საქართველოს სახელმწიფო საზღვრის დელიმიტაციისა და დემარკაციის სამთავრობო კომისიის შექმნისა და დებულების დამტკიცების შესახებ

1. ლაშა დარსალია – საქართველოს საგარეო საქმეთა მინისტრის მოადგილე − კომისიის თავმჯდომარე, საქართველოს სახელმწიფო საზღვრის დელიმიტაციისა და დემარკაციის საკითხებში საქართველოს სპეციალური წარმომადგენელი.

2. ნოდარ  ხორბალაძე − საქართველოს თავდაცვის სამინისტროს თავდაცვის ძალების გენერალური შტაბის კარტოგრაფია-გეოდეზიის დეპარტამენტის უფროსი (პოლკოვნიკი) − კომისიის წევრი, კომისიის თავმჯდომარის მოადგილე.

3. ვახტანგ ტყეშელაშვილი − საქართვლოს თავდაცვის სამინისტროს თავდაცვის ძალების გენერალური შტაბის კარტოგრაფია-გეოდეზიის დეპარტამენტის ტექნიკური მონიტორინგის სამმართველოს უფროსი − კომისიის წევრი.

4. თედო გორგოძე − საქართვლოს თავდაცვის სამინისტროს თავდაცვის ძალების გენერალური შტაბის კარტოგრაფია-გეოდეზიის დეპარტამენტის კარტოგრაფიული უზრუნველყოფის სამმართველოს უფროსი − კომისიის წევრი.

5. ქეთევან სარაჯიშვილი − საქართველოს იუსტიციის სამინისტროს საერთაშორისო ურთიერთობებისა და სამართლებრივი თანამშრომლობის დეპარტამენტის უფროსი − კომისიის წევრი.

6. ირაკლი გოცაძე − საქართველოს იუსტიციის სამინისტროს სსიპ − საჯარო რეესტრის ეროვნული სააგენტოს გეოდეზიისა და გეოინფორმაციის დეპარტამენტის გეოდეზიისა და კარტოგრაფიის სამსახურის უფროსი − კომისიის წევრი.

7. გალაქტიონ ხახუბია − საქართველოს იუსტიციის სამინისტროს სსიპ − საჯარო რეესტრის ეროვნული სააგენტოს გეოდეზიისა და გეოინფორმაციის დეპარტამენტის გეოდეზიისა და კარტოგრაფიის სამსახურის კოორდინატორი − კომისიის წევრი.

8. ბექა  დავითულიანი  − საქართველოს კულტურის მინისტრის მოადგილე − კომისიის წევრი.

9. ლევან ღირსიაშვილი − საქართველოს განათლების, მეცნიერებისა და ახალგაზრდობის მინისტრის პირველი მოადგილე − კომისიის წევრი.

10. ირაკლი ჭედიშვილი − საქართველოს შინაგან საქმეთა სამინისტროს სახელმწიფო საქვეუწყებო დაწესებულების − საქართველოს სასაზღვრო პოლიციის სახმელეთო საზღვრის დაცვის დეპარტამენტის დირექტორის მოადგილე, საქართველოს სასაზღვრო პოლიციის პოლკოვნიკი − კომისიის წევრი.

11. ლაშა მარტიაშვილი − საქართველოს შინაგან საქმეთა სამინისტროს   სახელმწიფო საქვეუწყებო დაწესებულების − საქართველოს სასაზღვრო პოლიციის სახმელეთო საზღვრის დაცვის დეპარტამენტის დირექტორის მოადგილე, საქართველოს სასაზღვრო პოლიციის პოლკოვნიკი − კომისიის წევრი.

12. გოჩა ლომიძე − საქართველოს შინაგან საქმეთა სამინისტროს სახელმწიფო საქვეუწყებო დაწესებულების − საქართველოს სასაზღვრო პოლიციის სახმელეთო საზღვრის დაცვის დეპარტამენტის სასაზღვრო საქმიანობის დაგეგმარების, კოორდინაციის, ზედამხედველობის, სასაზღვრო წარმომადგენლობისა და სადელიმიტაციო-სადემარკაციო მთავარი სამმართველოს უფროსის მოადგილე, საქართველოს სასაზღვრო პოლიციის პოლკოვნიკი − კომისიის წევრი.

