საქართველოს განათლების, მეცნიერებისა და ახალგაზრდობის სამინისტროს ადმინისტრაციის (დეპარტამენტი) დებულების დამტკიცების შესახებ

✨ ჰკითხე AI-ს ამ კანონის შესახებ

საქართველოს მინისტრის ბრძანება ძალადაკარგული ადგილობრივი მმართველობა

მიღების თარიღი

26.03.2021 ძალადაკარგული 18.09.2025

გამომცემი ორგანო

საქართველოს განათლებისა და მეცნიერების მინისტრი

ნომერი

№03/ნ

სარეგისტრაციო კოდი

010240030.22.022.018003

გამოქვეყნების წყარო

matsne.gov.ge , 26/03/2021

🕸️ გრაფი — კავშირების ვიზუალიზაცია

← უკუმითითება ცვლილება → 🧬 სემანტიკური ეს აქტი

ცვლილებები (6)

შემდგომი ცვლილებები (1)

საქართველოს განათლების, მეცნიერებისა და ახალგაზრდობის სამინისტროს ადმინისტრაციის (დეპარტამენტი) დებულების დამტკიცების შესახებ

18.09.2025

წინა ცვლილებები (5)

„საქართველოს განათლების, მეცნიერებისა და ახალგაზრდობის სამინისტროს ადმინისტრაციის (დეპარტამენტი) დებულების დამტკიცების შესახებ“ საქართველოს განათლებისა და მეცნიერების მინისტრის 2021 წლის 26 მარტის №03/ნ ბრძანებაში ცვლილების შეტანის თაობაზე

09.06.2025

,,საქართველოს განათლებისა და მეცნიერების სამინისტროს ადმინისტრაციის (დეპარტამენტი) დებულების დამტკიცების შესახებ“ საქართველოს განათლებისა და მეცნიერების მინისტრის 2021 წლის 26 მარტის №03/ნ ბრძანებაში ცვლილების შეტანის თაობაზე

28.12.2023

„საქართველოს განათლებისა და მეცნიერების სამინისტროს ადმინისტრაციის (დეპარტამენტი) დებულების დამტკიცების შესახებ“ საქართველოს განათლებისა და მეცნიერების მინისტრის 2021 წლის 26 მარტის №03/ნ ბრძანებაში ცვლილების შეტანის თაობაზე

12.12.2023

31.01.2023

„საქართველოს განათლებისა და მეცნიერების სამინისტროს ადმინისტრაციის (დეპარტამენტი) დებულების დამტკიცების შესახებ“ საქართველოს განათლებისა და მეცნიერების მინისტრის 2021 წლის 26 მარტის № 03/ნ ბრძანებაში ცვლილების შეტანის თაობაზე

08.04.2022

26.03.2021 08.04.2022 31.01.2023 12.12.2023 28.12.2023 09.06.2025 18.09.2025

დოკუმენტის ტექსტი

⇄ რედაქციების შედარება

საქართველოს განათლებისა და მეცნიერების მინისტრის

ბრძანება №03/ნ

2021 წლის 26 მარტი

ქ. თბილისი

საქართველოს განათლებისა და მეცნიერების მინისტრის 2023 წლის 28 დეკემბრის ბრძანება №154/ნ - ვებგვერდი, 29.12.2023წ.

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-18 მუხლის მე-2 პუნქტისა და ,,საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2021 წლის 19 მარტის №118 დადგენილებით დამტკიცებული დებულების მე-3 მუხლის მე-2 პუნქტის ,,ა“, ,,ლ“ და „მ“ ქვეპუნქტების საფუძველზე, ვბრძანებ:

მუხლი 1

დამტკიცდეს საქართველოს განათლების, მეცნიერებისა და ახალგაზრდობის სამინისტროს ადმინისტრაციის (დეპარტამენტი) თანდართული დებულება.

მუხლი 2

ბრძანება ამოქმედდეს გამოქვეყნებისთანავე.

საქართველოს განათლებისა და მეცნიერების მინისტრი მიხეილ ჩხენკელი

საქართველოს განათლების, მეცნიერებისა და ახალგაზრდობის სამინისტროს ადმინისტრაციის (დეპარტამენტი) დებულება

თავი I

ზოგადი დებულებანი

მუხლი 1

ეს დებულება განსაზღვრავს საქართველოს განათლების, მეცნიერებისა და ახალგაზრდობის სამინისტროს (შემდგომ – სამინისტრო) ადმინისტრაციის (დეპარტამენტი) (შემდგომში – ადმინისტრაცია) სტრუქტურას, უფლებამოსილებას, ანგარიშვალდებულებას და აწესრიგებს ადმინისტრაციის საქმიანობასთან დაკავშირებულ სხვა საკითხებს.

მუხლი 2

ადმინისტრაცია არის სამინისტროს პირველადი სტრუქტურული ერთეული.

მუხლი 3

ადმინისტრაცია თავის საქმიანობაში ხელმძღვანელობს საქართველოს კონსტიტუციით, საერთაშორისო ხელშეკრულებებით, საქართველოს კანონებით, საქართველოს პრეზიდენტის, საქართველოს მთავრობისა და საქართველოს განათლების, მეცნიერებისა და ახალგაზრდობის მინისტრის (შემდგომ – მინისტრი) სამართლებრივი აქტებით, სამინისტროს დებულებით, წინამდებარე დებულებით და სხვა საკანონმდებლო და კანონქვემდებარე ნორმატიული აქტებით.

