საქართველოს თავდაცვის სამინისტროს გენერალური ინსპექციის დებულების დამტკიცების შესახებ

საქართველოს თავდაცვის მინისტრის

2017 წლის 27 იანვარი

ქ. თბილისი

2. გენერალური ინსპექცია არის საქართველოს თავდაცვის სამინისტროს (შემდგომში – სამინისტრო) სტრუქტურული ქვედანაყოფი დეპარტამენტის სტატუსით, რომელიც თავის საქმიანობაში ხელმძღვანელობს საქართველოს კონსტიტუციითა და სხვა საკანონმდებლო აქტებით, საქართველოს პრეზიდენტის, საქართველოს მთავრობისა და საქართველოს თავდაცვის მინისტრის (შემდგომში – მინისტრი) სამართლებრივი აქტებით, სხვა კანონქვემდებარე სამართლებრივი აქტებით და მინისტრის ცალკეული დავალებებით.

3. გენერალური ინსპექციის საქმიანობა ეფუძნება ადამიანის უფლებებისა და თავისუფლებების, პატივისა და ღირსების დაცვის, კანონიერების, მიუკერძოებლობისა და საჯაროობის პრინციპებს.

4. გენერალური ინსპექცია დამოუკიდებელია ამ დებულებით განსაზღვრული ამოცანების/ ფუნქციების განხორციელებისას და ანგარიშვალდებულია მხოლოდ მინისტრის წინაშე, რომელიც კანონმდებლობით დადგენილი წესით ახორციელებს სამსახურებრივ ზედამხედველობას.

5. გენერალური ინსპექციის საქმიანობაში სხვა თანამდებობის პირების ჩარევა დაუშვებელია.

6. გენერალური ინსპექცია თავისი ამოცანებისა და ფუნქციების განხორციელებისას წარმოადგენს სამინისტროს.

7. გენერალურ ინსპექციას აქვს ბეჭედი საკუთარი სახელწოდებითა და საქართველოს გერბის გამოსახულებით, ემბლემა, შტამპი და ბლანკი, რომელთა აღწერილობის/შენახვის/გამოყენების წესს განსაზღვრავს მინისტრი.

თავი II

გენერალური ინსპექციის ამოცანები და კომპეტენცია

მუხლი 2. გენერალური ინსპექციის ამოცანები

1. გენერალური ინსპექციის ამოცანებია:

ა) საქართველოს შეიარაღებულ ძალებში და საქართველოს შეიარაღებული ძალების გენერალური შტაბის სტრუქტურულ ქვედანაყოფებში (შემდგომში – შეიარაღებული ძალები), სამინისტროს სამოქალაქო ოფისის სტრუქტურულ ქვედანაყოფებში, სამინისტროს მმართველობის სფეროში მოქმედ საჯარო სამართლის იურიდიულ პირებში (შემდგომში – სსიპ), სამინისტროს, მათ შორის სსიპ-ების სახელმწიფო კონტროლს დაქვემდებარებულ სსიპ-ებში და სსიპ-ების მიერ დაფუძნებულ კერძო სამართლის იურიდიულ პირებსა და სამინისტროს მართვაში არსებულ/ იურიდიულ პირებში (შემდგომში – სამინისტროს სისტემის სუბიექტები) საქართველოს კანონმდებლობის და სხვა სამართლებრივი აქტებით განსაზღვრული მოთხოვნების, მათ შორის დაკისრებული ფუნქცია-მოვალეობების შესრულების მოთხოვნათა განუხრელი შესრულების კონტროლი; 

ბ) სამინისტროს სისტემის სუბიექტებში სამხედრო/სპეციალური წოდების მქონე ან/და სამოქალაქო მოსამსახურეთა (შემდგომში – მოსამსახურე) მიერ მართლსაწინააღმდეგო ქმედებათა ჩადენის ფაქტების გამოვლენა, აღკვეთა და რეაგირება;

გ) სამინისტროს სისტემის სუბიექტებში საქართველოს კანონმდებლობის დარღვევის ფაქტების ხელშემწყობი მიზეზების დადგენისა და პრევენციის, აგრეთვე არსებული დარღვევების და ნაკლოვანებების გამოვლენის მიზნით მინისტრისათვის შესაბამისი რეკომენდაციების წარდგენა;

