საქართველოს სამოქალაქო კოდექსი · რედაქცია 11.11.2025
სამოქალაქო კოდექსის 1409-ე მუხლი · სკ 1409
1. სარჩელი ანდერძის ბათილობის შესახებ წარდგენილ უნდა იქნეს ორი წლის განმავლობაში, რაც გამოითვლება სამკვიდროს გახსნის დღიდან.
2. ხანდაზმულობის ეს ვადა არ ვრცელდება მესაკუთრის სარჩელზე, როცა მოანდერძემ მემკვიდრეს არასწორად უანდერძა სხვისი ქონება, როგორც თავისი.
თავი მეცხრე
ანდერძის აღსრულე
კასატორის განმარტებით, 1979 წლის 25 მაისს ანდერძის დამოწმების დროს მოქმედი კანონმდებლობა, ამჟამად მოქმედი კანონმდებლობის ანალოგიურად, არ ითვალისწინებდა ერთობლივი ანდერძის გაფორმების შესაძლებლობას, შესაბამისად, ამ ანდერძზე, როგორც უცილოდ ბათილ გარიგებაზე, ვერ გავრცელდება სსკ-ის 1409-ე მუხლით გათვალისწინებული შეცილების ორწლიანი ვადა. ანდერძის ბათილად ცნობის მოთხოვნის მიმართ უნდა გავრცელდეს საერთო ხანდაზმულობის 10 - წლიანი ვადა, რომელიც მოსარჩელის მიერ დაცულია.
სასამართლომ იხელმძღვანელა სამოქალაქო კოდექსის 128-ე მუხლის პირველი ნაწილის, 130-ე, 129-ე მუხლებით, 1409-ე მუხლის პირველი ნაწილით და მიიჩნია, რომ მოსარჩელე მ. მ-სათვის ანდერძის შედგენის შესახებ ცნობილი იყო ანდერძის შედგენის დღიდანვე – 1997 წლის 31 ოქტომბრიდან, ვინაიდან, მისივე განმარტებით, ანდერძი მის მიერ იქნა გაყალბებული.
ამასთანავე, სამოქალაქო კოდექსის 1409-ე მუხლის შესაბამისად, გასულია მოთხოვნის ხანდაზმულობის ვადა, რადგანაც სამკვიდრო 1995 წლის 5 ნოემბერს გაიხსნა, ხოლო ვადის ათვლის წერტილად 2008 წლის 18 ივლისის მიჩნევის შემთხვევაში ამ შემთხვევაშიც, გასულია ორწლიანი ხანდაზმულობის ვადა.
მისი განმარტებით, ამ შემთხვევაში მხედველობაში მიიღებოდა სამოქალაქო კოდექსის 1409-ე მუხლის მე-2 ნაწილით დადგენილი ხანდაზმულობის ვადა. კანონის დასახელებული ნორმის თანახმად, თუ მოანდერძემ მემკვიდრეს უანდერძა ისეთი ქონება, რომელიც მისი საკუთრება არ იყო, ამ ქონების მესაკუთრეს უფლება აქვს გამოითხოვოს ის მემკვიდრეებისგან.
სააპელაციო პალატამ იხელმძღვანელა სკ-ის 1409-ე მუხლის პირველი ნაწილით, 1320-ე მუხლით და ლ. ა-ას სარჩელი მიიჩნია ხანდაზმულად. ვინაიდან, აღნიშნული ნორმებიდან გამომდინარე, ლ.
ოფიციალური ტექსტი: matsne.gov.ge — საქართველოს სამოქალაქო კოდექსი, კონსოლიდირებული რედაქცია 11.11.2025. გამოქვეყნება: პარლამენტის უწყებანი, 31, 24/07/1997.
საქართველოს კანონი „საქართველოს სამოქალაქო კოდექსი“, მუხლი 1409, №786, 26.06.1997, სარეგისტრაციო კოდი 040.000.000.05.001.000.223 (კონსოლიდირებული რედაქცია 11.11.2025). ხელმისაწვდომია: https://legali.ge/law/31702/muxli-1409/