აჭარის ავტონომიური რესპუბლიკის ფინანსთა და ეკონომიკის სამინისტროს საქვეუწყებო დაწესებულება – ტურიზმისა და კურორტების დეპარტამენტის დებულების დამტკიცების შესახებ

საქვეუწყებო დაწესებულების  - ტურიზმისა

და კურორტების დეპარტამენტის

დ ე ბ უ ლ ე ბ ა

2. დეპარტამენტი თავის საქმიანობაში ხელმძღვანელობს საქართველოსა და აჭარის ავტონომიური რესპუბლიკის კონსტიტუციებით, საქართველოს კანონებით, „აჭარის ავტონომიური რესპუბლიკის მთავრობის სტრუქტურის, უფლებამოსილებისა და საქმიანობის წესის შესახებ“ აჭარის ავტონომიური რესპუბლიკის კანონით, ამ დებულებითა და სხვა შესაბამისი ნორმატიული აქტებით.

3. დეპარტამენტი ანგარიშვალდებულია აჭარის ავტონომიური რესპუბლიკის მთავრობის წინაშე და ასრულებს კანონმდებლობითა და ამ დებულებით გათვალისწინებულ ამოცანებს.

4. დეპარტამენტს აქვს დასრულებული  ბალანსი, ანგარიში აჭარის ავტონომიური რესპუბლიკის ხაზინაში, ხარჯთაღრიცხვა, ბეჭედი საქართველოს მცირე სახელმწიფო გერბისა და აჭარის ავტონომიური რესპუბლიკის გერბის გამოსახულებით, საკუთარი სახელწოდების აღნიშვნით.

5. დეპარტამენტი ფინანსდება აჭარის ავტონომიური რესპუბლიკის ბიუჯეტიდან.

6. დეპარტამენტის იურიდიული მისამართია: ქ.ბათუმი, ფარნავაზ მეფის ქ. №84/86.

ა) ტურისტული და საკურორტო რესურსების შენარჩუნებისა და განვითარების  ძირითადი მიმართულებების შემუშავება და მათი რეალიზაცია თავისი კომპეტენციის ფარგლებში;

ბ) ტურიზმისა და კურორტების პერსპექტიული განვითარების, მისი კონკურენ-ტუნარიანობისა და მიმზიდველობის გაზრდის რეკომენდაციათა მომზადება.

გ) ტურისტული და საკურორტო მომსახურების სფეროში საზღვარგარეთის ქვეყნების გამოცდილების შესწავლა,  მისი განზოგადება და გამოყენება;

დ) ქვეყანაში ტურიზმისა და კურორტების სფეროს ერთიანი სახელმწიფო პოლიტიკის ფორმირებასა და განხორციელებაში მონაწილეობის მიღება;

ე) აჭარის ავტონომიურ რესპუბლიკაში ტურიზმის ინდუსტრიაში მიმდინარე პროცესების ანალიზი, მათ შორის მომსახურების ხარისხის შეფასება;

ე1) ტურისტულ ინდუსტრიაში მომსახურების ხარისხის გაუმჯობესების წახალისება, მომსახურების საუკეთესო პრაქტიკის დამკვიდრების ხელშეწყობა;
ე2) ახალი ტურისტული პროდუქტების შექმნა, ახალი და არსებული ტურისტული პროდუქტების განვითარების ხელშეწყობა;
ე3) ხელის შეწყობა და მონაწილეობა ღონისძიებებში, რომლების მიზანია რეგიონის ცნობადობის გაზრდა და ტურიზმის სტიმულირება;

ვ) ტურიზმისა და კურორტების სფეროში დასაქმებული ფიზიკური და იურიდიული პირების ინფორმაციული უზრუნველყოფა;

ზ) ტურიზმისა და კურორტების დარგში შიდა სამომხმარებლო ბაზრისა და მომსა-ხუ-რების სფეროს განვითარებისათვის წინადადებათა მომზადება და ხელშეწყობა მომხმა-რებელთა ინტერესების გათვალისწინებით;

თ) აჭარის ავტონომიური რესპუბლიკის ტერიტორიაზე ადგილობრივი თვითმმართველობის ორგანოებთან ერთად ახალი ტურისტული და საკურორტო ობიექტების შექმნის მიზნით წინადადებების  შემუშავება  და წარდგენა თავისი კომპეტენციის ფარგლებში;

ი) კომპეტენციის ფარგლებში ტურიზმის სხვადასხვა სახეობათა განვითარების მიზნით საქართველოსა და უცხოეთის სამთავრობო, კერძო და არასამთავრობო ორგანიზაციებ-თან თანამშრომლობა;

კ) აჭარის ავტონომიური რესპუბლიკის ტურისტული პოტენციალის პოპულარიზაცია საერთაშორისო და ადგილობრივ  დონეზე;

ლ) დარგის სპეციალისტების პროფესიული ზრდის ხელშეწყობა მოქმედი კანონმდებლობის შესაბამისად.