დ) ერთიანი საინფორმაციო პოლიტიკის უზრუნველყოფის მიზნით სამინისტროს იმ ქვედანაყოფებთან თანამშრომლობა, რომლებიც ახორციელებენ საზოგადოებასთან ურთიერთობის ფუნქციებს;

ე) გენერალური ინსპექციის „ცხელი ხაზის“ ფუნქციონირების უზრუნველყოფა და აღნიშნულთან დაკავშირებით საზოგადოებრივი აზრის შესწავლა;

ვ) სახელმწიფო საიდუმლოების შემცველი მასალების ან/და სხვა სამსახურებრივი ინფორმაციის მართლსაწინააღმდეგო გამჟღავნების შესაძლო არხების გამოვლენა და პრევენციის მიზნით რეკომენდაციების/წინადადებების მომზადება.

მუხლი 3. გენერალური ინსპექციის კომპეტენცია

1. გენერალური ინსპექციის კომპეტენციაა:

ა) სამინისტროს სისტემის სუბიექტებში მინისტრის ნორმატიული აქტით დადგენილი წესით ინსპექტირება-შემოწმების (მათ შორის, ფინანსური შემოწმების) ჩატარება და შესაბამისი დასკვნების შედგენა;

ბ) გენერალური ინსპექციის წინაშე მდგარი ამოცანების შესრულების მიზნით, კომპეტენციის ფარგლებში, შესაბამისი ოპერატიულ-სამძებრო ღონისძიებების განხორციელება, აგრეთვე სამინისტროს ოპერატიულ-სამძებრო საქმიანობის განმახორციელებელი სხვა სტრუქტურული ქვედანაყოფების შესაძლებლობების გამოყენება;

გ) მიმდინარე ინსპექტირება-შემოწმების ოპერატიული უზრუნველყოფა და ინსპექტირების ობიექტებში შესაძლო სამართალდარღვევების შესახებ ინფორმაციის მოპოვება;

დ) ინსპექტირება-შემოწმების შედეგად მოსამსახურის ქმედებაში დანაშაულის ნიშნების აღმოჩენის შემთხვევაში ინსპექტირების მასალების პროკურატურისთვის დადგენილი წესით გადაგზავნა;

ე) ამ დებულებით განსაზღვრული ამოცანების და კომპეტენციის განხორციელებისას მიღებული ინფორმაციის გამოკვლევა-დამუშავება და შემოწმების სუბიექტისათვის პრევენციული ღონისძიებების განსაზღვრა;

ვ) დადგენილი მოთხოვნების დამრღვევ მოსამსახურეთა მიმართ დისციპლინური პასუხისმგებლობის ზომების გამოყენების შესახებ მინისტრისათვის ან/და დისციპლინური პასუხისმგებლობის ზომის დაკისრებაზე უფლებამოსილი პირისათვის შესაბამისი რეკომენდაციების (დასკვნები) წარდგენა;

ზ) გამოვლენილი კანონმდებლობის დარღვევის ხელშემწყობი მიზეზების დადგენისა და პრევენციის მიზნით, ინსპექტირება-შემოწმების პროცესში მოპოვებული მასალების განზოგადოება და სათანადო რეკომენდაციების და წინადადებების მინისტრისათვის წარდგენა;

თ) ამ დებულებით განსაზღვრული ამოცანებისა და კომპეტენციის განხორციელების მიზნით, კანონმდებლობით დადგენილი წესით, სასამართლო ხელისუფლების ორგანოებთან, პროკურატურის ორგანოებთან, ადმინისტრაციულ ორგანოებთან, იურიდიულ და ფიზიკურ პირებთან ურთიერთობა;

ი) გენერალური ინსპექციის არასაიდუმლო/საიდუმლო საქმისწარმოების უზრუნველყოფა, ოპერატიული აღრიცხვიანობა და არქივის წარმოება;

კ) ამ დებულებით განსაზღვრული ამოცანებისა და კომპეტენციის განსახორციელებლად საჭირო ინფორმაციის კანონმდებლობით დადგენილი წესით მოძიება;

ლ) კომპეტენციის ფარგლებში განცხადებების და საჩივრების განხილვა;

მ) ამ დებულებით განსაზღვრული ამოცანების და კომპეტენციების განხორციელების მიზნით, სამინისტროს სისტემის სუბიექტებისგან სათანადო ინფორმაციის, მათ შორის სტატისტიკური და ანალიტიკური ინფორმაციის გამოთხოვა, შეჯამება-აღრიცხვა და სისტემატიზაცია;

