"ბავშვთა და ახალგაზრდული კავშირების სახელმწიფოებრივი მხარდაჭერის შესახებ’’ კანონის მე-10 და მე-15 მუხლების საფუძველზე დამტკიცდეს საქართველოს ახალგაზრდობის საქმეთა სახელმწიფო დეპარტამენტის სათათბიროს თანდართული დებულება.

ზ. გაიპარაშვილი

სპორტის და ახალგაზრდობის საქმეთა დეპარტამენტის სათათბიროს

დებულება

საქართველოს კულტურის, ძეგლთა დაცვისა და სპორტის მინისტრის 2006 წლის 20 მარტის ბრძანება №3/59-სსმIII, №42, 30.03.2006წ.; მუხ.479

I. ზოგადი დებულება

1. სათათბირო იქმნება "ბავშვთა და ახალგაზრდული კავშირების სახელმწიფოებრივი მხარდაჭერის შესახებ’’ საქართველოს კანონის საფუძველზე.

II. სათათბიროს ძირითადი მიზნები და ამოცანები

სათათბიროს ძირითადი მიზნები და ამოცანებია:

2. რეესტრში გატარებული ბავშვთა და ახალგაზრდული კავშირების სახელმწიფოებრივი კოორდინაცია.

3. დასაფინანსებელი პრიორიტეტების განსაზღვრა.

4. ბავშვთა და ახალგაზრდული კავშირების რეესტრში გატარებულ ორგანიზაციათა პროექტების დაფინანსების საკითხის კონკურსის წესით გადაწყვეტა.

III. სათათბიროს საქმიანობა და შემადგენლობა

5. სათათბიროს საქმიანობის ძირითადი ფორმაა სათათბიროს სხდომები, რომლებიც მოიწვევა წელიწადში არანაკლებ ორჯერ.

6. სათათბიროში წარმოდგენილი უნდა იყოს როგორც ბავშვთა, ასევე ახალგაზრდული კავშირები.

7. სათათბიროს სხდომა უფლებამოსილია, თუ მას ესწრება სათათბიროს წევრთა უბრალო უმრავლესობა.

საქართველოს კულტურის, ძეგლთა დაცვისა და სპორტის მინისტრის 2004 წლის 15 დეკემბრის ბრძანება №3/437-სსმIII, №151, 23.12.2004წ.; მუხ.1370

8. საქართველოს კულტურის, ძეგლთა დაცვისა და სპორტის სამინისტროს სახელმწიფო საქვეუწყებო დაწესებულება – სპორტის და ახალგაზრდობის საქმეთა დეპარტამენტის თავმჯდომარეს და წევრთა არანაკლებ 1/3-ს საჭიროების შემთხვევაში შეუძლიათ მოიწვიონ სათათბიროს რიგგარეშე სხდომა.

9. სათათბირო შედგება თხუთმეტი წევრისაგან, რომელთაგან 6 წევრს წარადგენს ბავშვთა და ახალგაზრდობის განვითარების ფონდის დირექტორი რეესტრში გატარებულ ბავშვთა და ახალგაზრდული კავშირებიდან. ხოლო 8 წევრს ნიშნავს სპორტის და ახალგაზრდობის საქმეთა დეპარტამენტის თავმჯდომარე.

საქართველოს ახალგაზრდობის საქმეთა სახელმწიფო დეპარტამენტის თავმჯდომარის 2003 წლის 21 აპრილის ბრძანება №12-სსმIII, №39, 01.05.2003წ.; მუხ.348

10. სათათბიროს თავმჯდომარეა საქართველოს კულტურის, ძეგლთა დაცვისა და სპორტის სამინისტროს სახელმწიფო საქვეუწყებო დაწესებულება – სპორტის და ახალგაზრდობის საქმეთა დეპარტამენტის თავმჯდომარე.

11. სათათბირო თავისი კომპეტენციის ფარგლებში ერთობლივი განხილვის გზით, ღია კენჭისყრით, დამსწრეთა უბრალო უმრავლესობით იღებს გადაწყვეტილებას. სათათბიროს გადაწყვეტილება ფორმდება საქართველოს კულტურის, ძეგლთა დაცვისა და სპორტის სამინისტროს სახელმწიფო საქვეუწყებო დაწესებულება – სპორტის და ახალგაზრდობის საქმეთა დეპარტამენტის თავმჯდომარის მიერ.

12. სათათბიროს წევრთა უფლებამოსილება განისაზღვრება ორი წლით.

IV. სათათბიროს წევრობა და უფლება-მოვალეობანი

13. სათათბიროს წევრებს უფლება აქვთ:

ა) შეიტანონ თავისი წინადადებები და რეკომენდაციები სათათბიროს მიერ განსახილველი ნებისმიერი საკითხების შემუშავებაში.

ბ) მონაწილეობა მიიღონ სათათბიროში წარმოდგენილი წინადადებების განხილვაში;

გ) მონაწილეობა მიიღონ კენჭისყრაში.

14. სათათბიროს წევრი ვალდებულია:

ა) მონაწილეობა მიიღოს სათათბიროს საქმიანობაში, დაესწროს სხდომებს;

ბ) დაიცვას წინამდებარე დებულება;

გ) სათათბიროს წევრი, რომელიც არის იმ კავშირის წევრი, რომლის მიერ წარმოდგენილი პროექტის განხილვაც მიმდინარეობს სათათბიროს სხდომაზე, არ მონაწილეობს აღნიშნული პროექტის კენჭისყრაში.

15. სათათბიროს წევრის ვადამდე ადრე უფლებამოსილების შეწყვეტის საფუძვლებია:

ა) სათათბიროს სხდომების არასაპატიო მიზეზით გაცდენა;

ბ) წარმოდგენილი კავშირის ლიკვიდაცია;

გ) წევრის წარმოდგენილი კავშირიდან გასვლა;

დ) პირადი განცხადება.

16. სათათბიროს წევრის ვადამდე ადრე უფლებამოსილების შეწყვეტისას შესაბამისი კავშირი და სპორტის და ახალგაზრდობის საქმეთა დეპარტამენტი ცვლის სათათბიროს წევრის კანდიდატურას.

V. სათათბიროს მართვა

17. სათათბიროს საქმიანობის საერთო კოორდინაციას და ხელმძღვანელობას, კოლეგიალობის პრინციპის დაცვით, ახორციელებს საქართველოს კულტურის, ძეგლთა დაცვისა და სპორტის სამინისტროს სახელმწიფო საქვეუწყებო დაწესებულება – სპორტის და ახალგაზრდობის საქმეთა დეპარტამენტის თავმჯდომარის მეშვეობით.

18. სათათბიროს შემადგენლობას ამტკიცებს საქართველოს კულტურის, ძეგლთა დაცვისა და სპორტის სამინისტროს სახელმწიფო საქვეუწყებო დაწესებულება – სპორტის და ახალგაზრდობის საქმეთა დეპარტამენტის თავმჯდომარე.

გამოსვლა შენახვა

Annotate

როგორ დავიმოწმოთ

აღმასრულებელი ხელისუფლების სხვა სახელმწიფო ორგანოს ხელმძღვანელის ბრძანება „საქართველოს განათლებისა და მეცნიერების სამინისტროს სათათბიროს დებულების დამტკიცების შესახებ“, №4, 15.02.2001, სარეგისტრაციო კოდი 010.040.020.12.201.004.657 (კონსოლიდირებული რედაქცია 20.03.2006). ხელმისაწვდომია: https://legali.ge/law/52066-3/