მუხლი 4

ადმინისტრაცია თავისი კომპეტენციის ფარგლებში წარმოადგენს სამინისტროს და ანგარიშვალდებულია მინისტრის წინაშე. მინისტრი ადმინისტრაციას უწევს სამსახურებრივ ზედამხედველობას კანონმდებლობით დადგენილი წესით.

საქართველოს განათლებისა და მეცნიერების მინისტრის 2022 წლის 8 აპრილის ბრძანება №51/ნ - ვებგვერდი, 11.04.2022 წ.

თავი II

ადმინისტრაციის კომპეტენცია, სტრუქტურა და ადმინისტრაციაში შემავალი მეორადი სტრუქტურული ერთეულების კომპეტენციები

მუხლი 5

ადმინისტრაციის კომპეტენციაა:

ა) სამინისტროს ადამიანური რესურსების მართვის პოლიტიკის განსაზღვრა, სამინისტროს სისტემაში ადამიანური რესურსების მართვის პოლიტიკის სრულყოფის მიზნით, რეკომენდაციების შემუშავება;

ბ) სამინისტროს საშტატო ნუსხით გათვალისწინებული თითოეული თანამდებობის სამუშაო აღწერილობების და საკვალიფიკაციო მოთხოვნების შედგენა;

გ) პერსონალის შერჩევის მიზნით, კონკურსების ორგანიზება და ჩატარება, ასევე, სამინისტროს და სამინისტროს სისტემის შესაბამის მოსამსახურეთა დანიშვნის, სამსახურებრივი გადაადგილების, გათავისუფლების, წახალისებისა და დისციპლინური პასუხისმგებლობის ღონისძიებათა გამოყენების, შვებულებისა და მივლინებების შესახებ ბრძანებების პროექტების მომზადება და შრომითი/ადმინისტრაციული ხელშეკრულებების გაფორმება;

დ) სამინისტროში სტაჟიორთა შესარჩევი კონკურსის ჩატარების უზრუნველყოფა, სტაჟირებასთან დაკავშირებული საკითხების ორგანიზება და სტაჟირების პროცესის ზედამხედველობა;

ე) სამინისტროს პერსონალისა და სამინისტროს სისტემის შესაბამის მოსამსახურეთა მონაცემთა ბაზის შექმნა და ადმინისტრირება, მათი პირადი საქმეების წარმოება;

ვ) სამინისტროს თანამშრომელთა საქმიანობის შეფასების თანამედროვე სისტემის დანერგვა და შეფასების პროცესის მონიტორინგი;

ზ) სამინისტროს თანამშრომელთა პროფესიული განვითარების დაგეგმვა/ორგანიზება და ამ მიზნით შესაბამისი რესურსების მოძიება;

თ) სამინისტროს საქმიანობის ეფექტიანობის ამაღლების მიზნით, საქმისწარმოების ერთიანი წესების დამკვიდრება;

ი) საქმისწარმოების საკითხების შესახებ ნორმატიული და მეთოდური დოკუმენტების შემუშავება და დანერგვა;

კ) საიდუმლო საქმისწარმოების განხორციელება;

ლ) სამინისტროს არქივის მართვა, დოკუმენტების დაცულობისა და მათზე სწრაფი წვდომის უზრუნველყოფა;

მ) საქმისწარმოებაში დასრულებული დოკუმენტაციის აღრიცხვა, დამუშავება და გადაცემა არქივისათვის არსებული წესის შესაბამისად;

ნ) საჯარო ინფორმაციის ხელმისაწვდომობის უზრუნველყოფა და ინფორმაციის პროაქტიულად გამოქვეყნება;

ო) საქართველოს პარლამენტის რეგლამენტის თანახმად, საქართველოს პარლამენტის წევრის კითხვაზე შესაბამის რეაგირება;

პ) საშვთა ბიუროს გამართულად და ეფექტურად მუშაობის უზრუნველყოფა და მოქალაქეთა მისაღების მართვა;

ჟ) სამინისტროს სტრუქტურული ერთეულებიდან, სამინისტროს სისტემაში შემავალი დაწესებულებებიდან, ასევე სხვა უწყებებიდან და ორგანიზაციებიდან მიღებული მონაცემების ანალიზი;

რ) განათლების, მეცნიერებისა და ახალგაზრდობის სფეროში ტენდენციებისა და რეფორმების ანალიზი;

ს) განათლების სისტემაში მიმდინარე პროცესების შესახებ ანგარიშების, შეფასებებისა და ანალიზის მომზადება;

ტ) სხვა უწყებებთან და ორგანიზაციებთან მონაცემთა გაზიარების მიზნით, შესაბამისი ღონისძიებების განხორციელება;

უ) ანალიტიკური მიმართულების გასაძლიერებლად, საერთაშორისო პარტნიორებთან ურთიერთობების დამყარება;

ფ) განათლების, მეცნიერებისა და ახალგაზრდობის სფეროში დაგეგმილი სიახლეებისა და რეფორმების შესრულების კოორდინაცია;

ქ) სამინისტროს სტრუქტურულ ერთეულებსა და სამინისტროს სისტემაში შემავალ დაწესებულებებს შორის კოორდინაციის უზრუნველყოფა;

ღ) სახელმწიფო უწყებებთან და ორგანიზაციებთან თანამშრომლობის კოორდინაცია;

ყ) სამინისტროს სისტემაში ინსტიტუციური გაძლიერების საჭიროებების იდენტიფიცირება და შესაბამისი ღონისძიებების განხორციელება;

