საჯარო სამართლის იურიდიული პირის – საქართველოს ინოვაციების და ტექნოლოგიების სააგენტოს ტექნოლოგიური პარკის მომსახურების სახეებისა და საფასურის დამტკიცების შესახებ

ეს დადგენილება განსაზღვრავს საქართველოს ინოვაციების და ტექნოლოგიების სააგენტოს მიერ ტექნოლოგიური პარკის სივრცეში გაწეული მომსახურების სახეებს, გაწეული მომსახურების საფასურს და აღნიშნული საფასურისაგან გათავისუფლების პირობებს.

ამ დადგენილების მიზნებისათვის ტექსტში გამოყენებულ ტერმინებს აქვს შემდეგი მნიშვნელობა:

ა) ტექნოლოგიური პარკი/ინოვაციების ცენტრი – საჯარო სამართლის იურიდიული პირის საქართველოს ინოვაციების და ტექნოლოგიების სააგენტოს (შემდგომში – სააგენტო) მიერ ქვეყნის მასშტაბით შექმნილი ინფრასტრუქტურული სივრცეები, რომლებიც დაინტერესებულ პირებს  აწვდის  ამ დადგენილებით  განსაზღვრულ მომსახურებას;

ბ) ტექნოლოგიური პარკის წევრობა – სტატუსი, რომელიც პირს ანიჭებს უფლებას, მიიღოს  ტექნოლოგიური პარკის მომსახურება;

გ) ტექნოლოგიური პარკის წევრი  –  ნებისმიერი პირი, რომელიც ამ დადგენილების შესაბამისად გაივლის რეგისტრაციას;

დ) ბიზნესინკუბატორი – სააგენტოს მიერ ორგანიზებული კონკურსის წესით შერჩეული დამწყები ბიზნესის ხელშემწყობი პროგრამა, რომელიც  უზრუნველყოფს ამ დადგენილებით განსაზღვრული მომსახურების მიწოდებას;

ე) ბიზნესინკუბატორის წევრობა – ერთწლიანი სტატუსი, რომელიც ენიჭება სააგენტოს მიერ გამოცხადებულ ბიზნესინკუბატორის შესარჩევ კონკურსში გამარჯვებულ პირს;

ვ)  მომსახურების საფასური – საფასური, რომელსაც პირი იხდის ამ დადგენილებით განსაზღვრული ტექნოლოგიური პარკის ფასიანი მომსახურების სანაცვლოდ;

ზ) ფაბლაბი (Fab Lab) – სამრეწველო ინოვაციების ლაბორატორია, რომელიც უზრუნველყოფს ამ დადგენილებით განსაზღვრული მომსახურების მიწოდებას.

საქართველოს მთავრობის 2021 წლის 25 აგვისტოს დადგენილება №425 – ვებგვერდი, 27.08.2021წ.

ტექნოლოგიური პარკის წევრობა

1.  ტექნოლოგიური პარკის წევრი შეიძლება გახდეს ნებისმიერი ფიზიკური პირი.

2. ტექნოლოგიური პარკის წევრის სტატუსი პირს ანიჭებს ტექნოლოგიურ პარკში გამართულ საჯარო ღონისძიებებში,  ტრენინგებსა და მასტერკლასებში მონაწილეობის უფლებას, ბიბლიოთეკით სარგებლობის უფლებას და სსიპ – საქართველოს ინტელექტუალური საკუთრების ეროვნული ცენტრის („საქპატენტის“) საკონსულტაციო მომსახურებით სარგებლობის უფლებას.

3. ტექნოლოგიური პარკის წევრის სტატუსის მოპოვება ხდება ტექნოლოგიური პარკის ოფიციალურ ვებგვერდზე (http://techpark.ge) რეგისტრაციის გზით, რაც დასტურდება შესაბამისი ბარათით, რომელსაც სააგენტო გადასცემს პირს რეგისტრაციის პროცესის დასრულების შემდეგ, ტექნოლოგიურ პარკში პირველი ვიზიტისას.

4. ტექნოლოგიური პარკის წევრის სტატუსის მოპოვება არის უფასო.

5. სააგენტო უფლებამოსილია, პირს შეუწყვიტოს ტექნოლოგიური პარკის წევრის სტატუსი იმ შემთხვევაში, თუ პირი არღვევს ტექნოლოგიურ პარკში სააგენტოს მიერ დადგენილ უსაფრთხოების/ქცევის წესებსა და მომსახურებისათვის დადგენილ პირობებს.