2. დეპარტამენტი ახორციელებს საქართველოსა და აჭარის ავტონომიური რესპუბლიკის კანონმდებლობით მისთვის დაკისრებულ სხვა ამოცანებსა და ფუნქციებს.

აჭარის ავტონომიური რესპუბლიკის მთავრობის 2017 წლის 29 დეკემბრის დადგენილება №31 - ვებგვერდი, 08.01.2018წ.

ა) შეიმუშაოს და გამოსცეს სამართლებრივი აქტები;

ბ) შეიმუშაოს და მთავრობის სხდომაზე განსახილველად წარადგინოს საკითხები ტურიზმისა და კურორტების განვითარების სფეროში არსებული ვითარებისა და მისი გაუმჯობესების ღონისძიებათა შესახებ;

გ) შექმნას სახელმწიფო დაწესებელებათა და საზოგადოებრივ ორგანიზაციათა წარმომადგენლების მონაწილეობით სხვადასხვა სამუშაო ჯგუფები ცალკეულ საკითხთა განხილვისა და გადაწყვეტის მიზნით;

დ) დასახული ამოცანების განხორციელების მიზნით შექმნას არასამეწარმეო (არაკო-მერციული) იურიდიული პირები;

ე) აწარმოოს მოლაპარაკებები და დადოს ხელშეკრულებები საქართველოსა და უც-ხოეთის ფიზიკურ და იურიდიულ პირებთან;

ვ) წარმართოს საკადრო საკითხები, უზრუნველყოს დეპარტამენტის საჯარო მოხელეთა ატესტაცია და არსებული ვაკანტური თანამდებობების დასაკავებლად კონკურსის ჩატარება;

ზ) კანონით გათვალისწინებულ ფარგლებში მოითხოვოს საჭირო დოკუმენტები და ინფორმაცია სახელმწიფო დაწესებულებებიდან და ორგანიზაციებიდან;

ზ​1) დამოუკიდებლად და სტატისტიკის მწარმოებელ ორგანოებთან თანამშრომლობით აწარმოოს სტატისტიკური მონაცემების შეგროვება და ანალიზი;
ზ​2) ტურისტული მომსახურების სფეროს ანალიზის მიზნით აწარმოოს დაკვირვება და გამოავლინოს მომსახურების სფეროში დანერგილი საერთაშორისო სტანდარტების შესაბამისობა;

თ) განიხილოს მოქალაქეთა განცხადებები, საჩივრები, წინადადებები და დროულად მიიღოს კანონმდებლობით გათვალისწინებული ზომები;

ი) გამართოს თათბირები, სემინარები და კონფერენციები თავის კომპეტენციას მიკუთვნებულ საკითხებზე;

კ) გამოვიდეს მოსარჩელედ და მოპასუხედ სასამართლოში;

ლ) პერიოდულად მოახსენოს მთავრობას თავისი საქმიანობის მიმდინარეობის შესახებ;

მ) განახორციელოს საქართველოსა და აჭარის ავტონომიური რესპუბლიკის კანონმდებლობით მისთვის მინიჭებული სხვა უფლებამოსილებანი.

აჭარის ავტონომიური რესპუბლიკის მთავრობის 2017 წლის 29 დეკემბრის დადგენილება №31 - ვებგვერდი, 08.01.2018წ.