13. ირმა გაბუნია − საქართველოს შინაგან საქმეთა სამინისტროს სახელმწიფო საქვეუწყებო დაწესებულების − საქართველოს სასაზღვრო პოლიციის სახმელეთო საზღვრის დაცვის დეპარტამენტის სასაზღვრო საქმიანობის დაგეგმარების, კოორდინაციის, ზედამხედველობის, სასაზღვრო წარმომადგენლობისა და სადელიმიტაციო-სადემარკაციო მთავარი სამმართველოს სასაზღვრო საქმიანობის დაგეგმარების, კოორდინაციის, სასაზღვრო წარმომადგენლობისა და სადელიმიტაციო-სადემარკაციო სამმართველოს განსაკუთრებით მნიშვნელოვან საქმეთა ინსპექტორი, საქართველოს სასაზღვრო პოლიციის ვიცე-პოლკოვნიკი − კომისიის წევრი.

14. გიორგი გუნცაძე − საქართველოს შინაგან საქმეთა სამინისტროს საპატრულო პოლიციის დეპარტამენტის საზღვრის მართვისა და კოორდინირების მთავარი სამმართველოს უფროსი − კომისიის წევრი.

15. ზვიად ზვიადაძე − შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის აფხაზეთის ავტონომიური რესპუბლიკის, ყოფილი სამხრეთ ოსეთის ავტონომიური ოლქის საკითხთა დეპარტამენტის უფროსი − კომისიის წევრი.

16. ზურაბ წიკლაური − საქართველოს ეკონომიკისა და მდგრადი განვითარების სამინისტროს საჯარო სამართლის იურიდიული პირის − სივრცითი და ქალაქთმშენებლობითი განვითარების სააგენტოს უფროსი − კომისიის წევრი.

17. მერაბ არახამია − საქართველოს ფინანსთა სამინისტროს საჯარო სამართლის იურიდიული პირის − შემოსავლების სამსახურის საბაჟო დეპარტამენტის უფროსის მოადგილე − კომისიის წევრი.

18. მინდია გრძელიძე − საქართველოს ფინანსთა სამინისტროს საჯარო სამართლის იურიდიული პირის − შემოსავლების სამსახურის საერთაშორისო ურთიერთობათა დეპარტამენტის სანიტარიულ-ფიტოსანიტარიული სასაზღვრო კონტროლის თანამშრომლობის სამმართველოს უფროსი − კომისიის წევრი.

19. დავით მეტრეველი − საქართველოს ინფრასტრუქტურის სამინისტროს იურიდიული დეპარტამენტის უფროსი − კომისიის წევრი.

20. გიორგი დიდიძე − საქართველოს რეგიონული განვითარების სამინისტროს რეგიონული და მთის განვითარების დეპარტამენტის უფროსი − კომისიის წევრი.

21. ანდრო ასლანიშვილი − საქართველოს გარემოს დაცვისა და სოფლის მეურნეობის სამინისტროს სსიპ − მინერალური რესურსების ეროვნული სააგენტოს უფროსი − კომისიის წევრი.

22. მერაბ ქვარაია − საქართველოს გარემოს დაცვისა და სოფლის მეურნეობის სამინისტროს სსიპ − მიწის მდგრადი მართვისა და მიწათსარგებლობის მონიტორინგის ეროვნული სააგენტოს თავმჯდომარის მოადგილე − კომისიის წევრი.

23. მანუჩარ დათიაშვილი − საქართველოს სახელმწიფო უსაფრთხოების სამსახურის წარმომადგენელი − კომისიის წევრი.

24. დიანა მალაზონია − საქართველოს საგარეო საქმეთა სამინისტროს ევროპის საქმეთა დირექტორატის ევროპის დეპარტამენტის მეზობელი ქვეყნების სამმართველოს უფროსი − კომისიის მდივანი.“.

