტკიცების შესახებ“ საქართველოს მთავრობის 2015 წლის 11 თებერვლის №42 დადგენილებაში ცვლილების შეტანის თაობაზე
18.01.2016
5
„სპორტული შეჯიბრებების მანიპულაციების შესახებ“ ევროპის საბჭოს კონვენციის საქართველოს მიერ სავალდებულოდ აღიარებისა და შემდგომი იმპლემენტაციის მიზნით გასატარებელ ღონისძიებებთან დაკავშირებით, უწყებათაშორისი კომისიის შექმნისა და მისი დებულების დამტკიცების შესახებ“ საქართველოს მთავრობის 2015 წლის 11 თებერვლის №42 დადგენილებაში ცვლილების შეტანის თაობაზე
25.06.2015
11.02.2015 25.06.2015 18.01.2016 21.07.2016 13.01.2020 22.08.2025

დოკუმენტის ტექსტი

⇄ რედაქციების შედარება
+
 

საქართველოს მთავრობის

დადგენილება №42

2015 წლის 11 თებერვალი

ქ.თბილისი

 

სპორტის მთლიანობის დაცვის უწყებათაშორისი კომისიის შექმნისა და მისი დებულების დამტკიცების შესახებ

საქართველოს მთავრობის 2016 წლის 21 ივლისის დადგენილება №343 - ვებგვერდი, 28.07.2016წ.

საქართველოს მთავრობის 2020 წლის 13 იანვრის  დადგენილება №20  - ვებგვერდი, 14.01.2020წ.


+
მუხლი 1
„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ე“ ქვეპუნქტისა და 29-ე მუხლის შესაბამისად, საქართველოში სპორტული შეჯიბრებების მანიპულაციებისა და თამაშების გარიგების, ასევე სპორტში ძალადობისა და დოპინგის გამოყენების წინააღმდეგ კოორდინირებული ბრძოლისა და შესაბამისი საერთაშორისო კონვენციების დანერგვის უზრუნველყოფის მიზნით, შეიქმნას სპორტის მთლიანობის დაცვის უწყებათაშორისი კომისია (შემდგომში – კომისია) შემდეგი შემადგენლობით:

ა) საქართველოს განათლების, მეცნიერების, კულტურისა და სპორტის მინისტრის პირველი მოადგილე – კომისიის თავმჯდომარე;

ბ) საქართველოს განათლების, მეცნიერების, კულტურისა და სპორტის მინისტრის მოადგილე – კომისიის თავმჯდომარის მოადგილე;

გ) საქართველოს შინაგან საქმეთა მინისტრის პირველი მოადგილე ან მოადგილე – კომისიის წევრი;

დ) საქართველოს ფინანსთა მინისტრის პირველი მოადგილე ან მოადგილე – კომისიის წევრი;

ე) საქართველოს საგარეო საქმეთა მინისტრის პირველი მოადგილე ან მოადგილე – კომისიის წევრი;

ვ) საქართველოს იუსტიციის მინისტრის პირველი მოადგილე ან მოადგილე – კომისიის წევრი;

ზ) საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე ან მოადგილე – კომისიის წევრი;

თ) საქართველოს სახელმწიფო უსაფრთხოების სამსახურის უფროსის პირველი მოადგილე ან მოადგილე – კომისიის წევრი.

საქართველოს მთავრობის 2015 წლის 25  ივნისის დადგენილება №283  - ვებგვერდი, 26.06.2015წ.

საქართველოს მთავრობის 2016 წლის 18  იანვრის  დადგენილება №32  - ვებგვერდი, 21.01.2016წ.

საქართველოს მთავრობის 2016 წლის 21 ივლისის დადგენილება №343 - ვებგვერდი, 28.07.2016წ.

საქართველოს მთავრობის 2020 წლის 13 იანვრის  დადგენილება №20  - ვებგვერდი, 14.01.2020წ.

