საქართველოს შინაგან საქმეთა სამინისტროს სტრატეგიული კომუნიკაციების დეპარტამენტის დებულების დამტკიცების შესახებ

საქართველოს შინაგან საქმეთა სამინისტროს სტრატეგიული კომუნიკაციების დეპარტამენტის დებულება

მუხლი 1

ეს დებულება განსაზღვრავს საქართველოს შინაგან საქმეთა სამინისტროს (შემდგომში – სამინისტრო ) სტრატეგიული კომუნიკაციების დეპარტამენტის (შემდგომში – დეპარტამენტი ) სამართლებრივ სტატუსს , სტრუქტურას , უფლებამოსილებას , ანგარიშვალდებულებას და აწესრიგებს მის საქმიანობასთან დაკავშირებულ სხვა საკითხებს .

 მუხლი 2

1. დეპარტამენტი წარმოადგენს სამინისტროს სტრუქტურულ ქვედანაყოფს , რომელიც ასრულებს სამინისტროს დებულებით და ამ დებულებით მასზე დაკისრებულ ამოცანებს .

2. დეპარტამენტი თავისი ფუნქციებისა და ამოცანების განხორციელებისას წარმოადგენს სამინისტროს .

3. დეპარტამენტს შესაძლებელია ჰქონდეს ბეჭედი საქართველოს სახელმწიფო გერბის გამოსახულებითა და დეპარტამენტის სახელწოდებით .

4. დეპარტამენტს შესაძლებელია ჰქონდეს ბლანკი დეპარტამენტის ლოგოს , სახელწოდებისა და მისამართის აღნიშვნით .

5. დეპარტამენტი ანგარიშვალდებულია საქართველოს შინაგან საქმეთა მინისტრისა (შემდგომში – მინისტრი ) და კურატორი მინისტრის მოადგილის (არსებობის შემთხვევაში ) წინაშე .

 მუხლი 3

დეპარტამენტი საქმიანობას წარმართავს საქართველოს კონსტიტუციის , საერთაშორისო ხელშეკრულებებისა და შეთანხმებების , საკანონმდებლო და კანონქვემდებარე ნორმატიული აქტების , საქართველოს პრეზიდენტის , საქართველოს მთავრობისა და მინისტრის სამართლებრივი აქტებისა და ამ დებულების შესაბამისად .

 თავი II

დეპარტამენტის ამოცანები და უფლებამოსილებები

  მუხლი 4

დეპარტამენტის ამოცანებია :

ა ) სამინისტროს სისტემის სტრატეგიული კომუნიკაციის პოლიტიკის შემუშავება და დაგეგმვა ;

ბ ) სამინისტროს მიერ დაგეგმილი და განხორციელებული რეფორმების შესახებ , აგრეთვე საზოგადოების მართლშეგნების /ცნობიერების ამაღლების მიზნით სპეციალური საკომუნიკაციო კამპანიების დაგეგმვა და განხორციელება ;

გ ) საინფორმაციო არხების მეშვეობით სამინისტროში მიმდინარე პროცესების შესახებ საზოგადოების ინფორმირება ;

დ ) კომპეტენციის ფარგლებში , სახელმწიფო , არასამთავრობო და სხვა საზოგადოებრივ ორგანიზაციებთან ურთიერთობის დამყარება ;

ე ) საზოგადოებრივი აზრის შესწავლის მიზნით , კვლევითი და ანალიტიკური სამუშაოების ჩატარება და თემატური მასალების დამუშავება ;

ვ ) სამინისტროს ხელმძღვანელობის ინფორმირება საზოგადოებრივი აზრის შესახებ ;

ზ ) საზოგადოებისა და მასმედიის წარმომადგენლებთან თემატური შეხვედრების , პრესკონფერენციებისა და ბრიფინგების მოწყობა ;

თ ) საზოგადოებრივ მაუწყებელსა ან /და კერძო სამაუწყებლო კომპანიებთან ერთად ერთობლივი სატელევიზიო პროექტების შემუშავება ;

ი ) სამინისტროს ოფიციალური ვებგვერდისა და სოციალურ ქსელებში სხვა ოფიციალური გვერდების მართვა ;

კ ) სამინისტროს ფოტო-და ვიდეოარქივის შექმნა და განახლება ;

ლ ) საქართველოს კანონმდებლობით , ასევე მინისტრისა და კურატორი მინისტრის მოადგილის (არსებობის შემთხვევაში ) მიერ საქართველოს კანონმდებლობის საფუძველზე დაკისრებული სხვა ამოცანების განხორციელება .