2. დეპარტამენტის თავმჯდომარე:

ა) წარმოადგენს დეპარტამენტს სხვა ორგანოებსა და ორგანიზაციებთან ურთიერთობაში;

ბ) წარმართავს დეპარტამენტის სტრუქტურული ერთეულების საქმიანობას;

გ) უშუალოდ ან დეპარტამენტის სტრუქტურული ერთეულების მეშვეობით წყვეტს დეპარტამენტის ამოცანებით, ფუნქციებით და უფლებამოსილებით გათვალისწინებულ საკითხებს. განსაზღვრავს მოადგილეებისა და სხვა თანამდებობის პირების ფუნქციებსა და პასუხისმგებლობას;

დ) თავისი უფლებამოსილების განხორციელებისას გამოსცემს ინდივიდუალურ-სამართლებრივ აქტს - ბრძანებას;

ე) დადგენილი წესით თანამდებობაზე ნიშნავს და თანამდებობიდან ათავისუფლებს დეპარტამენტის საშტატო ნუსხით გათვალისწინებულ საჯარო მოსამსახურეებს;

ვ) ახორციელებს სამსახურებრივ ზედამხედველობას დეპარტამენტის საჯარო მოსამსახურეების გადაწყვეტილებებსა და მოქმედებაზე;

ზ) შეაქვს წინადადება აჭარის ავტონომიური რესპუბლიკის ფინანსთა და ეკონომიკის სამინისტროში დეპარტამენტის წლიური ბიუჯეტის შემოსავლისა და გასავლის საკითხებზე, პასუხს აგებს სახელმწიფო ქონების დაცვისა და ფულადი სახსრების მიზნობრივ გამოყენებაზე.

3. დეპარტამენტის თავმჯდომარის მიერ თავისი უფლებამოსილების განხორციელების შეუძლებლობისას, მისი ადგილზე არყოფნისას ან უფლებამოსილების ვადამდე შეწყვეტის შემთხვევაში დეპარტამენტის თავმჯდომარის მოვალეობას ასრულებს მისი პირველი მოადგილე, ხოლო ამ უკანასკნელის ადგილზე არყოფნისას, დეპარტამენტის თავმჯდომარის მიერ წინასწარ განსაზღვრული მოადგილე, თავმჯდომარის მიერ წინასწარი განსაზღვრის შეუძლებლობისას – აჭარის ავტონომიური რესპუბლიკის მთავრობის თავმჯდომარის მიერ განსაზღვრული მოადგილე.

4. დეპარტამენტის თავმჯდომარის პირველი მოადგილე და მოადგილეები კოორდინაციას უწევენ დეპარტამენტის სტრუქტურული ერთეულების საქმიანობას, ასრულებენ დეპარტამენტის თავმჯდომარის ცალკეულ მითითებებსა და დავალებებს საკურაციო სფეროების შესაბამისად.

აჭარის ავტონომიური რესპუბლიკის მთავრობის 2017 წლის 29 დეკემბრის დადგენილება №31 - ვებგვერდი, 08.01.2018წ.

ა) საზოგადოებასთან ურთიერთობისა და რეკლამის სამსახური;

ბ) სერვისის განვითარების სამსახური;

გ) სტატისტიკისა და ანალიტიკის სამსახური;

დ) სოციალური მედიისა და ონლაინპროექტების სამსახური;

ე) ადმინისტრაციული სამსახური;

ვ) სახელმწიფო შესყიდვების სამსახური;

ზ) საფინანსო-საბუღალტრო სამსახური;

თ) საერთაშორისო ტურიზმის სტიმულირების სამსახური.

2. დეპარტამენტის საშტატო განრიგს ამ დებულებისა და სტრუქტურის შესაბამისად ამტკიცებს დეპარტამენტის თავმჯდომარე.

3. დეპარტამენტის პირველადი სტრუქტურული ერთეულების ძირითადი ამოცანები და ფუნქციები.

ა)  საზოგადოებასთან ურთიერთობისა და რეკლამის სამსახური:

ა.ა) ახორციელებს რეგიონის ტურისტული პოტენციალის პოპულარიზაციას ქვეყნის შიდა და საერთაშორისო ბაზარზე;

ა.ბ) აწარმოებს  სარეკლამო კამპანიებს მიზნობრივ ბაზრებზე;

ა.გ) ხელს უწყობს ქვეყნის შიგნით ჟურნალისტების, ტუროპერატორებისა და ტურიზმის ინდუსტრიის სხვა მონაწილეთათვის რეგიონში სხვადასხვა გაცნობითი ტურის მოწყობას;

ა.დ) აწარმოებს სარეკლამო და საინფორმაციო მასალების  მომზადებასა და გავრცელებას;

ა.ე.) (ამოღებულია - 29.12.2017, №31);

ა.ვ) (ამოღებულია - 29.12.2017, №31);

ა.ვ​1) ზრუნავს რეგიონის ტურისტული ბრენდის განვითარებაზე, შეიმუშავებს სარეკლამო კამპანიის წარმართვისათვის საჭირო აქტივობების გეგმას და წარუდგენს დეპარტამენტის ხელმძღვანელობას განსახორციელებლად;
ა.ვ​2) ამზადებს და ამუშავებს დეპარტამენტის ვებგვერდზე განსათავსებელი ინფორმაციის შინაარსს, მართავს ინტერნეტსივრცეში წარმოებულ კომუნიკაციას დეპარტამენტთან.

