დუშეთის მუნიციპალიტეტში დასახლებული ტერიტორიის დასუფთავების მოსაკრებლის შემოღებისა და მისი გადახდის ინსტრუქციის დამტკიცების შესახებ

✨ ჰკითხე AI-ს ამ კანონის შესახებ

მუნიციპალიტეტის საკრებულოს დადგენილება ძველი რედაქცია მოსაკრებლები

მიღების თარიღი

16.02.2015 ბოლო ცვლილება 21.01.2021

გამომცემი ორგანო

დუშეთის მუნიციპალიტეტი

ნომერი

№6

სარეგისტრაციო კოდი

210020020.35.152.016213

გამოქვეყნების წყარო

matsne.gov.ge , 18/02/2015

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

ცვლილებები (9)

შემდგომი ცვლილებები (2)

„დუშეთის მუნიციპალიტეტში დასახლებული ტერიტორიის დასუფთავების მოსაკრებლის შემოღებისა და მისი გადახდის ინსტრუქციის დამტკიცების შესახებ" დუშეთის მუნიციპალიტეტის საკრებულოს 2015 წლის 16 თებერვლის N6 დადგენილებაში ცვლილების შეტანის თაობაზე

21.01.2021

„დუშეთის მუნიციპალიტეტში დასახლებული ტერიტორიის დასუფთავების მოსაკრებლის შემოღებისა და მისი გადახდის ინსტრუქციის დამტკიცების შესახებ“ დუშეთის მუნიციპალიტეტის საკრებულოს 2015 წლის 16 თებერვლის №6 დადგენილებაში ცვლილების შეტანის თაობაზე

28.04.2020

წინა ცვლილებები (7)

„დუშეთის მუნიციპალიტეტში დასახლებული ტერიტორიის დასუფთავების მოსაკრებლის შემოღებისა და მისი გადახდის ინსტრუქციის დამტკიცების შესახებ“ დუშეთის მუნიციპალიტეტის საკრებულოს 2015 წლის 16 თებერვლის N6 დადგენილებაში ცვლილების შეტანის თაობაზე

01.03.2019

18.01.2019

19.05.2017

06.01.2017

„დუშეთის მუნიციპალიტეტში დასახლებული ტერიტორიის დასუფთავების მოსაკრებლის შემოღებისა და მისი გადახდის ინსტრუქციის დამტკიცების შესახებ“ დუშეთის მუნიციპალიტეტის საკრებულოს 2015 წლის 16 თებერვლის N6 დადგენილებაში ცვლილების შეტანის თაობაზე

01.04.2016

25.12.2015

„დუშეთის მუნიციპალიტეტში დასახლებული ტერიტორიის დასუფთავების მოსაკრებლის შემოღებისა და მისი გადახდის ინსტრუქციის დამტკიცების შესახებ“ დუშეთის მუნიციპალიტეტის საკრებულოს 2015 წლის 16 თებერვლის N6 დადგენილებაში ცვლილების შეტანის შესახებ

03.04.2015

18.02.2015 03.04.2015 25.12.2015 01.04.2016 06.01.2017 19.05.2017 18.01.2019 01.03.2019 28.04.2020 21.01.2021

დოკუმენტის ტექსტი

⇄ რედაქციების შედარება

დუშეთის მუნიციპალიტეტის საკრებულოს

დადგენილება №6

2015 წლის 16 თებერვალი

ქ.დუშეთი

დუშეთის მუნიციპალიტეტში დასახლებული ტერიტორიის დასუფთავების მოსაკრებლის შემოღებისა და მისი გადახდის ინსტრუქციის დამტკიცების შესახებ

საქართველოს ორგანული კანონის „ადგილობრივი თვითმმართველობის კოდექსის“ მე-16 მუხლის მე-2 პუნქტის „დ“ ქვეპუნქტის, 24-ე მუხლის პირველი პუნქტის „დ.ბ“ ქვეპუნქტის, 61-ე მუხლის პირველი და მე-2 პუნქტების, 93-ე მუხლის მე-2 პუნქტის, „ადგილობრივი მოსაკრებლების შესახებ” საქართველოს კანონის მე-3 მუხლის პირველი და მე-6 პუნქტების, 12¹ მუხლის, „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის და ,,საქართველოს ზოგადი ადმინისტრაციული კოდექსის“ 61-ე მუხლის პირველი და მე-3 პუნქტების შესაბამისად, დუშეთის მუნიციპალიტეტის საკრებულო ადგენს:

მუხლი 1

შემოღებულ იქნეს დასახლებული ტერიტორიის დასუფთავების მოსაკრებელი დუშეთის მუნიციპალიტეტში და დამტკიცდეს მოსაკრებლის გადახდის ინსტრუქცია დანართი №1-ის შესაბამისად.