1. საქართველოს სახელმწიფო საზღვრის დელიმიტაციისა და დემარკაციის სამთავრობო კომისია (შემდგომში − კომისია) არის მუდმივმოქმედი უწყებათაშორისო საკოორდინაციო ორგანო, რომელიც იქმნება საქართველო-აზერბაიჯანისა და საქართველო-სომხეთის სახელმწიფო საზღვრის დელიმიტაციისა და დემარკაციის საკითხებზე საქართველოს პოზიციის შემუშავების, მოლაპარაკებათა წარმართვის, შესაბამისი სამუშაოების ორგანიზების, აგრეთვე მეზობელ სახელმწიფოებთან საქართველოს სახელმწიფო საზღვრის განსაზღვრასა და დადგენასთან დაკავშირებული საკითხების გადაწყვეტის მიზნით.

2. კომისია თავისი საქმიანობისას ხელმძღვანელობს საქართველოს კონსტიტუციით, მოქმედი კანონმდებლობითა და ამ დებულებით.

კომისიის ძირითადი ამოცანებია:

ა) საქართველო-აზერბაიჯანისა და საქართველო-სომხეთის სახელმწიფო საზღვრის დელიმიტაციისა და დემარკაციის პროცესის წარმართვა, აგრეთვე მეზობელ სახელმწიფოებთან საქართველოს სახელმწიფო საზღვრის განსაზღვრასა და დადგენასთან დაკავშირებული საკითხების გადაწყვეტა და ამ მიზნით საქართველოს სახელით მოლაპარაკებების წარმოება, ქართული მხარის საქმიანობის კოორდინაცია;

ბ) საქართველოს სახელმწიფო საზღვარზე წამოჭრილი პრობლემატური საკითხების გადაწყვეტის ხელშეწყობა და ამ მიზნით აღმასრულებელი ხელისუფლებისა და ადმინისტრაციულ-ტერიტორიული ერთეულების ორგანოებისათვის რეკომენდაციებისა და წინადადებების მომზადება;

გ) პერიოდულად სახელმწიფო საზღვრის დელიმიტაციისა და დემარკაციის პროცესის მიმდინარეობის, აგრეთვე მეზობელ  სახელმწიფოებთან  საქართველოს  სახელმწიფო საზღვრის განსაზღვრასა და დადგენასთან დაკავშირებული საკითხებისა და საზღვარზე წამოჭრილი სირთულეების ანალიზი. პრობლემების გადაწყვეტის მიზნით, საქართველოს მთავრობისათვის რეკომენდაციების მომზადება;

დ) სახელმწიფო საზღვრის დელიმიტაციის, დემარკაციის, აგრეთვე საქართველოს სახელმწიფო საზღვრის განსაზღვრასა და დადგენასთან დაკავშირებით, საჭიროების შესაბამისად,  სათანადო სამართლებრივი აქტების პროექტების შემუშავება.

კომისია უფლებამოსილია:

ა) თავისი კომპეტენციის ფარგლებში დაგეგმოს და განახორციელოს საქართველო-აზერბაიჯანის სახელმწიფო საზღვრის დელიმიტაციისა და დემარკაციის, საქართველო-სომხეთის სახელმწიფო საზღვრის დელიმიტაციისა და დემარკაციის, აგრეთვე, საჭიროების შემთხვევაში, სხვა მეზობელ სახელმწიფოებთან საქართველოს სახელმწიფო საზღვრის განსაზღვრასა და დადგენასთან დაკავშირებული სამუშაოები;

ბ) აწარმოოს კონსულტაციები აზერბაიჯანის რესპუბლიკისა და სომხეთის რესპუბლიკის შესაბამის კომისიებთან სახელმწიფო საზღვრის დელიმიტაციასა და დემარკაციასთან, აგრეთვე, საჭიროების შემთხვევაში, სხვა მეზობელ სახელმწიფოებთან საქართველოს სახელმწიფო სახმელეთო და საზღვაო საზღვრის განსაზღვრასა და დადგენასთან დაკავშირებით;