შ) კომპეტენციის ფარგლებში, სამინისტროს სისტემაში მიმდინარე პროექტების დანერგვისა და განვითარების მხარდაჭერა და კოორდინაცია;

ჩ) სამინისტროს სტრუქტურული ერთეულებისა და სამინისტროს სისტემაში შემავალი დაწესებულებების ჩართულობის უზრუნველყოფა პროექტების განხორციელების პროცესში;

ც) საგანგებო სიტუაციების (სტიქიური მოვლენები, ინფრასტრუქტურული კრიზისები, ჯანმრთელობის სფეროს საგანგებო მდგომარეობები და სხვ.) შემთხვევაში სამინისტროს სტრუქტურული ერთეულებისა და სამინისტროს სისტემაში შემავალი დაწესებულებების ერთიანი რეაგირების კოორდინაცია;

ძ) საქართველოს კანონმდებლობითა და ადმინისტრაციის დებულებით გათვალისწინებული სხვა უფლებამოსილებების განხორციელება.

საქართველოს განათლებისა და მეცნიერების მინისტრის 2023 წლის 12 დეკემბრის ბრძანება №134/ნ - ვებგვერდი, 13.12.2023 წ.

საქართველოს განათლების, მეცნიერებისა და ახალგაზრდობის მინისტრის 2025 წლის 9 ივნისის ბრძანება №39/ნ - ვებგვერდი, 09.06.2025წ.

მუხლი 6

ადმინისტრაციაში შემავალი მეორადი სტრუქტურული ერთეულებია:

ა) საქმისწარმოების სამმართველო;

ბ) ადამიანური რესურსების მართვის სამმართველო;

გ) საგანმანათლებლო პოლიტიკისა და ანალიტიკის სამმართველო;

დ) კოორდინაციისა და პროექტების მართვის სამმართველო.

მუხლი 7 (ამოღებულია)

საქართველოს განათლებისა და მეცნიერების მინისტრის 2023 წლის 31 იანვრის ბრძანება №04/ნ - ვებგვერდი, 01.02.2023 წ.

მუხლი 8

საქმისწარმოების სამმართველოს კომპეტენციაა:

ა) სამინისტროს საქმიანობის ეფექტიანობის ამაღლების მიზნით საქმისწარმოების ერთიანი წესების დამკვიდრება;

ბ) საქმისწარმოების საკითხების შესახებ ნორმატიული და მეთოდური დოკუმენტების შემუშავება და დანერგვა;

გ) სამინისტროში ცენტრალიზებული ელექტრონული დოკუმენტბრუნვის უზრუნველყოფა;

დ) სამინისტროში შემოსული, შიდა და გასული კორესპონდენციების დოკუმენტბრუნვის უზრუნველყოფა;

ე) სამინისტროსთვის საფოსტო მომსახურების უზრუნველყოფა;

ვ) სამინისტროს ძირითადი საქმიანობისა და საკადრო (დანიშვნა/გათავისუფლების) ელექტრონულ ბრძანებათა მატერიალური ასლების დამოწმებული სახით შენახვა;

ზ) სამინისტროს სახელით დადებული ხელშეკრულებების, შეთანხმებების (გარდა შესყიდვების ხელშეკრულებისა და შეთანხმებებისა) რეგისტრაცია, შენახვა და რეესტრის წარმოება;

თ) სამინისტროს სახელით დადებული მემორანდუმების რეგისტრაცია და შენახვა;

ი) სამინისტროს საქმისწარმოებისთვის საჭირო ბლანკების, ბეჭდებისა და შტამპების გამოყენების ორგანიზება;

კ) სამინისტროს სტრუქტურული ერთეულების მიერ კორესპონდენციების შესრულების კვარტალური და წლიური მონიტორინგი;

ლ) სამინისტროში დასაქმებული ახალი თანამშრომლებისათვის დოკუმენტბრუნვის ელექტრონული სისტემის (EFLOW) ტრენინგების ჩატარების უზრუნველყოფა;

მ) სამინისტროში დაწესებულების საქმეთა ნომენკლატურის შემუშავების უზრუნველყოფა;

ნ) სამინისტროს არქივის მართვა, დოკუმენტების დაცულობისა და მათზე სწრაფი წვდომის უზრუნველყოფა;

ო) საქმისწარმოებაში დასრულებული დოკუმენტაციის აღრიცხვა, დამუშავება და გადაცემა არქივისათვის არსებული წესის შესაბამისად;

პ) საიდუმლო საქმისწარმოების განხორციელება, ორგანიზება და საიდუმლო რეჟიმის დაცვის უზრუნველყოფა, მათ შორის, საიდუმლო კორესპონდენციის მიღების, რეგისტრაციის, მოძრაობისა და გაფორმების, გაგზავნის, დავალებათა შესრულების კონტროლის, საქმეთა ფორმირების, არქივში დოკუმენტაციის ჩაბარებისა და დაცვის ორგანიზების უზრუნველყოფა;

ჟ) საშვთა ბიუროს გამართულად და ეფექტურად მუშაობის უზრუნველყოფა;

რ) მოქალაქეთა მისაღების მართვა;

ს) საჯარო ინფორმაციის ხელმისაწვდომობის უზრუნველყოფა და ინფორმაციის პროაქტიულად გამოქვეყნება;

ტ) საქართველოს პარლამენტის რეგლამენტის თანახმად, საქართველოს პარლამენტის წევრის მიერ დასმულ კითხვაზე პასუხის მომზადების უზრუნველყოფა;

უ) სამმართველოს კომპეტენციაში შემავალ საკითხებზე სხვადასხვა სახელმწიფო და არასახელმწიფო დაწესებულების, აგრეთვე, მოქალაქეთა განცხადებებისა და წერილების დადგენილი წესით განხილვა და მათზე რეაგირება;

ფ) ამ დებულებითა და საქართველოს კანონმდებლობით მინიჭებული სხვა უფლებამოსილებების განხორციელება.

