საქართველოს მთავრობაში სახელმწიფო მინისტრის თანამდებობის შემოღების შესახებ

საქართველოს პრეზიდენტის

ბრძანებულება №61

2004 წლის 14 თებერვალი

ქ. თბილისი

საქართველოს მთავრობაში სახელმწიფო მინისტრის თანამდებობების შემოღების შესახებ

ევროგაერთიანებასთან საქართველოს თანამშრომლობის გაღრმავების, მასთან სრული პოლიტიკური, სამართლებრივი და ეკონომიკური ინტეგრაციის, საქართველოში კონფლიქტების შედეგების აღმოფხვრის, ეროვნული თანხმობის მიღწევის და საქართველოში მცირე და საშუალო ბიზნესის დაცვისა და განვითარების ხელსაყრელი გარემოს შექმნის მიზნით ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-11 მუხლის შესაბამისად:

1. საქართველოს მთავრობაში შეიქმნას სახელმწიფო მინისტრის შემდეგი თანამდებობები:

ა) სახელმწიფო მინისტრი – კონფლიქტების მოგვარების საკითხებში;

ბ) სახელმწიფო მინისტრი – ეროვნული თანხმობის საკითხებში;

გ) სახელმწიფო მინისტრი – ევროინტეგრაციის საკითხებში;

დ) სახელმწიფო მინისტრი – მცირე და საშუალო ბიზნესის ხელშეწყობის საკითხებში;

ე) სახელმწიფო მინისტრი – რეგიონალური პოლიტიკისა და ადგილობრივი თვითმმართველობისა და მმართველობის ორგანოებთან ურთიერთობის საკითხებში.

საქართველოს პრეზიდენტის 2004 წლის 1 0 აპრილ ი ს ბრძანებულება № 122 - სსმ III, № 39 , 13 . 04 .200 4 წ., მუხ. 320

2. სახელმწიფო მინისტრებმა განახორციელონ საქართველოს კონსტიტუციით, კანონებით, პრეზიდენტის ბრძანებულებებითა და განკარგულებებით, მთავრობის დადგენილებებითა და განკარგულებებით განსაზღვრული უფლებამოსილებები, აგრეთვე პრემიერ-მინისტრის და მთავრობის ცალკეული დავალებები.

3. სახელმწიფო მინისტრის საქმიანობის ორგანიზაციულ-სამართლებრივი უზრუნველყოფის მიზნით შეიქმნას სახელმწიფო მინისტრის აპარატი. აპარატის დებულება დამტკიცდეს საქართველოს მთავრობის მიერ.

მ. სააკაშვილი 

     შეტანილი ცვლილებები:

    1. საქართველოს პრეზიდენტის 2004 წლის 10 აპრილ ი ს ბრძანებულება №122 - სსმ III, №39, 13.04.2004 წ., მუხ.320