გ) განსაზღვროს აზერბაიჯანულ, სომხურ მხარეებთან სახელმწიფო საზღვრის დელიმიტაციისა და დემარკაციის, აგრეთვე, საჭიროების შემთხვევაში, სხვა მეზობელ სახელმწიფოებთან საქართველოს სახელმწიფო სახმელეთო და საზღვაო საზღვრის განსაზღვრასა და დადგენასთან დაკავშირებული პროცედურები და ამ პროცედურების ფარგლებში ხელი მოაწეროს შეხვედრის ოქმებსა და სხვა დოკუმენტებს;

დ) მოამზადოს და საქართველოს მთავრობას წარუდგინოს შესაბამისი სამართლებრივი აქტების პროექტები აზერბაიჯანის რესპუბლიკასა და სომხეთის რესპუბლიკასთან სახელმწიფო საზღვრის დელიმიტაციისა და დემარკაციის საკითხებზე;

ე) თავისი კომპეტენციის ფარგლებში, მიმართოს საქართველოს სახელმწიფო უწყებებს, ორგანიზაციებსა და ადგილობრივი თვითმმართველობის ორგანოებს საჭირო საინფორმაციო და დოკუმენტური მასალის მიწოდების, დახმარების აღმოჩენის, კონკრეტული საკითხის განხილვისა და პოზიციის დაფიქსირების, საზღვრის დელიმიტაციისა და დემარკაციის პროცესზე უარყოფითი გავლენის მქონე საქმიანობის კორექტირების, შეჩერებისა და ნაკლოვანებათა გამოსწორება/აღმოფხვრის შესახებ;

ვ) საჭიროების შემთხვევაში, სათათბირო ხმის უფლებით სხდომაზე მიიწვიოს საქართველოს სახელმწიფო უწყებების, ორგანიზაციებისა და ადგილობრივი თვითმმართველობის ორგანოების დაინტერესებული პირები, აგრეთვე დამოუკიდებელი ექსპერტები;

ზ)   მიმართოს  საქართველოს  შესაბამის   სახელმწიფო უწყებებს, ორგანიზაციებსა და ადგილობრივი თვითმმართველობის ორგანოებს, საჭიროების შემთხვევაში, ექსპერტთა სამუშაო ჯგუფების შეხვედრებში მონაწილეობის მიზნით თავიანთი წარმომადგენლის მივლინების შესახებ;

თ) მიმართოს საქართველოს უფლებამოსილ სახელმწიფო უწყებებს, ორგანიზაციებსა და ადგილობრივი თვითმმართველობის ორგანოებს სახელმწიფო საზღვრის დელიმიტაციასა და დემარკაციასთან, აგრეთვე მეზობელ სახელმწიფოებთან საქართველოს სახელმწიფო სახმელეთო და საზღვაო საზღვრის განსაზღვრასა და დადგენასთან დაკავშირებით საჭირო სამუშაოების შესრულებისა და ამ სამუშაოებისათვის მასალის შეძენის, აგრეთვე მატერიალურ-ტექნიკური მხარდაჭერის შესახებ;

ი) პერიოდულად   მოახსენოს საქართველოს მთავრობას საქართველოს სახელმწიფო საზღვრის დელიმიტაციისა და დემარკაციის მიმდინარეობის, აგრეთვე მეზობელ სახელმწიფოებთან საქართველოს სახელმწიფო საზღვრის განსაზღვრასა და დადგენასთან დაკავშირებული საკითხებისა და საზღვარზე წამოჭრილი სირთულეების შესახებ. მოამზადოს რეკომენდაციები  პრობლემების  გადაწყვეტის  მიზნით  გასატარებელი  ღონისძიებების შესახებ;

კ) საჭიროების შესაბამისად, მოამზადოს და საქართველოს მთავრობას წარუდგინოს შესაბამისი სამართლებრივი აქტების პროექტები სახელმწიფო საზღვრის დელიმიტაციის, დემარკაციის, აგრეთვე საქართველოს სახელმწიფო საზღვრის განსაზღვრასა და დადგენასთან დაკავშირებულ საკითხებზე.