მუხლი 2

1. ქალაქ დუშეთში, მუნიციპალიტეტში შემავალ დაბებში და დასახლებულ პუნქტებში მოსახლეობისათვის დასახლებული ტერიტორიის დასუფთავების მოსაკრებლის განაკვეთი განისაზღვროს ერთ სულზე 0.35 (ოცდათხუთმეტი) ლარით თვეში.

2. ფიზიკური პირები, რომლებიც რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და რომელთა ოჯახის სარეიტინგო ქულა 65 000-ზე (სამოცდახუთი ათასზე) დაბალია, გათავისუფლდნენ დასახლებული ტერიტორიის დასუფთავების მოსაკრებლის გადახდისაგან.

3. დუშეთის მუნიციპალიტეტის ტერიტორიაზე მცხოვრები დევნილები გათავისუფლდნენ დასახლებული ტერიტორიის დასუფთავების მოსაკრებლის გადახდისაგან.

დუშეთის მუნიციპალიტეტის საკრებულოს 2015 წლის 25 დეკემბრის დადგენილება №37 - ვებგვერდი, 30.12.2015 წ.

დუშეთის მუნიციპალიტეტის საკრებულოს 2017 წლის 6 იანვრის დადგენილება №2 - ვებგვერდი, 09.01.2017 წ.

მუხლი 3

იურიდიული პირებისათვის დასახლებული ტერიტორიის დასუფთავების მოსაკრებლის განაკვეთი განისაზღვროს დანართი №2-ის შესაბამისად.

მუხლი 4

ძალადაკარგულად ჩაითვალოს „დუშეთის მუნიციპალიტეტში დასახლებული ტერიტორიის დასუფთავებისათვის მოსაკრებლის შემოღებისა და დასახლებული ტერიტორიის დასუფთავების მოსაკრებლის გადახდის ინსტრუქციის დამტკიცების შესახებ“ დუშეთის მუნიციპალიტეტის საკრებულოს 2013 წლის 25 დეკემბრის №56 დადგენილება (ს/კ210020020.35.152.016162).

მუხლი 5

ეს დადგენილება ძალაშია 2015 წლის პირველი მარტიდან.

დუშეთის მუნიციპალიტეტის საკრებულოს თავმჯდომარე გიორგი ლაფანაშვილი

დანართი N1

დასახლებული ტერიტორიის დასუფთავებისათვის მოსაკრებლის გადახდის ინსტრუქცია

მუხლი 1. ზოგადი დებულებები

1. ეს წესი აწესრიგებს დუშეთის მუნიციპალიტეტის ტერიტორიაზე ნარჩენების წარმომქმნელთა მიერ დასახლებული ტერიტორიის დასუფთავების მოსაკრებლის გადახდასთან დაკავშირებულ ურთიერთობებს;

2. დასახლებული ტერიტორიის დასუფთავების მოსაკრებელი (შემდგომში – მოსაკრებელი) წარმოადგენს დასახლებული ტერიტორიის დასუფთავებისათვის გაწეული მომსახურების საფასურს.

3.დუშეთის მუნიციპალიტეტის მერი უფლებამოსილია დასუფთავების მოსაკრებლის ამოსაღებად გააფორმოს შესაბამისი ხელშეკრულება იურიდიულ პირებთან.

დუშეთის მუნიციპალიტეტის საკრებულოს 2019 წლის 1 მარტის დადგენილება №6 - ვებგვერდი,06.03.2019წ.

მუხლი 2. მოსაკრებლის გადამხდელი

1. მოსაკრებლის გადამხდელია დუშეთის მუნიციპალიტეტის ტერიტორიაზე ნარჩენების წარმომქმნელი ყველა ფიზიკური და იურიდიული პირი, რომელიც სარგებლობს დასუფთავების მომსახურებით.

მუხლი 3. მოსაკრებლის გადახდის წესი

1. მოსაკრებლის გადახდის ქვითარი (შემდეგში – ქვითარი) გაიწერება იმ უძრავი ქონების მესაკუთრეზე (შემდეგში – მესაკუთრე), რომლის საკუთრებაშიც წამოიქმნება საყოფაცხოვრებო ნარჩენები.

2. გადამხდელი დუშეთის მუნიციპალიტეტის ტერიტორიაზე მოსაკრებელს იხდის მხოლოდ ერთი საცხოვრებელი ადგილის მიხედვით.