 მუხლი 5

დეპარტამენტის უფლებამოსილებებია :

ა ) საკომუნიკაციო კონცეფციის , სტრატეგიისა და სამოქმედო გეგმის შემუშავება , განხორციელების უზრუნველყოფა და მონიტორინგი ;

ბ ) კომპეტენციის ფარგლებში , საზოგადოებასა და მასობრივი ინფორმაციის საშუალებებთან ურთიერთობა , მედიის წარმომადგენლებისთვის პრესრელიზების , საინფორმაციო და ვიზუალური მასალების მომზადება და გავრცელება ;

გ ) ქართული და უცხოენოვანი მედიის მონიტორინგი /ანალიზი ;

დ ) სამინისტროს საკომუნიკაციო კონცეფციის , სტრატეგიისა და სამოქმედო გეგმის შემუშავების მიზნით სამინისტროს სისტემის დანაყოფებიდან მიმდინარე და დაგეგმილი აქტივობების თაობაზე ინფორმაციის მიღება ;

ე ) საინფორმაციო კამპანიების უზრუნველყოფის მიზნით შესაბამისი მასალების მომზადება და გავრცელება ;

ვ ) მასმედიის წარმომადგენელთა აკრედიტაცია , რეგისტრაცია და მათი თანხლება სამინისტროს სისტემაში შემავალ ობიექტებზე ვიზიტისას ;

ზ ) საომარი და /ან საგანგებო მდგომარეობის ან სხვა საგანგებო სიტუაციების დროს მასმედიის წარმომადგენლებთან მუშაობის დაგეგმვა და კოორდინირება ;

თ ) ვიზუალური მასალის ტექნიკური მხარის მონიტორინგი და საორგანიზაციო -ტექნიკური საკითხების უზრუნველყოფა ;

ი ) მიმდინარე ღონისძიებების ფოტო და ვიდეოგადაღება , გადაღებული მასალის აღრიცხვა და დაარქივება ;

კ ) მოქალაქეებისგან შემოსულ კითხვებზე პასუხების გაცემა ;

ლ ) სხვადასხვა სახელმწიფო დაწესებულებასთან და სამოქალაქო სექტორთან , კომპეტენციის ფარგლებში, სამინისტროს ურთიერთობის კოორდინაცია ;

მ ) სამინისტროს დანაყოფების საზოგადოებასთან ურთიერთობის ფუნქციის განმახორციელებელი სტრუქტურული ერთეულების /პირების საქმიანობის კოორდინაცია ;

ნ ) კომპეტენციის ფარგლებში საქმისწარმოების ორგანიზება ;

ო ) საქართველოს კანონმდებლობით , ასევე მინისტრისა და კურატორი მინისტრის მოადგილის (არსებობის შემთხვევაში ) მიერ საქართველოს კანონმდებლობის საფუძველზე დაკისრებულ სხვა უფლებამოსილებათა განხორციელება .

 თავი III

დეპარტამენტის სტრუქტურა

მუხლი 6

დეპარტამენტის სტრუქტურული ერთეულებია :

ა ) მედიასთან ურთიერთობის მთავარი სამმართველო :

ა .ა ) პრესცენტრი (სამმართველო ):

ა .ბ ) მედიადაგეგმარების სამმართველო ;

ბ ) სტრატეგიული კომუნიკაციების სამმართველო :

ბ .ა ) სტრატეგიული დაგეგმარების განყოფილება ;

ბ .ბ ) მონიტორინგის და ანალიზის განყოფილება ;

გ ) ციფრული კომუნიკაციების სამმართველო :

გ .ა ) ციფრული და შიდა კომუნიკაციების განყოფილება .

 მუხლი 7

1. მედიასთან ურთიერთობის მთავარი სამმართველოს უფლებამოსილებაა :

ა ) სამინისტროში მიმდინარე პროცესების შესახებ ინფორმაციის მომზადება და გავრცელება ;

ბ ) კომპეტენციის ფარგლებში , საზოგადოებასა და მასობრივი ინფორმაციის საშუალებებთან ურთიერთობა , მედიის წარმომადგენლებისთვის პრესრელიზების , საინფორმაციო და ვიზუალური მასალების მომზადება და გავრცელება ;

გ ) კომპეტენციის ფარგლებში , სახელმწიფო და არასამთავრობო ორგანიზაციებთან ურთიერთობის უზრუნველყოფა ;

დ ) სამოქალაქო სექტორთან ურთიერთობების გაღრმავების მიზნით შესაბამისი ღონისძიებების განხორციელება ;

ე ) მედიაგეგმის შემუშავება და მისი აღსრულების პროცესის კოორდინაცია ;

ვ ) სამინისტროს ხელმძღვანელობის ინფორმირება საზოგადოებრივი აზრის შესახებ ;

ზ ) საქართველოს კანონმდებლობით გათვალისწინებული სხვა უფლებამოსილებების განხორციელება .