+
მუხლი 2
ეთხოვოთ საქართველოს პარლამენტის წევრებს, ეროვნული სპორტული ფედერაციებისა და სხვადახვა დაწესებულებების და ორგანიზაციების წარმომადგენლებს, მონაწილეობა მიიღონ კომისიის მუშაობაში (კომისიის დებულების შესაბამისად). 
+
მუხლი 3
დამტკიცდეს კომისიის თანდართული დებულება.
+
მუხლი 4
კომისიის საქმიანობის საორგანიზაციო უზრუნველყოფა განახორციელოს საქართველოს განათლების, მეცნიერების, კულტურისა და სპორტის სამინისტროს სპორტის განვითარების დეპარტამენტმა.

საქართველოს მთავრობის 2020 წლის 13 იანვრის  დადგენილება №20  - ვებგვერდი, 14.01.2020წ.

+
მუხლი 5
დადგენილება ამოქმედდეს გამოქვეყნებისთანავე.

პრემიერ-მინისტრიირაკლი ღარიბაშვილი
+



სპორტის მთლიანობის დაცვის უწყებათაშორისი კომისიის დებულება

საქართველოს მთავრობის 2016 წლის 21 ივლისის დადგენილება №343 - ვებგვერდი, 28.07.2016წ.

საქართველოს მთავრობის 2020 წლის 13 იანვრის  დადგენილება №20  - ვებგვერდი, 14.01.2020წ.


+
მუხლი 1
1. სპორტის მთლიანობის დაცვის უწყებათაშორისი კომისია (შემდგომში – კომისია) შექმნილია საქართველოს მთავრობის  დადგენილებით.

2. კომისიის  უფლებამოსილება და საქმიანობის წესი განისაზღვრება ამ დებულებით.

საქართველოს მთავრობის 2016 წლის 21 ივლისის დადგენილება №343 - ვებგვერდი, 28.07.2016წ.

საქართველოს მთავრობის 2020 წლის 13 იანვრის  დადგენილება №20  - ვებგვერდი, 14.01.2020წ.

+
მუხლი 2
1. საქართველოს მთავრობის დადგენილებით განსაზღვრული წევრების გარდა, კომისიის თავმჯდომარის მოწვევით, კომისიის შემადგენლობაში შეიძლება შედიოდნენ ან, საჭიროებისამებრ, მიწვეულ იქნენ საქართველოს პარლამენტის სპორტისა და ახალგაზრდულ საქმეთა კომიტეტის თავმჯდომარე ან/და წევრ(ებ)ი კენჭისყრაში მონაწილეობის უფლებითა და ეროვნული სპორტული ორგანიზაციების, ასევე სხვა იურიდიული პირების ან/და სახელმწიფო დაწესებულების წარმომადგენლები კენჭისყრაში მონაწილეობის უფლებით ან ამ უფლების გარეშე.

2. კომისიაში წევრი უწყების წარმომადგენლობის დადასტურება, ასევე ახალი წევრის მიწვევა ხორციელდება ოფიციალური კორესპონდენციის მეშვეობით.

3. კომისიის შემადგენლობიდან წევრის გაწვევა ხდება კომისიის წევრის წარმდგენი ორგანოს წინადადებით, კანონმდებლობით დადგენილი წესით.

საქართველოს მთავრობის 2020 წლის 13 იანვრის  დადგენილება №20  - ვებგვერდი, 14.01.2020წ.

+
მუხლი 3
კომისია ევროპის საბჭოს 1989 წლის დოპინგსაწინააღმდეგო კონვენციის, „სპორტში დოპინგის წინააღმდეგ ბრძოლის  შესახებ“ იუნესკოს 2005 წლის საერთაშორისო კონვენციის, „სპორტული შეჯიბრებების მანიპულაციების შესახებ“ ევროპის საბჭოს 2014 წლის კონვენციისა და „ფეხბურთის მატჩებსა და სხვა სპორტულ ღონისძიებებზე დაცულობის, უსაფრთხოებისა და მომსახურების ერთიანი მიდგომების შესახებ“ ევროპის საბჭოს 2016 წლის კონვენციის მიზნებისათვის ასრულებს ეროვნული პლატფორმის ფუნქციას და, აღნიშნულიდან გამომდინარე, მისი ძირითადი ამოცანებია:

