ქალაქ რუსთავის მუნიციპალიტეტის ბიუჯეტით გათვალისწინებული „შეღავათები მუნიციპალურ ტრანსპორტზე“ ქვეპროგრამის განხორციელების წესის დამტკიცების შესახებ

 „შეღავათები მუნიციპალურ ტრანსპორტზე“ ქვეპროგრამის განხორციელების წესი

 მუხლი 1. ზოგადი დებულებანი

1. „შეღავათები მუნიციპალურ ტრანსპორტზე“ ქვეპროგრამის (კოდი: 06 02 04) განხორციელების წესი (შემდგომში – წესი) განსაზღვრავს ქალაქ რუსთავის მუნიციპალიტეტის ბიუჯეტით გათვალისწინებული  ქვეპროგრამის „შეღავათები მუნიციპალურ ტრანსპორტზე“ (კოდი: 06 02 04) განხორციელების პირობებს და პროცედურებს.

2. ქვეპროგრამის განმახორციელებელია ქალაქ რუსთავის მუნიციპალიტეტის მერიის ჯანმრთელობის დაცვისა და სოციალური მხარდაჭერის სამსახური.

ქალაქ რუსთავის მუნიციპალიტეტის საკრებულოს 2020 წლის 30 ივნისის დადგენილება №205 - ვებგვერდი, 01.07.2020წ.

1. ქვეპროგრამით მოსარგებლე პირებს წარმოადგენენ:   

ა) სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახები, რომელთა  სარეიტინგო ქულა არ აჭარბებს 150 000-ს;

ბ) მკვეთრად გამოხატული შეზღუდული შესაძლებლობების მქონე პირები;

გ) სსიპ – „ვეტერანების საქმეთა სახელმწიფო სამსახურის“ მიერ მოწოდებულ ვეტერანთა სიაში რეგისტრირებული და შესაბამისი უწყების მიერ გაცემული ვეტერანის მოწმობის (სტატუსი) მქონე პირები;

დ) სსიპ – ქალაქ რუსთავის საგანმანათლებლო რესურსცენტრის, რუსთავში რეგისტრირებული საჯარო სკოლების, ა(ა)იპ – ქალაქ რუსთავის სახელოვნებო, სპორტისა და ახალგაზრდობის განვითარების ცენტრის, ა(ა)იპ – ქალაქ რუსთავის საბავშვო ბაგა-ბაღების გაერთიანების, ა(ა)იპ – რუსთავის საბიბლიოთეკო გაერთიანება „ილია ჭავჭავაძის სახელობის მთავარი ბიბლიოთეკის“, ა(ა)იპ – რუსთავის ისტორიული მუზეუმის, ა(ა)იპ – გიგა ლორთქიფანიძის სახელობის რუსთავის მუნიციპალური თეატრის, ა(ა)იპ – შეზღუდული შესაძლებლობების მქონე პირთა ცენტრის, ა(ა)იპ – რუსთავსერვის ცენტრის თანამშრომლები.

2. ქვეპროგრამით გათვალისწინებული მომსახურების მისაღებად პირი რეგისტრირებული და მცხოვრები უნდა იყოს ქალაქ რუსთავში არანაკლებ 2 (ორი) წლის განმავლობაში, უწყვეტად (წყვეტის შემთხვევაში რეგისტრაცია არ უნდა ფიქსირდებოდეს ქალაქ რუსთავის მუნიციპალიტეტის ადმინისტრაციულ საზღვრებს გარეთ), გარდა იძულებით გადაადგილებული პირებისა, რომელთაც დევნილის სტატუსის დამადასტურებელი დოკუმენტის მიხედვით, რეგისტრაციის მისამართად უფიქსირდებათ – ქალაქი რუსთავი.

1. ქვეპროგრამით მოსარგებლეებს დაუფინანსდებათ მუნიციპალური ტრანსპორტით მგზავრობა 0.40 ლარის ოდენობით, თვეში არაუმეტეს 60-ჯერ.

1. ქვეპროგრამით მოსარგებლე პირების ბაზა ფორმირდება ქალაქ რუსთავის მუნიციპალიტეტის მერიაში ყოველთვიურად საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სსიპ "სოციალური მომსახურების სააგენტოდან, საქართველოს იუსტიციის სამინისტროს სსიპ "სახელმწიფო სერვისების განვითარების სააგენტოდან", სსიპ "ვეტერანების საქმეთა სახელმწიფო სამსახურიდან", ქალაქ რუსთავის მუნიციპალიტეტის ადმინისტრაციულ საზღვრებში ამავე წესის მე-2 მუხლის პირველი პუნქტის „დ“ ქვეპუნქტით განსაზღვრული  სსიპ და ა(ა)იპ-ებიდან მიღებული მონაცემების (მონაცემთა ბაზა) და ქალაქ რუსთავის მუნიციპალიტეტის მერიის ჯანმრთელობის დაცვისა და სოციალური მხარდაჭერის  სამსახურის მიერ მოსარგებლე პირების ქვეპროგრამით გათვალისწინებულ მოთხოვნებთან შესაბამისობის დადგენის საფუძველზე.

2. ქალაქ რუსთავის მუნიციპალიტეტის მერიის ჯანმრთელობის დაცვისა და სოციალური მხარდაჭერის სამსახური აწვდის ინფორმაციას შესაბამის ბანკს პროგრამით მოსარგებლეთა შესახებ, რის შემდეგაც ბანკი, მოსარგებლის მიმართვის საფუძველზე უზრუნველყოფს მათთვის მგზავრობისათვის საჭირო ელექტრონული ბარათების  დამზადებასა და გადაცემას.“

3. ქვეპროგრამის დაფინანსებისთვის საჭირო თანხები გამოიყოფა ქალაქ რუსთავის მუნიციპალიტეტის ბიუჯეტით „შეღავათები მუნიციპალურ ტრანსპორტზე (პროგრამული კოდი 06 02 04) ქვეპროგრამით“ გათვალისწინებული ასიგნებებიდან.

1.  ქვეპროგრამის განმახორციელებელი ბანკიდან მიღებული ინფორმაციის (მგზავრობის ტრანზაქციის რაოდენობის რეესტრი) და მასთან არსებული ბაზების შემოწმების საფუძველზე მომსახურების მიმწოდებელთან ადგენს მიღება-ჩაბარების აქტს.

2. მიღება-ჩაბარების აქტის საფუძველზე ქალაქ რუსთავის მუნიციპალიტეტის მერიის საფინანსო-საბიუჯეტო სამსახური ახორციელებს ანგარიშსწორებას მომსახურების მიმწოდებელთან.