იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი

საქართველოს პრეზიდენტის

ბრძანებულება №538

2003 წლის 27 ოქტომბერი

ქ. თბილისი

იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი

1. „იარაღის შესახებ” საქართველოს კანონის მე-9 მუხლის მე-2 და მე-5 პუნქტების და 35-ე მუხლის პირველი პუნქტის “ზ” ქვეპუნქტის შესაბამისად, დამტკიცდეს იმ თანამდებობის პირთა თანდართული თანამდებობრივი ნუსხა, რომელთაც უფლება აქვთ ატარონ სამსახურებრივ-საშტატო იარაღი.

2. „იარაღის შესახებ” საქართველოს კანონის მე-19 მუხლის მე-2 პუნქტის შესაბამისად, თანდართული თანამდებობრივი ნუსხის პირველ და მე-9 მუხლებში გათვალისწინებული პირებისთვის სამსახურებრივ-საშტატო იარაღის ტარების უფლების (სხვა სათანადო მონაცემების მითითებით) დადასტურება განხორციელდეს შესაბამისი სახელმწიფო დაწესებულების ხელმძღვანელის მიერ დამტკიცებული ფორმის სპეციალური ბეჭედდასმული მოწმობის გაცემით ან/და სამსახურებრივ მოწმობაში შესაბამისი სახელმწიფო დაწესებულების ხელმძღვანელის მიერ დამტკიცებული ფორმის სპეციალური ბეჭდის დასმით.

3. „იარაღის შესახებ” საქართველოს კანონის მე-19 მუხლის მე-2 პუნქტის შესაბამისად, თანდართული თანამდებობრივი ნუსხის მე-10 და მე-19 მუხლებში გათვალისწინებული პირებისთვის, აგრეთვე სახელმწიფო-პოლიტიკური თანამდებობის პირებისთვის სამსახურებრივ-საშტატო იარაღის ტარების უფლების (სხვა სათანადო მონაცემების მითითებით) დადასტურება განხორციელდეს საქართველოს შინაგან საქმეთა სამინისტროს შესაბამისი ნებართვის გაცემით.

4. თანდართული თანამდებობრივი ნუსხის მე-19 მუხლში გათვალისწინებულ პირთათვის სამსახურებრივ-საშტატო იარაღის ტარების უფლების დამადასტურებელი ნებართვის გაცემა საქართველოს შინაგან საქმეთა სამინისტროს მიერ განხორციელდეს მოქმედი კანონმდებლობის შესაბამისად, ინდივიდუალური წესით, აღნიშნულის დასაბუთებულობისა და მიზანშეწონილობის გათვალისწინებით.

5. ამ ბრძანებულების მე-2 პუნქტით გათვალისწინებულმა სახელმწიფო, დაწესებულებებმა ერთ თვეში უზრუნველყონ სამსახურებრივ-საშტატო იარაღის ტარების უფლების დამადასტურებელი მოწმობის (ბეჭდის) ფორმისა და გაცემის (ბეჭდის დასმის) შიდასაუწყებო წესის დამტკიცება, იმის გათვალისწინებით, რომ უწყების მოხელეებისთვის სამსახურებრივ-საშტატო იარაღის ტარების უფლების მინიჭება დაექვემდებაროს მკაცრ აღრიცხვასა და სამსახურებრივ კონტროლს, აგრეთვე სამსახურებრივ-საშტატო იარაღის ტარების უფლების დამადასტურებელი მოწმობისა და შესაბამისი ბეჭდის ფორმა (ნიმუში) დამტკიცებიდან სამ სამუშაო დღეში სავალდებულო წესით გადაეგზავნოს საქართველოს შინაგან საქმეთა სამინისტროს.

6. ამ ბრძანებულებასა და თანდართულ ნუსხაში ცვლილებებისა და დამატებების შეტანა განხორციელდეს მხოლოდ საქართველოს იუსტიციის სამინისტროსა და შინაგან საქმეთა სამინისტროს ერთობლივი წარდგინებით.

ე. შევარდნაძე

     შეტანილი ცვლილებები:

    1. საქართველოს პრეზიდენტის 2004 წლის 3 ივნისი ს ბრძანებულება №195 - სსმ III, №57, 04.06.2004 წ., მუხ.485

2. საქართველოს პრეზიდენტის 2004 წლის 21 ივლისის ბრძანებულება №279 - სსმ III, №75, 26.07.2004 წ., მუხ.663

3. საქართველოს პრეზიდენტის 2004 წლის 21 აგვისტოს  ბრძანებულება №346 - სსმ III, №90, 24.08.2004 წ., მუხ.779

4. საქართველოს პრეზიდენტის 2004 წლის 7 სექტემბრის  ბრძანებულება №371 - სსმ III, №98, 09.09.2004 წ., მუხ.832

5. საქართველოს პრეზიდენტის 2005 წლის 18 თებერვლის  ბრძანებულება №88 - სსმ III, №20, 21.02.2005 წ., მუხ.190

6. საქართველოს პრეზიდენტის 2005 წლის 18 მაისის  ბრძანებულება №335 - სსმ III, №61, 19.05.2005 წ., მუხ.643

7. საქართველოს პრეზიდენტის 2005 წლის 20 მაისის  ბრძანებულება №363 - სსმ III, №63, 23.05.2005 წ., მუხ.664

8. საქართველოს პრეზიდენტის 2005 წლის 10 სექტემბრის  ბრძანებულება №747 - სსმ III, №109, 16.09.2005 წ., მუხ.1201

9. საქართველოს პრეზიდენტის 2005 წლის 1 ნოემბრის  ბრძანებულება №913 - სსმ III, №128, 02.11.2005 წ., მუხ.1421

10. საქართველოს პრეზიდენტის 2005 წლის 30 ნოემბრის  ბრძანებულება №1009 - სსმ III, №140, 01.12.2005 წ., მუხ.1537

11. საქართველოს პრეზიდენტის 2006 წლის 13 მარტის  ბრძანებულება №191 - სსმ III, №33, 14.03.2006 წ., მუხ.377