2. პრესცენტრის (სამმართველო ) კომპეტენციაა :

ა ) საინფორმაციო არხების მეშვეობით ინფორმაციის გავრცელება ;

ბ ) სამინისტროში მიმდინარე პროცესების (რეფორმები , ოფიციალური შეხვედრები , ვიზიტები და ა .შ .) ამსახველი ინფორმაციის მომზადება და გავრცელება ;

გ ) პრესრელიზების , საინფორმაციო და ვიზუალური მასალების მომზადება და მასობრივ საინფორმაციო საშუალებებში გავრცელება ;

დ ) მასმედიის წარმომადგენელთა აკრედიტაცია , რეგისტრაცია და მათი თანხლება სამინისტროს სისტემაში შემავალ ობიექტებზე ვიზიტისას ;

ე ) საქართველოს კანონმდებლობით გათვალისწინებული სხვა უფლებამოსილებების განხორციელება .

3. მედიადაგეგმარების სამმართველოს კომპეტენციაა :

ა ) მედიაგეგმის შემუშავება და მისი აღსრულების პროცესში მონაწილეობა ;

ბ ) თემატური შეხვედრების , პრესკონფერენციებისა და ბრიფინგების საზოგადოებისა და მასმედიის წარმომადგენლებთან გამართვა ;

გ ) მიმდინარე ღონისძიებების ფოტო-და ვიდეოგადაღება , გადაღებული მასალის აღრიცხვა და დაარქივება ;

დ ) მასობრივი ინფორმაციის საშუალებების წარმომადგენელთან ურთიერთობის საკითხზე სამინისტროს მოსამსახურეებისთვის ინსტრუქციის შემუშავება , გამოცემა , აგრეთვე ლექცია -სემინარის ორგანიზება ;

ე ) საომარი და /ან საგანგებო მდგომარეობის ან სხვა საგანგებო სიტუაციების დროს , მასმედიის წარმომადგენლებთან მუშაობის დაგეგმვა და კოორდინირება ;

ვ ) საზოგადოებრივ მაუწყებელსა ან /და კერძო სამაუწყებლო კომპანიებთან ერთად ერთობლივი სატელევიზიო პროექტების შემუშავება ;

ზ ) მასმედიის წარმომადგენლებთან თემატური შეხვედრების , მედიასემინარების , მედიატურებისა და სხვა აქტივობების განხორციელება ;

თ ) რეგიონებში დეპარტამენტის მოსამსახურეთა საქმიანობის კოორდინაცია ;

ი ) საქართველოს კანონმდებლობით გათვალისწინებული სხვა უფლებამოსილებების განხორციელება .

 მუხლი 8

სტრატეგიული კომუნიკაციების სამმართველოს უფლებამოსილებაა :

ა ) სამინისტროს სისტემის ერთიანი საკომუნიკაციო სტრატეგიისა და პოლიტიკის შემუშავება , დაგეგმვა , განხორციელება და მონიტორინგი ;

ბ ) სამინისტროს სტრატეგიული კომუნიკაციის პოლიტიკის , აგრეთვე საკომუნიკაციო კონცეფციის , სტრატეგიისა და სამოქმედო გეგმის შემუშავების მიზნით , სამინისტროს სისტემის დანაყოფების მონაწილეობით სამუშაო ჯგუფების შექმნის თაობაზე წინადადებების მომზადება და აღნიშნული ჯგუფების საქმიანობაში მონაწილეობა ;

გ ) სამინისტროს სისტემის დანაყოფებიდან დაგეგმილი აქტივობების თაობაზე ინფორმაციის მიღება და საერთო კოორდინაცია ;

დ ) ქართული და უცხოენოვანი მედიის მონიტორინგი /ანალიზი ;

ე ) სახელმწიფო , არასამთავრობო და სხვა საზოგადოებრივ ორგანიზაციებთან ურთიერთობების დამყარება ;

ვ ) საქართველოს კანონმდებლობით გათვალისწინებული სხვა უფლებამოსილებების განხორციელება .