ა) ევროპის საბჭოს მიერ მიღებული: „დოპინგსაწინააღმდეგო კონვენციიდან“ (1989 წ.), „სპორტული შეჯიბრებების მანიპულაციების შესახებ“ (2014  წ.) და „ფეხბურთის მატჩებსა და სხვა სპორტულ ღონისძიებებზე დაცულობის, უსაფრთხოებისა და მომსახურების ერთიანი მიდგომის შესახებ“ (2016 წ.) კონვენციებიდან გამომდინარე საკითხებთან დაკავშირებით, საქართველოში არსებული პრობლემების შესწავლა და შესაბამისი დასკვნების შემუშავება;

ბ) სპორტული შეჯიბრებების მანიპულაციის, ფეხბურთის მატჩებსა და სხვა სპორტულ ღონისძიებებზე მაყურებლის მიერ გამოვლენილი ძალადობისა და არასათანადო ქცევის, სპორტის სხვადასხვა სახეობაში დოპინგის გამოყენების  პრევენციისა და აღნიშნული ფაქტების წინააღმდეგ ბრძოლისთვის შესაბამისი ღონისძიებების შემუშავება და მისი განხორციელების მონიტორინგი;

გ) სპორტული შეჯიბრებების მანიპულაციების, ფეხბურთის მატჩებსა და სხვა სპორტულ ღონისძიებებზე მაყურებლის მიერ გამოვლენილი ძალადობისა და არასათანადო ქცევის, სპორტის სხვადასხვა  სახეობაში  დოპინგის  გამოყენების   წინააღმდეგ  ბრძოლასთან დაკავშირებით რისკების შეფასება და ანალიზი, ამ მხრივ შესაბამის სუბიექტებს  შორის  ინფორმაციის დროული გაცვლისა და საერთაშორისო თანამშრომლობის განვითარების ხელშეწყობა;

დ) შესაბამისი საერთაშორისო ფედერაციებიდან, ეროვნული სპორტული ფედერაციებიდან და შესაბამისი უწყებებიდან სპორტული შეჯიბრებების მანიპულაციებთან, ფეხბურთის მატჩებსა და სხვა სპორტულ ღონისძიებებზე მაყურებლის მიერ გამოვლენილ ძალადობასა და არასათანადო ქცევასთან, სპორტის სხვადასხვა სახეობაში დოპინგის გამოყენებასთან დაკავშირებული ინფორმაციის (მათ შორის, კონფიდენციალური, კანონმდებლობით დადგენილი წესების დაცვით) გამოთხოვა და ანალიზი;

ე) კომისიის კომპეტენციას მიკუთვნებულ საკითხებთან მიმართებით, საერთაშორისო ორგანიზაციებსა და სხვა ქვეყნების შესაბამის პლატფორმებთან თანამშრომლობა;

ვ) სპორტული შეჯიბრებების მანიპულაციების, ფეხბურთის მატჩებსა და სხვა სპორტულ ღონისძიებებზე მაყურებლის მიერ გამოვლენილი ძალადობისა და არასათანადო ქცევის, სპორტის სხვადასხვა სახეობაში დოპინგის გამოყენების წინააღმდეგ ბრძოლისათვის წარმატებული საერთაშორისო გამოცდილების გაზიარება და აღნიშნულის საქართველოში დანერგვისათვის შესაბამისი წინადადებების შემუშავება;

ზ) საჭიროების შემთხვევაში, ამ მუხლის „ა“ ქვეპუნქტში მითითებული ევროპის საბჭოს კონვენციებიდან გამომდინარე, შესაბამისი საკანონმდებლო და კანონქვემდებარე ნორმატიული აქტების პროექტების მომზადებისათვის წინადადების შემუშავება;

თ) სპორტის სფეროსთან დაკავშირებით, ევროპის საბჭოს მიერ სხვა ახალი კონვენცი(ებ)ის მიღებისა და საქართველოს მხრიდან მასთან/მათთან მიერთების შემთხვევაში, აღნიშნულთან მიმართებით, ამ მუხლის „ა“ – „ზ“ ქვეპუნქტებში გათვალისწინებული ღონისძიებებისა და ქმედებების განხორციელება;

ი) გაწეული საქმიანობის თაობაზე ანგარიშის საქართველოს მთავრობისათვის წარდგენა.