ნ) სამსახურებრივ საქმიანობასთან დაკავშირებით მოსამსახურეებისათვის ახსნა-განმარტებების ჩამორთმევა;

ო) კანონმდებლობით დადგენილი წესით სახელმწიფო საიდუმლოების დაცვის მდგომარეობის შემოწმება მისი გამჟღავნების აღმოფხვრის მიზნით და სათანადო რეკომენდაციების/წინადადებების მომზადება;

პ) ამ დებულებით განსაზღვრული ამოცანებისა და კომპეტენციების განხორციელების მიზნით, სათანადო კვლევების ჩატარება და განზოგადებული ანგარიშების შედგენა;

ჟ) სტატისტიკური ფორმების/ინსტრუქციების შემუშავება და მინისტრისთვის მათი დასამტკიცებლად წარდგენა;

რ) საქართველოს კანონმდებლობის ან/და მინისტრის დავალების შესაბამისად სხვა უფლებამოსილების განხორციელება.

2. გენერალური ინსპექციის კანონიერი მოთხოვნის შესრულება სავალდებულოა.

თავი III

დეპარტამენტის სტრუქტურული დანაყოფები და მათი კომპეტენცია

მუხლი 4. გენერალური ინსპექციის სტრუქტურა

1. გენერალური ინსპექციის სტრუქტურული დანაყოფებია (შემდგომში – დანაყოფი):

ა) შიდა კონტროლის მთავარი სამმართველო:

ა.ა) კონტროლის სამმართველო;

ა.ბ) ოპერატიული სამმართველო.

ბ) სამხედრო მიმართულებით ინსპექტირების მთავარი სამმართველო:

ბ.ა) ინსპექტირების სამმართველო:

ბ.ბ) ოპერატიული სამმართველო.

გ) სამოქალაქო მიმართულებით ინსპექტირების მთავარი სამმართველო:

გ.ა) ინსპექტირების სამმართველო;

გ.ბ) ოპერატიული სამმართველო.

დ) საგანგებო დავალებათა მთავარი სამმართველო:

დ.ა) ინსპექტირების სამმართველო;

დ.ბ) ოპერატიული სამმართველო.

ე) სტატისტიკური აღრიცხვისა და კვლევების სამმართველო;

ვ) ადმინისტრაციული უზრუნველყოფის სამმართველო:

ვ.ა) საქმისწარმოების განყოფილება;

ვ.ბ) ოპერატიული აღრიცხვისა და არქივის განყოფილება.

მუხლი 5. შიდა კონტროლის მთავარი სამმართველო

1. შიდა კონტროლის მთავარი სამმართველო:

ა) გენერალური ინსპექციის უფროსის დავალების საფუძველზე ახორციელებს გენერალური ინსპექციის მოსამსახურეების მიერ საქართველოს კანონმდებლობისა და სხვა სამართლებრივი აქტებით განსაზღვრული მოთხოვნების, მათ შორის დაკისრებული ფუნქცია-მოვალეობების შესრულების მოთხოვნათა შესრულებაზე კონტროლს; 

ბ) შიდა კონტროლის ღონისძიებების შედეგების საფუძველზე ადგენს შესაბამის დასკვნებს (მათ შორის, მოსამსახურის მიმართ დისციპლინური პასუხისმგებლობის ზომის დაკისრების თაობაზე), შეიმუშავებს და გენერალური ინსპექციის უფროსს წარუდგენს შესაბამისი პრევენციული ღონისძიებების ნუსხას;

გ) შიდა კონტროლის ღონისძიებების შედეგად გამოვლენილ სისხლის სამართლის დანაშაულის ნიშნების შემცველ მასალებს სათანადო რეაგირებისათვის გადაუგზავნის საქართველოს მთავარ პროკურატურას;

დ) მოიპოვებს ინფორმაციას (მათ შორის, გამოითხოვს პირად საქმეებს და სხვა საჭირო დოკუმენტაციას) გენერალური ინსპექციის მოსამსახურეების მხრიდან შესაძლო მართლსაწინააღმდეგო კავშირების გამოვლენის მიზნით, აგრეთვე მოსამსახურეების მიერ ჩადენილი მართლსაწინააღმდეგო ქმედებების და მასთან დაკავშირებული გარემოებების შესახებ;