მუხლი 9 (ამოღებულია)

მუხლი 10

ადამიანური რესურსების მართვის სამმართველოს კომპეტენციაა:

ბ) თითოეული თანამდებობის სპეციფიკისა და ამ თანამდებობისათვის დადგენილი სამუშაო აღწერილობის შინაარსის გათვალისწინებით, შესაბამის სტრუქტურულ ქვედანაყოფთან თანამშრომლობით, სამინისტროს პროფესიული საჯარო მოხელის დამატებითი საკვალიფიკაციო მოთხოვნების შემუშავება;

გ) სამინისტროს საშტატო ნუსხით გათვალისწინებული თითოეული თანამდებობის სამუშაო აღწერილობების და საკვალიფიკაციო მოთხოვნების შედგენა;

დ) თითოეული თანამდებობის სპეციფიკისა და ამ თანამდებობისათვის დადგენილი სამუშაო აღწერილობის შინაარსის გათვალისწინებით, შესაბამის სტრუქტურულ ქვედანაყოფთან თანამშრომლობით, რესურსცენტრებისა და საჯარო სამართლის იურიდიული პირების (გარდა საგანმანათლებლო და სამეცნიერო-კვლევითი დაწესებულებებისა) უფროსებისა და მინისტრის ინდივიდუალური ადმინისტრაციულ-სამართლებრივი აქტით დასანიშნი მათი მოადგილეების საკვალიფიკაციო მოთხოვნების შემუშავება;

ე) შესაბამის სტრუქტურულ ქვედანაყოფთან თანამშრომლობით, პროფესიული საგანმანათლებლო დაწესებულებებისა და სამეცნიერო-კვლევითი დაწესებულებების დირექტორების დანიშვნასა და გათავისუფლებასთან დაკავშირებით კანონმდებლობით გათვალისწინებული ღონისძიებების განხორციელება;

ვ) სამინისტროს საშტატო ნუსხის პროექტისა და რესურსცენტრების საშტატო ნუსხების პროექტების შედგენა და მინისტრისათვის დასამტკიცებლად წარდგენა;

ზ) საჯარო მოსამსახურეთა შერჩევის მიზნით კონკურსების ორგანიზება, ტესტირებისა და გასაუბრების დაგეგმვა და ჩატარება;

თ) საკონკურსო კომისიის მუშაობის ორგანიზაციული მხარდაჭერა, შესაბამისი დოკუმენტების მომზადება, ანალიზი და სათანადო რეკომენდაციების შემუშავება;

ი) სამინისტროს საჯარო მოსამსახურეთა კარიერის მართვა, დადგენილი წესის შესაბამისად დანიშვნის, გადაყვანის, მობილობის, გათავისუფლების, წახალისებისა და დისციპლინური პასუხისმგებლობის ღონისძიებათა გამოყენების, შვებულებისა და მივლინებების შესახებ ბრძანებების პროექტების მომზადება;

კ) რესურსცენტრებისა და საჯარო სამართლის იურიდიული პირების (გარდა საგანმანათლებლო და სამეცნიერო-კვლევითი დაწესებულებებისა) უფროსებისა და მინისტრის ინდივიდუალური ადმინისტრაციულ-სამართლებრივი აქტით დასანიშნი მათი მოადგილეების შერჩევის მიზნით კონკურსების ორგანიზება, ტესტირებისა და გასაუბრების დაგეგმვა და ჩატარება, დანიშვნისა და გათავისუფლების შესახებ ბრძანებების პროექტების მომზადება;

ლ) სამინისტროში დასასაქმებელ პირებთან ადმინისტრაციული და შრომითი ხელშეკრულებების გაფორმების უზრუნველყოფა;

მ) საქართველოს მოქმედი კანონმდებლობის შესაბამისად, ადმინისტრაციული და შრომითი ხელშეკრულებით დასაქმებულ პირთა, ასევე მინისტრის ინდივიდუალური ადმინისტრაციულ-სამართლებრივი აქტით დანიშნულ პირთა პირადი საქმეების შექმნა და წარმოება;

ნ) სამინისტროს შინაგანაწესის შემუშავება და მისი დაცვის უზრუნველყოფა;

ო) სახელმწიფო ჯილდოებზე განათლებისა და მეცნიერების სფეროში მოღვაწეთა წარდგენის მიზნით მასალების მომზადება და პროცესის უზრუნველყოფა;

პ) სამინისტროს საჯარო მოსამსახურეთა საქმიანობის შეფასების თანამედროვე სისტემის დანერგვის უზრუნველყოფა;

ჟ) სამინისტროს საჯარო მოსამსახურეთა შეფასების პროცესში მონაწილეობა;

რ) სამინისტროს საჯარო მოსამსახურეთა პროფესიული განვითარების დაგეგმვა და ამ მიზნით შესაბამისი ორგანიზაციული საკითხების უზრუნველყოფა;

ს) სამინისტროს საჯარო მოსამსახურეთა კორპორატიული ფასეულობებისა და ორგანიზაციული კულტურის ჩამოყალიბება და ამ მიზნით სხვადასხვა აქტივობების დაგეგმვა და ორგანიზება;

