საქართველოს საგარეო საქმეთა სამინისტროს სტრატეგიული კომუნიკაციების დეპარტამენტის დებულების დამტკიცების თაობაზე

საქართველოს საგარეო საქმეთა სამინისტროს სტრატეგიული კომუნიკაციების დეპარტამენტის დებულების დამტკიცების თაობაზე

„საქართველოს საგარეო საქმეთა სამინისტროს დებულების დამტკიცების შესახებ“ საქართველოს მთავრობის 2005 წლის 16 ნოემბრის №206 დადგენილებით დამტკიცებული დებულების მე-5 მუხლის პირველი პუნქტის „დ“ ქვეპუნქტის საფუძველზე, ვბრძანებ:

1. დამტკიცდეს საქართველოს საგარეო საქმეთა სამინისტროს სტრატეგიული კომუნიკაციების დეპარტამენტის თანდართული დებულება.

2. ბრძანება ამოქმედდეს გამოქვეყნებისთანავე და მისი მოქმედება გავრცელდეს 2018 წლის 1 აპრილიდან წარმოშობილ სამართლებრივ ურთიერთობებზე. 

საქართველოს საგარეო საქმეთა სამინისტროს სტრატეგიული კომუნიკაციების დეპარტამენტის დებულება

მუხლი 1. ზოგადი დებულებანი

1. საქართველოს საგარეო საქმეთა სამინისტროს (შემდგომში – სამინისტრო) სტრატეგიული კომუნიკაციების დეპარტამენტი (შემდგომში – დეპარტამენტი) არის სამინისტროს სტრუქტურული ქვედანაყოფი, რომლის ძირითადი ამოცანაა საქართველოს საგარეო პოლიტიკის საკითხებზე საკომუნიკაციო გზავნილებისა და ვიზუალური მასალის შემუშავება/გავრცელება; ქვეყნის შიგნით და გარეთ საინფორმაციო კამპანიების დაგეგმვა და განხორციელება; ევროკავშირსა და ნატოში საქართველოს გაწევრიანების კომუნიკაციის შესახებ საქართველოს მთავრობის სტრატეგიის იმპლემენტაცია და კოორდინაცია; საგარეო პოლიტიკის საკითხებზე სამეცნიერო, დონორ, კვლევით და არასამთავრობო ორგანიზაციებთან რეგულარული თანამშრომლობა; ანტიდასავლური პროპაგანდის ანალიზი და შესაბამისი ქმედებების დაგეგმვა/განხორციელება; საზოგადოებრივი აზრის კვლევების ჩატარება და ანალიზი; ციფრული დიპლომატია.

2.  დეპარტამენტი  თავის  საქმიანობაში  ხელმძღვანელობს  საქართველოს კონსტიტუციით, საქართველოს საერთაშორისო ხელშეკრულებებით, საქართველოს საკანონმდებლო და კანონქვემდებარე ნორმატიული აქტებით და საქართველოს საგარეო საქმეთა მინისტრის (შემდგომში – მინისტრი) სამართლებრივი აქტებით.

მუხლი 2. დეპარტამენტის ძირითადი ამოცანები და ფუნქციები

დეპარტამენტის ძირითადი ამოცანები და ფუნქციებია:

ა) სამინისტროს საქმიანობის შესახებ საგარეო პოლიტიკის სტრატეგიით განსაზღვრული მიზნებისა და ამოცანების შესაბამისად, საზოგადოების ფართო წრეების ინფორმირების მიზნით, საკომუნიკაციო პოლიტიკის განსაზღვრა და განხორციელება;

ბ) ევროკავშირსა და ნატოში საქართველოს გაწევრების კომუნიკაციის შესახებ საქართველოს მთავრობის სტრატეგიისა და მისი სამოქმედო გეგმის განხორციელების კოორდინაცია და შესრულების მონიტორინგი;

გ) საქართველოს საგარეო პოლიტიკის საკითხებზე დეზინფორმაციის მონიტორინგი და ანალიზი;

დ) საქართველოს პოზიტიური იმიჯის განმტკიცების უზრუნველსაყოფად, ქვეყნის მიღწევების შესახებ საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებებისათვის პოზიტიური/საიმიჯო ხასიათის ინფორმაციების მიწოდება რეგულარულად, ვებგვერდებსა და სოციალურ მედიაში გამოქვეყნების მიზნით; 

ე) სამინისტროს საინფორმაციო და საზოგადოებასთან ურთიერთობის გენერალური დირექტორატის (შემდგომში – დირექტორატი) ციფრულ გუნდთან ერთად, ციფრული კომუნიკაციის განვითარება – სამინისტროს სოციალური პლატფორმებისთვის შინაარსობრივი/ვიზუალური მასალის მომზადებაში მონაწილეობა და მოქალაქეთა ჩართულობის გაზრდის ხელშეწყობა;

ვ) დირექტორატის ციფრულ გუნდთან ერთად საზღვარგარეთ დიპლომატიური წარმომადგენლობების სოციალური ქსელების ეფექტიანი ფუნქციონირების მიზნით მათ განვითარებაზე ზრუნვა, შინაარსის ფორმირების ხელშეწყობა და მათი ვებგვერდებისა და  სოციალური ქსელების მონიტორინგი;

ზ) სამინისტროს შიდა საკომუნიკაციო ქსელის მეშვეობით ინფორმაციის ოპერატიულად გავრცელება და სამინისტროს პოზიტიური იმიჯის ფორმირების პროცესში თანამშრომელთა აქტიური ჩართულობის ხელშეწყობა;

თ) საქართველოს საგარეო პოლიტიკის საკითხებზე, სამინისტროს საქმიანობაზე საჯარო გზავნილების მომზადება/დამუშავება;  

ი) საქართველოში აკრედიტებულ უცხოურ მედიასთან თანამშრომლობის განვითარება, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების ხელშეწყობა ადგილსამყოფელ ქვეყანაში მედიასთან ეფექტიანი თანამშრომლობის განვითარების მიზნით;

კ) ყოველკვირეული საინფორმაციო ბიულეტენის მომზადება და გავრცელება;

ლ) სტრატეგიული კომუნიკაციების მიმართულებით, ორმხრივ და მრავალმხრივ ფორმატში, თანამშრომლობის განვითარებისა და გაღრმავების ხელშეწყობა. კომპეტენციის ფარგლებში, სტრატეგიული კომუნიკაციის მიმართულებით საქართველოს მთავრობის ადმინისტრაციის, საქართველოს პარლამენტისა და სხვა უწყებების შესაბამის სტრუქტურულ ერთეულებთან თანამშრომლობის უზრუნველყოფა.

საქართველოს საგარეო საქმეთა მინისტრის 2020 წლის 28 ოქტომბრის ბრძანება №01-192 - ვებგვერდი, 30.10.2020წ.

მუხლი 3. დეპარტამენტის ხელმძღვანელობა