12. საქართველოს პრეზიდენტის 2006 წლის 10 მაისის  ბრძანებულება №308 - სსმ III, №64, 10.05.2006 წ., მუხ.826

13. საქართველოს პრეზიდენტის 2006 წლის 28 მაისის  ბრძანებულება №332 - სსმ III, №73, 01.06.2006 წ., მუხ.904

იმ თანამდებობის პირთა თანამდებობრივი ნუსხა, რომელთაც უფლება აქვთ ატარონ სამსახურებრივ-საშტატო იარაღი

    მუხლი 1

საქართველოს თავდაცვის სამინისტროს სისტემაში:

1. მინისტრის პირველი მოადგილე, მინისტრის მოადგილე;

2. მინისტრის აპარატის უფროსი;

3. გენერალური ინსპექციის უფროსი;

4. კადრების, საფინანსო-საბიუჯეტო, თავდაცვის პოლიტიკისა და საერთაშორისო ურთიერთობების დეპარტამენტის უფროსი;

5. ოპერატიული დეპარტამენტის უფროსი, ოპერატიული დეპარტამენტის უფროსის პირველი მოადგილე;

6. სამხედრო დაზვერვის დეპარტამენტის უფროსი, სამხედრო დაზვერვის დეპარტამენტის უფროსის პირველი მოადგილე;

7. პირადი შემადგენლობისა და საორგანიზაციო-სამობილიზაციო, დაზვერვის, გენერალური შტაბის ლოგისტიკის, სტრატეგიული დაგეგმვისა და შეიარაღების კონტროლის, კავშირგაბმულობისა და საინფორმაციო სისტემების მთავარი სამმართველოს უფროსი;

8. შეიარაღებული ძალების გენერალური შტაბის უფროსი, გენერალური შტაბის უფროსის პირველი მოადგილე, გენერალური შტაბის უფროსის მოადგილე;

9. სწრაფი რეაგირების ძალების შტაბის უფროსი;

10. სამხედრო-საჰაერო ძალების სარდალი, სამხედრო-საჰაერო ძალების მთავარი შტაბის უფროსი – სარდლის პირველი მოადგილე;

11. საზღვაო თავდაცვის ძალების სარდალი, საზღვაო თავდაცვის ძალების სარდლის მოადგილე, საზღვაო თავდაცვის ძალების მთავარი შტაბის უფროსი;

12. ეროვნული გვარდიის სარდალი, ეროვნული გვარდიის სარდლის პირველი მოადგილე, ეროვნული გვარდიის მთავარი შტაბის უფროსი, ეროვნული გვარდიის მთავარი სამმართველოს უფროსი – სარდლის მოადგილე;

13. ლოგისტიკის მართვის ცენტრის უფროსი, ლოგისტიკის მართვის ცენტრის შტაბის უფროსი - ლოგისტიკის მართვის ცენტრის უფროსის მოადგილე;

14. თავდაცვის ეროვნული აკადემიის რექტორი;

15. ქ. თბილისის გარნიზონის სამხედრო პოლიციის უფროსი.

    მუხლი 2

საქართველოს შინაგან საქმეთა სამინისტროს სისტემაში:

1. მინისტრის პირველი მოადგილე, მინისტრის მოადგილე.

2. მინისტრის თანაშემწე, რეფერენტი, მინისტრის მოადგილის თანაშემწე, რეფერენტი.

3. სისხლის სამართლის სამძებროს მთავარი სამმართველოს, ოპერატიული დაზვერვის მთავარი სამმართველოს, ოპერატიულ-ტექნიკური უზრუნველყოფისა და სპეცტექნიკის სამმართველოს, დროებითი მოთავსების იზოლატორის:

ა) მთავარი სამმართველოს უფროსი, მთავარი სამმართველოს უფროსის მოადგილე;

ბ) სრულუფლებიანი წარმომადგენელი – მთავარი ინსპექტორი;

გ) სამმართველოს უფროსი, სამმართველოს უფროსის მოადგილე;

დ) სამსახურის უფროსი, სამსახურის უფროსის მოადგილე;

ე) იზოლატორის უფროსი, იზოლატორის უფროსის მოადგილე;

ვ) განყოფილების უფროსი, განყოფილების უფროსის მოადგილე;

ზ) ქვეგანყოფილების უფროსი, ქვეგანყოფილების უფროსის მოადგილე;

თ) განსაკურებით მნიშვნელოვან საქმეთა უფროსი ინსპექტორი, განსაკუთრებით მნიშვნელოვან საქმეთა უფროსი ინსპექტორ-წარმომადგენელი;

ი) უფროსი ინსპექტორი, ინსპექტორი, უმცროსი ინსპექტორი;

კ) უფროსი მზვერავი, მზვერავი, მზვერავი მძღოლი;

ლ) პოლიციელი, პოლიციელი მძღოლი.

4. ავტომაგისტრალების საპატრულო პოლიციის მთავარი სამმართველოს:

ა) მთავარი სამმართველოს უფროსი, მთავარი სამმართველოს უფროსის მოადგილე;

ბ) სამმართველოს უფროსი, სამმართველოს უფროსის მოადგილე;

გ) სამსახურის უფროსი, სამსახურის უფროსის მოადგილე;

დ) განყოფილების უფროსი, განყოფილების უფროსის მოადგილე;

ე) ქვეგანყოფილების უფროსი, ქვეგანყოფილების უფროსის მოადგილე;

ვ) განსაკუთრებით მნიშვნელოვან საქმეთა უფროსი ინსპექტორი;

ზ) უფროსი ინსპექტორი, ინსპექტორი, უმცროსი ინსპექტორი;

თ) უფროსი პატრულ-ინსპექტორი, პატრულ-ინსპექტორი, უმცროსი პატრულ-ინსპექტორი, პოლიციელი, პოლიციელი მძღოლი.

