სახელმწიფოებრივი მხარდაჭერის მოსაპოვებლად ბავშვთა და ახალგაზრდული კავშირების მიერ შემუშავებული პროექტების კონკურსის ჩატარების ვადის, წესისა და პირობების დებულების დამტკიცების შესახებ

"ბავშვთა და ახალგაზრდული კავშირების სახელმწიფოებრივი მხარდაჭერის შესახებ” საქართველოს კანონის მე-10 და მე-15 მუხლების საფუძველზე, დამტკიცდეს სახელმწიფოებრივი მხარდაჭერის მოსაპოვებლად ბავშვთა და ახალგაზრდული კავშირების მიერ შემუშავებული პროექტების კონკურსის ჩატარების ვადის, წესისა და პირობების დებულების დამტკიცების შესახებ თანდართული დებულება.

ზ. გაიპარაშვილი

დ ე ბ უ ლ ე ბ ა

I. ზოგადი დებულება

1. საქართველოში სახელმწიფოებრივი ახალგაზრდული პოლიტიკის სფეროში პროგრამებისა და პროექტების განსახორციელებლად გრანტების მოსაპოვებელი კონკურსი ბავშვებსა და ახალგაზრდებზე, აგრეთვე მათ კავშირებზე სახელმწიფო ზრუნვის გამოხატულებაა და წარმოადგენს სტიმულირების ფორმას კავშირების წევრთა საზოგადოებრივად სასარგებლო საქმიანობაში მონაწილეობისათვის.

2. სახელმწიფოს მიერ ახალგაზრდული პოლიტიკის სფეროში განსახორციელებელი პროგრამებისა და პროექტების დაფინანსება – ეს არის საქართველოს ხელისუფლების მიერ ბავშვთა და ახალგაზრდული კავშირებისათვის, სახელმწიფოებრივი მხარდაჭერის მიზნით, ფინანსური სახსრების გრანტის წესით გადაცემა, "ბავშვთა და ახალგაზრდული კავშირების სახელმწიფოებრივი მხარდაჭერის შესახებ” საქართველოს კანონის შესაბამისად.

II. კონკურსში მონაწილენი

3. სახელმწიფოებრივი ახალგაზრდული პოლიტიკის სფეროში განსახორციელებელი პროგრამებისა და პროექტების დაფინანსების მისაღებად კონკურსში მონაწილეობის უფლება აქვთ ბავშვთა და ახალგაზრდულ კავშირებს.

საქართველოს კულტურის, ძეგლთა დაცვისა და სპორტის მინისტრის 2006 წლის 20 მარტის ბრძანება №3/60-სსმIII, №42, 30.03.2006წ.; მუხ.480

საქართველოს სპორტისა და ახალგაზრდობის საქმეთა მინისტრის 2010 წლის 30 აგვისტოს ბრძანება №41-სსმIII, №108, 31.08.2010წ.; მუხ.1686

საქართველოს სპორტისა და ახალგაზრდობის საქმეთა მინისტრის 2013 წლის 2 მაისის ბრძანება №01/285, ვებგვერდი - 08 .05.2013წ.

III. კონკურსის ჩატარების ვადები, წესები და პირობები

4. წარმოდგენილი პროექტი უნდა შეესაბამებოდეს ახალგაზრდული პოლიტიკის განხორციელების სახელმწიფო პროგრამით განსაზღვრულ პრიორიტეტულ მიმართულებებს.

5. საქართველოს სპორტისა და ახალგაზრდობის საქმეთა სამინისტროდან გრანტის წესით მიღებული თანხა შეიძლება გამოყენებულ იქნეს მხოლოდ პროგრამების პროექტში განსაზღვრული მიზნებისათვის.

6. კონკურსი ტარდება არანაკლებ წელიწადში ერთხელ.

IV. სახელმწიფოებრივი ახალგაზრდული პოლიტიკის სფეროში განსახორციელებელი პროგრამებისა და პროექტების წარდგენისა და შერჩევის წესი

7. პროგრამების პროექტების წარდგენის ვადებს აწესებს საქართველოს სპორტისა და ახალგაზრდობის საქმეთა სამინისტრო, სამინისტროს სათათბიროსთან ერთად.