ტ) სამინისტროში ახლად მიღებულ საჯარო მოსამსახურეთა ადაპტაციის პროცესის წარმართვა;

უ) სამინისტროში სტაჟიორთა შესარჩევი კონკურსის ჩატარების უზრუნველყოფა, სტაჟირებასთან დაკავშირებული საკითხების ორგანიზება და სტაჟირების პროცესის კოორდინაცია; ბრძანების პროექტების მომზადება სტაჟიორთა დანიშვნა/გათავისუფლების თაობაზე;

ფ) სამინისტროში ადამიანური რესურსების გადაადგილებისა და დენადობის თაობაზე სტატისტიკური მონაცემების წარმოება და პერიოდული ანალიზი;

ქ) ადამიანური რესურსების მართვის სფეროში საუკეთესო პრაქტიკის მოძიება, სხვა სახელმწიფოთა გამოცდილების შესწავლა და განზოგადება. სხვადასხვა სამინისტროსთან, არასამთავრობო ორგანიზაციებთან, ქართველ და უცხოელ ექსპერტებთან ურთიერთობა ადამიანური რესურსების მართვის საკითხებთან დაკავშირებით;

ღ) საშვების (ფიზიკური პირისათვის/ავტომანქანის) დამზადების უზრუნველყოფა;

ყ) მინისტრის ინდივიდუალური ადმინისტრაციულ-სამართლებრივი აქტით დამტკიცებული ფორმის შესაბამისად შემდეგი ბაზების წარმოება:

ყ.ა) სამინისტროს საჯარო მოსამსახურეთა მონაცემთა ბაზა;

ყ.ბ) რესურსცენტრების უფროსების მონაცემთა ბაზა;

ყ.გ) სამინისტროს სისტემაში შემავალი საჯარო სამართლის იურიდიული პირების (გარდა საგანმანათლებლო და სამეცნიერო-კვლევითი დაწესებულებებისა) ხელმძღვანელებისა და მინისტრის ინდივიდუალური ადმინისტრაციულ-სამართლებრივი აქტით დანიშნული მათი მოადგილეების მონაცემთა ბაზა;

ყ.დ) მინისტრის მიერ დანიშნული საგანმანათლებლო და სამეცნიერო-კვლევითი დაწესებულებების დირექტორების მონაცემთა ბაზა;

ყ.ე) საშვების (ფიზიკური პირისათვის/ავტომანქანის) მონაცემთა ბაზა;

შ) სამინისტროდან გათავისუფლებულ საჯარო მოსამსახურეთა შემოვლის ფურცლისა და სპეციალური კითხვარის შევსების ორგანიზება;

ჩ) სამივლინებო მოწმობების გაცემისა და სამინისტროს ეკონომიკური დეპარტამენტის საბუღალტრო აღრიცხვის სამმართველოსათვის დროულად მიწოდების უზრუნველყოფა;

ც) სამინისტროს საჯარო მოსამსახურეებზე დასაქმებისა და შრომის ანაზღაურების შესახებ ცნობების გაცემა;

ძ) სამმართველოს კომპეტენციაში შემავალ საკითხებზე სხვადასხვა სახელმწიფო და არასახელმწიფო დაწესებულების, აგრეთვე, მოქალაქეთა განცხადებებისა და წერილების დადგენილი წესით განხილვა და მათზე რეაგირება;

წ) ამ დებულებითა და საქართველოს კანონმდებლობით მინიჭებული სხვა უფლებამოსილებების განხორციელება.

მუხლი 10¹

საგანმანათლებლო პოლიტიკისა და ანალიტიკის სამმართველოს კომპეტენციაა:

ა) სამინისტროს სტრუქტურული ერთეულებიდან, სამინისტროს სისტემაში შემავალი დაწესებულებებიდან, ასევე სხვა უწყებებიდან და ორგანიზაციებიდან მიღებული მონაცემების ანალიზი;

ბ) განათლების, მეცნიერებისა და ახალგაზრდობის სფეროში ტენდენციებისა და რეფორმების ანალიზი;

გ) ზოგადი, პროფესიული და უმაღლესი განათლებისა და მეცნიერების სფეროს ანალიზი, შედარებითი შეფასება;

დ) განათლების სისტემაში მიმდინარე პროცესების შესახებ ანგარიშების, შეფასებებისა და ანალიზის მომზადება;

ე) სხვა უწყებებთან და ორგანიზაციებთან მონაცემთა გაზიარების მიზნით შესაბამისი ღონისძიებების განხორციელება;

ვ) ანალიტიკური მიმართულების გასაძლიერებლად საერთაშორისო პარტნიორებთან ურთიერთობების დამყარება;

ზ) ამ დებულებითა და საქართველოს კანონმდებლობით მინიჭებული სხვა უფლებამოსილებების განხორციელება.