5. სამინისტროს აპარატის, კადრებისა და პირად შემადგენლობასთან მუშაობის მთავარი სამმართველოს, გენერალური ინსპექციის, საგამოძიებო დეპარტამენტის, ინტერპოლის ეროვნული ცენტრალური ბიუროს, საექსპერტო-კრიმინალისტიკური მთავარი სამმართველოს, საპასპორტო-სავიზო და მოსახლეობის რეგისტრაციის ეროვნული ბიუროს, სამეურნეო და საფინანსო უზრუნველყოფის მთავარი სამმართველოს, ჯანმრთელობის დაცვის მთავარი სამმართველოს, ხანძარსაწინააღმდეგო სამსახურის მთავარი სამმართველოს საშუალო, უფროსი და უმაღლესი სპეციალური წოდების მქონე თანამდებობის პირები:

ა) დეპარტამენტის თავმჯდომარე, დეპარტამენტის თავმჯდომარის მოადგილე;

ბ) მთავარი სამმართველოს უფროსი, მთავარი სამმართველოს უფროსის მოადგილე;

გ) სამინისტროს აპარატის უფროსი, სამინისტროს აპარატის უფროსის მოადგილე;

დ) ეროვნული ბიუროს უფროსი, ეროვნული ბიუროს უფროსის მოადგილე;

ე) სამმართველოს უფროსი, სამმართველოს უფროსის მოადგილე;

ვ) სამორიგეო ნაწილის უფროსი, სამორიგეო ნაწილის უფროსის მოადგილე;

ზ) სამსახურის უფროსი, სამსახურის უფროსის მოადგილე;

თ) განყოფილების უფროსი, განყოფილების უფროსის მოადგილე;

ი) ქვეგანყოფილების უფროსი, ქვეგანყოფილების უფროსის მოადგილე;

კ) რაზმის უფროსი, ასეულის მეთაური, ოცეულის მეთაური;

ლ) განსაკუთრუბით მნიშვნელოვან საქმეთა უფროსი ინსპექტორი;

მ) უფროსი ინსპექტორი, უფროსი გამომძიებელი, გამომძიებელი, უფროსი ექსპერტი, ექსპერტი, ინსპექტორი, ოპერატიული მორიგე.

6. საჯარო სამართლის იურიდიული პირის – დაცვის პოლიციის:

ა) დაცვის პოლიციის უფროსი, დაცვის პოლიციის უფროსის მოადგილე;

ბ) სამმართველოს უფროსი, სამმართველოს უფროსის მოადგილე;

გ) აპარატის უფროსი, აპარატის უფროსის მოადგილე;

დ) ლეგიონის მეთაური, ლეგიონის მეთაურის მოადგილე;

ე) სამსახურის უფროსი, სამსახურის უფროსის მოადგილე;

ვ) სამორიგეო ნაწილის უფროსი, სამორიგეო ნაწილის უფროსის მოადგილე;

ზ) ათასეულის მეთაური, ათასეულის მეთაურის მოადგილე;

თ) განყოფილების უფროსი, განყოფილების უფროსის მოადგილე;

ი) ქვეგანყოფილების უფროსი, ქვეგანყოფილების უფროსის მოადგილე;

კ) ასეულის მეთაური, ასეულის მეთაურის მოადგილე;

ლ) ოცეულის მეთაური, ოცეულის მეთაურის მოადგილე;

მ) პუნქტის უფროსი;

ნ) განსაკუთრებით მნიშვნელოვან საქმეთა უფროსი ინსპექტორი, უფროსი ინსპექტორი, ინსპექტორი, მორიგე ინსპექტორი, უმცროსი ინსპექტორი;

ო) ავტომეურნეობის უფროსი;

პ) შეიარაღების ინსპექტორი;

ჟ) პატრულ-ინსპექტორი;

რ) პოლიციელი;

ს) მორიგის თანაშემწე, პოლიციელი მძღოლი.

7. ავტონომიური რესპუბლიკის შინაგან საქმეთა მინისტრი, მინისტრის პირველი მოადგილე, მინისტრის მოადგილე; ავტონომიური რესპუბლიკის შინაგან საქმეთა მთავარი სამმართველოს უფროსი, უფროსის მოადგილე.

8. ქ. თბილისის შინაგან საქმეთა მთავარი სამმართველოს უფროსი, ქ. თბილისის შინაგან საქმეთა სამმართველოს უფროსის მოადგილე.

9. სამხარეო შინაგან საქმეთა მთავარი სამმართველოს (სამმართველოს) უფროსი; სამხარეო შინაგან საქმეთა მთავარი სამმართველოს (სამმართველოს) უფროსის მოადგილე.

10. ქალაქის, რაიონის სამმართველოს (განყოფილების) უფროსი, უფროსის მოადგილე.

11. აფხაზეთის ავტონომიური რესპუბლიკის შინაგან საქმეთა სამინისტროსა და აჭარის ავტონომიური რესპუბლიკის შინაგან საქმეთა მთავარი სამმართველოს, ქ. თბილისის შინაგან საქმეთა, სამხარეო შინაგან საქმეთა მთავარი სამმართველოსა და სამმართველოების აპარატების უფროსები, აპარატის უფროსის მოადგილე, სამორიგეო (სამმართველოს) ნაწილის უფროსი.

12. აფხაზეთის ავტონომიური რესპუბლიკის შინაგან საქმეთა სამინისტროს, აჭარის ავტონომიური რესპუბლიკის შინაგან საქმეთა მთავარი სამმართველოს, ქ. თბილისის, სამხარეო შინაგან საქმეთა მთავარი სამმართველოს, სამმართველოს, საქალაქო და რაიონული შინაგან საქმეთა სამმართველოსა და განყოფილების:

ა) სამმართველოს უფროსი, სამმართველოს უფროსის მოადგილე;

ბ) სამსახურის უფროსი, სამსახურის უფროსის მოადგილე;

გ) იზოლატორის უფროსი, იზოლატორის უფროსის მოადგილე;

დ) განყოფილების უფროსი, განყოფილების უფროსის მოადგილე;

ე) ქვეგანყოფილების უფროსი, ქვეგანყოფილების უფროსის მოადგილე;

ვ) განსაკუთრებით მნიშვნელოვან საქმეთა (განსაკუთრებულ დავალებათა) უფროსი ინსპექტორი;

ზ) უფროსი ინსპექტორი, ინსპექტორი;

თ) უბნის ინსპექტორი;

ი) ასეულის მეთაური, ასეულის მეთაურის მოადგილე;

კ) ოცეულის მეთაური;

ლ) სამორიგეო ნაწილის უფროსი, სამორიგეო ნაწილის უფროსის მოადგილე;

მ) იზოლატორის უფროსი;

ნ) მორიგის თანაშემწე;

ო) უფროსი პატრულ-ინსპექტორი, პატრულ-ინსპექტორი, უმცროსი პატრულ-ინსპექტორი;

პ) უმცროსი ინსპექტორი; მორიგე ინსპექტორი, პოლიციელი, პოლიციელი მძღოლი, ინსპექტორ-კოორდინატორი.

