საქართველოს სივრცის დაგეგმარების გეგმის „საქართველო 2030-ის“ შემუშავების სამთავრობო კომისიის შექმნის შესახებ

საქართველოს მთავრობის 2022 წლის 29 დეკემბრის დადგენილება №604 – ვებგვერდი, 30.12.2022წ.

1. საქართველოს პრემიერ-მინისტრი − კომისიის თავმჯდომარე;

2. საქართველოს ეკონომიკისა და მდგრადი განვითარების მინისტრი,  საქართველოს ვიცე-პრემიერი − კომისიის თავმჯდომარის მოადგილე;

3. საქართველოს კულტურის, სპორტისა და ახალგაზრდობის მინისტრი საქართველოს ვიცე-პრემიერი;

4. საქართველოს იუსტიციის მინისტრი;

5. საქართველოს ფინანსთა მინისტრი;

6. საქართველოს რეგიონული განვითარებისა და ინფრასტრუქტურის მინისტრი;

7. საქართველოს გარემოს დაცვისა და სოფლის მეურნეობის მინისტრი;

8. საქართველოს განათლებისა და მეცნიერების მინისტრი;

9. საქართველოს საგარეო საქმეთა მინისტრი;

10. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი;

11. საქართველოს თავდაცვის მინისტრი;

12. საქართველოს შინაგან საქმეთა მინისტრი;

13. შერიგებისა და სამოქალაქო თანასწორობის საკითხებში საქართველოს სახელმწიფო მინისტრი;

14. აჭარის ავტონომიური რესპუბლიკის მთავრობის თავმჯდომარე;

15. აფხაზეთის ავტონომიური რესპუბლიკის მთავრობის თავმჯდომარე;

16. ყოფილი სამხრეთ ოსეთის დროებითი ადმინისტრაციულ-ტერიტორიული ერთეულის ხელმძღვანელი;

17. ქალაქ თბილისის მუნიციპალიტეტის მერი;

18. სსიპ − სივრცითი და ქალაქთმშენებლობითი განვითარების სააგენტოს უფროსი.

საქართველოს მთავრობის 2022 წლის 29 დეკემბრის დადგენილება №604 – ვებგვერდი, 30.12.2022წ.

საქართველოს მთავრობის 2022 წლის 29 დეკემბრის დადგენილება №604 – ვებგვერდი, 30.12.2022წ.

საქართველოს მთავრობის 2022 წლის 29 დეკემბრის დადგენილება №604 – ვებგვერდი, 30.12.2022წ.

1. საქართველოს  სივრცის დაგეგმარების გეგმის „საქართველო 2030-ის“ (შემდგომში – გეგმა) შემუშავების კომისია (შემდგომში – კომისია) შექმნილია საქართველოს მთავრობის დადგენილებით.

2. თავის საქმიანობაში კომისია ხელმძღვანელობს საქართველოს კონსტიტუციით,  საქართველოს საერთაშორისო ხელშეკრულებებითა და შეთანხმებებით, საქართველოს სხვა სამართლებრივი აქტებით.

3. კომისია, მასზე დაკისრებული ამოცანების შესრულების მიზნით, თანამშრომლობს საქართველოს და უცხო ქვეყნების შესაბამის სახელმწიფო ორგანოებთან და საერთაშორისო ორგანიზაციებთან.

4. კომისიის მიზანი, სტრუქტურა, უფლებამოსილება და საქმიანობის წესი განისაზღვრება ამ დებულებით.

საქართველოს მთავრობის 2022 წლის 29 დეკემბრის დადგენილება №604 – ვებგვერდი, 30.12.2022წ.

1. კომისიის მიზანია, უზრუნველყოს გეგმის კანონმდებლობით დადგენილი წესით შემუშავებისა და დამტკიცების ხელშეწყობა/კოორდინაცია. 

2. კომისიის ფუნქციები და ამოცანებია:

ა)  გეგმის შემუშავებისა და დამტკიცების ხელშეწყობა/კოორდინაცია;

ბ) გეგმის შემუშავების მიზნით, სამდივნოსა და სამუშაო ჯგუფის მიერ მომზადებული წინადადებებისა და რეკომენდაციების განხილვა და გადაწყვეტილებების მიღება.

საქართველოს მთავრობის 2022 წლის 29 დეკემბრის დადგენილება №604 – ვებგვერდი, 30.12.2022წ.