მუხლი 10²

კოორდინაციისა და პროექტების მართვის სამმართველოს კომპეტენციაა:

ა) განათლების, მეცნიერებისა და ახალგაზრდობის სფეროში დაგეგმილი სიახლეებისა და რეფორმების შესრულების კოორდინაცია;

ბ) სამინისტროს სტრუქტურულ ერთეულებსა და სამინისტროს სისტემაში შემავალ დაწესებულებებს შორის კოორდინაციის უზრუნველყოფა;

გ) სახელმწიფო უწყებებთან და ორგანიზაციებთან თანამშრომლობის კოორდინაცია;

დ) განათლების და მეცნიერების სისტემაში ინსტიტუციური გაძლიერების, სოციალური მხარდაჭერის, ადმინისტრაციული და ტექნოლოგიური საჭიროების იდენტიფიცირება, ცვლილებების ინიცირება, საპროექტო წინადადებების მომზადება, დანერგვის ხელშეწყობა. სამინისტროს სისტემაში დასაქმებული პირების საპროექტო ინიციატივების განხორციელების მხარდაჭერა;

ე) მიმდინარე პროექტების დანერგვის მონიტორინგი, განვითარების მხარდაჭერა (კომპეტენციის ფარგლებში), უკუკავშირის და ეფექტიანობის შეფასება;

ვ) სამინისტროს სტრუქტურული ერთეულებისა და სამინისტროს სისტემაში შემავალი დაწესებულებების ჩართულობის უზრუნველყოფა პროექტების განხორციელების პროცესში;

ზ) საგანგებო სიტუაციების (სტიქიური მოვლენები, ინფრასტრუქტურული კრიზისები, ჯანმრთელობის სფეროს საგანგებო მდგომარეობები და სხვ.) შემთხვევაში სამინისტროს სტრუქტურული ერთეულებისა და სამინისტროს სისტემაში შემავალი დაწესებულებების ერთიანი რეაგირების კოორდინაცია.

თავი III

ადმინისტრაციის ხელმძღვანელობა და საჯარო მოსამსახურეები

მუხლი 11

1. ადმინისტრაციაში საჯარო სამსახურს ეწევიან:

ა) ადმინისტრაციის უფროსი;

ბ) ადმინისტრაციის უფროსის მოადგილე;

გ) სამმართველოს უფროსი;

დ) პირველი კატეგორიის უფროსი სპეციალისტი;

ე) მეორე კატეგორიის უფროსი სპეციალისტი;

ვ) (ამოღებულია - 08.04.2022, №51/ნ);

ზ) პირველი კატეგორიის უმცროსი სპეციალისტი;

თ) (ამოღებულია - 08.04.2022, №51/ნ);

2. ადმინისტრაციაში დამხმარე ან არამუდმივი ამოცანების შესასრულებლად შეიძლება მიღებულ იქნეს შრომითი ხელშეკრულებით დასაქმებული პირი.

3. ადმინისტრაციის საჯარო მოსამსახურეებს თანამდებობაზე ნიშნავს და თანამდებობიდან ათავისუფლებს მინისტრი.

4. ადმინისტრაციის საჯარო მოსამსახურეთა უფლებამოსილებები განისაზღვრება საქართველოს კანონმდებლობითა და ამ დებულებით.

5. ადმინისტრაციის საშტატო რიცხოვნობა განისაზღვრება სამინისტროს საშტატო ნუსხით, რომელსაც ამტკიცებს მინისტრი.

მუხლი 12

1. ადმინისტრაციას ხელმძღვანელობს ადმინისტრაციის უფროსი.

2. ადმინისტრაციის უფროსი ანგარიშვალდებულია მინისტრისა და ზედამხედველი მინისტრის პირველი მოადგილის წინაშე.

3. ადმინისტრაციის უფროსი:

ა) ხელმძღვანელობს და წარმართავს ადმინისტრაციის საქმიანობას;

ბ) წარმოადგენს ადმინისტრაციას დაკისრებული უფლებამოსილებების განხორციელებისას;

გ) ზედამხედველობასა და კოორდინაციას უწევს ადმინისტრაციის სამმართველოების მუშაობას;

დ) ანაწილებს ფუნქციებს ადმინისტრაციის სამმართველოებსა და ადმინისტრაციის საჯარო მოსამსახურეებს შორის, აძლევს მათ მითითებებსა და დავალებებს;

ე) ხელს აწერს და ითანხმებს სამმართველოში მომზადებულ დოკუმენტებს, ასევე თავისი კომპეტენციის ფარგლებში ახორციელებს სამინისტროს სტრუქტურული ერთეულების მიერ შემუშავებული დოკუმენტების ვიზირებას;

ვ) ზედამხედველობს ადმინისტრაციის საჯარო მოსამსახურეების მიერ სამსახურებრივი მოვალეობების ჯეროვან შესრულებას;

ზ) აკონტროლებს მინისტრის ბრძანებების, მითითებების, დავალებების, მინისტრის პირველი მოადგილისა და მინისტრის მოადგილეების დავალებების შესრულებას ადმინისტრაციის საჯარო მოსამსახურეთა მიერ;

თ) აკონტროლებს ადმინისტრაციის საჯარო მოსამსახურეთა მიერ დისციპლინის დაცვას სამინისტროს შინაგანაწესის შესაბამისად;

ი) წარუდგენს მინისტრსა და მინისტრის პირველ მოადგილეს წლიურ ანგარიშს ადმინისტრაციის მიერ გაწეული საქმიანობის შესახებ ყოველი წლის ბოლოს. ასევე, პერიოდულ ანგარიშებს მინისტრისა და მინისტრის პირველი მოადგილის მოთხოვნისამებრ;

კ) ასრულებს მინისტრის, მინისტრის პირველი მოადგილისა და მინისტრის მოადგილეების ცალკეულ დავალებებს;

ლ) სამინისტროს სახელით იღებს გადაწყვეტილებას და ხელს აწერს შესაბამის ბრძანებებს:

ლ.ა) პირველადი სტრუქტურული ერთეულების ხელმძღვანელების, მათი მოადგილეებისა და მეორადი სტრუქტურული ერთეულების ხელმძღვანელების ფუნქციათა დაკისრების შესახებ;

ლ.ბ) სამინისტროს მომსახურეთა ქვეყნის შიგნით და ქვეყნის ფარგლებს გარეთ მივლინების შესახებ;