ე) ახორციელებს შიდა კონტროლის ღონისძიებების პროცესის ოპერატიულ უზრუნველყოფასა და შესაძლო სამართალდარღვევების შესახებ ინფორმაციის მოპოვებას;

ვ) კანონმდებლობით დადგენილი წესით ამოწმებს სახელმწიფო საიდუმლოების დაცვის მდგომარეობას მისი გამჟღავნების აღმოფხვრის მიზნით და ამზადებს სათანადო რეკომენდაციებს/წინადადებებს;

ზ) გენერალური ინსპექციის მოსამსახურეთა მხრიდან მართლსაწინააღმდეგო ქმედებათა პრევენციის მიზნით, გენერალური ინსპექციის უფროსთან შეთანხმებით ატარებს შესაბამის პროფილაქტიკურ ღონისძიებებს და ამზადებს შესაბამის რეკომენდაციებს/წინადადებებს;

თ) კომპეტენციის ფარგლებში განიხილავს განცხადებებსა და საჩივრებს;

ი) შიდა კონტროლის ღონისძიებების დასრულების შემდეგ ადგენს დასკვნას, რომელსაც დასამტკიცებლად წარუდგენს გენერალური ინსპექციის უფროსს;

კ) ასრულებს გენერალური ინსპექციის უფროსის სხვა დავალებებს.

მუხლი 6. სამხედრო მიმართულებით ინსპექტირების მთავარი სამმართველო

 სამხედრო მიმართულებით ინსპექტირების მთავარი სამმართველო:

ა) საქართველოს კანონმდებლობით დადგენილი წესით ახორციელებს სამხედრო მიმართულებით (შეიარაღებული ძალები) ინსპექტირებას-შემოწმებას (მათ შორის, ფინანსურ შემოწმებას), ოპერატიულ-სამძებრო ღონისძიებებს და ამ მიზნით იყენებს სამინისტროს სხვა სტრუქტურული ქვედანაყოფების შესაძლებლობებს;

ბ) ინსპექტირება-შემოწმების შედეგების საფუძველზე ადგენს შესაბამის დასკვნებს (მათ შორის, მოსამსახურის მიმართ დისციპლინური პასუხისმგებლობის ზომის დაკისრების თაობაზე), შეიმუშავებს შესაბამის რეკომენდაციებსა და წინადადებებს, აგრეთვე პრევენციულ ღონისძიებებს;

გ) ინსპექტირება-შემოწმების შედეგად გამოვლენილ სისხლის სამართლის დანაშაულის ნიშნების შემცველ მასალებს სათანადო რეაგირებისათვის გადაუგზავნის საქართველოს მთავარ პროკურატურას;

დ) მოიპოვებს ინფორმაციას შეიარაღებული ძალების მოსამსახურეების მხრიდან შესაძლო მართლსაწინააღმდეგო კავშირების გამოვლენის მიზნით, აგრეთვე მოსამსახურეების მიერ ჩადენილი მართლსაწინააღმდეგო ქმედებების და მასთან დაკავშირებული გარემოებების შესახებ; 

ე) ახორციელებს შეიარაღებულ ძალებში მიმდინარე ინსპექტირების ოპერატიული უზრუნველყოფასა და ინსპექტირების ობიექტში/ობიექტებში შესაძლო სამართალდარღვევების შესახებ ინფორმაციის მოპოვებას;

ვ) შეიარაღებულ ძალებში ამოწმებს სახელმწიფო საიდუმლოების დაცვის მდგომარეობას მისი გამჟღავნების აღმოფხვრის მიზნით და ამზადებს რეკომენდაციებს/წინადადებებს;

ზ) შეიარაღებული ძალების მოსამსახურეთა მხრიდან მართლსაწინააღმდეგო ქმედებათა პრევენციის მიზნით, ატარებს შესაბამის პროფილაქტიკურ ღონისძიებებს და ამზადებს რეკომენდაციებს/წინადადებებს;

თ) გენერალური ინსპექციის უფროსის დავალებით ახორციელებს ამ მუხლით განსაზღვრულ უფლებამოსილებას სამოქალაქო მიმართულებით;

ი) კომპეტენციის ფარგლებში განიხილავს განცხადებებსა და საჩივრებს;

კ) ასრულებს გენერალური ინსპექციის უფროსის სხვა დავალებებს.