13. საქართველოს სახელმწიფო საზღვრის დაცვის დეპარტამენტის:

ა) დეპარტამენტის თავმჯდომარე, დეპარტამენტის თავმჯდომარის მოადგილე;

ბ) მთავარი სამმართველოს უფროსი, მთავარი სამმართველოს უფროსის მოადგილე;

გ) რეგიონალური სამმართველოს უფროსი;

დ) სასაზღვრო რაზმის უფროსი;

ე) საავიაციო რაზმის უფროსი;

ვ) ოპერატიულ-სამძებრო სამმართველოს უფროსი;

ზ) ოპერატიულ-სამძებრო სამმართველოს განყოფილების უფროსი.

14. ამ მუხლით განსაზღვრული პირების მიერ იარაღის გამოყენების წესი განისაზღვრება „პოლიციის შესახებ“ საქართველოს კანონის შესაბამისად.

საქართველოს პრეზიდენტის 2004 წლის 21 აგვისტოს  ბრძანებულება №346 - სსმ III, №90, 24.08.2004 წ., მუხ.779

საქართველოს პრეზიდენტის 2006 წლის 28 მაისის  ბრძანებულება №332 - სსმ III, №73, 01.06.2006 წ., მუხ.904

    მუხლი 3 (ამოღებულია)

საქართველოს პრეზიდენტის 2006 წლის 28 მაისის  ბრძანებულება №332 - სსმ III, №73, 01.06.2006 წ., მუხ.904

    მუხლი 4

საქართველოს იუსტიციის სამინისტროს სისტემაში:

1. მინისტრის პირველი მოადგილე, მინისტრის მოადგილე;

2. გენერალური ინსპექციის უფროსი, გენერალური ინსპექციის უფროსის მოადგილე;

3. სასჯელაღსრულების სისტემის რეფორმის, მონიტორინგისა და სამედიცინო ზედამხედველობის დეპარტამენტის:

ა) უფროსი, უფროსის მოადგილე;

ბ) სამმართველოს უფროსი;

გ) ექიმ-ექსპერტი (ოფიცერი);

დ) მრჩეველი (ოფიცერი).

4. (ამოღებულია);

4^​1.ეკონომიკური დეპარტამენტის უფროსი;

4^​2. მინისტრის აპარატის უფროსი;

5. სააღსრულებო დეპარტამენტის:

ა) თავმჯდომარე, თავმჯდომარის პირველი მოადგილე, თავმჯდომარის მოადგილე;

ბ) სააღსრულებო წარმოებათა სამმართველოების უფროსები;

გ) სააღსრულებო ბიუროს უფროსი;

დ) სააღსრულებო პოლიციის სამმართველოს უფროსი;

ე) სააღსრულებო პოლიციის სამმართველოს განყოფილების უფროსი, განყოფილების ჯგუფის უფროსი, განყოფილების მოკვლევის ჯგუფის უფროსი, განყოფილების მოკვლევის ჯგუფის მომკვლევი, განყოფილების ჯგუფის პოლიციელი.

6. არასაპატიმრო სასჯელთა აღსრულებისა და პრობაციის დეპარტამენტის:

ა) თავმჯდომარე, თავმჯდომარის მოადგილე;

ბ) სააღსრულებო წარმოებისა და კონტროლის სამმართველოს უფროსი;

გ) ქ. თბილისის პრობაციის ბიუროს უფროსი, ქ. თბილისის პრობაციის ბიუროს უფროსის მოადგილე;

დ) პრობაციის ბიუროს უფროსი.

7. სასჯელაღსრულების დეპარტამენტის:

ა) თავმჯდომარე, თავმჯდომარის მოადგილე;

ბ) შტაბის უფროსი, შტაბის უფროსის მოადგილე, შტაბის უფროსი ინსპექტორი, შტაბის ინსპექტორი;

გ) სამორიგეო ნაწილის უფროსი; სამორიგეო ნაწილის მორიგე ინსპექტორი, მორიგე ინსპექტორის თანაშემწე, საკონტროლო გამშვები პუნქტის გუშაგი;

დ) უსაფრთხოების სამსახურის უფროსი, უფროსის მოადგილე, უფროსი ინსპექტორი, ინსპექტორი;

ე) ოპერატიულ-სამძებრო საქმიანობის განყოფილების უფროსი, განყოფილების უფროსი ინსპექტორი, ინსპექტორი, ძებნის ჯგუფის უფროსი ინსპექტორი, ძებნის ჯგუფის ინსპექტორი;

ვ) სარეჟიმო განყოფილების უფროსი, უფროსი ინსპექტორი, ინსპექტორი, სახანძრო და სამოქალაქო თავდაცვის ინსპექტორი;

ზ) მოკვლევის უფროსი ინსპექტორი, ინსპექტორი;

თ) ოპერატიული აღრიცხვის უფროსი ინსპექტორი, ინსპექტორი;

ი) სპეციალური დაცვის სამსახურის უფროსი, უფროსის მოადგილე, უფროსი ინსპექტორი, ინსპექტორი;

კ) დაცვის განყოფილების უფროსი, უფროსი ინსპექტორი შეიარაღების დარგში, უფროსი ინსპექტორი, ინსპექტორი;