3. მოსაკრებლის გადახდის ქვითარი ორგანიზაციებისა და დაწესებულებებისათვის გამოიწერება იმ ორგანიზაციის, დაწესებულებისა და იურიდიული პირის სახელზე, რომლის საქმიანობის შედეგად წარმოიქმნა საყოფაცხოვრებო ნარჩენი.

4. მოსაკრებელი შეიძლება გადახდილ იქნეს ქვითარში დაფიქსირებული გადამხდელის ან მისი წარმომდგენი ნებისმიერი სხვა პირის მიერ.

5. მოსახლეობაში ნარჩენების წარმომქმნელ პირთა რაოდენობის შეცვლისას, მიმდინარე თვის მოსაკრებელი დაიფარება ცვლილების გაუთვალისწინებლად.

6. მესაკუთრის შეცვლისას, ყოფილმა მესაკუთრემ მოსაკრებლის მიმდინარე დავალიანება უნდა დაფაროს იმ თვის ბოლომდე, რომელშიც მოხდა საკუთრების გადაცემა.

7. თუკი წინასწარ გადახდილი თანხა, რომელიც შეტანილი იყო მოსაკრებლის ახალი განაკვეთის ძალაში შესვლისას, უფრო მცირეა, ვიდრე გადახდის დღის დადგომის შემდეგ, სხვაობა უნდა დაიფაროს განაკვეთის ძალაში შესვლიდან ერთი თვის ვადაში. თუკი წინასწარ გადახდილი თანხა, რომელიც შეტანილი იყო ახალი განაკვეთის ძალაში შესვლამდე, აღემატება ახალ ამოქმედებულ განაკვეთს, სხვაობა ახალი განაკვეთის ამოქმედების შემდეგ უნდა გამოაკლდეს ახალი განაკვეთის თანხას.

მუხლი 4. მოსაკრებლის გადახდის ვალდებულების წარმოქმნა, შეცვლა და მისგან გათავისუფლება

1. მოსაკრებლის გადახდის ვალდებულება წარმოიქმნება მოსახლეობისათვის – მომსახურების ერთი თვის განმავლობაში მიღების შემთხვევაში. ორგანიზაციების, დაწესებულებებისა და იურიდიული პირებისათვის – მომსახურების მიღებისთანავე.

2. მოსაკრებლის გადახდის ვალდებულებისაგან გათავისუფლებულია ის პირი, რომელიც ცხოვრობს სასტუმროს ტიპის საცხოვრებელში, იმ შემთხვევაში, თუ ეს უკანასკნელი თვითონ სარგებლობს ოპერატორის მომსახურებით.

3. მესაკუთრე ფიზიკური პირი (გარდა მეწარმე ფიზიკური პირისა), რომლის საკუთრებაშიც წარმოიქმნება ნარჩენი, ვალდებულია ნარჩენის წარმომქმნელ პირთა რაოდენობის ცვლილების შესახებ 30 დღის განმავლობაში აცნობოს მერიის მოსაკრებლის გადახდევინებისათვის პასუხისმგებელ სამსახურს ან საამისოდ უფლებამოსილ იურიდიულ პირს.

4. მოსაკრებლის გადამხდელი ფიზიკური პირის საკუთრებაში ნარჩენის წარმომქმნელ პირთა რაოდენობის ცვლილება შეიძლება დადასტურდეს სახელმწიფო სერვისების განვითარების სააგენტოს სამოქალაქო რეესტრის დეპარტამენტის მიერ გაცემული დოკუმენტით ან მერის წარმომადგენლის მიერ შედგენილი აქტით.

5. მოსაკრებლის გადახდის ვალდებულება წყდება ნარჩენების წარმომქმნელთა მიერ დუშეთის მუნიციპალიტეტში ნარჩენების წარმოქმნის შეწყვეტის შემდეგ, თვის დასრულებასთან ერთად.

6. მომსახურების ერთ თვეზე მეტი ხნით შეწყვეტის შემთხვევაში, მოსაკრებლის გადამხდელის მოთხოვნით, გადასახდელი თანხა შესაძლებელია შემცირდეს ამ პერიოდში გადასახდელი მოსაკრებლის ოდენობით.

7. მომსახურების შეფერხების, შეზღუდვის, დაგვიანების, აგრეთვე მომსახურების ერთ თვეზე ნაკლები დროის განმავლობაში შეწყვეტისას, მოსაკრებლის გადამხდელს არა აქვს უფლება, მოითხოვოს მოსაკრებლის განაკვეთის გადახდისაგან გათავისუფლება ან მისი განაკვეთის შემცირება.