მუხლი 7. სამოქალაქო მიმართულებით ინსპექტირების მთავარი სამმართველო

 სამოქალაქო მიმართულებით ინსპექტირების მთავარი სამმართველო:

ა) საქართველოს კანონმდებლობით დადგენილი წესით უზრუნველყოფს სამოქალაქო მიმართულებით ინსპექტირებას-შემოწმებას (მათ შორის, ფინანსურ შემოწმებას), ოპერატიულ-სამძებრო ღონისძიებებს და ამ მიზნით იყენებს სამინისტროს სხვა სტრუქტურული ქვედანაყოფების შესაძლებლობებს;

ბ) ინსპექტირება-შემოწმების შედეგების საფუძველზე ადგენს შესაბამის დასკვნებს (მათ შორის, მოსამსახურის მიმართ დისციპლინური პასუხისმგებლობის ზომის დაკისრების თაობაზე) შეიმუშავებს რეკომენდაციებსა და წინადადებებს აგრეთვე პრევენციულ ღონისძიებებს;

გ) ინსპექტირების შედეგად გამოვლენილ სისხლის სამართლის დანაშაულის ნიშნების შემცველ მასალებს სათანადო რეაგირებისათვის გადაუგზავნის საქართველოს მთავარ პროკურატურას;

დ) მოიპოვებს ინფორმაციას სამინისტროს სისტემის სუბიექტების, მოსამსახურეების (გარდა, შეიარაღებული ძალების მოსამსახურეების) მხრიდან შესაძლო მართლსაწინააღმდეგო კავშირების გამოვლენის მიზნით, აგრეთვე მოსამსახურეების მიერ ჩადენილი მართლსაწინააღმდეგო ქმედებების და მასთან დაკავშირებული გარემოებების შესახებ;

ე) ახორციელებს სამინისტროს სისტემის სუბიექტებში მიმდინარე ინსპექტირების ოპერატიულ უზრუნველყოფასა და ინსპექტირების ობიექტში/ობიექტებში შესაძლო სამართალდარღვევების შესახებ ინფორმაციის მოპოვებას;

ვ) სამინისტროს სისტემის სუბიექტებში (გარდა, შეიარაღებული ძალებისა) ამოწმებს სახელმწიფო საიდუმლოების დაცვის მდგომარეობას მისი გამჟღავნების აღმოფხვრის მიზნით და ამზადებს რეკომენდაციებს/წინადადებებს;

ზ) სამინისტროს სისტემის სუბიექტების მოსამსახურეთა (გარდა, შეიარაღებული ძალების მოსამსახურეებისა) მხრიდან მართლსაწინააღმდეგო ქმედებათა პრევენციის მიზნით, ატარებს შესაბამის პროფილაქტიკურ ღონისძიებებს და ამზადებს სათანადო რეკომენდაციებს/წინადადებებს;

თ) კომპეტენციის ფარგლებში განიხილავს განცხადებებსა და საჩივრებს;

ი) გენერალური ინსპექციის უფროსის დავალებით ახორციელებს ამ მუხლით განსაზღვრულ უფლებამოსილებას სამხედრო მიმართულებით;

კ) ასრულებს გენერალური ინსპექციის უფროსის სხვა დავალებებს.

მუხლი 8. საგანგებო დავალებათა მთავარი სამმართველო

საგანგებო დავალებათა ინსპექტირების მთავარი სამმართველო, გენერალური ინსპექციის უფროსის დავალებების საფუძველზე:

ა) საქართველოს კანონმდებლობით დადგენილი წესით ახორციელებს ინსპექტირებას-შემოწმებას (მათ შორის, ფინანსურ შემოწმებას), და ოპერატიულ-სამძებრო ღონისძიებებს და ამ მიზნით იყენებს სამინისტროს სხვა სტრუქტურული ქვედანაყოფების შესაძლებლობებს;

ბ) ინსპექტირება-შემოწმების შედეგების შესაბამისად ადგენს შესაბამის დასკვნებს (მათ შორის, მოსამსახურის მიმართ დისციპლინური პასუხისმგებლობის ზომის დაკისრების თაობაზე) შეიმუშავებს რეკომენდაციებსა და წინადადებებს აგრეთვე პრევენციულ ღონისძიებებს;

გ) ინსპექტირება-შემოწმების შედეგად გამოვლენილ სისხლის სამართლის დანაშაულის ნიშნების შემცველ მასალებს სათანადო რეაგირებისათვის გადაუგზავნის საქართველოს მთავარ პროკურატურას;