ლ.გ) სამინისტროს მომსახურეთა შვებულებაში გასვლის შესახებ;

ლ.დ) (ამოღებულია - 12.12.2023, №134/ნ);

ლ.ე) (ამოღებულია - 12.12.2023, №134/ნ);

მ) სამინისტროს სახელით იღებს გადაწყვეტილებას და ხელს აწერს ადამიანური რესურსების მართვის სამმართველოში მომზადებულ შესაბამის კორესპონდენციას:

მ.ა) ცნობა – სამსახურის ან/და ანაზღაურების, სტაჟირების შესახებ;

მ.ბ) წერილი – საინფორმაციო ხასიათის კორესპონდენცია, პირის სადეკლარაციო თანამდებობაზე განწესების ან/და სადეკლარაციო თანამდებობიდან გათავისუფლების შესახებ;

მ.გ) წერილი – საინფორმაციო ხასიათის კორესპონდენცია, გამარტივებული საჯარო კონკურსის გარეშე პირთან გაფორმებული შრომითი ხელშეკრულების შესახებ;

მ.დ) უზრუნველყოფს სამინისტროს სახელით რეკომენდაციების გაცემას.

ნ) ახორციელებს ამ დებულებითა და საქართველოს კანონმდებლობით განსაზღვრულ სხვა ფუნქციებს.

4. ადმინისტრაციის უფროსის მივლინებაში, შვებულებაში ან საავადმყოფო ფურცელზე ყოფნის შემთხვევაში ადმინისტრაციის უფროსის ფუნქციას ასრულებს მინისტრის/უფლებამოსილი პირის ბრძანებით განსაზღვრული ადმინისტრაციის უფროსის მოადგილე, ხოლო ამ უკანასკნელის მივლინებაში, შვებულებაში, საავადმყოფო ფურცელზე ყოფნის შემთხვევაში, ადმინისტრაციის უფროსის ფუნქციას ასრულებს მინისტრის/უფლებამოსილი პირის ბრძანებით განსაზღვრული ერთ-ერთი სამმართველოს უფროსი.

5. ადმინისტრაციის უფროსის მიერ, ამ მუხლის მე-4 პუნქტით გათვალისწინებული მიზეზის გარდა, ადმინისტრაციის უფროსის მოვალეობის შესრულების შეუძლებლობის შემთხვევაში, ადმინისტრაციის უფროსის ზეპირსიტყვიერი დავალების საფუძველზე, ადმინისტრაციის უფროსის მოადგილე კოორდინაციას და ზედამხედველობას უწევს ადმინისტრაციის საქმიანობას, ასევე, ხელს აწერს ადმინისტრაციაში მომზადებულ დოკუმენტებს.

6. ადმინისტრაციის უფროსის, ადმინისტრაციის უფროსის მოადგილისა და სამმართველოს უფროსის ერთდროულად არყოფნის ან მათ მიერ ერთდროულად თავიანთი სამსახურებრივი უფლებამოსილების განხორციელების შეუძლებლობის შემთხვევაში ადმინისტრაციის უფროსის ფუნქციას ასრულებს მინისტრის/უფლებამოსილი პირის ბრძანებით განსაზღვრული ადმინისტრაციის ერთ-ერთი საჯარო მოხელე.

მუხლი 13

1. ადმინისტრაციის უფროსს ჰყავს სამინისტროს საშტატო ნუსხით განსაზღვრული მოადგილე/მოადგილეები.

2. ადმინისტრაციის უფროსის მოადგილე:

ა) ხელს უწყობს ადმინისტრაციის უფროსს მასზე დაკისრებული უფლებამოსილებების განხორციელებაში;

ბ) ზედამხედველობს ადმინისტრაციის საჯარო მოსამსახურეთა მიერ სამსახურებრივი უფლებამოსილების შესრულებას;

გ) ასრულებს მინისტრის, მინისტრის პირველი მოადგილის, მინისტრის მოადგილეებისა და ადმინისტრაციის უფროსის დავალებებს;

დ) ადმინისტრაციის უფროსის მივლინებაში, შვებულებაში, საავადმყოფო ფურცელზე ყოფნის შემთხვევაში მინისტრის/უფლებამოსილი პირის ბრძანების საფუძველზე ახორციელებს ადმინისტრაციის უფროსის უფლებამოსილებას;

დ¹) ადმინისტრაციის უფროსის მიერ, ამ მუხლის მეორე პუნქტის „დ“ ქვეპუნქტით გათვალისწინებული მიზეზის გარდა, ადმინისტრაციის უფროსის მიერ მოვალეობის შესრულების შეუძლებლობის შემთხვევაში, ადმინისტრაციის უფროსის ზეპირსიტყვიერი დავალების საფუძველზე, კოორდინაციასა და ზედამხედველობას უწევს ადმინისტრაციის საქმიანობას, ასევე ხელს აწერს ადმინისტრაციაში მომზადებულ დოკუმენტებს;

ე) ავიზებს ადმინისტრაციაში მომზადებულ დოკუმენტებს;

ვ) ახორციელებს საქართველოს კანონმდებლობითა და ამ დებულებით მისთვის მინიჭებულ სხვა უფლებამოსილებებს.

3. ადმინისტრაციის უფროსის მოადგილე, კანონმდებლობით დადგენილი წესით, მასზე დაკისრებული სამსახურებრივი ამოცანების შესრულებისათვის ანგარიშვალდებულია ადმინისტრაციის უფროსის, მინისტრისა და ზედამხედველი მინისტრის პირველი მოადგილის წინაშე.