მუხლი 5. მოსაკრებლის ბიუჯეტში ჩარიცხვის წესი

მოსაკრებელი მთლიანად ჩაირიცხება ადგილობრივ ბიუჯეტში.

მუხლი 6. მოსაკრებლის გადახდის პერიოდულობა და ვადები

1. მოსაკრებელი გადახდა ხდება თვეში ერთხელ, მომდევნო თვის 20 რიცხვამდე;

2. გადამხდელს შეუძლია მოსაკრებელი გადაიხადოს წინასწარ.

დანართი №2

დასუფთავების მოსაკრებლის განაკვეთი იურიდიული პირებისათვის

№	საქმიანობა	ზომის ერთეული	წლიური დაგროვების ნორმა მ³	განაკვეთი თვეში (1 მ³ – 9.8693ლ.)
1	მუზეუმები, ბიბლიოთეკები	საერთო ფართის 1 მ²	0,04	0,033
2	ოფისები, სააგენტოები, პროფესიული და და სახელმწიფო ორგანიზაციები, ბანკები, საკრედიტო და საფინანსო ორგანიზაციები	საერთო ფართის 1 მ²	0,08	0,066
3	სკოლები, ინსტიტუტები, კოლეჯები, საბავშვო ბაღები(საგანმანათლებლო დაწესებულებები)	ერთ მოსწავლეზე	0,198	0,163
4	სასტუმროები	მომსახურების ერთი საწოლი	1,72	1.414
5	საავადმყოფოები	ერთი საწოლი	1,157	0,952
6	პოლიკლინიკები, სამედიცინო დიაგნოსტიკური ცენტრები, ექიმებისა და სტომატოლოგიური კაბინეტები (ინფრასტრუქტურის ფართზე მოსაკრებელი არ დაერიცხება)	საერთო ფართის 1 მ²	0,12	0,098
7	სტადიონები, სპორტულ -გამაჯანსაღებელი დაწესებულებების ღია ტერიტორიები და მანეჟები (სატურნირო და სავარჯიშო მოედნების გარდა) ღია ფართის 1 მ²	5000 მ²-მდე	0,02	0,016
		5000 მ²-დან – 15000 მ²-მდე	0,015	0,012
		15000 მ²-დან – 50000 მ²-მდე	0,008	0,007
		50000 მ²-ზე მეტი	0,006	0,005
		დახურული ფართის 1მ²	0,08	0,066
8	სასურსათო საქონლის მაღაზიები	სამუშაო ფართის 1 მ²	0,50	0,411
9	სამრეწველო საქონლის მაღაზიები და აფთიაქები	სამუშაო ფართის 1 მ²	0,25	0,21
10	აგრარული ბაზრები საერთო ფართის 1 მ²	ყოველდღიურად მომუშავე	0,1	0,082
10	აგრარული ბაზრები საერთო ფართის 1 მ²	კვირაში ერთ დღეს მომუშავე	0,024	0,02
11	ბენზინგასამართი/გაზგასამართი სადგურები	ღია ფართის 1 მ²	0,005	0,004
11	ბენზინგასამართი/გაზგასამართი სადგურები	დახურული ფართის 1 მ²	0,08	0,066
12	სადალაქოები და სილამაზის სალონები	საერთო ფართის 1 მ²	0,35	0,287
13	სამეწარმეო საქმიანობა შენობის შიგნით მიმდებარე წარმოებისას და საყოფაცხოვრებო მომსახურების ობიექტები	საერთო ფართის 1 მ²	0,25	0,21
14	რესტორნები, სასადილოები, კაფეები და ბარები	ერთ დასაჯდომ ადგილზე	2,4	1,97
15	საბანკეტო დარბაზები სარიტუალო მომსახურებისათვის	ერთ დასაჯდომ ადგილზე	0,96	0,79
16	საცხობები	სამუშაო ფართის 1 მ²	0,26	0,214
17	საავტომობილო სადგურები	ღია ფართის 1 მ²	0,008	0,007
17	საავტომობილო სადგურები	დახურული ფართის 1მ²	0,08	0,066
18	საწარმოო დანიშნულების ობიექტების ღია ტერიტორიები	სამუშაო ფართის 1 მ²	0,008	0,007
19	არასამეწარმეო დანიშნულების ობიექტების ღია ტერიტორიები: ღია ფართის 1 მ²	50000 მ²-მდე	0,005	0,004
		50000 მ²-დან – 150000 მ²-მდე	0,003	0,0025
		150000 მ²-დან – 200000 მ²-მდე	0,0025	0,002
		200000 მ²-ზე მეტი	0,0003	0,0002
20	მოხუცებულთა სახლები, ბავშვთა სახლები	ერთი საწოლი	1,157	0,95
21	ა/მანქანების სარემონტო სადგურები, ტექ-მომსახურების ადგილები	ღია საერთო ფართის 1 მ²	0,02	0,016
21	ა/მანქანების სარემონტო სადგურები, ტექ-მომსახურების ადგილები	დახურული ფართის 1 მ²	0,14	0,12
22	სამხედრო ნაწილები	ერთი ადგილი	0,8	0,65
23	სკოლა-პანსიონები	მომსახურების ერთი საწოლი	1,72	1,414
24	ჯართის მიმღები პუნქტები	საერთო ფართის 1 მ²	0,01	0,008
25	კინოთეატრები და თეატრები, საკონცერტო დარბაზები	მაყურებლის ერთი სავარძელი	0,331	0.27
26	სანერგე მეურნეობები და სათბურები,ფერმები,სასაკლაოები	ღია საერთო ფართის 1მ²	0.04	0.033
26	სანერგე მეურნეობები და სათბურები,ფერმები,სასაკლაოები	დახურული საერთო ფართის 1მ²	0.08	0.066
27	აბანოები, საუნები და საზოგადოებრივი საპირფარეშოები	საერთო ფართის 1მ²	0.18	0.15
28	შერეული საქონლის ბაზრობები (მათ შორის შინაურ ცხოველთა და ფრინველთა ბაზრობები), საბითუმო ვაჭრობის საწყობები და მაცივრები	საერთო ფართის 1მ²	0.21	0.17
29	საოჯახო სასტუმროები	მომხმარებლის ერთეული, ერთი საწოლი	0.8	0.65
30	ღია ტიპის დასვენებისა და გასართობი თავშეყრის ადგილები, სკვერები,ბარები ატრაქციონები, მდინარეებზე , ტბებზე არსებული ფასიანი სანაპირო ზოლები	საერთო ფართის 1მ²	0.008	0.007