ბ)  სერვისის განვითარების სამსახური:

ბ.ა) უზრუნველყოფს სხვადასხვა ღონისძიებების გატარებას აჭარის ავტონომიურ რესპუბლიკაში ტურისტული სერვისების კონკურენტუნარიანობის გაზრდისთვის როგორც ეროვნულ, ისე საერთაშორისო ტურისტულ ბაზარზე და შეისწავლის ტურისტულ-საკურორტო მომსახურების სფეროში უცხო ქვეყნების გამოცდილებას;

ბ.ბ) ამზადებს რეკომენდაციებს და სხვადასხვა სახის პროექტებს ტურიზმისა და კურორტების დარგის პერსპექტიული განვითარებისთვის და საკანონმდებლო დონეზე მისი სრულყოფის მიზნით;

ბ.გ) ტურისტულ ობიექტებზე მომსახურების ხარისხის დონის განსასაზღვრად ახდენს პერიოდულ მონიტორინგს  და უზრუნველყოფს აჭარის ტერიტორიაზე მომსახურების სფეროში დასაქმებული პერსონალისათვის სემინარების და ტრენინგების ჩატარებას მათი კვალიფიკაციის ამაღლების მიზნით;

ბ.დ) ახორციელებს სხვადასხვა სახის ღონისძიებებს ტურისტული სერვისის ხარისხის შესახებ და შეიმუშავებს მისი გაუმჯობესების სარეკომენდაციო წინადადებებს;

ბ.ე)   ხელს უწყობს ტურისტული პროდუქტების განვითარებას;

ბ.ვ) ტურიზმის სფეროში ცნობიერების ამაღლების მიზნით შეიმუშავებს და ახორციელებს სხვადასხვა სახის ღონისძიებებს;

გ) სტატისტიკისა და ანალიტიკის სამსახური:

გ.ა) აგროვებს და აანალიზებს ტურიზმის სფეროში სტატისტიკურ მონაცემებს;

გ.ბ) ატარებს ტურიზმის სფეროში  ბაზრის კვლევებს და აწარმოებს შესაბამის ანალიზს;

გ.გ) განსაზღვრავს სტატისტიკური დაკვირვების სახეობებს, დაკვირვების ობიექტთა წრეს, პერიოდულობას;

გ.დ) განსაზღვრავს მონაცემთა წარმოდგენის ფორმასა და ვადებს და უზრუნველყოფს მათ საჯაროობას;

გ.ე) უზრუნველყოფს შეგროვებულ მონაცემთა კონფედენციალობას, თუ ის იძლევა დაკვირვების ერთეულის იდენტიფიცირების საშუალებას;

დ) სოციალური მედიისა და ონლაინ პროექტების სამსახური:

დ.ა) ახორცილებს ინტერნეტ რეკლამის დაგეგმვას და შესრულების მონიტორინგს;

დ.ბ)  ახორციელებს ინფორმაციის დამუშავებას და დეპარტამენტის ვებგვერდზე (გვერდებზე)  განთავსებას. ასევე, განთავსებული ინფორმაციის მუდმივ  განახლებას;

დ.გ) უზრუნველყოფს დეპარტამენტის ვებგვერდის (გვერდების) ადმინისტრირებას და მუდმივ განვითარებას. ასევე, მის პოპულარიზაციას სოციალური მედიატექნოლოგიების გამოყენებით;

დ.დ) უზრუნველყოფს ვებგვერდზე (გვერდებზე) განთავსებულ ინფორმაციასთან მომხმარებლების წვდომას და შეუფერხებელ მუშაობას;

დ.ე) ახორციელებს რეგიონის პოპულარიზაციას საინფორმაციო ტექნოლოგიების და ონლაინ პროექტების გამოყენებით;

დ.ვ) ახორციელებს დეპარტამენტის მიერ ინტერნეტ სივრცეში განხორციელებული აქტივობების  მონიტორინგს.

