„საქართველოს 2010 წლის სახელმწიფო ბიუჯეტის შესახებ“ საქართველოს კანონით გათვალისწინებულ შეზღუდვებზე გამონაკლისის დაშვების თაობაზე“

საქართველოს მთავრობის

დადგენილება №240

2009 წლის 29 დეკემბერი

ქ. თბილისი

„საქართველოს 2010 წლის სახელმწიფო ბიუჯეტის შესახებ“ საქართველოს კანონით გათვალისწინებულ შეზღუდვებზე გამონაკლისის დაშვების თაობაზე

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-5 მუხლის „ა“ ქვეპუნქტის და „საქართველოს 2010 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-8 პუნქტის საფუძველზე:

    მუხლი 1

„საქართველოს 2010 წლის სახელმწიფო ბიუჯეტის შესახებ“ საქართველოს კანონის 23-ე მუხლით გათვალისწინებულ შეზღუდვებზე გამონაკლისის დაშვების მიზნით საბიუჯეტო ორგანიზაციებმა და საჯარო სამართლის იურიდიულმა პირებმა საქართველოს მთავრობასთან შესათანხმებლად უნდა წარმოადგინონ შემდეგი ინფორმაცია:

ა) შტატგარეშე მოსამსახურეთა რაოდენობა იმ შემთხვევაში, თუ გამონაკლისი ეხება „საქართველოს 2010 წლის სახელმწიფო ბიუჯეტის შესახებ“ საქართველოს კანონის 23-ე მუხლის პირველ პუნქტს;

ბ) შტატგარეშე მომუშავეთა რიცხოვნობა და მათი შრომის ანაზღაურება, აგრეთვე ორგანიზაციის შტატით გათვალისწინებული თანამშრომლების საშუალო შრომის ანაზღაურება იმ შემთხვევაში, თუ გამონაკლისი ეხება „საქართველოს 2010 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-2 პუნქტს;

გ) საჯარო სამართლის იურიდიული პირის ხელმძღვანელის თანამდებობრივი სარგოს ოდენობა იმ შემთხვევაში, თუ გამონაკლისი ეხება „საქართველოს 2010 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-3 პუნქტს;

დ) საჯარო სამართლის იურიდიული პირის დასაქმებულთა საშუალო თანამდებობრივი სარგოს ოდენობა იმ შემთხვევაში, თუ გამონაკლისი ეხება „საქართველოს 2010 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-4 პუნქტს;

ე) საჯარო სამართლის იურიდიული პირის შტატით გათვალისწინებული თანამშრომლების რაოდენობა, საშუალო თანამდებობრივი სარგო და წლიური საპრემიო ფონდის მოცულობა იმ შემთხვევაში, თუ გამონაკლისი ეხება „საქართველოს 2010 წლის სახელმწიფო ბიუჯეტის შესახებ“ საქართველოს კანონის 23-ე მუხლის მე-5 პუნქტს;

ვ) ამ დადგენილების პირველი მუხლის „ა“_„ე“ ქვეპუნქტებით გათვალისწინებული ინფორმაცია მთავრობის სხდომაზე წარმოდგენილ უნდა იქნეს 2009-2010 წლებისათვის და აღნიშნულ ინფორმაციას თან დაერთოს დასაბუთებული მიზეზები იმის თაობაზე, თუ რატომ არის აუცილებელი საბიუჯეტო ორგანიზაციის ან/და საჯარო სამართლის იურიდიული პირისათვის კონკრეტული გამონაკლისის დაშვება.

    მუხლი 2

მიეცეთ უფლება საბიუჯეტო ორგანიზაციებსა და საჯარო სამართლის იურიდიულ პირებს, რომ 2010 წლის 1 მარტამდე შტატგარეშე მომუშავეთა რაოდენობა, შტატგარეშე მომუშავეთა საშუალო შრომის ანაზღაურება, საჯარო სამართლის იურიდიული პირის ხელმძღვანელის თანამდებობრივი სარგო და საჯარო სამართლის იურიდიულ პირში დასაქმებულთა საშუალო თანამდებობრივი სარგო განსაზღვრონ არა უმეტეს 2009 წელს არსებული ოდენობით და აღნიშნულ ვადამდე, საქართველოს ფინანსთა სამინისტროსთან შეთანხმებით, საქართველოს მთავრობასთან შესათანხმებლად წარმოადგინონ ამ დადგენილების პირველი მუხლის „ა“–„დ“ ქვეპუნქტებით გათვალისწინებული ინფორმაცია.

საქართველოს მთავრობის 2010 წლის 27 იანვრის დადგენილება №21 - სსმ III, №10, 28.01.2010 წ., მუხ.112

 

    მუხლი 2^​1.

 ,,საქართველოს 2010 წლის სახელმწიფო ბიუჯეტის შესახებ“ საქართველოს კანონის 23-ე მუხლით გათვალისწინებული შეზღუდვები არ გავრცელდეს უცხოეთიდან მიღებული კრედიტებისა და გრანტების ფარგლებში განსახორციელებელ პროექტებზე, პროგრამებსა და ღონისძიებებზე, აგრეთვე, ავტონომიური რესპუბლიკებისა და ადგილობრივი თვითმმართველობის ერთეულების წარმომადგენლობით და აღმასრულებელ ორგანოებზე.

საქართველოს მთავრობის 2010 წლის 23 თებერვლის დადგენილება №56 - სსმ III, №23, 26.02.2010 წ., მუხ.321

    მუხლი 3

დადგენილება ამოქმედდეს 2010 წლის 1 იანვრიდან.

პრემიერ-მინისტრი ნ. გილაური

შეტანილი ცვლილებები:

1. საქართველოს მთავრობის 2010 წლის 27 იანვრ ის დადგენილება №21 - სსმ III, №10, 28.01.2010 წ., მუხ.112

2. საქართველოს მთავრობის 2010 წლის 23 თებერვლის დადგენილება №56 - სსმ III, №23, 26.02.2010 წ., მუხ.321

Annotate