 მუხლი 9

ციფრული კომუნიკაციების სამმართველოს უფლებამოსილებაა :

ა ) ციფრული მედიისთვის საკომუნიკაციო გეგმის შემუშავება და აღსრულება ;

ბ ) საკომუნიკაციო კამპანიის დაგეგმვა და განხორციელება ;

გ ) მოქალაქეებთან კომუნიკაციის უზრუნველყოფა ციფრული საკომუნიკაციო არხების მეშვეობით ;

დ ) ციფრულ მედიაში არსებული საკომუნიკაციო არხების მართვა ;

ე ) სოციალური მედიის მონიტორინგი , ანალიზი და აღნიშნულის საფუძველზე შესაბამისი ღონისძიებების გატარება ;

ვ ) შემოქმედებითი საქმიანობის განხორციელება და განვითარებაზე ორიენტირებული საკომუნიკაციო პროექტების ინიციირება ;

ზ ) კომპეტენციის ფარგლებში სამინისტროს დანაყოფებიდან დაგეგმილი აქტივობების თაობაზე ინფორმაციის მიღება და საერთო კოორდინაცია ;

თ ) შიდა საკომუნიკაციო არხების განსაზღვრა და სისტემატიზაცია ;

ი ) სამინისტროს დანაყოფებში სპიკერის მოძიება და მათი გადამზადება ;

კ ) ოფიციალური გამოსვლის ტექსტებისა და პრეს რელიზების პროექტების მომზადება ;

ლ ) საქართველოს კანონმდებლობით გათვალისწინებული სხვა უფლებამოსილებების განხორციელება .

 თავი IV

დეპარტამენტის ხელმძღვანელობა

  მუხლი 10

1. დეპარტამენტს ხელმძღვანელობს დირექტორი , რომელსაც თანამდებობაზე ნიშნავს და თანამდებობიდან ათავისუფლებს მინისტრი .

2. დეპარტამენტის დირექტორი :

ა ) ხელმძღვანელობს დეპარტამენტს , წყვეტს დეპარტამენტის კომპეტენციას მიკუთვნებულ საკითხებს , წარმართავს დეპარტამენტის საქმიანობას და პასუხისმგებელია დეპარტამენტზე დაკისრებული მოვალეობების ჯეროვანი შესრულებისათვის ;

ბ ) კომპეტენციის ფარგლებში გამოსცემს ინდივიდუალურ ადმინისტრაციულ -სამართლებრივ აქტებს ;

გ ) კონტროლს უწევს დეპარტამენტის მოსამსახურეთა მიერ მოვალეობების ჯეროვნად შესრულებას ;

დ ) ანაწილებს ფუნქცია -მოვალეობებს დეპარტამენტში შემავალ სტრუქტურულ ერთეულებსა და დეპარტამენტის მოსამსახურეებს შორის ;

ე ) მინისტრს და კურატორ მინისტრის მოადგილეს (არსებობის შემთხვევაში ) წარუდგენს წინადადებებს დეპარტამენტის მოსამსახურეთა წახალისების თაობაზე ;

ვ ) მიმართავს სამინისტროს შესაბამის სტრუქტურულ ქვედანაყოფს დეპარტამენტის მოსამსახურეების მიმართ დისციპლინური პასუხისმგებლობის ზომების გამოყენების შესახებ ;

ზ ) აანალიზებს დეპარტამენტის საქმიანობას და მინისტრსა და კურატორ მინისტრის მოადგილეს (არსებობის შემთხვევაში ) წარუდგენს წინადადებებს დეპარტამენტის მუშაობის გაუმჯობესების შესახებ , მათ შორის , დეპარტამენტის სტრუქტურასა და საშტატო განრიგთან დაკავშირებით ;

თ ) სამინისტროს შესაბამის სტრუქტურულ ქვედანაყოფს წარუდგენს წინადადებებს იმ სახსრების , მოწყობილობებისა და ინვენტარის გამოყოფის თაობაზე , რომლებიც საჭიროა დეპარტამენტის ამოცანების შესასრულებლად ;

ი ) ხელს აწერს ან ვიზირებას უკეთებს დეპარტამენტში მომზადებულ დოკუმენტაციას ;

კ ) ყოველწლიურად ან მოთხოვნისამებრ , მინისტრს ან /და კურატორ მინისტრის მოადგილეს (არსებობის შემთხვევაში ) წარუდგენს ანგარიშს დეპარტამენტის მიერ გაწეული საქმიანობის შესახებ ;

ლ ) ამტკიცებს დეპარტამენტის სამუშაო გეგმას ;

მ ) კომპეტენციის ფარგლებში საჭიროებისამებრ უფლებამოსილია დეპარტამენტში შექმნას დროებითი სამუშაო ჯგუფები ;

ნ ) ახორციელებს საქართველოს კანონმდებლობით განსაზღვრულ სხვა ფუნქციებს , ასევე მინისტრისა და კურატორი მინისტრის მოადგილის (არსებობის შემთხვევაში ) ცალკეულ დავალებებს .