ბიზნესინკუბატორი

სააგენტოს მიერ გამოცხადებულ ტექნოლოგიური პარკის ბიზნესინკუბატორის კონკურსში გამარჯვებულ პირებს ენიჭებათ ბიზნესინკუბატორის წევრის სტატუსი. ბიზნესინკუბატორის წევრობა უზრუნველყოფს შემდეგი მომსახურების მიღებას:

ა) ვირტუალური ინკუბატორის მომსახურება –   ამ დანართის მე-3 მუხლით განსაზღვრული მომსახურების გარდა, ვირტუალური ბიზნესინკუბატორის წევრობა პირს ანიჭებს უფლებას, ისარგებლოს ტექნოპარკში ხელმისაწვდომი საკონსულტაციო მომსახურებით, სატრენინგო ოთახებითა და  საკონფერენციო დარბაზით;

ბ) ინკუბატორის მომსახურება –  ამ მუხლის „ა“ ქვეპუნქტით დადგენილი მომსახურების გარდა, ინკუბატორის წევრობა დამატებით ანიჭებს პირს უფლებას, ისარგებლოს რეზერვირებული სამუშაო სივრცით.

ტექნოლოგიური პარკის ფაბლაბის მომსახურების  პირობები

1. ნებისმიერი დაინტერესებული პირი უფლებამოსილია, ტექნოლოგიური პარკების ფაბლაბებში მიიღოს ამ მუხლით განსაზღვრული ფასიანი მომსახურება.

2. ფაბლაბის მომსახურების საფასური შეადგენს:

ა) დანადგარების მომსახურების საფასური:

საქართველოს მთავრობის 2021 წლის 25 აგვისტოს დადგენილება №425 – ვებგვერდი, 27.08.2021წ.

1. სააგენტო უფლებამოსილია, განსაზღვროს ფაბლაბით სარგებლობის წესი, ინვენტართან დაშვებისა და გამოყენების პირობები, ასევე დაადგინოს სარგებლობის საფასურის შეღავათები. კერძოდ, სააგენტო უფლებამოსილია, თავისი დისკრეციული უფლებამოსილების ფარგლებში,  ინოვაციურ იდეებსა და პროტოტიპებზე სამუშაოდ ფაბლაბით სარგებლობის საფასურისაგან გაათავისუფლოს ფიზიკური პირი და მეწარმე სუბიექტი, რომელიც არ არის რეგისტრირებული დამატებული ღირებულების გადასახადის გადამხდელად.

„2. ფაბლაბის მომსახურების ღირებულებაზე სტუდენტური ტარიფი გავრცელდება ერთი პროექტის, პროდუქტის ან  წარმოების ფარგლებში, ყოველწლიურად პირველი სამი ვიზიტის/ჯავშნის განმავლობაში.

საქართველოს მთავრობის 2021 წლის 25 აგვისტოს დადგენილება №425 – ვებგვერდი, 27.08.2021წ.

  ტექნოლოგიური პარკის საკონფერენციო დარბაზით, სატრენინგო ოთახითა და სამუშაო სივრცით სარგებლობის, ასევე ღონისძიების ორგანიზების პირობები

1. ტექნოლოგიური პარკის საკონფერენციო დარბაზით სარგებლობის უფლება გულისხმობს საკონფერენციო დარბაზისა და შესაბამისი აპარატურის გამოყენების უფლებას ტექნოლოგიებისა და ინოვაციების და ასევე ტექნოლოგიური პარკისთვის ინოვაციებისა და ტექნოლოგიების სფეროებში ღონისძიებების ჩატარების მიზნით, რაზეც სააგენტოსა და დაინტერესებულ პირს შორის იდება შესაბამისი ხელშეკრულება. ტექნოლოგიური პარკისთვის  პრიორიტეტულ სფეროებს განსაზღვრავს სააგენტო.

2. სააგენტო უფლებამოსილია, განსაზღვროს საკონფერენციო დარბაზით სარგებლობის წესი, მათ შორის, დაადგინოს სარგებლობის საფასურის შეღავათები. კერძოდ, სააგენტო უფლებამოსილია, თავისი დისკრეციული უფლებამოსილების ფარგლებში, საკონფერენციო დარბაზით სარგებლობის საფასურისგან გაათავისუფლოს პირი ისეთი უფასო ღონისძიების ჩატარებისთვის, რომელიც მიზნად ისახავს საქართველოში დამწყები ინოვაციური კომპანიების განვითარების ხელშეწყობას.

3. საკონფერენციო დარბაზითა და სატრენინგო სივრცეებით სარგებლობის საფასურის გადახდისაგან გათავისუფლებულნი არიან საქართველოს მთავრობის ადმინისტრაცია, საქართველოს ეკონომიკისა და მდგრადი განვითარების სამინისტრო, ასევე სსიპ – საქართველოს ინოვაციების და ტექნოლოგიების სააგენტო, მათი ორგანიზებით ან თანაორგანიზებით ჩასატარებელი ღონისძიებებისათვის. სააგენტო უფლებამოსილია, განსაზღვროს საკონფერენციო დარბაზითა და სატრენინგო სივრცეებით სარგებლობის წესი, ასევე თავისი დისკრეციული უფლებამოსილების ფარგლებში დაინტერესებული პირები გაათავისუფლოს განსაზღვრული საფასურებისგან.