დ) მოიპოვებს ინფორმაციას შესაძლო მართლსაწინააღმდეგო კავშირების გამოვლენის მიზნით, აგრეთვე მოსამსახურეების მიერ ჩადენილი მართლსაწინააღმდეგო ქმედებების და მასთან დაკავშირებული გარემოებების შესახებ;

ე) ახორციელებს მიმდინარე ინსპექტირების ოპერატიულ უზრუნველყოფასა და ინსპექტირების ობიექტში/ობიექტებში შესაძლო სამართალდარღვევების შესახებ ინფორმაციის მოპოვებას;

ვ) კომპეტენციის ფარგლებში განიხილავს განცხადებებსა და საჩივრებს;

ზ) ასრულებს გენერალური ინსპექციის უფროსის სხვა დავალებებს.

მუხლი 9. სტატისტიკური აღრიცხვისა და კვლევების სამმართველო

სტატისტიკური აღრიცხვისა და კვლევების სამმართველო ახორციელებს:

ა) გენერალური ინსპექციის ამოცანებისა და კომპეტენციების შესრულების მიზნით, სამინისტროს სისტემის სუბიექტებისგან შესაბამისი სტატისტიკური და ანალიტიკური ინფორმაციის გამოთხოვას, მათ შეჯამება-აღრიცხვას და სისტემატიზირებას;

ბ) სამინისტროს სისტემის სუბიექტებისგან შესაბამისი ინფორმაციის გამოთხოვას, სათანადო კვლევების ჩატარებას, განზოგადებული ანგარიშების შედგენას და შესაბამისი რეკომენდაციების გენერალური ინსპექციის უფროსისათვის მიწოდებას;

გ) სტატისტიკური ფორმების/ინსტრუქციების შემუშავებას და მინისტრისთვის მათ დასამტკიცებლად წარდგენას;

დ) „ცხელი ხაზის“ ფუნქციონირებას (შემოსული ინფორმაციის მიღება, რეგისტრაცია, დამუშავება, ადრესატის განსაზღვრა) და საჭიროების შემთხვევაში, კომპეტენციის ფარგლებში კონსულტაციის გაწევას;

ე) გენერალური ინსპექციის ცხელი ხაზის ფუნქციონირებასთან დაკავშირებით საზოგადოებრივი აზრის შესწავლას;

ვ) ერთიანი საინფორმაციო პოლიტიკის უზრუნველყოფის მიზნით სამინისტროს იმ ქვედანაყოფებთან თანამშრომლობას, რომლებიც ახორციელებენ საზოგადოებასთან ურთიერთობის ფუნქციებს;

ზ) ასრულებს გენერალური ინსპექციის უფროსის სხვა დავალებებს.

მუხლი 10. ადმინისტრაციული უზრუნველყოფის სამმართველო

ადმინისტრაციული უზრუნველყოფის სამმართველო ახორციელებს:

ა) გენერალური ინსპექციის არასაიდუმლო და საიდუმლო საქმისწარმოებას, აწარმოებს არასაიდუმლო და საიდუმლო დოკუმენტების არქივს;

ბ) გენერალურ ინსპექციაში შემოსული და გენერალური ინსპექციიდან გასული კორესპონდენციის შესრულების მონიტორინგს;

გ) გენერალური ინსპექციისათვის ამ დებულებით განსაზღვრული ამოცანების და კომპეტენციის განხორციელებისათვის საჭირო ხელის შემწყობი ღონისძიებების ორგანიზებას;

დ) გენერალური ინსპექციის უფროსის ინდივიდუალური ადმინისტრაციულ-სამართლებრივი აქტის პროექტის მომზადებას;

ე) ინსპექტირების საქმეების აღრიცხვასა და კონტროლის ორგანიზებას;

ვ) ოპერატიული აღრიცხვიანობისა და კონტროლის ორგანიზებას;

ზ) ასრულებს გენერალური ინსპექციის უფროსის სხვა დავალებებს.

თავი IV

გენერალური ინსპექციის ხელმძღვანელობა და მათი უფლებამოსილება

მუხლი 11. გენერალური ინსპექციის ხელმძღვანელობა

1. გენერალურ ინსპექციას ხელმძღვანელობს უფროსი, რომელსაც თანამდებობაზე ნიშნავს და თანამდებობიდან ათავისუფლებს მინისტრი.