3. დეპარტამენტის დირექტორის არყოფნისას მის მოვალეობას მინისტრის ან კურატორი მინისტრის მოადგილის (არსებობის შემთხვევაში ) დავალებით ასრულებს დეპარტამენტის დირექტორის მოადგილე .

მუხლი 11

1. დეპარტამენტის დირექტორს ჰყავს მოადგილე ან მოადგილეები , რომელთაც თანამდებობაზე ნიშნავს და თანამდებობიდან ათავისუფლებს მინისტრი .

2. დეპარტამენტის დირექტორის მოადგილე :

ა ) ხელს უწყობს დეპარტამენტის დირექტორს მასზე დაკისრებული მოვალეობების განხორციელებაში ;

ბ ) ზედამხედველობს სტრუქტურულ ერთეულში მოსამსახურეთა მიერ სამსახურებრივი მოვალეობების შესრულებას , აძლევს მათ შესაბამის მითითებებსა და დავალებებს ;

გ ) ახორციელებს დეპარტამენტში მომზადებული დოკუმენტაციის ვიზირებას ;

დ ) ასრულებს მინისტრის , კურატორი მინისტრის მოადგილისა (არსებობის შემთხვევაში ) და დეპარტამენტის დირექტორის ცალკეულ დავალებებს და მითითებებს ;

ე ) ახორციელებს საქართველოს კანონმდებლობით გათვალისწინებულ სხვა უფლებამოსილებებს .

3. დეპარტამენტის დირექტორის მოადგილე საქართველოს კანონმდებლობით დადგენილი წესით დეპარტამენტზე დაკისრებული სამსახურებრივი ამოცანების შესრულებისათვის ანგარიშვალდებულია მინისტრის , კურატორი მინისტრის მოადგილისა (არსებობის შემთხვევაში ) და დეპარტამენტის დირექტორის წინაშე .

 მუხლი 12

1. დეპარტამენტის სტრუქტურულ ერთეულს ხელმძღვანელობს უფროსი , რომელსაც საქართველოს კანონმდებლობით დადგენილი წესით თანამდებობაზე ნიშნავს და თანამდებობიდან ათავისუფლებს მინისტრი .

2. სტრუქტურული ერთეულის უფროსი :

ა ) ხელმძღვანელობს და წარმართავს სტრუქტურული ერთეულის საქმიანობას და წყვეტს მის კომპეტენციას მიკუთვნებულ საკითხებს ;

ბ ) ანაწილებს საქმეებს , აძლევს დავალებებსა და მითითებებს სტრუქტურული ერთეულის მოსამსახურეებს ; უზრუნველყოფს სტრუქტურული ერთეულის მუშაობის ორგანიზებას ;

გ ) აკონტროლებს სტრუქტურული ერთეულის მოსამსახურეების მიერ სამსახურებრივი მოვალეობების შესრულებას ;

დ ) ახორციელებს სტრუქტურულ ერთეულში მომზადებული დოკუმენტაციის ვიზირებას ;

ე ) დეპარტამენტის დირექტორს წარუდგენს პერიოდულ ანგარიშს სტრუქტურული ერთეულის საქმიანობის შესახებ ;

ვ ) დეპარტამენტის დირექტორს წარუდგენს წინადადებებს სტრუქტურული ერთეულის მოსამსახურეთა წახალისებისა და მათზე დისციპლინური პასუხისმგებლობის დაკისრების თაობაზე ;

ზ ) შეიმუშავებს რეკომენდაციებს და ამზადებს წინადადებებს მოსამსახურეთა პროფესიული გადამზადების საჭიროების შესახებ ;

თ ) ასრულებს საქართველოს კანონმდებლობით განსაზღვრულ სხვა ფუნქციებს , აგრეთვე დეპარტამენტის დირექტორის /დეპარტამენტის დირექტორის მოადგილის მიერ საქართველოს კანონმდებლობის საფუძველზე დაკისრებულ დავალებებს .