ლ) ბადრაგირების განყოფილების უფროსი, უფროსი ინსპექტორი, ინსპექტორი;

მ) სპეციალური განყოფილების უფროსი;

ნ) მსჯავრდებულთა სოციალური განყოფილების უფროსი, უფროსი ინსპექტორი; ინსპექტორი;

ო) კადრების განყოფილების უფროსი, კადრების განყოფილების პირად შემადგენლობასთან მუშაობის ინსპექტორი;

პ) იურიდიული განყოფილების უფროსი;

ჟ) პირადი შემადგენლობის უფროსი ინსპექტორი, ინსპექტორი;

რ) საერთო სამსახურის უფროსი, მომარაგების განყოფილების უფროსი;

ს) საპყრობილის:

ს.ა) დირექტორი, დირექტორის მოადგილე;

ს.ბ) უსაფრთხოების განყოფილების უფროსი, უფროსი ინსპექტორი, ინსპექტორი;

ს.გ) დაცვის განყოფილების უფროსი, ყარაულის უფროსი, კავშირის, სიგნალიზაციისა და ტექნიკური საშუალებების უფროსი ინსპექტორი, გუშაგი;

ს.დ) სამორიგეო სამსახურის ოპერატიული მორიგე ინსპექტორი, ოპერატიული მორიგე ინსპექტორის მოადგილე;

ს.ე) სარეჟიმო განყოფილების უფროსი, უფროსი ინსპექტორი, ინსპექტორი;

ს.ვ) სპეციალური აღრიცხვის განყოფილების უფროსი, უფროსი ინსპექტორი;

ს.ზ) მატერიალურ-ტექნიკური და საინტენდანტო მომსახურების განყოფილების უფროსი;

ს.თ) კადრების განყოფილების სამსახურებრივი და საბრძოლო მომზადების ინსპექტორი;

ტ) დაწესებულების:

ტ.ა) დაწესებულების დირექტორი, დირექტორის მოადგილე;

ტ.ბ) უსაფრთხოების განყოფილების უფროსი, უფროსი ინსპექტორი, ინსპექტორი;

ტ.გ) დაცვის განყოფილების უფროსი, ყარაულის უფროსი, ყარაულის უფროსის თანაშემწე, გუშაგი;

ტ.დ) საინჟინრო-ტექნიკური უზრუნველყოფის ჯგუფის უფროსი ინსპექტორი;

ტ.ე) სამორიგეო სამსახურის ოპერატიული მორიგე ინსპექტორი;

ტ.ვ) სარეჟიმო განყოფილების უფროსი, უფროსი ინსპექტორი, ინსპექტორი;

ტ.ზ) მსჯავრდებულთა რეაბილიტაციის, განათლებისა და სოციალურ საკითხთა უზრუნველყოფის ჯგუფის უფროსი ინსპექტორი;

ტ.თ) სპეციალური აღრიცხვის ჯგუფის უფროსი ინსპექტორი;

ტ.ი) მატერიალურ-ტექნიკური და საინჟინრო მომსახურების განყოფილების უფროსი;

ტ.კ) კადრების განყოფილების სამსახურებრივი და საბრძოლო მომზადების ინსპექტორი;

უ) ბადრაგირების:

უ.ა) თბილისის ბადრაგირების სამსახურის უფროსი, სამსახურის უფროსის მოადგილე, შტაბის უფროსი;

უ.ბ) უზენაესი, საოლქო და სარაიონო სასამართლოს პროცესების უზრუნველყოფის, სარკინიგზო და საავტომობილო ეტაპების ასეულის მეთაური, ასეულის მეთაურის მოადგილე, ოცეულის მეთაური, ყარაულის უფროსი, რიგითი;

უ.გ) კინოლოგიის სამსახურის რიგითი;

უ.დ) წყალტუბოს, ზუგდიდის, ბათუმის ბადრაგირების ასეულის მეთაური, ასეულის მეთაურის მოადგილე, ოცეულის მეთაური, ყარაულის უფროსი, რიგითი;

ფ) სწრაფი რეაგირების სპეციალური დანიშნულების რაზმის:

ფ.ა) უფროსი, უფროსის მოადგილე, შტაბის უფროსი;

ფ.ბ) განყოფილების უფროსი, განყოფილების უფროსის მოადგილე;

ფ.გ) ოპერატიული მორიგე, ოპერატიული მორიგის თანაშემწე;

ფ.დ) გუშაგი-მებრძოლი;

ფ.ე) საბრძოლო მომზადების ინსპექტორი, შეიარაღებისა და ტექნიკის უფროსი ინსპექტორი;

ფ.ვ) კავშირგაბმულობის სპეციალისტი;

ფ.ზ) საინჟინრო ქიმიური საიმიტაციო სამსახურის უფროსი;

ფ.თ) სპეციალური დაცვის განყოფილების უფროსი, განყოფილების უფროსის მოადგილე.

საქართველოს პრეზიდენტის 2004 წლის 7 სექტემბრის  ბრძანებულება №371 - სსმ III, №98, 09.09.2004 წ., მუხ.832

საქართველოს პრეზიდენტის 2006 წლის 10 მაისის  ბრძანებულება №308 - სსმ III, №64, 10.05.2006 წ., მუხ.826

    მუხლი 5.

საქართველოს ფინანსთა სამინისტროს სისტემაში:

1. მინისტრის პირველი მოადგილე, მინისტრის მოადგილე;

2. სახელმწიფო საქვეუწყებო დაწესებულების ხელმძღვანელი;

3. ფინანსური პოლიციის:

ა) უფროსის მოადგილე;

ბ) სტრუქტურული ერთეულების უფროსები და მათი მოადგილეები;

გ) უფროსი გამომძიებლები, გამომძიებლები, უფროსი ოპერატიული თანამშრომლები, ოპერატიული თანამშრომლები, უფროსი ინსპექტორები, ინსპექტორები, პოლიციელები;

დ) სპეციალური დანიშნულების რაზმის თანამშრომლები.