დ.ზ)  ახორციელებს დეპარტამენტის სარეკლამო მასალების დიზაინის შექმნასა  და დამუშავებას;

დ.თ) უზრუნველყოფს დეპარტამენტის კომპიუტერული ქსელის ადმინისტრირებას, ტექნიკურ ზედამხედველობას და მის სრულფასოვან ფუნქციონირებას;

დ.ი) ახორციელებს ინტერნეტმომსახურების ხარისხის მონიტორინგს, არეგულირებს ურთიერთობებს ინტერნეტპროვაიდერებთან;

დ.კ) უზრუნველყოფს დეპარტამენტის კომპიუტერული ტექნიკის გამართულ მუშაობას,  პროგრამულ უზრუნველყოფას და  მათ  განახლებას;

ე) ადმინისტრაციული სამსახური:

ე.ა) ახორციელებს დეპარტამენტის მატერიალურ-ტექნიკურ უზრუნველყოფას;

ე.ბ) საქმისწარმოების ერთიანი წესის შესაბამისად ახორციელებს დეპარტამენტში შემოსული ოფიციალური კორესპონდენციის დამუშავებასა და მოძრაობას;

ე.გ) ახორციელებს დეპარტამენტის თავმჯდომარის დავალებების შესრულების კონტროლს;

ე.დ) უზრუნველყოფს საჯარო ინფორმაციის გაცემას;

ე.ე) ახორციელებს დეპარტამენტის საჯარო მოსამსახურეთა  პირადი საქმეების შედგენასა და წარმოებას, თავისი კომპენტეციის ფარგლებში თავმჯდომარის ინდივიდუალურ-სამართლებრივი აქტების პროექტების მომზადებას და რეგისტრაციას, საჯარო მოსამსახურეთა ატესტაციისა და არსებული ვაკანტური  თანამდებობების დასაკავებლად კონკურსების ჩატარების  ორგანიზაციული საკითხების მოგვარებას;

ე.ვ) ახდენს დეპარტამენტის საქმეთა ნომენკლატურის შემუშავებას, საქმეთა შენახვისა და ჩანაწერების ორგანიზებას;

ე.ზ) ახორციელებს კონტროლს დეპარტამენტის სტრუქტურული ქვედანაყოფების მიერ არქივისათვის ჩასაბარებელ საქმეთა ფორმირებასა და გაფორმების სისწორეზე;

ე.თ) უზრუნველყოფს მოქალაქეთა განცხადებების მიღებას, განხილვას, საჭიროების შემთხვევაში კომპეტენტურ სახელმწიფო ორგანოებსა და დაწესებულებებზე გადაგზავნას სათანადო რეაგირებისათვის;

ე.ი) ორგანიზებას უწევს შემოსული დოკუმენტების დროულ განხილვასა და დეპარტამენტის ხელმძღვანელობისათვის წარდგენას;

ვ) სახელმწიფო შესყიდვების სამსახური:

ვ.ა) უზრუნველყოფს სახელმწიფო  შესყიდვების  შესახებ  საქართველოს  კანონმ-დებლობით გათვალისწინებული დეპარტამენტის სახელმწიფო შესყიდვების განხორ-ციელებას;

ვ.ბ) უზრუნველყოფს სახელმწიფო შესყიდვების ერთიან ელექტრონულ სისტემაში დოკუმენტების კანონმდებლობით დადგენილი წესით ატვირთვას და შესაბამისი სტატუსების მინიჭებას;

ვ.გ) ახორციელებს დეპარტამენტის საქმიანობასთან დაკავშირებით საქონლის, მომსახურების ან/და სამუშაოების შესყიდვების ორგანიზებას, შესაბამისი ხელშეკრულებების პროექტების მომზადებას და სახელმწიფო შესყიდვის შესახებ ხელშეკრულებების შესრულების მიმდინარეობის თაობაზე ანგარიშების  მომზადებას;

ვ.დ) ახორციელებს საქონლის, მომსახურების ან/და სამუშაოების შესყიდვების განხორციელების შემდგომ მათი მიღების შემთხვევაში კანონმდებლობით გათვალისწინებული დოკუმენტაციის შედგენას;

ვ.ე) ახორციელებს დეპარტამენტის ხელმძღვანელობის სხვა დავალებებსა და მითითებებს;

ვ.ვ) ახორციელებს კანონმდებლობით გათვალისწინებულ სხვა ამოცანებსა და უფლება-მოვალეობებს.