1. კომისიის თავმჯდომარე:

ა) ხელმძღვანელობს კომისიის საქმიანობას;

ბ) ამტკიცებს კომისიის სამუშაო განრიგს;

გ) იწვევს და წარმართავს კომისიის სხდომებს;

დ) ქმნის უწყებათაშორის სამუშაო და ექსპერტთა ჯგუფებს;

ე) დამოუკიდებლად ადგენს საქართველოს სახელმწიფო დელეგაციის შემადგენლობას სახელმწიფო საზღვრის დელიმიტაცია/დემარკაციის საკითხებზე მოლაპარაკებების წარმოების მიზნით;

ვ) წარმოადგენს კომისიას საერთაშორისო და ადგილობრივ დონეზე;

ზ) პირადად ან კომისიის წევრზე უფლებამოსილების დელეგირებით, აწარმოებს კონსულტაციებს შესაბამის ექსპერტებთან, რეკომენდაციების შემუშავების მიზნით;

თ) უფლებამოსილია, წარადგინოს საქართველოს პოზიცია საზოგადოების წინაშე კომისიის კომპეტენციაში შემავალ საკითხებზე.

2. კომისიის თავმჯდომარეს ჰყავს მოადგილე, რომელიც კომისიის თავმჯდომარის არყოფნის შემთხვევაში ასრულებს მის უფლებამოსილებას.

3. კომისიის პასუხისმგებელი მდივანი:

ა) უზრუნველყოფს კომისიის სხდომისა და შეხვედრების გამართვის ორგანიზებას;

ბ) პასუხისმგებელია კომისიის სხდომის ოქმის სწორად და ზუსტად შედგენასა და სხდომათა მასალების შენახვაზე.

1. კომისიის სხდომა იმართება პერიოდულად, მაგრამ არანაკლებ წელიწადში ერთხელ, კომისიის თავმჯდომარის გადაწყვეტილებით, დამტკიცებული დღის წესრიგის მიხედვით.

2. კომისიის სხდომას ხელმძღვანელობს თავმჯდომარე. კომისიის თავმჯდომარის არყოფნის შემთხვევაში − თავმჯდომარის მოადგილე, ხოლო მათი არყოფნის შემთხვევაში − კომისიის თავმჯდომარის დავალებით − კომისიის ერთ-ერთი წევრი.

3. სხდომა უფლებამოსილია, მიიღოს გადაწყვეტილება, თუ მას ესწრება კომისიის წევრთა ნახევარზე მეტი.

4. კომისიის სხდომაზე გადაწყვეტილება მიიღება დამსწრე წევრთა ხმათა უბრალო უმრავლესობით, მაგრამ არანაკლებ კომისიის შემადგენლობის ერთი მესამედის თანხმობით. ხმების თანაბრად გაყოფის შემთხვევაში, გადამწყვეტია კომისიის თავმჯდომარის ხმა.

5. დაუშვებელია კომისიის წევრის მიერ  საკუთარი უფლებამოსილების დელეგირება უცხო პირზე.

6. კომისიის გადაწყვეტილება აისახება სხდომის ოქმში, რომელსაც ხელს აწერენ სხდომის თავმჯდომარე და კომისიის პასუხისმგებელი მდივანი. ოქმში ასევე უნდა აისახოს კომისიის ნებისმიერი წევრის კენჭისყრაში მონაწილეობის  შესახებ  თავშეკავების  ან უარის თქმის მიზეზი  (თუ კომისიის წევრი  ამის შესახებ სხდომაზე განაცხადებს), აგრეთვე − სხდომაზე გამოთქმული ყველა განსხვავებული აზრი.

კომისიის საქმიანობის კოორდინაციას, ორგანიზაციულ-ტექნიკურ და ინფორმაციულ უზრუნველყოფას ახორციელებს საქართველოს საგარეო საქმეთა სამინისტრო.

კომისიის დებულებაში ცვლილებებისა და დამატებების შეტანა ხდება მოქმედი კანონმდებლობით დადგენილი წესის შესაბამისად.