4. საგადასახადო დეპარტამენტის:

ა) თავმჯდომარის მოადგილეები;

ბ) საოლქო ინსპექციის უფროსები, მსხვილ გადამხდელთა და აქციზის გადამხდელთა ინსპექციის უფროსები.

5. საბაჟო დეპარტამენტის:

ა) თავმჯდომარის მოადგილეები;

ბ) დაცვის სამმართველოს თანამშრომლები;

გ) საბაჟო გადაზიდვებზე ზედამხედველობის სამსახურის თანამშრომლები;

დ) რეგიონალური საბაჟოს უფროსები და მათი მოადგილეები;

ე) საბაჟო დეპარტამენტის სამმართველოს უფროსები;

ვ) საბაჟო გამშვები პუნქტის უფროსები და მათი მოადგილეები;

ზ) საბაჟო გამშვები პუნქტების ცვლის უფროსები.

საქართველოს პრეზიდენტის 2004 წლის 3 ივნისის ბრძანებულება №195 - სსმ III, №57, 04.06.2004 წ ., მუხ .485

საქართველოს პრეზიდენტის 2005 წლის 18 მაისის  ბრძანებულება №335 - სსმ III, №61, 19.05.2005 წ., მუხ.643

    მუხლი 6

საქართველოს საგარეო დაზვერვის სპეციალური სამსახურის სისტემაში:

1. სამსახურის უფროსი, სამსახურის უფროსის პირველი მოადგილე, სამსახურის უფროსის მოადგილე;

2. სამსახურის სამმართველოს უფროსი;

3. სამსახურის სამმართველოს უფროსის მოადგილე;

4. სამსახურის განყოფილების უფროსი;

5. სამსახურის განყოფილების უფროსის მოადგილე;

6. სამსახურის ქვეგანყოფილების უფროსი;

7. უფროსი იურისტი;

8. უფროსი ინსპექტორი;

9. სამსახურის უფროსი ოპერატიული თანამშრომელი;

10. სამსახურის ოპერატიული თანამშრომელი.

საქართველოს პრეზიდენტის 2005 წლის 30 ნოემბრის  ბრძანებულება №1009 - სსმ III, №140, 01.12.2005 წ., მუხ.1537

    მუხლი 7 (ამოღებულია)

საქართველოს პრეზიდენტის 2004 წლის 21 აგვისტოს  ბრძანებულება №346 - სსმ III, №90, 24.08.2004 წ., მუხ.779

    მუხლი 8. საქართველოს სახელმწიფო დაცვის სპეციალური სამსახურის სისტემაში:

1. სამსახურის უფროსი;

2. კადრის სამსახურში ჩარიცხული მოსამსახურე;

3. პირადი დაცვის სამმართველოსა და სპეციალური დანიშნულების ქვედანაყოფში კადრის მოსამსახურის შესაბამის თანამდებობაზე დანიშნული საკონტრაქტო-პროფესიული სამსახურის მოსამსახურე.

    მუხლი 9

საქართველოს პროკურატურის სისტემაში:

1. საქართველოს გენერალურ პროკურატურაში:

ა) საქართველოს გენერალური პროკურორი, საქართველოს გენერალური პროკურორის პირველი მოადგილე და მოადგილეები;

ბ) საქართველოს გენერალური პროკურატურის დეპარტამენტის უფროსი და მისი მოადგილე;

გ) საქართველოს გენერალური პროკურატურის სამმართველოს უფროსი და მისი მოადგილე;

დ) საქართველოს გენერალური პროკურატურის დეპარტამენტის უფროსი პროკურორი და პროკურორი;

ე) საქართველოს გენერალური პროკურატურის დეპარტამენტის განსაკუთრებული მნიშვნელობის საქმეთა უფროსი გამომძიებელი და განსაკუთრებული მნიშვნელობის საქმეთა გამომძიებელი.

2. აჭარის ავტონომიური რესპუბლიკის პროკურატურაში:

ა) აჭარის ავტონომიური რესპუბლიკის პროკურორი და მისი მოადგილე;

ბ) აჭარის ავტონომიური რესპუბლიკის პროკურატურის განყოფილების უფროსი;

გ) აჭარის ავტონომიური რესპუბლიკის პროკურატურის უფროსი პროკურორი, პროკურორი და უფროსი გამომძიებელი.

3. აფხაზეთის ავტონომიური რესპუბლიკის პროკურატურაში:

აფხაზეთის ავტონომიური რესპუბლიკის პროკურორი.

4. ქ. თბილისისა და საოლქო პროკურატურებში:

ა) ქ. თბილისისა და საოლქო პროკურორი;

ბ) ქ. თბილისისა და საოლქო პროკურორის მოადგილე;

გ) ქ. თბილისისა და საოლქო პროკურატურის განყოფილების უფროსი და მისი მოადგილე;

დ) ქ. თბილისისა და საოლქო პროკურატურის უფროსი პროკურორი, პროკურორი და უფროსი გამომძიებელი.

5. რაიონულ პროკურატურებში:

ა) რაიონული პროკურორი და მისი მოადგილე;

ბ) რაიონული პროკურატურის პროკურორი.

საქართველოს პრეზიდენტის 2005 წლის 1 ნოემბრის  ბრძანებულება №913 - სსმ III, №128, 02.11.2005 წ., მუხ.1421

    მუხლი 10

მოსამართლეები:

1. საკონსტიტუციო სასამართლოს სისტემაში:

ა) საქართველოს საკონსტიტუციო სასამართლოს თავმჯდომარე, საქართველოს საკონსტიტუციო სასამართლოს წევრი;

ბ) აჭარის ავტონომიური რესპუბლიკის საკონსტიტუციო სასამართლოს წევრი;

2. საერთო სასამართლოების სისტემაში:

ა) საქართველოს უზენაესი სასამართლოს თავმჯდომარე;

ბ) საქართველოს უზენაესი სასამართლოს მოსამართლე;

გ) აფხაზეთისა და აჭარის ავტონომიური რესპუბლიკის უმაღლესი სასამართლოს თავმჯდომარე;

დ) აფხაზეთისა და აჭარის ავტონომიური რესპუბლიკის უმაღლესი სასამართლოს მოსამართლე;

ე) თბილისისა და ქუთაისის საოლქო სასამართლოს თავმჯდომარე;

ვ) თბილისისა და ქუთაისის საოლქო სასამართლოს მოსამართლე;

ზ) რაიონული სასამართლოს თავმჯდომარე;

თ) რაიონული სასამართლოს მოსამართლე;

ი) საქალაქო სასამართლოს თავმჯდომარე;

კ) საქალაქო სასამართლოს მოსამართლე;

ლ) ქ. თბილისის რაიონების რაიონული სასამართლოს თავმჯდომარე;

მ) ქ. თბილისის რაიონების რაიონული სასამართლოს მოსამართლე.