ზ) საფინანსო-საბუღალტრო სამსახური:

ზ.ა) უზრუნველყოფს საბუღალტრო აღრიცხვის სწორ ორგანიზაციას  მოქმედი კანონმდებლობის შესაბამისად;

ზ.ბ) ახორციელებს კონტროლს ფულადი სახსრებისა და მატერიალურ ფასეულობათა მიზნობრივი დანიშნულებით გამოყენებაზე;

ზ.გ) ახორციელებს კონტროლს ეკონომიკურ მოვლენაზე დროულად და მოქმედი კანონმდებლობის შესაბამისად დოკუმენტების გაფორმებაზე;

ზ.დ) ახორციელებს ეკონომიკური მოვლენების აღრიცხვას ბიუჯეტიდან მიღებული და კანონმდებლობით განსაზღვრული დაფინანსების სხვა წყაროების მიხედვით;

ზ.ე) უზრუნველყოფს მომუშავეთა შრომის ანაზღაურების და სხვა გასაცემლების დროულ დარიცხვას და კონტროლს გაცემაზე;

ზ.ვ) უზრუნველყოფს იურიდიულ და ფიზიკურ პირებთან სამეურნეო ოპერაციების შედეგად ანგარიშსწორებათა სრულ და დროულ აღრიცხვას;

ზ.ზ) მონაწილეობს არაფინანსური, ფინანსური აქტივებისა (ვალდებულებების) და სხვა დებიტორული (კრედიტორული) დავალიანებების ინვენტარიზაციასა და აღრიცხვაში ასახავს ინვენტარიზაციის შედეგებს;

ზ.თ) უზრუნველყოფს დამტკიცებული ფორმით ფინანსური ანგარიშგების დადგენილ ვადებში შედგენას;

ზ.ი) უზრუნველყოფს ბუღალტრული აღრიცხვის მატერიალური/ელექტრონული ფორმის დოკუმენტების დადგენილი წესით შენახვას და არქივში ჩაბარებას;

ზ.კ) კოორდინაციას უწევს და მონაწილეობას ღებულობს დეპარტამენტის ბიუჯეტის პროექტის მომზადებაში;

თ) საერთაშორისო ტურიზმის სტიმულირების სამსახური:
თ.ა) ხელს უწყობს უცხოელი ჟურნალისტების, ტუროპერატორებისა და ტურიზმის ინდუსტრიის სხვა მონაწილეთათვის რეგიონში სხვადასხვა გაცნობითი საინფორმაციო ტურის მოწყობას;
თ.ბ) ხელს უწყობს სხვადასხვა უცხოელი სპეციალისტისა და ექსპერტის მოწვევას ქვეყნის გასაცნობად, შემდგომში ერთობლივი პროექტების განხორციელების მიზნით;
თ.გ) თავისი კომპეტენციის ფარგლებში ორგანიზებას უწევს აჭარის ავტონომიური რესპუბლიკის მონაწილეობას უცხოეთში და ადგილობრივ ბაზარზე მოწყობილ გამოფენებში, ბაზრობებში, კონფერენციებსა და სხვა ღონისძიებებში;
თ.დ) ხელს უწყობს დეპარტამენტის საერთაშორისო პარტნიორების მოძიებას და მათთან კომუნიკაციის დამყარებას;
თ.ე) ხელს უწყობს დეპარტამენტის მონაწილეობას საერთაშორისო პროექტებში, ღონისძიებებში და აქტივობებში;
თ.ვ) ამყარებს კომუნიკაციას საქართველოს ტურიზმის ეროვნულ ადმინისტრაციასთან, სახელმწიფო და მუნიციპალურ ორგანოებთან და სხვა უწყებებთან შემდგომი თანამშრომლობის მიზნით ერთობლივი პროექტების განსახორციელებლად.

აჭარის ავტონომიური რესპუბლიკის მთავრობის 2017 წლის 29 დეკემბრის დადგენილება №31 - ვებგვერდი, 08.01.2018წ.

2.  დეპარტამენტის რეორგანიზაცია და ლიკვიდაცია ხორციელდება მოქმედი კანონმდებლობით დადგენილი წესით.