2. გენერალური ინსპექციის უფროსი:

ა) წარმოადგენს გენერალურ ინსპექციას;

ბ) ხელმძღვნელობს და წარმართავს გენერალური ინსპექციის საქმიანობას, აწესრიგებს დანაყოფის კომპეტენციას მიკუთვნებულ საკითხებს;

გ) პასუხისმგებელია საქართველოს კანონმდებლობის შესრულებისთვის იმ სფეროში, რომელიც განეკუთვნება გენერალურ ინსპექციის კომპეტენციას;

დ) უზრუნველყოფს გენერალური ინსპექციის დანაყოფებისათვის დაკისრებული მოვალეობების შესრულების კონტროლს;

ე) ანაწილებს მოვალეობებს გენერალური ინსპექციის დანაყოფებს შორის და აძლევს მათ შესასრულებლად სავალდებულო მითითებებს;

ვ) იღებს გადაწყვეტილებებს გენერალური ინსპექციის ამოცანასა და კომპეტენციას მიკუთვნებულ საკითხებზე;

ზ) კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტებს, ხელს აწერს ან/და ვიზირებას უკეთებს გენერალურ ინსპექციაში მომზადებულ დოკუმენტებს და ამტკიცებს ინსპექტირების/შემოწმების დასკვნებს;

თ) მინისტრის წინაშე ანგარიშვალდებულია გენერალური ინსპექციის მუშაობის წარმართვისათვის;

ი) მინისტრს წარუდგენს წინადადებებს გენერალური ინსპექციის სტრუქტურის, შტატების, მუშაობის ორგანიზაციის, გენერალური ინსპექციის მოსამსახურეების წახალისების და დისციპლინური პასუხისმგებლობის ზომის დაკისრების, აგრეთვე კვალიფიკაციის ამაღლების თაობაზე;

კ) გენერალურ ინსპექციაში დროებითი მოვალეობის შემსრულებლებად დასანიშნ კანდიდატებს კანონმდებლობით დადგენილი წესით წარუდგენს მინისტრს, უზრუნველყოფს სასწავლო კურსებზე გასაგზავნ გენერალური ინსპექციის მოსამსახურეთა დადგენილი წესით წარდგენას;

ლ) საქართველოს კანონმდებლობით დადგენილი წესით უზრუნველყოფს გენერალურ ინსპექციაში დასანიშნი შტატგარეშე და დამხმარე მოსამსახურის კანდიდატების წარდგენას, პირის შტატგარეშე ან დამხმარე მოსამსახურედ მიღებისას განსაზღვრავს შრომითი ხელშეკრულების დამატებით პირობებს;

მ) მინისტრის წინაშე შუამდგომლობს გენერალური ინსპექციის ამ დებულებით განსაზღვრული ამოცანების და კომპეტენციის შესასრულებლად საჭირო ფინანსური და მატერიალური რესურსების გამოყოფის თაობაზე;

ნ) მინისტრს წარუდგენს გენერალური ინსპექციის მიერ გაწეული საქმიანობის შესახებ ანგარიშს;

ო) განსაზღვრავს შესამოწმებელ სუბიექტს, საგანს და ვადას;

პ) ასრულებს მინისტრის მიერ განსაზღვრულ სხვა უფლებამოსილებას.

3. გენერალური ინსპექციის უფროსს ჰყავს 2 (ორი) მოადგილე, რომლებსაც თანამდებობაზე ნიშნავს და თანამდებობიდან ათავისუფლებს მინისტრი.

4. გენერალური ინსპექციის უფროსის მოადგილეების საკურატორო სფეროს, ინდივიდუალური ადმინისტრაციულ-სამართლებრივი აქტით განსაზღვრავს გენერალური ინსპექციის უფროსი.

5. გენერალური ინსპექციის უფროსის დროებით არყოფნის შემთხვევაში, მის უფლება-მოვალეობებს ახორციელებს მინისტრის ინდივიდუალური ადმინისტრაციულ-სამართლებრივი აქტის საფუძველზე განსაზღვრული დეპარტამენტის უფროსის ერთ-ერთი მოადგილე, ხოლო ასეთი აქტის არარსებობის შემთხვევაში გენერალური ინსპექციის მოხელე ამ მუხლის მე-6 პუნქტში მოცემული წესის დაცვით.