    მუხლი 11

    საქართველოს გარემოს დაცვისა და ბუნებრივი რესურსების სამინისტროს სისტემაში:

1. მინისტრის პირველი მოადგილე, მინისტრის მოადგილე სამსახურებრივ მოვალეობათა შესრულებისას.

2. გენერალური ინსპექციის უფროსი სამსახურებრივ მოვალეობათა შესრულებისას.

3. სამინისტროს ტერიტორიული ორგანოს უფროსი სამსახურებრივ მოვალეობათა შესრულებისას.

4. გარემოს დაცვის ინსპექციის:

ა) უფროსი, უფროსის პირველი მოადგილე, უფროსის მოადგილე სამსახურებრივ მოვალეობათა შესრულებისას;

ბ) სწრაფი რეაგირების სამსახურის თანამშრომლები სამსახურებრივ მოვალეობათა შესრულებისას;

გ) ტერიტორიული ორგანოს უფროსი – სამსახურებრივ მოვალეობათა შესრულებისას.

5. სატყეო მეურნეობის დეპარტამენტის:

ა) თავმჯდომარე, თავმჯდომარის მოადგილე სამსახურებრივ მოვალეობათა შესრულებისას;

ბ) ტყის დაცვისა და აღდგენის სამმართველოს უფროსი სამსახურებრივ მოვალეობათა შესრულებისას;

გ) ტყის დაცვის განყოფილების უფროსი სამსახურებრივ მოვალეობათა შესრულებისას;

დ) ტყის აღდგენის განყოფილების უფროსი სამსახურებრივ მოვალეობათა შესრულებისას;

ე) ტყის დაცვისა და აღდგენის სამმართველოს სპეციალისტები სამსახურებრივ მოვალეობათა შესრულებისას;

ვ) ტყის აღრიცხვისა და ტყითსარგებლობის სამმართველოს უფროსი სამსახურებრივ მოვალეობათა შესრულებისას;

ზ) ტყის აღრიცხვის განყოფილების უფროსი სამსახურებრივ მოვალეობათა შესრულებისას;

თ) ტყითსარგებლობის განყოფილების უფროსი სამსახურებრივ მოვალეობათა შესრულებისას;

ი) ტყის აღრიცხვისა და ტყითსარგებლობის სამმართველოს სპეციალისტები სამსახურებრივ მოვალეობათა შესრულებისას;

ი^​1) სატყეო მეურნეობის დირექტორი და მისი მოადგილე – სამსახურებრივ მოვალეობათა შესრულებისას.

კ) სატყეო მეურნეობის დეპარტამენტის – დენდროლოგიური სატყეო ცენტრის, საბაზისო სანერგე მეურნეობის, სატყეო სელექციური სათესლე-სანერგე მეურნეობის („საქტყეთესლსელექცია“) და საქართველოს ტყის ჯიშთა თესლების საკონტროლო სადგურის დირექტორები, მათი მოადგილეები სამსახურებრივ მოვალეობათა შესრულებისას;

ლ) რაიონის მთავარი მეტყევე სამსახურებრივ მოვალეობათა შესრულებისას;

მ) სატყეო მეურნეობის უფროსი სპეციალისტი (ტყის დაცვის ინჟინერი, ტყის მეურნეობის ინჟინერი, ტყის კულტურის ინჟინერი) სამსახურებრივ მოვალეობათა შესრულებისას;

ნ) სატყეო უბნის უფროსი სამსახურებრივ მოვალეობათა შესრულებისას;

ო) სატყეო უბნის სპეციალისტი (სატყეოს უფროსის თანაშემწე), სპეციალისტი (ტექნიკოსი), ტექნიკური მუშაკი (ტყის მცველი) სამსახურებრივ მოვალეობათა შესრულებისას.

6. დაცული ტერიტორიების დეპარტამენტის:

ა) თავმჯდომარე, თავმჯდომარის მოადგილე სამსახურებრივ მოვალეობათა შესრულებისას;

ბ) განვითარების სამმართველოს უფროსი სამსახურებრივ მოვალეობათა შესრულებისას;

გ) ეროვნული პარკის დირექტორი, დირექტორის მოადგილე სამსახურებრივ მოვალეობათა შესრულებისას;

დ) ეროვნული პარკის დაცვის სამსახურის უფროსი სამსახურებრივ მოვალეობათა შესრულებისას;

ე) ეროვნული პარკის კვლევა-მონიტორინგის სამსახურის უფროსი, უფროსის მოადგილე სამსახურებრივ მოვალეობათა შესრულებისას;

ვ) ეროვნული პარკის ვიზიტორთა სამსახურის უფროსი, უფროსის მოადგილე სამსახურებრივ მოვალეობათა შესრულებისას;

ზ) ეროვნული პარკის უბნის დაცვის უფროსი სამსახურებრივ მოვალეობათა შესრულებისას;

თ) ეროვნული პარკის მცველი სამსახურებრივ მოვალეობათა შესრულებისას;

ი) სახელმწიფო ნაკრძალების დირექტორი, დირექტორის მოადგილე სამსახურებრივ მოვალეობათა შესრულებისას;

კ) სახელმწიფო ნაკრძალების მთავარი მეტყევე სამსახურებრივ მოვალეობათა შესრულებისას;

ლ) სახელმწიფო ნაკრძალების დაცვის უფროსი სამსახურებრივ მოვალეობათა შესრულებისას;

მ) სახელმწიფო ნაკრძალების უბნის უფროსი სამსახურებრივ მოვალეობათა შესრულებისას;

ნ) სახელმწიფო ნაკრძალების მცველი სამსახურებრივ მოვალეობათა შესრულებისას;

ო) სახელმწიფო აღკვეთილის დირექტორი, დირექტორის მოადგილე სამსახურებრივ მოვალეობათა შესრულებისას;

პ) სახელმწიფო აღკვეთილის დაცვის უფროსი სამსახურებრივ მოვალეობათა შესრულებისას;

ჟ) სახელმწიფო აღკვეთილის უბნის უფროსი სამსახურებრივ მოვალეობათა შესრულებისას;

რ) სახელმწიფო აღკვეთილის მცველი სამსახურებრივ მოვალეობათა შესრულებისას.