4. ადმინისტრაციის უფროსის მოადგილის არყოფნის ან მის მიერ ადმინისტრაციის უფროსის მოადგილის მოვალეობის შესრულების შეუძლებლობის შემთხვევაში ადმინისტრაციის უფროსის მოადგილის ფუნქციას ასრულებს მინისტრის/უფლებამოსილი პირის ბრძანებით განსაზღვრული ერთ-ერთი სამმართველოს უფროსი ან ადმინისტრაციის ერთ-ერთი საჯარო მოხელე.

მუხლი 14

1. სამმართველოს უფროსი:

ა) ხელმძღვანელობს სამმართველოს საქმიანობას;

ბ) წარმოადგენს სამმართველოს და პასუხისმგებელია სამმართველოს კომპეტენციის ფარგლებში სამმართველოს უფლებამოსილებათა შესრულებაზე;

გ) ანაწილებს ფუნქციებს სამმართველოს მოსამსახურეებს შორის, აძლევს მათ მითითებებსა და დავალებებს;

დ) ხელს აწერს და ითანხმებს სამმართველოში მომზადებულ დოკუმენტებს, ასევე თავისი კომპეტენციის ფარგლებში ითანხმებს სამინისტროს სტრუქტურული ერთეულების მიერ შემუშავებულ დოკუმენტებს;

ე) აკონტროლებს სამმართველოს საჯარო მოსამსახურეთა მიერ სამსახურებრივი მოვალეობების შესრულებას, ასევე, დისციპლინის დაცვას სამინისტროს შინაგანაწესის შესაბამისად;

ვ) ხელს უწყობს სამმართველოში შრომის სათანადო პირობების შექმნას და საჯარო მოსამსახურეთა პროფესიული ცოდნის დონის ამაღლებას;

ზ) (ამოღებულია - 09.06.2025, №39/ნ);

თ) ასრულებს მინისტრის, მინისტრის პირველი მოადგილის, მინისტრის მოადგილეებისა და ადმინისტრაციის უფროსის/უფროსის მოადგილის ცალკეულ დავალებებს, ახორციელებს კანონმდებლობით მინიჭებულ სხვა უფლებამოსილებებს.

2. (ამოღებულია - 12.12.2023, №134/ნ);

3. სამმართველოს უფროსი სამმართველოს კომპეტენციის ფარგლებში უფლებამოსილებების განხორციელებისას ანგარიშვალდებულია ადმინისტრაციის უფროსისა და ადმინისტრაციის უფროსის მოადგილის წინაშე.

4. სამმართველოს უფროსის მივლინებაში, შვებულებაში, საავადმყოფო ფურცელზე ყოფნის დროს ან მის მიერ სამმართველოს უფროსის მოვალეობის შესრულების შეუძლებლობის შემთხვევაში სამმართველოს უფროსის ფუნქციას ასრულებს მინისტრის/უფლებამოსილი პირის ბრძანებით განსაზღვრული ადმინისტრაციის ერთ-ერთი საჯარო მოხელე.

მუხლი 15

1. ადმინისტრაციის საჯარო მოსამსახურეები:

ა) ახორციელებენ ადმინისტრაციის შესაბამისი სტრუქტურული ერთეულის უფლებამოსილებას;

ბ) ადმინისტრაციის შესაბამისი სტრუქტურული ერთეულის უფლებამოსილების ფარგლებში ვალდებულნი არიან, დაიცვან წინამდებარე დებულება.

2. ადმინისტრაციის საჯარო მოსამსახურეები ასრულებენ შესაბამისი სამმართველოს უფროსის, ადმინისტრაციის უფროსის მოადგილის და ადმინისტრაციის უფროსის ცალკეულ მითითებებსა და დავალებებს.

3. ადმინისტრაციის საჯარო მოსამსახურეები ანგარიშვალდებულნი არიან ადმინისტრაციის უფროსის, ადმინისტრაციის უფროსის მოადგილის და შესაბამისი სამმართველოს უფროსის წინაშე.

4. ადმინისტრაციის საჯარო მოსამსახურეთა უფლებამოსილებები განისაზღვრება ამ დებულებითა და საქართველოს კანონმდებლობით.

გამოსვლა შენახვა

Annotate

როგორ დავიმოწმოთ

საქართველოს მინისტრის ბრძანება „საქართველოს განათლების, მეცნიერებისა და ახალგაზრდობის სამინისტროს ადმინისტრაციის (დეპარტამენტი) დებულების დამტკიცების შესახებ“, №03/ნ, 26.03.2021, სარეგისტრაციო კოდი 010240030.22.022.018003 (კონსოლიდირებული რედაქცია 09.06.2025). ხელმისაწვდომია: https://legali.ge/law/5129540-5/

შემდგომი ცვლილებები (1)

წინა ცვლილებები (5)

დოკუმენტის ტექსტი

მუხლი 101🔗

მუხლი 102🔗

მუხლი 1🔗

მუხლი 2🔗

მუხლი 1🔗

მუხლი 2🔗

მუხლი 3🔗

მუხლი 4🔗

მუხლი 5🔗

მუხლი 6🔗

მუხლი 7🔗

მუხლი 8🔗

მუხლი 9🔗

მუხლი 10🔗

მუხლი 101🔗

მუხლი 102🔗

მუხლი 11🔗

მუხლი 12🔗

მუხლი 13🔗

მუხლი 14🔗

მუხლი 15🔗

როგორ დავიმოწმოთ