6. გენერალური ინსპექციის უფროსის დროებით არყოფნის შემთხვევაში, მის უფლება-მოვალეობებს ახორციელებს:

ა) კალენდარული წლის პირველი ექვსი თვის განმავლობაში, უფრო ადრე დანიშნული გენერალური ინსპექციის უფროსის მოადგილე, ხოლო მეორე ექვსი თვის განმავლობაში, უფრო გვიან დანიშნული გენერალური ინსპექციის უფროსის მოადგილე;

ბ) ამ პუნქტის ,,ა” ქვეპუნქტში მოცემულ პერიოდში, გენერალური ინსპექციის უფროსის შესაბამისი მოადგილის არყოფნის დროს, სამსახურში მყოფი გენერალური ინსპექციის უფროსის მოადგილე;

გ) ამ პუნქტის ,,ა” ქვეპუნქტში მოცემულ პერიოდში, გენერალური ინსპექციის უფროსის ორივე მოადგილის არყოფნის დროს, მინისტრის ინდივიდუალური ადმინისტრაციულ-სამართლებრივი აქტის საფუძველზე განსაზღვრული გენერალური ინსპექციის მოხელე.

7. გენერალური ინსპექციის უფროსის მოადგილე:

ა) ზედამხედველობას უწევს საკურატორო სფეროში შემავალ დანაყოფს, გასცემს შესასრულებლად სავალდებულო მითითებებს;

ბ) ანაწილებს მოვალეობებს საკურატორო სფეროში შემავალი ქვედანაყოფების შორის და აძლევს მათ მითითებებს და განკარგულებებს;

გ) ითანხმებს საკურატორო სფეროში შემავალი ქვედანაყოფის მიერ მომზადებულ დოკუმენტებს;

დ) პასუხისმგებელია გენერალური ინსპექციის უფროსის წინაშე საკურატორო სფეროში შემავალი დანაყოფის მუშაობის წარმართვისათვის და უზრუნველყოფს მის კონტროლს;

ე) ანგარიშვალდებულია გენერალური ინსპექციის უფროსის წინაშე;

ვ) ასრულებს გენერალური ინსპექციის უფროსის მიერ განსაზღვრულ სხვა უფლებამოსილებას;

ზ) ხელს აწეს ან/და ვიზირებას უკეთებს საკურატორო სფეროში შემავალი დანაყოფის მიერ მომზადებულ კორესპონდენციას.

8. დანაყოფს ხელმძღვანელობს მთავარი სამმართველოს/სამმართველოს/განყოფილების უფროსი, რომლის უფლებამოსილებას განსაზღვრავს გენერალური ინსპექციის უფროსი. თავის მხრივ დანაყოფის უფროსი:

ა) წარმოადგენს დანაყოფს;

ბ) ანაწილებს მოვალეობებს დანაყოფის მოსამსახურეებს შორის და აძლევს მათ მითითებებს და განკარგულებებს;

გ) გეგმავს დანაყოფის საქმიანობას და იღებს გადაწყვეტილებებს დანაყოფის კომპეტენციას მიკუთვნებულ საკითხებზე გენერალური ინსპექციის უფროსთან ან კურატორ მოადგილესთან შეთანხმებით;

დ) ხელმოწერით ან ვიზირებით ითანხმებს დანაყოფში მომზადებულ დოკუმენტებს;

ე) ანგარიშვალდებულია დანაყოფის საქმიანობის წარმართვისათვის და უზრუნველყოფს მის კონტროლს;

ვ) გენერალური ინსპექციის უფროსს წარუდგენს ანგარიშს ქვედანაყოფის მიერ გაწეული საქმიანობის შესახებ;

ზ) ასრულებს გენერალური ინსპექციის უფროსის მიერ მასზე დაკისრებულ სხვა უფლებამოსილებას;

თ) ახორციელებს კონტროლს მთავარი სამმართველოს/სამმართველოს/განყოფილების მუშაობაზე, მოსამსახურეთა მიერ სამსახურებრივი მოვალეობებისა და დისციპლინის დაცვაზე.

9. დანაყოფის უფროსს (მხოლოდ მთავარი სამმართველო და სამმართველო) საშტატო ნუსხის შესაბამისად ჰყავს მოადგილე, რომლის უფლებამოსილებას განსაზღვრავს გენერალური ინსპექციის უფროსი.