საქართველოს მთავრობის 2021 წლის 25 აგვისტოს დადგენილება №425 – ვებგვერდი, 27.08.2021წ.

საკონფერენციო დარბაზით სარგებლობის  საფასურია:

საქართველოს მთავრობის 2021 წლის 25 აგვისტოს დადგენილება №425 – ვებგვერდი, 27.08.2021წ.

1. ტექნოლოგიური პარკის სატრენინგო ოთახით სარგებლობის უფლება გულისხმობს დაინტერესებული პირის მიერ სატრენინგო ოთახით, მასში განთავსებული ინვენტარითა და აპარატურით დროებით სასყიდლიან და მიზნობრივ გამოყენებას, რაზეც სააგენტოსა და დაინტერესებულ პირს შორის იდება შესაბამისი ხელშეკრულება.

2. სააგენტო უფლებამოსილია, განსაზღვროს სატრენინგო ოთახით სარგებლობის წესი, მათ შორის, დაადგინოს სარგებლობის საფასურის შეღავათები. კერძოდ, სააგენტო უფლებამოსილია, თავისი დისკრეციული უფლებამოსილების ფარგლებში, სატრენინგო ოთახის სარგებლობის საფასურისგან გაათავისუფლოს პირი ისეთი უფასო ტრენინგების ჩატარებისთვის, რომლებიც მიზნად ისახავს საქართველოში დამწყები ინოვაციური კომპანიების განვითარების ხელშეწყობას.

1. სატრენინგო ოთახებით  სარგებლობის  საფასურები განისაზღვრება საათობრივი ტარიფებით.

2. ერთი დღის განმავლობაში 5 საათზე მეტი დროით დაჯავშნის შემთხვევაში, დღის განმავლობაში საფასურის მაქსიმალური ოდენობა არ უნდა აღემატებოდეს 5 საათისათვის განსაზღვრულ ოდენობას.

3. სატრენინგო ოთახების საფასურებია:

საქართველოს მთავრობის 2021 წლის 25 აგვისტოს დადგენილება №425 – ვებგვერდი, 27.08.2021წ.

  მუხლი 11.  ტექნოლოგიური პარკის სამუშაო სივრცე

სააგენტო უფლებამოსილია, კონკურსის შედეგად შერჩეული პირები ტექნოლოგიურ პარკში უსასყიდლოდ უზრუნველყოს სამუშაო სივრცით ინოვაციურ იდეებსა და პროექტებზე სამუშაოდ. კონკურსის ჩატარების წესი განისაზღვრება სააგენტოს თავმჯდომარის ბრძანებით.

 მუხლი 12. ღონისძიების ორგანიზების მომსახურება 

1. სააგენტო უფლებამოსილია, დაინტერესებულ პირებს გაუწიოს ტექნოლოგიურ პარკში ამ დანართის მე-7 მუხლის პირველი პუნქტით გათვალისწინებული ღონისძიების ორგანიზების მომსახურება.  მომსახურების საფასური შეადგენს 100 ლარს, რაც მოიცავს ღონისძიებისთვის საჭირო აქტივობების დაგეგმვასა და ორგანიზებას (მათ შორის, კვებითი მომსახურების, დამატებითი ტექნიკის ან თარჯიმნის მომსახურების ორგანიზებას, ასევე ღონისძიებისთვის საჭირო სარეკლამო მასალის დამზადების ორგანიზებას).

2. სააგენტო უფლებამოსილია, ღონისძიების ორგანიზების მომსახურების  ფარგლებში ან დამოუკიდებლად, დამატებით გასწიოს ღონისძიების პირდაპირი ტრანსლაციის მომსახურება.  ღონისძიების პირდაპირი ტრანსლაციის მომსახურების საფასური დღეში შეადგენს 300 ლარს.

1. ტექნოლოგიურ პარკებსა და ინოვაციების ცენტრებში ვიდეოგადაღება გულისხმობს შიდა და გარე სივრცეების გამოყენებას  ვიდეოგადაღებების მიზნებისათვის.

2. ვიდეოგადაღების საფასურებია:

საქართველოს მთავრობის 2021 წლის 25 აგვისტოს დადგენილება №425 – ვებგვერდი, 27.08.2021წ.

ამ დადგენილებით განსაზღვრული მომსახურებისათვის საფასურის გადახდა ხორციელდება სააგენტოსა და მომხმარებელს შორის გაფორმებული შესაბამისი ხელშეკრულების საფუძველზე, უნაღდო ანგარიშსწორების წესით, სააგენტოს ანგარიშზე თანხის ჩარიცხვის გზით.