1. მაჟორიტარული საარჩევნო სისტემით არჩეულ პარლამენტის წევრს (გარდა თვითმმართველ ქალაქებში არჩეული მაჟორიტარი პარლამენტის წევრებისა) ამომრჩევლებთან ურთიერთობისა და მაჟორიტარი პარლამენტის წევრის ბიუროს მატერიალურ-ტექნიკური უზრუნველყოფისათვის პარლამენტის ბიუჯეტიდან ყოველთვიურად გამოეყოფა 1070 ლარი, ხოლო თვითმმართველ ქალაქში არჩეულ მაჟორიტარ პარლამენტის წევრს – 1400 ლარი. ამ თანხის განკარგვის წესი განისაზღვრება დებულებით, რომელსაც ამტკიცებს პარლამენტის თავმჯდომარე.

საქართველოს პ არლამენ ტის 200 8 წლის 31 იანვრი ს № 5683 დადგენილება - სსმ III, № 17 , 04.02. 200 8 წ ., მუხ. 207

საქართველოს პარლამენტის 2008 წლის 15 ივლისის №208 დადგენილება - სსმ III, №103, 22.07.2008 წ., მუხ.1161

11 . რუსეთის ფედერაციის სამხედრო აგრესიის შედეგად ზემო აფხაზეთიდან (კოდორის ხეობა), ცხინვალის რეგიონიდან, გორის და ახალგორის მუნიციპალიტეტებიდან დევნილ ამომრჩევლებთან ურთიერთობის მიზნით №31, №32, №33, №47 და №85 საარჩევნო ოლქებში არჩეულ მაჟორიტარ პარლამენტის წევრებს პარლამენტის ბიუჯეტიდან ყოველთვიურად დამატებით გამოეყოფათ თითოეულს – 1070 ლარი.

საქართველოს პარლამენტის 2008 წლის 26 დეკემბრის №915 დადგენილება - სსმ III, №187, 31.12.2008 წ., მუხ.1996

საქართველოს პარლამენტის 2009 წლის 24 მარტის №1128 დადგენილება - სსმ III, №40, 31.03.2009 წ., მუხ.462

2. სახელმწიფო და ადგილობრივი თვითმმართველობისა და მმართველობის ორგანოები „საქართველოს პარლამენტის წევრის სტატუსის შესახებ“ საქართველოს კანონის მოთხოვნათა შესაბამისად, ვალდებული არიან სადეპუტატო უფლებამოსილების განხორციელებასთან დაკავშირებით, პარლამენტის წევრის მოთხოვნისთანავე, უზრუნველყონ იგი სამუშაო ოთახით (ოთახებით), სპეციალისტების კონსულტაციებითა და საოფისე ტექნიკით, აგრეთვე მაჟორიტარული საარჩევნო სისტემით არჩეული პარლამენტის წევრი უზრუნველყონ ამომრჩევლებთან შეხვედრებისათვის საჭირო ფართობით (დარბაზით), საკანცელარიო საქონლით, საწვავით და შესაძლებლობის შემთხვევაში – სატრანსპორტო საშუალებით; სათანადო სახსრების არსებობის შემთხვევაში, სახელმწიფო და ადგილობრივი თვითმმართველობისა და მმართველობის ორგანოებს უფლება აქვთ გამოყონ თანხა და მაჟორიტარი პარლამენტის წევრის ბიუროს მოწვეულ სპეციალისტებთან განსაზღვრული ვადით გააფორმონ შრომითი ხელშეკრულებები.

3. ადგილობრივი თვითმმართველობის ორგანოებმა სამუშაო ოთახებით უზრუნველყონ ის პარტიები (ბლოკები), რომლებმაც პროპორციული საარჩევნო სისტემით ჩატარებულ არჩევნებში 5-პროცენტიანი ბარიერი გადალახეს (გარდა „მოქალაქეთა პოლიტიკური გაერთიანებების შესახებ“ საქართველოს ორგანული კანონის 31-ე მუხლის მე-5 პუნქტით გათვალისწინებული პარტიებისა (ბლოკებისა)).

4. ამ დადგენილების პირველი პუნქტის შესაბამისად საქართველოს პარლამენტის მიერ ყოველთვიურად გამოყოფილი თანხის განკარგვის თაობაზე და ადგილობრივი თვითმმართველობისა და მმართველობის ორგანოების მიერ აღმოჩენილი დახმარების შესახებ წერილობით დეტალურ ანგარიშს (ინფორმაციას) მაჟორიტარული საარჩევნო სისტემით არჩეული პარლამენტის წევრი საქართველოს პარლამენტის რეგლამენტის მე-18 მუხლის მე-2 პუნქტის თანახმად, ყოველი წლის ბოლოს წარუდგენს პარლამენტის საპროცედურო საკითხთა და წესების კომიტეტს.

5. ძალადაკარგულად იქნეს ცნობილი საქართველოს პარლამენტის 2000 წლის 16 მაისის №305-IIს დადგენილება „საქართველოს პარლამენტის წევრის ამომრჩევლებთან ურთიერთობის გაუმჯობესების ღონისძიებათა შესახებ“.

6. ეს დადგენილება ამოქმედდეს 2006 წლის 1 მარტიდან.

საქართველოს პარლამენტის

თავმჯდომარის მოადგილე მ. მაჭავარიანი

თბილისი,

2006 წლის 2 მარტი.

№2714-Iს

შეტანილი ცვლილებები:

1. საქართველოს პ არლამენ ტის 2008 წლის 31 იანვრი ს №5683 დადგენილ ება - სსმ III, №17, 04.02.2008 წ., მუხ.207

2. საქართველოს პარლამენტის 2008 წლის 15 ივლის ის №208 დადგენი ლება - სსმ III, №103, 22.07.2008 წ., მუხ.1161

3. საქართველოს პარლამენტის 2008 წლის 26 დეკემბრ ის №915 დადგენი ლება - სსმ III, №187, 31.12.2008 წ., მუხ.1996

4. საქართველოს პარლამენტის 2009 წლის 24 მარტ ის №1128 დადგენი ლება - სსმ III, №40, 31.03.2009 წ., მუხ.462

გამოსვლა შენახვა

Annotate

როგორ დავიმოწმოთ

საქართველოს პარლამენტის დადგენილება „საქართველოს პარლამენტის წევრის ამომრჩევლებთან ურთიერთობის გაუმჯობესების ღონისძიებათა შესახებ“, №2714, 02.03.2006, სარეგისტრაციო კოდი 000000000.00(0).000.000000 (კონსოლიდირებული რედაქცია 24.03.2009). ხელმისაწვდომია: https://legali.ge/law/43606-4/