საქართველოს პრეზიდენტის 2005 წლის 10 სექტემბრის  ბრძანებულება №747 - სსმ III, №109, 16.09.2005 წ., მუხ.1201

საქართველოს პრეზიდენტის 2006 წლის 13 მარტის  ბრძანებულება №191 - სსმ III, №33, 14.03.2006 წ., მუხ.377

    მუხლი 12

საქართველოს ეროვნული ბანკისა და საბანკო დაწესებულებების სისტემაში – საქართველოს ეროვნული ბანკისა და საბანკო დაწესებულებების ინკასატორებსა და მოლარეებს სამსახურებრივ მოვალეობათა შესრულებისას;

    მუხლი 13

საქართველოს ტრანსპორტისა და კომუნიკაციების სამინისტროს სისტემაში:

1. კავშირგაბმულობისა და ფოსტის ობიექტების დაცვის სამსახურის უფროსი, უფროსის მოადგილე სამსახურებრივ მოვალეობათა შესრულებისას;

2. კავშირგაბმულობისა და ფოსტის ობიექტების დაცვის სამსახურის ინსპექტორი სამსახურებრივ მოვალეობათა შესრულებისას;

3. კავშირგაბმულობისა და ფოსტის ობიექტების დაცვის სამსახურის ობიექტების დაცვის უფროსი, ცვლის უფროსი, გუშაგი სამსახურებრივ მოვალეობათა შესრულებისას;

4. სპეცკავშირის უფროსი, უფროსის მოადგილე სამსახურებრივ მოვალეობათა შესრულებისას;

5. სპეცკავშირის განყოფილების უფროსი, ფელდიეგერი, მძღოლი ექსპედიტორი სამსახურებრივ მოვალეობათა შესრულებისას.

    მუხლი 14

სამოქალაქო ავიაციის საავიაციო უშიშროების სამსახურის სისტემაში:

1. საავიაციო უშიშროების სამსახურის უფროსი, უფროსის მოადგილე სამსახურებრივ მოვალეობათა შესრულებისას;

2. საავიაციო უშიშროების სამსახურის ცვლის უფროსი, ცვლის უფროსის მოადგილე სამსახურებრივ მოვალეობათა შესრულებისას;

3. საავიაციო უშიშროების სამსახურის უფროსი ინსპექტორი, ინსპექტორი სამსახურებრივ მოვალეობათა შესრულებისას.

    მუხლი 15 (ამოღებულია)

საქართველოს პრეზიდენტის 2005 წლის 10 სექტემბრის  ბრძანებულება №747 - სსმ III, №109, 16.09.2005 წ., მუხ.1201

    მუხლი 16

საქართველოს კონტროლის პალატის სისტემაში:

საქართველოს კონტროლის პალატის პრეზიდიუმის წევრი.

    მუხლი 17 საქართველოს ეროვნული უშიშროების საბჭოს აპარატში:

1. საქართველოს პრეზიდენტის თანაშემწე ეროვნული უშიშროების საკითხებში – ეროვნული უშიშროების საბჭოს მდივანი;

2. ეროვნული უშიშროების საბჭოს მდივნის პირველი მოადგილე;

3. ეროვნული უშიშროების საბჭოს მდივნის მოადგილე;

4. საქართველოს პრეზიდენტის – სამხედრო ძალების უმაღლესი მთავარსარდლის სამხედრო მრჩეველი;

5. ეროვნული უშიშროების საბჭოს აპარატის დეპარტამენტის დირექტორი.

საქართველოს პრეზიდენტის 2004 წლის 21 ივლისის ბრძანებულება №279 - სსმ III, №75, 26.07.2004 წ., მუხ.663

საქართველოს პრეზიდენტის 2005 წლის 18 თებერვლის  ბრძანებულება №88 - სსმ III, №20, 21.02.2005 წ., მუხ.190

საქართველოს პრეზიდენტის 2005 წლის 20 მაისის  ბრძანებულება №363 - სსმ III, №63, 23.05.2005 წ., მუხ.664

 

მუხლი 17 ^​1 . საქართველოს ეროვნული უშიშროების საბჭოს წევრი.

საქართველოს პრეზიდენტის 2004 წლის 21 ივლისის ბრძანებულება №279 - სსმ III, №75, 26.07.2004 წ., მუხ.663

    მუხლი 18

მთავარი საჯარო თანამდებობის პირები, რომელთაც მინიჭებული აქვთ უფროსი და უმაღლესი სპეციალური წოდებები ან უფროსი და უმაღლესი ოფიცრის სამხედრო წოდებები.

    მუხლი 19

სამსახურებრივ-საშტატო იარაღის ტარების უფლების მინიჭების მიზნით ამ ნუსხით გათვალისწინებულ თანამდებობის პირებთან გათანაბრებულ პირთა შემდეგი კატეგორიები:

1. სააქციო საზოგადოება ნავთობის ეროვნული კომპანია „საქნავთობის“ ხელმძღვანელი მუშაკები სამსახურებრივ მოვალეობათა შესრულებისას;

2. სააქციო საზოგადოება „საქართველოს ნავთობის საერთაშორისო კორპორაციის” ხელმძღვანელი მუშაკები სამსახურებრივ მოვალეობათა შესრულებისას.

Annotate