საქართველოს მთავრობის 2016 წლის 21 ივლისის დადგენილება №343 - ვებგვერდი, 28.07.2016წ.

საქართველოს მთავრობის 2020 წლის 13 იანვრის  დადგენილება №20  - ვებგვერდი, 14.01.2020წ.

+
მუხლი 4
1. კომისიის საქმიანობას ხელმძღვანელობს და კომისიის სხდომებს წარმართავს კომისიის თავმჯდომარე.

2. კომისიის სხდომის მომზადებას უზრუნველყოფს კომისიის მდივანი, რომლის მოვალეობასაც, კომისიის თავმჯდომარის დავალებით, ახორციელებს საქართველოს განათლების, მეცნიერების, კულტურისა და სპორტის სამინისტროს შესაბამისი სტრუქტურული ქვედანაყოფის ან ერთეულის ხელმძღვანელი ან სპეციალისტი, კენჭისყრაში მონაწილეობის უფლების გარეშე.

3. კომისიის თავმჯდომარის არყოფნის შემთხვევაში, მის უფლებამოსილებას, კომისიის თავმჯდომარის დავალებით, ახორციელებს კომისიის თავმჯდომარის მოადგილე.

4. კომისიის სხდომები მოიწვევა თავმჯდომარის გადაწყვეტილებით, სულ მცირე, წელიწადში ერთხელ.

5. კომისიის თავმჯდომარემ შეიძლება კომისიის სხდომები საჭიროებისამებრ მოიწვიოს დადგენილ ვადაზე ადრე.

6. კომისიის სხდომის დღის წესრიგს განსაზღვრავს კომისიის თავმჯდომარე.

7. კომისიის სხდომაზე საკითხის გატანის უფლება აქვთ კომისიის თავმჯდომარესა და კომისიის სხვა წევრებს.

8. კომისიის სხდომა უფლებამოსილია, თუ მას ესწრება კომისიის წევრთა საერთო რაოდენობის ნახევარზე მეტი.

9.  კომისიის სხდომაზე გადაწყვეტილება მიიღება დამსწრე წევრთა ხმების უბრალო უმრავლესობით, ხოლო ხმების თანაბრად გაყოფის შემთხვევაში,  გადამწყვეტია კომისიის თავმჯდომარის ხმა.

10. კომისიის სხდომა ფორმდება ოქმით, რომელსაც ხელს აწერენ კომისიის თავმჯდომარე (მისი არყოფნის შემთხვევაში - კომისიის თავმჯდომარის მოადგილე) და კომისიის მდივანი.

11. კომისიის გადაწყვეტილებით, კომისიასთან იქმნება კომისიის აპარატი, რომლის საქმიანობასაც უხელმძღვანელებს კომისიის მდივანი.

12. კომისიის აპარატი შედგება სპორტული შეჯიბრებების მანიპულაციების, სპორტში ძალადობის, დოპინგის მიმართულებებით შექმნილი თემატური ჯგუფებისაგან.

13. თემატური ჯგუფების შემადგენლობაში შედიან კომისიაში წარმოდგენილი უწყებების წარმომადგენლები, ასევე შეიძლება, შედიოდნენ სხვადასხვა სახელმწიფო უწყების, არასამთავრობო, სპორტული და საერთაშორისო ორგანიზაციების წარმომადგენლები.

14. თემატური ჯგუფი ანგარიშვალდებულია კომისიის წინაშე.

საქართველოს მთავრობის 2020 წლის 13 იანვრის  დადგენილება №20  - ვებგვერდი, 14.01.2020წ.

+
მუხლი 5
კომისიის დებულებაში ცვლილების შეტანა ხდება საქართველოს მთავრობის დადგენილებით.

 

 

 

 

 

 

 

 

 


Annotate

როგორ დავიმოწმოთ

საქართველოს მთავრობის დადგენილება „სპორტის მთლიანობის დაცვის უწყებათაშორისი კომისიის შექმნისა და მისი დებულების დამტკიცების შესახებ“, №42, 11.02.2015, სარეგისტრაციო კოდი 010220030.10.003.018427 (კონსოლიდირებული რედაქცია 13.01.2020). ხელმისაწვდომია: https://legali.ge/law/2723387-4/