დასახული მიზნების და ამოცანების განსახორციელებლად კომისია უფლებამოსილია:

ა) უზრუნველყოს შესაბამისი გადაწყვეტილებებისა და სამართლებრივი აქტების პროექტების მომზადება;

ბ) განახორციელოს დონორ ორგანიზაციებთან ურთიერთობის კოორდინაცია, საერთაშორისო ორგანიზაციების მხარდაჭერით, გეგმის შექმნისა და განვითარების საკითხებზე სახელმწიფო ორგანოებში პროექტების ინიციირებისა და იმპლემენტაციისას;

გ) სახელმწიფო და ადგილობრივი თვითმმართველობის ორგანოებიდან, ასევე, საჭიროების შემთხვევაში, სხვა ორგანიზაციებიდან გამოითხოვოს და მიიღოს მისი საქმიანობისათვის აუცილებელი ინფორმაცია.

საქართველოს მთავრობის 2022 წლის 29 დეკემბრის დადგენილება №604 – ვებგვერდი, 30.12.2022წ.

1. კომისიას ხელმძღვანელობს კომისიის თავმჯდომარე, რომელიც:

ა) უძღვება კომისიის საქმიანობას;

ბ) ამტკიცებს კომისიის სამუშაო განრიგს კომისიის მდივნის წარდგინებით;

გ) იწვევს და წარმართავს კომისიის სხდომებს.

2. კომისიის თავმჯდომარის არყოფნის შემთხვევაში მის უფლებამოსილებას ახორციელებს კომისიის თავმჯდომარის მოადგილე, ხოლო მისი არყოფნის შემთხვევაში, კომისიის თავმჯდომარის უფლებამოსილებას კომისიის თავმჯდომარის დავალებით, ახორციელებს კომისიის ერთ-ერთი წევრი.

3. კომისიის სხდომა უფლებამოსილია, თუ მას ესწრება კომისიის წევრთა ნახევარზე მეტი.

4. კომისიის წევრის წარმომადგენელი კომისიის მუშაობაში მონაწილეობს კომისიის წევრის სტატუსით. 

5. კომისიის თითოეულ წევრს აქვს ერთი ხმის უფლება.

6. კომისიის გადაწყვეტილება მიიღება დამსწრე წევრების ხმათა უბრალო უმრავლესობით. ხმათა თანაბრად გაყოფის შემთხვევაში გადამწყვეტია თავმჯდომარის ხმა.

7. კომისია საოქმო გადაწყვეტილებით სამდივნოს და სამუშაო ჯგუფს ავალებს ცალკეული საკითხების შესწავლას და კომისიის სხდომაზე განსახილველ შესაბამის გადაწყვეტილებათა პროექტების მომზადებას.

8. კომისია იკრიბება, როგორც წესი, 3 თვეში ერთხელ. საჭიროების შემთხვევაში, კომისიის რიგგარეშე სხდომა მოიწვევა თავმჯდომარის ან კომისიის წევრთა უმრავლესობის მოთხოვნის საფუძველზე.

1. კომისიის საქმიანობის უზრუნველყოფას ახორციელებს კომისიის სამდივნო, რომლის ფუნქციას ასრულებს საჯარო სამართლის იურიდიული პირი − სივრცითი და ქალაქთმშენებლობითი განვითარების სააგენტო.

2. კომისიის სამდივნო უზრუნველყოფს:

ა)  კომისიის დავალებათა შესრულების მიზნით, კომისიის წევრთა შორის ინფორმაციის გაცვლისა და ურთიერთობის კოორდინაციას;

ბ)   კომისიის დახმარებას მასობრივი ინფორმაციის საშუალებებთან და საზოგადოებრივ ორგანიზაციებთან ურთიერთობის საკითხებში;

გ) კომისიის მიერ ინიცირებული შეხვედრების, კონფერენციებისა და სემინარების მომზადებას;

დ) კომისიის მიერ უფლებამოსილებების განხორციელებისთვის საჭირო სხვა საქმიანობის განხორციელებას.

საქართველოს მთავრობის 2022 წლის 29 დეკემბრის დადგენილება №604 – ვებგვერდი, 30.12.2022წ.

 დასახული მიზნებისა და დაკისრებული ამოცანების შესასრულებლად კომისია უფლებამოსილია, შექმნას სამუშაო ჯგუფი შესაბამისი სამინისტროების, სახელმწიფო უწყებების, ორგანიზაციებისა და დამოუკიდებელი ექსპერტების მონაწილეობით.

კომისიის საქმიანობის შეწყვეტასთან დაკავშირებით გადაწყვეტილება მიიღება კანონმდებლობით დადგენილი წესით.