7¹. ბავშვთა და ახალგაზრდულ კავშირს უფლება აქვს ყოველ კონკურსში დასაფინანსებლად წარმოადგინოს მხოლოდ ერთი პროექტი.

8. პროგრამების პროექტში მითითებული უნდა იყოს ინფორმაცია პროექტის ავტორთა შესახებ. პრობლემის განსაზღვრა, პროექტის მიზანი, მოსალოდნელი შედეგები, სამუშაო და ხარჯთაღრიცხვა.

9. ზემოჩამოთვლილი პირობებისა და გამოყოფილი სახსრების გათვალისწინებით პროგრამების პროექტებს კონკურსის წესით განიხილავს საქართველოს სპორტისა და ახალგაზრდობის საქმეთა სამინისტროს სათათბირო.

10. ბავშვთა და ახალგაზრდული კავშირების მიერ შემუშავებული პროგრამების პროექტების სახელმწიფოებრივი მხარდაჭერის საკითხს, საქართველოს კანონმდებლობის შესაბამისად, კონკურსის საფუძველზე, წყვეტს საქართველოს სპორტისა და ახალგაზრდობის საქმეთა სამინისტროს სათათბირო.

10¹. პროექტების სახელმწიფოებრივი მხარდაჭერის საკითხ ზე გადაწყვეტილების მიღებამდე სათათბიროს უფლება აქვს, რომ საქართველოს ბავშვთა და ახალგაზრდობის განვითარების ფონდის საშუალებით პროექტის წარმომდგენ ბავშვთა და ახალგაზრდულ კავშირს მიმართოს რეკომენდაციით წარმოდგენილი პროექტის ფინანსურ პარამეტრებში კორექტივების შეტანისა და ზემოაღნიშნული გადაწყვეტილების მიღებამდე დამატებით წარმოდგენის თაობაზე, თუ მოცემული პროექტის შინაარსობრივი ნაწილი შეესაბამება სათათბიროს მიერ განსაზღვრულ დასაფინანსებელ პრიორიტეტებს და ამ მხრივ მიზანშეწონილია მისი სახელმწიფოებრივი მხარდაჭერ ა.

საქართველოს სპორტისა და ახალგაზრდობის საქმეთა მინისტრის 2013 წლის 12 აპრილის ბრძანება №01/236, ვებგვერდი - 15.04.2013წ.

11. კონკურსზე გამარჯვებულ ბავშვთა და ახალგაზრდული კავშირებისა და პროექტების დაფინანსებას ახორციელებს ბავშვთა და ახალგაზრდობის განვითარების ფონდი მოქმედი კანონმდებლობის შესაბამისად.

12. კავშირი მიღებული სახსრების ხარჯვის შესახებ ანგარიშვალდებულია ბავშვთა და ახალგაზრდობის განვითარების ფონდისა და სხვა მაკონტროლებელი ორგანოების წინაშე.

13. კავშირი ვალდებულია წარუდგინოს მოხსენება სათათბიროს გაწეული მუშაობის შესახებ.

14. სათათბიროს წევრები პრიორიტეტების მიხედვით განიხილავენ კავშირების მიერ განსახორციელებელი პროექტების ანგარიშს და წარუდგენენ სათათბიროს დასკვნებს.

გამოსვლა შენახვა

Annotate

როგორ დავიმოწმოთ

აღმასრულებელი ხელისუფლების სხვა სახელმწიფო ორგანოს ხელმძღვანელის ბრძანება “სახელმწიფოებრივი მხარდაჭერის მოსაპოვებლად ბავშვთა და ახალგაზრდული კავშირების მიერ შემუშავებული პროექტების კონკურსის ჩატარების ვადის, წესისა და პირობების დებულების დამტკიცების შესახებ”, №2, 15.02.2001, სარეგისტრაციო კოდი 040.040.040.12.201.004.656 (კონსოლიდირებული რედაქცია 02.05.2013). ხელმისაწვდომია: https://legali.ge/law/52060-4/