შენიშვნა:

მოსაკრებლის გაანგარიშების ფორმულა: მ = წ. დ. ნ. / 12 X ტ.

მ – მოსაკრებელი ერთ თვეზე.

წ. დ. ნ. – წლიური დაგროვების ნორმა.

ტ – 1 მ³ ნარჩენის შეგროვება, ტრანსპორტირების ტარიფი.

დუშეთის მუნიციპალიტეტის საკრებულოს 2015 წლის 3 აპრილის დადგენილება №9 - ვებგვერდი, 07.04.2015წ.

დუშეთის მუნიციპალიტეტის საკრებულოს 2016 წლის 1 აპრილის დადგენილება №11 - ვებგვერდი, 07.04.2016 წ.

დუშეთის მუნიციპალიტეტის საკრებულოს 2017 წლის 19 მაისის დადგენილება №15- ვებგვერდი, 22.05.2017 წ.

დუშეთის მუნიციპალიტეტის საკრებულოს 2019 წლის 18 იანვრის დადგენილება №2- ვებგვერდი, 22.01.2019 წ.

გამოსვლა შენახვა

Annotate

როგორ დავიმოწმოთ

მუნიციპალიტეტის საკრებულოს დადგენილება „დუშეთის მუნიციპალიტეტში დასახლებული ტერიტორიის დასუფთავების მოსაკრებლის შემოღებისა და მისი გადახდის ინსტრუქციის დამტკიცების შესახებ“, №6, 16.02.2015, სარეგისტრაციო კოდი 210020020.35.152.016213 (კონსოლიდირებული რედაქცია 01.03.2019). ხელმისაწვდომია: https://legali.ge/law/2732115-7/

შემდგომი ცვლილებები (2)

წინა ცვლილებები (7)

დოკუმენტის ტექსტი

მუხლი 1. ზოგადი დებულებები🔗

მუხლი 2. მოსაკრებლის გადამხდელი🔗

მუხლი 3. მოსაკრებლის გადახდის წესი🔗

მუხლი 4. მოსაკრებლის გადახდის ვალდებულების წარმოქმნა, შეცვლა და მისგან გათავისუფლება🔗

მუხლი 5. მოსაკრებლის ბიუჯეტში ჩარიცხვის წესი🔗

მუხლი 6. მოსაკრებლის გადახდის პერიოდულობა და ვადები🔗

როგორ დავიმოწმოთ